The Latest
وحدت نیوز(کراچی) اٹھارہ کروڑ عوامِ پاکستان کا اگر خدا کے بعد کسی پر بھروسہ اور تحفظ کی امید ہے تو وہ فقط پاک فوج ہے، پشاور میں آرمی پبلک اسکول پر حملہ در اصل پاکستان کے دفاع پر حملہ ہے،شہید ہونےوالےبچے پاکستان کا مستقبل اور معمار تھے۔ دشمنان اسلام امت مسلمہ میں جہالت کےقائل ہیں، اس سانحے میں شہیدہونے والے اساتذہ کا جرم معاشرے سے جہالت کا خاتمہ اور علم کے نور کا پھیلاو تھا۔ان خیالات کا اظہار مجلس وحدت مسلمین پاکستان ضلع ملیر کے سیکریٹری جنرل سید احسن عباس رضوی نے پشاور میں آرمی پبلک اسکول پرتکفیری طالبان دہشت گردوں کے حملے اور 140سے زائد طلباءاور اساتذہ کے بہیمانہ قتل عام کے خلاف مجلس وحدت مسلمین ضلع ملیر ، آئی ایس او، پیام ولایت فائونڈیشن اور آل اسکولز آف ملیرکے زیر اہتمام مرکزی امام بارگاہ جعفرطیار تا نادعلی ؑ اسکوائر تک احتجاجی ریلی کے شرکاءسے خطاب کرتے ہوئے کیا۔ ریلی میں ملیر کے مختلف سرکاری اور نیم سرکاری اسکولوں کے طلباءو طالبات سمیت اساتذہ اور والدین کی بڑی تعداد نے شرکت کی، شرکاء نے ہاتھوں میں بینر اور پلے کارڈ اٹھا رکھے تھے جن پر دہشت گردی مردہ باد، طالبان مردہ باد، حسینیت ؑ زندہ باد،یذیدیت مردہ باد، یہ کس کا لہو یہ کون مردہ بدماش حکومت بول زرا، یہ دیکھورسم کہاں سے چلی وہاں تیر چلا یہاں گولی چلی جیسے نعرے درج تھے، احتجاجی ریلی سے مجلس وحدت مسلمین پاکستان ضلع ملیر کے سیکریٹری جنرل سید احسن عباس رضوی سمیت ایم ڈبلیوایم کے رہنما پروفیسر آصف نقوی ، آئی ایس او کے رہنما محمد حسین اور رضا کاران جعفر طیار کے رہنما مختار حسین نے خطاب کیا۔
سید احسن عباس رضوی نےخطاب کرتے ہوئے کہا کہ سانحہ پشاور ملکی تاریخ کا سیاہ ترین باب ہے،پشاور میں ہونے والے ظلم و بربریت پر انسانیت بھی شرماگئی ہے، اس سنگین سانحے نے عالمی سطح پر اسلام ، پاکستان اورمسلمان کا چہرہ داغ دار کیا، پشاور اسکول پر حملے میں وہی سوچ ،نظریہ اور کردار ملوث ہے جو چودہ سوسا ل قبل کربلا میں موجود تھا، معصوم ، نہتے اور بے قصور بچوں پر حملوں کی ابتدا میدان کربلا سے ہوئی، سانحہ پشارو میں شہید ہونے والوں کا بچوں کا نہ تو کوئی سیاسی و مذہبی شناخت نہیں تھی، ان کی شناخت حسینی اور ان کے قاتلو ں کی شناخت یزیدی ہے، انہوں نے مذید کہا کہ حکومت پر سے عوام کا اعتبار مکمل طور پر ختم ہوچکا ہے، اٹھارہ کروڑ عوامِ پاکستان کا اگر خدا کے بعد کسی پر بھروسہ اور تحفظ کی امید ہے تو وہ فقط پاک فوج ہے، پشاور میں آرمی پبلک اسکول پر حملہ در اصل پاکستان کے دفاع پر حملہ ہے،شہید ہونےوالےبچے پاکستان کا مستقبل اور معمار تھے۔ دشمنان اسلام امت مسلمہ میں جہالت کےقائل ہیں، اس سانحے میں شہیدہونے والے اساتذہ کا جرم معاشرے سے جہالت کا خاتمہ اور علم کے نور کا پھیلاو تھا۔ آخر میں انہوں نے حکومت پاکستان سے مطالبہ کیا کہ وطن عزیزاور اس کے غیرت مند بیٹوں کے خون سے آلود چہروں کا بے نقاب کیا جائے اور جلد از جلد سر عام ان سفاک دہشت گردوں کو اسی انداز میں واصل جہنم کیا جائےجیسے انہوں نے معصوم بچوں اور بیگناہ شہریوں کو درندگی کا نشانہ بنایا۔
وحدت نیوز (گلگت) معصوم طالبعلموں کا قتل عام دہشت گردوں کی بزدلانہ کاروائی ہے جس کی جتنی بھی مذمت کی جائے کم ہے۔اسلام کے نام پر اپنے من پسند شریعت کے نفاذ کی خاطر معصوم زندگیوں کو نشانہ بناکر پوری دنیا میں اسلام اور پاکستان کو بدنام کیا جارہا ہے۔ یہ تکفیری گروہ پورے ملک میں کاالعدم جماعتوں کے چھتری تلے گھناؤنے جرائم کے مرتکب ہورہے ہیں اور حکومت اپنے اقتدار کو طول دینے کیلئے دہشت گردوں کے آگے بے بس دکھائی دے رہی ہے۔
ان خیالات کا اظہار مجلس وحدت مسلمین گلگت بلتستان کے سیکرٹری جنرل علامہ نیئرعباس مصطفوی نے ا پنے ایک بیان میں کیا ہے۔ انہوں نے کہا کہ ملک عزیز میں تکفیری گروہوں اور ان کی سرپرستی کرنے والی کالعدم جماعتوں کو نواز حکومت کی حمایت حاصل ہے ،حکومت اپنے مفادات کے تحفظ کیلئے ان کے خلاف بھرپور کاروائی سے گریزاں نظر آتی ہے جس کی وجہ سے پورے ملک میں دہشت گرد دندناتے پھر رہے ہیں۔انہوں نے کہا کہ ملک سے دہشت گردوں کے مکمل خاتمے کیلئے واضح پالیسی اور سیاسی مفادات کو بالائے طاق رکھ کر دہشت گردوں اور ان کے سرغنوں کے بھرپور کاروائی سے ہی پاکستان کو دنیا کے سامنے رسوا ہونے سے بچایا جاسکتا ہے۔انہوں نے کہا کہ جب تک دہشت گردوں کے سرغنوں پر ہاتھ نہیں ڈالا جائیگا تب تک دہشت گرد انہ کاروائیاں ہوتی رہینگی اور معصوم زندگیوں کا چراغ گل ہوتا جائیگا۔انہوں نے پاک فوج کے سربراہ سے اپیل کی کہ وہ آپریشن ضرب عضب کا دائرہ کار وسیع کرکے پورے ملک میں فوجی آپریشن کیا جائے۔
وحدت نیوز (پشاور) مجلس وحدت مسلمین خیبرپختونخوا کے سیکرٹری جنرل علامہ سبطین حسینی نے وفد کے ہمراہ پشاور واقعہ میں زخمیوں کی عیادت کی عیادت کی اور زخمیوں کی جلد صحت یابی کے دعا کی انہوں نے زخمی طلبہ کے والدین کو تسلی دیتے ہوئے کہاکہ ہم دکھ کی اس گھڑی میں ان والدین کے غم میں برابر کے شریک ہیں اس موقع پر میڈیا سے گفتگو کرتے ہوئے علامہ سید محمد سبطین حسینی نے واقع کی سخت الفاظ میں مذمت کرتے ہوئے کہا کہ معصوم بچوں کو مارنا کھلی سفاکیت اور بربریت ہے، یہ درندہ صفت دہشت گرد امن اور روشنی کے چراغوں کو بجھا دینا چاہتے ہیں، یہ بربریت پسند اور سفاک لوگ نہیں چاہتے کہ علم کی روشنی پھیلے اور یہ دیس ترقی کرے، ندین کے نام پر اس طرح کی گھناونی کارروائی اسلام کا چہرہ مسخ کرنے کی قبیح سازش ہے، جہاں یہ واقعہ قابل مذمت ہے وہاں ان دہشت گردوں کو پروان چڑھانے والے بھی قابل مذمت ہیں، پوری دنیا میں علمی مراکز کو آباد کیا جاتا ہے لیکن اسلام کے دشمن یہ جاہل لوگ علمی مراکز کو بھی ویران کرنا چاہیے ہیں، ہم دکھ کی اس گھڑی میں ان والدین کے غم میں برابر کے شریک ہیں جن کے لخت جگر آج ان سے جدا کر دیئے گئے، خدا تعالی انہیں صبر جمیل عطا فرمائے۔اس موقع پرعلامہ سید محمد سبطین حسینی نے وفد کے ہمراہ کل کے واقع میں شہید ہ سید عابد علی شاہ کے اہلیہ کی روح کے ایصال ثواب کے لئے دعا بھی کی۔
وحدت نیوز(اسلام آباد) مجلس وحدت مسلمین کے زیر اہتمام ملک بھر میں 80 سے زائد مقامات پر شہدائے پشاور کے لیے قرآن خوانی ،سکردو میں مجلس وحدت مسلمین کی اپیل پر شٹرڈاؤن ہڑتال،تاجروں کی مکمل حمایت چاروں صوبوں سمیت گلگت بلتستان میں صوبائی سیکرٹریٹ پر شہد اء کی یادمیں تعزیتی اجلاس منعقد،اسلام آباد، کراچی اور لاہورمیں پریس کلب کے سامنے مجلس وحدت مسلمین کے کارکنان نے شہدائے پشاور و ضرب عضب کی یاد میں شمعیں روشن کیں۔
مرکزی تعزیتی اجلاس سے سربراہ مجلس وحدت مسلمین پاکستان علامہ راجہ ناصرعباس جعفری اور مرکزی ڈپٹی سیکرٹری جنرل علامہ امین شہیدی نے خطاب کیا اجلاس سے خطاب میں علامہ راجہ ناصر عباس جعفری کا کہنا تھاکہ دہشتگردوں کے سیاسی ونظریاتی سرپرستوں پر ہاتھ ڈالے بغیر دہشتگردی کے خلاف جنگ نہیں جیت سکتے دہشت گردوں کی نرسریاں ملک بھر میں پھیلی ہوئی ہیں ،ان کے خلاف مصلحتوں سے کام لیا جارہا ہے پنجاب میں تکفیری دہشت گردوں کو مکمل آزادی ہے انہوں نے کہا کہ سزائے موت پر عملدر آمد کا بحال ہونا خوش آئند ہے دہشت گردی کیخلاف اُٹھانے والے ہر جرء اتمندانہ اقدام کی ہم بھر پور حمایت کرینگے انہوں نے کہا کہ دہشتگردی کو جڑ سے اکھاڑنے کیلئے پوری قوم کو نکلنا ہوگا، دہشتگردی کیخلاف جاری آپریشن ضرب عضب کو ملک بھر تک پھیلایا جائے ،پوری قوم فوج کیساتھ کھڑی ہے اور انشااللہ ہم ان درندہ صفت دہشتگردوں کامملکت خداداد پاکستان میں جینا حرام کردیں گے۔
