The Latest
وحدت نیوز(اسلا م آباد) مجلس وحدت مسلمین پاکستان کے مرکزی جنرل سیکرٹری علامہ راجہ ناصر عباس جعفری نے دہشت گردی کے خلاف جاری آپریشن پر اطمینان کا اظہار کرتے ہوئے کہا ہے کہ دہشت گرد ملک و قوم کے دشمن ہیں ۔ان کا کسی دین و مذہب سے کوئی تعلق نہیں۔یہ ملک دشمن عناصر کے آلہ کار ہیں اور مذہب کے نام پر قتل و غارت کر کے دین اسلام کے احکامات کی صریحاََ نفی کر رہے ہیں۔ساری قوم کا یہ مطالبہ ہے کہآخری دہشت گرد کے خاتمے اور ان کی کمین گاہوں کو ملیامیٹ کرنے تک آپریشن کی رفتار میں کمی نہیں آنی چاہیے ۔ مظفر گڑھ میں دہشت گردوں کے خلاف فورسز اور پولیس کی کامیاب کاروائی قابل ستائش ہے۔کالعدم تنظیم کے ان دہشت گردوں کے ہاتھ سینکڑوں بے گناہ افراد کے خون میں رنگے ہوئے تھے۔ان مذموم عناصر کی ہلاکت وطن عزیز کے امن کے لیے نیک شگون ہے۔ دہشت گردی کے خاتمے میں حکومت کے سنجیدہ اقدامات حوصلہ افزا اور مثبت اہداف کی طرف بڑھتے ہوئے دکھائی دے رہے ہیں۔۔دہشت گردوں کی مالی و فکری معاونت کرنے والے عناصر کے خلاف بھی بھرپوراور فوری ایکشن کی اشد ضرورت ہے۔جب تک دہشت گرد ساز فیکٹریاں بند نہیں ہوتیں تب تک دہشت گردی کا مکمل خاتمہ ممکن نہیں۔علامہ ناصر نے حکومت اور افواج پاک سے مطالبہ کیا کہ وہ دہشت گرد عناصر کے ساتھ ساتھ ان کے سہولت کاروں کے خلاف بھی فیصلہ کن آپریشن کا آغاز کریں تاکہ وطن عزیز سے دہشت گردوں کا مکمل صفایا ہو اور ارض پاک پر بسنے والے پُر امن زندگی گزار سکیں۔
وحدت نیوز(کوئٹہ) مجلس وحدت مسلمین پاکستان کوئٹہ ڈویژن کے میڈیا سیل سے جاری کردہ بیان کے مطابق کوئٹہ ڈویژن کے سیکرٹری جنرل عباس علی نے کہا ہے کہ جن حالات کا ہمیں سامنا ہے وفاقی اور صوبائی حکومتوں کیلئے ضروری ہے کہ وہ اپنے کارکردگی اور بہترین طرز حکمرانی سے اس نظام حکومت کو مضبوط بنایئے۔بیان میں کہا گیا کہ محض کھوکھلے نعروں اور الیکشنوں میں حاصل کئے گئے مینڈیٹ کے بنیاد پر کرپشن،جرائم اور خراب طرز حکمرانی کی کھلی چھٹی نہیں دی جاسکتی۔یہ ٹھیک ہے کہ جمہوریت ہی ایک مثالی نظام حکومت ہے جس میں عوام اپنے منتخب نمائندوں کے زریعے اپنے مسائل حل کرنا چاہتے ہیں ۔بیان میں مزید کہا گیا کہ ہمارے سیاست دان جمہوریت کو حکومت کے مدت پوری کرنے سے تعبیر کرتے ہیں حالانکہ جمہوریت ڈلیوری کا نام ہے لوگ جمہوریت میں گڈ گورننس دیکھنا چاہتے ہیں مگر المیہ یہ ہے کہ ہمارے جمہوری حکمران یہ سمجھتے ہیں کہ وہ حکومت میں آنے کے بعد سیاہ و سفید کے مالک ہو گئے ہیں اور وہ کسی کے سامنے جواب دہ نہیں ہے ۔جمہوری حکمران عوام کی امیدوں اور خواہشوں پر پورا نہیں اترے ۔