The Latest
وحدت نیوز (کراچی) مجلس وحدت مسلمین پاکستان صوبہ سندھ کراچی ڈویژن کا تنظیمی کنونشن بعنوان ’’ افکار امام خمینی (رہ) کنونشن ‘‘ المحسن ہال، فیڈرل بی ایریا میں منعقد کیا گیا۔ کنونشن میں ایم ڈبلیو ایم کے مرکزی ڈپٹی سیکریٹری جنرل علامہ امین شہیدی، مرکزی سیکریٹری فرہنگ علامہ اعجاز حسین بہشتی، مرکزی سیکریٹری برائے بین الصوبائی روابط علامہ اقبال حسین بہشتی، مرکزی سیکریٹری میڈیا سیل مہدی عابدی، صوبائی سیکریٹری جنرل علامہ مختار امامی اور صوبائی سیکریٹری تنظیم سازی یعقوب حسینی نے شرکت کی۔ کنونشن میں یونٹس اور اضلاع کے نمائندگان نے بڑی تعداد میں شرکت کی۔ کنونشن کی نظامت کے فرائض سیکریٹری تنظیم سازی کراچی میثم عابدی نے انجام دیئے۔
افکار امام خمینی (رہ) کنونشن میں ڈویژنل شوریٰ کے اجلاس میں نئے سیکریٹری جنرل کے لئے استصواب رائے کا مرحلہ شروع ہوا تو ڈویژن کابینہ اور اضلاع کی جانب سے انتخابی کمیٹی کو مختلف نام جن میں علامہ صادق رضا تقوی، ظہیر حیدر زیدی اور حسن ہاشمی کے نام شامل تھے ڈویژن شوریٰ کو پیش کئے گئے۔ بعدازاں ڈویژن شوریٰ نے کثرت رائے سے حسن ہاشمی کو ایم ڈبلیو ایم کراچی ڈویژن کا نیا سیکریٹری جنرل برائے سال ۲۰۱۳ تا ۲۰۱۶ منتخب کرلیا۔ حسن ہاشمی نے ڈویژنل شوریٰ کے ۷۰ فیصد سے زائد اراکین کے ووٹ حاصل کئے۔نومنتخب سیکریٹری جنرل ایم ڈبلیو ایم کراچی ڈویژن حسن ہاشمی سے علامہ امین شہیدی نے حلف لیا۔
افکار امام خمینی (رہ) کنونشن سے الوداعی خطاب میں علامہ صادق رضا تقوی کا کہنا تھا کہ الٰہی تنظیم میں عہدہ ایک بہت بڑی ذمہ داری ہوتی ہے، علامہ راجہ ناصر عباس جعفری نے قوم کو ایک تشخص دیا، قوم کو وقار دیا، اور قوم کو بحیثیت قوم اپنی انفرادی اور اجتماعی صلاحیتوں کا موازنہ کرکے میدان عمل میں حاضر رہنے کا جو درس ہمیں دیا ہے، وہ پوری ملت جعفریہ کے لئے کسی نعمت سے کم نہیں ہے۔
وحدت نیوز (کوئٹہ) بلوچستان اسمبلی کے اجلاس سے خطاب کرتے ہو ئے ایم ڈبلیو ایم کےممبر صوبائی اسمبلی آغا سید محمدرضا رضوی نےڈاکٹرعبدالمالک کو بلا مقابلہ وزیر اعلی منتخب ہونے پر اپنی اور مجلس وحدت مسلمین کی جانب سے مبارک باد پیش کی اور امید ظاہر کی کہ وہ بلوچستان میں مختلف اقوام کو ساتھ لے کر چلیں گے۔
انہوں نے کہا کہ گذشتہ پانچ سال میں گورینس نام کی کوئی چیز نہیں تھی ،اور امن امان کی جو صورتحال تھی وہ آپ سب کے سامنے ہے لاشیں گرتیں رہی لیکن کسی کو اس خون کو روکنے کی توفیق نہیں ہوئی یہاں تک کہ کوئی فاتحہ کے لئے بھی نہیں آیا ،انہوں نے کہا کہ جناب اسپیکر ہم سے ہمدردی کے بجائے ہمیں طعنے سنے کوملے ۔
انہوں نے کہا کہ امید کرتے ہیں کہ اس حکومت میں کہ جس کے لیڈر آف دی ہاوس ڈاکٹر مالک صاحب ہیں گوڈ گورینس کی ایک اچھی مثال قائم کرینگے لاءاینڈ آرڈر اور رٹ آف دی گورنمنٹ کے حوالے سے اچھی کوشش کرینگے ہمارا تعاون ہر حال میں ان کے ساتھ ہوگا۔
