The Latest
وحدت نیوز(لاہور) مجلس وحدت مسلمین شعبہ خواتین لاھور کی جانب سے ایڈن ایونیو میں تین روزہ سمر کیمپ کا انعقاد کیا گیا۔لاھور کے علاقے ایڈن ایونیو میں منعقدہ سمر کیمپ ایم ڈبلیو ایم لاھور کی سیکرٹری جنرل محترمہ حنا تقوی ،ڈپٹی سیکرٹری جنرل محترمہ عظمی نقوی ، محترمہ نجبہ اور محترمہ فرحانہ نے مختلف فقہی اور دینی موضوعات پر درس و تدریس کے فرائض انجام دیے۔
شرکا سے اپنے خطاب میں محترمہ حنا تقوی کا کہنا تھا کہ انسان کی حقیقی عزت و کامیابی اسی بات میں پوشیدہ ہے کہ وہ علم کے ذریعے اپنے رب کی معرفت حاصل کرے اور اسکے بتاے ہوے احکامات کے مطابق زندگی بسر کرے۔ انھوں نے کہا کہ بچوں کی دین سے آشنائ اور آگہی کے لیے اقدامات کرنا والدین کے اولین فرائض میں شامل ہے۔
وحدت نیوز(لاہور) خیرالعمل ویلفیئراینڈ ڈیویلپمنٹ ٹرسٹ شعبہ فلاح وبہبود مجلس وحدت مسلمین شمالی لاہور ،وحدت یوتھ لاہور اور حربی زون پرائیوٹ لمیٹڈ کے تعاون سے شجرکاری مہم کا آغاز کر دیا گیا۔شجرکاری مہم کے پہلے مرحلے کا آغا ز ایم ڈبلیوایم پنجاب سیکرٹریٹ شادمان اور خورشید پارک شادمان سے شعبہ فلاح و بہبود اور شعبہ جوان شمالی لاہور کے ( ویلفیئر ٹیم لاہور ) کے اہم ارکان بردار سفیر عباس ، رانا کاظم اور سجاد نقوی نے مرکزی سیکرٹری شعبہ جوان علامہ اعجاز بہشتی ، شمالی لاہور کے سیکرٹری بردار نجم عباس اور ضلع لاہور کی شعبہ خواتین کی سیکرٹری جنرل خانم حنا تقوی سے کروایا۔
مہم میں شعبہ خواتین ضلع لاہور کی ڈپٹی سیکرٹری اور وحدت یوتھ کے ممبران نے بھی شرکت کی۔اس موقع پر مرکزی سیکرٹری شعبہ جوان علامہ اعجاز بہشتی نے گفتگو کرتے ہوئے کہا کہ ماحولیاتی آلودگی سے نجات حاصل کرنے کے لیے ضروری ہے کہ ہم پاکستان کے گلی کوچوں کو شجرکاری سے سر سبز کر دیں ۔یہ ایک صدقہ جاریہ ہے جس کا ثمر آپ کی آئندہ آنے والی نسلیں دیکھے گی۔
وحدت نیوز(لاہور) مجلس وحدت مسلمین شعبہ خواتین ضلع لاہور کی جانب سے نائیجیریا کے معروف مذہبی اسکالر شیخ زکزاکی اور ان کی اہلیہ کی بے جرم وخطاءقید اور ان کیساتھ روا رکھا جانے والے غیر انسانی سلوک کے خلاف لاھور پریس کلب کے باہر احتجاج کیا گیا۔ اس موقع پر ضلعی سیکرٹری جنرل مجلس وحدت مسلمین شعبہ خواتین محترمہ حنا تقوی نے میڈیا سے گفتگو کرتے ہوے کہا کہ نائیجیریا میں اسلامی تحریک کے سربراہ شیخ زکزاکی کو عدالتی حکم کے باوجود نائیجیرین حکومت اور فوج نے غیر قانونی طور پر حراست میں لیا ہوا ہے جبکہ نائیجیریا کی سپریم عدالت نے شیخ زکزاکی کو رہا کرنے کے آرڈر جاری کیے ہیں۔