تعزیتی اجلاس سے علامہ امین شہیدی نے بھی خطاب کیا انہوں نے کہا کہ ہم عرصہ دراز سے ان خارجیوں کیخلاف بار بار ریاستی اداروں اور حکمرانوں کو متنبہ کر رہے تھے کہ یہ پاکستان کے اصل دشمن ہے ان کے خلاف بھر پور ریاستی طاقت کو استعمال کیا جائے لیکن شومی قسمت ہم نے پاکستان سے زیادہ طالبان کے سیاسی نظریاتی حلیفوں کو ترجیح دی اور ان سفاک درندوں کو مزید منظم ہونے کا موقعہ دیا علامہ امین شہیدی نے کہا کہ علمائے کرام اور مفتیان کو چاہیئے وہ ان خوارج کیخلاف اعلان جہاد کریںجس طرح عراق اور شام میں تمام مکاتب فکر نے کیا تھا آج تمام تر مصلحتوں سے بالا تر ہوکر پاکستان کا سوچنا ہوگا اجلاس میں شہداء کی بلندی درجات اور آپریشن ضرب عضب کی کامیابی کے لئے دعا کی گئی۔
وحدت نیوز(اسلام آباد) پشاورسانحہ میں معصوم طالبعلموں کے قتل سے طالبان نے بربریت کی سیاہ تاریخ رقم کردی ان کے اس اقدام نے ثابت کردیا کہ یہ انسانیت کے دشمن ہیں اور جہالت ان کی میراث ہے ۔ علم کے گہوارے میں پروان چڑھنے والے معصوم طالبعلموں کو موت کی نیند سلاکر ان انتہا پسندوں نے ثابت کیا کہ ان کے خمیرمیں سفاکیت او ر گمراہی رچی بسی ہے۔کہاں ہیں اسلام کے وہ نام نہاد ٹھیکیدارسیاست دان جو ان کی وکالت میں ان سے بھی زیادہ آگے نکل جاتے ہیں آج ان کی زبانیں کیوں بند ہیں ۔ ان خیالات کا اظہارنثارعلی فیضی مرکزی سیکرٹری فلاح بہبود مجلس وحدت مسلمین پاکستان نے اپنے ایک مذمتی بیان میں کیا۔
انہوں نے مزید کہا کہ افواج پاکستان کو اس بزدلانہ حملے کا نہایت دندان شکن جواب دیتے ہوئے ان کی تمام نرسریز کے خلاف آپریشن کرنا چاہیے ۔ پوری قوم اس وقت سوگوار ہے اور اس واقعے پر اشک بار ہے یقیناًیہ ننھے پھول واپس تو نہیں آسکتے اور ان کی ماؤوں کے کلیجے میں ٹھنڈک تو نہیں پڑسکتی لیکن فورسز کی فیصلہ کن آپریشن کے نتیجے میں ان کے زخموں پر مرحم ضرور رکھا جاسکتا ہے۔ مجلس وحدت مسلمین پاکستان اس قومی سانحہ پر تمام سوگوار خاندانوں کے ساتھ اظہار یکجہتی کرتی ہے۔
وحدت نیوز (مشہد مقدس) مجلس وحدت مسلمین شعبہ مشہد مقدس کے سیکریٹری جنرل حجۃالاسلام والمسلمین عقیل حسین خان نے سانحہ پشاور میں شہید ہونے والے قوم کے فرزندوں کی شہادت پرغم واندوہ کا اظہار کرتے ہوئے کہاکہ یہ ظلم کسی مذہب،مسلک یا عقیدہ کے خلاف نہیں بلکہ انسانیت کے خلاف ہے۔ایسا ظلم تو کوئی درندہ بھی نہیں کرسکتا جیسا ان خنزیر شکل اور ابلیس صفت افراد نےانسانیت کے خلاف انجام دیا ہے ۔
علامہ عقیل حسین خان نے کہا یہ سب کچھ اسلام کے نام پراسلام کے ٹھیکیدارکر رہے ہیں اور بعض اسلام کےاور ملک عزیز کے دشمن تو علی الاعلان قتال کی باتیں کر رہے اور ہمارے نا اہل حکمران دم سادھے ہیں۔انہوں نے کہا کہ اس واقعہ کی جتنی بھی مذمت کی جائے کم ہے اور صرف مذمت کرنے کا وقت بھی نہیں بلکہ عملی قدم اٹھانے کا وقت ہے ۔
