The Latest
وحدت نیوز(لاہور) مجلس وحدت مسلمین پنجاب کی صوبائی کابینہ کا ایک اہم اجلاس صوبائی سیکریٹریٹ لاہور میں منعقد ہوا، جس کی صدارت صوبائی صدر حجت الاسلام والمسلمین علامہ سید علی اکبر کاظمی صاحب نے کی۔ اجلاس میں تنظیمی، تعلیمی اور تربیتی امور پر تفصیلی گفتگو کی گئی اور متعدد اہم فیصلے بھی کیے گئے۔
اجلاس میں زیرِ غور آنے والے اہم نکات میں شامل تھے:
قومی و صوبائی نصاب کانفرنس
محرم الحرام و صفر المظفر کی تیاری
سبیل اور روزِ عرفہ کی اجتماعی دعائے عرفہ
امام خمینیؒ کی 36ویں برسی کی تقاریب
اجلاس میں گزشتہ تین سالہ کارکردگی کا جائزہ لیا گیا اور آئندہ تین سال کے لیے نئی حکمت عملی پر مشاورت کی گئی۔
اجلاس میں شرکت کرنے والے اہم عہدیداران میں شامل تھے:
سید حسین زیدی (صوبائی سیکرٹری سیاسیات)
سید اقبال حسین شاہ (صوبائی نائب صدر)
سید انوار حسین زیدی (صوبائی سیکرٹری تنظیم سازی)
شیخ عمران علی (صوبائی سیکرٹری فلاح و بہبود)
سید فصاحت علی بخاری (صوبائی سیکرٹری مالیات)
ظہیر کربلائی (صوبائی آفس سیکرٹری)
تمام اراکین نے صوبائی صدر کی کارکردگی کو سراہا اور ان کی قیادت و رہنمائی پر ان کا شکریہ ادا کیا۔
وحدت نیوز(منڈی بہاؤالدین) مجلس وحدت مسلمین منڈی بہاؤالدین کے زیر اہتمام ایک اہم قومی مشاورتی اجلاس کا انعقاد بوسال میں عمل میں آیا جس میں ضلع بھر سے علماء، وکلاء، تنظیمی کارکنان اور مومنین کی بڑی تعداد نے شرکت کی۔ اجلاس کا آغاز صبح 11:00 بجے تلاوتِ قرآن مجید سے ہوا۔
اجلاس سے خطاب کرتے ہوئے ممتاز علمائے کرام نے قومی نظم و ضبط، اتحاد و وحدت اور تنظیمی شعور کی اہمیت پر زور دیا۔
مرکزی خطاب مجلس وحدت مسلمین پنجاب کے صوبائی صدر علامہ سید علی اکبر کاظمی نے کیا، جنہیں مومنین کے پُرجوش نعروں کے ساتھ خوش آمدید کہا گیا۔ انہوں نے اپنے مدلل اور ولولہ انگیز خطاب میں کہا کہ:
> "منڈی بہاؤالدین میں مومنین کی ایسی بڑی تعداد میں قومی جماعت کے پلیٹ فارم پر اکٹھا ہونا خوش آئند اور حوصلہ افزا ہے۔"
انہوں نے اس موقع پر منڈی بہاؤالدین میں تنظیم سازی کا باضابطہ اعلان کرتے ہوئے کہا:
? یونین کونسل سطح پر MWM کے یونٹس قائم کیے جائیں گے
? تینوں تحصیل صدور کا انتخاب کیا جائے گا
? ایک ضلعی میٹنگ کے ذریعے ضلع صدر کا شفاف انتخاب ہوگا
? مومنین، علمائے کرام، ذاکرین اور وکلاء کو براہ راست انتخاب میں شامل کیا جائے گا
? اجلاس کے بعد نمازِ ظہرین باجماعت ادا کی گئی جس کے بعد لنگر امام حسینؑ کا وسیع انتظام کیا گیا۔
