The Latest
وحدت نیوز(اسلام آباد) وحدت یوتھ پاکستان کے مرکزی سیکریٹری جنرل مولانا ڈاکٹر یونس حیدری نے محرم الحرام کی مناسبت سے جاری اپنے ایک بیان میں کہا ہے کہ شہزادہ علی اکبر آسمانِ کربلا کا روشن اور چمکتا ستارہ، دنیا کے تمام جوانوں کے لئے اسوہ کامل ہیں. شہزادہ علی اکبر کی ذات، آپ کی شخصیت اور ایثار و قربانی کو دنیا کے گوش و کنار میں مختلف ذرائع سے عام کرنے کی ضرورت ہے. آپ کی شخصیت کو مختلف زاویوں سے سمجھنے کی ضرورت ہے. جناب شہزادہ علی اکبر کربلا کے وہ واحد شہید ہیں جن کے سراہنے پر مولا امام حسین ع سے پہلے زینب کبری پہنچی تھی اور آپ خَلقا و خُلقا و منطقا رسول اللہ سے مشابہت رکھتے تھے.
تمام جوانوں سے گزارش ہے کہ اپنے اپنے علاقوں میں یوم شہادت شہزادہ علی اکبر ع کو نہایت عقیدت و احترام سے منائیں اور مجالس عزاء کا انعقاد کریں.وحدت یوتھ پاکستان بانی مجلس کا کردار ادا کرے. تمام صوبائی اور ضلعی یوتھ سکریٹریز سے گزارش ہے محرم الحرام کے پہلے عشرہ میں یوم جوان کو نہایت عقیدت و احترام سے منانے کے لئے مجالس، سبیلیں، جلوس، نوحہ خوانی، مرثیہ خوانی کا حدالامکان اہتمام کریں اور شعارِ مثلی لا یبایع مثلہ کو عام کرنے کے ساتھ ساتھ یوم جوان کو بھی ملک کے گوش و کنار میں متعارف کرانے کی بھرپور کوشش کریں.
وحدت نیوز(لاہور) خانم سیدہ زہراء نقوی کی سربراہی میں مجلس وحدت مسلمین کے شعبہ خواتین کی کارکردگی کو ہم خراج تحسین پیش کرتے ہیں اور لاہور میں شعبہ خواتین کانیا سیٹ اپ بننا خوش آئند ہے ۔لاہور پنجاب کا دارلحکومت ہو نے کے عنوان سے بہت اہمیت کا حامل ہے لہذا شعبہ خواتین کا یہ نیا سیٹ اپ بھر پور طریقے سے ضلع لاہور میں تنظیم سازی ،تربیت اور فلاحی کاموں کو انجا دے ۔ان خیالات کا اظہار علامہ ناصر عباس جعفری نےمجلس وحدت مسلمین پاکستان شعبہ خواتین ضلع لاہور کے اجلاس کے آخر میں ٹیلی فونک خطاب کرتے ہو ئےکیا ۔
انہوں نے شعبہ خواتین کی کارکردگی کو سراہتے ہوئے کہا کہ خواتین کا الہی تنظیموں اور معاشرہ سازی میں کلیدی کردار رہا ہے خواتین جب میدان عمل میں اتر کر خالص الہی اہداف کی بنیاد پر کام انجام دیتی ہیں تو درحقیقت یہی ان کے لئے الہی تحفہ اور توفیق ہے۔ ہمیں وقت کے تقاضوں کے عین مطابق اپنی ذمہ داریوں کو درک کرنا ہے اور عملی میدان میں مضبوط ہو نا ہے خصوصاً ہمارے لئے تنظیمی اقدار ،اصول وضوابط سے آگاہی بہت ضروری ہے ۔
