وحدت نیوز (کوئٹہ) مجلس وحدت مسلمین کوئٹہ ڈویژن کے زیر اہتمام علمدارروڈ پرشہدا ئے پشا ور کیلئے دُعا ئیہ تقریب کا اہتمام کیا گیا جس میں بڑی تعدا د میں مر د ،خوا تین او رسکو ل کے بچوں نے شرکت کی۔ تقریب سے خطا ب کرتے ہوئے مجلس وحدت مسلمین بلوچستان کے ممبرصوبائی اسمبلی سیدمحمد رضا نے خطا ب کرتے ہوئے کہا کہ پچھلے ایک دیڑھ دہائی سے جس طرح پا کستانی عوام کو باالعموم اور ملت تشیع سے تعلق رکھنے والے افراد کو باالخصوص دہشت گر دی کانشا نہ بنا یا گیا اور ہزاروں لوگو ں کو شہدکیا گیا ہم اُس وقت سے ریاستی اداروں اور حکومتوں کو اس بات کی طرف متوجہ کرنے کی کو شش کر رہے ہیں کہ ریا ستی اداروں کی جا نب سے جو پا لیسی اختیا ر کی گئی ہے اور اس کے نتیجے میں جو آگ لگائی جا رہی ہے یہ آگ ایک دن پورے ملک کو اپنی لپیٹ میں لے لیگی لیکن اُس وقت ہما ری باتوں کو سنجید گی سے نہیں لیا گیا اور ہمیں لا شوں کے تحفے ملتے رہیں ۔2012کو کوئٹہ کے آئی ٹی یونیورسٹی کے بس پر حملے میں متعدد طلبا ء کو شہید اور زخمی کیا گیا جس کے بعد وومن یونیورسٹی کے بس کو نشانہ بنا یا گیا جس میں دو درجن سے زائدطا لبا ت شہید ہوئیں لیکن ملک و قوم کے ان معما روں کے قا تلوں کو گرفتار کرنے کیلئے کبھی سنجیدہ اقدا مات نہیں اُٹھا ئے گئے جس کی وجہ سے دہشت گرد اس قدر دلیر ہوگئے کہ آج ملک کے ہر حصے میں سکول کے معصوم بچوں کو اپنی درندگی کا نشانہ بنا رہے ہیں جس میں گزشتہ روز پشا ور میں رونما ہونے والہ واقعہ انتہا ئی افسوس ناک ہے جس نے ہر انسان کے دل کو ہلا کر رکھ دیا ہے اور پوری انسا نیت اس سا نحے کے بعد اُن معصوم بچوں کے سامنے شرم سار ہے ۔ اب وقت آگیا کہ پورے ملک میں ان سفا ک دہشت گر دوں کے خلاف بھر پو رآپریشن کا آغاز کیا جا ئے اور بلا تفریق ان دہشت گر دوں کا قلع قمع کیا جا ئے تا کہ ملک عزیز میں امن وامان کے خواب کو شرمند ہ تعبیر کیا جا سکے۔تقریب سے آخر میں شہدائے پشا ور کیلئے خصو صی دُعا کی گئی اور اُن کے اہل خا نہ کے سا تھ مکمل ہمدر دی کا اظہا رکیا گیا اور زخمی ہونے والے بچوں کی جلد صحت یا بی کیلئے بھی دُعا کی گئی۔

