The Latest
وحدت نیوز(لاہور) مجلس وحدت مسلمین شعبہ خواتین لاہور کا کابینہ اجلاس ، مرکزی سیکرٹری جنرل سیدہ زہرا نقوی کی خصوصی شرکت مجلس وحدت مسلمین شعبہ خواتین لاہور کا کابینہ اجلاس وحدت ہاوس شادمان لاہور میں منعقد ہوا جس میں مرکزی سیکرٹری جنرل ایم ڈبلیو ایم وومن ونگ و رکن پنجاب اسمبلی سیدہ زہرا نقوی نے خصوصی شرکت کی۔
اجلاس میں ضلعی سیکرٹری جنرل سیدہ حنا تقوی اور ڈپٹی سیکرٹری جنرل سیدہ عظمی نقوی سمیت تمام کابینہ اراکین نے شرکت کی محترمہ سیدہ زہرا نقوی نے ضلع لاہور کے تمام شعبہ جات کی تفصیلات اور کارکردگی کا جائزہ لیا اور ضلعی سیکرٹری جنرل محترمہ حنا تقوی کی سرپرستی میں شعبہ خواتین لاہور کی بھرپور کاوشوں کو سراہا۔ انھوں نے اراکین سے اہم تنظیمی امور پر تبادلہ خیال کیا اور ان کی کارکردگی پر اطمینان کا اظہار کیا۔
وحدت نیوز(لاہور)مجلس وحدت مسلمین شعبہ خواتین لاہور کی جانب سے تربیتی دروس کے سلسلے کی دوسری نشست آج وحدت ہاوس لاہور میں منعقد ہوئی جس میں ضلعی کابینہ سمیت تمام یونٹس کی کابینہ نے شرکت کی پروگرام کی پہلی نشست میں مجلس وحدت مسلمین کے رکن شوری عالی علامہ سید مبارک علی موسوی نے مکافات عمل کے موضوع پر تفصیلی گفتگو کی ۔انہوں نے کہا کہ زندگی میں ہمیں جن مشکلات کا سامنا ہوتا ہے وہ دراصل ہم سے سرزرد شدہ گناہوں کی بدولت ہوتی ہیں یعنی انسان گناہ کر کے اپنے ہاتھوں سے مصیبت کماتا ہے خدا کا کام رحمت بانٹنا ، خیر بانٹنا ھے جبکہ شر اور مصیبت انسان کے اپنے گناہوں کی بدولت ہے۔
انہوں نے قرآنی آیات اور احادیث و روایات کی روشنی میں گناہ کے انسانی زندگی پر عجیب اور پیچیدہ اثرات بیان کیے اور کہا زمین میں خشکی و خشک سالی ، دریاوں میں تلاطم ، بارش کا نہ برسنا ،ناگہانی اموات ، رزق میں کمی ، نا اتفاقی ، ناچاقی ، بلا ، اور عمر میں کمی جیسے تمام مسائل کی جڑ اور وجہ گناہ ھے نشست کے دوسرے حصے میں مرکزی سیکرٹری جنرل ایم ڈبلیو ایم وومن ونگ و ایم پی اے سیدہ زھرا نقوی صاحبہ نے شرکاء سے اخلاقی تربیت کے عنوان سے خطاب کیا ۔
انہوں نے کہا کہ معاشرے کو سنوارنے میں خواتین کا کردار نہایت اہمیت کا حامل ہے ان کا کہنا تھا صراط مستقیم پر چلنے کے لیے اہل بیت علیھم السلام کے نقش پا پر چلنا لازمی ہے جنہوں نے دین اور دنیا کو ساتھ ساتھ لے کر چلنے کے اصول ہمیں سمجھا دیے ہیں انھوں نے بیان کیا کہ جناب سیدہ فاطمة الزہرا سلام اللہ علیھا جو کہ تمام عالمین کی عورتوں کی سردار ہیں نے ایک با مشقت زندگی گزاری ایک بیٹی ، بیوی اور ماں کی حیثیت سے انھوں نے جو کردار نبھایا اس میں ہماری عائلی زندگی کی زمہ داری نبھانے کے قیمتی اصول پوشیدہ ہیں۔
