وحدت نیوز (گلگت) خود کش حملوں کی تربیت دینے والے اور تحریک طالبان کے مرکزی ترجمان کا تعلق گلگت بلتستان سے ہونے سے ثابت ہوا کہ گلگت بلتستان میں طالبان کا اثر و رسوخ بڑھ رہا ہے۔ ہم نے کئی بار حکام بالا کو علاقے میں طالبان کے بڑھتے ہوئے اثر رسوخ کے بارے میں آگاہ کیا لیکن انتظامیہ ٹس سے مس نہ ہوئی۔ حکومت اور انتظامیہ کبوتر کی طرح آنکھیں بند کرنے کی بجانے طالبان کے خلاف بروقت کاروائی کرے تاکہ علاقے میں امن و امان برقرار رہے۔

ان خیالات کا اظہار مجلس وحدت مسلمین کے صوبائی سیکریٹری جنرل علامہ شیخ نیئرعباس مصطفوی نے اپنے ایک بیان میں کیا ہے۔ انہوں نے کہا کہ نہ صرف تحریک طالبان کے نئے ترجمان کا تعلق گلگت بلتستان سے ہے بلکہ خود کش حملہ بمباروں کی تربیت کرنے والے کا تعلق بھی گلگت بلتستان کے ضلع استور سے ہے۔ ماضی میں گلگت بلتستان سے تعلق رکھنے والے نتہا پسندوں کی ایک کثیر تعداد تحریک طالبان میں شامل ہوگئے ہیں جنہیں وزیرستان کے تربیتی کیمپوں میں تربیت دی جاچکی ہے اور گلگت میں دہشت گردی کے کئی واقعات میں انہی دہشت گردوں کا ہاتھ ہے۔جب سے وزیرستان میں آپریشن شروع ہوا ہے دہشت گردوں کی ایک بڑی تعداد نے گلگت بلتستان کے مختلف علاقوں میں پناہ لے رکھی جن کے خلاف کاروائی کرنے سے حکومت گبھرارہی ہے۔ سانحہ کوہستان، سانحہ لالوسر، سانحہ چلاس اور ننگا پربت میں غیر ملکیوں کے قتل میں ملوث دہشت گردوں کے خلاف کوئی تسلی بخش کاروائی نہ ہونے کی وجہ سے ان دلخراش واقعات کے ماسٹر مائنڈزتاحال علاقے میں آزادی سے گھوم رہے ہیں۔ حکومت دباؤ میںآکر دہشت گردی کے خلاف ہونے والی آپریشن کو روکنے پر مجبور ہوئی ہے اور حکومت کی اس ناقاقص کارکردگی اور بزدلی کا فائدہ اٹھاکر گلگت بلتستان میں طالبان منظم ہورہے ہیں جو اس حساس خطے کیلئے بالخصوص اور پاکستان کے لئے بالعموم شدید خطرے کا باعث ہیں۔انہوں نے حکومت سے مطالبہ کیا کہ فوری طور پر دہشت گردوں کے خلاف پورے گلگت بلتستان میں آپریشن کیا جائے۔

وحدت نیوز(کوئٹہ) مجلس وحدت مسلمین کوئٹہ ڈویژن سے جا ری کر دہ بیان میں علامہ سید ہاشم موسوی نے معصوم بچی سحر بتول کے قتل کو ایک ہفتے سے زیا دہ ہونے کے با وجود قا تلوں کی عدم گرفتا ری پر تشویش کا اظہار کرتے ہوئے کہا کہ معصو م بچی کو چند درندہ صفت انسا نوں نے جس طرح اپنی درندگی کا نشانہ بنایا اس پر پوری انسا نیت شرم سا ر ہے اور اس وا قعے نے ہر با ضمیر انسان کا دل دھلا کر رکھ دیا ہے اور معا شرے میں ایک بے چینی کی سی کیفیت پا ئی جا تی ہے کوئٹہ شہرمیں رونما ہونے والا اپنی نوعیت کا ایک انتہائی خطر ناک واقعہ ہے جس میں معصوم بچی کو گھر کے قریب سے اُٹھا یا جا تا ہے اور چند گھنٹوں کے بعد اُس کی لا س کچرے کے ڈھیر سے بر آمد ہوتی ہے ایسے میں انسا نی حقو ق کی تنظیموں اور سول سو سا ئٹی کو جا نب سے مو ثر آواز نہ اُٹھانا قا بل افسوس ہے حقوق بشر کے علمبر دا روں کو چا ےئے کہ وہ اس معصوم بچی کے سا تھ ہونے والی زیا دتی کے خلاف صدا ئے احتجا ج بلند کرے اور اُن سفا ک قا تلوں کو کیفر کر دا ر تک پہنچا نے میں اپنا کر دا ر ادا کرے۔

