The Latest
وحدت نیوز(اسلام آباد) مجلس وحدت مسلمین پاکستان کے مرکزی سیکر ٹری فلاح وبہبود نثارعلی فیضی نے سندھ کے صوبائی سیکر ٹری فلاح وبہبود سید امتیاز شاہ بخاری کو تھر کے قحط زدہ علاقوں میں فوری طور پر میڈیکل ٹیمیں اور خوراک بھجوانے کی ہدایات کیں اسکے علاوہ سندھ کے اہم علاقوں میں متاثرین تھر کے لیئے امدادی کیمپس بھی لگانے کا فیصلہ کیا گیا ۔نثارعلی فیضی نے کہا کہ تھر کی موجودہ صورتحال حکمرانوں کی عوامی مسائل میں عدم دلچسپی اور اقتدار و اختیار کی آپس میں کھینچا تانی کا نتیجہ ہے اسکے علاوہ پارٹیوں کے اندر موجود کرپشن اوربیورو کریسی میں سفارشی افسروں کی نامزدگی نے عوام کی حالت کو اس نہج پر پہنچا دیاہے نیز ہمارے بلدیاتی نظام میں تمام وسائل کا نیچے کی سطح پر نہ پہنچنا بھی اس بد انتظامی کی ایک بڑی وجہ ہے موجودہ بحران کے حوالے سے گزشتہ دنوں صوبائی وزیر کی طرف سے مرتب کی گئی رپورٹ نے ان حقائق سے پردہ اٹھانے میں اور چور بازاری کوسمجھنے میں کافی مدد دی ہے جس میں بتایا گیا ہے کہ تھر کے پیاسے باسیوں کے لیے پینے کے پانی کی بیس ہزار سے زائد بوتلیں دی گئی مگر صرف چار ہزار بوتلیں تقسیم ہوئیں باقی گودام میں پڑی استعمال کے قابل نہیں رہیں اسی طرح رپورٹ میں بتا یا گیا کہ جاپان کی حکومت نے تھر کے لیئے جدید سہولتوں سے لیس موبائل ڈسپنسر یاں فراہم کی گئی لیکن متعلقہ محکمہ یہ جدید ڈسپنسر یاں فعال نہیں کر سکا اسی طرح رپورٹ میں مزید بتایا گیا کہ سے قحط سالی سے متاثرہ لوگوں کی مدد کے لیئے گندم کی تین لاکھ اور آٹھ سو بوریاں متعلقہ افسران کے حوالے کی گئی مگر وہ غریب لوگوں میں تقسیم کرنے کے بجائے با اثر سیاسی شخصیات ،کارندوں اور افسران نے آپس میں تقسیم کر کے اوپر سب اچھے کی رپورٹ دے دی ۔نثار علی فیضی نے کہا کہ ایم ڈبلیو ایم نے پہلے بھی تھر کے عوام کو مشکل وقت سے نکالنے میں اپنا بھرپور کردار ادا کیا تھا اب بھی موجودہ صورتحال میں مجلس وحدت مسلمین کا فلاحی شعبہ خیرالعمل فاﺅنڈیشن تھر کے قحط زدہ اور زندگی کی بنیادی ضروریات سے محروم لوگوں کی مدد کے حوالے سے اپنا بھر پور کردار ادا کریگا انہوں نے کہا کہ سندھ حکومت کی طرف سے تھر کے مسئلے کو حل کرنے کے حوالے سے تمام کے تما م دعوے پانی کے بلبلے ثابت ہوئے اور آ ج بھی تھر میں اموات کا سلسلہ جاری ہے جو کہ ،وفاق ،سندھ حکومت اور ضلعی انتظامیہ کی لاپرواہی غفلت اور نااہلی کا منہ بولتا ثبوت ہیں اصل میں حکمرانوں کو غریب عوام کے مسائل سے سروکار ہی نہیں ہے سب کے سب اپنا اقتدار بچانے میں لگے ہوئے ہیں۔
وحدت نیوز(جیکب آباد) شہید مولانا شفقت عباس مطہری کے قتل اور ملک میں بڑہتی ہوئی دہشت گردی کے خلاف علامہ مقصود علی ڈومکی، آغا سیف علی حیدری اور لطف علی لاشاری کی قیادت میں احتجاجی ریلی نکالی گئی۔ اس موقعہ پر روڈ بلاک کرکے حکومتی نااہلی اور دہشت گردی کے خلاف شدید نعرے بازی کی گئی۔
