The Latest

mwm pak flagوحدت نیوز (پشاور) مجلس وحدت مسلمین خیبر پختونخوا کے ترجمان نے مردان کے علاقہ شیر گڑھ میں ہونے والے خودکش حملہ کی شدید الفاظ میں مذمت کرتے ہوئے کہا ہے کہ جس ملک میں اراکین اسمبلی محفوظ نہ ہوں، وہاں عوام کو جان و مال کا تحفظ کیسے حاصل ہوسکتا ہے۔ وحدت ہاوس پشاور سے جاری ایک بیان میں ان کا کہنا تھا کہ مردان خودکش حملہ نے ثابت کر دیا ہے کہ دہشتگرد جب چاہیں اور جسے چاہیں نشانہ بناسکتے ہیں۔

 ترجمان نے ایم پی عمران مہمند سمیت 28 افراد کی شہادت پر افسوس کا اظہار کرتے ہوئے کہا کہ ان دہشتگردوں کے ہاتھوں کوئی بھی محفوظ نہیں، اب ملک کے تمام طبقات کو یک زباں ہوکر دہشتگردوں کیخلاف آواز بلند کرنا ہوگی۔ انہوں نے کہا کہ نئی صوبائی حکومت امن و امان کے مسئلہ کو ترجیحی بنیادوں پر فوری طور پر حل کرے۔ تحریک انصاف کی سربراہی میں قائم مخلوط حکومت کو الیکشن سے قبل عوام سے کئے گئے وعدے پورے کرنے ہوں گے۔

mwm logoوحدت نیوز (لاہور) مجلس وحدت مسلمین پاکستان پنجاب کے ایڈیشنل سیکرٹری جنرل و مرکزی سیاسی کونسل کے رکن سید اسد عباس نقوی نے خیبر پختونخواہ میں پے درپے محب وطن عوام پر حملے کی مذمت کرتے ہوئے کہا کہ ایک مخصوص مائنڈ سیٹ کو محب وطن قوتوں کا آگے آنا قبول نہیں، دہشت گردی پر واضح مؤقف اختیار کئے بغیر امن کی باتیں کرنا عوام کو بیوقوف بنانا ہے، نام نہاد بھاری مینڈیٹ پر فخر کرنے کی بجائے عملی کام کیا جائے۔

انہوں نے کہا کہ وطن دشمن دہشت گردوں سے مذاکرات کرنے والے پاکستان کے سول اور فوجی شہداء کے پاک خون اور ان کے لواحقین سے بھی پوچھا جائے کیا وہ ان دہشت گردوں کو معاف کرتے ہیں، جو قوم اپنے شہداء کو فراموش کرے گی اس کو تاریخ کبھی معاف نہیں کرے گی۔ انہوں نے کہا آئین پاکستان کیا ہمیں غداروں سے مذاکرات کی اجازت دیتا ہے۔؟

سید اسد عباس نقوی کا کہنا تھا کہ خیبر پختونخواہ میں بے گناہ شہدا کا خون آج حکمرانوں سے یہ سوال کر رہا ہے کیا وہ اس وطن کے سپوت نہیں کیا ؟دہشت گردوں کے سامنے حکمراں بے بس ہیں؟آج ہمیں فیصلہ کرنا ہو گا کہ ہم نے دہشت گردوں کا تحفظ کرنا ہے یا عوام کا، انہوں نے کہا کہ یہ المناک واقعہ اْن سیاست دانوں کے منہ پر طمانچہ ہے جو دہشت گردوں سے مذاکرات کے حامی ہیں۔

khanam sakina mehdaviوحدت نیوز (لاہور) مجلس وحدت مسلمین شعبہ خواتین کی سیکرٹری جنرل خانم سکینہ مہدوی نے پنجاب اسمبلی کی رکن نگہت شیخ کے بس ہوسٹس پر تشدد کی مذمت کرتے ہوئے کہا وحیدہ شاہ اور نگہت شیخ میں فرق صرف پارٹی کا ہے، وحیدہ شاہ کے تھیٹر پر سوموٹو ایکشن لینے والے منصف آج قوم کی ایک بیٹی پر رکن صوبائی اسمبلی کے تشدد اور بھیرہ پولیس کی جانب سے بس ہوسٹس کو ہراساں کرنے پر خاموش کیوں ہے؟ سوموٹو ایکشن لینے والا قاضی اس واقعے پر کیوں سو رہا ہے؟ اب یہ بات کسی سے ڈھکی چھپی نہیں کہ یہاں انصاف صرف مخصوص پارٹی اور طبقے کو ہی ملتا ہے۔

