The Latest

وحدت نیوز (اسلام آباد) مجلس وحدت مسلمین پاکستان کے مرکزی سیکرٹری فلاح و بہبود وخیرالعمل فاؤنڈیشن کے چیئرمین نثار علی فیضی نے کویت میں مسجد امام صادق ؑ میں نماز جمعہ کے دوران ہونے والے خود کش حملے کی شدید مذمت اور قیمتی انسانی جانوں کے ضیاع پرگہرے دکھ و غم کا اظہار کرتے ہوئے کہا کہ داعش اور سعودیہ اسلام کے لبادے میں یہودی عزائم کو پایہ تکمیل تک پہنچا رہے ہیں۔ ماہ صیام کی حرمت کو پامال کر کے روزہ دار نمازیوں کو شہید کرنے والے مسلمان تو دور انسان بھی کہلانے کے لائق نہیں ہیں ،خلیجی ممالک میں داعش کی بڑھتی ہوئی اسلام و انسان دشمن سفاکیت پر پوری عالمی برادری کو اکٹھا ہونا پڑے گا۔داعش اسلام کے لیے نہیں بلکہ انسانیت کے لیے خطرہ ہیں جو کہ اسلام کے نام پرسفاکیت کی ترویج کررہے ہیں ۔ان خیا لات کا انہوں نے اٹک میں الزہراؑ ٹیکنیکل سینٹرکے دورہ اور افطار ڈنر کے موقع پر تنظیمی ورکروں اور عہدیداروں سے خطاب کرتے ہوئے کیا ۔نثار علی فیضی نے کہا کہ قطیف اور دمام کے بعد کویت میں خود کش حملے لمحہ فکریہ ہیں سلفیت اور خارجیت کی تعلیم دینے والے سعودی عرب اور داعش ایسے واقعات کو اپنے مذموم سیاسی عزائم کے لیے استعمال کررہے ہیں۔ اسلام بیداری کی لہر سے خائف صہونیوں نے اسلام کے چہرے کو بگاڑنے کی سازش کو جاری رکھا ہوا ہے لیکن افسوس اس بات پر ہے کہ اس کام کے لیے انہیں ہر سطح کے جاہل ، نفس پسند اور شدت پسند مزدورہر ملک میں آسانی سے مل جاتے ہیں ۔ یمن کے بمباری معصوم بچوں کی ہلاکت سے لیکر داعش کے ہاتھوں بیدردی کے ساتھ آئے دن افراد کے قتل عام کے مناظر بربریت و سفاکیت کی ایک تاریخ رقم کررہے ہیں ۔تقریب سے مرکزی مسؤل آفس علامہ اصغر عسکری ،صوبائی سیکرٹری فلاح بہبود مسرت عباس کاظمی اور سید توصیف الحسن نے بھی خطاب کیا۔

وحدت نیوز (گلگت) مجلس وحدت مسلمین نے سیاست میں امیر اور غریب کے فرق کو مٹاکر اہل افراد کو اسمبلیوں تک پہنچادیا ہے اور عوامی حقوق کی جدوجہد میں کوئی کسر نہیں چھوڑیں گے۔ ہم نے ہمیشہ مظلوم کی جنگ لڑی ہے اور آئندہ بھی محروم و مظلوم عوام کی حمایت میں ظالم حکمرانوں سے جنگ بھرپور انداز میں لڑی جائیگی۔ان خیالات کا اظہار مجلس وحدت مسلمین خواتین ونگ کی صوبائی کوارڈینیٹر سائرہ ابراہیم نے خواتین کی مخصوص نشست پر بی بی سلیمہ کے انتخاب کے موقع پر کیا۔ انہوں نے کہا کہ مجلس وحدت مسلمین نے ایک ایسی ہونہار اور قابل اور غریب طبقے سے تعلق رکھنے والی خاتون کو خواتین کی مخصوص نشست پر منتخب کرواکر ثابت کردیا کہ اس جماعت کی نظر میں غریب اور امیر میں کوئی فرق نہیں۔انہوں نے کہا کہ اب اسمبلی میں غریب اور مظلوم کے حق میں آواز بلند ہوگی اور برابری کی بنیاد پر عوام کو حقوق میسر ہونگے۔اقتدار کے نشے میں بد مست حکمرانوں کی بد عنوانیوں کے آگے دیوار کھڑی کی جائیگی اور ہر کام میرٹ پر ہوگا۔انہوں نے کہا کہ ہماری جماعت کے حق میں عوام نے اپنے ووٹ کا استعمال کیا ہے اور ہم انشاء اللہ انہیں مایوس نہیں کرینگے اوراپنی کارکردگی سے ثابت کرینگے کہ ہمارے وعدے جھوٹے نہیں بلکہ ہم عملی سیاست پر یقین رکھتے ہیں ۔مجلس وحدت مسلمین علاقے میں عملی سیاست کا ایک نیا رخ متعارف کروائے گی اور موروثی سیاست کے سیاہ چہروں کو بے نقاب کیا جائیگا۔