انہوں نے کہا کہ ابھی ہاوس میں کسی بھائی نے کہا کہ بلوچستان کا ایک مسئلہ فرقہ واریت کا ہے ،یہ مسئلہ فرقہ واریت کا نہیں ہے جناب سپیکر اگر یہ فرقہ واریت کا مسئلہ ہوتا تو دوطرفہ ہوتا ،یہ ایک کھلم کھلا دہشتگردی کا مسئلہ ہے ایک خاص گروہ اپنا ورژن اور اسٹائل آف لیوینگ کہ جس کا مذہب سے کوئی تعلق نہیں ہے سب پر نافذ کرنا چاہتا ہے جو بھی ان کی بات نہ مانے وہ اگلے دن مارا جاتا ہے۔
جناب سپیکر ہم سب حلف اٹھاچکے ہیں لیکن ہمیں اس بات کا بھی یہاں حلف اٹھانا ہوگا کہ ہم اس صوبے میں امن بھائی چارگی دوستی اور انسانیت کو فروغ دینگے کیونکہ باقی تمام مسائل اپنی جگہ لیکن امن و امان کا مسئلہ یہاں ہر ایک کی زبان پر ہے۔
جناب اسپیکر میں صراحت کا ساتھ یہاں یہ عرض کرنا چاہتا ہوں کہ بعض کالعدم تنظیموں کی جانب سے دھمکی آمیز بیانات نامعلوم جگہ سے نشر ہوتے ہیں سٹلائیٹ کے اس دور میں کیا کسی ریاست کے لئے نامعلوم کا یہ لفظ کیا عجیب اور مضحکہ خیز نہیں لگتا ؟آخر کیوں انہیں اتنی کھلی چھوٹ دے دی گئی ہے کہ وہ جسے چاہیں مار دیں گویا کہ ان کے پاس اس کا لائنس ہے۔
جناب اسپیکر ایک اور بات یہ ہے جب کسی خاص شخص یا ادارے کی کوتاہی کی بات کی جائے تو اس کا مطلب یہ نہیں کہ بات کرنے والا غدار ہے ماضی میں ایسا ہوتا رہا ہے کہ جب کوئی کوتاہی کی نشان دہی کرتا ہے تو اسے غدار کہا جاتا ہے ایسی کوئی بات نہیں ۔ہمیں اب یہ رویے چھوڑنا ہوگا کہ ہم غداری کا لیبل کسی جماعت یا شخص پر لگانا چھوڑدیں الحمد اللہ سب پاکستانی ہیں سب نے حلف بعنوان پاکستانی اٹھایا ہے ہوسکتا ہے کہ کوئی کسی پالیسی سے ناراض ہو اس کا مطلب یہ نہیں کہ وہ غدار ہے ۔
وحدت نیوز (حیدرآباد) علامہ امداد علی نسیمی کو آئندہ تین سال کیلئے مجلس وحدت مسلمین ضلع حیدر آباد کا سیکرٹری جنرل منتخب کرلیا گیا ہے۔ صوبائی سیکرٹری جنرل علامہ مختار امامی، صوبائی ڈپٹی سیکرٹری جنرل اور سیکرٹری تنظیمی سازی یعقوب حسینی نے اجلاس میں خصوصی شرکت کی۔ ضلعی کابینہ میں مولانا امداد علی نسیمی، عالم کربلائی، عاصم مرزا، اجمل مھدی، ندیم جعفری، قیصر زیدی، شکیل بھی شریک تھے۔
ضلعی شوریٰ نے متفقہ طور پر نئے سیکرٹری جنرل کیلئے دو نام مولانا امداد علی نسیمی اور مولانا گل حسن مرتضوی جبکہ ضلعی کابینہ نے بھی یہ دو نام پیش کئے۔ ضلعی الیکشن میں مولانا امداد نسیمی اکثریت سے اگلے تین سال کے لئے ضلعی میر کارواں منتخب ہوگئے۔
