وحدت نیوز (قم المقدسہ) مجلس وحدت مسلمین پاکستان شعبہ قم کی جانب سے سفیر انقلاب شھید ڈاکٹر سید محمد علی نقوی کی بیسویں برسی اور چھلم شھداء شکارپور، شھداء راولپنڈی و شھداء پشاور کی مناسبت سے مدرسہ حجتیہ قم المقدسہ میں ایک فقید المثال پروگرام کا انعقاد کیا گیا، جس میں قم المقدسہ کے علمائے کرام اور طلاب عظام نے بھرپور شرکت کی۔ پروگرام سے حوزہ علمیہ کے نامور بزرگ استاد آیت اللہ غلام عباس رئیسی، حجت الاسلام والمسلمین ڈاکٹر سید شفقت حسین شیرازی اور شہید ڈاکٹر کے فرزند ارجمند سید دانش نقوی نے خصوصی خطاب کیا۔ پروگرام سے خطاب کرتے ہوئے استاد حوزہ آیت اللہ غلام عباس رئیسی نے کہا کہ سعودی عرب کی غیر منطقی پالیسیوں کے باعث پوری دنیا میں اسلام بدنام ہو رہا ہے، آج سعودی عرب کی تمام تر پالیسیز اسلام کے نام پر اسلام کے مخالف ہیں۔ جہاد النکاح نے نام نهاد جهادی گروہوں کے ذریعے پوری دنیا میں اسلام کے رحمانی چهرے کو مسخ کر دیا ہے، لیکن حقیقت یہ ہے کہ جس اسلام کی تبلیغ سعودیہ سے ہو رہی ہے، وہ استکباری اسلام ہے اور حقیقی اسلام سے اس کا کوئی تعلق نہیں۔

مجلس وحدت مسلمین پاکستان کے امور خارجہ کے سیکرٹری جنرل حجت الاسلام والمسلمین علامہ ڈاکٹر شفقت حسین شیرازی نے کہا کہ پاکستان سعودیہ کے اشاروں پر ایران سے دشمنی پہ تلا ہوا ہے، پاکستان سعودی عرب کے مفادات کی جنگ میں خود قربان ہوکر ایران سے دشمنی پر تلا ہوا ہے۔ پاکستان اور ایران انتہائی عمیق ثقافتی، علمی، مذہبی اور تاریخی رشتوں سمیت اسلامی جمہوریت کے رشتہ سے جوڑے ہوئے ہیں جبکہ سعودیہ کی پوری تاریخ شہنشاہیت اور آمریت سے عبارت ہے، پاکستان کو چاہیے کہ سعودیہ کی غلامی سے اپنے آپ کو نجات دلا کر اسلامی ممالک سے بهتر تعلقات کی کوشس کرے۔

ڈاکٹر علامہ شفقت شیرازی نے شھید ڈاکٹر محمد علی نقوی کی شخصیت پر گفتگو کرتے ہوئے کہا کہ ڈاکٹر شھید کی زندگی ہمارے لئے ایک عملی نمونہ ہے، انہوں نے حق کی پہچان کے بعد ہاتھ پر ہاتھ رکھ کر بیٹھ جانے کو حق کی توہیں قرار دیا ہے۔ انہوں نے کہا کہ جب امام خمینی ؒ نے اسلام دشمنوں کی طرف سے شروع کی گئی جنگ کے دوران حکم دیا کہ ہر شخص پر دفاع واجب ہے تو یہ ڈاکٹر شھید محمد علی نقوی ہی تھے جنہوں نے پاکستان کی سر زمین سے لبیک کہا اور اپنے گھر والوں کو بتائے بغیر اور اپنی مصروفیات کو چھوڑ کر اپنے فرض کو نبھانے کے لئے اسلامی جمہوریہ ایران پہنچ گئے اور بغیر کسی استراحت کے زخمیوں کے علاج میں لگ گئے۔ اسکے علاوہ علامہ سید شفقت شیرازی نے پاکستان کو در پیش اندرونی اور بیرونی خطرات پر اور مجلس وحدت مسلمین پاکستان کی ملک بھر میں جاری فعالیت پر روشنی ڈالی۔ آخر میں مجلس وحدت مسلمین پاکستان شعبہ قم کے سیکرٹری جنرل علامہ ڈاکٹر غلام محمد فخرالدین نے تمام علماء کرام، طلاب عظام اور شرکاء کا شکریہ ادا کیا اور دعا امام زمانہؑ کے ساتھ پروگرام کا اختتام ہوا۔

