The Latest
وحدت نیوز(قم المقدسہ) مجلس وحدت مسلمین پاکستان شعبہ قم کے سیکرٹری جنرل علامہ غلام محمد فخرالدین نے منگل کی شام کو مستونگ کے علاقے میں زائرین کی بس پر ہونے والے دہشت گردانہ حملے کی شدید مذمت کرتے ہوئے وزیراعظم، افواج پاکستان کے سربراہ اور بلوچستان حکومت سے مطالبہ کیا ہے کہ وہ مظلوم پاکستانیوں کے دلوں کی آواز کو سنیں اور پاکستان اور اسلام دشمن طالبان دہشت گردوں کے خلاف سخت کارروائی کا اعلان کریں۔ علامہ غلام محمد فخرالدین نے ملک بھر میں ہونے والی دہشت گردانہ کارروائیوں اور سکیورٹی فورسز پر ہونے والے حملوں سمیت کراچی میں پولیو کے قطرے پلانے والے رضاکاروں کی شہادت اور لاہور میں معروف مصنف اصغر ندیم سید پر ہونیوالے قاتلانہ حملے، پشاور میں ٹارگٹ کلنگ کا نشانہ بنائے جانے والے معروف عالم دین مولانا عالم شاہ موسوی کی شہادت کو ملک دشمن اور اسلام دشمن دہشت گردوں کی کارروائی قرار دیا اور کہا کہ طالبان مملکت خداداد پاکستان کے لئے کینسر بن چکے ہیں، جن کے خلاف سوائے فوجی آپریشن کے کوئی اور علاج ممکن نہیں۔
وحدت نیوز (گلگت) مستونگ میں زائرین کی بس پر حملہ پوری قوم پر حملہ ہے۔ اس سے پہلے بنوں اور راولپنڈی میں افواج پاکستان اور پیرا ملٹری فورسز پر حملوں نے پوری قوم کو اذیت میں مبتلا کیا ہے۔مجلس وحدت مسلمین پاکستان طالبان کے انسان کش حملوں کو پوری انسانیت پر حملوں سے تعبیر کرتی ہے اور شروع دن سے یہ مطالبہ کرتی آئی ہے کہ ملک اور انسان دشمنوں سے مذاکرات بے معنی اور پوری پاکستان قوم کے ساتھ مذاق ہے۔ دنیا میں کہیں پر بھی دہشت گردوں کے ساتھ کوئی مذاکرات نہیں ہوتے ہیں بلکہ ان دہشت گردوں کو طاقت سے کچل دیا جاتا ہے۔ پاک افواج کے آفیسروں اور جوانوں کے قاتلوں کے ساتھ مذاکرات یقیناًبزدلی اور بے غیرتی ہے۔ طالبان کے سفاک قاتل کسی رحم کے قابل نہیں۔ ان سفاک قاتلوں نے مسجدوں، امامبارگاہوں، جلوس عزا، جلوس میلاد ، مارکیٹوں، مندروں، گرجا گروں، حساس اداروں کے مراکز ، اہم فوجی تنصیبات پر حملے کرکے پاکستان دشمن ہونے پر مہر ثبت کردیا ہے۔ یہ کیسے حکمران ہیں کہ جن کے ہاتھ پورے پاکستانیوں کے خون سے رنگین ہیں، سے امن کی بھیک مانگتے ہیں۔ ان خیالات کا اظہار مجلس وحدت مسلمین پاکستان گلگت بلتستان کے سیکرٹری جنرل علامہ نیئر عباس مصطفوی نے مستونگ میں بیگناہ زائرین کے بہیمانہ قتل کے خلاف گلگت میں جاری دھرنے سے خطاب کرتے ہوئے کیا۔
انہوں نے کہا کہ بے حس اور بزدل حکمرانوں کا رویہ انتہائی قابل مذمت ہے کہ ملک کی سالمیت کو داؤ پر لگانے والوں سے اب بھی مذاکرات کی بات کرتے ہیں۔ انہوں نے کہا کہ کوئٹہ کی سرزمین مظلوم ملت تشیع کے خون سے رنگین ہے اور اب ہم مزید تحمل نہیں کرسکتے کہ ہمارا خون بہایا جائے اور ہم خاموش رہیں۔ انہوں نے کہا کہ ہم افواج پاکستان سے گزارش کرتے ہیں کہ وہ از خود فوری طور پر ان سفاک قاتلوں کے خلاف بڑے پیمانے پر آپریشن شروع کرے ، پاکستان عوام اپنی بہادر فوج کا بھرپور ساتھ دے گی۔
انہوں نے مزید کہا کہ طالبان آئین پاکستان کے مجرم اور ریاست کے دشمن ہیں ، ایسے ظالموں سے جنگ کی جاتی ہے نہ کہ مذاکرات۔ اب بھی حکمرانوں نے ہوش کے ناخن نہ لئے اور 24 گھنٹوں کے اندر اندر آپریشن کا فیصلہ نہ کیا گیا تو مظلوموں کا یہ سمندر حکمرانوں کو بہا لے جائیگا۔ یہ دھرنے اس وقت تک ختم نہیں ہونگے جب تک ہمارے مطالبات پورے نہیں ہونگے۔
وحدت نیوز(فیض گنج) پاکستان ایٹمی مملکت ہو نے کے باوجود دہشت گردی کا شکار ہے ، نواز لیگ نے مٹھی بھر دہشت گردوں کے سامنے ہتھیار ڈال دیئے ہیں ، حکمران دہشت گردوں پر نہیں عوام ہر بھروسہ کریں ، ان خیالات کا اظہار مجلس وحدت مسلمین پاکستان کے مرکزی سیکریٹری امور تبلیغات علامہ اعجازحسین بہشتی نے فیض گنج پریس کلب میں پریس کانفرنس سے خطاب کر تے ہو ئے کیا۔ اس موقع پرایم ڈبلیو ایم کے صوبائی رہنما یعقوب حسینی ، ضلعی رہنما آغا منور جعفری، کاظم چانگ اور سرور حسینی بھی موجود تھے۔
علامہ اعجاز بہشتی پریس کانفرنس کرتے ہوئے کہا کہ ہمارا ملک ایٹمی طاقت ہونے کے باوجود بھی نواز لیگ کی حکومت نے دہشتگردوں کے سامنے گھٹنے ٹیک دئے ہیں اور دہشتگردوں سے مزاکرات کرنے کے لئے تیار ہیں جب پاکستان میں قانون عدالتیں اور افواج موجود ہیں تو دہشتگردوں سے مزاکرات کرنے کی کیا ضرورت ہے انہوں نے مزید کہا کہ پاکستان میں کوئی شیعہ سنی فسادات نہیں ہیں اور شیعہ سنی بھائی ہیں چند دہشتگرد مساجد،امام بارگاہوں اور پاک افواج ،پولیس کو نشانہ بنارہے ہیں اور کراچی میں سرعام سی آئے ڈی افسر چودھری اسلم کو شہید کیا گیا اور دہشتگردوں نے اس کی زمیداری قبول کی اس کے باوجود بھی مرکزی حکومت دہشتگردوں سے مزاکرات کرنے کے لئے تیار ہے جو پاکستان کے آئین اور قانون کی خلاف ورزی ہے اس نے مزید کہاکہ زائرین پر خودکش حملے کیئے جارہے ہیں دہشتگرد مان بھی رہے ہیں لیکن حکومت خاموش تماشائی بن کر بیٹھ گئی ہے ان دہشتگردوں کے خلاف کاروائی نہیں کر رہی شہداء زائرین مستونگ کے ورثا کے ساتھ دکھ میں برابر کے شریک ہیں انہوں نے مزید کہا کہ زندہ قومیں محسنوں کو فراموش نہیں کرتی ان کے مقدس خون کی تاسیر سے ملت تشیع بیداراور منظم ہے دوست اور دشمن کی شناخت رکھتے ہیں اور مشکلات کے گرداب سے نکلنا جانتے ہیں لیکن ظلم کے آگے سر نہیں جھکایا ہم دہشتگردوں سے مزاکرات کرنے کی مذمت کرتے ہیں اور زائرین پر حملے کرنے والے دہشتگردوں کے خلاف کاروائی کا مطالبہ کر تے ہیں ۔
وحدت نیوز(کوئٹہ) مجلس وحدت مسلمین پاکستان کے سربراہ علامہ راجہ ناصرعباس جعفری خانوادہ شہداء سے اظہار یکجہتی کے لئے ہنگامی دورے پر کوئٹہ پہنچ گئے ہیں ، علمدار روڈ پر جاری خانوادہ شہداء اورایم ڈبلیو ایم کی جانب سے جاری احتجاجی دھرنے سے خطاب کر تے ہو ئے انہوں نے کہا کہ ایک مرتبہ پھر دشمنان دین نے ہمارے کلیجے کو چھلنی کر دیا ہے ، بے درد حیوانوں نے وہشیانہ انداز میں ۲۵ بے گناہ مسلمانوں کو موت کی نیند سلا دیا،اس بربریت کے خلاف پورے پاکستان سمیت دنیا بھر میں با ضمیر انسانوں سے کہتا ہوں کے اپنے گھروں سے باہر نکلیں ، اب ہم حکومت کو چین سے نہیں بیٹھنے دےگے، جب تک حکمران ان دہشت گردوں کے خلاف کو ٹھوس کاروائی عمل میں نہیں لاتے ،میں شہیدوں کے ورثا ء سے, آپ سے وعدہ کرتا ہو کہ جب تک آپ کے مطالبات پورے نہیں ہوتے ہم بهی گهر نہیں جائینگے۔
ان کا کہنا تھا کہ شیعیان پاکستان کی جاری مسلسل نسل کشی کے بعد اب پانی سر سے اوپر ہو چکا ہے، کوئٹہ میں جاری احتجاجی دھرنے کی اتباء میں ملک بھر میں دھرنے دیئے جائیں ، جب تک خانوادہ شہداءکا حکم نہ ہو کوئی گھر کو نہ جائے ، حکمرانوں نے ہمارے خون کو انتہائی سستا سمجھا ہو ا ہے، اب ہم پوری دنیا کو بتائیں گے کہ ہمارا خون کتنی قیمت رکھتا ہے، مدارس کے نام پر بنائے گئے دہشت گرد مراکز وطن عزیز کے کے لئے ناسور بن چکے ہیں ، صوبائی اور وفاقی حکومت ان دہشت گردوں سے ڈرتی ہے، ہم خوف کھانے والی قو م نہیں ، اگرہم خوفزدہ لوگ ہو تے تو میدان میں نہ ڈٹے ہو تے بلکے کسی غار میں چھپے ہو تے۔ تحریک طالبان ہو یا لشکر جھنگوی ایک ہی سکے کے دو رخ ہیں ، اب ملک گیر آپریشن باگزیر ہو چکا ہے، فوج آگے آئے اور دہشت گردوں کا قلع قمع کر نے کے لئے قدم آگے بڑھائے، قوم فوج سے ایک قدم آگے کھڑی ہو گی ۔
وحدت نیوز(مظفر آباد) مستونگ دہشتگردانہ واقعہ حکومتی نا اہلی کا منہ بولتا ثبوت ہے۔زائرین کی بسوں کو نشانہ بنانے والے طاغوتی طاقتوں کے ایجنٹ ہیں،ریاستی اکابرین کا ردِ عمل ۔ دہشتگرد لادینیت کی سوچ رکھتے ہیں،کوئٹہ میں انکے خلاف ٹارگٹڈ آپریشن ناگزیر ہے،وزیر داخلہ و صوبائی حکومت واقع کو سنجیدگی سے لیں، آج دربار سہیلی سرکار پر منعقدہ میلاد کانفرنس میں سیاہ پٹیاں باندھ کر شریک ہوں گے۔ان خیالات اظہار مجلس وحدت مسلمین کے ریاستی سیکرٹری جنرل علامہ تصور نقوی الجوادی نے آئی ایس او آزادکشمیر کے صدر سید وقار کاظمی، مولانا طالب ہمدانی اور دیگر رہنماؤں کے ہمراہ یہاں وحدت سیکریٹریٹ میں ہنگامی پریس کانفرنس سے خطاب کرتے ہوئے کیا۔بے گناہ زائرین پرحملے کرنے والوں کے خلاف موثر کاروئی تک ہوئے پورے آزادکشمیر میں دھرنے کرنے کا اعلان، انہوں نے کہا کہ وزیر داخلہ چوہدری نثار صورتحال کو سنجیدگی سے لیں۔پاکستان کی سلامتی عوامی جان ومال کی حفاظت کیلئے تمام مصلحتیں بالا طاق رکھ دی جائیں۔انہوں نے کہا کہ تمام محب وطن طبقوں ، افواج پاکستان اور بے گناہ شہریوں کا نشانہ بنایا جا رہا ہے۔یہ روش نظرانداز کر کیملک کو تباہی کے دھانے کھڑا کر دیا گیا ہے،جہاں مٹھی بھر دہشتگرد فوج اور عوام کا متحان لے رہے ہیں۔علامہ تصور نقوی الجوادی نے کہا کہ مجلس وحدت مسلمین کے زیر اہتمام میلاد مصطفے ؐ کانفرنس کے شرکاء سانحہ مستونگ کیخلاف احتجاجََ سیاہ پٹیاں بازوؤں پر باندھ کر شریک ہونگے۔
وحدت نیوز(کو ئٹہ) ایم ڈبلیو ایم کے رکن بلوچستان اسمبلی سید محمد رضا رضوی نے دوران دھرنا پریس کانفرنس کر تے ہو ئے کہا کہ مستونگ میں بد ترین دہشت گر دی کے واقعے کی شدید الفا ظ میں مذمت کر تے ہیں ، چند کلو میٹر پر مشتمل علا قے میں آئے دن معصوم انسا نوں کو نشا نہ بنا یا جا تاہے اور قا تل بڑے آرام سے ہر دفعہ بہ آسانی فرار ہو نے میں کامیا ب ہو جا تے ہیں،خانوادہ شہدائے نے دھرنے کا فیصلہ کر لیا ہے ، مجلس وحدت مسلمین خانوادہ شہداء کے فیصلے میں ان کے ساتھ ہے، اب مذاکرات صوبائی حکومت نہیں وفاقی حکومت سے ہو نگے، علامہ راجہ ناصر عباس جعفری نے کوئٹہ دھرنے کی تائید میں ملک گیر احتجاجی دھرنے کا اعلان کر دیا ہے، جب تک خانوادہ شہداء دھرنا ختم نہیں کریں گے پوری قوم اور مجلس وحدت مسلمین احتجاج جاری رکھے گی۔
ان کا کہنا تھا کہ زائرین پر حملوں کے بعد حکومت وقت سے اس حوالے سے جب بھی پو چھاجا تا ہے تو وہ اس با ت کو دلیل بنا کر پیش کر تی ہے کہ تفتان سے آنے والے مسا فر وں کو مکمل سیکو رٹی فراہم کی گئی تھی کہہ کر اپنا جا ن چھڑا لیتے ہے لیکن چھوٹے سے علاقے پر محیط دہشت گردوں کے ٹھکانوں کو ختم کر نے اور اُن کا نیٹ ورک تھوڑنے کے حوالے سے کو ئی اقدا م نہیں اُٹھا تی جو اس با ت کا ثبو ت ہے کہ حکومت دہشت گر دوں کے خلاف موثر کار وائی عمل میں لا نے پر سنجیدہ نہیں اور دہشت گر دوں کو کھلی چھوٹ ہے جس کی وجہ سے دہشت گردوں نے مستونگ ،درین گڑھ ا ور گر د و نوا ح میں اپنی ریا ست قا ئم کر رکھی ہیں گزشتہ ماہ اسی علاقے میں ان آدم خوروں کے حملے سے زائرین کی بس مکمل طور پر راکھ کے ڈھیر میں تبدیل ہو گئی تھی جس سے درجنون خوا تین ،مرد اور بچے زخمی اور ایک زائر شھید ہوا تھا لیکن ان واقعا ت سے صا ف پتہ چلتا ہے حکومت کے پا س یاتو دہشت گردوں کے خلاف آپریشن کرنے کے اختیا رات موجو د نہیںیا اس حوالے سے مکمل غیر سنجیدہ ہے اور اگر یہ حکومت عوام کی جان و مال کو تحفظ فراہم نہیں کر سکتی تو انہیں اقتدار میں رہنے کا کو ئی حق نہیں۔مجلس وحدت مسلمین پا کستان اس سا نحہ کے خلا ف پو رے ملک میں یوم سوگ کا ا علا ن کر تی ہے اوروفا قی اورصو با ئی حکومت سے صوبے میں امن و امان قا ئم کرنے کا پرُ زور مطالبہ کر تے ہو ئے دہشت گر دوں کے خلاف بھر پور آپر یشن کا مطا لبہ کر تی ہے۔
وحدت نیوز(لاہور) مجلس وحدت مسلمین لاہور کے زیراہتمام لاہور پریس کلب کے باہر کوئٹہ کے قریب زائرین کی بس پر حملے کیخلاف احتجاجی مظاہرہ کیا گیا۔ مظاہرے میں خواتین اور بچوں سمیت نوجوانوں، بڑوں اور بزرگوں کی کثیرتعداد نے شرکت کی، شدید سردی کے باوجود شہریوں کی کثیر تعداد مظاہرے میں شریک ہوئی اور دہشت گردی کے خلاف احتجاج کیا۔ مظاہرین نے کتبے، پلے کارڈز اور بینرز اٹھا رکھے تھے جن پر دہشت گردی، طالبان اور حکومت کے خلاف نعرے درج تھے۔ مظاہرین لبیک یاحسین (ع)، لبیک یاحسین (ع) کا شعار بلند کرتے رہے۔ مظاہرے کی قیادت علامہ امتیاز کاظمی، علامہ جعفر موسوی اور سید اسد عباس نقوی نے کی جبکہ اس موقع پر علامہ حسن ہمدانی، علامہ ناصر عباس فاطمی، سید حسن زیدی، مظاہر شگری و دیگر رہنما بھی موجود تھے۔
رہنمائوں نے مظاہرین سے خطاب کرتے ہوئے پاکستان میں تسلسل کے ساتھ ہونے والے دہشت گردی کے واقعات کی پرزور مذمت کی اور حکومت سے مطالبہ کیا کہ وہ فی الفور کوئٹہ اور اس کے نواح میں دہشت گردوں کے ٹھکانوں اور ان کے ٹریننگ کیمپوں کے خلاف آپریشن کرے۔ مقررین نے کہا کہ زائرین کی بسوں کو نشانہ بنانا دہشت گردوں کا معمول بن چکا ہے اور حکومت کی بے حسی کی انتہا ہے کہ ہر بار صرف مذمتی بیان دے کر اپنی ذمہ داری سے عہدہ برا ہو جاتی ہے۔ رہنمائوں نے مزید کہا کہ زائرین کی بس پر یہ کوئی پہلا حملہ نہیں، اس سے قبل بھی اسی روٹ پر متعدد حملے ہو چکے ہیں لیکن حکومت اس بات کا جواب دے کہ ان دہشت گردوں کے خلاف کارروائی کیوں نہیں کی گئی، سکیورٹی ادارے کہاں ہیں؟
رہنمائوں نے کہا کہ دہشت گرد حکومت کی صفوں میں موجود ہیں، اگر حکومت نے ملت تشیع کو تحفظ فراہم نہ کیا تو مجلس وحدت مسلمین اپنے لائحہ عمل کا اعلان کرے گی، جس کے بعد کی تمام تر ذمہ داری حکومت پر عائد ہوگی۔ رہنمائوں نے کہا کہ ہماری حب الوطنی کو بزدلی سے تعبیر نہ کیا جائے۔ ہم کربلائی ہیں اور اگر ہم نے اسلحہ اٹھا لیا تو یہاں دہشت گرد بچیں گے نہ دہشت گردوں کے سرپرست، بلکہ ہم نجس دہشتگردوں پر پاک وطن کی مقدس زمین تنگ کر دیں گے، ہمارے صبر کا امتحان نہ لیا جائے۔ بعدازاں مظاہرین پرامن طریقے سے منتشر ہوگئے۔
وحدت نیوز(کوئٹہ) گذشتہ روز مستونگ میں زائرین کی بس پر ہونے والے حملے کے خلاف مجلس وحدت مسلمین کے زیراہتمام شہداء چوک کوئٹہ میں دھرنا شروع ہوگیا ہے جس میں مرد و خواتین کی بڑی تعداد شریک ہے۔ شرکاء شہداء کے جنازوں کو لئے کھلے آسماں تلے سراپا احتجاج ہیں اور حکومت سے سوال کر رہے ہیں کہ آخر کب تک ان پر حملے ہوتے رہیں گے اور قانون نافذ کرنے والے ادارے محض تماشائی کا کردار ادا کریں گے۔ دھرنے میں کوئٹہ سے ایم ڈبلیو ایم کے ایم پی اے محمد رضا رضوی سمیت مختلف شخصیات شریک ہیں۔ تازہ ترین اطلاعات کے مطابق 11:30 بجے رہنماؤں کی پریس کانفرنس ہوگی جس میں وہ آئندہ کے لائحہ عمل کا اعلان کریں گے۔ دوسری طرف کوئٹہ شہر میں شٹر ڈان ہڑتال ہے جس کے باعث نظام زندگی بالکل معطل ہے۔ پاکستان بھر کی تمام مذہبی و سیاسی جماعتوں نے مستونگ واقعہ کی شدید الفاظ میں مذمت کی ہے۔ یاد رہے کہ گذشتہ روز ہونیوالے واقعہ کی ذمہ داری بھی لشکر جھنگوی نے قبول کی ہے۔
دیگر ذرائع کے مطابق مستونگ کے علاقے درین گڑھ کے مقام پر ایران سے کوئٹہ آنے والے زائرین کی بس پر گذشتہ روز ہونے والے خودکش دھماکے میں جاں بحق ہونے والے 28 افراد میں سے 26 کی شناخت ہوگئی ہے جبکہ 2 کی شناخت نہیں ہوسکی ہے۔ میتیں سی ایم ایچ سے علمدار روڈ نیچاری امام بارہ منتقل کر دی گئی ہیں۔ سی ایم ایچ میں 40 زخمی زیر علاج ہیں۔ جاں بحق ہونے والوں کے لواحقین نے میتوں کے ہمراہ علمدار روڈ پر دھرنا دے دیا۔
وحدت نیوز(کراچی) مجلس وحدت مسلمین پاکستان کراچی ڈویژن کی جانب سے مستونگ میں زائرین کی بس پر ہونے والے بم دھماکے اور شیعہ رہنما وجاہت نقوی کی شہادت کیخلاف نمائش چورنگی پر احتجاجی مظاہرہ کیا گیا۔ احتجاجی مظاہرہ کی قیادت علامہ علی انور جعفری اور علامہ مبشر حسن نے کی۔ اس موقع پر شرکاء کی بڑی تعداد نے شیعہ نسل کشی کیخلاف شدید نعرے بازی کی۔ مظاہرے سے خطاب میں رہنماؤں کا کہنا تھا کہ سانحہ مستونگ اور وجاہت نقوی کی شہادت کی ذمہ دار وہ تمام سیاسی اور مذہبی جماعتیں ہیں جو ہزاروں بے گناہ پاکستانیوں کے قاتل طالبان سے مذاکرات کی بات کرکے ان کی جنایت کاریوں پر پردہ ڈالنے کی کوشش کرتی ہیں، یہ تمام سیاسی و مذہبی جماعتیں اپنی پالیسی کو واضح کریں اور ملکی سالمیت کو چیلنج کرنے والے، پاک فوج، اولیاء کے مزارات اور بے گناہوں کا خون بہانے والے طالبان سے اظہار برات کریں ورنہ پاکستان بھر کی مظلوم عوام ان جماعتوں کو اسمبلیوں میں جانے سے روکیں گی۔
رہنماؤں کا مزید کہنا تھا کہ کراچی میں دہشت گردوں کا راج ہے، نام نہاد آپریشن کے نام پر کئی افراد کی گرفتاریاں کرنے والے ایڈیشنل آئی جی اب تک ٹارگٹ کلنگ پر قابو پانے میں ناکام ہیں، وجاہت نقوی کی شہادت سندھ حکومت، پولیس اور رینجرز میں شامل کالی بھیڑوں کی طالبان دہشت گردوں سے ملی بھگت کا نتیجہ ہے۔ رہنماوں نے وزیراعلیٰ بلوچستان اور وزیراعلیٰ سندھ سے مطالبہ کیا کہ صوبے بھر میں بالخصوص مستونگ میں دہشت گردوں کے خلاف فی الفور فوجی آپریشن کیا جائے اور کراچی میں وجاہت نقوی کے قاتلوں کو گرفتار کرکے کیفر کردار تک پہنچایا جائے۔
وحدت نیوز(بلتستان) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے کوئٹہ میں ایک بار پھر زائرین کی بس پر افسوسناک حملے کی شدید مذمت کرتے ہوئے اس واقعے کو ملک بھر میں جاری دہشت گردی اور منظّم شیعہ کشی کا تسلسل قرار دیا ہے۔ انہوں نے کہا ہے کہ زائرین کی بسوں پر تسلسل کے ساتھ حملے سکیورٹی اداروں کی غفلت کا نتیجہ ہے۔ انہوں نے کہا کہ بلوچستان کے ان علاقوں میں جہاں دہشت گردوں کی تربیت گاہیں موجود ہیں فوجی آپریشن ناگزیر ہے۔ فوجی آپریشن نہ ہونے کیصورت میں قیام امن ممکن نہیں۔ انہوں نے کہا کہ یہ اور اس طرح کے واقعات حکومت کی بزدلانہ عمل اور دہشت گردوں کی پشت پناہی کا نتیجہ ہے۔ وطن عزیز پاکستان کی افواج پر افسوسناک حملے سمیت دیگر دہشتگردی کے واقعات کے بعد بھی مذاکرات کا ڈھنڈورا پیٹنا لمحہ فکریہ ہے۔ جب تک دہشت گردوں اور باغیوں کے خلاف آہنی ہاتھوں سے نمٹا نہیں جاتا یہ سلسلہ رک نہیں سکتا۔ انہوں نے کہا کہ پاکستان دشمن طاقتیں ملک کو خانہ جنگی کی دھکیلنا چاہتی ہیں، اس کے لیے ضروری ہے کہ ریاست کی رٹ کو چیلنج کرنے والوں کو کیفر کردار تک پہنچایا جائے۔
