The Latest
وحدت نیوز (گلگت) گلگت بلتستان کی خواتین خطے کے حقوق کیلئے مردوں کے شانہ بشانہ کھڑی ہونگی۔جو مائیں دلاور اور شجاع بیٹوں کو جنم دے سکتی ہیں تو میدان عمل میں بھی کھڑی رہ سکتی ہیں،مجلس وحدت مسلمین گلگت بلتستان شعبہ خواتین کی کوارڈینیٹر محترمہ سائرہ ابراہیم نے اپنے ایک بیان میں کہاہے کہ موجودہ حالات کا تقاضا ہے کہ علاقے کی خواتین اپنے مردوں کے شانہ بشانہ حقوق کی جنگ میں اپنا بھرپور کردار ادا کریں۔وہ آگاہی و بیداری مہم کے آغاز میں گلگت میں خواتین کے ایک اجتماع سے خطاب کررہی تھیں۔ان کا کہنا تھا اس علاقے کی خواتین میں جرات و ہمت کی کوئی کمی نہیں جو کسی بھی میدان میں اتر جائیں تو اپنی ذہانت اور قابلیت کا لوہا منوانے کی اہلیت رکھتی ہیں۔دنیا کا کوئی انقلاب خواتین کی شراکت داری کے بغیر کامیاب نہیں ہوا ہے گلگت بلتستان کی تحریک آزادی میں بھی خواتین کا اتنا ہی حصہ رہا ہے جتنا کہ مردوں کا۔گلگت بلتستان کی آزادی کی جنگ لڑنے والے عظیم قومی رہنماؤں اور جوانوں کو بھی تو کسی شجاع اور دلیر ماں نے جنم دیا تھا۔
انہوں نے کہا کہ جب ظلم و ستم حد سے گزرجاتا ہے تو ہرطبقے کو میدان میں نکلنا پڑتا ہے اور گلگت بلتستان کے عوام کو کشمیر کے ساتھ نتھی کرکے حکمرانوں نے یہاں کے عوام کے ساتھ انتہائی ظلم کیا ہے۔دنیا میں علٰحیدگی کی تحریکیں تو جنم لیتی ہیں لیکن یہ واحد علاقہ ہے جس کے عوام الحاق کی جنگ لڑ رہے ہیں اور انہیں حکومت اپنا بنانے سے گریز کررہی ہے۔ انہوں نے کشمیری رہنماؤں کی دھکمیوں کوگیدڑ بھکیوں سے تعبیر کرتے ہوئے کہا کہ یہ کشمیری رہنما پاکستان سے زیادہ ہندوستان کے خیر خواہ ہیں اور ان رہنماؤں نے مظلوم کشمیری عوام کو بھی آزاد ریاست کا جھانسہ دیکر یرغمال بنا رکھا ہے ۔وقت آنے پر معلوم ہوگا کہ یہ کشمیری رہنما کس کروٹ بیٹھتے ہیں اور مظلوم کشمیری عوام کو چاہئے کہ وہ ان رہنماؤں کی سازشوں سے محتاط رہیں جو سال میں ایک دن یوم کشمیر مناکر اپنے مفادات حاصل کرتے ہیں۔انہوں نے کہا کہ اقتصادی راہداری منصوبے میں اس خطے کی شراکت داری کے بغیر اسے عملی جامہ پہنانا حکمرانوں کیلئے بہت مہنگا پڑے گا اورگلگت بلتستان کی تقسیم کا خواب دیکھنے والوں کو منہ کی کھانی پڑے گی۔
وحدت نیوز (گلگت) وزیراعلیٰ حفیظ الرحمن نے صوبے سے باہر رہنے کا سابقہ وزیر اعلیٰ مہدی شاہ کا ریکارڈ توڑ دیا۔گزشتہ 6 ماہ میں چھ ہفتے بھی اپنے دفتر میں نہیں رہا۔سردیاں شروع ہوتے ہی وزیر اعلیٰ موصوف کے ملک سے باہر جاتے ہی دیگر وزراء بھی اپنے دفتروں سے غائب ہیں،مجلس وحدت مسلمین گلگت بلتستان کےرہنماسعید الحسنین نے کہا کہ ایسے غیر ذمہ دار حکمرانوں سے عوامی حقوق اور گڈ گورننس کی توقع رکھنا فضول اور عبث ہے۔