بیان میں مزید کہا گیا کہ لوگوں کی یہ خواہش پوری نہیں ہوسکی کہ اچھی حکمرانی ہوں،انہیں روزگار ملے اور انکے مسائل حل ہو ں سب سے اہم بات یہ کہ لوگوں کو امن بھی مئیسر نہیں آسکا ہے،ہماری سیاسی جماعتوں کو وفاق کی یکجہتی کی علامت ہونا چاہئے تھا لیکن تمام سیاسی جماعتیں علاقائی دائروں میں محدود ہو گئی ہے ۔بیان میں مزید کہا گیا کہ دہشتگردی ،کرپشن اور بیڈ گورننس کے خاتمے سے لیکر علاقائی اور عالمی سیاست تک ہماری سیاسی قیادت میں بہتر کارکردگی کا مظاہرہ نہیں کیا ہے ۔بیان میں مزید کہا گیا کہ پاکستان کے عوام یہ سمجھتے ہیں کہ دہشتگردی کیساتھ ساتھ کرپشن کا خاتمہ ہونا چاہئیں کیونکہ کرپشن کو ختم کئے بغیر نہ جمہوریت مضبوط ہو سکتی ہے اور نہ ہی پاکستان داخلی طور پر مضبوط ہو سکتا ہے اس تناظر میں پو رے ملک میں دہشتگردی کے خلاف ہو نے والے آپریشن کو منطقی انجام تک پہنچنے دیا جائے یہی سب کے لئے بہتر ہوگا۔
وحدت نیوز(لاہور)علامہ آغا سید علی الموسوی آسمان ہدایت کا روشن ستارہ تھے،انہوں نے اپنی ساری زندگی معاشرے سے تاریکیوں کا خاتمے اور تعلیمات اہلیبیت کے نور سے معاشرے کو منور کرنے میں صرف کر دی ان خیالات کا اظہار مجلس وحدت مسلمین پاکستان کے مرکزی ڈپٹی سیکرٹری جنرل اور رکن اسلامی نظریاتی کونسل علامہ محمد امین شہیدی نے لاہور جامع مسجد کشمیریاں موچی دروازہ میں علامہ آغا سید علی الموسوی کی برسی کے تقریب سے ظاب میں کیا انہوں نے کہا کہ علامہ آغا علی الموسوی نے لاہور شہر میں علم و عمل کے چراغ روشن کرکے لوگوں کو دین الیہ کی طرف متوجہ کیا،ان کی دینی جدو جہد سے معاشرے میں جو تبدیلی پیدا ہوئی اس کے اثرات ہمیشگی کی حیثیت رکھتا ہے،ان کی جدو جہد کے نقوش اس قدر گہرے ہیں انہیں فراموش کرنا ممکن نہیں،آغا علی الموسوی اتھاد امت کے عظیم داعی تھے ،انہوں نے ملک بھر میں خصوصی طور پر شیعہ سنی وحدت کے لئے انتھک کاوشیں کی،آپ وطن کی محبت سے سرشار شخصیت کے مالک تھے ان کی ملی قومی دینی و اجتماعی خدمات کا دائزہ اس قدر وسیع ہے انہیں شمار کرنا ممکن نہیں،علامہ امین شہیدی کا کہنا تھا کہ ملک بھر کی اسلامی تحریکوں سے وابسطہ شخصیات آپ سے رہنمائی لیتے تھے۔
علامہ امین شہیدی کا کہنا تھا کہ موجودہ صورت حال میں دہشتگردی اور انتہا پسندی کے خاتمے کے لئے تمام اسلامی تحریکوں کو مل کر کام کرنا ہوگا،تکفیریت اور شدت پسندی کے خاتمے کے بغیرملک سے دہشت گردی کا خاتمی ممکن نہیں،نیشنل ایکشن پلان پر عمل درآمد کے راگ آلاپنے والے حکمران تکفیریوں کی سرپرستی کر رہے ہیں،پنجاب میں تکفیری گروہ روز بہ روز منظم ہوتے جا رہے ہیں،جبکہ دوسری جانب پنجاب حکومت اپنے سیاسی مخالفین کو زیر کرنے میں دن رات ایک کیے ہوئے ہیں،پنجاب بھر میں ملت جعفریہ کے سینکڑوں لوگوں کو بلاجواز پابند سلاسل کیا جارہا ہے،انہوں نے کہا ہمیں دہشت گردوں کیخلاف آواز اُٹھانے کی سزا دی جارہی ہے،ہمارے ہزاروں شہدا ء کے قاتل اب تک آزاد ہیں،پنجاب حکومت کے یہ مظالم ناقابل برداشت ہیں،ہمارا منشور ہے کہ حالات جیسے بھی ہوں ہم ہر ظالم کے مخالف اور ہر مظلوم کی حمایت جاری رکھیں گے۔
