وحدت نیوز (ملتان) مسلم لیگ (ن) کے ممبر صوبائی اسمبلی حلقہ پی پی 196 رانا محمودالحسن نے مجلس وحدت مسلمین جنوبی پنجاب کے سیکرٹری جنرل علامہ سید اقتدار حسین نقوی سے صوبائی دفتر میں ملاقات کی، اس موقع پر ایم ڈبلیو ایم کے سیکرٹری سیاسیات سخاوت علی، ضلعی سیکرٹری جنرل سید ندیم عباس کاظمی، سید وسیم عباس زیدی اور امیر حسین گیلانی بھی موجود تھے۔ دونوں رہنمائوں نے ملکی اور مقامی مسائل کے حوالے سے تبادلہ خیال کیا، ملاقات کے دوران شیعہ آبادیوں کے مسائل کے حوالے سے نشاندہی کی گئی جسے لیگی رہنما نے حل کرانے کی یقین دہانی کرائی، اس موقع پر مجلس وحدت مسلمین کے رہنمائوں نے پنجاب اور ملک بھر میں ہونے والی شیعہ ٹارگٹ کلنگ پر اپنے تحفظات کا اظہار کرتے ہوئے شدید احتجاج کیا، اس موقع پر رانا محمودالحسن نے اس حوالے سے احتجاج اعلی قیادت تک ریکارڈ کرانے کا وعدہ کیا۔