مجلس وحدت مسلمین کے مر کزی رہنما علامہ سید ہا شم موسوی نے کہا کہ گزشتہ روز پشا ورمیں ڈیڑھ سو کے قریب معصوم بچوں اور سکول کے اسا تذہ کی شہا دت اور متعدد کا زخمی ہونے کی خبر نے ہر دل کو محزون اور ہر آنکھ کو اشکبا رکر دیا ہے قیا مت صغریٰ کے اس المنا ک حا دثے میں بھی بعض نا م نہا د مذہبی لیڈر اور درحقیقت شیطانی طاقتوں کے ایجنٹو ں نے افسوس کرنے اور اس نا گوار سا نحے کی مذمت کرنے کی بھی زہمت نہیں کی بلکہ طا لبا ن ظا لمان کے اس نا پاک اور وہشیانہ عمل کو سیا سی تناو کا نتیجہ قر اردے کر اُنکی حو صلہ افزائی کی ۔ انہوں مزید کہا کہ یہ حملہ در حقیقت پاکستان کے مستقبل پر حملہ ہے کیونکہ طلبا ء کسی بھی قوم کے مستقبل کے معمار ہوتے ہیں اور اگر اس طر ح ہمارے بچوں کو گو لیوں کا نشانہ بنا یا جا تا رہا تو کس طرح ہمارے بچے علم کی شمع کو روشن رکھ سکتے ہیں؟

وحدت نیوز (اوچشریف) مجلس وحدت مسلمین پاکستان اوچشریف و امامیہ اسٹوڈ نٹس آرگنا ئز یشن پا کستان یونٹ اوچشریف نے گذشتہ رات اوچشریف میں علمدار چوک پرقر آن خوانی اور چر اغاں کیاجس میں مجلس وحدت مسلمین کے ضلعی سیکر ٹر ی نشر و اشاعت خواجہ قمر عباس جعفری ، یونٹ اوچشریف احسن رضا جعفری و ڈپٹی سیکر ٹری جنرل خواجہ محمد فرحان سلیم، یونٹ کوٹلہ رحمت شاہ مخدوم سید نجات حیدربخاری ، یونٹ بستی سادات اوچ موغلہ سید مجتہد رضوی کے سیکر ٹر ی جنرل و امامیہ اسٹو ڈ نٹس آر گنا ئزیشن پاکستان یونٹ اوچشریف کے ممبران کے علاوہ سابق تحصیل نا ظم مخدوم سید سبطین حیدر بخاری ومخدوم سید ثقلین حیدر بخاری ، خواجہ ضامن حسین، حا جی عا شق حسین، سید واحد علی شاہ ، و دیگر مذہبی ، سیا سی ، سماجی اور صحافت سے تعلق رکھنے والی اہم شخصیات کے ساتھ ساتھ سینکڑوں کمسن بچے اور بچیوں نے شر کت کی بچوں نے شہدائےپشاور کو خراج عقید ت پیش کر تے ہوئے شمعیں روشن کیں اور قومی ترانہ و ترانہ شہادت پڑ ھا جس سے ہر آنکھ اشک بار تھی بچوں کی بلندی درجات کے لیے قر آن خانی کی گئی اور درود پاک پڑ ھا گیا اور زخمیو ں کی جلد صحت یابی کے لئے مولاناسلیم محمدی اور مولانا صفدر علی صاحب دعائیں کرائیں ۔آخر میں شرکاء سے مخدوم سید سبطین حیدر بخاری صاحب، سید واحد علی شاہ صا حب نے خطاب کیا ۔

مجلس وحدت مسلمین یونٹ اوچشر یف کے سیکر ٹری جنرل احسن رضا جعفری نے خطاب کر تے ہوئے کہ علم کی شمع کو بجھانے کی مذموم کوششوں کی بھر پور مذمت کر تے ہیں اور شہدائے کے ورثا سا تھ غم میں برابر کے شر یک ہیں اور بچوں اور ملک پاکستان دشمن عناصرجو پاکستان کے مخا لف ہیں اور بچوں اور انسانوں کا نا حق خون بہار رہے ہیں ان کے خلاف سخت سے سخت کاروائی کا مطالبہ کیا۔