ضلع حیدر آباد کے جن یونٹس نے شرکت کی اس میں قاسم آباد، سحرش نگر، ٹنڈو میر غلام حسین لطیف آباد نمبر 9، سعادات کالونی، لطیف آباد نمبر 9، لطیف آباد نمبر 10، لطیف آباد نمبر 12، ٹنڈو میر نور محمد لطیف آباد نمبر 4، الھداد چند گوٹھ، کریم داد چھلگری گوٹھ، ٹنڈو آغا، ٹنڈو میر محمود، ٹنڈو یوسف، حر کیمپ، ٹنڈو سعید خان، شیخ موری، بلوچ خان لغاری، مسو خان، رحیم خان، مرید خان لغاری، بھینس پڑی، وانکی وسی، میوہ خان چھلگری، گل محمد چھلگری، جام خان لغاری، الھ بچایو چھلگری، ظھیر خان بارچ شامل ہیں۔
علامہ امداد علی نسیمی سے حلف صوبائی سیکرٹری جنرل مجلس وحدت مسلمین علامہ مختاراحمد امامی نے لیا۔
وحدت نیوز(کوئٹہ) مجلس وحدت مسلمین صوبہ بلوچستان کا کنونشن کوئٹہ میں منعقد ہوا۔ جس میں آئندہ تین سال کیلئے علامہ مقصود علی ڈومکی کو دوبارہ سال ۲۰۱۳تا ۲۰۱۶ تک کے لیئے ایم ڈبلیو ایم صوبہ بلوچستان کا سیکرٹری جنرل منتخب کرلیا گیا۔ مجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی نے علامہ مقصود ڈومکی سے حلف لیا۔ کنونشن میں صوبہ بھر سے مجلس وحدت مسلمین کے ضلعی مسئولین نے شرکت کی۔
اس موقع پر علامہ سید ہاشم موسوی ، علامہ ولایت حسین علامہ سہیل اکبر شیرازی اور کوئٹہ کے دیگر عمائدین بھی موجود تھے ۔ صوبائی شوریٰ کے اراکین اور شرکاء کنونشن نے کثرت رائے سے علامہ مقصود ڈومکی کو نیا صوبائی سیکرٹری جنرل منتخب ہونے پر مبارکباد پیش کی۔
تقریب حلف برداری سے خطاب کر تے ہو ئے علامہ محمد امین شہیدی کا کہنا تھا کہ مسئولیت خدا کی جانب سے امتحان کے سوا کچھ نہیں ، ہمیں گذرے ہو ئے ماہ و سال سے سبق حاصل کر تے ہو ئے آنے والے دور کے لیے حکمت عملی مرتب کر نی چاہیئے ، تنظیمی عہدے پر کسی نئی شخصیت کا آنا یہ اسی شخصیت کا دوبارہ منتخب ہو جا نا اہمیت نہیں رکھتا اہمیت رکھتی ہے کوئی چیز تو وہ ہے اس کا اپنے عمل کا خدا کے لیئے انجام دینا اورماضی کی لغزشوں اور کمزوریوں کو مدِ نظر رکھتے ہو ئے تنظیمی پالیسی مرتب کر نا ۔
علامہ امین شہیدی کا کہنا تھا کہ سرزمین بلوچستان شہداء کی سرزمین ہےاور خصوصاً اہل کوئٹہ جو کہ وارثین شہداء ہیں انکی بھاری ذمہ داری ہے کہ وہ مقصد و پیغام شہداء کو تا دم حیات زندہ و پائندہ رکھیں ۔ اور شہداء کی یاد کو اپنے قلوب میں تازہ رکھیں ۔
آخر میں علامہ امین شہیدی نے علامہ مقصود علی ڈومکی کے بحیثیت سیکریٹری جنرل منتخب ہونے کا اعلان کیا اور انکے لیئے نیک خواہشات کا اظہار کیا۔
وحدت نیوز (بلتستان) اسکردو پریس کلب پر گذشتہ بدھ کو حکومتی ایماء پر انتظامیہ کی سرپرستی میں غیر قانونی قبضے پر پیدا ہونے والی صورتحال پر غور کرنے کے لیے مجلس وحدت مسلمین پاکستان بلتستان ڈویژن کی دعوت پر پاکستان مسلم لیگ ن، پاکستان تحریک انصاف، گلگت بلتستان یونائیٹڈ موومنٹ اور انجمن تحفظ حقوق گلگت کے رہنماوں کی آل پارٹیز کانفرنس مجلس وحدت مسلمین پاکستان بلتستان ڈویژن کے سیکرٹریٹ میں منعقد ہوئی۔ کانفرنس میں واقعہ پر مختلف پہلووں سے غور و حوض کے بعد فیصلہ کیا گیا کہ صحافتی اداروں کیخلاف انتظامیہ کے ظالمانہ اقدامات کے خلاف مشترکہ طور بھرپور جدوجہد کی جائے گی اور پریس کلب اسکردو کی مقبوضہ عمارت اور سامان کی واپسی اور واگزاری کے لیے ہر ممکن اقدامات اٹھائے جائینگے۔