وحدت نیوز (لیہ) مجلس وحدت مسلمین پاکستان کے مرکزی رہنماء سید ناصر عباس شیرازی نے کہا ہے کہ خود کو خادم اعلی کہلوانے والے شہباز شریف نے سیلاب سے متاثرہ جنوبی پنجاب کے عوام کے بے یارو مددگار چھوڑ دیا ہے، نون لیگ کو عوام نہیں صرف اپنا اقتدار عزیز ہے۔ ان خیالات کا اظہار انہوں نے سیلاب سے متاثرہ لیہ کے دورہ کے موقع پر صحافیوں سے گفتگو کرتے ہوئے کیا۔ اس موقع پر مجلس وحدت مسلمین ضلع لیہ کے رہنماء بھی ان کے ہمراہ تھے۔ ناصر شیرازی کا کہنا تھا کہ لاہور میں اگر آدھا فٹ پانی بھی جمع ہوجائے تو شہباز شریف میڈیا کو دیکھانے کیلئے پانی میں پھرتے ہیں، تاہم یہاں کئی اضلاع سیلاب میں یکسر ڈوب چکے ہیں تاہم اب تک خادم اعلی کو دورہ کرنے تک کی فرصت نہیں ملی، انہوں نے کہا کہ افسوس کیساتھ کہنا پڑتا ہے کہ پنجاب کے عوام کو حکومت نے بے یارو مددگار چھوڑ دیا ہے، غریب لوگوں کے مال مویشی، فصلیں، گھر سب کچھ تباہ ہوگیا ہے، تاہم حکومت کی جانب سے کسی قسم کا ایکشن نہیں لیا گیا۔ انہوں نے کہا کہ حکومت سیلاب سے متاثرہ علاقوں کو آفت زدہ قرار دے اور تمام ٹیکسز معاف کرے۔ناصر شیرازی نے سیلاب ذدگان کیلئے لگائے گئے میڈیکل کیمپ کا دورہ بھی کیا، اور مقامی تنظیمی رہنماوں کی سیلاب کے بعد کی جانے والی کاوشوں کا سراہا۔
وحدت نیوز( سیالکوٹ)مجلس وحدت مسلمین پاکستان کی ضلعی کابینہ سیالکوٹ کی جانب سے یوم انہدام جنت البقیع کے سلسلہ میں تعزیتی اجلاس کا انعقاد کیا گیا ۔اجلاس کی صدارت جناب آغا قیصر نواز (سیکرٹری جنرل سیالکوٹ) نے کی جس میں کابینہ کی جانب سے انہدامِ جنت البقیع کے خلاف مذمتی قرار داد منظور کی گئی۔ قرار داد میں سعودی حکومت سے مطالبہ کیا گیا کہ مزاراتِ مقدسہ کی فوری تعمیر کی جائے۔ اجلاس میں صوبائی کابینہ کے رُکن جناب سجاد حسین بیگ صاحب نے خصوصی شرکت کی اور کابینہ کے تعمیری اقدامات کو سراہا۔نیز اجلاس کے دوران برسی شھید قائد عارف الحسینی کے اجتماع میں شرکت اور اجتماع کو رونق بخشنے کے لئے اقدامات پر گفتگو ہوئی۔
وحدت نیوز (لیہ) مجلس وحدت مسلمین ضلع لیہ کے زیر اہتمام مختلف مقامات پر میڈیکل کیمپ لگائے گئے ہیں جس میں عہدیداران اور کارکنان سیلاب زدگان کی مدد میں مصروف عمل ہیں اس ضمن میں مختلف مقامات کا دورہ بھی کیا گیا اورسیلاب زدگان سے ان کی مشکلات کے بارے میں استفسار کیا گیا اور سب سے اہم عمل میڈیکل کیمپ لگائے گئے ہیں جس میں ڈاکٹرز سیلاب زدگان کا معائنہ اور طبی امداد فراہم کر رہے ہیں اور مفت ادویات کی فراہمی جاری ہے ۔
وحدت نیوز (گلگت) گلگت شہر کے پرامن ماحول کو ایک بار پھر خراب کرنے کی کوشش کی جارہی ہے،بیگناہ لوگوں پر فائرنگ کرکے زخمی کرنا بد ترین دہشت گردی ہے حکومت کیلئے یہ ایک ٹیسٹ کیس ہے دہشت گردوں کو گرفتار کرکے قرار واقعی سزا دی جائے۔ مجلس وحدت مسلمین کے رہنماؤں کو سیاسی انتقام کا نشانہ بنانے کے حکومتی اقدامات شرمناک ہیں۔ مجلس وحدت مسلمین کو کسی سے وفاداری کا سرٹیفکیٹ لینے کی چنداں ضرورت نہیں وقت بتائے گا کہ پاکستان کا وفادار کون ہے اور غدار کون۔ کل تک ایمپاورمنٹ آرڈر کی نفی کرنے والے آج اسی سیاسی پیکیج سے استفادہ کررہے ہیں۔ یمن کے مظلوموں کی حمایت میں نکالی جانیوالی ریلی سے حکمران جماعت کے درپردہ سازشیں بے نقاب ہوگئیں اور نواز لیگ کی سعودی عرب فوج بھیجنے کی خواہش پوری نہ ہوئی جس پر مجلس کے رہنماؤں کے خلاف جھوٹا مقدمہ قائم کیا گیا۔ان خیالات کا اظہار مجلس وحدت مسلمین کے صوبائی ترجمان محمد الیاس صدیقی نے اپنے اخباری بیان میں کیا ہے۔
انہوں نے کہا کہ مجلس وحدت کی ریلی مظلوم کی حمایت اور جارح کی مذمت کیلئے تھی جس میں ریاست کے خلاف نہ تو کوئی تقریر ہوئی ہے اور نہ ہی پاکستان کے خلاف کوئی نعرے بازی ،جبکہ اس ریلی میں افواج پاکستان سے یکجہتی کا اظہار اور آپریشن ضرب عضب کی حمایت اور بھرپور تعاون کا اظہار کیا گیا جس سے متنازعہ گورنر برجیس طاہر بوکھلاہٹ کا شکار ہوکر بے بنیاد مقدمات قائم کروانے پر اتر آئے۔ انہوں نے کہا کہ اکنامک کوریڈور کے مسئلے کو چھیڑنے اور گلگت بلتستان کو اکنامک کوریڈور میں مناسب حصہ دینے کے مطالبے پر مسلم لیگی حکومت بوکھلاہٹ کا شکار ہوچکی ہے اور اس آواز کو دبانے کیلئے اوچھے ہتھکنڈوں پر اتر آئی ہے۔ انہوں نے کہا کہ اکنامک کوریڈور میں گلگت بلتستان کے عوام کو حقوق دیئے بغیر یہ منصوبہ تکمیل تک نہیں پہنچے گا اور اگر گلگت بلتستان کے عوام کو نظر انداز کرنے کی کوشش کی گئی تو ایم ڈبلیو ایم راستے کا دیوار بن جائیگی اور اس سلسلے میں اسمبلی کے آئندہ اجلاس میں قرارداد بھی جمع کروائی جائیگی۔
وحدت نیوز (سرگودھا) مجلس وحدت مسلمین پنجاب صوبائی آفس کے مسؤل برادر زاہد حسین مہدوی نے بتایا ہے کہضلع سرگودھا کا ضلعی شوریٰ کا اجلاس منعقد ہو گیا جس کی صدا رت ضلعی سیکرٹری جنرل سید ظفر عباس بخاری ایڈووکیٹ نے کی ،اجلاس امام بارگاہ 7بلاک میں منعقد ہوا۔