سیکریٹری جنرل شعبہ مشہد مقدس نے کہا کہ حکومت سے کسی خیر کی توقع نہ ہے اور نہ رکھنی چاہیے بلکہ یہ حکمران تو درحقیقت ان دہشت گردوں کے سرپرست ہیں ۔البتہ ہم وطن عزیز کی باغیرت افواج سے مطالبہ کرتے ہیں کہ انسانیت اورملک عزیز پاکستان کے خلاف ان دہشت گردوں اور انکے سرپرستوں کو صفحہ ہستی سے محو کر دو۔
وحدت نیوز (کوئٹہ ) مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے پشاور میں دہشت گردوں کے ہاتھوں معصوم انسانوں کے قتل عام کو المناک سانحہ قرار دیتے ہوئے کہا ہے کہ پورا ملک دہشت گردی کی آگ میں جل رہا ہے جبکہ دہشت گرد آج بھی ملک کے گلی کوچوں میں دندناتے پھر رہے ہیں۔ ریاستی اداروں کو تمام مصلحتوں سے بالاتر ہوکر دہشت گردوں کے خلاف ملک گیر آپریشن کلین اپ کا آغاز کرنا ہوگا۔ معصوم شہریوں کا تحفظ ریاست کی بنیادی ذمہ داری ہے ،پاک فوج دہشت گردوں کے خلاف گرینڈ آپریشن کا آغاز کرے۔ ملک بھر کے عوام متحد ہوکر دہشت گردوں کے خلاف مشترکہ محاذ تشکیل دیں۔ ان قوتوں کو بے نقاب کرنا بھی از بس ضروری ہے، جو دہشت گردوں کے حامی اور سپوٹر ہیں۔ دہشت گردوں کو سرمایہ کہاں سے ملتا ہے ان کے ٹریننگ کیمپس کہاں واقع ہیں انہیں بے نقاب کرنا ضروری ہے۔
انہوں نے کہا کہ 123 بچوں سمیت 126 معصوم انسانوں کی شہادت ملکی تاریخ کاالمناک واقعہ ہے کیا اب بھی دہشت گردوں سے مذاکرات ہوں گے۔ کیا اب بھی دہشت گردوں کے ساتھی، سیاسی ، مذہبی رہنماء اور مدارس ان کی وکالت کریں گے۔ دہشت گردوں کے وکیل انہیں معصوم انسانوں کے قتل عام سے کیوں نہیں روکتے۔ دہشت گردوں کے حامی، قومی مجرم ہیں جو اس خون ناحق سے خود کو بری الذمہ قرار نہیں دے سکتے جو آئے روز اس ملک کے گلی کوچوں میں بہہ رہا ہے۔ انہوں نے کہا کہ ہم متاثرہ خاندانوں کے غم میں برابر کے شریک ہیں، اور ہمارے دل خون کے آنسو رورہے ہیں۔
وحدت نیوز(چوک اعظم) مجلس وحدت مسلمین چوک اعظم کے سیکرٹری جنرل سیماب حیدرنے سانحہ پشاور پر صوبہ بھر میں تین روزہ سوگ کا اعلان کرتے ہوئے کہا ہے کہ پوری قوم کو ملکر دہشتگردی کیخلاف متحد ہونا ہوگا، پشاور واقعہ نے پوری قوم کو ہلا کر رکھ دیا ہے،اپنے بیان میں ان کا کہنا تھا کہ آرمی پبلک سکول پر دہشتگردوں کے حملہ میں 100سے زائد بچوں کی شہادت ایک قومی سانحہ ہے، اس واقعہ سے ثابت ہوتا ہے کہ دہشتگرد اب بھی ملک کی جڑو ں کو کھوکھلا کرنے میں مصروف عمل ہیں، انہوں نے کہا کہ آپریشن ضرب عضب کا دائرہ کار پورے ملک تک بڑھایا جائے، دہشتگردوں کے خاتمے کیلئے پوری قوم کو متحد ہوکر میدان عمل میں آنا ہوگا، تمام سیاسی و مذہبی جماعتوں ، مسالک اور طبقات کو اب کھل کر دہشتگردی کیخلاف آواز بلند کرنا ہوگی۔