انہوں نے مزید کہا کہ یہ مسئلہ صر ف معصوم سحر بتول اور اُس کے خاندان والوں کا نہیں ہیں بلکہ یہ اس شہر میں رہنے والے ہر بچی اور اُس کی فیملی کا مسئلہ ہیں کیونکہ اگر ان درندوں کے ہا تھو ں کو روکا نہیں جا تا تو یہ انسان نما دردندے بہت سے معصوم بچیوں کی زندگیوں سے کھیل سکتے ہیں اس لئے ضروری ہے کہ معاشرے کے ہر فرد کو اس ظلم کے خلاف اُٹھ جا نا چا ےئے اور ایسے درندوں کو اُن کے منطقی انجا م تک پہنچا نا چا ےئے۔ا س حوالے سے حکومت اور قا نون نافذ کرنے والے اداروں پر بھا ری ذمے دا ری عائد ہوتی ہے کہ وہ انسا ن نما جا نوروں کو جلد ازجلد گرفتا رکرکے اُن کو انصا ف کے کٹھرے میں کھڑا کریں اور اُنہیں سخت سے سخت سزا دے کر عبرت کانشان بنا ئے تاکہ آئندہ کوئی اس طرح کی درند گی کا مر تکب نا ہوسکے۔انہو ں نے وزیر اعلی بلوچستان اور چیف جسٹس آف بلو چستان سے اپیل کی گئی ہے کہ وہ اس کیس میں ذاتی دلچسپی لیتے ہوئے قا تلوں کی گر فتا ری اور اس معصوم بچی سحر بتول اور اُس کی فیملی کو انصاف فر اہم کرنے میں مدد کریں۔

وحدت نیوز (لاہور) مجلس وحدت مسلمین کے صوبائی سیکرٹریٹ میں یوم اقبال کے حوالے سے فکری نشست کا اہتمام کیا گیا جس کی صدارت صوبائی ڈپٹی سیکرٹری جنرل سید اسد عباس نقوی نے کی، نشست میں کارکنان اور کابینہ اراکین شریک ہوئے۔ فکری نشست سے خطاب میں سید اسد عباس نقوی کا کہنا تھا کہ شاعر مشرق علامہ محمد اقبال صرف پاکستان کے ہی نہیں بلکہ مسلم امہ کے محسن ہیں اقبال نے برصغیر کے مسلمانوں کے لئے جو خواب دیکھا تھا بدقسمتی سے نااہل حکمرانوں کی ناقص طرز حکمرانی ہمیں اس کی مخالف سمت میں لے کر جا رہے ہیں، مغرب کے غلام حکمران اقبال کے پاکستان کے لئے رسوائی کا سبب ہیں۔ اقبال کے تصور پاکستان میں امن ،محبت ،بھائی چارہ اور برابری کا جو اصول دیا گیا تھا آج اس پر برعکس عمل ہوتے دکھائی دے رہے ہیں۔

انہوں نے کہا علامہ اقبال نے ہمیں خودی کا درس دیا تھا ستم ظر یفی یہ ہے آج پاکستان کے نااہل حکمران کشکول لئے در در کا چکر کاٹ رہے ہیں اور مملکت خدادا دکے بیش بہا وسائل جو قدرت نے ہمیں نواز رکھا ہے اس پر اکتفا کرنے کے بجائے وطن کو آئی ایم ایف اور ورلڈ بنک جیسے مغربی خونخوار اداروں کے ہاتھوں گروی رکھا جا رہا ہے۔ انہوں نے مزید کہا کہ اقبال کے پاکستان میں انتہا پسندی کو فروغ دیا جا رہا ہے شدت پسندوں کو کھلی چھٹی اور پرامن لوگوں پر زمین تنگ کی جا رہی ہے، اقلیتی برادری کیساتھ جو سلوک یہاں ہو رہے ہیں کیا ہمیں اسلام اور شاعر مشرق نے یہی درس دیا تھا۔ سید اسد عباس نقوی کا کہنا تھا کہ آج اس غیور ملت کو اقبال اور قائد اعظم جیسے ایک اور رہنما کی تلاش ہے جو اس مملکت خداداد پاکستان کو حقیقی معنوں میں آزاد کر کے دنیا کی رہبری کرنے کی صلاحیت دے۔ پاکستان کے سیاست دان اقبال اور قائد کے فکر کے امین نہیں بلکہ وہ اس ملک میں ذاتی مفادات اور لوٹ کھسوٹ کی حکمرانی کے خواہشمند ہیں۔