The Latest
وحدت نیوز (سکردو) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے اپنے ایک بیان میں کہا ہے کہ کراچی میں گرمی کی وجہ سے قیامت صغری کا جومنظر ہے اسکی ذمہ دار وفاقی اور صوبائی حکومت دونوں ہیں، دونوں حکومتیں بلیمنگ گیم کے ذریعے بری الذمہ ہونا چاہ رہی ہے جو کہ سراسر ناانصافی ہے۔ انہوں نے کہا کہ کراچی میں جو افسوسناک واقعات پیش آئے اس سے انسانیت کانپ اٹھتی ہے رمضان کے اس مقدس مہینے میں روزہ داروں کے ساتھ ہونے والے مظالم ناقابل برداشت ہیں اس افسوسناک اور تاریخی سانحے کے بعد بھی وفاقی حکومت کا رویہ انتہائی شرمناک اور افسوسناک ہے جس پہ جتنی مذمت کی جائے کم ہے۔ انہوں نے ایک ہزار سے زائد بے گناہوں اور معصوم روزہ داروں کی اموات کے بعد وفاقی اور صوبائی حکومت دونوں حق حکمرانی کھو چکی ہے۔ موجودہ حکومتیں اپنے شہریوں کو کسی بھی حوالے سے تحفظ فراہم کرنے میں ناکام ہوچکی ہے۔ اگر دونوں حکومتیں ایک دوسرے پر الزام تراشی کی بجائے معاملے کے حل کی کوشش کرتیں تو شاید اتنے نقصان نہیں اٹھاتیں اور اتنی جانیں ضائع نہ ہوتیں۔ انہوں نے کہا کہ رمضان کے مقدس مہینے میں وفاقی حکومت کو چاہیے تھا کہ روزہ داروں کی سہولیت کے لیے بہتر انتظام کرتی، اشیائے ضرورت کی قیمتوں میں کمی کرتی،جس کے بارے میں رمضان کی آمد کے موقع پر وفاقی حکومت اعلان کر چکی ہے لیکن وہ اعلان ہی کی حد تک محدود ہو گیا اور عوام مرتے رہے۔ اس سے بڑھ کر ان حکومتوں کے لیے اور کیا شرم کا مقام ہو سکتا ہے کہ مرنے والوں کے لیے سرد خانے اور قبرستان کا انتظام بھی نہیں۔ دونوں حکومتوں مکافات عمل کی زد میں آئیں گی اور تاریخ کا حصہ بن کر رہیں گی۔
وحدت نیوز (مظفرآباد) تکفیری قوتوں کی بڑتی ہوئی کاروایاں لمحہ فکریہ ہیں ، سنی اتحاد کونسل کے سربراہ صاحبزادہ حامد رضا پر قاتلانہ حملہ پنجاب حکومت برابر کی شریک ہے، فرقہ ورانہ وار کرنے والوں کو لگام دی جائے، پاک سرزمین کا امن خراب کرنے کی سازش کو شیعہ سنی اتحاد سے ناکام بنا دیں گے، ان خیالات کا اظہار ریاستی سیکرٹری جنرل مجلس وحدت مسلمین پاکستان علامہ سید تصور حسین نقوی الجوادی نے وحدت ہاؤس مظفرآباد سے جاری ایک بیان میں کیا ، انہوں نے کہا کہ سنی اتحاد کونسل کے سربراہ صاحبزادہ حامد رضا کی اتحاد بین المسلمین کے لیئے خدمات لائق صد تحسین ہیں ، ان کی یہ خدمات فرقہ ورانہ دہشت گردی کرنے والے عناصر سے ہضم نہیں ہو رہیں ، سنی اتحاد کونسل کے سربراہ پر قاتلانہ حملہ شیعہ سنی اتحاد کو سبوتاژ کرنے کی ایک منظم سازش ہے ، ہم اس کی بھرپور مذمت کرتے ہیں ، ہم اس طرح کی ہر سازش کو شیعہ سنی اتحاد سے ناکام بنا دیں گے، ہم ان پر کیئے جانے والے اس حملے کی بھرپور مذمت کرتے ہیں اور مطالبہ کرتے ہیں کہ پنجاب حکومت انہیں فول پروف سیکورٹی فراہم کرے ، ہم ہر دکھ درد میں اہلسنت برادران کے شانہ بشانہ ہیں ۔ اور اس مشکل کی گھڑی میں بھی ان کے ساتھ کھڑے مکمل اظہار یکجہتی کرتے ہیں ، تکفیری اپنے مقاصد میں کبھی کامیاب نہیں ہوں گے، اس ملک کے محب ، اس ملک کے بنانے والے ، اس ملک کی خاطر اپنے خون کے آخری قطرے تک میدان میں رہیں گے۔ جیسے کل مل کر ملک بنایا تھا، اس کو بچانے کی جدوجہد میں بھی ہم ایک ہیں ۔ تکفیری ان ایجنڈوں پر عمل پیرا ہیں جو امریکہ و اسرائیل کے ہیں ، کویت مسجد امام صادق میں بھی ہونے والی والے بم دھماکے بھی اسی سلسلے کی ایک کڑی ہے ، آل سعود جس طرح سے مملکت ہائے اسلامیہ میں دہشت گردی کے بیج بو رہے ہیں وہ ان کی اپنی تباہی کا پیش خیمہ ثابت ہوں گے، ماہ حرمت میں بھی یمن پر آل سعود کی جارحیت ان کی ذہنی تکفیری سوچ کی عکاس ہے، وہ صرف ظلم کرنا جانتے ہیں ، انہیں اسلام سے نہیں بلکہ اپنے اقتدار سے پیار ہے ، ماہ رمضان میں گزشتہ سال اسرائیل غزہ میں بچوں اور خواتین کو قتل کر رہا تھا اس دفعہ آل سعود یمن میں اپنے مشن کو پورا کر رہے ہیں ۔ علامہ سید تصور حسین نقوی الجوادی نے کہا کہ ہم مملکت خدا داد پاکستان کے محب وطن بیٹے ہیں ، اپنے ملک میں اس طرح کی کسی بھی سازش کو کامیاب نہیں ہونے دیں گے، ہمار ا اتحاد ہی تکفیریوں کی موت ہے ۔ انشاء اللہ ہم ایک تھے ، ہیں اور رہیں گے ، کوئی بھی طاقت ہمارے اس مضبوط رشتے میں دراڑ نہیں ڈال سکتی وہ جتنی کوشش کر سکتی ہے کر لے ۔
وحدت نیوز ( لاہور) مجلس وحدت مسلمین پنجاب صوبائی آفس کے مسؤل برادر زاہد حسین مہدوی نے صوبائی کابینہ کی طرف سے سنی اتحاد کونسل کے چیئرمین صاحبزادہ حامد رضا پر حملے کی شدید مذمت کی اوراس کو دشمن کی بوکھلاہٹ اور بزدلی قرار دیا انہوں نے صاحبزادہ حامد رضا سے ٹیلی فون پر خیریت دریافت کی اور زخمیوں کی صحت یابی کے لیے دعا کی ۔ انہوں نے مزید کہا کہ صاحبزادہ حامد رضا اتحاد بین المسلمین کے داعی ہیں اور عصر حاضر کے اسلام دشمن اورپاکستان دشمنون کا شدید محاسبہ کرتے ہیں ،زاہد حسین مہدوی نے مزید کہا کہ دشمن صاحبزادہ حامد رضا کی فعالیت اور عوامی پزیرائی سے بوکھلاکر ایسی اوچھی حرکتوں پر اُتر ائے ہیں اور کہا کہ ملتِ جعفریہ برادرانِ اہل سنّت اورسنی اتحاد کونسل کے کارکنوں ، عہداداروں سے مکمل اظہاریکجہتی کرتی ہے اور راہِ خدا میں ہر ممکن تعاون کو جاری رکھنے کے عزم کا اظہار کرتی ہے ۔
