The Latest
وحدت نیوز (کراچی) مجلس وحدت مسلمین کراچی کے رہنما علامہ مبشر حسن نے شہید ڈاکٹر شمیم رضا کے جنازہ کے موقع پر کہا ہے کہ قانون نافذ کرنے والے اداروں کی جانب سے ٹارگٹ کلنگ کے واقعات میں ملوث کسی دہشتگرد کی گرفتاری عمل میں نہیں لائی گئی، کورنگی و لانڈھی میں شیعہ ڈاکٹرز، پروفیسرز، باالخصوص تاجروں کو دہشتگردوں کی جانب سے قتل کی دھمکیاں دی جارہی ہے اور حکومت و قانون نافذ کرنے والے اداروں کی جانب سے کسی دہشتگرد کو گرفتار نہیں کیا گیا، ڈاکٹر شمیم رضا کی ٹارگٹ کلنگ قومی نقصان ہے، نااہل گورنر و وزیر اعلیٰ سندھ کی جانب شہر قائد میں بڑھتی ہوئی ٹاگٹ کلنگ کے ان واقعات کا نوٹس نہ لینا ریاستی اداروں سمیت حکومتی نا اہلی ہے۔ رہنماؤں نے حکومت سے مطالبہ کیا کہ وہ کراچی کے علاقے لانڈھی کورنگی میں بڑھتی ہوئی شیعہ افراد کی ٹارگٹ کلنگ کا فوری نوٹس لے اور ان واقعات میں ملوث دہشتگردوں کو جلد از جلد گرفتار کیا جائے، کورنگی لانڈھی میں موجود شیعہ تاجروں کو کالعدم دہشتگردوں کی جانب سے قتل کی دھمکیوں کو بھی نوٹس لیا جائے اور شیعہ تاجروں کو سکیورٹی فراہم کی جائے۔
دریں اثناء کراچی کے عکاقے کورنگی میں گزشتہ روز ٹارگٹ کلنگ کا نشانہ بنے والے شہید ڈاکٹر شمیم رضا کی نماز جنازہ انچولی مسجد و امام بارگاہ خیر العمل میں ادا کر دی گئی۔ نماز جنازہ میں علامہ مبشر حسن، علامہ ناظر عباس تقوی سمیت سینکڑوں افراد نے شرکت کی۔ ڈاکٹر شمیم رضا شہید کی تدفین وادی حسین قبرستان سپر ہائی وے میں سینکڑوں عزاداروں کی موجودگی میں کی گئی۔
وحدت نیوز (گلگت) گلگت بلتستان جیسے دینی معاشرے میں محسن انسانیت حضرت امام حسین علیہ السلام کے نام پر منعقد ہونے والی تقریب پر پابندی اور اعتراض انتہائی شرمناک عمل ہے۔ ڈگری کالج گلگت میں یوم حسین کے پروگرام میں بیرونی مداخلت گلگت بلتستان کے پرامن فضا کو خراب کرنے کی سازش ہے۔ایڈمنسٹریشن اور پولیس کی موجودگی میں تکفیری گروہ کا حملہ اور کالج لائبریری کو آگ لگانا حکومت کی ناکامی کا منہ بولتا ثبوت ہے۔ان خیالات کا اظہار مجلس وحدت مسلمین گلگت بلتستان کے سیکرٹری جنرل علامہ نیئر عباس مصطفوی نے اپنے ایک بیان میں کیا ۔
انہوں نے کہا کہ ڈگری کالج گلگت میں یوم حسین ؑ منانے پر احتجاج کرنے والے اپنے اسلام پر نظرثانی کریں،نواسہ رسول کے ساتھ بغض و عنادانہیں بہت مہنگا پڑے گا۔گلگت بلتستان کے عوام حسین ؑ کے پیغام کو پھیلانے کی راہ رکاوٹیں کھڑی کرنے والوں کا تعاقب جاری رکھیں گے۔ایک دہشت گرد ٹولے کے سامنے حکومتی مشینری کا بے بس تماشائی بننا حیرت کا مقام ہے اور حکومت اپنی پوزیشن کو واضح کرے اور بتائے کہ وہ کیا چاہتے ہیں۔ایک مخصوص گروہ پچھلے کئی سالوں سے یوم حسین ؑ پر منصوبہ بندی کے تحت معترض ہے اور حکومت اس شرپسند گروہ کے سامنے بے بس دکھائی دے رہی ہے۔حکومت اپنی سابقہ روش کو ترک کرے اور برملا ملت تشیع کے خلاف نازیبا نعرے لگانے والوں کے خلاف تادیبی کاروائی عمل میں لائے۔ انہوں نے کہا اگر اس شرپسند گروہ کے خلاف کاروائی نہ کی گئی تو مجلس وحدت مسلمین پورے گلگت بلتستان میں احتجاج کرنے پر مجبور ہوگی اور حالات کی ذمہ داری حکومت پر عائد ہوگی۔انہوں نے کہا کہ گلگت بلتستان حکومت ہماری شرافت کو کمزوری نہ سمجھے اور یوم حسین ؑ منانے والوں پر حملہ کرنے والوں کو نشان عبرت بنائیں تاکہ آئندہ کسی کو اس قسم کے بزدلانہ اقدام کی جرات نہ ہو۔
وحدت نیوز (ساہیوال) مجلس وحدت مسلمین ضلع سرگودھا تحصیل ساہیوال کے علاقے لکھیوال میں تحصیل ساہیوال یونٹ کی ایک اہم اجلاس منعقد ہوا، جس میں تحصیل سیکریٹری جنرل مولانا حافظ حسنین مولانا اسد رضا قمی اوردیگر یونٹ کے عہداران نے شرکت کی، اس نشست میں فروکہ کے حالات کا تفصیلی جائزہ لیا گیا اور تنظیمی فعالیت اور پروگرامات کے حوالے سے اہم فیصلہ جات کیئے گئے۔
وحدت نیوز (کوئٹہ) مجلس وحدت مسلمین بلوچستان کے سربراہ علامہ مقصود علی ڈومکی نے کہا ہے کہ حکومت زائرین کے مسئلے میں سنجیدہ نہیں ہے۔جس کے باعث ہزاروں زائرین مشکلات کا شکار ہیں۔کئی روز تک بلا جواز زائرین کو روک کر پریشان کیا جاتا ہے۔جبکہ بلوچستان بارڈر پر پہنچتے ہی دوسرے صوبوں کے زائرین سے این او سی طلب کیا جاتا ہے۔تفتان بارڈر پر سیکڑوں زائرین ،معصوم بچوں اور خواتین کو کئی کئی روز تک کھلے آسمان تلے ،سردی میں روکا جاتا ہے۔وفاقی اور صوبائی حکومت نے زائرین کے سلسلے میں اپنے وعدے پورے نہیں کئے۔
انہوں نے توقع ظاہر کی کہ حکومت اپنے رویے میں تبدیلی لاتے ہوئے زائرین کے مسائل حل کرے گی۔زائرین کے سلسلے میں ملت جعفریہ کے اکابرین اور نمائندہ جماعتوں کو اعتماد میں لیاجائے گا، اور سنجیدہ عملی اقدامات کے ذریعے زائرین کو درپیش مشکلات کو جلد حل کیا جائے گا ۔
در ین اثناء علامہ مقصود علی ڈومکی نے جمعیت علمائے اسلام کے مرکزی رہنما حافظ حسین احمد سے گفتگو کرتے ہوئے جے یو آئی کے رہنما ڈاکٹر خالد محمود سومرو کے قتل پہ گہرے رنج و غم کا اظہار کیا۔ انہوں نے کہا جے یو آئی رہنماؤں پر تسلسل کے ساتھ دھشت گردانہ حملوں پر تشویش ہے۔ ڈاکٹر خالد محمود سومرو نے ملی یکجہتی کونسل سمیت مختلف فورمز پر بھر پور کردار ادا کیا۔انہوں نے توقع ظاہر کی کہ قتل میں ملوث عناصر کو بے نقاب کرتے ہوئے عبرت ناک سزا دی جائے گی۔ انہوں نے کہا کہ انسداد دھشت گردی کے ایک نکاتی ایجنڈے پرتمام سیاسی مذہبی جماعتیں مل کر جدوجہد کریں۔
وحدت نیوز (مظفرآباد) آزاد جموں کشمیرمظفرآباد ڈویژن میں تقریباً15گھنٹے کی لوڈشیڈنگ، مجلس وحدت مسلمین آزاد جموں وکشمیر کا اظہار تشویش، پٹرولیم مصنوعات کی واضح کمی کے باوجود اثرات عوام الناس تک نہ پہنچنا نا قابل قبول عمل، تفصیلات کے مطابق سیکرٹری جنرل مجلس وحدت مسلمین علامہ سید تصور حسین نقوی الجوادی نے وحدت سیکرٹریٹ مظفرآباد سے جاری پریس ریلیز میں کہا ہے کہ مجلس وحدت مسلمین مظفرآباد ڈویژن میں 15گھنٹے کی لوڈ شیدنگ پر تشویش کا