اس موقع پر احتجاجی جلسے سے خطاب کرتے ہوئے مجلس وحدت مسلمین بلوچستان کے صوبائی سیکریٹری جنرل علامہ مقصود علی ڈومکی نے کہا کہ کوئٹہ میں دھشت گردوں کا راج ہے جبکہ حکومت اور ریاستی ادارے معصوم انسانوں کے قاتل دھشت گردوں کے خلاف آپریشن سے گریزاں ہیں۔ داعش جیسی بدنام زمانہ دھشت گرد تنظیم کی حمایت کرنے والے اس ملک و قوم کے دشمن ہیں۔عوام اور پاک فوج دھشت گردوں کے خلاف ملک گیر آپریشن کا آغاز کرے پوری قوم اپنی بہادر افواج کی پشت پر کھڑی ہے۔
انہوں نے کہا کہ زائرین کے حوالے سے حکومتی رویہ انتہائی افسوس ناک اور قابل مذمت ہے۔ تفتان میں سینکڑوں زائرین کو کئی روز تک روکا جاتا ہے جہاں کسی قسم کی سہولیات نہیں۔ حکومت زائرین کے لئے بہتر حفاظتی انتظام کے ساتھ ساتھ تفتان بارڈر پر مناسب ریسٹ ہاؤس تعمیر کرے۔ انہوں نے کہا کہ فیری سروس سے متعلق حکومتی وعدہ وفا نہ ہوا، جبکہ پی آئی اے کا کرایہ عوام کی پہنچ سے باہر ہے۔ حکومت عوام کو سستی ہوائی سہولت فراہم کرنے کے لئے ایران ایئر سے بات کرے۔
وحدت نیوز(بیروت) یورپ کے ایک سکیورٹی آفیسر نے عاشورہ کے دن حزب اللہ کے سیکرٹری جنرل سید حسن نصر اللہ کو جان سے مارنے کی سازش سے پردہ اٹھایا ہے، ڈچ اخبار دی ٹیلی گراف نے مقبوضہ فلسطین میں تعینات یورپ کے ایک سکیورٹی آفیسر کے حوالے سے انکشاف کیا کہ اسرائیل نے عاشور کے دن بیروت میں امام حسین علیہ السلام کی عزاداری کے جلوس میں شرکت کے موقع پر حزب اللہ کے سربراہ سید حسن نصراللہ کو اپنے ڈرون طیارے کے ذریعے نشانہ بنانے کی سازش تیار کی تھی، لیکن صیہونی انٹیلی جینس کی یہ کارروائی حزب اللہ کے پاس موجود جدید ترین ٹیکنالوجی کی وجہ سے ناکام ہو گئی ہے۔
یاد رہے کہ صیہونی انٹیلی جینس ایجنسی موساد کے سپیشل یونٹ "خنجر" نے حزب اللہ کے سربراہ کو قتل کرنے کا اعلان کر رکھا ہے۔ عام طور پر حزب اللہ کے سربراہ مختلف اجتماعوں میں ویڈیو کانفرنس کے ذریعے ہی خطاب اور اپنے موقف کا اظہار کرتے ہیں، لیکن پچھلے چند سالوں کی روایت کے مطابق سید حسن نصراللہ دس محرم کو امام حسین علیہ السلام کے شہادت کی مناسبت سے نکالے جانے والے عزادری کے جلوسوں میں سے کسی ایک جلوس میں تھوڑی دیر کیلئے ضرور شرکت کرتے ہیں۔ بعض ذرائع سے یہ بھی معلوم ہوا ہے کہ ان کی حفاظت پر معمور اسکواڈ ان کی عزاداری میں شرکت کے دورانیئے کو کسی بھی صیہونی جنگی جہاز کے مقبوضہ فلسطین سے اڑ کر جنوبی بیروت تک پہنچنے کے پیریڈ سے چند منٹ کم پر ہی تنظیم کرتا ہے۔
