وحدت نیوز(گلگت) کراچی تا گلگت ظالم حکمرانوں سے اپنے حقوق کی جنگ لڑ رہے ہیں، مجلس وحدت مسلمین گلگت بلتستان کے آنے والے الیکشن میں بھر پور حصہ لے گی،خون کا آخری قطرہ گرنے تک ہم طالبان سے مزاکرات کی مخالفت کرینگے۔ ان خیالات کا اظہار مقررین نے مجلس وحدت مسلمین پاکستان صوبہ گلگت بلتستان کے تحت منعقدہ دفاع وطن کنونشن میں خطاب کرتے ہوئے کیا۔ مقررین میں مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری، مرکزی ڈپٹی سیکریٹری جنرل علامہ محمد امین شہیدی، سینیٹر فیصل رضا عابدی، سنی اتحاد کونسل پاکستان کے سربراہ صاحبزادہ حامد رضا، رکن بلوچستان اسمبلی آغا سید رضا رضوی سمیت دیگر افراد شامل تھے جبکہ اس موقع پر قائد ملت جعفریہ گلگت بلتستان علامہ سید راحت حسینی،حاجی فدا محمد ناشاد، صوبائی وزیر خزانہ گلگت بلتستان محمد علی اختر، جماعت اسلامی کے رہنما عطاء اللہ شہاب، علامہ شیخ نیئر عباس مصطفوی، علامہ شیخ بلال سمائری سمیت گلگت بلتستان کے جید علماء کرام بھی بڑی تعداد میں موجود تھے۔دفاع وطن کنونشن میں لاکھوں کی تعداد میں شرکاء کی شرکت نے گلگت کی تاریخ کے تما م ریکارڈ توڑ دیئے۔

شرکائے کنونشن سے خطاب میں ایم ڈبلیو ایم کے سربراہ علامہ راجہ ناصر عباس جعفری کا کہنا تھا کہ ڈرون حملے اور طالبان کی دہشت گردی دونوں ہی پاکستان کی سالمیت کیلئے اہم خطرہ ہیں، حکومت وقت دہشت گردوں سے مذاکرات کے بجائے ڈرون طیاروں کو گرائے اور فی الفور ملک بھر میں امریکی ایجنٹ طالبان دہشت گردوں کے خلاف فوجی آپریشن کرے، ہم نے مجلس وحدت مسلمین کے پلیٹ فارم سے پوری دنیا میں جاری دہشت گردی اور انتہاء پسندی کی بھر پور مخالفت کی ہے،ہم پاکستان کی اٹھارہ کروڑ عوام کے دل کی آواز ہیں کسی بھی دہشت گرد کو اس ملک میں پنپنے نہیں دینگے۔ مجلس وحدت مسلمین گلگت بلتستان کے آنے والے الیکشن میں بھر پور حصہ لے گی، انشاء اللہ آنے والے الیکشن میں گلگت بلتستان سے وہ لوگ اسمبلی میں جائیں گے جو ان کے حقوق کی آواز اٹھائیں گے، پاکستان کے غیرت مند غیور عوام نے دفاع وطن کنونشن میں بے مثال شرکت کرکے ملک دشمن ، اسلام دشمن عنا صر اور انکی حمایت کرنے والی جما عتوں کو مسترد کردیا ہے۔ مجلس وحدت مسلمین نے ہمیشہ مظلوم عوام کی ہمایت کے لیے آواز بلند کی ہے،وحدت امت کے لئے بستی بستی کریہ کریہ جاکر پیغام پہنچا ئیں گے،کراچی تا گلگت ظالم حکمرانوں سے اپنے حقوق کی جنگ لڑ رہے ہیں اور انشاء اللہ ظالم حکمرا نوں کو اپنی وحدت کی طاقت سے شکست دیں گے۔ گلگت اور بلتستان میں آج جو شیعہ سنی وحدت کا انقلاب برپا ہوا ہے اس کی آواز پورے ملک میں گونجے گی اور وحدت کی یہ صدا عنقریب دشمن کی سازشوں کو ناکام کردے گی، آج کے اس تاریخ ساز اجتماع نے ثابت کردیا کہ پاکستان کے شیعہ اور سنی متحد ہیں اور عاشقان محمد (ص) وآ ل محمد (ع)کا یہ اتحاد ملک کو دہشت گردی کے چنگل سے نجات دلا کر ہی دم لے گا، خطے میں امریکی اور سعودی برانڈ دہشت گردی دم توڑ رہی ہے اور امریکی سرمایہ سے پاکستان کو فرقہ واریت کی آگ میں لپیٹنے والے شیعہ سنی اتحاد دیکھ کر مایوس ہورہے ہیں،مجلس وحدت مسلمین ملک بھر کے مظلوموں کی نمائندہ جماعت ہے ،گلگت ؛بلتستان کے تمام مسالک اور برادیوں کے افراد کے لئے دہشت گردی کے خلاف ایک سایہ بنیں گے، ہم آج کے پلیٹ فارم سے اسماعیلی برادری، نوربخشی برادری سمیت تمام مسالک کے افراد کو امن کو پیغام دیتے ہیں ،انشاء اللہ اپنے اتحاد سے وطن کو امن کا گہوارہ بنائیں گے۔

