وحدت نیوز(اسلام آباد) رہنما مجلس وحدت مسلمین و خطیب جمعہ شیعہ جامع مسجد فاروق آباد شیخوپورہ علامہ گلزارحسین فیاضی کے بھائی عارف حسین طویل علالت کے بعد لاہور گلاب دیوی ہسپتال میں وفات پا گئے ہیں اُن کی نماز جنازہ آج بتاريخ 13 دسمبر 2022 بمقام جامعہ منتظر ماڈل ٹاؤن میں فوراً بعد نماز مغربین ادا کی جائے گی۔

مرحوم کے انتقال پر مجلس وحدت مسلمین پاکستان کے قائدین ، مرکزی وصوبائی رہنماؤں نے دلی افسوس اور رنج کا اظہار کیا ہے ۔ چیئرمین ایم ڈبلیوایم علامہ راجہ ناصرعباس جعفری، وائس چیئرمین علامہ احمداقبال رضوی ، جنرل سیکریٹری ناصرشیرازی، پولیٹیکل سیکریٹری اسدعباس نقوی ،علامہ حسن رضا ہمدانی سمیت دیگر نے اپنے تعزیتی پیغام میں مرحوم کی مغفرت اور پسماندگان کیلئے صبر جمیل کی دعا کی ہے۔