ہالینڈ کے اخبار دی ٹیلگراف کی رپورٹ کے مطابق صیہونی انٹیلی جنس اس سال عزاداری کے جلوس میں شرکت کے موقع پر حزب اللہ کے سربراہ ایک کنٹرولڈ اور کم طاقت کے میزائل کے ذریعے تشانہ بنانا چاہتی تھی، تاکہ میڈیا میں ان کے قتل کو بم دھماکہ یا خودکش بمبار کی کارروائی قرار دیا جاسکے اور اسرائیل کو ان کے قتل پر براہ راست ذمہ دار نہ ٹھہرایا جاسکے۔ دی ٹیلگراف کی رپورٹ میں مزید بتایا گیا ہے کہ حزب اللہ فورس ایسے ہیلمٹس سے استفادہ کرتی ہے، جن میں یہ ٹیکنالوجی موجود ہے کہ وہ متعلقہ علاقے میں کسی بھی ڈرون طیارے کی پرواز کے متعلق اطلاعات "جبل شیخ" پر نصب روسی ریڈاروں کے ذریعے دریافت کر سکتے ہیں۔ دی ٹیلگراف کے بقول صیہونی اٹیلی جینس کی یہ سازش بھی حزب اللہ کے پاس موجود اسی ٹیکنالوجی کی وجہ سے ہی ناکام ہوئی ہے۔ صیہونی حکام کی طرف سے ابھی تک اس خبر پر کوئی ردعمل سامنے نہیں آیا۔
وحدت نیوز (کراچی) مجلس وحدت مسلمین کراچی ڈویژن کے آفس میں منہاج القر آن شعبہ خواتین کے وفد کہ ساتھ مجلس وحدت مسلمین صوبہ سند ھ اور کراچی ڈویژن شعبہ خواتین کی ملاقات ہوئی۔جسمیں اہم امورپر تبادلہ خیال کیا گیا۔منہاج القرآن شعبہ خواتین کے وفد میں پاکستان عوامی تحریک کراچی ڈویژن شعبہ خواتین کی صدر خواہر رانی راشد ،منہاج القرآن کراچی ڈویژن کی ناظم تربیت رابعہ انواراور ضلع شرقی کی صدر خواہر صائمہ بتول شامل تھیں،جب کہ مجلس وحدت مسلمین کراچی ڈویژن شعبہ خواتین کی سیکر ٹر ی خواہر ہما جعفری اور کراچی ڈویژن کی کا بینہ کے علاوہ صوبہ سندھ کی سیکرٹری جنرل خواہر زہراء نجفی بھی منہاج القرآن کے وفد سے ملاقات کے لئے موجود تھیں ۔ مجلس وحدت مسلمین کراچی ڈویژن شعبہ خواتین نے منہاج القرآن شعبہ خواتین کے وفد کا بھرپور استقبال کیا۔منہاج القرآن شعبہ خواتین کی جانب سے مجلس وحدت مسلمین صوبہ سندھ اور کراچی ڈویژن کو اپنے آنے والے ڈسٹرک اور مرکزی سطح پر ہونے والے پروگرامز میں شرکت کی دعوت دی بلخصوص ۱۷ نومبر کو سانحہ ماڈل ٹاون میں جس کو ۱۵۰ دن گزر جانے کے بعد بھی حکومت وقت کی طرف سے غیر سنجیدہ رویہ اختیار کرنے کہ خلاف پریس کلب پر احتجاج میں شرکت کی درخواست کی گئی۔اسکے علاوہ ڈسٹرک سطح پر ہونے والی’’سیرت حضرت زینب ؑ کانفرنس‘‘ میں شرکت اور ۳۰ نومبر کو نیشنل اسٹیڈیم میں ہونے والی مرکزی سطح پر ہونے والی ’’سیرت حضرت زینب ؑ کانفرنس‘‘ میں کراچی ڈویژن اور صوبہ سندھ کو خصوصی دعوت دی گئی۔دونوں تنظیموں نے موجودہ حالات میں شیعہ سنی اتحادوحدت پر زوردیا ۔
پاکستان عوامی تحریک کراچی ڈویژن کی صدر خواہر رانی راشد کا کہنا تھا کہ ہم سب ایک قرآن و رسول ﷺ اور انکی پاک آل کے عاشق و غلام ہیں اسلام محمدی ﷺ ہمیں وحدت کا درس دیتا ہے اور الحمداللہ پاکستان میں ڈاکٹر طاہر قادری اور علامہ راجہ ناصرعباس صاحب کی محنت اور کاوشوں کا نتیجہ ہے کے آج ہم پاکستان کی سر زمین پر اتحا و وحدت کی فضاء دیکھ رہے ہیں جس سے دشمن بے حد خوف زدہ ہے اور وہ ہمارے اس اتحاد کو نقصان پہچنا چاہتے ہیں مگر انشااللہ تعالیٰ دشمن کبھی اپنے ناپاک ارادوں میں کامیاب نہیں ہو گا۔