بعد ازاں مختلف مکاتب فکر کے نمائندہ وفود نے صوبائی صدر سے انفرادی ملاقاتیں کیں، اہم سوالات اور آراء پیش کیں جن کا تسلی بخش جواب دیا گیا۔ علامہ علی اکبر کاظمی نے اس عزم کا اعادہ کیا کہ:
> "ہم ہر خوشی، غم اور مشکل میں مومنین کے ساتھ کھڑے ہیں اور رہیں گے۔"
? اجلاس کا اختتام دعائے امام زمانہؑ سے ہوا اور تحریری لائحہ عمل مولانا سید مظہر عباس ہادی کے سپرد کیا گیا۔
مجلس وحدت مسلمین منڈی بہاؤالدین نے اس موقع پر تمام علماء، وکلاء، ذاکرین، اساتذہ اور مومنین کا خصوصی شکریہ ادا کیا جنہوں نے بہت کم وقت میں اتحاد، بصیرت اور حسینی فکر کا عملی مظاہرہ کرتے ہوئے قومی مشاورتی اجلاس کو کامیاب بنایا۔
وحدت نیوز(سکردو)پاکستان کے نامور عالم ، دانشمند،مصنف و مؤلف اور معاشرتی شخصیت،حجة الاسلام سید حسنین عباس گردیزی صدر مجلس علماء مکتب اہل بیت پاکستان اور مدیر جامعةالرضا اسلام آباد کی حوزہ علمیہ جامعۃ النجف سکردو آمد مدیر محترم حجۃالاسلام شیخ محمد علی توحیدی اور دیگر اساتذہ کرام نے ان کا خیر مقدم کیا ۔
آقائے گردیزی کے ہمراہ حجۃالاسلام ڈاکٹر مشتاق حکیمی بھی تھے ۔ملاقات میں بلتستان اور پاکستان کے مدارس دینیہ کے حوالے سے گفت و شنید ہوئی اور تبادلہ خیال کیا ۔آقائے گردیزی نے اپنے ادارے کی شائع کرده کتاب معارف و عقائد(اردو) اس کتاب کے فاضل مترجم حجةالاسلام شیخ محمد علی توحیدى پرنسپل جامعةالنجف سکردو کوپیش کیا ۔
اسلامی معارف و عقائد کے موضوع پر اس معرکة الآراء کتاب کے مؤلفين علامہ محمد تقی سبحانی اور علامه رضا برنجكارہیں۔ جس کا اردو زبان میں ترجمه علامه توحیدی نے کیا ہے ۔یہ کتاب ایران اور پاکستان کے حوزہ ہای علمیہ کے نصاب کا حصہ ہے۔اداره نورالھدی مرکز تحقیقات اسلام آباد نے اس کتاب کو شائع کیا ہے ۔ علماء،طلباء، دانشوروں اور تعلیم یافتہ تشنگان علم کے لئے یہ کتاب ایک بیش بہا تحفہ ہے۔
وحدت نیوز(لاہور)مجلس وحدت مسلمین پنجاب کے صوبائی صدر حجت الاسلام والمسلمین علامہ سید علی اکبر کاظمی نے ناصر باغ لاہور میں نماز عید الفطر کے تاریخی اجتماع کو روکنے پر حکومت پنجاب کو شدید تنقید کا نشانہ بنایا ہے۔
علامہ کاظمی نے ایک بیان میں کہا کہ:
> "ناصر باغ میں نماز عید کا اجتماع گزشتہ 50 سال سے مسلسل منعقد ہو رہا ہے، جو مرحوم حیدر علی مرزا کے دور سے جاری ہے۔ اس سال بھی جناب امیر عباس مرزا کے نام پر باقاعدہ اجازت نامہ موجود تھا، لیکن انتظامیہ نے بلاجواز سیکیورٹی رسک کا بہانہ بنا کر اس مذہبی اجتماع کو روک دیا۔"