کانفرنس میں حکومت اور انتظامیہ کو متنبہ کیا کہ پریس کلب اسکردو کی عمارت کو فوری طور پر واپس نہ کرنے کی صورت میں آئندہ کے لائحہ عمل طے کرنے کے لیے فوری طور پر آغا علی رضوی کی سربراہی میں ایک کمیٹی تشکیل دیکر راست اقدامات کے لیے لائحہ عمل طے کیا جائے گا۔ اس مشترکہ کمیٹی میں مسلم لیگ نون کے وزیر اخلاق حسین، باقر حیدری، گلگت بلتستان یونائٹیڈ موومنٹ کے رہنماء غلام شہزاد آغا، انجمن تحفظ حقوق گلگت بلتستان کے رہنما راجہ زکریا علی خان اور پاکستان تحریک انصاف کے رہنما سید امیر شاہ کاظمی شامل ہونگے۔ اجلاس میں متفقہ قرارداد کے ذریعے نہ صرف پریس کلب کے حوالے سے حکومتی اقدامات کی بھرپور مذمت کی گئی بلکہ صحافیوں کے مطالبات کے حصول کے لیے ضرورت پڑنے پر جلسے، جلوس، دھرنوں اور ریلیوں کے انعقاد کا بھی فیصلہ کیا گیا۔
واضح رہے کہ پریس کلب اسکردو پر انتظامیہ کے غیر قانونی قبضے کے خلاف پریس کلب اسکردو کے ممبران اور دیگر صحافتی تنظیموں کا یادگارشہداء اسکردو پر احتجاجی کیمپ دسویں روز بھی جاری ہے اور پریس کلب کو واگذار ہونے تک احتجاجی کیمپ جاری رکھنے کا فیصلہ کیا گیا ہے جبکہ انتظامیہ اور گلگت بلتستان حکومت خاموش تماشائی بنی بیٹھی ہے۔
وحدت نیوز (اسلام آباد) مجلس وحدت مسلمین پاکستان کے خارجہ امور کی جانب سے جاری ہونے والے ایک بیان کے مطابق عراق میں زائرین پر حملہ کرنے والے تکفیری گروہ سامراجی ایجنڈے پر عمل پیرا ہیں ۔
اس بیانیہ کے مطابق گذشتہ روز عراق میں ایرانی زائرین پرحملہ کرکے چودہ افراد کو شہید اور متعدد کو زخمی کرنے والے دہشتگرد وں کا تعلق اس سامراجی ایجنڈے سے ہے جس کا ہدف عراق میں بدامنی سمیت مسلمان بھائیوں کے درمیان تفرقہ ایجاد کرنا ہے ،یہی وجہ ہے کہ گذشتہ چند ماہ سے عراق میں ایک بار پھر بے گناہ افراد پر حملوں کے سلسلے میں تیزی آگئی ہے۔
بیانیہ میں مزید آیا ہے کہ ہم اس بزدلانہ حملے کی شدید مذمت کرتے ہیں اور امت مسلمہ کو امریکہ صیہونزم اور ان کے آلہ کار تکفیری گروہوں سے ہشیار رہنے کی تلقین کرتے ہیں جو مسلم امت کوٹکڑوں میں تبدیل کرنا چاہتے ہیں ۔
وحدت نیوز (اسلام آباد) مرحوم آغا جعفر عرفان عملی کا بے مثل نمونہ تھے۔آغا جعفر امام خمینی رہ کے سچے پیروکاروں میں سے تھے، آغا جعفر عارف بااللہ تھے، آغا جعفر عرفان عملی کا بے مثل نمونہ تھے۔انقلابی جوانوں میں ولائی روح پھونکنے کا کار عظیم اسی عالم ربانی و عرفانی انجام دیا۔ ان خیالات کا اظہارسربراہ مجلس وحدت مسلمین پاکستان علامہ راجہ ناصر عباس جعفری نے عالم باعمل، عالم ربانی مرحوم آغا جعفر نقوی کی برسی کے موقع مرکزی میڈیا سیل کودیئے گئے اپنے تعزیتی بیان میں کیا۔