وحدت نیوز(گلگت) انقلاب انقلاب سننے کو ملتا ہے مگر انقلاب کا نعرہ لگانے والے خود اقتدار کے مزے لوٹ رہے ہیں، اصل انقلاب وہ تھا جو گلگت بلتستان کی غیور عوام 1948 ء کو نومبر کے مہینے میں لائی تھی،گلگت بلتستان سمیت ملک بھر میں شعیان حیدر کرار پر ظلم کے پہا ڑ توڑدیئے گئے،ایک ڈرون حملے میں مرنے والے دہشت گردوں پر حکومت سوگ منا رہی ہے خوفزدہ ہے،ان خیالات کا اظہارسینیٹرسید فیصل رضا عابدی نے مجلس وحدت مسلمین پاکستان گلگت بلتستان کی جانب سے مومن بازار میں منعقدہ دفاع وطن کنونشن سے خطاب کر تے ہو ئے کیا۔

ان کاکہنا تھا کہ مٹھی بھر دہشت گردوں نے پورے ملک کو یر غمال بنا رکھا ہے،پاکستان میں سعودیہ کی ا یماء پر کشت و خون بہایا جارہا ہے، تمام جما عتوں نے حکیم اللہ محسود کو مائی باپ مان لیا ہے، ان جماعتوں کو بے گناہ عوام کا خون نظر نہیں آتا، امن کا دم بھرنے والے حکمران سوات سمیت شمالی وزیرستان اور دیگر علاقوں میں امن قائم کر لیں پھر مذاکرات کی با ت کریں، ہم سے زیادہ پاکستان کا وفا دار کوئی نہیں ہے، مذاکرات کے لئے سنی اتحاد کونسل سمیت اہل تشیع کو بھی شامل کیا جائے جس دن علماء اجازت دینگے طالبان کو چھپنے کی جگہ نہیں ملے گی، اس دور میں عاشقان محمد (ص) کو متحد ہو نے ضرورت ہے۔

وحدت نیوز(گلگت) دفاع وطن کنونشن میں خطاب کر تے ہوئے مجلس وحدت مسلمین پاکستان کے مرکزی ڈپٹی سیکریٹری جنرل علامہ محمد امین  شہیدی نے کہا کہ ہمیں فخر ہے ان شہیدوں پران کے وارثین پر کہ جنہوں نے اپنی جانوں کے نذرانے پیش کئے لیکن کبھی بھی ظالم کے آگے سر نہیں جھکایا،گلگت بلتستان کی عوام کے حقوق آج تک نہیں دیئے نام نہاد صوبائی سیٹ اپ کے نام پر یہاں کی عوام کے ساتھ مذاق کیا گیا، گلگت بلتستان کو قومی اسمبلی اور سینٹ میں سیٹ دی جائے،پاکستان میں کوئی شیعہ سنی تفرقہ نہیں ہے، اگر یہ حکومت طالبان سے مزاکرات کرے گی تو بھر پور مخالفت کرینگے، خون کا آخری قطرہ گرنے تک ہم طالبان سے مزاکرات کی مخالفت کرینگے، ہم بین المذاہب ہم آہنگی کے قائل ہیں،ہم کسی کو کافر نہیں کہتے، ملک میں نظام مصطفی نافذ کیا جائے، اسی میں سب کی بھلا ئی ہے۔ ہماری بھی اور پاکستان کی بھی۔ علامہ امین شہیدی  نےمذید  کہا کہ گلگت بلتستان کی عوام نے اپنے سیاسی حقوق کے حصول کی جدوجہد کا آغاز کردیا ہے اور آئندہ کے قانون ساز اسمبلی کے انتخابات میں اس سرزمین سے خیانت کے مرکتب لوگوں کو تاریخی  شکست دیں گے۔

