وحدت نیوز (لاہور) قرآنی ثقافت کی حاکمیت ،معاشرے کی ایک بنیادی ضرورت ہے ۔قرآن کریم کی برکات سےمعاشرہ میں امن برقرار ہوسکتاہے اوراس طرح معاشرہ دشمن کے شراور ہر قسم کے فتنے سے محفوظ ہو جاتا ہے ۔معاشرے کے نوجوان اپنی قدروقیمت کو پہچانیں، کیونکہ ہمارے آخری نبی حضرت محمد مصطفیٰ صلی اللہ علیہ وآلہ وسلم نے فرمایا ہے: قرآن کریم سے آگاہی اورمعرفت معاشرے سے فقروناداری کو ختم کر دیتی ہے۔ ایسا نہیں ہوسکتا کہ ایک معاشرہ قرآن کریم اوراس کے اعلیٰ معارف سےآگاہ بھی ہو لیکن اس کےباوجودوہ گمراہی اورضلالت کے راستے پرگامزن رہے۔ جب اہل بیت علیہم السلام کی سیرت ،قرآن کریم کے ہمراہ معاشرے میں رواج پا جائے تو ایسا معاشرہ دوسروں کے لئے آئیڈل بن جاتا ہے ۔اور یہی اسلامی معاشرے کی پہچان ہے ۔ مجلس وحدت مسلمین پاکستان کے شعبہ تربیت کی کتب اورمجلات کے ذریعے اپنے اندر علمی ،فکری ،ثقافتی ،اخلاقی ،فقہی ، تربیتی ،سیاسی اور اجتماعی معلومات میں اضافہ کریں۔آخر میں ایم ڈبلیو ایم کے ہر فرد سے گذارش ہے کہ وہ مجلہ بصیرت کی ممبر سازی مہم میں حصہ لے اور مجلس کی نشریات کے لئے ان نمبرز پر رابطہ کریں : 03004244863/03374646550

وحدت نیوز (چنیوٹ) مجلس وحدت مسلمین ضلع چنیوٹ کا ایک ہنگامی اجلاس زیر صدارت سید انیس عباس زیدی ضلعی سیکرٹری جنرل منعقد ہوا ،انہوں نے اجلاس سے خطاب کرتے ہوئے کہا کہ پشاور ائیر بیس پر حملہ انتہائی افسوسناک ہے ابھی دہشت گرد پاکستان کے اندر آخری سانس لے رہے ہیں لٰہذا ضرب عضب آپریشن کو جاری رہنا چاہیے ،انہوں نے کہا کہ دہشت گردوں کے سہولت کاروں کو بھی قانون کی گرفت میں لاکر قرار واقعی سزادی جانی چاہیے وطن عزیز پاکستان کا دہشت گردی کی بدولت چہرہ انتہائی مجروع ہوا ہے لٰہذا اب وطن عزیز میں ان انسایت دشمن قوتوں کی کوئی گنجائش نہیں ہے اب ہر محب وطن شخص کو اٹھ کھڑا ہونا چاہیے اور بیداری کے ساتھ پاکستان کے استحکام کیلئے کردار ادا کرنا چاہیے، انہوں نے آخر میں کہا کہ ہم پاک آرمی کے تمام اقدامات کی حمایت کرتے ہیں اور مطالبہ کرتے ہیں کہ کرپٹ سیاستدانوں ، بیوروکریٹس کے ساتھ آہنی ہاتھوں سے نمٹا جائے جنہو ں نے وطن عزیز کو دونوں ہاتھوں سے لوٹا ہے ۔

وحدت نیوز (قم) سعودی نواز طالبان کے ہاتھوں پاکستان آرمی کے جوانوں کی شہادت کے سلسلے میں مجلس وحدت مسلمین قم کے میڈیا سیل کا خصوصی اجلاس دفتر وحدت مسلمین قم میں منعقد ہوا۔ اجلاس میں پاکستان آرمی کے شہید ہونے والے جوانوں کے لئے فاتحہ خوانی کی گئی اور شہداء کے لواحقین سے اظہار تعزیت کیا گیا۔ اراکین اجلاس نے پشاور میں ایئرفورس کی بیس پر حملے پر گہرے رنج و غم کا ظہار کرتے ہوئے کہا کہ سعودی عرب اور امریکہ کی آشیرباد کے بغیر کوئی ٹولہ پاکستان آرمی کے خلاف کارروائی کرنے کا سوچ بھی نہیں سکتا۔ اس موقع پر مجلسِ وحدت مسلمین قم کے میڈیا سیکرٹری نذر حافی نے اپنی گفتگو کے دوران کہا کہ پاکستانی عوام سعودی عرب اور امریکہ کو اچھی طرح پہچان چکی ہے اور اس وقت وطنِ عزیز کے دفاع کے لئے پوری ملت متحد ہوکر پاکستان آرمی کے شانہ بشانہ کھڑی ہے۔