وحدت نیوز (کراچی) مجلس وحدت مسلمین کے مرکزی سیکریٹری تبلیغات علامہ سید احمد اقبال رضوی نے کہاہے کہ سانحہ پشاور کی جتنی مذمت کی جائے کم ہے ایسے عناصر جو اس قسم کی کاروائیوں میں ملوث ہیں وہ مسلمان تو کیا انسان کہلانے کے بھی حقدار نہیں ۔ان خیالات کا اظہار انہوں نے جامع امامیہ مسجد شباب چوک سمن آبادمیں نماز جمعہ کے اجتماع سے خطاب کرتے ہوئے کیا۔انہوں نے کہا کہ جو عناصراس قسم کے واقعات کی حمایت کر رہے ہیں وہ بھی قومی مجرم ہیں۔ایسے عناصر سے کسی قسم کی رعایت نہ برتی جائے۔اور سخت ترین کاروائی کر کے انہیں کیفر کردار تک پہنچایا جائے۔انہوں نے کہا کہ ظلم کی حد ہوچکی ہے اور دہشت گردوں نے تمام حدوں کو پر کر لیا لہذااب حکمرانوں کو دہشت گردوں کے خلاف ایکشن لیتے ہوئے ان کو پھانسی پر چڑھانا ہوگا۔انہوں نے مطالبہ کیا کہ حکومت بلا تاخیر دہشتگردوں کو سر عام پھانسیاں شروع کر دیں ۔تاکہ شہداء کے وارثان کے دلوں کو قرار ملے۔

وحدت نیوز (آرٹیکل) سانحہ پشاور پر ہر پاکستانی شہری غم و غصہ کی کیفیت میں ہے اور مختلف شخصیات کے مذمتی بیانات آ رہے ہیں ۔ ان شہداء کے خون نے پاکستانی ملت کے لئے راستے کا تعین کرنا آسان کر دیا ہے اب بھی اگر کوئی ان دہشتگردوں کے نرم گوشہ رکھتا ہے تو شائد وہ طالبانی سوچ کو پروان چڑھانا چاہتاہے۔ اور پھر شائد ہم اور لاشیں گرتی ہوئی دیکھیں گے اور معصوم قتل ہوتےہوئے دیکھیں گے۔ آئے روز اسی نوعیت کے واقعات ہوتے رہیں گے۔ الحمدللہ معصوم ننھے شہداء کے خون کے اثر سے آج تمام سیاسی جاعتیں اور عسکری ادارے اکٹھے ہو گئے اور دہشتگردوں کے خلاف اقدامات کا عزم رکھتے ہیں۔ یہ ایک خوش آئین صورتحال ہے۔ لیکن ہمیں سوچنا ہوگا کہ اپنی دفاعی پالیسی کس طرح کی مرتب کرنا ہوگی۔ اور ہمیں کن کن محاذوں پر ان دہشتگردوں کا مقابلہ کرنا ہوگا تاکہ پاکستان کی سالمیت اور تشخص کو مزید نقصان نہ ہو۔اس وقت ہمیں تین محاذوں پر پاکستان کا دفاع کرنے کی ضرورت ہے جو کہ حسب ذیل ہیں۔

(1)۔ عسکری محاذ

(2) نظریاتی محاذ

(3) سیاسی محاذ

1- عسكری محاذ : الحمد للہ پاکستان آرمی عسکر ی محاذ پر ضرب عضب کے ذریعے ان دہشتگردوں کا قلہ قمعہ کر رہی ہے اور حالیہ آرمی چیف کا دورہ افغانستان اس کے لئے ایک سنگ میل ثابت ہوگا ۔اور پاکستان آرمی کے اندر اتنی صلاحیت ہے کہ ان دہشتگرد گروہوں کو شکست دے کر پاکستان کے اندر امن پیدا کر سکتی ہے ۔ اس کے ساتھ ساتھ تمام امن وامان كے ذمہ دار تمام اداروں کی بھی یہ ذمہ اری بنتی ہے  كہ وه اپنا منصبی, وطنی اور انسانی فريضہ ادا كرتے ہوئے ان درندوں كو کچلیں.خواه انكا ظاہری نام جو کچھ بھی ہو. انكو فقط انکی تنظیموں اور گروہوں كے نام سي نہیں بلكہ انكو انكی فكر وافعال سے بهی پہچانیں،ہمارے حساس اداروں ميں اتنی صلاحيت هے كہ وه ہر دہشتگرد كو پہچانتے ہیں ليكن كيونكہ افسر شاہی ,سياستدان اور با اثر لوگ انہیں پناہ دیتے ہیں .اب وقت آ گیا ہے كہ ان باثر افراد پر بھی ہاتھ ڈالا جائے اور انہیں انصاف كی کٹہرے ميں لا كهڑا كيا جائے اور قوم كو انكے بهيانک جرائم اور منحوس چہروں سے مطلع كيا جائے.اور ياد رهے كہ ان ہشتگردوں کے سربراہوں نے كی نقاب پہن ركهے ہیں. اپنی منافقانہ روش اور جھوٹ وشبہات كا سہارا  ليكر لوگوں كو فقط اپنا شريف حلیہ دكهاتے ہیں.