وحدت نیوز(لاہور ) مرکزی سیکرٹری جنرل مجلس وحدت مسلمین شعبہ خواتین خانم زہراء نقوی و ڈپٹی سیکرٹری جنرل خواہر تحسین زہراکی سربراہی میں لاہور میں ایک اہم اجلاس بمقام فیصل ٹائون منعقد ہوا جسمیں ملک بھر میں شعبہ خواتین مجلس وحدت مسلمین کی فعالیت اور کارکردگی پر روشنی ڈالی گئی ۔خانم زہراء نقوی نے تحریکوں میں خواتین کی اہمیت و دور حاضر میں الہی تنظیموں میں کردارکے عنوان پر روشنی ڈالی اور مجلس وحدت مسلمین کے اہداف و مقاصد کو وضاحت کے ساتھ بیان کیا ۔اجلاس میں لاہور کےگیارہ مختلف یونٹس سے معزز خواتین نے شرکت کی ۔خواہر تحسین زہراء شیرازی نے خواتین کی آگاہی و بیداری کے موضوع کے ساتھ ساتھ احساس مسئولیت و موجودہ کارکردگی کا جائزہ بھی لیا ۔ضلع لاہور کی سیکرٹری جنرل خانم لبنی زیدی کی طبیعت کی ناساز ی کی بنا ءپران کے عذر شرعی کو قبول کرتے ہوئے 9 رکنی ضلعی کمیٹی اتفاق رائے کے ساتھ تشکیل دے دی گئی جو تین ماہ میں مرکز کی طرف سے دئے گئے پروگرامز کو عملی جامعہ پہنائے گی اور دستوری طریقہ کار کے مطابق آئندہ کےلئے لائحہ عمل اختیار کرے گی سنیئرز اور سابقین کا تعاون انکے ہمراہ ہو گا ۔کمیٹی میں شامل خواہران کے اسماء گرامی درج ذیل ہیں ۔ خانم عصمت نقوی ذاکرہ اہلبیت ، خانم رباب نقوی فاضلہ قم ، خواہر عظمیٰ تقوی ذاکرہ اہلبیت ، خانم صبا تقوی ذاکرہ اہلبیت ، خواہر نورین حیدر ، خانم راحت فردوس استاد کلاس قرآن ، خواہر نرجس بتول ، خواہر ذکیہ بتول نجفی فاضلہ قم ۔
وحدت نیوز(کراچی) مجلسِ وحدت مسلمین شعبہ خواتین کراچی ضلع وسطی کی جانب سے تربیتی اور تنظیمی ورکشاپ کا اہتمام بارگاہِ فاطمہ(ع) انچولی میں کیا گیا۔پروگرام کا باقائدہ آغاز تلاوتِ قرآن پاک سے کیا گیا جسکے بعد خواہر نایاب جعفری ڈپٹی سیکرٹری ایم ڈبلیوایم شعبہ خواتین کراچی ضلع وسطی نے تمام معزز شرکاء خواتین اور مقررین کو خوش آمدید کہا۔عیدِ غدیر اور عیدِ مباہلہ کی مناسبت سے مبارکباد پیش کی۔
نظامت کی زمہ داری خواہر سیدہ بنین زہرہ نے سر انجام دی،جبکہ آغازِ پروگرام میں ہدیہ حمد خواہر ثناء زہرہ(رضویہ یونٹ) نے اور ہدیہ نعت بارگاہِ رسول(ص) میں خواہر زرین سیکرٹری جنرل ایم ڈبلیوایم شعبہ خواتین ضلع وسطی نے پیش کی۔
موضوعِ بمناسبت غدیر، مباہلہ اور کربلا کے عنوان سے خواہر ندیم زہرہ( سیکرٹری تعلیم و تربیت ایم ڈبلیوایم شعبہ خواتین کراچی ضلع وسطی نے مفصل روشنی ڈالی اور معاشرے میں اس نظامِ غدیر و نظامِ ولایت کی اہمیت و افادیت اور نفاذپر تفصیلی گفتگو کی،دورانِ پروگرام خواہر معصومہ سیکرٹری فلاح و بہبود ایم ڈبلیوایم شعبہ خواتین کراچی ضلع وسطی نے بارگاہِ اہلیبیت(ع) میں ہدیہ منقبت پیش کی۔