100 دنوں میں تبدیلی کے نعرے تو اب دفن ہوچکے ہیں اور کرپشن اور اقربا پروری اسی طرح جاری ہے جس طرح سابقہ حکومت میں تھی۔وزیر اعلیٰ موصوف ایک ایسے وقت میں غیر ملکی دورے پر جب ملک کے دیگر چاروں صوبوں کے وزراء اعلیٰ اقتصادی کوریڈور میں اپنے صوبے کیلئے زیادہ سے زیادہ مفادات حاصل کرنے کی تگ و دو میں ہیں۔اقتصادی کوریڈور کے ضمن میں 51 منصوبوں میں گلگت بلتستان کا کہیں پر بھی ذکر نہ ہونا اور وزیر اعلیٰ کا اس بابت وفاقی حکومت سے کوئی احتجاج نہ کرنا علاقے سے غداری کے مترادف ہے۔اقتصادی کوریڈور میں گلگت بلتستان کو بنیادی اہمیت حاصل ہونے کے باوجود صوبائی حکومت کی غیر ذمہ دارانہ رویہ اور اس اہم منصوبے میں عدم دلچسپی لمحہ فکریہ ہے۔سیر سپاٹے میں مصروف وزیر اعلیٰ صوبے کی نمائندگی سے زیادہ وفاق اور کشمیریوں کے مفادات کو ترجیح دے رہے ہیں۔گلگت بلتستان میں گندم کا شدیدبحران ہے،بجلی کی لوڈشیڈنگ سے عوام پریشان ہیں اور سرکاری ادارے مفلوج ہوچکے ہیں جبکہ حکمران سیر سپاٹے میں مصروف ہیں۔
وحدت نیوز (قم) چارسدہ یونیورسٹی پر ہوانے والے دہشت گردانہ حملے کی مذمت کرتے ہوئے ایم ڈبلیو ایم قم کے سیکرٹری جنرل حجۃ الاسلام گلزار احمد جعفری اور سیکرٹری سیاسیات عاشق حسین آئی آر نے کہا ہے کہ یہ سب سعودی عرب کی غلامی کا نتیجہ ہے۔انہوں نے کہا کہ سعودی عرب نے اپنے پالتو درندوں سے پہلے پاکستان میں شیعہ سنی کی آڑ میں دینی مدارس اور دینی علمی شخصیات کو قتل کروایا اور اب سکولوں اور یونیورسٹیوں پر شب خون ماراجارہاہے۔انہوں نے کہا کہ سعودی عرب پاکستان کو اپنی کالونی بنانا چاہتا ہے اور پاکستان میں اپنے وہابی عقائد کو زبردستی نافذ کرنے کے لئے ہماری علمی شخصیات،تعلیمی مراکز اور مفکرین کا قتلِ عام کیا جارہاہے،انہوں نے کہا کہ ملت پاکستان کو چاہیے کہ وہ ہر قسم کی فرقہ واریت سے بالاتر ہوکر سعودی سازشوں کا مقابلہ کرے۔
وحدت نیوز (فتح جھنگ) مجلس وحدت مسلمین پاکستان کے مرکزی رہنما علامہ اصغر عسکری اور ملک اقرار حسین نے اپنی ہی کلاس کے دوستوں کے ہاتھوں یا علی مددکا لاکٹ پہننے کے جرم میں شھید ہونے والے مزمل عباس کے اہل خانہ سے ملاقا ت کی رہنمائوں نے شید مزمل عباس کے والد اور دیگر پسماندگان سے تعزیت کا اظہار کیا اور شہید لیئے دعائے مغفرت اور فاتحہ خوانی بھی کی، ایم ڈبلیوایم کے رہنماوں نے ورثاءسے واقعہ کی مکمل تفصیلات سے آگاہی حاصل کی اور انہیں مجلس وحدت مسلمین کی جانب سے اپنے مکمل تعاون کا یقین دلایا۔