انہوں نے اس اقدام کو دانستہ اشتعال انگیزی قرار دیتے ہوئے کہا کہ حکومت عید کے پرامن اور روحانی موقع پر ایسے اقدامات کر رہی ہے جو امن و امان کے مسائل پیدا کر سکتے ہیں۔
علامہ علی اکبر کاظمی نے کہا کہ:
> "ہم جانتے ہیں کہ اصل ہدف محرم الحرام اور صفر المظفر کی عزاداری کو محدود کرنا ہے۔ یہ سب کچھ ایک طے شدہ منصوبے کے تحت کیا جا رہا ہے۔"
انہوں نے حکومت پنجاب سے مطالبہ کیا کہ ناصر باغ میں نماز عید کے اجتماع پر عائد پابندی کا نوٹس فوری طور پر واپس لیا جائے اور اس غیر آئینی اور غیر جمہوری اقدام کا ازالہ کیا جائے۔
علامہ کاظمی نے مزید کہا کہ مجلس وحدت مسلمین پرامن مذہبی آزادی پر یقین رکھتی ہے اور اپنے آئینی حقوق سے دستبردار نہیں ہوگی۔
وحدت نیوز (سکردو) صدر مجلس علمائے مکتب اہل بیت ؑ پاکستان ،نامور عالم دین سید حسنین عباس گردیزی کی جامعۃ النجف سکردو کے طلبہ اور دیگر نمازیوں سے بہترین علمی اور فکری گفتگو ۔آقائے گردیزی نے اپنے خطاب میں کہا کہ یہ ایام ایسی ہستی کی وفات کے ایام ہیں کہ جن کا شمار آئمہ اہل بیت علیہم السلام کے بعد انگشت شمار شخصیات میں ہوتا ہے۔ وہ ذات امام خمینی (رہ) ہیں۔ آپ نے جو کارنامہ انجام دیا اس کے اثرات صدیوں پر محیط ہیں۔ انقلاب اسلامی ایران کے برکات کو شمار کرنا کسی انسان کے بس کی بات نہیں۔ بہت سارے لوگوں نے ان کی شخصیت سے متاثر ہوکر اسلام قبول کیا اور بہت سارے مکتب اہل بیت سے متمسک ہوئے۔ جس عظیم ہستی نے مکتب اہل بیت کے پیروکاروں کو حقیقی معنوں میں معارف اہل بیت سے روشناس کرایا وہ بھی امام خمینی(رہ) ہیں۔
ملت تشیع نے تاریخ میں بہت ساری مشکلات برداشت کی۔ عام طور پر اسلام کا نظریہ فقط انفرادی عبادات و معاملات میں منحصر سمجھا جاتا ہے جبکہ امام خمینی (رہ) نے ان امور کے ساتھ ساتھ اجتماعی ذمہ داریاں بھی کتابوں سے معاشرے تک منتقل کرکے ان کو عملی جامہ پہنایا۔ دین اور سیاست کی جدائی کا جو نظریہ پایا جاتا تھا اس پر آپ نے خطِ بطلان کھینچا۔ اسی طرح آپ نے عدالت اجتماعی کے نفاذ کے لیے سعی بلیغ انجام دی۔ کیونکہ آئمہ معصومین علیہم السلام کی غیبت کے زمانے میں عدلِ اجتماعی کو بپا کرنا ولی فقیہ کی ذمہ داری ہے۔ مذہب کو اجتماعی اور سیاسی امور سے الگ کرنے کا نام سیکولرزم ہے۔ اسلام کہتا ہے کہ انفرادی اور اجتماعی امور سب میں اسلام کا حکم نافذ ہوگا۔ جب اسلام کو حقیقی معنوں میں نافذ کیا جائے تو دنیوی اور روحانی اعتبار دونوں سے ہم کمال تک پہنچیں گے۔