اظہار کرتے ہوئے عوام کو بنیادی سہولت دینے کا مطالبہ کرتی ہے، انہوں نے کہا کہ لوڈ شیڈنگ سے کاروبار زندگی بری طرح متاثر ہیں، حکمران ہوش کے ناخن لیں ، عوام کو لوڈشیڈنگ کے عذاب سے نجات دلائیں ، بدون شیڈول لوڈشیڈنگ کرنا عوام کے ساتھ ظلم عظیم ہے، آزاد کشمیر کا خطہ اپنی ضرورت سے زیادہ بجلی بنا کر دے رہا ہے، مگر اس خطے کو اس کی ضرورت تو دور بجلی دیکھنے کو بھی کم ملتی ہے، ہم مطالبہ کرتے ہیں کہ اس طرح کے ظالمانہ اقدام سے گریز کیا جائے ، اس طرح کے اقدام عوام کو حکمرانوں کے لیئے بہت کچھ سوچنے پر مجبور کر دیتے ہیں ، حکمران عوام کی بات نہ کر کے دوبارہ کس منہ سے عوام کے پاس جائیں گے؟ پٹرولیم مصنوعات کی واضح کمی کے باوجود اثرات عوام تک نہ پہنچنا حکمرانوں کی نااہلی کا ثبوت ہیں ، پچھلے مہینے جب قیمت کم ہوئی تو دسمبر سے دو دن قبل ٹرانسپورٹ اتھارٹی نے عوام کے ساتھ بھونڈا مذاق کیا، کیا پہلے پورا مہینہ سوئے رہے؟ اور جب مذید دو دن بعد قیمتیں کم ہونا تھیں انہیں نہیں پتا تھا؟ پھر جب قیمتیں کم بھی ہو گئیں تو پٹرولپمپوں سے ڈیزل و پٹرول غائب کر دیا گیا ، عوام خوار ہوتے رہے؟ کہاں ہے حکومت کی رٹ؟ حکومت کیوں نہیں عوام کا سوچتی؟حکومت کو جلد از جلد اس طرف توجہ کرنی ہو گی یہ نہ ہو کہ کل حکومت کے لیئے مشکلات میں اضافہ ہو اور وہ عوام کی بیداری کو اپنے خلاف براداشت نہ کر سکیں۔
وحدت نیوز (قم المقدسہ) پاکستان کے موجودہ حالات انتہائی سنگین ہیں ، حکمران اپنی نا عاقبت اندیشی کے سبب ملک کو تباہی کے دھانے پر پہنچانے پر بضد ہیں ، عوام کے حقوق کا استحصال ہواور وہ خاموش تماشائی بننے رہیں وہ وقت گزر گیا، دھرنوں نے قوم کو قوت گویائی عطا کی، حکمران اگر سرمایہ دار ہوں تو ملک و قوم کی نہیں اپنی فلاح کا ایجنڈہ ان کی ترجیح ہوتا ہے، پاکستان کو مخلص و محب وطن لیڈر شپ عالمی استعمار نے حاصل نہیں ہونے دی، علامہ نواز عرفانی کا قتل پاراچنار کے دفاع پر حملہ ہے، قتل کی تحقیقات کے لئے اعلیٰ عدالتی تحقیقاتی کمیشن تشکیل دیا جائے،ان خیالات کا اظہار مجلس وحدت مسلمین پاکستان کے مرکزی سیکریٹری جنرل علامہ ناصرعباس جعفری نے قم المقدسہ میں شہید علامہ نواز عرفانی کے ایصال ثواب کیلئے منعقدہ مجلس ترحیم سے خطاب کرتے ہوئے کیا۔
ان کا کہنا تھا کہ نواز شریف جب کبھی بر اسر اقتدار آئے ہمیشہ اپنے کاروبار کو وسعت دینے اوربڑے بڑے ٹھیکے اپنے خاندان میں تقسیم کرنے میں مصروف رے ہیں ،بھارت، جرمنی ، برطانیہ اور چین کے ساتھ موجودہ تجارتی تعلقات کے فروغ میں بھی شریف خاندان کے افراد کو نوازنے کی بھر پو ر کوششیں کی گئیں ، مختلف ممالک کے دوروں پر نواز شریف کے بیٹے قومی مفاد میں نہیں ذاتی کاروباری مفاد میں ہمراہ ہوتے ہیں ، انہوں نے کہا کہ ڈاکٹر طاہر القادری کی خرابی صحت پر تشویش ہے، خدا ان کو جلد مکمل صحت یابی عنایت فرمائے، ڈاکٹر طاہر القادری ، صاحبزادہ حامد رضا اور مجلس وحدت پاکستان کے مظلوم عوام کے غصب شدہ حقوق کے حصول کی جدوجہد جاری رکھیں گے، نواز شریف اور ان کی حکومت اس خوش فہمی میں نہ رہیں کہ اسلام آباد کا دھرنا ختم کر کے ہم نے انہیں قومی خزانہ لوٹنے کی مہلت دے دی ہے،انشاء اللہ ملک بھر میں عوامی رابطہ مہم اور عوامی جتماعات کے زریعے پوری قوم کو بیدار کریں گے اوراپنے جذبے کی تجدید کے ساتھ دوبارہ منظم انداز میں میدان میں اتریں گے ۔
انہوں نے وفاقی وزیر طلاعات پرویز رشید کے گلگت بلتستان کے پاکستان کا حصہ ہونے کے بیان پر شدید تشویش کا اظہار کرتے ہوئے کہا کہ مسلم لیگ نواز کی جانب سے ایسا بیان حیران کن نہیں لیکن اس کا اظہار کرکے پرویز رشید نے اپنی جماعت کے مخفی ایجنڈے کو واضح کردیا، ن لیگ کاگلگت بلتستان سے تعصب کسی سے ڈھکی چھپی چیز نہیں ، اس بار ایسا نفرت انگیز بیان پرویز رشید نے فقط اپنی جماعت کے بڑے فائنینسر ، غدار وطن ، بھارتی ایجنٹ میر شکیل کی نمک حلالی کا حق ادا کرتے ہوئے دیا ہے، جسے گلگت بلتستان کی عدالتوں نے مجرم اور مفرور قرار دیا تھا، مجسل وحدت مسلمین پرویز رشید کے اس بیان کو مسلم لیگ کی پارٹی پالیسی قرار دیتی ہے، ہم اس ملک دشمن ایجنڈے کی تکمیل پر تماشہ گر نہیں بنیں گے اور فورم پر مسلم لیگ اور پرویز رشید کے مکروہ چہرے نے نقاب نوچیں گے۔
وحدت نیوز (قم المقدسہ) مجلس وحدت مسلمین پاکستان کے مرکزی سیکریٹری جنرل علامہ ناصرعباس جعفری نےحوزہ علمیہ قم میں یورپ ، پاکستان کے صوبہ خیبر پختونخواہ اور بلوچستان کے تعلق رکھنے والے طلاب دینیہ سے علیحدہ علیحدہ ملاقاتیں کیں ، ان کو درپیش مسائل سننے ، اس موقع پر طلاب کے وفود سے گفتگو کرتے ہوئے علامہ ناصرعباس جعفری نے کہا کہ طلاب امامیہ سفیران اہل بیت ع ہیں ، ترویج و اشاعت دین حقہ کی اہم اور سنگین ذمہ داری آپ کے کاندہوں پر ہے، تعلیم سے کوتاہی عظیم گناہ ہے، آپ طلاب حوزہ علمیہ اپنی تعلیم و تربیت پر یکساں توجہ دیں تاکہ ایک بہتر اور معاشرے کے نمایاں فرد بن کر معاشرتی اصلاح اور تبلیغ دین کے امور با حسن و خوبی انجام دے سکیں ۔واضح رہے کہ مجلس وحدت مسلمین پاکستان کے سربراہ علامہ ناصر عباس جعفری تکفیریت کے خلاف منعقدہ عالمی کانفرنس میں شرکت کے بعد ان دنوں ایران کے مقدس شہر قم المقدس کے دورے پر ہیں ۔
وحدت نیوز (کراچی) مجلس وحدت مسلمین کراچی ڈویژن کے سیکریٹری جنرل علامہ علی انور جعفری نے کہاکہ کورنگی میں پر شمیم رضا کلینک پر دہشتگردوں کی فائرنگ سے ڈاکٹر شمیم رضا ولد مسلم رضا کی ٹارگٹ کلنگ کی شدید مذمت کرتے ہیں لانڈی کورنگی میں گزشتہ تین ماہ میں اب تک 4شیعہ ڈاکٹرز سمیت تاجر اور نوجوانوں کو دہشتگردوں نے نشانہ بنایا مگر لانڈی کورنگی میں شیعہ افراد کے قتل میں ملوث کسی دہشتگرد کوگرفتار نہیں کیا گیاعلامہ مختار امامی نے مزید کہا کہ قانون نافذ کرنے والے ادارے شہر کراچی کا امن قائم کرنے میں ناکام ہوگئے ہیں انہوں نہ کہا ایک دن قبل کورنگی ڈیڑھ میں ہی شیعہ تاجر کا نشانہ بنایا جب کہ اس قبل 3 شیعہ ڈاکٹرز کو قتل کیا گیا قانون نافذکرنے والے ادارے ان دہشتگردوں کو گرفتار کرنے میں ناکام ہوگئی ہے ہم سندھ حکومت کو متنبہ کرتے ہیں وہ ملت جعفریہ کی قتل میں ملوث دہشتگردوں کو گرفتار کرے ورنہ ہم احتجاج کرنے کا حق محفوظ رکھتے ہیں شیعہ عمائدین کے قتل میں ملوث دہشتگردوں کو گرفتار نہ کیا گیا تو سندھ بھر میں گو پی پی پی گو مہم چلائیں گئے۔