منہاج القرآن کراچی ڈویژن شعبہ خواتین کی ناظم تر بیت خواہر رابعہ انوار کا کہنا تھا کہ ہم خواتین کا نہایت اہم کردار ہے جیسے کہ ہم تاریخ میں حضرت زینب ؑ کا کردار دیکھتے ہیں کی آپ ؑ نے کسطرح یزید اور نظام یزیدیت کے خلاف صدائے احتجاج بلند کی اور ایسی تحریک کا آغاز کیا جس نے یزید اور یزید جیسوں کو دنیا اور آخرت میں رسوا کردیا۔ہم سب بھی سیداء زینب ؑ کی کنیزیں ہیں ہم کو بھی اپنے ملک میں رائج نظام یزیدیت کے خلاف سیرت سیداء زینب ؑ کو اپنان ہو گااور خواتین کو شعور دیا ہو گا یہ ہماسی ذمداری ہے۔جس طرح ہم سب مل کر اپنے گھر کے مسائل کرتے ہیں تو یہ ملک بھی ہمارا گھر ہے ہمیں چاہیے کہ اپنے ملک کے مسائل کہ حل کے لیے ہم سب مل کر کوشش کریں۔
مجلس وحدت مسلمین شعبہ خواتین صوبہ سندھ کی جنرل سیکرٹری خواہر زہراء نے سب سے پہلے صوبہ سندھ اور کراچی ڈویژن کی جانب سے پاکستان عوامی تحریک شعبہ خواتین کراچی ڈویژن اور منہاج القرآن شعبہ خواتین کراچی ڈویژن کہ وفد کی آمد پر شکریہ ادا کیا ۔ مجلس وحدت مسلمین شعبہ خواتین صوبہ سندھ کی جنرل سیکرٹری خواہر زہراء نے صوبہ سندھ اور کراچی ڈویژن کی جانب سے اپنے بھرپور ساتھ اور تعاون کی یقین دہانی کروائی اور۳۰ نومبر اور ۲۵ دسمبر کو مزار قائد پر ہونے والے پاکستان عوامی تحریک کہ جلسے کہ حوالے سے تفصیلات معلوم کی اور حکمت عملی دریافت کی۔پاکستان عوامی تحریک کراچی ڈویژن کی صدر خواہر رانی راشد نے جلسے کی تفصیلات اور حکمت عملی سے آگاہ کیا آپ کا کہنا تھا کہ یقیناًت ٹاسک بڑا ہے لیکن ہمارے حوصلے بھی بلند ہیں اور ہمیں آپ کے ساتھ کی بھی ضرورت ہے ۔
مجلس وحدت مسلمین کراچی ڈویژن کی سیکرٹری جنرل خواہر ہما جعفری نے اپنی پوری کابینہ کی طرف سے اپنے بھرپور ساتھ کی یقین دہانی کرائی اس کے علاوہ ایم ڈبلیوایم کراچی ڈویژن کی سیکریٹری جنرل خواہر ہما جعفری نے کہا کے ہم آپ کے ساتھ ہیں کیونکہ ہمارا دشمن ایک ہیں ہمارا مقصد ایک ہے ہم ظلم کے خلاف ہیں یہ جابر و ظالم حکمران جنھوں نے مظلوم عوام پر گولیاں چلائی ان ظالم حکمران نے سرزمیں پاکستان کو معصوم لوگوں کے خون سے سرخ کردیا انصاف اور عادل کو ختم کردیا آج ان کی وجہ سے غریب خودکشی کرنے پر مجبور ہو گیا ہے مگر ان کو اس سے کوئی مطلب نہیں کہ عوام کس طرھ کی زندگی رہی ہے۔حسینیوں کی تاریخ اس بات کی گواہی دیتی ہے کے ہم حسینیوں نے ہمیشہ مظلومیت کے ساتھ دیا اور مظلوموں کے لیے آواز اٹھائی اور انصاف کی بات کی۔ ہم نے کبھی کسی ظالم کا ساتھ نہیں دیا اور مظلوموں کو انصاف کی فراہمی کی جدوجہد کی اور اس مقصد کے لیے ہمیشہ قربانیاں بھی دی اور دیتے رہیں گے کیونکہ یہ درس ہم حسینیوں نے کربلا سے لیا ہے۔ آخر میں خواہر زہراء نے فرمایا کی مقصد جتنا عظیم ہوتا ہے قربانیاں بھی اتنی ذیادہ دینی ہوتی ہیں لہذا ہمیں اپنی ہمت حوصلوں کو بلند رکھنا ہے اور راہ حق میں آگے قدم بڑھاتے رہنا ہے ضروری نہیں کی جلد منرل اور مقصد حاصل ہو جائے مگر اگر ہم ثابت قدم رہیں تو انشااللہ پروردگار ہماری مدد ضرور فرمائیں گا اور ہم ضرور کامیاب ہوں گے۔