وحدت نیوز (اسکردو) مجلس وحدت مسلمین پاکستان بلتستان ڈویژن کے ترجمان فدا حسین نے اپنے ایک بیان میں کہا کہ مجلس وحدت مسلمین میں دیگر پارٹی اور آزاد امیداروں کی شمولیت کا سلسلہ شروع ہوا ہوا ہے اور یہ سیاسی عمل کا حصہ ہے بلتستان کے تمام حلقوں سے شمولیت کے لیے بیسیوں افراد موجود ہیں مجلس وحدت میں شمولیت کا ہرگز عوام یہ مطلب نہ لے کہ ان سب کو ٹکٹ دیا جائے گا بلکہ ٹکٹ جاری کرتے ہوئے معیارات کو ہرگز نظر انداز نہیں کیا جائے گا۔ عوام مطمئن رہیں کہ معیار پر کسی قسم کا سمجھوتہ نہیں ہوگا۔ الیکشن میں اہل ، دیانت دار، بے باک ماضی کے حامل ، دینی غیرت و حمیت رکھنے والے عوامی خدمت کے جذبے سے سرشار عوام کے خادم کو متعارف کیا جائے گا۔انہوں نے کہا کہ ہم ایسے نمائندے کو سامنے لائیں گے جس کا ماضی بھی پاک و صاف ہو اور مجلس وحدت مسلمین کا نظریاتی حامی ہو۔ مجلس وحدت ایک ایسی تنظیم ہے جہاں پر قربانیوں کو ہرگز نظر انداز نہیں کیا جا تا اور ملت کے ہر فرد کو چاہے اس کا تعلق کسی بھی مکتب و مسلک سے ہو مجلس کا حصہ بن سکتا ہے۔ ہم ہر شخص کو گلے سے لگانے کے لیے تیار ہے بہت جلد شیعہ مکتب فکر کے علاوہ دیگر مکاتب فکر کے بھی باقاعدہ ونگ بنایا جائے گا اور عوامی حقوق کی جنگ تمام مسالک کو ساتھ لے کے لڑی جائے گی۔معاشرہ میں موجود ظلم و زیادتی کا مقابلہ کیا جائے گا اور ہر مظلوم کی پکار پر لبیک کہا جائیگا۔انہوں نے کہا کہ اگر کسی کی جانب سے مجلس وحدت مسلمین کی طرف سے ٹکٹ دینے اور الیکشن لڑنے کا عندیہ دیا جا رہا ہے تو یہ انکا ذاتی فعل ہے اور مجلس سے اس عمل کا کوئی تعلق نہیں ۔ بلتستان کے کسی بھی حلقے میں ابھی تک امیدوار کو کوئی فیصلہ نہیں ہوا۔ ٹکٹ دینے کا فیصلہ کو ئی بھی شخصیت کرنے کی پوزیشن میں نہیں بلکہ سیاسی ادارہ یہ حق رکھتا ہے کہ وہ اپنی میکانیزم کو ملحوظ خاطر رکھ کر امیدواروں کو میدان میں لایا جائے گا۔ مجلس وحدت کسی جیتنے والے یا ووٹ بینک رکھنے والے امیدوار کو سامنے لاکر صرف الیکشن جیتنے کے حق میں نہیں بلکہ عوام کو ایک معیار دینا چاہتے ہیں اورمعیار پر سمجھوتہ کیے بغیر اگر شکست بھی ہو جائے تو فتح ہے۔ انہوں نے کہا کہ عوام مطمئن رہیں ٹکٹ کا اجرا معیارات کے مطابق ہوگا۔

وحدت نیوز (گلگت) مجلس وحدت مسلمین پاکستان کے سیکرٹری سیاسیات سید ناصر عباس شیرازی نے اپنے دورہ گلگت کے موقع پر اسماعیلی ریجنل کونسل کے پبلک ریلیشن کمیٹی کے اراکین سے ملاقات کے دوران گفتگو کرتے ہوئے کہا کہ ایم ڈبلیو ایم اتحاد بین المسلمین کی داعی جماعت ہے، جو بلا رنگ و نسل و مذہب الٰہی اہداف کے حصول میں ہمہ وقت کوشان و متحرک ہے۔ مجلس وحدت مسلمین ہر سطح پر مظلوموں کی حمایت جاری رکھے گی، خواہ اس کا تعلق کسی بھی طبقہ فکر سے ہو۔ 68 سالوں سے گلگت بلتستان کی عوام کو بنیادی انسانی حقوق سے محروم رکھ کر علاقے کے عوام کے ساتھ بہت بڑی زیادتی کی گئی ہے۔ غیر مقامی گورنر کی تعیناتی گلگت بلتستان کے عوام کی توہین ہے۔ قیام پاکستان اور استحکام پاکستان میں اسماعیلی بھائیوں کی قربانیاں اور خدمات کسی سے کم نہیں۔ آل انڈیا مسلم لیگ کے قیام اور تحریک پاکستان میں اسماعیلی قائدین کی خدمات تاریخ کا روشن باب ہیں۔