انہوں نے آغا جعفر کی شخصیت پر گفتگو کرتے ہوئے کہا کہ نہج البلاغہ میں امام علی ع نے جو متقین کی صفات بیان کی ہیں، ان میں سے اکثر و بیشتر صفات آغا جعفر میں موجود تھیں، آغا جعفر نے اسلام کے ہر پہلو کو اپنے اندر سمو لیا تھا، وہ امام خمینی رہ کے سچے پیروکاروں میں سے تھے۔اور قائد شہید عارف الحسینی سے عشق ان کی ذات کا خاصہ تھا ۔
علامہ راجہ ناصر عباس کا کہنا تھا کہ حقیقی عارف وہ ہوتا ہے کہ جو خدا سے کہے کہ میرا مال و اسباب، میری جان، میری اولاد، میرا سب کچھ تیرا ہی ہے اور مرحوم آغا جعفر عرفان عملی کا بے مثل نمونہ تھے۔ انہوں نے کہا کہ آپ ایک عالم ربانی تھے کہ جن کے در سے علم اور حرارت حاصل کئے ہوئے لوگ آج بھی معاشرے میں متحرک نظر آتے ہیں، انہوں نے مزید کہا کہ آغا جعفر اس دنیا سے نہیں گئے بلکہ اپنے ان شاگردوں کی صورت میں آج بھی زندہ ہیں کہ جو آج بھی خوف خدا میں زندگی بسر کر رہے ہیں اور اس معاشرے میں اپنی اجتماعی فعالیت کو جاری رکھے ہوئے ہیں۔
وحدت نیوز (بلتستان) اسیر بغداد حضرت امام موسی کاظم (ع) کی حیات طیبہ باطل نظام کے خلاف ڈٹ جانے کے لئے نمونہ عمل ہے۔ ان خیالات کا اظہار مجلس وحدت مسلمین پاکستان بلتستان ڈویژن کے سیکرٹری جنرل علامہ علی رضوی نے امام بارگاہ قائد آباد نیورنگاہ میں اقلیم امامت کے ساتویں تاجدار امام موسیٰ کاظم (ع) کی شہادت کے مناسبت سے منعقدہ مجلس عزا سے خطاب کے دوران کیا۔ مجلس عزا سے خطاب کرتے ہوئے علامہ علی رضوی نے کہا کہ ہمارے ہر امام معصوم کی حیات طیبہ ہر زمانے میں پوری انسانیت کے لیے مشعل راہ ہے۔ آپ کے والد بزرگوار امام جعفر صادق (ع) اور دادا امام محمد باقر ع کی زندگی کا مطالعہ کریں تو ہمیں علمی میدان میں آگے بڑھنے کا درس ملتا ہے جبکہ آپ کے جد امجد حضرت امام زین العابدین (ع) کی زندگی صبر تحمل اور عبادت و ریاضت میں نمونہ عمل ہے۔
انہوں نے کہا کہ امام موسی کاظم (ع) نے بھی اپنے جد امجد کے نقش قدم پر چلتے ہوئے صبر و رضا کی راہ میں استقامت دکھائی یہاں تک کہ آپ کی شہادت نے بنو عباس کی حکومت کے ایوانوں میں دراڑیں پیدا کردی جو کچھ ہی عرصے میں زمین بوس ہوگئی، جو آج پوری دنیا کے حکمرانوں کے لیے عبرت ہے۔ انہوں نے کہا کہ امام موسی کاظم (ع) نے برسوں قید و بند کی صعوبتیں برداشت کیں لیکن ظالم اور طاغوتی حکمرانوں سے زنجیروں میں بھی مقابلہ کرتے رہے اور ایک لحظہ کے لیے بھی ظالم نظام کو قبول نہیں کیا۔ انہوں نے کہا کہ ہمیں بھی امام موسی کاظم (ع) کی زندگی کو مشعل راہ بناتے ہوئے تمام ظالم قوتوں کے مدمقابل قیام کرنے کی ضرورت ہے۔