وحدت نیوز (ہری پور) مجلس وحدت مسلمین قوم کو حقوق دلانے کا عزم لیکر میدان عمل میں آئی ہے، ملت جعفریہ کو اتحاد و اتفاق کے ذریعہ اپنے حقوق کی جنگ لڑنا ہوگی، ان خیالات کا اظہار سیکرٹری جنرل مجلس وحدت مسلمین خیبر پختونخوا علامہ سبطین حسینی نے جعفری ہاوس، ہری پور میں ماتمی سنگتوں کے سالاروں سے ایک ملاقات کے دوران کیا، ملاقات میں ہری پور کے مختلف ماتمی دستوں اور سالاروں نے مجلس میں شمولیت کا اعلان کیا، شمولیت کی باقاعدہ تقریب محرم الحرام کے بعد منعقد کروانے پر اتفاق ظاہر کیا گیا۔
وحدت نیوز (بھکر) مجلس وحدت مسلمین کے مرکزی سیکرٹری سیاسیات سید ناصرعباس شیرازی نے بھکر میں پریس کانفرنس سے خطاب کرتے ہوئے کہا کہ ہم نے بھکر میں تکفیری ٹولے کو دیوار سے لگا دیا ہے۔ انہوں نے پاکستان عوامی تحریک کے صوبائی صدر بشارت جسپال اور حلقہ پی پی 48 کے اُمیدوار ملک نذرعباس کہاوڑ کیساتھ میڈیا سے بات کرتے ہوئے کہا کہ ہم بھکر کے ضمنی الیکشن میں نون لیگ کو شکست دیں گے، عوام اب قید کی زندگی سے نجات پائے گے۔ ناصر شیرازی کا کہنا تھا کہ لیگی حکمران جس طرح طالبان سے مذاکرات کی بات کر رہے تھے، کیا قانون اس بات کی اجازت دیتا ہے؟ انکا کہنا تھا کہ موجودہ حکمران طالبان دہشت گردوں کیساتھ مذاکرات کر کے ملک سے غداری کر رہے تھے، فوج نے حکومت کو اعتماد میں لیے بغیر آپریشن شروع کیا یہ نون لیگی کی بہت بڑی ناکامی ہے۔ ناصر شیرازی نے کہا بھکر میں انتظامیہ نے ایم ڈبلیو ایم کے سیکرٹری جنرل علامہ راجہ ناصرعباس جعفری، ڈپٹی سیکرٹری جنرل علامہ امین شہیدی اور صوبہ پنجاب کے سیکرٹری جنرل علامہ عبدالخالق اسدی پر پابندی لگائی ہے، اس سے ہم خوف زدہ نہیں ہیں، وہ 23 نومبر کے جلسہ میں تشریف لا رہے ہیں اگر انتظامیہ نے کوئی ایسی حرکت کی تو خود ذمہ دار ہونگے۔
پولیٹیکل سیل کے میڈیا انچارج امیر حیدر کے مطابق سیکرٹری سیاسیات نے ضلع بھکر میں پی پی 48 کے ضمنی الیکشن کے حوالے سے ورکر کنونشن میں بھی شرکت کی۔ اس موقع پر پاکستان عوامی تحریک کے صوبائی صدر بشارت جسپال، ایم ڈبلیو ایم احسان اللہ بلوچ اور سفیر شہانی بھی موجود تھے۔ سید ناصر شیرازی نے کہا کہ ہمارے اس اتحاد سے بھکر میں امن ہو گا، تکفیری دیوار سے لگ چکے ہیں اور یہ خود اپنی موت آپ مر جائیں گے۔ اُنہوں نے مزید کہا کہ میرے لے فخر کی بات ہے کہ میں یہاں ہوں، جب کارکنان اسیر تھے، تو یہاں کی خواتین نے دھرنا دیا۔ انہوں حکومت کو تنقید کا نشانہ بناتے ہوئے کہ پاکستان مسلم لیگ نون کی پالیسیاں ملک دشمنی پر مبنی ہیں، یہ لوگ ہمارے دشمن کو ساتھ بیٹھا کر مذکرات کرنے جا رہے تھے، فوج نے ان کے عزائم کو خاک میں ملا دیا، ضرب عضب آپریشن اسکی واضح مثال ہے۔ پاکستان عوامی تحریک کے صوبائی صدر بشارت جسپال نے کہا کہ بھکر کے حالیہ ضمنی انتخابات میں جیت کی کنجی مجلس وحدت مسلمین کے پاس ہے۔ یاد رہے کہ ضمنی الیکشن میں ملک نذر کہاوڑ عوامی تحریک کے امیدوار ہیں اور ایم ڈبلیو ایم انکی حمایت کر رہی ہے۔