انہوں نے مزیدکہاکہ نائیجیرین حکومت عالمی استکباری طاقتوں کے دباو پر شیخ زکزاکی کو قتل کرنا چاہتی ہے ۔ہم ان ظالمانہ اقدام کی بھرپور مذمت کرتے ہیں اور مطالبہ کرتے ہیں کہ شیخ زکزاکی کو فی الفور رہا کیا جائے اور ان کو مکمل علاج معالجے کی بہترین سہولیات فراہم کی جائیں ۔ہم اس غیرانسانی فعل پر حکومت پاکستان سے بھی مطالبہ کرتے ہیں کہ وہ بزرگ عالم دین شیخ زکزاکی کی غیر انسانی قید اور قتل کی سازش کے خلاف عالمی سطح پر آواز اٹھائے۔
وحدت نیوز (فیصل آباد) مجلس وحدت مسلمین شعبہ خواتین لاھور کی جانب سے ضلع کے مختلف یونٹس میں سہ روزہ دینی تربیتی سمر کیمپ کے انعقاد کا سلسلہ جاری ہے اب تک چھ یونٹس میں تربیتی ورکشاپ کا انعقاد کیا جا چکا ہے۔ اسی سلسلہ میں مجلس وحدت مسلمین شعبہ خواتین لاہور کے زیر اہتمام موسم گرما کی تعطیلات میں بچوں کی دینی واخلاقی تعلیم و تربیت کے فروغ کے لیے بھاٹی گیٹ یونٹ میں تین روزہ دینی سمر کلاسز کا اہتمام کیا گیا۔جس میں مختلف بنیادی اسلامی تعلیمات ، معرفت امام زمانہ عج ، قرآنی آیات و احادیث بچوں کو حفظ کرانا اور دیگر اخلاقی موضوعات پر دروس دیے گئے۔
ضلعی سیکرٹری جنرل محترمہ حنا تقوی،ڈپٹی سیکریٹری جنرل محترمہ عظمیٰ نقوی،سیکرٹری شعبہ تربیت محترمہ نجبہ اور سیکریٹری شعبہ تعلیم محترمہ فرحانہ نے اس موقع پر درس و تدریس کے حوالے سے بھرپور خدمات انجام دیں بچوں کی کثیر تعداد نے سمر کیمپ میں شرکت کی۔کیمپ کے شرکا سے خطاب کرتے ہوے محترمہ حنا تقوی کا کہنا تھا کہ دینی ماحول کے زیر اثر بچوں کی مستحکم اور منفرد شناخت ابھر کر سامنے آتی ہےاور وہ معاشرے میں اپنا مثبت اور تعمیری کردار ادا کرتے ہیں۔جو کہ انفرادی و اجتماعی زندگی میں کامیابی کے لیے ضروری ہے محترمہ حنا تقوی نے یونٹ اراکین کی کاوشوں کی حوصلہ افزائی کی اور بہترین نظم و ضبط پر سراہا۔
وحدت نیوز(فیصل آباد) مجلس وحدت مسلمین شعبہ خواتین فیصل آباد کی جانب سے خواتین کیلئےہنر سیکھنے اور روزگار حاصل کرنے کے مواقع کو یقینی بنانے کے لیے نعمت کالونی یونٹ فیصل آباد میں سلائی سینٹر کا آغاز کیا گیا اور سلائ یمشینوں کے ساتھ باقی سامان بھی مہیا کیا گیا ۔
اس موقع پر مرکزی سیکرٹری فلاح و بہبود ایم ڈبلیو ایم شعبہ خواتین محترمہ فرحانہ گلزیب نے خطاب کرتے ہوئے کہا کہ خواتین کو زندگی کے ہر شعبے میں آگے آنا چاہیئے ملک و قوم کی ترقی کا دارومدار خواتین کے تعلیم یافتہ ہونے اور ہر میدان میں اپنی صلاحیتوں کے ساتھ حصہ لینے پر ہے تعلیم یافتہ اور با ھنر خواتین نہ صرف اپنے خاندان اور گھر کے لیے بلکہ ملکی ترقی کے لیے بھی مفید ثابت ہوسکتی ہیں۔
وحدت نیوز(سکردو) ایم ڈبلیو ایم شعبہ خواتین کی مرکزی سیکرٹری محترمہ معصومہ نقوی نے دورہ گلگت بلتستان میں علاقے کے مختلف اضلاع میں ایم ڈبلیو ایم شعبہ خواتین کی یونٹ سازی کی گئی۔