واضح رہے کہ شہید مزمل عباس کو بھال سیداں میں یاعلی مدد کا لاکٹ پہننے کے جرم میں ذبح کر دیا گیا۔ ورثانے لاش کیساتھ کوہاٹ روڈ اٹک پر FIR درج ہونے تک احتجاج بھی کیا تھا،تکفیری مدرسہ سے منسلک تین دہشتگردوں نے مزمل عباس کو یاعلی مدد کا لاکٹ پہننے کے جرم میں گلا کاٹ کر شہید کردیا۔اطلاعات کے مطابق مزمل عباس تین دن سے لاپتہ تھا اور بعدازاں اس کی سر کٹی لاش برآمد ہوئی، ورثہ اور اہل محلہ نے کوہاٹ روڈ اٹک پر FIR درج ہونے تک احتجاج کیا، موصول اطلاع کے مطابق دھشت گردی ایکٹ کے تحت مقدمہ درج ہونے کے بعد احتجاج ختم ہوگیا ہے۔ اہل محلہ کا کہنا ہے کہ اس واقعہ میں فتح جنگ میں ایک مدرسہ انوار صحابہ و اھلبیت ملوث ہے، یہ مدرسہ شدت پسند نظریات پھیلانے میں مشہور ہے۔ پولیس کے مطابق مزمل میٹرک کاا سٹوڈنٹ تھا، اسکول میں امام علی علیہ سلام کا لاکٹ پہنے کی وجہ سے شروع ہونے والی بحث پر 3 لڑکوں نے اسے قتل کر کے لاش ایک ویرانے میں دفن کردی، ان لڑکوں میں سے ایک کا باپ اور دوسرے کا بھائی اسی تکفیر ی مدرسے میں ہوتے ہیں جبکہ تیسرے کا باپ وہاں پر پیش امام ہے، پولیس نے شک پر آج سکول کے ایک لڑکے کو گرفتار کیا تو اس نے ساری تفصیلات بتائیں، بعدازاں قتل میں ملوث تمام ملزمان گرفتار کرلیئے گئے ہیں ، اس واقعہ سے اندازہ لگالینے چاہئے کہ شدت پسندی کی یہ سوچ ہمارے تعلیمی اداروں کے اندر تک پہنچ چکی ہے، کہ جہاں پر اب دوست دوست کا گلا کاٹ رہا ہے، لہذا تکفیری دشمن کا بچہ اب پڑھا لکھا ہوگیا ہے اسے مزید پڑھانے کی ضرورت نہیں بلکہ انکا علاج صرف نہروان کی طرح انکا خاتمہ کرنا ہے۔
وحدت نیوز (اسلام آباد) گلگت بلتستان کے نوجوانوں کے مشترکہ نمائندہ پلیٹ فارم ’’یوتھ آف گلگت بلتستان‘‘ کے زیراہتمام اسلام آباد کے نیشنل پریس کلب کے سامنے احتجاجی مظاہرہ کیا گیا جس میں گلگت بلتستان کے نوجوانوں کے علاوہ مجلس وحدت مسلمین اور دیگر سیاسی جماعتوں کے اراکین جی بی قانون ساز اسمبلی نے بھی شرکت کی اور گلگت بلتستان کے آئینی حقوق کا مطالبہ کیا۔ مظاہرین نے نصف صدی سے زائد عرصے سے سرزمین بےآئین گلگت بلتستان کے محروم و محکوم اور محب وطن عوام کے بنیادی انسانی، معاشی، تعلیمی، معاشرتی اور آئینی حقوق کا مطالبہ کیا، مقررین نے کہا کہ پاک چائنہ اقتصادی راہداری منصوبے میں اہم اسٹیک ہولڈر کے طور پر برابر نمائندگی اور گلگت بلتستان قانون ساز اسمبلی کی متفقہ قرارداد پر عمل درآمد کیا جائے۔ مظاہرین کا کہنا تھا کہ پانچ سو کلومیٹر طے کرنے کے بعد جاکر اقتصادی راہداری کا منصوبہ پاکستان میں جا ملتا ہے لیکن جس خطے سے یہ منصوبہ گزر کر آنا ہے اس کی کوئی آئینی شناخت نہیں ہے، ہم مطالبہ کرتے ہیں کہ گلگت بلتستان کو پاکستان کا پانچواں صوبہ بنایا جائے اور سینیٹ و قومی اسمبلی میں باقاعدہ نمائندگی دی جائے۔ مظاہرے میں گلگت بلتستان سے تعلق رکھنے والے نوجوانوں کی کثیر تعداد کے علاوہ مختلف سیاسی، مذہبی، سماجی تنظیموں اور سول سوسائیٹی کے نمائندوں نے بھی بھرپور شرکت کی اور ’’یوتھ آف گلگت بلتستان ‘‘ کے چارٹر آف ڈیمانڈ کی مکمل حمایت کا اعلان کیا۔ مظاہرے میں مجلس وحدت مسلمین گلگت بلتستان اسمبلی کے رکن ڈاکٹرحاجی رضوان علی، کاچو امتیاز حیدرخان، پیپلزپارٹی کے عمران ندیم، تحریک انصاف کی آمنہ انصاری، تحریک اسلامی کے کیپٹن (ر) شفیع سمیت دیگر ارکان نے شرکت کی اور خطاب کیا۔ مظاہرے میں نون لیگ کی جانب سے کسی رکن اسمبلی نے شرکت نہیں کی۔
مظاہرے سے مختلف جماعتوں کے نمائندوں نے خطاب کرتے ہوئے وفاقی حکومت اور ریاست پاکستان سے فی الفور گلگت بلتستان کے عوام کی طویل محرومیوں کا خاتمہ کرتے ہوئے آئین پاکستان میں ترمیم کرکے گلگت بلتستان کو ملک کا پانچواں آئینی صوبہ قرار دینے کا مطالبہ کیا۔ مقررین نے وفاقی حکومت کی جانب سے اقتصادی راہداری منصوبے میں دیگر صوبوں کی طرح اہم اسٹیک ہولڈر گلگت بلتستان کو مکمل طور پر نظرانداز کرنے پر شدید غم و غصے کا اظہار کرتے ہوئے مطالبہ کیا کہ گلگت بلتستان کو بھی اس منصوبے میں بھرپور اور متناسب نمائندگی دی جائے تاکہ خطے کے محکوم عوام بھی اسکے ثمرات سے فائدہ اٹھا سکیں۔ مقررین نے گلگت بلتستان کی قومی اسمبلی، سینیٹ اور این ایف سی میں تاحال نمائندگی نہ ہونے کے باوجود وفاقی حکومت کی جانب سے بلاجواز ٹیکسز کے نافذ کو غیرآئینی اقدام قرار دیا۔ اس موقع پر یوتھ آف گلگت بلتستان کی جانب سے اعلان کیا گیا کہ ہم اپنے چارٹر آف ڈیمانڈ میں شامل تمام مطالبات کے حل کیلئے اپنی تحریک جاری رکھیں گے۔
وحدت نیوز (اسلام آباد) مجلس وحدت مسلمین پاکستان کی مرکزی شوریٰ عالی(سپریم کونسل) کے رہنماؤں علامہ ناصر عباس جعفری ، علامہ حسن صلاح الدین ، مولانا حیدر عباس عابدی،علامہ امین شہیدی نے باچاخان یونیورسٹی سمیت ملک بھر میں ہونے والی دہشت گردی کے واقعات کی بھر پور مذمت کرتے ہوئے حکومت اور مقتد ر قوتوں سے مطالبہ کیا کہ دہشت گردی کیخلاف جنگ میں دہشت گردوں کے سہولت کاروں اور ان کے سیاسی سرپرستوں کیخلاف فوری کاروائی شروع کی جائے۔نام بدل کر کام کرنے والی کالعدم جماعتوں کے خلاف فوری کاروائی کی جائے ،نیشنل ایکشن پلان پر عملدرآمد نہ ہونے کے برابر ہے،حکومت بلا تفریق کالعدم جماعتوں کیخلاف فوری کاروائی کرے،مجلس وحدت مسلمین پاکستان کے سپریم ادارہ شوریٰ عالی کا اجلاس ایم ڈبلیوایم کے مرکزی سیکریٹریٹ وحدت ہاؤس اسلام آباد میں منعقد ہوا اجلاس کی صدارت چیئرمین شوریٰ عالی علامہ حسن صلاح الدین نے کی،اجلاس میں ملک بھر سے اراکین شوریٰ عالی و مرکزی سیکرٹری جنرل مجلس وحدت مسلمین پاکستان علامہ راجہ ناصر عباس جعفری اور ڈپٹی سیکرٹری جنرل علامہ امین شہیدی سمیت ایم ڈبلیو ایم سندھ ،پنجاب ،خیبر پختون خواہ ،بلوچستان اور گلگت بلتستان کےصوبائی سیکر ٹریزنے بھی شرکت کی اجلاس میں موجودہ ملکی صورت حال اور تنظیمی امور کا جائزہ لیا گیا۔