انہوں نے کہا کہ جناب زہرا سلام اللہ علیھا نے نہ صرف اپنے گھر میں مثالی زندگی گزاری بلکہ جب دین پر آنچ آئی تو صف اول میں نظر آئیں اور یہی کردار ہمارا ہونا چاہیے۔ انھوں نے مزید کہا کہ خدا کی عطا کردہ توفیق سے ہم ایک الہیٰ جماعت کی کارکن ہیں ہم نے گھروں میں رہ کر اپنی زمہ داریوں کو احسن طریقے سے نبھانا ہے لیکن جب ضرورت پڑے تو اپنے گھروں سے نکل کر زینبی کردار ادا کرنا ہے نا صرف یہ کہ ہم اپنے گھروں میں ایک مثالی ماحول قائم کریں بلکہ معاشرے کی اصلاح اور تربیت کے لیے بھی اپنا مثبت کردار پیش کریں کیونکہ کوئ بھی تحریک یا معاشرہ خواتین کے بغیر کامیاب نہیں ہو سکتا۔
وحدت نیوز(لاہور) صوبائی سیکریٹریٹ مجلس وحدت مسلمین لاہور میں چشتیاں ضلع بہاولپور سے خواتین کے ایک وفد نے مرکزی سیکرٹری جنرل ایم ڈبلیو ایم شعبہ خواتین اور رکن پنجاب اسمبلی سیدہ زھرا نقوی سے خصوصی ملاقات کی اس موقع پر ضلع لاہور کی سیکرٹری جنرل محترمہ حنا تقوی بھی اپنی کابینہ کے ہمراہ موجود تھیں چشتیاں کے علاقے کی فعال خواتین نے مجلس وحدت مسلمین شعبہ خواتین میں شامل ہونے اور چشتیاں میں تنظیمی سیٹ اپ تشکیل دینے کی خواہش کا اظہار کیا تھا جس کی بنا پر باہمی مشاورت کے بعد ایک آرگنائزنگ کمیٹی تشکیل دی گئی اور محترمہ کوثر پروین کو چشتیاں ضلع بہاولپور کا آرگنائزر منتخب کیا گیا اس موقع پر مرکزی سیکرٹری جنرل محترمہ سیدہ زہرا نقوی نے حلف لیا اور خواہران سے تنظیمی امور پر تبادلہ خیال کیا۔
وحدت نیوز(ٹنڈوالہیار) مجلس وحدت مسلمین شعبہ خواتین ضلع ٹنڈو الیار کی آٹھ رکنی کابینہ نے حلف اٹھا لیا ۔مجلس وحدت مسلمین شعبہ خواتین کی جانب سے ملک بھر میں شعبہ خواتین کے مربوط تنظیمی سیٹ اپ کی تشکیل کے لیے دورہ جات کا سلسلہ جاری ہے اسی سلسلے میں مرکزی سیکرٹری روابط محترمہ سیمی نقوی معاون سیکرٹری روابط محترمہ طلعت نقوی اور معاون سیکرٹری تنظیم سازی محترمہ غزالہ جعفری نے ضلع ٹنڈو الہیار کا دورہ کیا اور مجلس وحدت مسلمین ضلع ٹنڈوالہیار کے سیکرٹری جنرل جناب غلام رسول لاشاری کے تعاون سے آٹھ رکنی ضلعی کابینہ تشکیل دی جس میں محترمہ سمیرا بانو ضلعی سیکرٹری جنرل نامزد ہوئیں ۔
محترمہ غزالہ جعفری نے نو منتخب اراکین سے حلف لیا۔ اس موقع پر محترمہ سیمی نقوی نے آئمہ معصومین علیھم السلام کی تعلیمات کے تناظر میں خواتین کی ذمہ داریاں بیان کیں جبکہ محترمہ طلعت نقوی نے تنظیم کے منشور اور مقاصد پر تفصیلی گفتگو کی۔
وحدت نیوز(سکردو) علامہ اقبال اوپن یونیورسٹی اور الائٹ پاکستان کے باہمی تعاون سے سکردو ریجن میں مختلف ٹیکنیکل کورسسز میں ٹریننگ دئیے گئے۔کورسسز میں تقریباً چالیس لڑکے اور لڑکیوں نے حصہ لیا اسی سلسلے میں آج مختلف کورسسز میں ٹریننگ حاصل کرنے والوں کو وضائف کے تقسیم کے حوالے سے علامہ اقبال اوپن یونیورسٹی سکردو آفس میں تقریب انعقاد کیا گیا۔
تقریب کے مہمان خصوصی رہنما مجلس وحدت مسلمین گلگت بلتستان شعبہ خواتین و رکن جی بی اسمبلی ڈاکٹر کنیز فاطمہ علی تھی۔تقریب میں مختلف شعبہ ہائے زندگی سے تعلق رکھنے والے ماہرین نے شرکت کی۔