بلتستان شگر کے مقام پر جامعة الزھراؑ میں مجلس وحدت مسلمین شعبہ خواتین کا ضلع قائم کیا گیا اور محترمہ نجمہ جعفر کو ضلع شگر کا سیکرٹری جنرل اور عارفہ انجم کو ڈپٹی سیکرٹری جنرل منتخب کیا گیااسکے علاوہ ضلع گھنگچے میں خپلو ڈینس کے مقام پر محترمہ معصومہ نقوی نے خواتین سے خطاب کیا اور نیا یونٹ تشکیل دیا جس میں محترمہ حنا کلثوم نے سیکرٹری جنرل اور محترمہ شریفہ بتول نے ڈپٹی سیکرٹری جنرل کی حیثیت سے حلف اٹھایا۔
مجلس وحدت مسلمین شعبہ خواتین کی مرکزی رہنما محترمہ معصومہ نقوی نے ضلع کھرمنگ کا دورہ کیا اور شعبہ خواتین کا یونٹ تشکیل دیا اس موقع پر جامعہ محمدیہ برائے خواتین نے مجلس وحدت مسلمین شعبہ خواتین کے ساتھ مکمل الحاق کرنے کا اظہار کیا جامعہ محمدیہ یونٹ کی سیکرٹری جنرل محترمہ سارہ بتول اور ڈپٹی سیکرٹری جنرل محترمہ ناظرہ منتخب ہوئیں۔
علاوہ ازیں طولتی کے مقام پر محترمہ عابدہ اور مسئول مدرسہ محترمہ کنیز فاطمہ سے ملاقات کی جس میں محترمہ عابدہ کو کوآرڈینیٹر مقرر کیا گیا اور محترمہ کنیز فاطمہ کو ان کا معاون بنایا گیا۔ دونوں خواتین دو ہفتے میں اس علاقے میں نئےیونٹ تشکیل دیں گی اور سیکرٹری جنرل مقرر کرینگی۔
وحدت نیوز(سکردو) ایم ڈبلیو ایم شعبہ خواتین کی مرکزی سیکرٹری تنظیم سازی محترمہ معصومہ نقوی نے سکردو میں مدرسہ خیرالنساء کی طالبات سے خطاب کیا۔
ان کا کہنا تھا کہ کسی بھی میدان میں کامیابی کے لیے خواتین کا کردار ریڑھ کی ھڈی کی حیثیت رکھتا ہے۔ سیاست کے میدان میں عملی اور مضبوط کردار ادا کرنے کے لیے ہمیں مجلس وحدت مسلمین پاکستان کا دست و بازو بننا ہے اور اس الہی پلیٹ فارم کے ذریعے ملکی سیاست میں اہم رول ادا کرنا ہے۔
علاوہ ازیں جامعہ خیرالنساء کی جانب سے بھرپور آمادگی پر ایم ڈبلیو ایم شعبہ خواتین کا یونٹ قائم کیا اور محترمہ ریحانہ بتول نے یونٹ سیکرٹری جنرل اور محترمہ نسرین فاطمہ نے ڈپٹی سیکرٹری جنرل کی حیثیت سے حلف اٹھایا۔
وحدت نیوز(سکردو) مجلس وحدت مسلمین شعبہ خواتین کی مرکزی سیکرٹری تنظیم سازی محترمہ معصومہ نقوی نے گزشتہ ہفتہ بلتستان سکردو کا تنظیمی دورہ کیا جس میں انھوں نے علاقے کے مختلف دینی جامعات اور سکولز کا دورہ کیا ، اور علاقے کی مختلف فعال خواتین سے تنظیمی حوالے سے اہم ملاقاتیں کیں۔
اس سلسلہ میں انہوں نے محترمہ سیدہ عابدہ ، محترمہ رباب زھرا ، محترمہ عصمت اور محترمہ بلقیس سے ملاقات کی اور تنظیمی امور پر مفید گفتگو ہوئی۔ اس موقع پر امامیہ سٹوڈنٹس آرگنایزیشن شعبہ طالبات کی ضلعی کابینہ سے بھی ملاقات کی اور الہی اھداف اور معاشرہ سازی کے عنوان پر گفتگو کی ۔