بمناسبت عنوان تنظیمی تربیت اہمیت و افادیت کے لئے مجلسِ وحدت مسلمین شعبہ خواتین پاکستان کی مرکزی سیکریٹری جنرل خواہر زہرہ نقوی کو دعوت دی گئ۔آپ نے انتہائی مفصل انداز میں کسی بھی تنظیم کے لئے اسکی تنظیمی افراد کے لیے تربیت کی اہمیت اور اس سے حاصل ہونے والے فوائد پر روشنی ڈالی اور آج کے معاشرے میں کردار سازی کیلئے تنظیمی نظم و ضبط کی افادیت پر خطاب کیا،اس پروگرام میں خصوصی شرکت مجلسِ وحدت مسلمین شعبہ خواتین کراچی کی جنرل سیکرٹریرز خواہر ہما جعفری اور خواہر سیدہ ثناء عابدی نے کی۔
وحدت نیوز (اسلام آباد) وحدت یوتھ پاکستان کے مرکزی ڈپٹی سیکریٹری جنرل برادر تنصیر شہیدی نے وحدت نیوزسے گفتگو کرتے ہوئے کہا ہے کہ اس سال وحدت یوتھ پاکستان محرم الحرام کو ’’مثلی لایبایع مثلہ‘‘مجھ (حسین ؑ)جیسا یزیدلعن جیسے کی بیعت نہیں کرسکتاکے عنوان سے منائے گی، وحدت یوتھ سید الشہداءؑ کے اس فرمان کی روشنی میں ایام عزا میں تمام فعالیت انجام دے گی، جبکہ تمام تر تشہری اور رابطہ مہم میں بھی یہی شعار استعمال ہو گا، انہوں نے کہا کہ اس شعار کو اپنانے کا مقصد نوجوان نسل کو دور حاضر کی یزیدی قوتوں سے برائت اور نفرت کو مذید تقویت فراہم کرنا اور مثل امام حسین ؑ عصرکی باطل قوتوں کے مقابل برسرپیکار علمائے حق کی اطاعت کی تلقین کرنا ہے ۔
وحدت نیوز(کراچی) وحدت یوتھ کراچی کے تحت منعقدہ ڈیفنس ڈے کرکٹ ٹورنامنٹ کے فائنل میچ میں سٹرڈےاسپورٹس کلب نے عسکری الیون کو شکست دے کر ٹورنامنٹ اپنے نام کرلیا،فائنل میچ نیورضویہ سوسائٹی اسپورٹس گرائونڈ میں کھیلا گیا، وحدت یوتھ کراچی کی جانب سے فاتح ٹیم کو پچاس ہزار روپے نقد اور اعزازی ٹرافی سے نوازا گیا جب کے شکست کھانے والی ٹیم کو دس ہزار روپے انعام دیا گیا ،اختتامی تقریب کے مہمان خصوصی مرکزی سیکریٹری وحدت یوتھ پاکستان ڈاکٹر یونس حیدری تھے جنکے ہمراہ ڈویژنل سیکریٹری جنرل میثم رضا عابدی ،علامہ مبشر حسن ، ڈویژنل سیکریٹری وحدت یوتھ زیشان حیدرودیگر نے کھلاڑیوں میں انعامات تقسیم کیئے، اس موقع پر گفتگو کرتے ہوئے مرکزی سیکریٹری یوتھ مولانا ڈاکٹر یونس حیدری نے وحدت یوتھ کراچی کی جانب سے کامیاب کرکٹ ٹورنامنٹ کے انعقاد پر مبارک باد پیش کی جبکہ آئندہ بھی ایسی غیر نصابی سرگرمیوں کو جاری رکھنے کی ہدایت کی، انہوں نے کہاکہ معاشرتی بگاڑ اور بے راہ روی سے نجات سمیت صحت مند معاشرے کی تشکیل کیلئے کھیل کود کا فروغ نہایت ضروری ہے،جس کے لیئے وحدت یوتھ کو ملک بھرمیں ایسے پروگرامات تشکیل دینے چاہئیں ، آخر میں ڈویژنل سیکریٹری یوتھ سید زیشان حیدر نقوی نے اعلان کیا کہ کھلاڑیوں کی جانب سے بے پناہ پزیرائی اور اسرارکو مدنظر رکھتے ہوئے ماہ محرم الحرام کے بعد انشاءاللہ دوسرا ٹورنامنٹ منعقد کیا جائے گا جس میں شہر بھر ٹیمیں حصہ لیں گی۔