جس میں مرکزی سیکرٹری تبلیغات علامہ اعجاز حسین بہشتی ، صوبائی سیکرٹری جنرل علامہ عبدالخالق اسدی، صوبائی سیکرٹری تنظیم سازی ظفر چشتی ،صوبائی سربراہ امام سجاد فاؤنڈیشن ذوالفقار علی اسدی نے خصوصی شرکت کی جبکہ اجلاس میں ضلع بھر سے 170یونٹس کے نمائندگان نے بھر پورشرکت کی اجلاس میں سابق ضلعی سیکرٹری جنرل راجہ امجد حسین ، مولانا ثاقب حسین ،مطیع الحسنین ، مولاناامتیاز حسین ، مولاناملک نصیر حسین ،مولانااظہر حسین ،مولاناناصر عباس ،مولانااحسان ،مولانامظہر رضوی ،برادرعلمدارحسین ،سیدابرارحسین ،زوارحسین ،مطاہر شیرازی سید کاظم حسین شاہ ،سید حسین شاہ ،مولانا ریاض حسین اور علاقہ کی اہم سیاسی اور مذہبی شخصیات نے بطورمہمان خصوصی شرکت کی ۔
اجلاس سے خطاب کرتے ہوئے علامہ عبدالخالق اسدی نے کہا کہ اخلاق رزیلہ سے بچنے کیلئے کوشش کریں ۔تنظیمی حلقوں میں اچھے اخلاق کا مظاہرہ کرنا اور غیبت سے بہتان سے بچناضروری ہے ۔سب کے لئے ضروری ہے کہ تقوی اجتماعی حاصل کریں ،تنظیمی ذمہ داریوں کو ادا کرنے کی طرف توجہ دیں اور دین کے فریضہ کی ادائیگی کی طرح اس کو انجام دیں ۔مجلس وحدت مسلمین مالی طور پر مضبوط ہونے کے لئے تعمیر ملت فنڈ کا اجراء کرچکی ہے جس کے لئے تمام ذمہ داران کو آگے بڑھ کر کام کرنا چاہیے۔شہید عارف حسین الحسینی کی برسی 9اگست کو اسلام آباد میں ہو گی جس میں تمام عاشقان شہید جوک در جوک شرکت کریں ۔
اجلاس سے علامہ اعجاز حسین بہشتی صاحب نے خطاب کرتے ہوئے کہا کہ آج عالم اسلام میں مذہب اہل بیت کا قائدانہ کردار ہے اور ہر محاذ پر اور ہر ملک میں تشیع سرخروح ہورہی ہے۔آج داعش کے خلاف ترکی ،کویت اور خلیجی ریاستوں میں اوقدامات قابل تحسین ہیں ۔انہوں نے کہا ہے داعش قیل و غارت اور خون ریزی سے اسلام کا خوبصورت چہرہ بگاڑ کر پیش کر رہے ہیں ۔انہوں نے کہا کہ اسرائیل سمیت تمام وہ ممالک جو داعش کے بانی ہیں سب پریشان ہیں ۔ضلعی شوریٰ کے اجلاس سے ڈویژنل سیکرٹری جنرل راجہ امجد حسین ضلعی سیکرٹری جنرل سید ظفر عباس اور تمام تحصیلوں کے سیکرٹری جنرلز نے اپنی اپنی کارگردگی رپورٹس پیش کیں ۔
وحدت نیوز (کراچی) مجلس وحدت مسلمین کراچی سمیت سندھ بھر میں بلدیاتی الیکشن میں بھر پور اندازمیں حصہ لے گی، ہم خیال سیاسی و مذہبی جماعتوں کے ساتھ اتحاد یا سیٹ تو سیٹ ایڈجسٹمنٹ کیلئے بات چیت جاری ہے، ایم ڈبلیوایم ٹکٹوں کی تقسیم میں میرٹ ،قابلیت، دینداری کو ترجیح دے گی، ایم ڈبلیوایم اسٹیٹس کو کی جماعتوں کو آئندہ بلدیاتی انتخابات میں ٹف ٹائم دے گی، پورا ملک سیلاب کی ذدپر ہے اور حکمران محض سب کنٹرول میں ہے کا راگ الاپ رہے ہیں، ہزارو ں کی تعداد میں شہری بے یارومددگار امداد کے منتظر ہیں ، 9اگست کو شہید مظلوم قائد سید عارف حسین الحسینی کی 27ویں برسی کے اجتماع میں شرکت کیلئے کراچی سمیت سندھ بھر سے سینکڑوں