مقررین نے فنی تعلیم کی اہمیت اور افادیت پر تفصیلی روشنی ڈالی اور مسائل کے حل کے حوالے سے تجاویز پیش کیے۔مقررین کا مزید کہنا تھا کہ ٹریننگ حاصل کرنے کے بعد آپ معاشرے میں جا کر مزید لوگوں کو ٹریننگ دے تاکہ یہ سلسلہ آگے بڑھتے رہیں۔
ڈاکٹر کنیز فاطمہ علی نے تقریب سے خطاب کرتے ہوئے کہا کہ جدید دور میں فنی تعلیم کو بہت اہمیت حاصل ہے خاص کر خواتین فنی تعلیم حاصل کرنے کے بعد گھر بیٹھ کر کام کر کے معیشت بہتر کر سکتی ہے۔میں اسمبلی میں پورے گلگت بلتستان کے عورتوں کی نمائندگی کرتے ہوئے عورتوں کے حقوق کے لئے آواز اٹھاونگی۔
ان کا مزید کہنا تھاکہ معاشرے میں فنی تعلیم کو عام کرنے کی کوشش کرونگی اور مسائل کے حل کے لیے بھی کوشش کرونگی۔انہوں نے عورتوں کومخاطب کرتے ہوئے کہا کہ آپ ملبوسات کو ڈیزائنگ کرتے وقت اسلامی اقدار کو ذہن میں رکھتے ہوئے ملبوسات تیار کرنے کی کوشش کرے تاکہ اسلامی ثقافت اور اقدار کو مزید فروغ مل سکیں۔
وحدت نیوز(پنڈدادنخان) مجلس وحدت مسلمین شعبہ خواتین کی جانب سے تنظیم سازی کے پہلے مرحلے میں مختلف اضلاع میں آرگنائزنگ کمیٹی تشکیل دی جا رہی ہیں دوسرے مرحلے میں چھ ماہ کی ورکنگ کے بعد ان اضلاع میں باقاعدہ سیکرٹری جنرل اور ضلعی کابینہ منتخب کی جاے گی اسی سلسلے کو جاری رکھتے ہوۓ مرکزی سیکرٹری تنظیم سازی محترمہ معصومہ نقوی اور سیکرٹری آفس محترمہ بینا شاہ نے ضلع جہلم کے علاقے پنڈدادنخان میں آرگنائزنگ کمیٹی تشکیل دی ۔
محترمہ نورین کاظمی کو آرگنائزر منتخب کیا گیا، اس موقع پر مرکزی سیکرٹری تنظیم سازی محترمہ معصومہ نقوی نے ظہور امام زمانہ عج کی زمینہ سازی کے مقدمات فراہم کرنے میں خواتین کے کردار پر روشنی ڈالی ۔خواتین نے اس الہی جماعت کا حصہ بنتے ہوۓ معاشرے میں مھدوی انقلاب کے لیے راہ ہموار کرنے کے عزم کا اعادہ کیا۔
وحدت نیوز(سکردو) بلتستان ڈویژن میں ایم ڈبلیوایم شعبہ خواتین کی تنظیم سازی کا تیزی سے آغاز، مجلس وحدت مسلمین گلگت بلتستان اسمبلی کی رکن ڈاکٹر کنیز فاطمہ علی ایم ڈبلیوایم بلتستان ڈویژن کی سیکریٹری جنرل منتخب ہوگئیں ۔بعد ازاں انہوںنے اپنی کابینہ کی اراکین سے حلف لیااور ایم ڈبلیوایم بلتستان ڈویژن کی نامزدڈپٹی سیکریٹری جنرل محترمہ کبریٰ نے سکردو حلقہ 1 اور حلقہ 2 کے 17 یونٹس کی نامزد سیکریٹری جنرلز سے ان کے عہدوں کا حلف لیا۔
نومنتخب سیکریٹری جنرل ورکن جی بی اسمبلی محترمہ ڈاکٹر کنیز فاطمہ نے مجلس وحدت مسلمین شعبہ خواہران کے منشور کی محوریت میں اجتماعی جدو جہد کی اہمیت پر روشنی ڈالی اور کہا کہ انشاء اللہ جی بی اسمبلی میں خواتین حقوق کی بھرپور دفاع کرینگے اور خواتین کے مسائل حل کرنے کی کوشش کرینگے۔
اس نشست سے خطاب کرتے ہوئے صوبائی رہنما برادر محمدعلی نے کہا کہ سید بزرگوار آغا علی رضوی کی قیادت میں انشاء اللہ خواہران اپنی تربیت کیساتھ اجتماعی ،معاشرتی حوالے سے رول پلے کرینگی۔