وحدت نیوز (مظفر آباد ) رہبر انقلاب اسلامی حضرت آیت اللہ خمینی اس صدی کے مجدد، اتحاد امت کے داعی اور مجاہد مبارز عالم دین تھے انہوں نے جو راستہ اختیار کیا وہ عالم اسلام اور مسلمانوں کی عزت، سربلندی اور افتخار کا راستہ ہے امام خمینیؒ اس شخصیت کا نام ہے کہ اہل دل کے ہزاروں قافلے کل بھی ان کے ہمرکاب تھے آج بھی ہیں اور ہمیشہ رہیں گے ان کی باتیں ان کی تحریریں ان کی تقریریں ان کی روشن فکر آہنی عزم،ثابت قدمی،شجاعت، غیرت، قوت فیصلہ ہر ہر پہلو میں امام حسین علیہ السلام کے کردار اور عزم صمیم کا عکس نظر آتا ہے امام خمینیؒ خود فرماتے ہیں ہم جو کچھ بھی ہیں اور ہماری کامیابیاں یہ سب حضرت امام حسین علیہ السلام اور کربلا کے واقعہ کا عکس و درس ہے۔
ان خیالات کا اظہار ریاستی سیکرٹری جنرل علامہ سید تصور حسین نقوی الجوادی نے مظفرآباد میں مجلس وحدت مسلمین آزاد جموں و کشمیر کے زیر اہتمام امام خمینی کی چوبیسویں برسی سے خطاب کرتے ہوئے کیا، ہوئے انہوں نے کہاخود امام خمینیؒ نے فرمایاتھا کہ ملت اسلامیہ اس مکتب کی پیرو ہے جس کا خلاصہ ان دو کلمات میں ہے نہ ظلم کرتے ہیں نہ ظلم سہتے ہیں لہذا آپ کے نزدیک مسلمانوں کی وحدت بنیادی نکتہ تھی تا کہ مسلمان متحد ہو کر طاغوت اور استعمار کا مقابلہ کر سکیں اسی لئے آپ نے فرمایا کہ شیعہ اور سنی اسلام کے دو مضبوط بازو ہیں ان میں تفرقہ ڈالنے والے درحقیقت طاغوت کے ایجینٹ ہیں ۔
علامہ سید تصور حسین نقوی الجوادی نے کہا کہ امام خمینی نے اتحاد و یکجہتی امت مسلمہ پر خصوصی توجہ دیتے ہوئے پیغام دیا تھا کہ اے مسلمانو! طاغوت اور استعمار تمہارے ہاتھ کاٹنا چاہتا ہے جبکہ تم نماز میں ہاتھ کھولنے اور باندھنے پر الجھ رہے ہو۔ انہوں نے کہا کہ آج امت مسلمہ جن مشکل ترین حالات سے گزر رہی ہے ان سے نکلنے کا واحد راستہ تعلیمات اسلام پر عمل پیرا ہونے اور فکر امام خمینیؒ کے مطابق اسلام کو اپنی زندگی کے ہر شعبہ میں بطور نظام نافذ کرنے میں ہے جب ہم اسلام کو بطور نظام اپنائیں گے تو اس وقت پوری دنیا میں ایک ممتاز مقام حاصل ہے اور کسی بھی طرح کے حالات کو خاطر میں لائے بٖیر امام خمینیؒ کے فرمان لا شرقیہ ولا غربیہ جمہوریہ اسلامیہ پر عمل کرتے ہوئے وقت کے طاغوت امریکہ اور اس کے حواریوں کی آنکھوں میں آنکھیں ڈال کرکھڑا ہے اور ہزار طرح کے حربوں اور دھمکیوں سے مرعوب ہوئے بغیر اپنے امور کو بطریق احسن سر انجام دے رہا ہے یہ وقت بنیادی طور پر اسلامی انقلاب اور محبت آل محمد علیھم السلام کی طاقت ہے، انہوں نے کہا آج لوگ دین اور سیاست میں جدائی کی بات کرتے ہیں جبکہ امام خمینیؒ نے تعلیمات نبوی اور اسلام کے اولین دور کو سامنے رکھتے ہوئے اسلامی حکومت کی بنیاد رکھی اور آج دنیا میں کامیاب ترین تر حکومت جمہوری اسلامی ہے۔