وحدت نیوز (گلگت) مجلس وحدت مسلمین پاکستان گلگت ڈویژن کے سیکریٹری جنرل علامہ شیخ بلال ثمائری نے اپنے ایک بیان میں کہا ہے کہ وفاقی وزیر اطلاعات نے میر شکیل الرحمن کا حق نمک ادا کرنے کی خاطر جی بی کو پاکستان سے الگ قرار دیکر یہاں کے لاکھوں عوام کی دل آزاری کی ہے۔ ان کا کہنا تھا کہ وزیر اطلاعات ہندوستان کے موقف کی تائید کرکے ملک سے سنگین غداری کے مرتکب ہوئے ہیں، ان کے خلاف مقدمہ چلایا جائے۔ وفاقی وزیر کے موقف میں سچائی ہے تو سوست کسٹم سمیت بھاشہ ڈیم اور بونجی ڈیم کو بنانے کا کوئی جواز نہیں بنتا۔ وفاقی وزیر کے اس بیان کے بعد گلگت بلتستان کے عوام کو بیدار ہونا چاہئے کہ مسلم لیگ نون کے سامنے اس خطے کی کوئی اہمیت نہیں۔
انہوں نے کہا کہ گلگت بلتستان کی عوام نے 28 ہزار مربع میل کا علاقہ اپنے زور بازو سے آزاد کرایا اور غیر مشروط طور پر پاکستان سے الحاق کیا، لیکن پاکستان کے نااہل حکمرانوں نے 68 سال تک یہاں کے عوام کو حقوق سے محروم رکھا۔ وفاقی حکمران یہاں کی عوام کو حقوق دینے کی بجائے اس علاقے کے عوام کے زخموں پر نمک پاشی کر رہے ہیں۔ انہوں نے کہا کہ میر شکیل الرحمن کے خلاف گلگت بلتستان کی ایک عدالت کے فیصلے کو غیر موثر کرنے کی خاطر جغرافیائی لحاظ سے اس اہم خطے کو پاکستان سے الگ کرکے ہندوستان کے موقف کی تائید کی ہے جو کہ انتہائی شرمناک عمل ہے۔ ایسے غیر ذمہ دار شخص کو فوری طور پر وزارت کے عہدہ سے برطرف کرکے مقدمہ چلایا جائے، تاکہ علاقے کے عوام میں پائی جانیوالی بے چینی کا ازالہ ہوسکے۔
وحدت نیوز(راولپنڈی) مجلس وحدت مسلمین ضلع راولپنڈی کے ڈپٹی سیکرٹری جنرل اور پی پی 6 راولپنڈی سے ایم ڈبلیو ایم کے امیدوار برائے صوبائی اسمبلی پر قاتلانہ حملہ کی کوشش، واقعہ کے وقت سید راحت کاظمی گاڑی میں موجود نہیں تھے۔ نامعلوم افراد نے گاڑی کے شیشے توڑ دیئے اور ڈرائیور کو سنگین نتائج کی دھمکیاں دیں۔ واقعہ کی تفصیلات سے اسلام ٹائمز کو آگاہ کرتے ہوئے ایم ڈبلیو ایم ضلع راولپنڈی کے ڈپٹی سیکرٹری جنرل کا کہنا تھا کہ آج صبح چار بجے میرا ڈرائیور محافطوں کو پولیس لائن اتار کر واپس آرہا تھا کہ تھانہ ایئر پورٹ کے علاقہ میں نامعلوم افراد نے میری کرولا گاڑی کو روکا، ڈرائیور سے میرے بارے میں پوچھ گچھ کی اور گاڑی کے شیشے توڑ دیئے گئے، گن پوائنٹ پر نامعلوم دہشت گردوں نے سنگین نتائج بھگتنے کے لئے تیار رہنے کو بھی کہا۔ واقعہ کے بارے میں ڈی ایس پی سول لائنز کو مطلع کیا گیا جس کے بعدواقعہ کی ایف آئی آر درج کروا دی گئی ہے۔