وحدت نیوز(گلگت)  مجلس وحدت مسلمین گلگت بلتستان کے زیراہتمام شہید کیپٹن ضمیرعباس چوک مومن بازار گلگت میں عظیم الشان "دفاع وطن کنونشن" کا تلاوت کلام پاک سے باضابطہ آغاز ہوگیا ہے، جس میں ہزاروں کی تعداد میں عوام شریک ہیں، جبکہ قافلوں کی آمد کا سلسلہ جاری ہے۔جلسے کے آغاز کے پانچ منٹ بعد ہی پنڈال میں لگی تمام نشستیں عوام سے پر ہوگئیں ، پنڈال میں تل دھرنے کی گنجائش موجود نہیں ، عوام کی ایک بہت بڑی  تعداد اطراف کی چھتوں پرچڑھ گئی ہے ، جو انہماک کے ساتھ مقررین کے خطابات سماعت کر رہے ہیں ،  منتظمین عوام کے لئے مذید نشستوں کا انتظام کر نے میں مصروف ہیں ، تفصیلات کے مطابق آج علی الصبح ہی گلگت بلتستان کے مختلف علاقوں سے قافلوں کی آمد کا سلسلہ جاری رہا اور اب بھی مذیدکئی قافلے اجتماع میں شرکت کیلئے گلگت شہر پہنچ رہے  ہیں۔جیسے ہی ایم ڈبلیو ایم بلتستان کے سیکریٹری جنرل علامہ آغا سید علی رضوی اسٹیج پر خطاب کے لئے تشریف لائے گلگت کی فضاء لبیک یا حسین (ع) کےنعروں سے گونج اٹھی ، چار سو عوام کا ٹھاٹھے مارتا سمندر دکھائی دے رہا ہے ،  اجتماع سےناصر ملت  علامہ ناصر عباس جعفری، علامہ امین شہیدی، ناصر شیرازی ایڈووکیٹ ،سینیٹر فیصل رضا عابدی، سنی اتحاد کونسل کے سربراہ صاحبزادہ حامد رضا اور دیگر مقررین خطاب فرمائیں گے۔

وحدت نیوز(بلتستان) جشن آزادی گلگت بلتستان ملک کے نام نہاد حکمرانوں کے ضمیروں پر دستک ہے، چھیاسٹھ سال سے زائد عرصہ گزرنے کے بعد بھی گلگت بلتستان کو آئینی حیثیت نہ ملنا لمحہ فکریہ ہے، گلگت بلتستان کو پاکستان کا آئینی حصہ بنانے کے لیے بھرپور جدّوجہد کی جائیگی۔ ان خیالات کا اظہار مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے جنگ آزادی گلگت بلتستان کے موقع پر اپنے ایک بیان میں کیا۔ انہوں نے کہا کہ جنگ آزادی گلگت بلتستان اس قوم کا درخشندہ اور تابناک باب ہے، جس دن اس خطہ کے غیور اور جرات مند جوانوں نے اپنی قوت بازو سے ڈوگرہ فوج کو مار بھگایا اور ریاست گلگت کے قیام کے بعد پاکستان سے الحاق کر دیا، لیکن افسوس کا مقام ہے کہ ہماری اسٹیبلشمنٹ نے آج تک اس خطہ کو دل سے قبول نہیں کیا اور ہمیں حقوق سے محروم رکھا گیا ہے، جبکہ یہ عوام وطن عزیز پاکستان کے سرحدوں کے محافظ اور اس سرزمین کے امین بیٹے ہیں۔

انہوں نے کہا کہ اس خطّہ کو ہمیشہ سے تعصبّات کی بھینٹ چڑھایا گیا اور وسائل سے پر اس خطہ کو نظر انداز کیا جاتا رہا۔ مسئلہ کشمیر سے گلگت بلتستان کو ملانا ریاست سے خیانت کے مترادف ہے۔ اس خطہ کے غیور عوام نے مسلّح جدوجہد کے بعد آزادی حاصل کی اور بعد میں وطن عزیز پاکستان سے غیر مشروط طور پر الحاق کا اعلان کر دیا۔ اس کے باوجود اس کو مسئلہ کشمیر سے ملانا افسوسناک ہے۔ علامہ آغا علی رضوی نے اپنے بیان میں کہا کہ حکمرانوں کو چاہیے کہ اس خطہ کے محب وطن، غیور عوام کو باعزت تشخص دیں اور دشمن کے عزائم کو خاک میں ملائیں۔

وحدت نیوز(گلگت) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے اپنے دورہ دفاع وطن گلگت کے موقع پر جامع مسجد چھلت نگر میں نماز جمعہ کے اجتماع سے خطاب کیا جس میں ان کا کہنا تھا کے وطن پاکستان کا دفاع صرف شیعہ قوم ہی کر سکتی ہے کیو ں کہ ہمارا کسی ملک دشمن قوت سے کوئی تعلق نہیں ان کا کہنا تھا کہ اس دھرتی گلگت بلتستان کے غیور فرزندوں نے اپنی قوت سے اس خطے کو ڈوگراہ راج سے آزاد کروا کے خود کو پاکستان کے ساتھ ملایا لیکن ان بد بخت حکمرانوں نے اس خطےکو ہمیشہ آئینی حقوق سے محروم رکھا لیکن عنقریب وہ وقت دور نہیں جب اس قوم کو مایوسی سے نکالا جائے گااور اہلیان گلگت بلتستان اپنا قانونی اور آئینی حق حاصل کر کے رہیں گے۔