وحدت نیوز(اسلام آباد)سیکرٹری جنرل مجلس وحدت مسلمین پاکستان علامہ سید حسن ظفر نقوی نے ایک بیان میں کہا ہے کہ حکمرانوں نے آنے والے بجٹ میں عوام پر مہنگائی کا پہاڑ توڑنے کے لئے پہلے سے زمین ہموار کرنا شروع کردی ہے سارے وزیر مشیر میڈیا کے ذریعے پہلے ہی سے مہنگائی کا مژدہ سنا رہے ہیں وہ نوکری پیشہ افراد جو اپنی تنخواہ سے بجلی کا بل بھی ادا کرنے کے قابل نہیں ان کی کمر توڑنے کی تیاریاں کی جارہی ہیں۔
انہوں نے مزید کہا کہ اپنی تنخواہیں کئی سو فیصد بڑھانے والے عوام کے سامنے سخت حالات برداشت کرنے کا بھاشن دے رہے ہیں اگر ملک معاشی ترقی کر رہا ہے تو عوام مہنگائی تلے کیوں دبتی جا رہی ہے آئی ایم ایف کا تیار کردہ بجٹ عوام کسی حال میں قبول نہیں کرے گی تمام سیاسی اور مزہبی جماعتوں کو مل کر مہنگائی کے اس طوفان کے خلاف آواز اٹھانا ہو گی جو آنے والے بجٹ کی صورت میں آنے والا ہے۔
وحدت نیوز(کراچی) وحدت یوتھ پاکستان کراچی ڈویژن کی جانب سے تیسرا سالانہ تنظیمی و تربیتی کنونشن بعنوان صدائے عدل کا انعقاد آئی آر سی لان بی میں کیا گیا، کنونشن میں اسٹیج سیکرٹری کے فرائض صائم جعفری نے انجام دیئے، کنونشن کا آغاز قاری علی حمزہ نے تلاوتِ کلامِ الٰہی سے کیا، علی مہدی نقوی، حسین نگری، طاہر بلتستانی، آصف علی، ساجن علی اور برادر میثم نے بارگاۂ رسالت و امامت میں نذرانۂ عقیدت پیش کیا، شرکاء کنونشن سے مجلسِ وحدتِ مسلمین پاکستان کے مرکزی جنرل سیکرٹری علامہ حسن ظفر نقوی، صوبائی صدرعلامہ باقر عباس زیدی، پروفیسر زاہد علی زاہدی، وحدت یوتھ پاکستان کے مرکزی صدر یاور علی کاظمی اور مجلسِ وحدتِ مسلمین پاکستان کراچی ڈویژن کے سیکرٹری تبلیغات علامہ حیات عباس نجفی نے خطاب کیا۔ علامہ حسن ظفر نقوی نے اپنے خطاب کے آخر میں وحدت یوتھ پاکستان کراچی ڈویژن کے نومنتخب ڈویژنل صدر کا اعلان کیا، کثرتِ رائے سے علی حیدر کاظمی کو برائے سال 2025-26ء کے لیے ڈویژنل صدر منتخب کیا گیا، مرکزی صدر وحدت یوتھ پاکستان یاور علی کاظمی نے نومنتخب ڈویژنل صدر سے حلف لیا۔
کنونشن میں مجلسِ وحدتِ مسلمین آزاد کشمیر کے صدر علامہ یاسر سبزواری، ایم ڈبلیو ایم کراچی کے سیکرٹری سیاسیات علامہ مبشر حسن، جعفریہ الائنس پاکستان کے جنرل سیکرٹری شبر رضا رضوی، ہئیت آئمہ مساجد و علمائے امامیہ کے جنرل سیکرٹری علامہ اصغر حسین شہیدی، صدر عزاداری ونگ کراچی رضی حیدر رضوی، ایم ڈبلیو ایم کراچی کے ڈپٹی جنرل سیکرٹری عسکری رضوی، ڈویژنل فلاح و بہبود سیکرٹری زین رضا، ڈویژنل مالیات سیکرٹری محمد