The Latest
وحدت نیوز(کوئٹہ) مجلس وحدت مسلمین صوبہ بلوچستان کا کنونشن کوئٹہ میں منعقد ہوا۔ جس میں آئندہ تین سال کیلئے علامہ مقصود علی ڈومکی کو دوبارہ سال ۲۰۱۳تا ۲۰۱۶ تک کے لیئے ایم ڈبلیو ایم صوبہ بلوچستان کا سیکرٹری جنرل منتخب کرلیا گیا۔ مجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی نے علامہ مقصود ڈومکی سے حلف لیا۔ کنونشن میں صوبہ بھر سے مجلس وحدت مسلمین کے ضلعی مسئولین نے شرکت کی۔
اس موقع پر علامہ سید ہاشم موسوی ، علامہ ولایت حسین علامہ سہیل اکبر شیرازی اور کوئٹہ کے دیگر عمائدین بھی موجود تھے ۔ صوبائی شوریٰ کے اراکین اور شرکاء کنونشن نے کثرت رائے سے علامہ مقصود ڈومکی کو نیا صوبائی سیکرٹری جنرل منتخب ہونے پر مبارکباد پیش کی۔
تقریب حلف برداری سے خطاب کر تے ہو ئے علامہ محمد امین شہیدی کا کہنا تھا کہ مسئولیت خدا کی جانب سے امتحان کے سوا کچھ نہیں ، ہمیں گذرے ہو ئے ماہ و سال سے سبق حاصل کر تے ہو ئے آنے والے دور کے لیے حکمت عملی مرتب کر نی چاہیئے ، تنظیمی عہدے پر کسی نئی شخصیت کا آنا یہ اسی شخصیت کا دوبارہ منتخب ہو جا نا اہمیت نہیں رکھتا اہمیت رکھتی ہے کوئی چیز تو وہ ہے اس کا اپنے عمل کا خدا کے لیئے انجام دینا اورماضی کی لغزشوں اور کمزوریوں کو مدِ نظر رکھتے ہو ئے تنظیمی پالیسی مرتب کر نا ۔
علامہ امین شہیدی کا کہنا تھا کہ سرزمین بلوچستان شہداء کی سرزمین ہےاور خصوصاً اہل کوئٹہ جو کہ وارثین شہداء ہیں انکی بھاری ذمہ داری ہے کہ وہ مقصد و پیغام شہداء کو تا دم حیات زندہ و پائندہ رکھیں ۔ اور شہداء کی یاد کو اپنے قلوب میں تازہ رکھیں ۔
آخر میں علامہ امین شہیدی نے علامہ مقصود علی ڈومکی کے بحیثیت سیکریٹری جنرل منتخب ہونے کا اعلان کیا اور انکے لیئے نیک خواہشات کا اظہار کیا۔
وحدت نیوز (بلتستان) اسکردو پریس کلب پر گذشتہ بدھ کو حکومتی ایماء پر انتظامیہ کی سرپرستی میں غیر قانونی قبضے پر پیدا ہونے والی صورتحال پر غور کرنے کے لیے مجلس وحدت مسلمین پاکستان بلتستان ڈویژن کی دعوت پر پاکستان مسلم لیگ ن، پاکستان تحریک انصاف، گلگت بلتستان یونائیٹڈ موومنٹ اور انجمن تحفظ حقوق گلگت کے رہنماوں کی آل پارٹیز کانفرنس مجلس وحدت مسلمین پاکستان بلتستان ڈویژن کے سیکرٹریٹ میں منعقد ہوئی۔ کانفرنس میں واقعہ پر مختلف پہلووں سے غور و حوض کے بعد فیصلہ کیا گیا کہ صحافتی اداروں کیخلاف انتظامیہ کے ظالمانہ اقدامات کے خلاف مشترکہ طور بھرپور جدوجہد کی جائے گی اور پریس کلب اسکردو کی مقبوضہ عمارت اور سامان کی واپسی اور واگزاری کے لیے ہر ممکن اقدامات اٹھائے جائینگے۔
کانفرنس میں حکومت اور انتظامیہ کو متنبہ کیا کہ پریس کلب اسکردو کی عمارت کو فوری طور پر واپس نہ کرنے کی صورت میں آئندہ کے لائحہ عمل طے کرنے کے لیے فوری طور پر آغا علی رضوی کی سربراہی میں ایک کمیٹی تشکیل دیکر راست اقدامات کے لیے لائحہ عمل طے کیا جائے گا۔ اس مشترکہ کمیٹی میں مسلم لیگ نون کے وزیر اخلاق حسین، باقر حیدری، گلگت بلتستان یونائٹیڈ موومنٹ کے رہنماء غلام شہزاد آغا، انجمن تحفظ حقوق گلگت بلتستان کے رہنما راجہ زکریا علی خان اور پاکستان تحریک انصاف کے رہنما سید امیر شاہ کاظمی شامل ہونگے۔ اجلاس میں متفقہ قرارداد کے ذریعے نہ صرف پریس کلب کے حوالے سے حکومتی اقدامات کی بھرپور مذمت کی گئی بلکہ صحافیوں کے مطالبات کے حصول کے لیے ضرورت پڑنے پر جلسے، جلوس، دھرنوں اور ریلیوں کے انعقاد کا بھی فیصلہ کیا گیا۔
واضح رہے کہ پریس کلب اسکردو پر انتظامیہ کے غیر قانونی قبضے کے خلاف پریس کلب اسکردو کے ممبران اور دیگر صحافتی تنظیموں کا یادگارشہداء اسکردو پر احتجاجی کیمپ دسویں روز بھی جاری ہے اور پریس کلب کو واگذار ہونے تک احتجاجی کیمپ جاری رکھنے کا فیصلہ کیا گیا ہے جبکہ انتظامیہ اور گلگت بلتستان حکومت خاموش تماشائی بنی بیٹھی ہے۔
وحدت نیوز (اسلام آباد) مجلس وحدت مسلمین پاکستان کے خارجہ امور کی جانب سے جاری ہونے والے ایک بیان کے مطابق عراق میں زائرین پر حملہ کرنے والے تکفیری گروہ سامراجی ایجنڈے پر عمل پیرا ہیں ۔
اس بیانیہ کے مطابق گذشتہ روز عراق میں ایرانی زائرین پرحملہ کرکے چودہ افراد کو شہید اور متعدد کو زخمی کرنے والے دہشتگرد وں کا تعلق اس سامراجی ایجنڈے سے ہے جس کا ہدف عراق میں بدامنی سمیت مسلمان بھائیوں کے درمیان تفرقہ ایجاد کرنا ہے ،یہی وجہ ہے کہ گذشتہ چند ماہ سے عراق میں ایک بار پھر بے گناہ افراد پر حملوں کے سلسلے میں تیزی آگئی ہے۔
بیانیہ میں مزید آیا ہے کہ ہم اس بزدلانہ حملے کی شدید مذمت کرتے ہیں اور امت مسلمہ کو امریکہ صیہونزم اور ان کے آلہ کار تکفیری گروہوں سے ہشیار رہنے کی تلقین کرتے ہیں جو مسلم امت کوٹکڑوں میں تبدیل کرنا چاہتے ہیں ۔
وحدت نیوز (اسلام آباد) مرحوم آغا جعفر عرفان عملی کا بے مثل نمونہ تھے۔آغا جعفر امام خمینی رہ کے سچے پیروکاروں میں سے تھے، آغا جعفر عارف بااللہ تھے، آغا جعفر عرفان عملی کا بے مثل نمونہ تھے۔انقلابی جوانوں میں ولائی روح پھونکنے کا کار عظیم اسی عالم ربانی و عرفانی انجام دیا۔ ان خیالات کا اظہارسربراہ مجلس وحدت مسلمین پاکستان علامہ راجہ ناصر عباس جعفری نے عالم باعمل، عالم ربانی مرحوم آغا جعفر نقوی کی برسی کے موقع مرکزی میڈیا سیل کودیئے گئے اپنے تعزیتی بیان میں کیا۔
انہوں نے آغا جعفر کی شخصیت پر گفتگو کرتے ہوئے کہا کہ نہج البلاغہ میں امام علی ع نے جو متقین کی صفات بیان کی ہیں، ان میں سے اکثر و بیشتر صفات آغا جعفر میں موجود تھیں، آغا جعفر نے اسلام کے ہر پہلو کو اپنے اندر سمو لیا تھا، وہ امام خمینی رہ کے سچے پیروکاروں میں سے تھے۔اور قائد شہید عارف الحسینی سے عشق ان کی ذات کا خاصہ تھا ۔