انہوں نے کہا کہ پاکستان بنانے میں اسماعیلی برادری کا بڑا کردار ہے اور گلگت بلتستان کی آزادی میں اسماعیلی جوانوں اور قائدین نے بیش بہا قربانیاں پیش کی ہیں۔ افسوس کے ساتھ کہنا پڑتا ہے کہ قیام پاکستان اور استحکام پاکستان میں جن قوتوں نے کردار ادا کیا ہے، انہیں دیوار سے لگایا گیا اور جو قوتیں قیام پاکستان کی مخالف تھیں، انہوں نے ملک کو یرغمال بنایا ہے اور بانیان پاکستان پر مسلسل حملے کئے جا رہے ہیں۔ اس موقع پر پبلک ریلیشن کمیٹی کے چیئرمین بلبل جان شمس نے مجلس وحدت مسلمین کے سیکرٹری سیاسیات کو گلگت بلتستان آمد پر خوش آمدید کہا اور ایم ڈبلیو ایم کی کوششوں کو سراہتے ہوئے علاقے کی تعمیر و ترقی میں مشترکہ جدوجہد کا یقین دلایا۔ دونوں طرف کے رہنماؤں نے روابط کو بڑھانے اور ملاقاتوں کا سلسلہ جاری رکھنے پر اتفاق کیا۔ مجلس وحدت مسلمین کے وفد میں علامہ نیئر عباس مصطفوی سیکرٹری جنرل ایم ڈبلیو ایم گلگت بلتستان، شیخ عاشق حسین، ڈویژنل ڈپٹی سیکرٹری جنرل ایم ڈبلیو ایم اور صوبائی سیکرٹری سیاسیات غلام عباس شامل تھے۔

وحدت نیوز (گلگت) مجلس وحدت مسلمین پاکستان مرکزی سیکرٹری سیاسیات ناصرعباس شیرازی  سات روزہ دورے پر گلگت پہنچ گئے۔ اپنے سات روزہ دورے کے دوران وہ گلگت بلتستان کی سیاسی و مذہبی شخصیات کے ساتھ ملاقاتوں کے علاوہ تنظیمی اجلاسوں سے خطاب بھی کریں گے۔ ناصر عباس شیرازی کا جی بی کا سات روزہ دورہ انتہائی اہمیت کا حامل ہوگا، اس دوران گلگت بلتستان کی اہم شخصیات نے مجلس وحدت مسلمین میں اپنی شمولیت کا اعلان کرنا ہے۔ دیگر مصروفیات کے علاوہ ناصر عباس شیرازی پولیٹیکل کونسل ایم ڈبلیو ایم گلگت بلتستان اور کور کمیٹی کے اجلاس کی صدارت بھی کریں گے، جس میں مجلس وحدت مسلمین کی آنیوالے الیکشن میں بھرپور شرکت اور کامیابی کیلئے جدید خطوط پر مبنی حکمت عملی بھی طے کی جائیگی۔ گلگت میں قیام کے دوران وہ تمام حلقوں کے دوروں کے علاوہ مختلف طبقات کے وفود، عمائدین اور اہم شخصیات سے ملاقاتیں بھی کرینگے۔ ان کا یہ ہنگامی دورہ علاقے کی سیاسی فضا میں ہلچل پیدا کرنے کا باعث بن سکتا ہے۔

وحدت نیوز (مشہد) مجلس وحدت مسلمین پاکستان کے مرکزی ڈپٹی سیکرٹری جنرل اور خارجہ امور کے سیکریٹری علامہ ڈاکٹر سید شفقت حسین شیرازی نے کہا ہے کہ امت اسلامیہ اس وقت جس مصیبت میں مبتلا ہے، اس کی اصل وجہ تکفیریت ہے، اس شجرہ خبیثہ کی وجہ سے عالم اسلام کا چہرہ مسخ ہو رہا ہے اور دنیا میں اسلام دشمن قوتیں اسلام کے خلاف گھناونی سازشوں میں مصروف ہیں۔ ان خیالات کا اظہار انہوں نے مشہد مقدس کے حالیہ دورے کے دوران تسنیم انٹرنیشنل نیوز ایجنسی کو دیئے گئے ایک انٹرویو میں کیا۔ ان کا کہنا تھا کہ امریکہ و اسرائیل کی مدد سے بنائی گئی داعش جیسی تنظیم کو اب شام و عراق میں شکست فاش ہو رہی ہے اور بہت جلد اس کا وجود مٹ جائے گا، اس وقت عالم اسلام کی ذمہ داری بنتی ہے کہ ہم اپنے اندرونی اختلافات کو پس پشت ڈال کر تکفیریت کے اس کینسر سے نجات حاصل کریں۔ پاکستان میں مجلس وحدت مسلمین کی فعالیت اور درپیش چیلینچز پر بات کرتے ہوئے ان کا کہنا تھا کہ پاکستان میں شیعہ سنی مسالک کو یکجا کرنے میں ایم ڈبلیو ایم کا بنیادی کردار ہے۔ اب پاکستان میں کوئی نہیں کہہ سکتا کہ ملک میں مسلکی بنیادوں پر جنگ ہو رہی ہے کیونکہ اصل تکفیری آشکار ہوگئے ہیں، وہ لوگ جو پاکستان کا نئچرل ڈیفنس ہیں، وہ آج ایک دوسرے کے ہاتھوں میں ہاتھ ڈال کر کھڑے ہیں اور تکفیریت کا منہ توڑ جواب دینے کو تیار ہیں۔

وحدت نیوز (کویت) مجلس وحدت مسلمین پاکستان کے سیکریٹری جنرل علامہ ناصر عباس جعفری نے کہا ہے کہ دہشتگرد کسی ایک فرقے کے نہیں امن اور اسلام کے دشمن ہیں، اتحاد و یکجہتی کے بغیر ہم اسلام دشمنوں کے عزائم کو خاک میں نہیں ملا سکتے، پاکستان میں شفاف انتخابات کے بغیر حقیقی جمہوریت اور عوام کی حکمرانی ممکن نہیں ہوسکتی، حکمران قوم کو صرف تسلیاں دے رہے ہیں، مسائل کے حل کیلئے ان کے اقدامات ''زیرو'' ہیں۔ کویت میں مختلف وفود سے گفتگو کرتے ہوئے انہوں نے کہا کہ ہماری جماعت نے ہمیشہ پاکستان میں امن، ترقی و خوشخالی اور عوام کی حکمرانی کی بات کی ہے، اور ہم آج بھی اپنی اصولی اور نظریاتی سیاست پر قائم ہیں، جس کیلئے ہم نے پہلے بھی قربانیاں دی ہیں اور آئندہ بھی ہر قربانی دینے کو تیار ہیں۔ انہوں نے کہا کہ پاکستان کے عوام چاہتے ہیں کہ ملک کو دہشت گردوں اور ان کے حمایتوں سے پاک کیا جائے اور اسی لئے ہم نے بھی ہمیشہ افواج پاکستان کا دہشت گردی کے خاتمے کیلئے بھرپور ساتھ دیا ہے, لیکن آج ضرورت اس بات کی نہ صرف قومی ایکشن پلان پر تمام صوبائی اور وفاقی حکومت مکمل عمل کریں بلکہ قوم کو بھی اتحاد و یکجہتی کا مظاہرہ کر نا ہوگا, تاکہ ملک دشمن دہشت گردوں کے ناپاک عزائم کو ناکام بنایا جاسکے۔ انہوں نے کہا کہ ہم پاکستان میں شفاف انتخابی نظام چاہتے ہیں, کیونکہ اس کے بغیر حقیقی جمہوریت اور عوام کی حکمرانی ممکن نہیں ہوسکتی۔

 انہوں نے کہا کہ آج ضرورت اس بات کی ہے کہ وفاقی اور صوبائی حکو متوں کے ساتھ ساتھ سیکورٹی ادار ے بھی دہشت گردوں کو سپورٹ کر نیوالے افراد اور ان کالعدم تنظیموں کے خلاف آپر یشن کر یں تا کہ ملک کو مکمل طور پر انتہاپسندوں اور دہشت گر دوں سے پاک کیا جاسکے ورنہ امن کا قیام ایک خوب ہی رہیگا جسکا حکمرانوں کو جواب دینا ہوگا ۔ انہوں نے کہا کہ (ن) لیگ نے عام انتخابات میں قوم سے جو وعدے کیے ان میں سے کسی ایک پر عمل نہیں کیا جا سکا جو انکی سب سے بڑی ناکامی ہے ۔ انہوں نے کہا کہ اوورسیز پاکستانی پاکستان کی معیشیت کے لئے ریڑھ کی ہڈی کے مانند ہیں، دیگر ممالک کے بجائے پاکستان میں سرمایہ کاری بیرون ملک مقیم پاکستانیوں کی ترجیح ہونا چاہئے،پاکستان کے جفاکش عوام کے لئے شجاع اور ایماندار قیادت اگر میسر ہو تو ملک ایشین ٹائیگر کیا پوری دنیا پاکستان کا محتاج ہو گا ہمارے حکمران ملک اور عوام سے مخلص نہیں تبدیلی نعروں سے نہیں آتی عملی اقدامات کر نا ہوگا،پاکستان کے مستقبل کو محفوظ بنانے کے لئے کرپٹ اور لٹیرے سیاست دانوں سے نجات حاصل کرنا ہوگا بصورت دیگر عوام اسی طرح ان ظالموں کے ہاتھوں یرغمال رہے گی ۔