اجلاس سے گفتگو کرتے ہوئے ایم ڈبلیو ایم قم کی میڈیا ایکشن کمیٹی کے انچارج سید مدثر امیر اور آرگنائزنگ کمیٹی کے ممبران میں سے مرتضٰی انصاری، وجاہت علی، مختار نجفی اور سید قمر حسینی نے کہا کہ پاکستانی قوم افواجِ پاکستان پر فخر کرتی ہے اور سعودی و امریکہ نواز ٹولوں کی ان بزدلانہ کارروائیوں نے پاک فوج کا کچھ نہیں بگاڑا بلکہ ان شہادتوں سے افواجِ پاکستان کے عزّت و احترام میں مزید اضافہ ہوا ہے۔ اجلاس سے ایم ڈبلیو ایم قم کے قائم مقام سیکرٹری جنرل حجت الاسلام  گلزار احمد جعفری نے بھی خطاب کرتے ہوئے پاک فوج کے جوانوں کو خراجِ تحسین پیش کیا اور سعودی عرب اور امریکہ کے نمک خوار دہشت گردوں کی بزدلانہ کارروائیوں کی شدید مذمت کی۔

وحدت نیوز (اسلام آباد) مرکزی سیکریٹریٹ سے جاری ایک بیان میں مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کہا ہے کہ دہشت گردی کے مکمل خاتمے کے لیے ان مراکز کے خلاف ترجیحی بنیادوں پر آپریشن کی ضرورت ہے جہاں دینی تعلیم کی آڑ میں وطن عزیز اور افواج پاکستان کے خلاف زہر اُگلا جا رہا ہے۔انہوں نے کہا غیر ملکی ایجنڈے کو تقویت دینے ، بدامنی کی راہ ہموار کرنے کے لیے مخصوص افکار کا فروٖغ اور ترویج کی کوشش بھی دہشت گردی ہے۔ملک دشمن عناصر کی فکری،افرادی ا ور مالی معاونت سمیت کسی بھی قسم کے تعاون کر نے والے عناصر کو جب تک انصاف کے کٹہرے میں نہیں لایا جاتا تب تک قومی سلامتی پر خطرات منڈلاتے رہیں گے۔ افواج پاکستان سمیت ملک کا ایک ایک فرد ہمارے لیے قیمتی سرمایہ ہے۔ہمیں اس سرمائے کی پوری ہوشمندی سے حفاظت کرنا ہو گی۔سیکورٹی نافذ کرنے والے اداروں اور انٹیلی جینس ایجینسیوں کو مزید چوکس ہونے کی ضرورت ہے تاکہ دشمن کے ناپاک ارادوں سے قبل از وقت آگاہی ہو سکے۔انہوں نے کہا کہ پاکستان کے آئین میں مسلمان کی تعریف واضح موجود ہے۔اس تعریف پر پورا اترنے والے کسی بھی شخص کو کافر کہنے اور کسی بھی مسلک کے خلاف نفرت پھیلانے کو قابل تعزیر جرم قرار دینے کے لیے پارلیمنٹ سے قرار داد منظور کرائی جائے۔ملک میں امن قائم ہو جائے گا۔