وحدت نیوز (نوشہروفیروز) مجلس وحدت مسلمین پاکستان ضلع نوشہرو فیروز کے سیکریٹری جنرل جنرل اعجاز علی ممنائی نے کہا ہے کہ حضرت بیبی خدیجہ الکبریٰ سلام اللہ علیہا قریش کے ایک شریف اور عزت دار خاندان سے تعلق رکھنے والی عورت تھیں انکا خاندان دانشمند اہل علم اور خانہ کعبه کی حفاظت کرنے والے تھے انہوں نے یہ بات کنڈیارو یونٹ میں کابینہ میں خطاب کرتے ہوۓ کی انہوں نے کہا کہ بی بی خدیجہ الکبریٰ نے اپنی تمام دولت اسلام پر صرف کردی اور خود بھوک اور پیاس میں رہ کر اسلام کا نام روشن کیا ہمارے لئے ایک سیرت ہے جس پر عمل کر کے آج بھی پوری دنیا پر اسلام کا پرچم سربلند کر سکتے ہیں۔
وحدت نیوز (حیدرآباد) مجلس وحدت مسلمین ضلع حیدرآباد کی جانب سے حالیہ کراچی واندرونِ سندھ لوڈ شیڈنگ سے ایک ہزار سے زیادہ افراد کی ہلاکت پر کچھ دیر پہلے قدم گاہ مولیٰ علی ؑ پر ایک اجلاس منقعد کیا گیا، جس کی صدارت مولانا امداد علی نسیمی نے کی مولانا امداد نسیمی نے اجلاس سے خطاب کرتے ہوئے کہا کراچی میں لوڈ شیڈنگ سے اور حکومت سندھ کی نااہلی سے اموات ہوئی ہیں ان کی پرزور مذمت کرتے ہیں اور حیدرآباد میں بھی لوڈ شیڈنگ کا عذاب دن بہ دن بڑھتا جار ہا ہے ۔ حیدرآباد کے جن علاقوں میں لوڈ شیڈنگ شیڈول سے الگ کی جار ہی ہے ان میں ٹنڈو آغا ، شہباز ٹاؤں بھٹائی نگر ، قاسم آباد ، ٹنڈو ٹھوڑو ،ٹنڈو میر محمد ، ٹنڈو ولی محمد ، بلدیہ کالونی ، اللہ داد چند گوٹھ میں کی جارہی ہے ۔ اتنی گرمی پڑنے کے باوجود اتنے لوگوں کے مرنے کے بعد بھی حکومت سندھ اور واپڈا کے حکمرانوں کو کوئی شرم و حیا نہیں ہے ۔ رمضان المبارک کے ماہ میں یہ کیا کر رہے ہیں شاید ان کے ذہن سے خوف خدا مٹ چکا ہے پر یاد رکھو خدا جب ظالم کو ڈھیل دیتا ہے تو پھر ا س کے بعد اسی رسی کو کھینچتا ہے تو ظالم کہیں کا نہیں رہتا ۔ ہم حکومت سندھ اور حیسکوکے اس رویے سے بڑا تنگ ہیں ۔ خدا ان حکمرانو ں اور ان واپڈا والوں کواگر لائق ہدایت ہیں تو ان کو ہدایت فرما
ئے اگر لائق ہدایت نہیں تو انہیں اپنے عذاب کا مزا چکھائے ۔
وحدت نیوز (مظفرآباد) ریاستی سیکرٹری جنرل مجلس وحدت مسلمین پاکستان آزاد جموں و کشمیر علامہ سید تصور حسین نقوی الجوادی کا شیعہ علماء کونسل پاکستان کے مرکزی رہنما ، خطیب جامع مسجد و امام بارگاہ باب العلم کراچی ، معروف عالم دین علامہ سید شہنشاہ حسین نقوی کو ٹیلیفون ، ان کی اہلیہ محترمہ کے انتقال پرملال پر اظہار تعزیت ۔ مرحومہ کی بلندی درجات اور پسماندگان کے صبر جمیل کے لیئے دعاکی۔