عباس، ڈویژنل رابطہ سیکرٹری علی نئیر، امامیہ آرگنائزیشن پاکستان کراچی کے رہنماء علی رضا لیلانی، شیعہ علماء کونسل پاکستان صوبۂ سندھ کے نائب صدر سید اسد حیدر شاہ بخاری، اسکاؤٹس رابطہ کونسل کے رہنماء رضا زیدی، قنبر، کمیل، جعفریہ یوتھ پاکستان صوبۂ سندھ کے ناظم ساجد علی، ایم ڈبلیو ایم ضلع وسطی کے صدر علامہ ملک غلام عباس، ایم ڈبلیو ایم ضلع ملیر کے صدر احسن عباس، عزاداری ونگ ضلع شرقی کے صدر حسن کاظمی، دیگر ملی تنظیمات کے نمائندگان سمیت ٹاؤن صدور و ممبران نے شرکت کی۔
وحدت نیوز(کوئٹہ) خانہ فرہنگ اسلامی جمہوریہ ایران کوئٹہ کے زیر اہتمام بانی انقلاب اسلامی، رہبر کبیر حضرت امام خمینیؒ کی 36 ویں برسی کی مناسبت سے ایک پُروقار کانفرنس بعنوان "اقتدار امام خمینی کی نگاہ میں" منعقد ہوئی۔
کانفرنس سے اسلامی جمہوریہ ایران کے قونصل جنرل جناب آقای علی رضا رجائی، مجلس وحدت مسلمین پاکستان کے مرکزی سیکریٹری نشر و اشاعت علامہ مقصود علی ڈومکی، نیشنل پارٹی کے مرکزی رہنما میران بلوچ جامعہ امام صادق کوئٹہ کے پرنسپل علامہ محمد جمعہ اسدی، اور ڈائریکٹر جنرل خانہ فرھنگ آقا سید ابو الحسن میری سمیت دیگر مقررین نے خطاب کیا۔
اس موقع پر خطاب کرتے ہوئے مجلس وحدت مسلمین کے مرکزی رہنما علامہ مقصود علی ڈومکی نے کہا کہ: "دین اسلام نے اہلِ حق اہل ایمان کو طاقت کے حصول کا حکم دیا ہے، جیسا کہ ارشاد باری تعالیٰ ہے: 'اور دشمن کے مقابلے میں جتنی طاقت جمع کر سکتے ہو، کرو۔' ایسی طاقت حاصل کرو کہ دشمن تم سے خوفزدہ ہو۔"
انہوں نے کہا کہ امام خمینیؒ اللہ کی طاقت پر کامل یقین رکھتے تھے، اسی لیے وہ امریکہ، اسرائیل اور عالمی استعمار سے خوفزدہ نہیں تھے۔ آپ فرمایا کرتے تھے: "امریکہ ھیچ غلطی نمی تواند بکند" یعنی امریکہ کوئی غلط قدم نہیں اٹھا سکتا۔
علامہ ڈومکی نے کہا کہ امام خمینیؒ نے امت مسلمہ کو طاقتور بننے کا راستہ دکھایا۔ اللہ کی ذات کے بعد آپ نے ہمیشہ عوامی طاقت پر بھروسہ کیا۔ آپ کا یہ تاریخی جملہ ’’میزان، رائے ملت است‘‘ یعنی "پیمانہ ملت کی رائے ہے"، آج بھی اسلامی جمہوریہ کی سیاست کی بنیاد ہے۔
انہوں نے کہا کہ امام خمینیؒ نے اسلامی افواج کو طاقتور دیکھنا چاہا۔ فلسطین کے نہتے مجاہدین، جن کے ہاتھوں میں صرف پتھر اور غلیل تھے، انہی کے ہاتھوں میں رائفل، میزائل اور راکٹ لانچر دیے تاکہ وہ اسرائیل جیسے غاصب کے مقابلے میں ڈٹ سکیں۔ امام خمینیؒ کی انقلابی فکر نے اسلامی جمہوریہ ایران کو اتنا مضبوط کر دیا کہ آج امریکہ اور اسرائیل اس پر حملہ کرنے سے پہلے سو بار سوچتے ہیں۔