 انہوں نے کہا کہ مولائے متقیان کا قول ہے کہ اقتدار اور دولت ملنے سے لوگ بدلتے نہیں بلکہ بے نقاب ہوتے ہیں اور یاد رکھیں حکومت کفر سے تو باقی رہ سکتی ہے مگر ظلم سے نہیں۔

ill raja nasirوحدت نیوز (اسلام آباد) مجلس وحدت مسلمین پاکستان کے سربراہ ناصرملت علامہ راجہ ناصرعباس جعفری مستقل تنظیمی امور میں مصروفیات اور سفر کی ذیادتی کی وجہ سے ٹائفوائڈ کے مرض میں مبتلا ہو گئے ہیں ، مرکزی میڈیا سیل کے نمائندے کے مطابق ڈاکٹروں نے انہیں ایک ماہ تک مکمل آرام کا مشورہ دیا ہے ۔

علامہ راجہ ناصرعباس جعفری نے اپنی تمام تر تنظیمی مصروفیات وسرگرمیوں کو معطل کر دیا ہے ، اور ڈاکٹروں کی ہدایت پر عمل کر تے ہو ئے مکمل بیڈ ریسٹ پر ہیں ۔ مرکزی میڈیا سیل تمام مومنین سے علامہ راجہ ناصر عباس جعفری کی مکمل صیحت یابی کی دعا کی اپیل کرتا ہے ۔ 

واضح رہے کہ علامہ راجہ ناصر عباس جعفری ایم ڈبلیو ایم پاکستان کی تاسیس کے بعد سے مستقل سفر کی حالت میں ہیں ، تسلسل کے ساتھ تنظیمی پروگرامات اور دوروں کے سبب روز بروز ان کی طبعی اورجسمانی ساخت کو شدید نقصان پہنچ رہا ہے ، اور شوگر جیسے موضی مرض بھی مبتلا ہو چکے ہیں ۔

nasir politicوحدت نیوز (اسلام آباد) اگر دہشت گردوں سے آہنی ہاتھوں سے نا نمٹا گیا تو دنیا پاکستان میں بھی جلد ایک شام (سوریا) دیکھے گی ، ملک دشمن ، درندہ صفت گروہوں سے مذاکرات کی باتیں سمجھ سے بالا تر ہیں ، وطن عزیز کو کھنڈر بنانے والے دہشت گردوں کے ساتھ مذاکرات ریاست کی کمزوری کی دلیل ہو نگے۔کراچی کو ایک سوچی سمجھی سازش کے تحت آگ و خون میں دھکیلا جا رہا ہے ، کراچی میں شہید عمران عباس کا قتل قابل مذمت ہے ،پاکستان تحریک انصاف کو ایم پی اے کی شہادت پر تعزیت پیش کر تے ہیں۔ ان خیالات کا اظہار مجلس وحدت مسلمین پاکستان کے مرکز ی سیکریٹری برائے امور سیاسیات ناصر عباس شیرازی ایڈووکیٹ نے مرکزی سیکریٹریٹ وحدت ہاؤس اسلام آبادسے جاری اپنے تعزیتی بیان میں کیا ۔

ان کا کہنا تھا کہ امریکی ایماء پر قطر میں طالبان دہشت گردوں کے دفتر کے افتتاح پر پاکستانی سیاسی رہنماؤں کی مسرت ان کی حب الوطنی پر سوالیہ نشان ہے ، تمام سیاسی و مذہبی جماعتیں خداکی ذات پر توکل کے بجائے معصوم بچوں ، بیگناہ خواتین ، بزرگوں اور خون میں غلطاں جوانوں کے قاتل طالبان پر بھرسہ کر بیٹھے ہیں ،بجائے ان دہشت گردوں کو کیفر کردار تک پہنچانے کے انہیں سیاسی شناخت فراہم کت نے کی کوششیں جاری ہیں ، عدلیہ اور فوج اپنا آئینی اور قانونی کردار کیوں ادا نہیں کر رہی ؟ اگر پاکستان کو بچانا ہے تو Good Talban اور Bad Talban کی اصطلاح سے باہر نکلنا ہو گا ۔