کارکنان اسلام آباد روانہ ہو ں گے ، ان خیالات کا اظہار مجلس وحدت مسلمین صوبہ سندھ کے سیکریٹری امو رسیاسیات عبد اللہ مطہری نے صوبائی وحدت سیکریٹریٹ کراچی میں منعقدہ الیکشن کور کمیٹی کے اجلاس سے خطاب کرتے ہوئے کیا، اجلاس میں ایم ڈبلیوایم کراچی ڈویژن کے سیکریٹری جنرل حسن ہاشمی، ڈپٹی سیکریٹری جنرل رضا نقوی، مبشر حسن ، پولیٹیکل سیکریٹری علی حسین نقوی، مدثرحسین سمیت کراچی کے تمام اضلاع سے تعلق رکھنے والے الیکشن کور کمیٹی کے اراکین بھی شریک تھے۔
اجلاس سے خطاب کرتے ہوئے عبداللہ مطہری نے کہا کہ سندھ حکومت سیلاب کا بہانا بناکربلدیاتی انتخابات سے فرار کا راستہ تلاش کررہی ہے، ایم ڈبلیوایم الیکشن کمیشن سے مطالبہ کرتی ہے کہ بلدیاتی انتخابات مقررہ تاریخ پر منعقد کرواکر اقتدار اور اختیار نچلی سطح پر منتقل کرے، کراچی شہر بلدیاتی اداروں کی نااہلی اور لوکل حکومت کے ناہونے کے باعث پورا شہر گندگی کے ڈھیر میں تبدیل ہو چکا ہے، ان کا مزید کہنا تھا کہ ایم ڈبلیوایم کراچی سمیت سندھ بھر سے لوکل باڈی الیکشن میں بھرپور انداز میں حصہ لے گی، کراچی کے ٹارگٹڈ یونین کمیٹیز سے سینکڑوں کونسلرز انتخابی میدان میں اتارے جائیں گے، ایم ڈبلیوایم کے مختلف ہم خیال سیاسی و مذہبی جماعتوں کے ساتھ اتحاد یا سیٹ تو سیٹ ایڈجسٹمنٹ کیلئے ملاقاتوں اور بات چیت کا سلسلہ جاری ہے، جبکہ بعض وارڈ ز میں علاقائی سیاسی صورتحال حال کو مدنظر رکھ کرانتخابی حکمت عملی مرتب کی جائے گی جس میں اضلاع بااختیار ہوں گے۔
وحدت نیوز (اسلام آباد) مجلس وحدت مسلمین پاکستان کے سربراہ علامہ ناصر عباس جعفری کی سربراہی میں ایم ڈبلیو ایم کے اعلٰی سطحی وفد نے وزیرِ داخلہ چودھری نثار علی خان سے پنجاب ہاؤس اسلام آباد میں ملاقات کی ہے۔ وفد میں مجلس وحدت مسلمین کے مرکزی ڈپٹی سیکرٹری جنرل علامہ محمد امین شہیدی، پنجاب کے سیکرٹری جنرل علامہ عبدالخالق اسدی اور مرکزی سیکرٹری سیاسیات ناصر عباس شیرازی شامل تھے۔ وزارت داخلہ سے جاری بیان کے مطابق ملاقات میں ملک کی مجموعی صورتحال پر تبادلہ خیال کیا گیا اور اہل تشیع کی سکیورٹی سے متعلقہ امور پر گفتگو کی گئی۔ اس موقع پر وفد کا کہنا تھا کہ ملکی مفاد اور قومی وقار کے تحفظ میں مجلس وحدتِ مسلمین ہر مقام پر اگلی صف میں کھڑی ہوگی، وزیر داخلہ چودھری نثار علی خان کا کہنا تھا کہ اہلِ تشیع کو مکمل تحفظ فراہم کرنا اور ان کے تحفظات دور کرنا حکومت کی اولین ترجیحات میں شامل ہے۔ ذرائع کے مطابق یہ ملاقات تقریباً ایک گھنٹے تک جاری رہی۔ ذرائع کا کہنا ہے کہ ایم ڈبلیو ایم کے وفد نے نون لیگ کی جانب سے گلگت بلتستان اور پنجاب میں سیاسی گرفتاریوں پر بھی کھل کر بات کی۔