2- فكری ونظرياتی محاذ :لیکن کیا صرف عسکری جنگ کافی ہے ان کے مقابلے کے لئے یا ہمیں بطور پاکستانی قوم کچھ اور محاذوں پر بھی جنگ لڑنی ہے۔ جن میں سے دوسرا محاذ فكری ونظرياتي محاذ ہے . يہ وه نظریاتی محاذ ہے كہ جس کے ذریعے دشمن ہماری صفوں میں نفوذ کررہا ہے اور اپنے ہم فکر گروہ تشکیل دے رہا ہے۔ یعنی پاکستان کے اندر موجود وہ شخصيات اور گروہ جو طالبانی نظریہ کے حامل ہیں ہمیں ان سے بھی جنگ کا سامنہ ہے جس کی مثالیں آج نظر آ رہی ہیں ۔پورے پاکستان نے سانحہ پشاور پر مذمت کی لیکن لال مسجد کے خطیب مولوی عبدالعزیز صاحب نے مذمت کرنے سے بھی انکار کردیا بلکہ  وه برملا طالبان اور داعش كی وكالت کرتے ہوئے کہ رہے ہیں  كہ ہمیں دونوں طرف سے مذمت کرنی چاہیے اور كچھ شخصيات نام نہاد ثقافت قتال وجہاد كی مہم چلانے کی بات كر رہے ہیں اور اس کے نزدیک آپریشن ضرب عضب کی وجہ سے یہ سانحہ ہواہے ۔ اور یہی موقف طالبان كا بھی ہے۔ ان دونوں ميں مشترک چیز انكی تكفيری اور وہابی سوچ ہے ليكن آج انكے در سے كوئی وہابیت كي بات نہیں كرتا اور نہ ہی آل سعود كی كردار كی بات كرتا ہےلیکن کیا آپریشن ضرب عضب سے پہلے پاکستان کے اندر اس نوعیت کی وارداتیں نہیں ہورہی تھیں۔ کیا یہ دہشت گرد پاک آرمی کے جوانوں کے سروں کے ساتھ فٹ بال نہیں کھیلتے رہے کیا ان درندوں نے آرمی ہیڈ کوارٹر پر حملہ نہیں کیا۔ کیا ان سفاک لوگوں نے سوات کے اندر لوگوں کو ذبح نہیں کیا۔؟ کیا ہماری ریاستی اداروں پر حملے نہیں ہوئے۔ ؟ کیا آئے روز ٹارگٹ کلنگ نہیں ہورہی تهی ؟ تو کیا اس سے ان انسان نما درندوں کو کھلا چھوڑ دیا جائے کہ وہ پاکستان کے اندر اپنی من مانی کرتے پھریں؟ لہذا ہمیں دفاعی پالیسی کے اندر ایسی سوچ رکھنے والوں کے خلاف بھی اقدامات کرنے کے لئے لائحہ عمل طے کرنا ہوگا۔ انكے مدارس كي مانيٹرنگ كرنا ہوگی اور دہشت كردی اور تكفيريت كا درس دينے والے مدارس كو بند كرنا ہوگا اور نفرت آميز لٹیریچر اور تكفیری اجتماعات اور مظاہروں كو كچلناہو گا،کیونکہ جب تک یہ نظریہ پاکستان کے اندر موجود ہے تب تک طالبان کو افرادی قوت مہیا ہوتی رہے گی۔ لہذا حکومت پاکستان کو چاہیے کہ ایسی تکفیری سوچ رکھنے والے عناصر چاہے وہ پاکستان کے کسی بھی حصے میں موجود ہوں ان کے خلاف قانونی کاروائی کرے۔

3- سياسی محاذ : اور تیسرا محاذ ہے ان سیاسی قوتوں کی حوصلہ شکنی کرنا جو ان دہشت گردوں کی سیاسی طور پر حمایت کرتی ہیں اور ان کے لئے نرم گوشہ رکھتی ہیں۔ یعنی جن کا یہ موقف ہے کہ آپریشن ضرب عضب ختم کر دیا جائے کیونکہ یہ سانحات اس کا رد عمل ہیں۔ دراصل وہ سیاسی قوتیں جن کا یہ موقف ہے وہ ان دہشتگردوں کو بچانا چاہتی ہیں کیونکہ یہ ان کے اسٹریٹیجک پارٹنر ہیں اور یہ دہشت گرد  همارے حكمرانوں كے بھی اسٹریٹیجک پارٹنررہے ہیں اور اب بهی بعض سياسی قوتيں ان سے اپنے مفادات اٹھاتی رہیں ہیں.ہمارے حكمرانوں کے پالے ہوئے سانب ہیں  اورآج همارے ننھے پھول جیسے بچوں كو ڈس رہے ہیں. اب انكو آہنی هاتهوں سے نمٹنا ہو گا . اس وقت حکومت پاکستان کو چاہیے کہ وہ ہر سانحہ کے بعد جو لائحہ عمل اپناتی ہے کہ تمام اداروں کی سکیورٹی سخت کر دیں۔ بلکہ اس لائحہ عمل کی بجائے ان دہشت گردوں کی کمین گاہوں اور پناہ گاہوں اور تربيت گاہوں کو  تلاش کر کے ختم کیا جائے جہاں سے یہ پروان چڑھتے ہیں اور عسکری و نظریاتی ٹریننگ حاصل کر تے ہیں ۔ آج ہمیں مستقل بنیادوں پر لائحہ عمل کی ضرورت ہے نہ کہ عارضی طور پر سکیورٹی بڑھا دینے سے حكومت كے مسائل اور بڑھیں گے اور  یہ مسئلہ حل نہیں ہوگا۔ یہ دراصل تکفیریت کے خلاف جنگ ہے اسے مذہبی جنگ کا نام نہ دیا جائے یہ دہشتگرد کسی فرقہ یا مذہب ومسلک  سے تعلق نہیں رکھتے بلکہ پاکستان کے دشمن ہیں اور پاکستان کو اندھیری گلی میں دھکیلنا چاہتے ہیں۔ لہذا ضرورت اس امر کی ہے کہ پوری ملت پاکستان باہم یکجا ہو کر ان عناصر کے خلاف متحد ہو جائے اور پاکستان آرمی اور امن وامان قائم كرنے والےاداروں کا ساتھ دیں اور ملک كے شیعہ، بریلوی ، وہانی اور اہلسنت علماء اس تکفیری سوچ کی حوصلہ شکنی کريں۔ تاکہ ہم پھر کسی ناگہانی سانحہ کی طرف نہ جائیں اور یہ حقائق ہر پاکستانی تک پہنچنے چاہیں تاکہ پاکستان کا ہر شہری ان محاذوں پر اس پاک دہرتی کا دفاع کرے۔

تحریر:ڈاکٹر علامہ سید شفقت حسین شیرازی
سیکرٹری امور خارجہ مجلس وحدت مسلمین پاکستان