ان کا کہنا تھا کہ ابھی بھی وقت ہے ، سول اور فوجی اسٹیبلشمنٹ اپنی فرض شناسی کا ثبوت دیتے ہو ئے دہشت گردی کے جڑ سے خاتمے کے لئے ٹھوس پالیسی اختیار کرے اور بغیر کسی مصلحت پسندی اور تفریق کے بھر پو ر آپریشن کلین اَپ کا آغاز کرے ۔ اگر وقت پڑا تو دنیا دیکھے گی کہ پاکستا ن کے محب وطن شہری کس طرح اپنی مادر وطن کا دفاع کر نے اور اس پاک سرزمین کو دہشت گردوں کے ناپاک شکنجے سے آزاد کروانے کے لئے پاک فوج کے شانہ بشانہ میدان میں نکلتے ہیں ۔

انہوں نے 15دن کے اندر اندر 2نو منتخب اراکین صوبائی اسمبلی کے قتل پر تشویش کا اظہار کر تے ہو ئے کہا کہ جن دہشت گردوں سے مذاکرات کے لیئے ہمارے حکمران بے قرار دکھائی دیتے ہیں انہیں اپنے ساتھ ایوان میں بیٹھنے والے ان ساتھوں کے جنازے کیوں نظر نہیں آتے ، پاکستان تحریک انصاف اور عمران خان صاحب کو رکن صوبائی اسمبلی عمران مہمند کی شہادت پر تعزیت پیش کر تے ہیں ، قتل چاہے کسی سیاسی کارکن کا ہو یا کسی شیعہ سنی کا قابل مذمت و نفرت فعل ہے ، کراچی میں ٹارگٹ کلنگ اپنے عروج پر ہے اور کوئی پوچھنے والا نہیں ، اسکول وین ڈرائیور سید عمران عباس زیدی کی شہادت پر اہل خانہ کے غم میں برابر کے شریک ہیں ۔

rohani nasir copyوحدت نیوز (اسلام آباد ) ملت پاکستان بالخصوص مجلس وحدت مسلمین پاکستان پر امن ،منصفانہ ، عادلانہ اور شفاف انتخابات کے نتیجے میں صدرجمہوری اسلامی ایران منتخب ہو نے پر آغائے حسن فریدون روحانی کو مبارک باد پیش کر تی ہے ، جمہوری اسلامی ایران میں انتقال اقتدار کا عادلانہ نظام پورے دنیا کے لئے باعث تقلید ہے ۔ امید ہے کہ پاکستان اور ایران میں بر سر اقتدار آنے والی دونوں نئی حکومتیں خطے میں قیام امن اور باہمی مظبوط روابط کے لئے مشترکہ جدوجہد کریں گی ۔ ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے مرکزی سیکریٹریٹ وحدت ہاؤس اسلام آباد سے جاری اپنے تہنیتی پیغام میں کیا ۔

ان کا کہنا تھا کہ امام سید علی خامنہ ایٰ کی مدبرانہ قیادت میں حکومت اسلامی اپنی عوج کمال کی جانب گامزن ہے ، اور ایک مرتب پھر مظبوط جمہوری حکومت کی تشکیل رہبر معظم کی با بصیرت قیادت کی ہی مرہون منت ہے ، امید ہے کہ نومنتخب صدر جمہوری اسلامی ایران آغائے حسن روحانی رہبر انقلاب اسلامی سید علی خامنہ ایٰ کے فکر و فلسفے کی روشنی میں حکومت اسلامی اور ملت اسلامی کی خدمت کا فریضہ انجام دیں گے ۔

ان کا کہنا تھا کہ ایران پاکستان گیس پائپ لائن منصوبے کی تکمیل دونوں نئی حکومتوں کے لئے کسی چیلنج سے کم نہیں ہے ، پاکستانی عوام کی خواہش ہے کہ ایران اور پاکستان کی حکومتیں کسی بھی بیرونی پریشر کو مسترد کر تے ہو ئے جلد از جلد اس منصوبے کو منطقی انجام تک پہنچائیں ۔ جو کہ دونوں ملکوں کے عوام کو ایک دوسرے کے مذید قریب لانے میں معاون و مددگار ثابت ہو گی ۔