اجلاس کے اختتام پر وحدت ہاؤس سے جاری اعلامیہ میں رہنماؤں کا کہنا تھا کہ ملک میں گزشتہ تین دہائیؤں سے دہشت گردی کا شکار ہونے والی ملت جعفریہ کو نیشنل ایکشن پلان کے حوالے سے اعتماد میں نہیں لیا گیا۔سانحہ شکار پور،سانحہ جیکب آباد،سانحہ چھلگری اور ملک بھر میں ٹارگٹ کلنگ اور دہشت گردی کا نشانہ بننے والے ہمارے چوبیس ہزار سے زائد خانوادگان شہداء اب تک انصاف کے لئے پکار رہے ہیں،دہشت کے تمام مقدمات کو فوجی عدالتوں کے سپرد کر کے فوری انصاف کو یقینی بنایا جائے۔پاک چائنہ اقتصادی راہ داری میں گلگت بلتستان کو نظر انداز کرنے کا عمل اس منصوبے کے دشمنوں کی سازش کا ایک حصہ ہے گلگت بلتستان کو اس میگھا پروجیکٹ میں اتنا حق ہے جتنے دیکر پاکستان کے صوبوں کا ہے،گلگت بلتستان کو بائی پاس کرنے کے عمل کی پور زور مذمت کر تے ہیں۔گلگت بلتستان کے عوام کو مکمل آئینی حق دے کر پانچواں صوبہ بنایا جائے،گلگت بلتستان کو تقسیم کرنے والے پاکستان کے دوست نہیں دشمن ہے ۔ملک بھر میں نیشنل ایکشن پلان کو سیاسی مخالفین کے خلاف استعمال کرنے کا عمل دراصل دہشت گردی کیخلاف جنگ کو متاثر کرنے کی سازش ہے جس کی ہم بھر پور مذمت کرتے ہیں۔ایران سعودی عرب تنازعے میں ہمیں مکمل طور پر غیر جانبدار رہ کر برادر اسلامی ملکوں کے درمیان مفاہمت کے لئے کردار ادا کرنا ہو گا۔پنجاب میں داعش کے بڑھتے اثرروسوخ سے حکومت آنکھیں چرانے کے بجائے شدت پسندوں کیخلاف پنجاب میں کاروائی کرے،اسلام آباد میں متنازعہ شخص کیخلاف سینٹ میں ثبوت پیش کرنے کے باوجود کاروائی کا نہ ہونا المیہ سے کم نہیں،دہشت گردی کیخلاف جنگ کو سیاسی مصلحتوں کی نذر نہ کیا جائے۔ایران سے اقتصادی پابندیوں کے خاتمے کے بعد توانائی کے بحران پر قابو پانے کے لئے پاک ایران گیس پائپ لائن معاہدے پر فوری عملدرآمد کو یقینی بنائے جائے تاکہ پاکستانی عوام کو گیس اور بجلی کی لوڈشیڈنگ کے عذاب سے نجات مل سکے۔میٹرو پروجیکٹس کے نام پر پنجاب میں کھربوں روپے لگا کر کمیشن بنانے کے بجائے ملک بھر میں صحت اور تعلیم کے مخدوش حالت کو بہتر بنانے میں ملکی وسائل کا استعمال کیا جائے۔
وحدت نیوز (مشہد) مجلس وحدت مسلمین شعبہ مشہد مقدس کے زیراہتمام بسلسلہ شہادت اخت الرضا، بنت باب الحوائج، کریمہ اہلبیت حضرت فاطمہ معصومہ قم سلام اللہ علیھا موسسہ شہید عارف الحسینی (رح) میں مجلس عزاء منعقد ہوئی۔ مجلس عزاء میں علمائے کرام اور طلاب کی بڑی تعداد نے شرکت کی۔ مشہد مقدس سے جاری بیان کے مطابق مجلس عزاء سے علامہ نصیرالرضا صفدر نے اپنے خطاب میں حضرت معصومہ سلام اللہ علیھا کی سیرہ طییہ پر تفصیل سے گفتگو کی اور آپکے مدینہ الرسول صل اللہ علیہ و آلہ وسلم سے ہجرت 'طول سفر کی مشکلات اور مصائب و آلام اور پھر آپ کی غربت کے عالم میں شہادت اور مصائب بیان کیے۔ اُنہوں نے مزید کہا کہ نے کہا کہ حوزہ علمیہ قم المقدسہ اسی معصومہ(س) کی کرامت کا نتیجہ ہے۔ آخر میں چہلم شہدائے نائیجیریا کے موقع پر اُن کی قربانیوں پر خراج تحسین پیش کیا گیا اور آیت اللہ ابراہیم زکزاکی کی صحت وسلامتی اور بازیابی کے لیے خصوصی دعا کرائی گئی۔
وحدت نیوز (کوئٹہ) مجلس وحدت مسلمین کوئٹہ ڈویژن کے میڈیا سیل سے جاری شدہ بیان میں ڈویژنل سیکریٹری امور سیاسیات کامران حسین ہزارہ نے کوئٹہ شہر کے بگڑتے حالات کا تذکرہ کرتے ہوئے کہا ہے کہ دہشتگرد تنظیمیں حکومت کے سر پر سوار ہو چکے ہیں شہریوں کے جان و مال کا تحفظ ایک خواب بن کر رہ گیا ہے، انہیں انکی اصل مقام تک پہنچانے کی ضرورت ہے. جو تنظیمیں صوبے کے امن و امان کو خراب کرنے میں ملوث ہیں ان پر پابندیاں عائد کی جائے اور دہشتگردی کے واقعات میں ملوث افراد کو سزا دی جائے۔
انہوں نے مزید کہا کہ دہشتگرد خود تسلیم کرتے ہیں کہ ان کاروائیوں میں وہ ملوث ہیں اور یہ دھمکی بھی دیتے ہیں کہ وہ آئندہ بھی اپنی کاروائی جاری رکھیں گے اسکے باوجود انتظامیہ اور حکومت کی خاموشی ایک سوالیہ نشان ہے. یہ بات بارہاں ثابت ہو چکی ہے کہ دشتگرد کسی خاص فرقہ یا گروہ کے دشمن نہیں ہے، دہشتگردوں نے ہر فرد کو دہشتگردی کا نشانہ بنایا ہے انکا مقصد پاکستان کی تباہی ہے اور ہر محب وطن پاکستانی کو چاہئے کہ وہ ان دہشتگردوں کے خلاف کھڑا ہو جائے اور انکے لئے زمین تنگ کر دے، اگر انتظامیہ مضبوط ہوجائے تو دہشتگردوں کو شکست دینا ہمارے لئے آسان ہوجائے گا.
وحدت نیوز (اسلام آباد) نیشنل وحدت اسکاوٹ کمیٹی کے اجلاس میں فیصلہ کیا گیا کہ وحدت اسکاوٹ اس سال کو قومی یکجہتی کے طور پہ منائے گی، اس حوالے سے تمام صوبوں میں صوبائی اور ڈویژنل کیمپس کا انعقاد کیا جائے گا۔
اجلاس میں مرکزی وحد ت اسکاوٹ سپریم کونسل کے اراکین علامہ راجہ ناصر عباس جعفری، برادر ناصر شیرازی ، برادر ممتاز رضوی ، علی مہدی اور برادر اختر عمران کی خصوصی شرکت ہوئی۔ اس کے علاوہ ملک بھر سے سندھ، بلوچستان، خیبر پختون خواہ ، پنجاب، کشمیر، گلگت بلتستان کے نما ئندوں نے شرکت کی۔
اجلاس میں سابقہ کارکردگی اور نئے سال کے لئے لائحہ عمل بنایا گیا۔ وحدت اسکاوٹ کے دستور کی تیاری اور منظوری دی گئی۔ وحد ت اسکاوٹ اس سال یونائیٹڈ ایڈونچر کلب ، یونائیٹڈ سپورٹس کلب، بزنس فورم اور ڈیزا سڑ مینجمنٹ سیل کا قیام عمل میں لائے گی۔
اس برس بھی وحدت اسکاوٹ اربعین پر زائرین کربلا کی خدمت کے لئے اسکاوٹ رضاکار کی شرکت کروائیں گے۔ پاکستان میں اس سال گلوبل وارمنگ کو روکنے کے لئے ملک بھر میں شجرکاری مہم بھر پور چلائے جائے گی۔