ان کا کہنا تھا کہ مجلس وحدت مسلمین دہشتگردی کے اس سانحہ پر متاثرہ خاندانوں کے غم میں برابر کی شریک ہے، ہم حکومت سے مطالبہ کرتے ہیں کہ دہشتگردی کیخلاف جاری آپریشن ضرب عضب کو ملک بھر تک وسعت دی جائے۔
وحدت نیوز (راولپنڈی) سانحہ پشاور نے انسانیت کا سر شرم سے جھکا دیا ہے، انسانیت سوز ظلم کی ایسی مثال تاریخ میں نہیں ملتی، حکمران غیرت کا مظاہرہ کرتے ہوئے فوری مستعفیٰ ہو جائیں ،پشاور سکول حملے میں شھید ہونے والے معصوم بچوں کو خراج تحسین اور ان کے گھر والوں سے اس غم کی مشکل گھڑی میں اظہار یکجہتی کرتے ہیں اور پوری قوم اپ کے ساتھ کھڑی ہے ، ان خیالات کا اظہارایم ڈبلیوایم ضلع راولپنڈی کے ڈپٹی سیکریٹری جنرل راحت کاظمی نے امام بارگاہ قدیم کے باہر احتجاجی مظاہرے سے خطاب کے موقع پر کیا اس موقع پر دیگر رہنمابابا گل ،مدثر بلوچ ،منور بٹ، انجمن اثنا عشری امام بارگاہ قدیم مجتبیٰ شاہ، راجہ نذر عباس، مشتاق شاہ، فیاض اعوان اور مرکزی ماتمی دستہ راولپنڈی کے مرزا نومی نے بھی ان متاثرہ خاندانوں سے یکجہتی اور تعزیت کا اظہار کیا اور پاک فوج کو سلام پیش کرتے ہوے آخری دہشت گرد کے خاتمے تک آپریشن کا مطالبہ کیا۔
وحدت نیوز (نوشہروفیروز) مجلس وحدت مسلمین نوشہروفیروز کی جانب سے پشاور سانحہ کے خلاف ضلع بھر میں احتجاجی ریلیاں نکالی گئی بھریا سٹی میں شٹرڈاون ھڑتال کی گئی شکیل جعفری کے قیادت میں امام بارگاھ المعصومین سے لیکر بس اسٹینڈ تک ریلی نکالی گئی نوشہروفیروز میں اعجازممنائی اور مشتاق حسین بلوچ کی قیادت میں نجف سندھ سے ٹہاروشاھ اسٹاپ تک ریلی نکالی گئی کنڈیارو میں اسد حسین کی قیادت میں باقرشاھ مسجد سے ریلی نکالی گئی، مورو میں عبدالرشید اورارشاد سابقی کی قیادت میں ریلی نکالی گئی، ٹھاروشاھ میں ناظم میمن کی قیادت میں امام بارگاھ سے لیکر بس اسٹینڈ تک ریلی نکالی گئی،ھالانی میں صداحسین سھتو کی قیادت میں ریلی نکالی گئی اس موقع پر رھنمائوں نے پشاور ہونے والے افسوسناک واقعے کی شدید لفظوں میں مذمت کرتے ہوئے کہا کہ حکومت دھشت گردوں کو کھلی چھوٹ دیدی ہے جس کے سبب دھشت گردی بڑھتی جارہی ہے انہوں نے مطالبہ کیا کہ دھشت گردوں کے خلاف سخت کاروائي کی جائے اوردھشت گردی کو روکنے کے لئے خصوصی اقدام کئے جائيں۔