ان کا کہنا تھا کہ پاکستان اور ایران کے درمیان قائم تعلقات صدیوں پر محیط ہیں ، جن کی بنیاد اسلامی ثقافت ، اسلامی فن تعمیر ، اسلامی تعلیما ت ، اسلامی حجاب او ر سب سے بڑھ کر اسلامی انقلاب کے عشق و محبت ہے ۔ ہمیں امید ہے کہ صدر مملکت آصف علی زرداری اور نومنتخب ایرانی صدر آغائے حسن فریدون روحانی پاک ایران برادرانہ اسلامی تعلقات کووسعت دینے کے لئے اپنی تر توانائیاں بروئے کار لائیں گے ۔

agha ali rizvi biltistanوحدت نیوز (بلتستان) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے پریس کلب اسکردو کی عمارت پر انتظامیہ کے غیر قانونی قبضے کے خلاف پریس کلب اسکردو کے ممبران اور صحافیوں کے غیر متزلزل عزم کو سراہتے ہوئے کہا ہے کہ پریس کلب کے ممبران اور بلتستان کے صحافیوں کا قیام رنگ لائے گا اور مطالبات منظور ہونگے۔

 پریس کلب کے ذمہ داران نے جس مہذب اور شائستہ انداز سے دھرنا جاری رکھا ہوا ہے وہ قابل تحسین اور حوصلہ افزاء ہے جبکہ دوسری طرف یہ دھرنا اور علامتی بھوک ہڑتال سول سائٹی، سیاسی و مذہبی تنظیموں کے لئے بھی امتحان ہے۔ مصیبت کے اس کڑے وقت میں جہاں پریس کلب کو تنہا کرنے کی کوشش کی جارہی ہے، مجلس وحدت پریس کلب کے شانہ بشانہ کھڑی ہے اور اس معاملے کے حل کے لئے دوبارہ آل پارٹیز کانفرنس بلائے گی۔ جہاں تمام سیاسی پارٹیاں بیٹھ کر لائحہ عمل طے کریں گی اور امید ہے کہ یہ معاملہ احسن طریقے سے اختتام پذیر ہوگا۔

hashim mosviوحدت نیوز (کوئٹہ) مجلس وحدت مسلمین کے مرکزی رہنما علامہ سید ہاشم موسوی نے اپنے ایک بیان میں دہشتگردی کی مذمت کرتے ہوئے کہا دہشتگردی پاکستان کی سا لمیت کیلئے ایک عظیم خطرہ ہے۔دہشتگردی سے فی الحال کا روبار ،دفتری نظام تعلیم سمیت زندگی کے دیگر شعبہ جات متاثر ہو چکی ہیں اور ملکی ترقی رک گئی ہے۔در حقیقت دہشتگردی پاکستان بلکہ عالم اسلام کو دیمک کی طرح چاٹ رہی ہے ۔

طالبات پر حملہ قوم کے مستقبل پر حملہ ہے اس سلسلے میں سیکورٹی فورسز حکومت اسٹبلشمنٹ کے دیگر ادارے اور عوام سبھی کو اپنی ذمہ داری نبھانے کی ضرورت ہے ۔علماء اور دانشور طبقہ اپنی صفوں سے تکفریوں کو نکال باہر کر دے تا کہ دہشتگردی اور دہشتگردوں کی حوصلہ شکنی ہو۔

00 basharوحدت نیوز (مانیٹرنگ ڈیسک) شام کے صدر بشار الاسد نے کہا ہے کہ اگر یورپی ممالک شامی حکومت کے خلاف سرگرم عمل مسلح باغی دہشتگردوں کا اسلحہ فراہم کرینگے تو انہیں ایک دن اس کی قیمت بھی چکانا پڑے گی۔ جرمنی کے ایک اخبار نے شامی صدر کے حوالے سے لکھا ہے کہ اگر یورپی ممالک شامی باغیوں کو اسلحہ فراہم کریں گے تو یورپی ممالک کے دوست ممالک بھی دہشتگردوں سے بھر جائیں گے، اور پھر یورپی ممالک کو اپنی اس حرکت کی بھاری قیمت چکانا ہوگی۔ شامی صدر کا مزید کہنا تھا کہ شامی حکومت کے خلاف سرگرم عمل باغی دہشتگرد یورپی اسلحے کی بدولت ماہر جنگجو بن جائیں گے اور پھر اپنے شدت پسند نظریات کی طرف لوٹ جائیں گے۔