علامہ مقصود ڈومکی نے کہا کہ اقتدار اور طاقتور دفاع کی تازہ مثال ہمیں وطن عزیز پاکستان میں دیکھنے کو ملی، جب بھارتی وزیر اعظم مودی نے طاقت کے نشے میں پاکستان پر حملہ کیا، تو پاک فضائیہ کے بہادر جوانوں نے بھارتی جہازوں کو سرنگوں کر کے دشمن کو منہ توڑ جواب دیا۔ اگر پاکستان کا دفاع کمزور ہوتا تو دشمن مزید حملوں کا مرتکب ہوتا۔
انہوں نے کہا کہ امام خمینیؒ کی فکر آج بھی دنیا بھر کے مظلوموں کے لیے امید کا چراغ ہے، اور امت مسلمہ کو چاہیے کہ وہ اپنے دفاع، معیشت، سیاست اور ٹیکنالوجی میں خودکفالت حاصل کرے تاکہ عالم کفر کے سامنے اپنا سر بلند رکھ سکے۔
وحدت نیوز(اسلام آباد) مجلس وحدت مسلمین شعبہ خواتین اسلام آباد کی جانب سے علی پور یونٹ میں تین روزہ تربیتی ورکشاپ کا انعقاد ہوا جس میں طالبات کے لیے فقہی و اخلاقی دروس کے ساتھ ساتھ بیکنگ اور بیوٹیشن کلاسز کا بھی انعقاد کیا گیا سہہ روزہ ورکشاپ میں محترمہ عنصر زہرا ، محترمہ فاطمہ امینی ، محترمہ نجمہ جعفری اور محترمہ صغریٰ نے احکام دین ، ولایت فقیہہ اور مہدویت ، عصر حاضر میں خواتین کا کردار اور درس اخلاق کے موضوعات پر تدریس کے فرائض انجام دیے۔
صدر ایم ڈبلیو ایم وومن ونگ راولپنڈی / اسلام آباد محترمہ صدیقہ کائنات اور محترمہ اُم فروا نے بیکنگ ، جبکہ نائب صدر ایم ڈبلیو ایم وومن ونگ اسلام آباد محترمہ نادیہ بتول اورمحترمہ رباب زہرا نے سیلف گرومنگ اور بیوٹیشن کی کلاسز لیں۔ اس موقع پر ضلعی صدر محترمہ صدیقہ کائنات نے تمام اراکین کا شکریہ ادا کیا اور یونٹ لیول پر دینی تربیت اور مختلف اسکلز پر مشتمل ورکشاپس کے انعقاد اور قرآن سنٹرز کے قیام کے لیے مزید کوشش جاری رکھنے کا عزم کیا۔
وحدت نیوز(اسلام آباد)مجلس وحدت مسلمین پاکستان کے چیئرمین، سینئر رہنما علامہ راجہ ناصر عباس جعفری نے سینیٹ کی اسٹینڈنگ کمیٹی برائے انسانی حقوق اور سینیٹ کی اسٹینڈنگ کمیٹی برائے اوورسیز پاکستانی میں خصوصی شرکت کی۔
اجلاس کے دوران انسانی حقوق، بالخصوص بچوں کو درپیش مسائل، اور بیرونِ ملک مقیم پاکستانیوں کے معاملات پر تفصیلی مشاورت کی گئی۔
علامہ راجہ ناصر عباس جعفری نے سعودی عرب میں لاپتا عالمِ دین علامہ غلام حسنین وجدانی کا مسئلہ دونوں کمیٹیوں میں مؤثر انداز میں اجاگر کیا۔
انہوں نے دونوں اسٹینڈنگ کمیٹیوں کے چیئرمین حضرات کو توجہ دلانے کے لئے لیٹر بھی پیش کیے، تاکہ اس سنگین انسانی مسئلے پر فوری اقدامات ممکن بنائے جا سکیں۔