علامہ راجہ ناصر عباس کا کہنا تھا کہ حقیقی عارف وہ ہوتا ہے کہ جو خدا سے کہے کہ میرا مال و اسباب، میری جان، میری اولاد، میرا سب کچھ تیرا ہی ہے اور مرحوم آغا جعفر عرفان عملی کا بے مثل نمونہ تھے۔ انہوں نے کہا کہ آپ ایک عالم ربانی تھے کہ جن کے در سے علم اور حرارت حاصل کئے ہوئے لوگ آج بھی معاشرے میں متحرک نظر آتے ہیں، انہوں نے مزید کہا کہ آغا جعفر اس دنیا سے نہیں گئے بلکہ اپنے ان شاگردوں کی صورت میں آج بھی زندہ ہیں کہ جو آج بھی خوف خدا میں زندگی بسر کر رہے ہیں اور اس معاشرے میں اپنی اجتماعی فعالیت کو جاری رکھے ہوئے ہیں۔
وحدت نیوز (بلتستان) اسیر بغداد حضرت امام موسی کاظم (ع) کی حیات طیبہ باطل نظام کے خلاف ڈٹ جانے کے لئے نمونہ عمل ہے۔ ان خیالات کا اظہار مجلس وحدت مسلمین پاکستان بلتستان ڈویژن کے سیکرٹری جنرل علامہ علی رضوی نے امام بارگاہ قائد آباد نیورنگاہ میں اقلیم امامت کے ساتویں تاجدار امام موسیٰ کاظم (ع) کی شہادت کے مناسبت سے منعقدہ مجلس عزا سے خطاب کے دوران کیا۔ مجلس عزا سے خطاب کرتے ہوئے علامہ علی رضوی نے کہا کہ ہمارے ہر امام معصوم کی حیات طیبہ ہر زمانے میں پوری انسانیت کے لیے مشعل راہ ہے۔ آپ کے والد بزرگوار امام جعفر صادق (ع) اور دادا امام محمد باقر ع کی زندگی کا مطالعہ کریں تو ہمیں علمی میدان میں آگے بڑھنے کا درس ملتا ہے جبکہ آپ کے جد امجد حضرت امام زین العابدین (ع) کی زندگی صبر تحمل اور عبادت و ریاضت میں نمونہ عمل ہے۔
انہوں نے کہا کہ امام موسی کاظم (ع) نے بھی اپنے جد امجد کے نقش قدم پر چلتے ہوئے صبر و رضا کی راہ میں استقامت دکھائی یہاں تک کہ آپ کی شہادت نے بنو عباس کی حکومت کے ایوانوں میں دراڑیں پیدا کردی جو کچھ ہی عرصے میں زمین بوس ہوگئی، جو آج پوری دنیا کے حکمرانوں کے لیے عبرت ہے۔ انہوں نے کہا کہ امام موسی کاظم (ع) نے برسوں قید و بند کی صعوبتیں برداشت کیں لیکن ظالم اور طاغوتی حکمرانوں سے زنجیروں میں بھی مقابلہ کرتے رہے اور ایک لحظہ کے لیے بھی ظالم نظام کو قبول نہیں کیا۔ انہوں نے کہا کہ ہمیں بھی امام موسی کاظم (ع) کی زندگی کو مشعل راہ بناتے ہوئے تمام ظالم قوتوں کے مدمقابل قیام کرنے کی ضرورت ہے۔
وحدت نیوز (مظفر آباد ) رہبر انقلاب اسلامی حضرت آیت اللہ خمینی اس صدی کے مجدد، اتحاد امت کے داعی اور مجاہد مبارز عالم دین تھے انہوں نے جو راستہ اختیار کیا وہ عالم اسلام اور مسلمانوں کی عزت، سربلندی اور افتخار کا راستہ ہے امام خمینیؒ اس شخصیت کا نام ہے کہ اہل دل کے ہزاروں قافلے کل بھی ان کے ہمرکاب تھے آج بھی ہیں اور ہمیشہ رہیں گے ان کی باتیں ان کی تحریریں ان کی تقریریں ان کی روشن فکر آہنی عزم،ثابت قدمی،شجاعت، غیرت، قوت فیصلہ ہر ہر پہلو میں امام حسین علیہ السلام کے کردار اور عزم صمیم کا عکس نظر آتا ہے امام خمینیؒ خود فرماتے ہیں ہم جو کچھ بھی ہیں اور ہماری کامیابیاں یہ سب حضرت امام حسین علیہ السلام اور کربلا کے واقعہ کا عکس و درس ہے۔