امام خمینی کے انتقال پر وطن عزیز کے معروف سکالر علامہ کوثر نیازی نے کہا تھا کہ امام خمینی امت مسلمہ کی پیشانی کا جھومر تھے انہوں نے ملت اسلامیہ کی عظمت رفتہ کی بحالی کے لئے خاطر خواہ خدمات سرانجام دیں۔ برسی کی تقریب سے ، علامہ سید طالب حسین ہمدانی،مولانا لطیف جعفری،مولانا مجاہد حسین کاظمی، سید سجاد حسین جعفری،مولانا ثمر عباس رضوی،مولانا حمید حسین نقوی اور دیگر مقررین نے خطاب کیا۔
وحدت نیوز (اسلام آباد)الیکشن 2013کے نتائج کا اعلان کر تے ہوئے مرکزی سیکریٹری سیاسیات ناصر عباس شیرازی کا کہنا تھا کہ ایم ڈبلیوایم کے امیدواروں نے انتخابات میں واضح برتری حاصل کی تھی ،لیکن مختلف حلقوں میں الیکشن کے دوران دھاندلی کے وہ رکارڈ قائم کیئے گئے جس کی مثالیں شاید آئندہ آنے والی نسلیں بھی یاد رکھیں گی ، جن کے ثبوت پوری دنیا نے اپنی ٹیلی وژن اسکرینز پر خوب ملاحظہ کیئے ،
اگر بات پولنگ اسٹیشن پر ہونے والے وسیاسی جماعتوں کی دھاندلی پر ہی ختم ہو جاتی تو کیا ہی بہتر تھا لیکن اس کے بعد الیکشن کمیشن آف پاکستان نے جس قدر جانبداری کا مظاہرہ کیا وہ بھی مثالی ہے ، تین دن تک نتائج روک کر بوگس نتائج جاری کیئے گئے ، ڈی جی خان ، جھنگ اور کراچی کے بعض حلقوں میں ہمارے مینڈیٹ کا استحصال کیا گیا ، الیکشن کمیشن آف پاکستان کی آفیشل ویب سائٹ پر آج تک بہت سے ایم ڈبلیو ایم کے امیدواروں کو آزاد ظاہر کیا جارہا ہے ، اور نتائج کو اس کمال مہا رت کے ساتھ مسخ کر کے پیش کیا گیا ہے کہ جن حلقوں میں مجلس وحدت کا امیدوار ٹاپ تھری پوزیشنز پر تھا وہ اب پانچویں اور آٹھویں پوزیشن پر پہنچا دیا گیا ہے، تاکہ ہمارے امیدواروں اور ووٹرز کو دل برداشتہ اور مایوس کیا جا سکے ،۔
ستم بالائے ستم یہ کے سیکریٹری الیکشن کمیشن انتخابات کے بعد پریس کانفرنس میں یہ کہتے سنے گئے کہ 94.6% الیکشن مکمل طور پر شفاف اور منصفانہ ہو ئے ہیں ، ان کے مطابق 5.94%دھاندلی ہو ئی ، مقام شرم ہے آزاد الیکشن کمیشن ، نگراں حکومت اور سکیورٹی ایجنسیس کے لیئے ، تمام تر زیادتیوں اور دھاندلیوں کے باوجود مجلس وحدت مسلمین پاکستان کے مرکزی الیکشن سیل نے انتہک کوششوں کے بعد پاکستان بھر کے ضلعی الیکشن سیل سے نتائج کی جمع آوری کا مرحلہ مکمل کیا ہے اور جو نتیجہ سامنے آیا وہ یہ ہے ۔
الیکشن کمیشن آف پاکستان :
ْقومی اسمبلی کل حاصل کردہ ووٹ 58561
مرکزی الیکشن سیل :
قومی اسمبلی کل حاصل کردہ ووٹ 124591
الیکشن کمیشن آف پاکستان :
صوبائی اسمبلی کل حاصل کردہ ووٹ 85068
مرکزی الیکشن سیل :
صوبائی اسمبلی کل حاصل کردہ ووٹ 227131
الیکشن کمیشن آف پاکستان :
قومی و صوبائی اسمبلی کل حاصل کردہ ووٹ 143629
مرکزی الیکشن سیل :
قومی و صوبائی اسمبلی کل حاصل کردہ ووٹ 351722