نشست سے خطاب کرتے ہوئے آرگنائزر شعبہ تنظیم سازی مولانا محمدجان حیدری نے کہا کہ انشاء اللہ اپریل تک بلتستان میں خواہران کی سو جبکہ برادران کی ڈیڑھ سے دو سو دستوری یونٹس بنائے جائیں گے اور تمام یونٹس کی تربیت اور معاشرتی رول کے حوالے سے تیاری کرینگے۔انہوں نے کہاکہ مردوں کے شانہ بشانہ معاشرتی تعلیم وتربیت میں خواتین کا کردار نہایت اہم ہیں۔
وحدت نیوز(چکوال)مجلس وحدت مسلمین شعبہ خواتین کی جانب سے ملک کے مختلف اضلاع میں شعبہ خواتین کی تنظیم سازی کا عمل بھرپور انداز میں جاری ہے اس سلسلے میں مرکزی عہدیداران محترمہ معصومہ نقوی اور محترمہ بینا شاہ نے ضلع چکوال کے علاقے جھامرہ تحصیل کلر کہار کا دورہ کیا اور علاقے کی فعال خواتین سے ملاقات کی اور مجلس وحدت مسلمین شعبہ خواتین کی جانب سے آرگنائزنگ کمیٹی تشکیل دی جس میں محترمہ نادیہ آرگنائزر جبکہ محترمہ شازیہ علوی ڈپٹی آرگنائزر نامزد ہوئیں۔
اس موقع پر مجلس وحدت مسلمین شعبہ خواتین کی سیکرٹری تنظیم سازی محترمہ معصومہ نقوی نے خطاب کرتے ہوۓ خواتین کی انفرادی اور اجتماعی کردار پر روشنی ڈالی نیز غیبت کبری کے زمانے میں اپنی اخلاقی تربیت کرتے ہوۓ کس طرح ظہور کا زمینہ فراہم کر سکتے ہیں پر تفصیلی گفتگو کی مرکزی آفس سیکرٹری محترمہ بینا شاہ نے مجلس وحدت مسلمین شعبہ خواتین کا تعارف اور اغراض و مقاصد بیان کیے۔
وحدت نیوز(لاہور) مجلس وحدت مسلمین شعبہ خواتین لاہور کی سیکرٹری جنرل محترمہ حنا تقوی کی ھدایات پر بیدیاں روڈ یونٹ میں بچوں اور بچیوں کے لیے تین روزہ تربیتی ورکشاپ کا انعقاد کیا گیا ورکشاپ میں بچوں کی کثیر تعداد نے شرکت کی محترمہ حنا تقوی نے امام زمانہ علیہ سلام اور عادلانہ حکومت کے نفاذ کے عنوان پر بچوں کو مفید اور سادہ انداز میں لیکچرز دیے اس سہ روزہ تربیتی ورکشاپ کا مقصد بچوں میں احساس ذمہ داری ، دینی شعور اور امام زمانہ عج کے ظہور کی زمینہ سازی کے لئے ترغیب دینا اور اپنے وقت کے امام ع سے بچوں میں انسیت اور قربت پیدا کرنا ہے تاکہ وہ اپنے آقا و مولا ع کی خوشنودی کے لیے معاشرے میں عمل صالح انجام دیں اور ان کی سپاہ میں شامل ہونے کے مشتاق بنیں۔
وحدت نیوز (خوشاب) مجلس وحدت مسلمین شعبہ خواتین کی سیکرٹری تنظیم سازی محترمہ معصومہ نقوی اور آفس سیکرٹری محترمہ بینا شاہ نے ضلع خوشاب کے علاقے پدھراڑ کی فعال سماجی خاتون محترمہ راحیل علوی صاحبہ سے ان کی رہائشگاہ پر تفصیلی ملاقات کی اور محترمہ راحیل علوی صاحبہ کو ایم ڈبلیوایم شعبہ خواتین ضلع خوشاب کا آرگنائزر نامزد کیا۔
محترمہ راحیل علوی بائیس سالہ تنظیمی تجربہ رکھتی ہیں۔علاوہ ازیں پدڑال کے علاقے میں ایک سکول کی پرنسپل کے طور پر اپنی خدمات انجام دیتی رہی ہیں جس میں شیعہ مکتب سے تعلق رکھنے والے آٹھ سو طلباء و طالبات نے تعلیم حاصل کی۔
محترمہ راحیل علوی صاحبہ مقامی انجمن کینزان زہراؑ کی بھی مسئول ہیں اور مجلس وحدت مسلمین شعبہ خواتین کی مرکزی اراکین کی دعوت پر بطور آرگنائزر ضلع بھر میں ایم ڈبلیو ایم کے پلیٹ فارم سے اپنی خدمات سر انجام دیں گی۔