وحدت نیوز (ٹوبہ ٹیک سنگھ) ٹوبہ ٹیک سنگھ میں میڈیا سے بات چیت کرتے ہوئے مجلس وحدت مسلمین کے مرکزی رہنما علامہ امین شہیدی نے کہا ہے کہ امریکہ داعش کو ذاتی مقاصد کے لئے استعمال کر رہا ہے۔ امت مسلمہ کو داعش جیسے فتنہ کو سختی سے کچلنے کے لئے مثبت حکمت عملی اپنانا ہو گی۔ علامہ محمد امین شہیدی نے مرکزی امام بارگاہ ٹوبہ میں پریس کانفرنس سے خطاب کرتے ہوئے کہا کہ وطن عزیز ماضی کی نسبت اس وقت شدید ترین بحرانوں کا شکار ہے، جس کی سب سے بڑی وجہ موجودہ حکمرانوں کی غلط معاشی اور سیاسی حکمت عملی ہے۔ انہوں نے کہا کہ جیلوں میں 8 ہزار سزائے موت کے قیدی موجود ہیں، جو جرائم کی جڑ ہیں، انہیں فوری طور پر پھانسی دی جائے۔ واضح رہے کہ اس موقع پرعلامہ سید ظہیرا لحسن نقوی، علامہ ہدایت حسین ہدایتی، فدا حسین رانا، رانا نعیم عباس اور رائے شاہد علی خاں بھی ان کے ہمراہ تھے۔ انہوں نے کہا کہ انتہا پسندی کے خاتمے کے لئے بیرونی مداخلت کو روکنا ہو گا جو ممالک انتہا پسندوں کو فنڈنگ کرتے ہیں وہ کسی بھی صورت پاکستان کے خیر خواہ نہیں پاکستان میں شدت پسندوں کو اسرائیل، انڈیا اور عرب ممالک کی آشیرباد حاصل ہے اور یہ بات کسی سے ڈھکی چھپی نہیں کہ ان ممالک نے نہ صرف پاکستان بلکہ مسلم دنیا میں شدت پسندوں کی پشت پناہی میں بڑا کردار ادا کیا، جس کا خمیازہ آج مسلم امہ بھگت رہی ہے۔
ایم ڈبلیوایم کے میڈیا سیل کے انچارج مظاہر شگری کے مطابق علامہ امین شہیدی نے عزاداروں کے اجتماع سے خطاب بھی کیا۔ انہوں نے کہا مجلس وحدت مسلمین پاکستان نے اپنے کارکنوں کی تربیت میں ہمیشہ رواداری، اتحاد بین المسلمین، احترام انسانیت اور حب الوطنی کو بنیاد بنایا،یہی وجہ ہے کہ آج تک ہمارے کارکنان نے انتہا پسندوں کے ملک میں بچھائے ہوئے نفرت کے کانٹے چنتے چنتے اپنی جان تو دے دی، مگر احترام انسانیت اور وحدت کے پرچم کو سرنگوں نہیں ہونے دیا، پاکستان میں ایک مخصوص سوچ کے حامل انتہا پسندوں نے اب عالمی دہشت گرد داعش کو لاجسٹک سپورٹ کرنے کا بیڑا اُٹھا لیا ہے، ہمارے حکمران ان دہشت گردوں کیخلاف کسی بھی کاروائی سے گریزاں ہیں، دراصل ان دہشت گردوں کا اصل ہدف ہمارے سکیورٹی ادارے اور وہ پاکستانی سول سوسائٹی ہے، جو شدت پسندی کے مخالف ہیں موجودہ حکمرانوں سے ان کی ساز باز ہے ۔