اس کے علا وہ پاکستان بوائے اسکاوٹس ایسوسی ایشن کے تما م پروگرامات میں بڑھ چڑھ کر حصہ لے گی۔ وحدت اسکاوٹ اس سال پورے پاکستان کے اسکاوٹ کو اہل بیتؑ اسکاوٹ فیڈریشن کے نام پر اکٹھا کرکے ایک کانفرنس کا انعقاد کرے گی۔ جس میں ملک بھر کے اسکاوٹس آرگنائزیشن کو دعوت دی جائے گی۔
مرکزی سطح پر ہر صوبے میں یکجہتی ہائیک رکھی جائیں گی، سنو ہائیک ، ڈیزرٹ ہائیک، سنورکلنگ، سکوبہ ڈیونگ، سوئمنگ، کے پروگرام کروائے جائیں گے۔
وحدت نیوز (گلگت) سات دہائیوں سے گلگت بلتستان کے عوام اپنے ہی حکمرانوں کے مظالم کا شکار ہیںآج تک کسی کو ہماری مظلومیت پر ترس نہیں آیا ۔آج بھی حقوق دینے کی بات ہورہی ہے تو پڑوسی ملک چین کے اقتصادی راہداری میں درپیش مشکلات کی بنا ء پر ہورہی ہے،ان خیالات کا اظہار مجلس وحدت مسلمین گلگت بلتستان کے سیکرٹری سیاسیات غلام عباس نے اتحاد چوک پر منعقدہ احتجاجی جلسے سے خطاب کرتے ہوئے کیا۔یہ احتجاجی جلسہ گلگت بلتستان عوامی ایکشن کمیٹی کی جانب سے گلگت بلتستان کے عوام کے جملہ حقوق کی خاطر منعقد کیا گیا تھا جس میں عوام کی ایک کثیر تعداد نے شرکت کی۔اس احتجاجی جلسے سے عوامی ایکشن کمیٹی میں شامل تمام اپوزیشن جماعتوں اور مقامی تنظیموں اور انجمنوں کے سرکردہ اراکین نے شرکت کی۔
احتجاجی جلسے سے خطاب کرتے ہوئے مجلس وحدت مسلمین کے سیکرٹری سیاسیات نے وفاقی حکمرانوں پر کڑی تنقید کرتے ہوئے کہا کہ گلگت بلتستان کے حقوق کسی غیر نے نہیں بلکہ اپنے ہی حکمرانوں نے غصب کئے ہیں ۔آج ان لوگوں کو جی بی کے مستقبل کا فیصلہ کرنے کیلئے کمیٹی میں شامل کیا گیا ہے جو بقول وزیر اعلیٰ حفیظ الرحمن گلگت بلتستان کے نام سے واقفیت نہیں رکھتے تھے۔کتنی ستم ظریفی ہے کہ گلگت بلتستان کے مستقبل کا فیصلہ ہورہاہے اور یہاں کے عوام اور ان کے نمائندوں کو کچھ معلوم ہی نہیں۔انہوں نے کہا کہ جس کمیٹی میں گلگت بلتستان کی نمائندگی نہ ہو ان کے فیصلے یہاں کے عوام کسی طور قبول نہیں کرینگے۔
انہوں نے اپنے خطاب کے دوران حکومت کی جانب سے اقتصادی راہداری کے ضمن میں 51 منصوبوں کی فہرست میں گلگت بلتستان کو نظرانداز کرنے پر سخت احتجاج کیا اور خبردار کیا کہ اگر حکومت نے ہمیں نظر انداز کرکے سی پیک پر کام شروع کیا تو اس خطے کے عوام سراپا احتجاج ہونگے اور یہ اہم منصوبہ تعطل کا شکار ہوگا۔لہٰذا حکومت کو چاہئے کہ اس خطے کے مستقبل کیلئے بنائی گئی کمیٹی میں گلگت بلتستان اسمبلی کی نمائندگی دی جائے اور عوامی خواہشات کے مطابق فیصلے کئے جائیں۔انہوں نے گلگت بلتستان کو تقسیم کرنے کی خواہش کو دیوانوں کا خواب قرار دیا اور کہا کہ گلگت بلتستان ایک اکائی ہے جس کو تقسیم کرنے والوں کو اس سرزمین دفن ہونے کیلئے بھی جگہ نہیں ملے گی۔