وحدت نیوز (کراچی) مجلس وحدت مسلمین کے رہنماؤں کا گزشتہ رات شیعہ تاجر عرفان حیدر زیدی کے قتل شدید مذمت کرتے ہونے کہنا تھا کہ عرفان حیدر کی شہادت قانون نافذ کرنے والے اداروں کیلئے لمحہ فکریہ ہے ،کراچی آپریشن کے باوجود ہدف بنا کر ملت جعفریہ سے تعلق رکھنے والے افراد کوقتل کیا جا رہا ہے جو قانون نافذ کرنے والے اداروں کی کار کرگی پر سوالیہ نشان ہے ۔ان خیالات کا اظہارایم ڈبلیو ایم کے رہنماؤں بشمول علامہ علی انور جعفری ،علامہ مبشر حسن ،علی حسین نقوی،رضا نقوی،ناصر حسین الحسینی سمیت دیگر نے گزشتہ رات نارتھ ناظم آباد کے علاقے میں ٹارگٹ کلنگ کا نشانے بننے والے شیعہ تاجر عرفان حیدر کے نماز جنازہ کے بعدخطاب میں کیا،نماز جنازہ مسجد و امام بارگاہ باب العلم ناظم آباد میں ادا کی گئی جس میں شیعہ عمائدین کی بڑی تعداد نے شرکت کی ۔ رہنماؤں کا کہنا تھا کہ شہر میں حالیہ دہشتگردی کے واقعات سے لگ رہا ہے کے ایک بار پھرشہر کی عوام کو دہشتگردوں کے رحم و کرم پر چھوڑ دیا گیا ہے کراچی آپریشن کے باوجود گزشتہ کئی روز سے اس شہر میں بسنے والے اہم افراد کو قتل کر کے سماجی ،تدریسی،کاروباری حلقوں میں خوف کی فضاء قائم کی جارہی ہے جو اس بات کی دلیل ہے کہ یہ وہی دہشتگرد کالعدم تکفیری سوچ ہے جو اس میں ملک میں عدم استحکام دیکھناچاہتے ہیں جنہوں نے گزشتہ رات پشاور بیس پر دہشتگردانہ حملے کئے اوراب شہر میں فرقہ وارانہ فسادات کو پھیلانا چاہتے ہیں جس میں وہ انشا اللہ کبھی کامیاب نہیں ہونگے ۔رہنماؤں نے حکومت سے مطالبہ کیا کہ وہ شہر میں شیعہ افراد کی ٹارگٹ کلنگ میں ملوث دہشتگردوں کی جلد از جلد گرفتاری عمل میں لائی جائے۔ وہ شہر میں بڑھتے ہوئے ٹارگٹ کلنگ کے واقعات کو فوری نوٹس لے شہر میں قائم دہشتگردی کے اڈے کالعدم جماعتوں کے دفاتر کا فوری خاتمہ کیا جائے اور ایسے مدارس کے خلاف بھی کاروائی کی جائے جو ان کالعدم دہشتگردجماعتوں کی محفوظ پناہ گاہ بنتے ہیں جس کی مانیٹرنگ خود کور کمانڈر کراچی کریں پاکستان کو ناامنی کا شکار کرنے والی کالعدم تکفیری جماعتوں کی سرگرمیوں پر پابندی عائد کرتے ہوئے ان جماعتوں کے رہنماؤں کو گرفتار کیا جائے۔

انہوں نے وزیراعظم نواز شریف اور کراچی آپریشن کے کپتان سے مطالبہ کیا کہ شہرمیں کالعدم دہشتگرد تنظیموں کے خلاف ایکشن لیا جائے گا یاحالیہ ٹارگٹ کلنگ کے واقعات پر پچھلے واقعات کی طرح سست روی اور زبانی جمع خرچ سے کام لیا جائے گا،ایم ڈبلیو ایم کے پلیٹ فارم سے متعدد بار حکومت سندھ و قانون نافذ کرنے والے اداروں کو نشاندہی کرائی جاتی رہی ہے کہ شہر قائد سمیت صوبہ بھر میں کالعدم تکفیری دہشتگرد جماعتوں کا اثر بڑھتا جا رہا ہے جو نہ صرف ملت جعفریہ بلکہ عام عوام کے تحفظ کیلئے خطرہ بن چکا ہے، اس کے باوجود ان کالعدم جماعتوں کی ریلیاں ،جلسے ،جلوسوں اور دفاتر کو حکومت کی جانب سے سکیورٹی فراہم کی جارہی ہے، شہر میں قائم مدارس ان کالعدم جماعتوں کی مکمل معاونت کر رہے ہیں، ایک جانب ملک میں بسنے والے محب وطن عوام کے خلاف مرتد ہونے اور کفرہونے کے فتویٰ دیئے جاتے ہیں تو دوسری جانب انہی کے شیلٹر میں کالعدم جماعتیں مظلوم عوام کو دہشتگردی کا نشانہ بناتی ہیں۔ رہنماؤں نے کہاکہ دہشت گردی سے تنگ عوام کی آخری امید افواج پاکستان ہے اور اس ملک کی عوام کی آوازاور درد کو محسوس کرنے والی صرف افواج پاکستان ہیں، عوام کا اعتماد ان بے حس حکمرانوں سے آٹھ گیا ہے اور دہشتگردی کے خاتمہ کیلئے عوام افواج پاکستان کے شانہ بشانہ کھڑی ہیں اور انہی سے قیام امن کی امیدیں رکھتے ہیں۔ مجلس وحدت مسلمین کے رہنماؤں نے آرمی چیف جنرل راحیل شریف سے مطالبہ کیا کہ ملک بھر خصوصاًکراچی میں دہشت گردوں کی کمر توڑنے کیلئے دہشت گرد مدارس کے اندر آپریشن کلین اپ کا آغاز کیا جائے۔دریں اثناء عرفان حیدر زیدی کی تدفین سخی حسن قبرستان میں کی گئی ۔