وحدت نیوز (اسلام آباد) مجلس وحدت مسلمین پاکستان کے مرکزی قائدین علامہ راجہ ناصر عباس، علامہ امین شہیدی اور سید ناصر شیرازی نے اپنے ایک مشترکہ بیان میں سنی اتحاد کونسل کے چیئرمین صاحبزادہ حامد رضا پر قاتلانہ حملے کی شدید مذمت کرتے ہوئے کہا ہے کہ اس طرح کے واقعات رونما کر کے ملک کو عدم استحکام کی طرف دھکیلنے کی دانستہ کوشش کی جا رہی ہے۔ پنجاب حکومت کی طرف سے اس طرح کی انتقامی کاروائیاں ناقابل برداشت ہے۔ سنی اتحاد کونسل ملک کی ایک بڑی اور پُرامن مذہبی جماعت ہے ۔ اس کے سربراہ پر حملہ اس حقیقت کی نشاندہی کرتا ہے کہ عوام کو تحفظ فراہم کرنے میں ملک کے سیکورٹی ادارے بُری طرح ناکام ہو چکے ہیں ۔انہوں نے حکومت سے مطالبہ کیا کہ وہ صاحبزادہ حامد رضا کو موثر سیکورٹی فراہم کریں۔ اگر دوبارہ اس طرح کو کوئی واقعہ رونما ہوا تو پھراس کی ذمہ دار حکومت ہو گی۔
وحدت نیوز(لاہور) جمعتہ الوداع 22رمضان المبارک کو مجلس وحدت مسلمین ملک بھر میں فلسطین،یمن اور برما کے مظلوم مسلمانوں سے اظہار یکجہتی کے طور پر منائے گی،ملک بھر میں نماز جمعہ کے بعد ریلیاں نکالی جائیں گی،جس میں تمام مکاتب فکر اور مختلف سیاسی مذہبی تنظیموں کے قائدین شریک ہونگے،مسلمانوں کی تمام تر مشکلات کا ذمہ دار امریکہ اور اسرائیل ہے،اگر مسلم امہ متحد ہوں اور ہمارے مسلم حکمران ان یہود ونصاریٰ کی غلامی سے آزادی حاصل کرلیں تو وہ دن دور نہیں کہ پوری دنیا میں مسلمانوں کا کنٹرول ہو،ان خیالات کا اظہار مجلس وحدت مسلمین پنجاب کے سیکرٹری جنرل علامہ عبدالخالق اسدی نے القدس کمیٹی کے اجلاس سے خطاب میں کیا،انہوں نے کہا کہ مغرب مسلمانوں کو آپس میں لڑا کر اسرائیل کو عرب ممالک پر مسلط کرنے کے درپے ہیں،یمن جنگ دراصل اسرائیل اور امریکہ کی خوشنودی کے لئے لڑا جا رہا ہے ،مسلم امہ کے چیمپئن بننے کے دعویدار عرب ممالک کو رونگھیا کے کٹتے مسلمان نظر نہیں آتے؟دراصل یہ عرب ممالک کے بادشاہ کبھی بھی امریکہ اور اسرائیل کے رضامندی کے بغیر کو قدم نہیں اُٹھائے گا،یمن میں روزہ داروں کا قتل عام جاری ہیں،معصوم بچے،خواتین،بوڑھے سعودی مظالم کا شکار ہے،آج ہم اگر انصاف اور حق کے لئے آواز بلند نہیں کریں گے تو اس کا حساب دنیا اور آخرت میں ہمیں دینا ہوگا،علامہ اسدی نے اجلاس سے خطاب میں سنی اتحاد کونسل کے چئیرمین صاحبزادہ حامد رضا پر دہشت گردوں کے قاتلانہ حملے کی شدید مذمت کرتے ہوئے کہا کہ ملک دشمن تکفیری گروہ کو پنجاب میں مکمل آزادی حاصل ہے،جب سے پنجاب کے وزیر قانون کو دوبارہ بحال کیا گیا ہے یہ دہشت گرد گروہ پھر سے سرگرم ہونا شروع ہوگئے ہیں،پنجاب میں قومی سلامتی کے نام پر اہلسنت اور اہل تشیع کو ہراساں کیا جا رہا ہے جبکہ دہشت گرد گروہ اب بھی آزادی سے اپنے مذموم عزائم کے کامیابی کے لئے سر گرم ہیں،ان کا کہنا تھا کہ پنجاب کے وزراء ان دہشت گرد گروہ کی سرپرستی کرتے ہیں اور اس کے ٹھوس ثبوت موجود ہیں،انہوں نے مطالبہ کیا کہ دہشت گردوں کے خلاف جھنگ سمیت پنجاب بھر میں کاروائی کر کے ان مجرموں کو کیفر کردار تک پہنچائے۔