 

شام کے صدر بشار الاسد نے امریکہ، برطانیہ اور فرانس کے اس دعوے کو بھی شدت سے مسترد کر دیا، جس میں کہا گیا تھا کہ شام کی سکیورٹی فورسز نے باغی عسکریت پسندوں کے خلاف کیمیائی ہتھیاروں کا استعمال کیا ہے۔ شامی صدر کا کہنا تھا کہ اگر اس سلسلے میں پیرس، لندن اور واشنگٹن کے پاس کوئی ایک بھی ثبوت ہوتا تو وہ اسے ضرور دنیا کے سامنے آشکار کرتے۔ بشار الاسد نے یہ بیان امریکہ کے صدر باراک اوباما کے اس دعویے کے بعد دیا ہے جس میں امریکی صدر نے کہا تھا کہ دمشق کی حکومت نے عسکریت پسندوں کے خلاف کیمیائی ہتھیاروں کا استعمال کرکے ریڈ لائن کو عبور کر لیا ہے۔ باراک اوباما نے گذشتہ ہفتے اپنی حکومت کو حکم دیا تھا کہ وہ شام میں سرگرم عمل مسلح باغیوں کو اسلحہ کی فراہمی شروع کر دیں۔ اسی طرح برطانیہ اور فرانس نے بھی بشار الاسد کی حکومت کی سرنگونی کے لئے مصروف عمل شامی باغیوں کو اسلحہ کی فراہمی پر رضا مندی کا اظہار کیا ہے۔

 

ادھر شام کے نائب وزیر خارجہ فیصل مقداد نے بھی مغربی ممالک کی طرف سے شامی حکومت کے خلاف برسرپیکار باغی دہشتگردوں کو اسلحہ کی فراہمی پر شدید تنقید کی ہے اور کہا ہے کہ مغربی ممالک کی طرف سے باغیوں کی اسلحہ کے ترسیل سے شام میں قتل و غارت گری کو فروغ ملے گا، جو کہ انسانی اور اخلاقی لحاظ سے بھی قابل قبول نہیں ہے۔ فیصل مقداد نے واضح کیا کہ ان اقدامات کا ارتکاب وہ لوگ کر رہے ہیں جو چاہتے ہیں کہ شام میں قتل و غارت گری جاری رہے۔ شامی باغیوں کو بندوقیں، آر پی جی اور اینٹی ٹینک راکٹوں کی فراہمی کی خبریں ایسی حالت میں سامنے آ رہی ہیں کہ چند دن پہلے ہی شامی فوج نے میدان جنگ کے مختلف محاذوں پر باغی دہشتگردوں کو بھاری جانی نقصان پہنچایا ہے۔

00 hasan zafar newsوحدت نیوز (کوئٹہ) مجلس وحدت مسلمین پاکستان کے مرکزی ڈپٹی سیکریٹری جنرل اور مرکزی ترجمان علامہ سید حسن ظفر نقوی 4 روزہ دورے پر شہداء کی سرزمین کوئٹہ پہنچ گئے ہیں۔ دورے کے موقع پر وہ مجالس عزا و دیگر محافل سے خطاب کریں گے جبکہ علمائے کرام اور عمائدینِ کوئٹہ سے بھی ملاقات کریں گے۔ علامہ حسن ظفر نقوی کے دورے کی مناسبت سے پہلی رات کو ماہ شعبان کی فضیلت کے مناسبت سے امام بارگاہ ہزارہ نیچاری میں ایک پر نور مجلس کا انعقاد کیا گیا۔ مجلس میں مومنین کی بڑی تعداد نے شرکت کی۔ یہ مجلس 18,19,20,21 کو بھی منعقد ہوگی۔ مومنین و مومنات اس پر نورمجلس میں بھر پور شرکت کریں۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree