The Latest
وحدت نیوز (اسلام آباد) مجلس وحدت مسلمین پاکستان کے مرکزی ڈپٹی جنرل سیکریٹری علامہ امین شہیدی نے کہا ماہ صیام تزکیہ نفس کا مہینہ ہے۔اس مقدس مہینہ میں اللہ تعالیٰ ہمیں ہمیں صوم و صلوۃ کے ذریعے اپنی اندرونی کثافتیں صاف کرنے کا موقع عطا کرتا ہے۔انہوں نے کہا اس ماہ مبارک میں ہمیں ایثار و قربانی کے جذبات کا عملی مظاہرہ کرنا چاہیے۔سحری و افطاری کے اوقات میں عزیز و اقربا کی ضروریات کو بھی پیش نظر رکھا جائے۔ جو لوگ رمضان کے دنوں میں چوربازاری اور خود ساختہ مہنگائی کرتے ہیں ۔وہ روزداروں کیے مشکلات میں اضافہ کا باعث بنتے ہیں ۔اس طرح کے اعمال روزہ کی قبولیت میں مانع ہیں۔ایسے لوگوں روزہ کے روحانی فوائد سے محروم رہ جاتے ہیں۔روزہ محض بھوکا رہنے کا نام نہیں بلکہ اپنے تمام اعضا کو غیر شرعی امور سے دور رکھنے کا نام ہے ۔انہوں نے کہا کہ صبر، برداشت اور رواداری اس مقدس مہینے کے خصوصی انعام ہیں۔ روزے کا حقیقی لطف ان انعامات کے حصول میں ہے اور یہ تبھی حاصل ہوتے ہیں جب نفس کے ساتھ جہاد میں ثابت قدمی اور استقامت اختیار کی جائے۔
شہر قائد کی عوام سے اپیل ہے کے الیکٹرک کے خلاف آپریشن برق کا آغاز کریں،رہنما ایم ڈبلیو ایم حسن ہاشمی
وحدت نیوز (کراچی) مجلس وحدت مسلمین کراچی کے سیکریٹری جنرل حسن ہاشمی نے شہر قائد کی عوام سے اپیل کی ہے کہ وہ کے الیکٹرک کے خلاف آپریشن کریں ماہ رمضان المبارک میں لوڈشیڈنگ نے عوام کا جینا دوبھر کر دیا ہے کے الیکٹرک کے رمضان المبارک کے مقدس ماہ میں لوڈشیڈنگ کی کمی اور سحری و افطار کے دوران میں لوڈشیڈنگ نہ کرنے کے دعوے جھوٹے ثابت ہوئے یکم رمضان سحر ی میں ہی شہر شب کی تاریخی میں ڈوب گیا افسوس زرائع ابلاغ اور اعلی حکام کی خاموشی پر بھی تشویش ہے و حدت ہاؤس کراچی سے جاری اپنے مذمتی بیان میں ان کا کہنا تھا کہ اسلامی جمہوری و ایٹمی طاقت ہونے کے بعد بھی ہم زمانہ قدیم میں زندگی گزار رہیں ہیں عوامی نمائندگان بھی صرف تماشائی بنے ہوئے ہیں اپنی جیبیں بھر کر سرمایہ داروں کی صف میں بیٹھ گئے ہیں شہر میں حالیہ گرمی کی لہر اس پر بجلی بندش کا عذاب سے ہر شہری زہنی اذیت کا شکار ہے بد قسمتی سے اس شہر کے عوام کے ہر سطح پر حقوق غضب کئے جارہے ہیں بجلی بلوں کی عدم ادائیگی پر عوام سزا کی مستحق قرار پاتی ہے لیکن اگر کوئی ادارہ عوام ان کا جائز اور قانونی حق نہ دے تو ان کو کوئی سزاء نہیں۔عوام اگر بل کی ادائیگی نہ کرے بے جا اضافی بل کی رقم ادا نہ کرے تو ان کے خلاف آپریشن برق ،خطیر جرمانہ اور قانونی کاروائی اور جیلوں میں ڈال دیا جاتا ہے ایسا لگتا ہے ایسا لگتا ہے کے ریاستی اداروں نے کسی اہم دہشتگرد کو گرفتار کر لیامگر کے الیکٹرک اپنے صارفین کو بجلی نہ دے اور کئی کئی گھنٹوں کی غیر اعلانیہ لوڈ شیڈنگ کرے اضافی بل بھیجئے تب یہ قانون نافذ کرنے والے اد اروں سمیت حکمرانوں و عدلیہ سمیت دیگر حکام بلا کے مہ پر چپ کے تالے کیوں لگ جاتے ہیں آخر ان جرائم پر کے الیکٹرک کے خلاف کاروائی عمل میں کیوں نہیں لائی جاتی۔حسن ہاشمی نے حکومت سے مطالبہ کیا کے ماہ رمضان میں کے الیکٹرک کے غیر اعلانیہ لوڈشیڈنگ کے خلاف قانونی کاروائی عمل میں لائی جائے اس نا اہل ادارے میں بیٹھے ذمہ داران کے خلاف کاروائی عمل میں لائی جائے حکومتی سطح پر موجودہ کے الیکٹرک کے نظام کو سرکاری سطح پر ہنگامی بنیادوں پر واپس اہل افراد کے حوالے کیا جائے عوام کو ماہ رمضان میں لوڈشیڈنگ سے چھٹکارا دلایا جائے حسن ہاشمی نے عوام سے بھی اپیل کی کے وہ کے الیکٹرک کی جانب سے سحر افطار میں کئی جانے والی غیر اعلانیہ لوڈشیڈنگ ،ایکسسز بلنگ ،وولٹیج کی کمی کے خلاف آپریشن برق کا آغا ز شروع کریں شہر کے ہر حصہ میں احتجاج کیا جائے بجلی بندش پر کے الیکٹرک کی انتظامیہ اور ان سیاسی افرادو جماعتوں کے خلاف بھی عوامی احتجاج کیا جائے جو ان کی حمایت میں شہر کی عوام کو دھوکا دے رہے ہیں۔
وحدت نیوز (لاہور) مجلس وحدت مسلمین پنجاب کے سیکرٹری جنرل علامہ عبد الخالق اسدی نے کہاہے کہ اللہ تعالیٰ نے رمضان المبارک کو حرمت کا مہینہ قراردیا ہے جس میں جنگ و جدل کی اجازت نہیں۔ انہوں نے کہا کہ سعودیہ عرب کو چاہئے کہ فوری طور پر یمن میں جنگ بندی کا اعلان کرے تاکہ بین الاقومی ایجنسیاں وہاں پر آزادانہ امدادی کاروائیاں کر سکیں ۔علامہ اسدی کا پنجاب کابینہ کے ممبران کے اجلاس سے خطا ب میں کہنا تھا کہ سعودیہ عرب کے حملوں کے باعث یمنی عوام کو بھوک، بر سروسامانی اورغیر یقینی صورتحال کا سامنا ہے اور رمضان کے مہینہ میں جنگ ان کے لئے سخت امتحان کاباعث بنے گی۔ انہوں نے کہاکہ سعودی حکمرانوں کی غلط پالیسیوں کے باعث پوری دنیا میں مسلم امہ انتشار کا شکار ہیں ۔ وقت اس بات کا فیصلہ کرے گا کہ سعودیہ عرب کا یمن پر حملہ اس کی سب سے بڑی غلطی تھی۔ انہوں نے اقوام متحدہ اور مسلم ممالک کے حکمرانوں سے اپیل کی ہے کہ رمضان المبارے کے مہینہ میں یمنی عوام کی دل کھول کر امداد کریں۔
وحدت نیوز (چنیوٹ ) مجلس وحدت مسلمین ضلع چنیوٹ کا ایک اہم اجلاس ہوا جس میں تمام یونٹس اور تحصیلوں کے عہدہ داران نے شرکت کی، اجلاس جامعہ بعثت رجوعہ سادات میں منعقد ہوا۔اجلاس میں صوبائی سیکرٹری سیاسیات سید اخلاق الحسن بخاری اور ضلعی سیکرٹری سیاسیات سید عاشق حسین بخاری کی گرفتاری کی وجہ سے پیدا ہونے والی صورتحال کا جائزہ لیا گیا۔اجلاس سے خطاب کرتے ہوئے صوبائی سیکرٹری جنرل علامہ عبدالخالق اسدی نے کہاکہ چنیوٹ اور بھکر میں جان بوجھ کر ملتِ جعفریہ کے افراد کو ریاستی جبر کا نشانہ بنایا جا رہا ہے اور کسی بھی اخلاقی و قانونی جواز کے بغیر مجلس وحدت کے فعال کا رکنوں کو پابند سلاسل کیا جارہا ہے اگر حکومت پنجاب نے ہوش کے ناخن نہ لئے تو ملت جعفریہ احتجاج کا حق محفوظ رکھتی ہے ۔انہوں نے کہا کہ صوبائی حکومت فوری طور پر ضلعی سیکرٹری جنرل بھکر سفیر حسین شاہانی ،سید اخلاق الحسن بخاری اور عاشق بخاری سمیت تمام کارکنوں کو فوری طورپر رہا کرئے ۔
وحدت نیوز (لاہور) مجلس وحدت مسلمین کے رہنمااسد عباس نقوی کا کہنا ہے کہ مشکل کی اس گھڑی میں جب فوج تکفیری دہشت گردوں کے خلاف ایک اہم آپریشن میں مصروف ہے ایسے میں فوج کے بارے میں بیانات دینانہایت قابل مذمت اور غیر ذمہ دارانہ فعل ہے۔ انہوں نے کہا کہ بینظیر بھٹو کے بعد آصف علی زرداری کا پیپلز پارٹی کی قیادت سنبھالنا اس جماعت کی سیاسی موت تھی۔ انہوں نے کہاکہ ایک ماڈل کی وجہ سے پیپلز پارٹی کی قیادت اس حد تک بوکھلاہٹ کا شکار ہے کہ اب پاکستان کے سب سے اہم ادارے فوج کے بار ے میں بھی غیر ذمہ دارانہ بیانات دیے جارہے ہیں۔ انہوں نے کہاکہ پوری قوم پاک کے شانہ بشانہ ہیں اور ایسے بیانات کو کسی صورت برداشت نہیں کیا جائے گا،ن لیگ اور پیپلز پارٹی ایک ہی سکے کے دو رخ ہیں،پیپلز پارٹی کے پانچ سالہ دور کے ریکارڈ کرپشن میں ن لیگ برابر کے شریک ہیں،پاکستان میں سیاست دان خوشحال اور عوام کسمپرسی کی زندگی گذارنے پر مجبور ہیں،ریاستی ادارے اگر ملک قوم سے مخلص ہیں تو پاکستان کے دولت لوٹنے والوں کا کڑا احتساب کیا جائے،تاکہ غریب اور کی حلال کی کمائی لوٹنے والوں کو اس کی سزا مل سکے۔
وحدت نیوز (کوئٹہ) مجلس وحدت مسلمین کوئٹہ ڈویژن کے میڈیا سیل سے جاری کردہ بیان میں ڈویژنل ڈپٹی سیکریٹری جنرل علامہ ولایت جعفری نے کہا ہے کہ ماہ رمضان انفرادی تزکیہ و اصلاح کیساتھ ساتھ مخلوق خدا سے محبت ،ہمدردی اور خیر خواہی کا مہینہ ہے ۔انسانوں کی سب سے بڑی خیر خواہی یہ ہے کہ انہیں ان کے رب کے راستے پر لگایا جائے ۔ماہ رمضان ہر سال ایک ٹریننگ کی صورت میں ہمیں معاملات ،رویوں ،تعلقات کے جائزے ،احتساب کا موقع فراہم کرتا ہے اس پورے معاشرے کے ٹھیک ہونے سے پہلے اس کی ضرورت سب سے زیادہ ہے کہ معاشرے کی اکائی یعنی فرد درست ہو ،بد گمانی ،تکبر ،ظلم ،غصہ ،جھوٹ ،بد عنوانی وغیر ہ سب اخلاقی برائیاں ہیں ۔ماہ رمضان ان برائیوں کا علاج کرنے کا بہترین موقع فراہم کرتا ہے ،تحریکی ،سماجی ،خاندانی اور گھریلو دائرے میں اپنے سابقہ رویوں کا خالصتاً آخرت کے نقطہ نظر سے جائزہ لینا چاہئیں۔رمضان کی فضیلتوں ،برکتوں ،سعادتوں کا شمار ممکن ہی نہیں ،لہذا ہمیں چاہیئے کہ جس قدر ممکن ہو سکے اس ماہ مبارک سے رحمتیں اور برکتیں سمیٹ لیں اگر امت مسلمہ اخروی مسائل کے ساتھ دنیا میں در پیش مسائل و مشکلات سے بھی نجات چاہتی ہے تو اسے ماہ رمضان کی برکتوں اور فیوض کو اسکی روح کے مطابق سمیٹنا ہوگا اور اگر ایسا ہو جائے تو عہد حاضر کا کوئی استعمار مسلمانوں پر مسلط نہیں ہو سکتا۔
وحدت نیوز(سکردو) مجلس وحدت مسلمین پاکستان گلگت بلتستان کےصوبائی سیکرٹری جنرل علامہ شیخ نیئر عباس نے اپنے ایک بیان میں کہا ہےگلگت بلتستان کے مختلف مقامات پر انتقامی سیاست کرنے کا سلسلہ ختم نہ ہوا تو جو مسائل درپیش ہونگے اسی ذمہ داری مقامی حلقے کے نمائندہ اور انتظامیہ پر عائد ہوگی۔ تمام سرکاری ملازمین جنہوں نے کسی بھی پارٹی کو ووٹ دئیے ہوں انہیں آئینی حق ہے کہ جس کو مناسب سمجھیں ووٹ دیں اب مختلف مقامات پر برسراقتدار آنے والے نمائندوں نے فہرست ترتیب دے کر انکی پوسٹنگ اور دیگر ناجائز حربے استعمال کرنے کی اطلاعات موصول ہو رہی ہیں۔ سیاستدان انتقامی سیاست سے باز آجائے بصورت دیگر جو مسائل درپیش ہونگے اس ذمہ داری اسی حلقے کے امیدوار پر عائد ہوگی۔ انہوں نے کہا کہ بلتستان کے تمام حلقوں میں جہاں جہاں اس طرح کے مظالم ہوں خواہ وہ مجلس وحدت کا ووٹر ہو یا کسی اور جماعت کا مجلس ان مظالم پر خاموش نہیں رہیں گے اور اقدامات اٹھائیں گے۔
انہوں نے کہا کہ اسکردو حلقہ نمبر تین میں بے گناہ کچے ملازمین کو نوکریوں سے بے دخل کرنے کی رپورٹس ہیں اگر کسی ایک بھی مزدور اور فرد پر ظلم ہوا مجلس وحدت وہاں قیام کرے گی اور اسکے نتیجے میں جو مسائل درپیش ہونگے مجلس وحدت ذمہ دار نہیں ہوگی۔ مجلس وحدت کسی بھی سیاسی جماعت کو سیاسی دشمن نہیں سمجھتی تاہم چند جماعتوں سے اختلاف ضرور رکھتی ہے بلخصوص مسلم لیگ نون سے سخت اختلافات رکھتی ہیں ان اختلافات کی وجوہات دنیا جانتی ہے اور مجلس اپنے اصولی موقف پر قائم ہے اور رہے گی۔
وحدت نیوز(اسلام آباد) مجلس وحدت مسلمین پاکستان کے فلاحی شعبہ خیرالعمل فاؤنڈیشن کے چیئرمین نثار علی فیضی نے کہا کہ ما ہ رمضان برکتوں اور رحمتوں والا مہینہ ہے جو اللہ کے تقرب کے حصول کے لیے بہترین مواقع فراہم کرتا ہے اس ماہ میں ہر نیک عمل قبولیت کی بلندی پرفائزہوتاہے صوم و صلوۃٰکیساتھ صدقہ و خیرات عبادات کو خالص کر دیتے ہیں غریب ،لاچاروبے کس اور مستعضفین کی خدمت اس ماہ کی معنویت کو سمیٹنے کا بہترین ذریعہ ہیں اس آمادگی اور معنویت سے بھر پور مہینہ میں مجلس وحدت مسلمین پاکستان کے ہر کارکن کو عبادات الہی کی بجاآوری کے ساتھ دکھی انسانیت کی خدمت کے ہر ذریعہ سے بھر پور استعفادہ کرنا چاہیے ان خیالات کا اظہار انہوں نے ماہ مقدس رمضان کے حوالے سے بیان میں کیا۔
نثار علی فیضی نے کہا کہ مجلس وحدت مسلمین پاکستان کے شعبہ فلاح وبہبود خیرالعمل فاؤنڈیشن جو سارا سال دکھی انسانیت کی خدمت میں سرگرم رہتا ہے اس ماہ مبارک میں کارکنان اورمسؤلین سے خصوصی توقعات رکھتا ہے کہ وہ اس ماہ مقدس میں سماجی سرگرمیوں میں تیزی لائیں سب سے پہلے اپنی معنویت اور اللہ کے ساتھ تعلق و رشتہ کو مضبوط کریں پھر اپنے علاقے میں ضرورت مندوں کی درست تشخیص دیں اور اسکے بعد علاقے کی موئثر ثروت مندوں اور مخیرحضرات کوترغیب دیتے ہوئے ان ضروریات کی فراہمی کے اقدامات کریں ۔خیرالعمل فاؤنڈیشن گزشتہ سالوں کی طرح اس سال بھی ماہ مبارک صیام میں راشن پروگرام ، عشرہ ایتام اور عید گفٹ کے پروگراموں کا انعقاد کر رہی ہے جس سے ہزاروں ضرورت مند خاندان،یتیم بچے اور مستحق افراد کی ضرورت کو پورا کرنے میں مدد حاصل ہو سکے گی ۔
وحدت نیوز (نوشہروفیروز) مجلس وحدت مسلمین پاکستان ضلع نوشہرو فیروز کے سیکریٹری جنرل اعجاز علی ممنائی نے اپنے پریس بیان میں کہا ہے کہ کرپٹ سیاستدانوں نے ملک کو کنگال کر دیا ہے ان کی کرپشن کی وجہ سے ہم دنیا میں بدترین قوم کا اعزاز دیا جا رہا ہے جو ایک افسوس ناک بات ہے انہوں نے سابقہ صدر پاکستان آصف زرداری کی جانب سے پاک فوج پرزبان درازی پر اپنے موقف کا اظہار کرتے ہوۓ کہا کہ زرداری نے اپنے دور حکومت میں نااہل جنرلوں کے خلاف قدم کیوں نہیں اٹھایا اب جب پیپلز پارٹی کو بلوچستان خیبر پختوں خواہ اور گلگت بلتستان میں شکست ہوئی ہے تو وہ پاک فوج کے خلاف باتیں کر رہا ہے انہوں نے پاک فوج اور سپریم کورٹ کو اپیل کی کہ تمام سیاستدانوں کو احتساب کے کٹہرے میں لیا جائے تاکہ ملک کو ان لٹیروں سے نجات مل سکے۔
وحدت نیوز (لاہور) مجلس وحدت مسلمین کے سربراہ علامہ راجہ ناصرعباس جعفری نے کہاکہ ظلم بڑھ گیا، مظلوم اکٹھے ہو کر ظالموں سے لڑیں، شہیدوں کا خون اپنا راستہ خود بنائے گا، بہادر آدمی ظالم نہیں ہوتا،حکمران دھاندلی زدہ الیکشن کمیشن کے ذریعے مقرر ہوئے، نہ ڈریں گے نہ جھکیں گے نہ بکیں گے، سانحہ ماڈل ٹاؤن کا انصاف لیکر رہیں گے،ان خیالات کا اظہار انہوں نے سانحہ ماڈل ٹاون کے شہداءکی یاد میں منعقدہ اجتماع سے خطاب کرتےہوئے کیا،سالانہ احتجاجی اجتماع میں تحریک منہاج القرآن کی سپریم کونسل کے چیئرمین ڈاکٹر حسن محی الدین القادری اور فیڈرل علماء کونسل کے صدر ڈاکٹر حسین محی الدین قادری نے خصوصی طور پر شرکت کی جبکہ احتجاجی جلسہ سے تحریک انصاف کے رہنما شاہ محمود قریشی، شیخ رشید، مجلس وحدت مسلمین کے سیکرٹری جنرل علامہ ناصر عباس جعفری، علامہ امین شہیدی، سنی اتحاد کونسل کے صاحبزادہ حامد رضا، میاں منظور وٹو، چودھری سرور، ڈاکٹر رحیق عباسی اور لیاقت بلوچ نے خطاب کیا۔
علامہ راجہ ناصرعباس کا مزید کہنا تھا کہ سانحہ ماڈل ٹاون کا ایک سال مکمل ہوجانے کے باوجود اصل مجرموں کاقانون کی گرفت میں نہ آنا افسوس ناک امر ہے، ۱۴ بے گناہ مظلوموں کے اصل قاتل شریف برادرا ن ہیں ، یک طرفہ جے آئی ٹی میں انصاف کے تقاضوں کو پورا نہیں کیا گیا، بڑے مجرموں کو بچانے کیلئے پولیس کے عام ملازمین کو قربانی کا بکرا بنایا گیا، ہم مظلوموں کو انصاف دلانے تک ڈاکٹر طاہر القادری کی جدوجہد میں ان کےشانہ بشابہ ہیں ،انہوں نے کہا کہ میں خراج تحسین پیش کرتا ہوں ان بیٹیوں کو جنہوں نے سیرت زینب کبریٰ سلام اللہ علیہا پر عمل کرتے ہوئے عصر کی یزیدی قوتوں کے مقابل قیام کیا اور راہ خدا میں جام شہادت نوش کیا،