علاوہ ازیں علماء کونسل کی جانب سے مدرسہ امامیہ مرکز علوم اسلامی آگیہ کے مقام پر مرکزی مسئول تنظیم سازی کو مدرسہ میں خطاب کی دعوت دی گئی جہاں محترمہ معصومہ نقوی نے وحدت و اتحاد اور معرفت الھی کے موضوع پر خواتین سے خطاب کیا۔
سے حلف اٹھایا۔
وحدت نیوز(لاہور) وحدت یوتھ لاہور اور وحدت ویلفیئر ٹیم لاہور کے اشتراک سے نوجوان میں بڑھتے ہوئے منشیات کے استعمال کو روکنے کے لئے تیسرا سالانہ شہداء پاکستان کرکٹ ٹورنامنٹ 14 جولائی کو کروانے کا فیصلہ ۔میٹنگ میں وحدت یوتھ لاہور کے ٹاون سیکرٹریز کی شرکت۔ ٹورنامنٹ میں لاہور کے مختلف ٹاوئز سے 12 ٹیمیں شرکت کریں گی ۔
میٹنگ سے وحدت یوتھ لاہور کے سیکرٹری سجاد نقوی نے خطاب کرتے ہوئے کہا کہ ملک میں بڑھتے ہوئے منشیات کے استعمال کو روکنے کے لئے نوجوان کو کھیلوں کے میدانوں میں لانا بہت ضروری ہے حکومت کو چاہیے کہ ملک میں مختلف پارکوں اور کھیل کے میدانوں میں اضافہ کرے تاکہ نوجوان نسل کو اس زہر سے دور رکھا جا سکے۔
وحدت نیوز(لاہور) مجلس وحدت مسلمین شعبہ خواتین لاہور کی جانب سے بیدیاں روڈ یونٹ میں سہ روزہ تربیتی سمر کیمپ کا انعقاد ۔ایم ڈبلیو ایم شعبہ خواتین لاھور کی جانب سے ضلع کے مختلف یونٹس میں سہ روزہ تربیتی کیمپ کے انعقاد کا سلسلہ جاری ہے ۔
مجلس وحدت مسلمین شعبہ خواتین لاہور کے زیر اہتمام موسم گرما کی تعطیلات کو بچوں کے لیے مفید و با مقصد بنانے ، قرآن و سنت کی تعلیمات اور دین کی بنیادی معلومات حاصل کرنے کے لیے بیدیاں روڈ یونٹ میں تین روزہ دینی سمر کلاسز کا اہتمام کیا گیا۔اسلامی تعلیمات،حفظ قرآنی آیات واحادیث،معرفت امام زمانہ عجل اللہ فرجہ الشریف اور دیگر موضوعات پر دروس کا انعقاد کیا گیا۔
ضلعی سیکرٹری جنرل محترمہ حنا تقوی،ڈپٹی سیکریٹری جنرل محترمہ عظمیٰ نقوی،سیکرٹری شعبہ تربیت محترمہ نجبہ اور سیکریٹری شعبہ تعلیم محترمہ فرحانہ نے درس و تدریس کے فرائض سر انجام دئیے۔سو سے زائد بچوں نے سمر کلاسز میں شرکت کی۔
محترمہ حنا تقوی نےسمر کیمپ کی افادیت پر گفتگو کرتے ہوئے کہا کہ اس پروگرام کا مقصد بچوں کی دینی تربیت اور اذھان کو قرآنی و دینی تعلیمات سے منور کرنا ہے جو کہ ساری عمر پھر بچے کے ذہن میں نقش رہتی ہیں اور اثر رکھتی ہیں ۔
بی بی معصومہ قم سلام اللہ علیہا کی ولادت کی مناسبت سے محفل میلاد کا انعقاد کیا گیا جس میں محترمہ عظمیٰ نقوی ڈپٹی سیکرٹری جنرل مجلس وحدت مسلمین شعبہ خواتین لاہور نے خصوصی شرکت کی۔محفل میلاد کے اختتام پر کیک بھی کاٹا گیا۔محترمہ حنا تقوی اور محترمہ عظمیٰ نقوی نے اراکین بیدیاں روڈ یونٹ لاھور کو بہترین انتظامات کرنے اور عمدہ کاوشوں پر سراہا۔