انہوں نے کہا کہ لاہور، کراچی، پشاور، کوئٹہ اور جنوبی پنجاب میں یہ گروہ منظم ہو رہے ہیں، ماہ محرم الحرام کے بعد اب ماہ ربیع الاول میں عاشقان مصطفٰیۖ کے خلاف بڑی دہشت گردی کے لئے منصوبہ بندی انہی علاقوں میں یہی دہشت گرد گروہ ترتیب دینے میں مصروف ہیں، لیکن ہمارے وزیر داخلہ نہ مانوں کی رٹ لگانے اور سکیورٹی اداروں کو کرسی بچانے کے لئے استعمال کرنے میں مصروف ہیں۔ علامہ امین شہیدی نے کہا کہ وقت کا تقاضا ہے، کہ شمالی وزیرستان طرز کا آپریشن پنجاب، بلوچستان اور سندھ میں بھی شروع کیا جائے، بصورت دیگر ہم ایک ناقابل تلافی نقصان کے لئے تیار رہیں۔ علامہ امین شہیدی نے جہلم میں پاکستان تحریک انصاف کے پر امن کارکنوں پر فائرنگ کے واقعے کی شدید الفاظ میں مذمت کرتے ہوئے کہا کہ حکمران گلو کریسی کے ذریعے حکمرانی کے خواب دیکھنا چھوڑ دیں، دھاندلی، کرپشن، اقربا پروی اور خاندانی حکمرانی کے خلاف جد و جہد کو ایسے اوچھے ہتھکنڈوں کے ذریعے نہیں روک سکتے، ظالم نظام اور ظلم کا خاتمہ ہو کر رہے گا۔
وحدت نیوز (راولپنڈی) پاکستان بھر میں شیعہ افراد کی مسلسل ٹارگٹ کلنگ اورعلامہ ساجد نقوی کے گھر سامنے موجود رضویہ ہال امام بارگاہ پر دہشت گردوں کے حملہ کے خلاف مجلس وحدت مسلمین ضلع راولپنڈی نے احتجاجی مظاہرہ کیا، اس موقع پر سانحہ میں شہید ہونے والے پولیس اہلکاروں کو خراج تحسین پیش کیا گیا، مظاہرے میں ایم ڈبلیوایم راولپنڈی کے رہنما سعید الحسن رضوی، راحت کاظمی، باوا گل اور دیگر نے شرکت کی۔ رہنماوں نے اس موقع پر کہا کہ درندہ صفت دہشت گردوں کو فی الفور قرار واقعی اور عبرت ناک سزائیں دلوائی جائیں۔
وحدت نیوز (کوئٹہ) مجلس وحدت مسلمین کوئٹہ ڈویژن کی طرف سے جاری کردہ بیان میں ایم ڈبلیوایم کے کونسلر کربلائی رجب علی نے کہ ہے کہ سردی کے شروع ہوتے ہی پورے ملک خصوصاً کوئٹہ شہر کے عوام کا جینا گیس پریشر میں کمی کی وجہ سے دوبھر ہوجاتا ہے لیکن ارباب اقتدار اپنے عیاشیوں میں مصروف ہیں ۔ جس کی وجہ عوام میں شدید مایوسی پائی جاتی ہیں، مجلس وحدت مسلمین حکومت سے پزور مطالبہ کرتی ہے کہ عوام کو زندگی کی بنیادی سہولیات گیس و پانی وغیر ہ کے مسائل کو ہنگامی بنیادوں پرفوری طور حل کریں تاکہ پاکستانی اس ذہبی کوفت سے نجات پائیں ، ابھی تو موسم سرما پوری طرح شروع بھی نہیں ہوا ہے لیکن اس باوجود علمدار روڈ سے ملحقہ اکثر علاقوں میں بغیر شیڈول کے گیس کی لوڈ شیڈنگ کی جارہی ہے جس کی وجہ علاقے مکین بے حد پریشان ہے، ستم بالائے ستم یہ کہ واسا پاس مطلوبہ تعداد میں ملازمین نہ ہونے کی وجہ سے علمدارروڈکے عوام اب بھی بوند بوند پانی کو ترس رہی ہیں یا پھر واسا کا ٹینکر مافیا کے ساتھ گڑھ جوڑ ہے جس کی وجہ عوام کو پانی کی فراہمی میں کوتاہی برتی جارہی ہے، مجلس وحدت مسلمین اس ضمن میں پہلے بھی واسا کے دفتر چکرکاٹ چکی ہیں لیکن پھر بھی کوئی شنوائی نہیں ہورہی ہے ،مجلس وحدت مسلمین حکومت سے پرزور مطالبہ کرتی ہے کہ واساکی کارکردگی کا بہتربنانے کیلئے علمدار روڈ کے علاقے میں ٹیوب ویلوں کو چلانے کیلئے واسا میں انہی علاقوں سے ملازمین بھرتی کریں تاکہ ملازمین بغیر کسی بہانے کے عوام کوپانی کی فراہمی کو یقینی بنائے، تب جاکر عوام پانی کے مسائل سے نجات ملنے کی توقع کی جاسکتی ہیں۔مجلس وحدت مسلمین عوامی مسائل کے حل کیلئے ہمیشہ کی طرح جدوجہد جاری رکھے ہوئے ہیں اور عوامی مسائل کے حل میں کسی بھی قسم کی کوتاہی کوبرداشت نہیں کرینگے۔