ان خیالات کا اظہار ریاستی سیکرٹری جنرل علامہ سید تصور حسین نقوی الجوادی نے مظفرآباد میں مجلس وحدت مسلمین آزاد جموں و کشمیر کے زیر اہتمام امام خمینی کی چوبیسویں برسی سے خطاب کرتے ہوئے کیا، ہوئے انہوں نے کہاخود امام خمینیؒ نے فرمایاتھا کہ ملت اسلامیہ اس مکتب کی پیرو ہے جس کا خلاصہ ان دو کلمات میں ہے نہ ظلم کرتے ہیں نہ ظلم سہتے ہیں لہذا آپ کے نزدیک مسلمانوں کی وحدت بنیادی نکتہ تھی تا کہ مسلمان متحد ہو کر طاغوت اور استعمار کا مقابلہ کر سکیں اسی لئے آپ نے فرمایا کہ شیعہ اور سنی اسلام کے دو مضبوط بازو ہیں ان میں تفرقہ ڈالنے والے درحقیقت طاغوت کے ایجینٹ ہیں ۔
علامہ سید تصور حسین نقوی الجوادی نے کہا کہ امام خمینی نے اتحاد و یکجہتی امت مسلمہ پر خصوصی توجہ دیتے ہوئے پیغام دیا تھا کہ اے مسلمانو! طاغوت اور استعمار تمہارے ہاتھ کاٹنا چاہتا ہے جبکہ تم نماز میں ہاتھ کھولنے اور باندھنے پر الجھ رہے ہو۔ انہوں نے کہا کہ آج امت مسلمہ جن مشکل ترین حالات سے گزر رہی ہے ان سے نکلنے کا واحد راستہ تعلیمات اسلام پر عمل پیرا ہونے اور فکر امام خمینیؒ کے مطابق اسلام کو اپنی زندگی کے ہر شعبہ میں بطور نظام نافذ کرنے میں ہے جب ہم اسلام کو بطور نظام اپنائیں گے تو اس وقت پوری دنیا میں ایک ممتاز مقام حاصل ہے اور کسی بھی طرح کے حالات کو خاطر میں لائے بٖیر امام خمینیؒ کے فرمان لا شرقیہ ولا غربیہ جمہوریہ اسلامیہ پر عمل کرتے ہوئے وقت کے طاغوت امریکہ اور اس کے حواریوں کی آنکھوں میں آنکھیں ڈال کرکھڑا ہے اور ہزار طرح کے حربوں اور دھمکیوں سے مرعوب ہوئے بغیر اپنے امور کو بطریق احسن سر انجام دے رہا ہے یہ وقت بنیادی طور پر اسلامی انقلاب اور محبت آل محمد علیھم السلام کی طاقت ہے، انہوں نے کہا آج لوگ دین اور سیاست میں جدائی کی بات کرتے ہیں جبکہ امام خمینیؒ نے تعلیمات نبوی اور اسلام کے اولین دور کو سامنے رکھتے ہوئے اسلامی حکومت کی بنیاد رکھی اور آج دنیا میں کامیاب ترین تر حکومت جمہوری اسلامی ہے۔
امام خمینی کے انتقال پر وطن عزیز کے معروف سکالر علامہ کوثر نیازی نے کہا تھا کہ امام خمینی امت مسلمہ کی پیشانی کا جھومر تھے انہوں نے ملت اسلامیہ کی عظمت رفتہ کی بحالی کے لئے خاطر خواہ خدمات سرانجام دیں۔ برسی کی تقریب سے ، علامہ سید طالب حسین ہمدانی،مولانا لطیف جعفری،مولانا مجاہد حسین کاظمی، سید سجاد حسین جعفری،مولانا ثمر عباس رضوی،مولانا حمید حسین نقوی اور دیگر مقررین نے خطاب کیا۔
وحدت نیوز (اسلام آباد)الیکشن 2013کے نتائج کا اعلان کر تے ہوئے مرکزی سیکریٹری سیاسیات ناصر عباس شیرازی کا کہنا تھا کہ ایم ڈبلیوایم کے امیدواروں نے انتخابات میں واضح برتری حاصل کی تھی ،لیکن مختلف حلقوں میں الیکشن کے دوران دھاندلی کے وہ رکارڈ قائم کیئے گئے جس کی مثالیں شاید آئندہ آنے والی نسلیں بھی یاد رکھیں گی ، جن کے ثبوت پوری دنیا نے اپنی ٹیلی وژن اسکرینز پر خوب ملاحظہ کیئے ،
اگر بات پولنگ اسٹیشن پر ہونے والے وسیاسی جماعتوں کی دھاندلی پر ہی ختم ہو جاتی تو کیا ہی بہتر تھا لیکن اس کے بعد الیکشن کمیشن آف پاکستان نے جس قدر جانبداری کا مظاہرہ کیا وہ بھی مثالی ہے ، تین دن تک نتائج روک کر بوگس نتائج جاری کیئے گئے ، ڈی جی خان ، جھنگ اور کراچی کے بعض حلقوں میں ہمارے مینڈیٹ کا استحصال کیا گیا ، الیکشن کمیشن آف پاکستان کی آفیشل ویب سائٹ پر آج تک بہت سے ایم ڈبلیو ایم کے امیدواروں کو آزاد ظاہر کیا جارہا ہے ، اور نتائج کو اس کمال مہا رت کے ساتھ مسخ کر کے پیش کیا گیا ہے کہ جن حلقوں میں مجلس وحدت کا امیدوار ٹاپ تھری پوزیشنز پر تھا وہ اب پانچویں اور آٹھویں پوزیشن پر پہنچا دیا گیا ہے، تاکہ ہمارے امیدواروں اور ووٹرز کو دل برداشتہ اور مایوس کیا جا سکے ،۔
ستم بالائے ستم یہ کے سیکریٹری الیکشن کمیشن انتخابات کے بعد پریس کانفرنس میں یہ کہتے سنے گئے کہ 94.6% الیکشن مکمل طور پر شفاف اور منصفانہ ہو ئے ہیں ، ان کے مطابق 5.94%دھاندلی ہو ئی ، مقام شرم ہے آزاد الیکشن کمیشن ، نگراں حکومت اور سکیورٹی ایجنسیس کے لیئے ، تمام تر زیادتیوں اور دھاندلیوں کے باوجود مجلس وحدت مسلمین پاکستان کے مرکزی الیکشن سیل نے انتہک کوششوں کے بعد پاکستان بھر کے ضلعی الیکشن سیل سے نتائج کی جمع آوری کا مرحلہ مکمل کیا ہے اور جو نتیجہ سامنے آیا وہ یہ ہے ۔
الیکشن کمیشن آف پاکستان :
ْقومی اسمبلی کل حاصل کردہ ووٹ 58561
مرکزی الیکشن سیل :
قومی اسمبلی کل حاصل کردہ ووٹ 124591
الیکشن کمیشن آف پاکستان :
صوبائی اسمبلی کل حاصل کردہ ووٹ 85068
مرکزی الیکشن سیل :
صوبائی اسمبلی کل حاصل کردہ ووٹ 227131
الیکشن کمیشن آف پاکستان :
قومی و صوبائی اسمبلی کل حاصل کردہ ووٹ 143629
مرکزی الیکشن سیل :
قومی و صوبائی اسمبلی کل حاصل کردہ ووٹ 351722
وحدت نیوز( لاہور)مجلس وحدت مسلمین پنجاب کے سیکرٹری جنرل علامہ عبدالخالق اسدی نے میانمار میں نہتے مسلمانوں پربربریت کی مذمت کرتے ہوئے کہا کہ امریکہ اور اسرائیل مسلمانوں کو باہم دست گریباں کر کے کافروں سے مسلمانوں کی نسل کْشی کروا رہا ہے میانمار کے مظلوم مسلمانوں کی نسل کْشی پر سیاسی ومذہبی جماعتوں کو مشترکہ لائحہ عمل اپنانا ہو گا عصر حاضر کی اس بد ترین بربریت پر خاموشی عذ اب الہی کو دعوت دینے کے مترادف ہے صہونیت کا اصل ایجنڈا دنیا بھر کے مسلمانوں کو فرقے کی بنیاد پر لڑانا اور اصل مسائل سے مسلمانوں کی توجہ ہٹانا ہے۔
علامہ اسدی کا کہنا تھا کہ میانمار میں مسلمانوں کی نسل کْشی ،شام،یمن،عراق،سعودی عرب،پاکستان میں مسلمانوں کو باہم لڑانا یہ گریٹر گیم کا حصہ ہے اس میں مادیت پرست کچھ مسلمان ممالک بھی صہونیت کے آلہ کار کے طور پر شامل ہیں ان جرائم میں وہ بھی برابر کے شریک ہیں۔انہوں نے تمام آئمہ جمعہ سے اپیل کی ہے کہ وہ تمام مسلمانوں کو ان مظلوموں کے حالات سے جمعے کے خطبے میں آگاہ کریں اوراسلام کے اصل دشمنوں کے چہروں کو بے نقاب کریں۔انہوں نے اقوام متحدہ،ہیومن رائٹس۔ایمنسٹی انٹر نیشنل،کی اس بدترین مظالم پر خاموشی کی مذمت کرتے ہوئے کہا یہ ادارے فقط مغربی و صہیونی مفادات کے تحفظ کے لیئے ہیں ۔
علامہ اسدی نے لاہور میں تاجر برادری اور وکلا کی مظلوم برمی مسلمانوں کے لئے آواز اْٹھانے پر خراج تحسین پیش کرتے ہوے کہا تاجر برادری اور وکلا ہمیشہ سے ملک کے اندر اور بین اقوامی سطح پر جب بھی کوئی مظالم ہواہے تاجر اور وکلا نے ظلم کے خلاف ہمیشہ سے صف اول دستے کا کردار ادا کیا ہے اور ان کا یہ عمل تمام مذہبی وسیاسی جماعتوں کے لئے قابل تقلید ہے۔
وحدت نیوز (کوئٹہ ) مجلس وحدت مسلمین پاکستان صوبہ بلوچستان کادوسرا تنظیمی و تربیتی کنونشن 8جون بروز ہفتہ کوصوبائِی سیکریٹریٹ کوئٹہ میں منعقد کیا جا رہا ہے ،جسمیں صوبائی سیکریٹری جنرل برائے سال 2013-2016کا انتخاب عمل میں لایا جائے گا ۔ کنونشن میں تمام اضلاع کے عہدیداران شرکت کریں گے ۔
جب کہ اراکین صوبائی شوریٰ اپنے حق رائے دہی کا اظہار کر تے ہوئے نئے صوبائی سیکریٹری جنرل کا انتخاب کر یں گے ، مرکز کی نمائندگی کر تے ہو ئے علامہ محمد امین شہیدی اجلاس میں شرکت کریں گے ، جب کے مرکزی سیکریٹری امور تنظیم سازی علامہ شفقت عباس شیرازی انتخابی عمل کی نگرانی کریں گے ۔
وحدت نیوز (کراچی ) مجلس وحدت مسلمین پاکستان کراچی ڈویژن کادوسرا تنظیمی و تربیتی کنونشن 9جون بروز اتوار کو منعقد کیا جا رہا ہے ،جسمیں ڈویژنل سیکریٹری جنرل برائے سال 2013-2016کا انتخاب عمل میں لایا جائے گا ۔ کنونشن کا آغاز المحسن ہال میں صبح 11بجے ہو گاجسمیں تمام اضلاع اور یونٹس کے عہدیداران شرکت کریں گے ۔
جب کہ اراکین ڈویژنل شوریٰ اپنے حق رائے دہی کا اظہار کر تے ہوئے نئے ڈویژنل سیکریٹری جنرل کا انتخاب کر یں گے ، مرکز کی نمائندگی کر تے ہو ئے علامہ اعجاز بہشتی ، علامہ اقبال بہشتی اور محمد مہدی عابدی اجلاس میں شرکت کریں گے ، جب کے صوبائی سیکریٹری جنرل علامہ مختار احمد امامی انتخابی عمل کی نگرانی کریں گے ۔
مجلس وحدت مسلمین پاکستان کراچی ڈویژن کا یہ اجلاس قبل از مغرب اختتام پزیر ہو گا۔