وحدت نیوز (کراچی) قانون نافذ کرنے والے ادارے جعفرطیار سوسائٹی کے عوام کے دیرینہ پانی کی فراہمی کے مسئلے کے حل میں تعادن کریں،کراچی واٹراینڈسیوریج بورڈکے بعض متعصب افسران ڈیمانڈنوٹ کی فیس اداکرنے کے باوجود جعفرطیارواٹرسپلائی اسکیم کی این اوسی جاری نہیں کررہے،پورا ملیر سیوریج کے گندے پانی میں گھرا ہواہے، کسی متعلقہ ادارے کے کانوں پر جوں نہیں رینگ رہی،خونخوار کتوں نے ہزاروں کی تعداد میں ملیر کا رخ کیا ہواہے،جن سے نجات کیلئے فوری بڑے پیمانے پر کتا مار مہم کا آغازضروری ہے،رینجرز حکام اہلیان ملیربالخصوص جعفرطیار سوسائٹی کو پانی کی فراہمی اور سیوریج کے ناقص نظام سے نجات کیلئے اپنا کردار ادا کریں،بصورت دیگر اہلیان جعفرطیاراپنا جائز حق حاصل کرنے کیلئے سڑکوں کا رخ کریں گے،ایم ڈبلیوایم کی جانب سے سالانہ جشن عیدغدیر ومباہلہ بعنوان وارثان ولایت کانفرنس 10اکتوبرکو مرکزی روڈ جعفرطیارسوسائٹی منعقد ہوگا،جس میں شہر بھر سے عوام شرکت کریں گے، بلدیاتی ادارے صفائی ستھرائی اورسیوریج کا نظام درست کریں ،جبکہ قانون نافذکرنے والے ادارے سکیورٹی انتظامات کے لئے موثراقدامات کریں،ان خیالات کا اظہار مجلس وحدت مسلمین کراچی ضلع ملیرکے سیکریٹری جنرل سید احسن عباس رضوی نے ضلعی سیکریٹریٹ میں منعقدہ ڈسٹرکٹ کونسل کے اجلاس سے خطاب کرتے ہوئے کیا، اجلاس میں ضلعی کابینہ کے اراکین ثمرزیدی،حسن عباس،اسدعلی،سعید رضا،مختارمنگی،عارف رضا،نقی زیدی،امیر عباس، نیاز کاچو،زاہد عاجزاور دیگر بھی موجود تھے۔

احسن عباس کا مزید کہنا تھاکہ گذشتہ چارماہ سے جعفرطیارواٹرسپلائی اسکیم کے واٹر کنکشن کی درخواست کراچی واٹر اینڈسیوریج بورڈکے افسران کی ٹیبلوں کا گشت کررہی ہے،ڈیمانڈ نوٹ کی فیس کی مدمیں 20 لاکھ روپے سے زائد کی رقم جمع کروادی گئی ہے،جبکہ تاحال افسران این اوسی جاری کرنے میں لیت ولعل کا مظاہرہ کررہے ہیں ،سابق ایم ڈی واٹر بورڈقطب الدین شیخ ، ہاشم رضا زیدی اور دیگر اعلیٰ حکام سے بارہا گذارش کی گئی کے جلد از جلد واٹر سپلائی پروجیکٹ کے کنکشن کی این او سی جاری کرنے میں تعاون کریں لیکن اب تک کسی افسر بالانے عوام کے بنیادی میٹھے پانی کی فراہمی کے مسئلے کے حل کیلئے سنجیدہ اقدام نہیں اٹھایا،احسن عباس رضوی نے ڈی جی رینجرزمیجر جنرل بلال اکبر،وزیر اعلیٰ سندھ قائم علی شاہ اور ایم ڈی واٹر بورڈ مصباح الدین فرید سے مطالبہ کیا ہے کہ جلد ازجلدجعفرطیارسوسائٹی کے رہائشی 40ہزارسے زائدعوام کو اس مشکل سے نجات دلانے میں اپنا کردار ادا کریں ، بصورت دیگر علاقہ عوام اپنے جائز حق کی خاطرسراپا احتجاج ہو گی۔