The Latest
وحدت نیوز (کراچی) مجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی نے کہا ہے کہ شہر قائد میں پروفیسر وحید الرحمان (یاسررضوی) کی ٹارگٹ کلنگ انتہائی افسوسناک واقعہ ہے گزشتہ 3روز میں ٹارگٹ کلنگ کا جن بوتل سے باہر آگیا جوکہ حکومت و ریاستی اداروں کی کارکردگی پر سوالیہ نشان ہے، دہشتگرد بلااستثناء سنی شیعہ مسلمانوں کو مار رہے ہیں،اس قبل جامعہ کراچی کے عظیم استاد ڈاکٹر شکیل اوج کو اور شہر میں پروفیسر سبط جعفر ،تقی ہادی سمیت دیگر اہم شخصیات کو ٹارگٹ کلنگ کا نشانہ بنایا گیا لیکن اس کے مقابلے میں ریاستی رٹ ہمیں نظر نہیں آتی،مزمت کرتے ہیں ریاستی اداروں کو اپنی ذمہ داری نبھانی ہوگی اور اکیسویں ترمیم اور قومی ایکشن پلان کی روح کے مطابق تمام ملک دشمن دہشتگردا ور شرپسند عناصر کیخلاف بھرپور کارروائی کرنی ہوگی، عوام کو شعور و آگہی دینا اہل علم و دانش کی ذمہ داری ہے، میڈیا و مساجد کی ذمہ داری ہے، سارے طبقات کی ذمہ داری بنتی ہے کہ معاشرے کو بحرانوں سے نکالنے اپنا بھرپور کردار ادا کریں۔ ان خیالات کا اظہار انہوں نے آرٹس کونسل کراچی میں الصالحین پاکستان (کراچی) کے زیر اہتمام شعور و آگہی سیمینار بعنوان اسلام دین معاشرت سے خطاب کرتے ہوئے کیا۔
سیمینار سے جمعیت علمائے پاکستان کراچی کے صدر علامہ قاضی نورانی صدیقی، ایم ڈبلیو ایم کراچی کے رہنما علامہ احسان دانش و دیگر مقررین نے بھی خطاب کیا۔ علامہ امین شہیدی نے کہا کہ صورتحال ایسی بن چکی ہے کہ پروفیسر وحید الرحمان عرف یاسر رضوی کے قاتلوں کی گرفتاری کا مطالبہ کیا جائے تو کس سے کیا جائے، آپریشن ضرب عضب کے ساتھ ساتھ اکیسویں آئینی ترمیم کا جو ڈھنڈورا پیٹا گیا، اس کا تقاضا تو یہ تھا کہ تمام دہشتگرد گرفتار یا مارے جا چکے ہوتے، معاشرے کو دہشتگردوں سے نجات مل چکی ہوتی، لیکن اس کے برعکس ابھی بھی دہشتگرد دندناتے پھر رہے ہیں جبکہ شکلیں انہوں نے بدلی ہوئی ہیں، ٹھکانے انہوں نے بدلے ہوئے ہیں، اور یہ دہشتگرد بلااستثناء سنی شیعہ مسلمانوں کو مار رہے ہیں، لیکن اس کے مقابلے میں ریاستی رٹ ہمیں نظر نہیں آتی، یہ لمحہ فکریہ بھی ہے اور عوام کے انتہائی پریشان کن بھی ہے، یہ صورتحال کراچی سمیت ملک بھر میں نظر آتی ہے، لہٰذا ریاستی اداروں کو اپنی ذمہ داری نبھانی ہوگی اور اکیسویں آئینی ترمیم اور قومی ایکشن پلان کی روح کے مطابق تمام ملک دشمن دہشتگردا ور شرپسند عناصر کیخلاف بھرپور کاروائی کرنی ہوگی۔
علامہ امین شہیدی نے کہا کہ پانی بجلی کا مسئلہ ہو تو لوگ سڑکوں پر سراپا احتجاج بن کر نکل آتے ہیں، لیکن وہ مسائل جو ملک و قوم کو دیمک کی طرح چاٹ رہے ہیں، اس پر پورا معاشرہ خاموش ہے، لہٰذا لوگوں کو کفر و شعور و آگہی دینے کی ضرورت ہے، ایسے ادارے اور نظام بنانے کی ضرورت ہے جن کے ذریعے لوگوں کو بیدار کیا جا سکے، خواب غفلت سے لوگوں کو جگایا جا سکے، تاکہ لوگ اجتماعی میدان میں نکل کر ہر طرح کی قربانیاں دینے کیلئے آمادہ نظر ہو سکیں، ہر خاص و عام کیلئے ضروری ہے کہ وہ ذاتی مفاد پر اجتماعی مفاد کو ترجیح دے تاکہ دہشتگردی سمیت تمام بحرانوں سے نمٹا جا سکے۔
امام کعبہ کا بیان پارلیمنٹ کی توہین اور پاکستان کے داخلی معاملات میں مداخلت ہے، علامہ ناصرعباس جعفری
وحدت نیوز (اسلام آباد) مجلس وحدت مسلمین پاکستان کے مرکزی جنرل سیکریٹری علامہ راجہ ناصرعباس جعفری نے پاکستان کے دورے پر آئے ہوئے امام کعبہ ڈاکٹرخالد الغامدی کے اس بیان کو پارلیمنٹ کی توہین قراردیا ہے جس میں انہوں نے یمن کے تنازعے پر پارلیمنٹ کی طرف سے منظور کی جانے والی قرار داد کو عوامی رائے کے برعکس کہا ہے۔ان خیالات کا اظہارمرکزی سیکریٹریٹ سے جاری اپنے بیان میں کیاان کا کہنا تھا کہ کہ امام کعبہ کے گرد موجود کالعدم تنظیموں کے سہولت کاروں کی رائے کو پاکستان کے اٹھارہ کروڑ عوام کی رائے قرار نہیں دیا جا سکتا پارلیمنٹ کو نمائندگی کا حق عوام نے دے رکھا ہے اوریمن کے تنازعہ کے حوالے سے ثالثی کے کردار کا فیصلہ نہ صرف عوامی امنگوں کا عکاس تھا بلکہ زمینی حقائق اور سفارتی اصولوں کے عین مطابق بھی تھا۔
انہوں نے کہا بیرون ممالک کے ساتھ تعلقات کی نوعیت کا تعین پاکستان کا داخلی معاملہ ہے اور اس میں کسی کی مداخلت اخلاقی تقاضوں کے برعکس اور ملکی خود مختاری کے خلاف ہے۔ انہوں نے کہا کہ یمن میں برسرپیکار حوثیوں نے واضح طور پر کہا کہ حرمین الشریفن کا تقدس ہمارے لیے اتنا ہی اہم ہے جتناکسی بھی مسلمان کے لیے۔ ہم مقدسات کی طرف میلی آنکھ سے دیکھنے کا تصور بھی نہیں کر سکتا۔ اس بیان کے بعد اس باب کو بند ہو جانا چاہیے تھا لیکن کچھ طاقتیں حرمین شریفین کے نام پر مسلمانوں کو تقسیم کرنے کی ہر ممکن کوشش کر رہی ہیں جسے ہم نے اپنی وحدت و اخوت سے شکست دینا ہوگی۔ ایسے نازک موقعہ پر دانشمندانہ اور بابصیرت فیصلوں کی ضرورت ہے تا کہ ہم دشمن ہم سے مطلوبہ مقاصد حاصل کرنے میں ناکام رہے۔انہوں نے کہا ہمارے لیے پاکستان کی سالمیت و استحکام سب سے زیادہ عزیز ہے۔ ہمارے بیرون ممالک کے ساتھ تعلقات بھی ملکی مفادات سے مشروط ہیں۔ہمیں کسی بھی ملک کی ایسی ڈکٹیشن قابل قبول نہیں جس سے ملکی وقار، خودمختاری اور سلامتی پر حرف آتا ہو۔
وحدت نیوز(اسلام آباد) خیرالعمل فائونڈیشن پاکستان گزشتہ چند برسوں میں گلگت بلتستان میں اب تک 5 کروڑ سے زائد مالیت کےپروجیکٹس مکمل کرچکی ہے ان منصوبہ جات میں تعمیر مساجد، فراہمی آب ،یتیموں کی کفالت اور صحت کے مراکز شامل ہیں اسوقت بھی کروڑوں روپے کے رفاہی منصوبے مخیر حضرات سے منظوری کے عمل میں ہیں جن پر عملدرآمد سے گلگت بلتستان میں عوام کی بنیادی ضروریات کو پورا کرنے میں بہت معاونت حاصل ہو گی ان خیالات کا اظہار چیئر مین خیرالعمل فائونڈیشن نثارعلی فیضی نے خیرالعمل فائونڈیشن کی کور کمیٹی کے اجلاس سے خطاب کرتے ہوئے کیا اجلاس میں دیگرممبران میں علامہ اصغرعسکری ،مسرت کاظمی،مسرورنقوی، توصیف نقوی،تہور عباس، ڈاکٹرعابدالحسینی، خضرعباس اورحسین نقوی موجود تھے ۔
نثارعلی فیضی نے کہا کہ مجلس وحدت مسلمین پاکستان نے جی بی کی عوام کا ہر مشکل گھڑی میں ساتھ دیا ہے جس میں 2010 کے سیلاب سے لیکر ،سانحہ چلاس، سانحہ کوہستان، سانحہ لولو سرٹاپ،گندم سبسڈی کی تحریک سمیت اہم مسائل شامل ہیں ۔ ایم ڈبلیو ایم ہی سر زمین بے آئین کی مکمل خود مختیاری کے خواب کو شرمندہ تعبیر کرے گی ۔ انہوں نے کہا خیرالعمل فائونڈیشن اس وقت عوام کی بنیادی مسائل کو حل کرنے کے لیے دن رات کوششوں میں مصروف عمل ہے جی بی سے ان مسائل کے حل کے لیے روزانہ ڈھیروں درخواستیں وصول ہو رہی ہیں جو کہ عوام کی اس جماعت سے حقیقی امید اور توقعات کو ظاہر کرتی ہیں ہیڈ آفس میں خیرالعمل فائونڈیشن کا قائم کردہ جی بی ڈیسک اس حوالے سے پوری یکسوئیت اور محنت کے ساتھ اپنی ذمہ داریوں کو ادا کرنے میں مگن ہیں نثار علی فیضی نے کہا مجلس وحدت مسلمین کے مسئولین اپنی مخلصانہ دانشمندانہ اور جرات مندانہ کردار کی بدولت اس علاقے کے عوام کے حقوق کی ترجمانی کا حق ادا کر رہے ہیں جی بی کی لیڈر شپ عوام کے دلوں کی دھڑکن اور انکے حقوق کی موثر آواز ہیں جو انہیں کرپٹ ،خود غرض ،لٹیرے اور چور حکمرانوں سے آزادی دلائیں گے ۔اجلاس میں جاری منصوبوں کی تکمیل اور آئندہ منصوبہ جات کی منظوری کے حوالے سے حکمت عملی مرتب کی گئی۔
وحدت نیوز(کوئٹہ) مجلس وحدت مسلمین کے ممبر صو بائی اسمبلی سید محمد رضا ،مر کزی رہنماء سید ہاشم موسوی ،سیکریٹری جنرل کوئٹہ ڈویژن عبا س علی ، کونسلر ز کربلائی رجب علی ، سید محمد مہدی ،عبا س علی نے جمہو ری وطن پارٹی کے سر براہ نواب زا دہ طلال اکبر بگٹی کے وفات پر دلی دکھ اور رنج وغم کا اظہار کرتے ہوئے اُن کی اہل خا نہ سے دلی تعزیت کرتے ہیں اور دعاکرتے ہیں کہ اللہ تعالی اُن کے در جا ت بلند فر مائیں۔بیان کے آخر میں سیٹلائٹ ٹا ون میں ہز ارہ مومنین کے ٹا رگٹ کلنگ کی شدید مذمت کرتے ہوئے دہشت گر دوں کے خلاف بھر پور کا روائی کا مطا لبہ کرتے ہیں۔
وحدت نیوز (کوئٹہ) وحدت یوتھ پاکستان کے ذیلی شعبہ وحدت اسکاؤٹس کے زیر اہتمام صوبہ بلوچستان میں وحدت اسکاؤٹس کی پہلی اسمبلی کا انعقاد بلوچستان کے شہر کوئٹہ میں کیا گیا ، اسمبلی کی صدارت مرکزی سیکرٹری وحدت اسکاؤٹس اوپن گروپ (ر) برادر تنصیر حیدر نے کی جبکہ اس موقع پر ان کے ہمراہ مجلس وحدت مسلمین پاکستان کے مرکزی رہنما مولانا ہاشم موسوی سمیت سیکرٹری جنرل کوئٹہ سید عباس اور دیگر بھی موجود تھے۔اس موقع پر وحدت اسکاؤٹس بلوچستان کے صوبائی سیکرٹری برادر منصب علی سمیت دیگر اسکاؤٹ برادران بھی موجود تھے۔
وحدت نیوز(لاہور) مجلس وحدت مسلمین پاکستان پنجاب کے مسؤلِ آفس زاہد حسین مہدوی نے بتایا ہے کہ پنجاب بھر میں ضلعی شوریٰ کے اجلاس منعقد کئے جا رہے ہیں اس سلسلہ میں 10مئی کو مظفر گڑھ ، سیالکوٹ ،منڈی بہاوالدین 17مئی کو لودھراں ،پاکپتن ،22مئی کو وہاڑی ،31مئی کو قصور کے اجلاس منعقد ہوں گے اور اضلاع کی ضلعی شوریٰ کے اجلاسوں میں ہر یونٹ کے دو نمائندگان اور 10%نامزد اراکینِ ضلعی کابینہ شوریٰ شرکت کریں گے ۔ یہ عمل صوبائی شوریٰ کے اجلاس منعقدہ 7-6جون سے قبل مکمل کر لئے جائیں گے ۔
وحدت نیوز (چنیوٹ) وحدت یوتھ پاکستان کی مرکزی یوتھ کونسل کا اجلاس مورخہ18-19اپریل کو چنیوٹ کے علاقے رجوعہ سادات میں وحدت یوتھ پاکستان کے مرکزی چیئر مین سید فضل عباس نقوی (ایڈووکیٹ )کی زیر صدارت منعقد ہوا،مرکزی یوتھ کونسل کے اجلا س میں ملک بھر سے بشمول سندھ ، بلوچستان، پنجاب، اور خیبر پختونخواہ کے صوبائی و ڈویژنل مسؤلین نے شرکت کی جبکہ اجلاس میں مجلس وحدت مسلمین پاکستان کے مرکزی سیکرٹری سیاسیات ناصر شیرازی نے حالات حاضرہ ، ڈاکٹر یونس نے اسلامی تحریکیں ، اختر عمران نے مدیریت عملی اور کامران علی نے دعائے توسل کی تلاوت کی اور آئی ایس او پاکستان کے سابقہ مرکزی نائب صدربرادر جواد رضا نے نوجوانوں کو نظم و ضبط کے عنوان پر لیکچر بھی دیا اس موقع پرسید فضل نقوی نے نوجوانوں کو تنظیم اور اس کی اہمیت اور تنظیم میں نوجوانوں کے کردار پر گفتگو کی۔
مرکزی یوتھ کونسل کے اجلاس میں سندھ کے صوبائی سیکرٹری مہدی عباس سمیت ڈپٹی سیکرٹری ندیم جعفری اور حیدر آباد ڈویژن کے انچارج دیباج حیدر سمیت انچارج سکھر ڈویژن فدا سولنگی ، کراچی سے برادر غازی عباس نے شرکت کی ، اسی طرح صوبہ بلوچستان کے صوبائی سیکرٹری عبد الوہاب بھی اجلاس میں شریک ہوئے ، صوبہ پنجاب سے صوبائی سیکرٹری علی عمران نقوی سمیت لاہور ڈویژن اور ملتان ڈویژن سمیت سرگودھا ڈویژن کے ذمہ داروں بالترتیب سید سجاد حیدر، وجاہت علی،ثاقب حسین اور اسد عباس نے شرکت کی ، مرکزی یوتھ کونسل میں خیبر پختونخواہ سے صوبائی سیکرٹری برادر صفدر عباس بھی موجود تھے۔
وحدت یوتھ پاکستان کی مرکزی یوتھ کونسل کے اجلا س میں آئیندہ سال 2015-2016کے لئے سالانہ پروگرام پیش کیا گیا جس پر تمام صوبائی اور ڈویژنل مسؤلین نے بھرپور بحث و مباحثہ کرنے کے بعد متفقہ رائے سے منظور کر لیا اور اس بات کا اعادہ کیا گیا کہ وحدت یوتھ کے اسٹرکچر کو ملک بھر میں از سر نو آرگنائز کرنے کے ساتھ ساتھ نوجوانوں کی وحدت یوتھ میں شمولیت کو یقینی بنایا جائے گا تاہم اسی عنوان سے وحدت یوتھ پاکستان کی جانب سے ممبر شپ فارم کا اجراء بھی کیا گیا اور تمام صوبوں میں ممبر شپ مہم کا آغاز کر دیا گیا ہے۔
واضح رہے کہ اجلا س میں فیصلہ کیا گیا کہ مرکزی یوتھ کونسل کا اجلاس ہر تین ماہ بعد منعقد کیا جائے گا جس میں گذشتہ تین ماہ کی کارکردگی کا جائزہ جبکہ آئیندہ تین ماہ کے پروگرام کو حتمی شکل دی جائے گی،اس موقع پر آئیندہ تین ماہ بعد ہونے والااجلاس ملتان میں منعقد کئے جانے کا فیصلہ بھی کیا گیا۔
وحدت نیوز (رانی پور/حیدرآباد) وحدت یوتھ پاکستان صوبہ سندھ کے سکھر اور حیدر آباد ڈویژن کے زیر اہتمام علیحدہ علیحدہ یوتھ کونسل کے اجلاس سکھر اور حیدر آبا د میں منعقد ہوئے، سکھر میں منعقد ہونے والے ڈویژنل یوتھ کونسل کا اجلاس رانی پور میں وحدت یوتھ پاکستان کے مرکزی ڈپٹی سیکرٹری ثاقب علی اور ڈویژنل انچارج فدا حسین سولنگی نے کی جبکہ وحدت اسکاؤٹس کی صوبائی کابینہ کے ممبر برادر اعتزاز احسن نے بھی خصوصی شرکت کی، اجلا س میں سکھر ڈویژن کے ضلعی ذمہ داروں میں ضلع سکھر سے برادرعبد اللہ ، ضلع خیر پور سے برادر وسیم رضا، نوشہرو فیروز سے برادر عبد الغفور سمیت وحدت اسکاؤٹس کے صوبائی انچارج برادر آصف نے بھی شرکت کی۔
وحدت یوتھ حیدر آباد ڈویژن کی یوتھ کونسل کا اجلاس حیدرآبا دمیں صوبائی رابطہ آفس میں وحدت یوتھ سندھ کے ڈپٹی سیکرٹری برادر ندیم جعفری ، فیاض علی اور دیباج حیدر کی زیر صدارت منعقد ہوا، اجلا س میں ضلع بدین سے ارشاد کیری سمیت ضلع ٹنڈو محمد خان سے برادر اسد عباس اور بدین کے اسکاؤٹ انچارج برادر حسن نے بھی شرکت کی۔
وحدت نیوز(گلگت ) مجلس وحدت مسلمین کے رہنما اپنے امیدواروں کے ہمراہ ایک بڑی ریلی کی شکل میں کاغذات نامزدگی جمع کروانے کیلئے ریٹرننگ آفیسر کے آفس پہنچے اور گلگت حلقہ 1، حلقہ2 اور حلقہ 3 کے امیدواروں نے اپنے کاغذات نامزدگی جمع کروادئیے۔ کاغذات نامزدگی جمع کروانے کے بعد ریلی یونیورسٹی روڈ سے گزرتے ہوئے دنیور چوک اور جوٹیال سے ہوتے ہوئے صوبائی سیکرٹریٹ پر اختتام پذیر ہوئی۔
ریلی کے اختتام پر مجلس وحدت مسلمین گلگت بلتستان کے سیکرٹری جنرل علامہ نیئر عباس مصطفوی نے کارکنوں کے جذبے کو سراہتے ہوئے کہا کہ کارکنوں کے ان جذبات کی موجودگی میں الیکشن میں دھاندلی کے ذریعے عوامی ووٹ چرانے کی کوئی سازش کامیاب ہوتی دکھائی نہیں دیتی اور انشاء اللہ وحدت مسلمین کی الیکشن میں کامیابی یقینی ہے۔ انہوں نے کہا کہ کارکن جدوجہد کو مزید تیز کریں اور اتحاد بین المسلمین کے پیغام کو عام کرتے ہوئے تمام رکاوٹوں کو عبور کریں اور علاقے میں افراتفری اور بے چینی پیدا کرکے سیاسی مفادات حاصل کرنے والے پنڈتوں کوہمیشہ کیلئے سیاست سے دستبردار ہونے پر مجبور کریں۔
انہوں نے کہا کہ وحدت مسلمین گلگت بلتستان کے تمام مسالک کے عوام کی نمائندہ جماعت ہے جس کے پلیٹ فارم سے آج اہل تشیع، اہل تسنن اور شیعہ امامی اسماعیلی امیدواروں نے اپنے کاغذات نامزدگی جمع کروادئیے۔ گلگت حلقہ 1 سے محمد الیاس صدیقی، غلام نبی حلقہ 2 گلگت سے مطہر عباس، ایڈوکیٹ بہرام خان، علی رحمت، ڈاکٹر فرید بیگ اور حلقہ 3 گلگت سے نیئر عباس مصطفوی، امتیاز حسین، اور اکبر حسین نے کاغذات نامزدگی جمع کروادیئے۔حلقہ 4 نگر سے ڈاکٹر علی محمد، ڈاکٹر مستان علی، پروفیسر یعسوب الدین اور شبیر حسین نے جبکہ نگر 5 سے ڈاکٹر علی گوہر،رضوان علی، شیخ محمد عیسیٰ ایڈوکیٹ اور اسلام الدین نے کاغذات نامزدگی جمع کروادیئے۔ہنزہ سے شیخ موسیٰ کریمی اور جلال حسین سابق ممبر ڈسٹرکٹ کونسل ہنزہ نے اپنے کاغذات نامزدگی جمع کروادیئے ۔اس کے علاوہ استور سے لیکچرار اکبر حسین تسنیم اور استور 2 سے عبداللہ خان نے اپنے کاغذات نامزدگی جمع کروادیئے۔
وحدت نیوز (اسلام آباد) مجلس وحدت مسلمین پاکستان کے مرکزی ڈپٹی جنرل سیکریٹری علامہ امین شہیدی نے پشاور میں سابق شیعہ کونسلر عابد حسین قزلباش کی ٹارگٹ کلنگ اور ڈیرہ اسماعیل خان کے علاقے کلاچی میں سیکورٹی فورسز کے قافلے کے قریب دھماکے کے نتیجہ میں سیکورٹی اہلکار کی شہادت کے واقعہ کی مذمت کرتے ہوئے کہا ہے کہ حکومت خیبر پختونخواہ میں اکیسویں ترمیم پر بجا طور پرعمل درآمد کروانے اور اپنی رِٹ منوانے میں ناکام ہے۔ اکیسویں ترمیم کے نام پر قوم سے بھیانک مذاق کیا گیا ہے۔اس آئینی ترمیم کا مقصد یہ تھا کہ ملک دشمن عناصر کے ساتھ آہنی ہاتھوں سے نمٹا جا سکے۔ جو لوگ سیکورٹی اداروں کو چیلنج کر رہے ہیں اور مظلوم عوام کونشانہ بنانے میں مصروف ہیں انہیں قانون کے شکنجے میں لایا جا ئے۔ملک سے عسکریت پسندی کے خاتمے اور ملکی سلامتی کے خلاف مصروف مسلح گروپوں کو غیرمسلح کر کے ان کے خلاف ملکی آئین و قانون کے تحت قانونی تقاضے پورے کرتے ہوئے سخت سزائیں دی جائیں۔لیکن بد قسمتی سے یہ ساری باتیں محض خواب و خیال ثابت ہوئیں۔وطن عزیز میں ملک و قوم کے یہ دشمن آج بھی آزادانہ دندناتے پھر رہے ہیں ۔ان ملک دشمن عناصر کو شکست دینے کے لیے پوری قوت اور نیکی نیتی کے ساتھ آگے بڑھنا ہو گا ۔ان کے مکمل خاتمے کے لیے صرف ان کی کمین گاہوں کا تدارک کافی نہیں بلکہ اس فکری رجحان اور نظریے کو بھی شکست دینا ہو گی جس کے ذریعے دیگر مسالک پر کفر کے فتوے لگا کر وطن عزیز میں شدت پسندی کو فروغ دیا جاتا ہے۔انہوں نے کہا ملک میں امن و امان کو یقینی بنانے کے لیے دہشت گردوں کے ساتھ ساتھ ان ملک دشمن عناصر کے خلاف بھی کاروائی انتہائی ضروری ہے جو دہشت گردوں کی فکری و نظریاتی تربیت میں مددگار ہیں اور ان کے سب سے بڑے سہولت کار کے طور پر ذمہ داریاں ادا کر رہے ہیں۔
علامہ امین شہیدی نے پشاور میں طوفانی بارشوں سے ہونے والے جانی و مالی نقصان پر دلی افسوس کا اظہار کرتے ہوئے کہا ہے کہ قیمتی انسانی جانوں کا ضیاع بلاشبہ ایک ناقابل تلافی نقصان ہے۔اللہ پاک مرحومین کے درجات بلند کریں اور ان کے خاندانوں کو صبر جمیل عطا کریں ۔انہوں نے حکومت سے مطالبہ کیا ہے کہ متاثر علاقوں میں بحالی کا عمل تیز کیا جائے اور متاثرین کی مدد میں کوئی کسر نہیں چھوڑی جائے۔