وحدت نیوز(مری) بھمبروٹ سيداں مرى ميں مجلس وحدت مسلمین شعبہ خواتين کے زير اہتمام 11 جوڑوں کى اجتماعى شادى کى تقريب منعقد ہوئی۔شادى کے بندھن ميں بندھنے والے11 جوڑوں ميں سے 8 اہل تشيع سادات اور 3 اہل سنت جوڑے شامل ہيں ۔. تقريب کے مہمانان خصوصى ڈپٹى سيکرٹرى جنرل ايم ڈبليو ايم پاکستان ناصر عباس شيرازى ، سيکرٹرى جنرل ضلع راولپنڈى علامہ على اکبر کاظمى اور شعبہ خواتين کى مرکزى سيکرٹرى تربيت خانم سيدہ نرگس سجاد جعفرى تھيں۔شادى کى تقريب کے تمام انتظامات ايم ڈبليو ايم کے شعبہ ویلفیئرخير العمل فائونڈیشن نے کيے تھے۔
ڈپٹى سيکرٹرى ايم ڈبليو ايم پاکستان ناصر عباس شيرازى اور علامہ سيد على اکبر کاظمى نے نقدى اور تحائف نو بياہتا جوڑوں ميں تقسيم کيے اور جہيز بھى ديا گيا۔ تقريب سے خطاب ميں برادر ناصر عباس شيرازى نے نوبياتا جوڑوں کو مبارکباد پيش کى، انھوں نے سيکرٹرى جنرل علامہ راجہ ناصر عباس جعفرى کى جانب سے نيک خواہشات کا پيغام بھى پہنچايا اور منتظمين کى کاوش کو سراہا ،ان کا کہنا تھا کہ مجلس وحدت مسلمین رنگ نسل فرقہ يا مذہب کى تميز کيے بغير انسانى خدمت پر يقين رکھتى ہے۔
تقريب سے خطاب ميں اہل سنت عالم دين مولانا ابرار قادرى نے مجلس وحدت مسلمین کى جانب سے اتحاد امت کےليے کى جانے والى کاوشوں کو خراج عقيدت پيش کيا۔انھوں نے کہا کہ مجلس وحدت نے شيعہ سنى مسلمانوں کو قريب لا کر تکفيرى سوچ رکھنے والے عناصر کو ان کے مزموم مقاصد ميں ناکام کرديا۔تقريب ميں اہليان علاقہ کى بڑى تعداد نے شرکت کى اور مجلس وحدت کے اس اقدام پر بھرپور خوشى کا اظہار کيااور متظمين بالخصوص دختر ڈاکٹر محمد على نقوى شھيد خانم زہرا نقوى کو خراج تحسين پيش کيا۔ تقريب ميں ضلع راولپنڈى کے سيکرٹر ى روابط اظہر کاظمى سيکرٹرى فلاح و بہبود ناصر عباس شیعہ ايکشن کميٹى و انجمن جانثاران اہليبيت کے راہنما زاہد حسين جعفرى ،سا دات کوہسار ويلفئير ايسوسى ايشن کے بانى راہنما امداد حسين نقوى ،خطيب جامع مسجد بھمبروٹ سيداں مولانا ضيغم عباس جعفرى ،خطيب مسجد حسينى سنگسيرى مولانامنير بلوچ سماجى و مذہبى راہنما ٹيچر سيد ثاقب حسين جعفرى نے بھى شرکت کی۔
وحدت نیوز(لاہور) مجلس وحدت مسلمین یوتھ ونگ ضلع لاہورکے زیر اہتمام یوم دفاع کے مناسبت سے کرکٹ ٹورنامنٹ کا نعقاد کیا گیا جس میں ضلع بھر سے آٹھ ٹاوئنز کی ٹیموں نے حصہ لیا ،باری سٹوڈیو ارینا سپورٹس کمپلکس میں ٹورنامنٹ کا افتتاح مجلس وحدت مسلمین یوتھ کے مرکزی سیکرٹری ڈاکٹر یونس حیدری کیا،بڑی تعداد میں شہری میچیز سے لطف اندوز ہوتے رہے،اس موقع پر ڈاکٹر یونس حیدری سیکرٹری یوتھ مجلس وحدت مسلمین پاکستان کا کہنا تھا کہ نوجوانوں میں غیر نصابی سرگرمیوں کو مثبت انداز میں آگے بڑھانے کے لئے ہم نے ملک بھر میں یوتھ کے لئے مختلف پروگرامز مرتب کئے ہیں ،تاکہ نوجوانوںکو جذبہ حب الوطنی کیساتھ اپنی صلاحیتوں کو اچھے انداز میں اجاگر کرنے کا موقع میسر آسکے،کراچی اور لاہور میں کرکٹ ٹورنامنٹ کا آغاز اسی سلسلے کی ایک کڑی ہے،انشااللہ اسی طرح ہم دیگر قومی دن کے مواقع پر بھی نوجوانوں میںمثبت اور تعمیری سرگرمیوں کو فروغ دینے کے لئے پروگرامز ترتیب دے رہے ہیں،کرکٹ ٹورنامنٹ میں فائل گنج بخش ٹاون کی ٹیم نے جیت فتخ اپنے نام کرلی،اور فاتح ٹیم کو دس ہزار روپے کیش اور ٹرافی اور ٹورنامنٹ میں شریک تمام ٹیموںمیں اسناد اور ٹرافیاں تقسیم کی۔
وحدت نیوز(حیدرآباد) مجلس وحدت مسلمین ضلع حیدرآباد شعبہ خواتین کی شوریٰ کا اجلاس مرکزی سیکریٹری جنرل خانم زہرا نقوی کی زیر صدارت منعقد ہوا، جس میں اراکین شوریٰ سمیت کراچی ڈویژن کے رہنما مولانا علی انور جعفری، ضلع حیدرآباد کے سیکریٹری جنرل ایڈووکیٹ رحمٰن رضا اور ڈپٹی سیکریٹری جنرل صفدر عباس سمیت صوبائی کمیٹی کی ارکان خواہر ثنا جمیل، خواہر ھہا مہدی، خواہر صغیر تقوی نے خصوصی شرکت کی ،اراکین شوریٰ حق رائے دہی کا استعمال کرتے ہوئے خانم عظمیٰ تقوی کو آئندہ تین سال کے لئے ایم ڈبلیوایم شعبہ خواتین ضلع حیدرآباد کا سیکریٹری جنرل منتخب کرلیا، نومنتخب سیکریٹری جنرل سے مرکزی سیکریٹری جنرل خانم زہرا نقوی نے حلف لیا، جبکہ اجلاس کے اختتام پر کتب بینی، دین شناسی کورس اور شعبہ خواتین میں بہترین کارکردگی کا مظاہرہ کرنے والی خواہران میں اعزازی شیلڈز اور اسناد تقسیم کی گئیں۔
وحدت نیوز(اسلام آباد) مجلس وحدت مسلمین شعبہ خواتین کی سیکرٹری امور تربیت خانم نرگس سجاد جعفری نے ساہیوال میں سی ٹی ڈی کے خواتین کے شعیہ مدرسہ پر چھاپے کی شدید مذمت کی ان کا کہنا تھا کہ پنجاب پولیس نے چادر اور چار دیواری کا تقدس پامال کیا ہے، انہوں نے کہا کہ ایسی کاروائیوں سے ملت تشیع میں عدم تحفظ کا احساس بڑھ رھا ہے. NAP کے تحت دہشتگردوں کے خلاف کاروائیاں کرنے کے بجائے پر امن شعیہ اور اہلسنت مکتب فکر کو نشانہ بنایا جارہا ہے مرکزی سیکریٹریٹ سے جاری بیان میں خانم نرگس کا کہنا تھا کہ اس انداز کی بلاجواز کاروائیوایوں کو برداشت نہیں کیا جائے گا۔ انھوں نے کہا کہ اس طرح ہمارے حوصلوں کو توڑا نہیں جاسکتا حکومت وقت ذمہ داروں کو کٹہرے میں لائے ۔
انھوں نے کہا کہ ۲ ستمبر کو مجلس وحدت مسلمین پاکستان کے مرکزی سیکرئڑی جنرل علامہ راجہ ناصر عباس جعفری نے پنجاب ہاوس پر دھرنے کا اعلان کیا تھا، جس پر پنجاب حکومت نے رابطہ کرکے ان مسائل(عزادری میں روکاوٹ، بلا جواز گرفتاری، ذاکرین پر پابندی وغیرہ) کو حل کرنے کی یقین دہانی کروائی مگر موجود حالت دیکھ کر انداز ہوتا ہے کہ حکومت شیعہ مسلمانوں کے ساتھ اپنا رویہ تبدیل کرنے میں سنجیدہ نہیں ہے ۔