وحدت نیوز (لاہور) عراق ،شام سمیت مسلم دنیا میں فسادات اور مسلمانوں کے کردار کو دنیا بھر میں مسخ کرنے والی دہشت گرد تنظیم (داعش )کو پاکستان میں لاجسٹک سپورٹ یہاں کی کالعدم انتہا پسند تنظیم دے رہی ہے منظم منصوبہ بندی کے تحت ملک کے طول عرض میں اس بدنام زمانہ عالمی دہشت گرد تنظیم کی نشرو اشاعت جاری ہے حکومت اور مقامی انتظامیہ کی جانب سے لاعلمی کا اظہار دراصل دہشت گردوں کی پشت پناہی ہے۔ ان خیالات کا اظہار مجلس وحدت مسلمین پنجاب کے صوبائی سیکرٹری جنرل علامہ عبدالخالق اسدی نے صوبائی سیکرٹریٹ میں ہونے والے پنجاب کابینہ کے اجلاس سے خطاب میں کیا۔
انہوں نے کہا کہ پنجاب میں دہشت گردی کا لاوا اگلنے کو ہے یہاں کے انتہا پسند دہشت گرد گروہ صف بندیوں میں مصروف ہیں ہم نے بار ہا ان خدشات کا اظہار کیا لیکن حکمرانوں اور قانون نافذ کرنے والے اداروں نے توجہ نہ دی طالبان دہشت گردوں کیخلاف آپریشن کا مطالبہ روز اول سے ہمارا تھا اگر وقت پر یہ آپریشن کرتے تو ملک میں بہت سے جانی و مالی نقصانات سے بچ جاتے لیکن دہشت گردوں کی حامی قوتوں نے حکمرانوں کو مذاکرات کے نام پر یرغمال بنائے رکھا اسی طر ح آج عالمی دہشت گرد تنظیم کے وجود کو ہمارے وزیر داخلہ تسلیم کرنے سے گریزاں ہے ملک بھر میں دیواروں،شاہراہوں پر دہشت گردوں کی وال چاکنگ جاری ہے لیکن بد قسمتی سے ہمارے قانون نافذ کرنے والے اداروں کو ملکی تحفظ کے بجائے حکمران اپنے اقتدارکے تحفظ کے لئے استعمال کر رہے ہیں۔
صوبائی کابینہ کے اجلاس میں سانحہ کوٹ رادھا کشن اور گجرات میں تھانے کے اندر جھوٹے الزامات لگا کر سید طفیل حیدر کوشہید کرنے کی شدید مذمت کی گئی اور حکومت سے مطالبہ کیا گیا کہ وہ ملزموں کو قرار واقعی سزا دے کر انتہا پسندگروہ کی سازش کو بے نقاب کریں اجلاس میں واہگہ بارڈر پر دہشت گردی میں شہید ہونے والے شہداء کے لئے فاتحہ خوانی ،لواحقین سے اظہار ہمدری اور دہشت گردوں کیخلاف بے رحمانہ آپریشن کا مطالبہ کیا گیااجلاس میں حکومت کی جانب سے عمران خان ،ڈاکٹر طاہرالقادری ،شاہ محمود قریشی و دیگر رہنماوُں کے وارنٹ گرفتاری کی شدید مذمت کرتے ہوئے اسے حکمرانوں کی بوکھلاہٹ قرار دیا اجلاس میں کرپشن ،مہنگائی،بدامنی اور دھاندلی کیخلاف جدو جہد جاری رکھنے کا اعادہ کرتے ہوئے 23 نومبر کے بھکر میں عوامی جلسے میں بھر پور شرکت کا اعلان بھی کیااجلاس میں پنجاب میں ممنوعہ بور کے اسلحہ لائسنس کی منظوری پر شدید تحفظات کا اظہار کیا اور اسے صوبے میں مزید بدامنی پھیلانے کا پیش خیمہ قرار دیا۔