وحدت نیوز (لاہور) مجلس وحدت مسلمین پنجاب کے سیکرٹری اطلاعات مظاہر شگری کا کہنا ہے کہ سیاسی جماعتوں کے بارے آئے روز نئے انکشافات نے موجودہ نظام پر سوالیہ نشان کھڑا کر دیا ہے۔ انہوں نے کہا کہ سیاست دانوں کے لئے ملکی دولت لوٹنا تو معمول کی بات تھی اب دشمن ملک سے امداد لینے کی باتیں ناقابل قبول ہیں، انہوں نے کہا کہ ضرورت اس مر کی ہے کہ اس سنجیدہ معاملہ کی جلد از جلد صاف شفاف تحقیات کروائیں جائیں تاکہ قوم جان سکیں کہ ان کا مستقبل کن لوگوںہاتھوں میں ہے،آئے دن نئے انکشافات حکومت کے لئے بھی ایک بہت بڑا چیلنج ہے دیکھنا یہ ہوگا کہ اب مسئلہ پر حکومت کی جانب سے کیا رد عمل سامنے آتاہے۔مظاہر شگری نے نے اس بات پر بھی زور دیا ہے کہ ان انکشافات کو سیاسی جنگ کا حصہ نہ بنایا جائے موجودہ حالات میں ملک سیاسی انتشار کا متحمل نہیں ہوسکتا ۔ ان کا کہنا ہے کہ سیاسی انتشار کا تمام تر فائدہ شدت پسندوں کو ہوگاتاہم قومی اداروں کو چاہئے کہ بغیر کسی دباؤ کے ان خبروں کی تصدیق کریں۔
وحدت نیوز (اسلام آباد) مجلس وحدت مسلمین پاکستان کے مرکزی جنرل سیکریٹری علامہ راجہ ناصرعباس جعفری نے کویت میں مسجد امام صادق ؑ میں نماز جمعہ کے دوران ہونے والے خود کش حملے کی شدید مذمت کرتے ہوئے سعودی عرب کو اس دہشت گردی کا ذمہ دارقرار دیا ہے۔انہوں نے قیمتی انسانی جانوں کے ضیاع پر دکھ کا اظہار کرتے ہوئے کہا کہ سعودیہ پاکستان سمیت دنیا بھر میں موجود اُن جہادی گروہوں کی بھرپورمالی معاونت کررہا ہے جو شیعہ نسل کشی میں مصروف ہیں اور مساجد کو نشانہ بنانے کا کوئی موقع ہاتھ سے جانے نہیں دیتے۔اسی نوعیت کے دو خودکش حملے گزشتہ ماہ سعودیہ میں بھی جمعہ کی نمازوں کے دوران کیے گئے جس میں بڑی تعداد میں قیمتی جانوں کو نشانہ بنایا گیا تھا۔ کویت کی مسجد امام صادق ؑ میں ہونے والی حالیہ بربریت اس حقیقت کو واضح کر رہی ہیں کہ دہشت گرد وں نے اپنی مذموم کاروائیوں کو کامیاب بنانے کے لیے اب اپنا رُخ پُرامن خلیجی ریاستوں کی طرف موڑ لیا ہے ۔دنیا بھر کے مسلم ممالک میں بدامنی پھیلانے کی سازش کو ناکام بنانے کے لیے دہشت گردوں کی پشت پناہی کرنے والے ممالک کے خلاف سخت ردعمل کا اظہار وقت کی اہم ضرورت ہے۔ بصورت دیگر دہشت گردی کی آڑ میں امت مسلمہ کے ان ممالک کو تباہ حال کرنے کے منصوبے پرکام شروع ہو چکا ہے جنہیں معدنی وسائل اور تیل کی دولت سے مالا مال ہونے کا سبب اقتصادی و معاشرتی طور پر اقوام عالم میں ایک مقام حاصل ہے۔ سعودی کی اسلام دشمنی کے خلاف متحد ہونے کا اب وقت آ گیا ہے۔اس وقت تک امت مسلمہ کے بیس لاکھ سے زائد افراد دہشت گردی کی بھینٹ چڑھ چکے ہیں۔جو عالم اسلام کا ایک ناقابل تلافی نقصان ہے۔