وحدت نیوز(اسلام آباد) مجلس وحدت مسلمین پاکستان کے فلاحی شعبہ خیرالعمل فاؤنڈیشن کے چیئرمین نثار علی فیضی نے کہا کہ ما ہ رمضان برکتوں اور رحمتوں والا مہینہ ہے جو اللہ کے تقرب کے حصول کے لیے بہترین مواقع فراہم کرتا ہے اس ماہ میں ہر نیک عمل قبولیت کی بلندی پرفائزہوتاہے صوم و صلوۃٰکیساتھ صدقہ و خیرات عبادات کو خالص کر دیتے ہیں غریب ،لاچاروبے کس اور مستعضفین کی خدمت اس ماہ کی معنویت کو سمیٹنے کا بہترین ذریعہ ہیں اس آمادگی اور معنویت سے بھر پور مہینہ میں مجلس وحدت مسلمین پاکستان کے ہر کارکن کو عبادات الہی کی بجاآوری کے ساتھ دکھی انسانیت کی خدمت کے ہر ذریعہ سے بھر پور استعفادہ کرنا چاہیے ان خیالات کا اظہار انہوں نے ماہ مقدس رمضان کے حوالے سے بیان میں کیا۔

نثار علی فیضی نے کہا کہ مجلس وحدت مسلمین پاکستان کے شعبہ فلاح وبہبود خیرالعمل فاؤنڈیشن جو سارا سال دکھی انسانیت کی خدمت میں سرگرم رہتا ہے اس ماہ مبارک میں کارکنان اورمسؤلین سے خصوصی توقعات رکھتا ہے کہ وہ اس ماہ مقدس میں سماجی سرگرمیوں میں تیزی لائیں سب سے پہلے اپنی معنویت اور اللہ کے ساتھ تعلق و رشتہ کو مضبوط کریں پھر اپنے علاقے میں ضرورت مندوں کی درست تشخیص دیں اور اسکے بعد علاقے کی موئثر ثروت مندوں اور مخیرحضرات کوترغیب دیتے ہوئے ان ضروریات کی فراہمی کے اقدامات کریں ۔خیرالعمل فاؤنڈیشن گزشتہ سالوں کی طرح اس سال بھی ماہ مبارک صیام میں راشن پروگرام ، عشرہ ایتام اور عید گفٹ کے پروگراموں کا انعقاد کر رہی ہے جس سے ہزاروں ضرورت مند خاندان،یتیم بچے اور مستحق افراد کی ضرورت کو پورا کرنے میں مدد حاصل ہو سکے گی ۔

وحدت نیوز (کراچی) مجلسِ وحدت مسلمین شعبہ خواتین کراچی ڈویژن کی جانب سے  انوارِ شعبان اور ولادتِ امامِ زمانہ[ع]کی مناسبت سے الحجت [ع] بازار  کا اہتمام،مجلسِ وحدت مسلمین شعبہ خواتین کراچی ڈویژن کی جانب سے انوارِ شعبان اور ولادتِ امامِ زمانہ[ع]'' کی مناسبت سے الحجت [ع] بازارکا اہتمام کیاگیا،جسمیں مختلف شعبہِ جاتِ زندگی سے تعلق رکھنے والی خواتین نے بچوں کے ساتھ کثیر تعداد میں شرکت کی.الحجت[ع] بازارکا اہتمام، ملت کی خواتین کی سہولت اور پُرزور خواہش پرکیا گیا تھا، تاکہ رمضان کی آمد سے قبل ہی خواتین سہولت اور آسانی کے ساتھ ایک ہی جگہ سے اور ایک  ہی وقت میں زندگی کے مختلف شعبوں سے متعلق ضروری سامان اور اشیاء خُرد و نوش کی خرید و فروخت کر سکیں.اس سلسلے میں خواتین کی جانب سے لگائے جانے والے مختلف اشیاء کے اسٹالز کی تعداد 56 تھی.جسمیں حجاب اور عبایا اسٹالز، ملبوسات، کاسمیٹیک، حنا اسٹالز، بیکری اور نمکو آیئٹمز اسٹالز، جیولری، بچوں کے ملبوسات ، ہینڈ بیگز وغیرہ لگائے گیے تھے اسکے علاوہ مختلف طرح کے  کھانے اور ٹھنڈے و گرم مشروبات کے اسٹالز کا بھی بڑی تعداد میں اہتمام کیاگیا تھا۔

اسٹالز لگانے والی خواتین اور شریک خواتین و بچوں کی سہولت اور رہنمائی کے لیے مجلسِ وحدت  مسلمین شعبہ خواتین کراچی ڈویژن کی جانب سے استقبالیہ کیمپ لگایا گیا تھا.جسکے ساتھ ہی اسلامی کُتب اور حجاب اسٹال کا بھی اہتمام کیاگیا تھااور خاص طور پر شریک معصوم بچوں کے لیے فری فیس پینٹنگ کا بھی اہتمام مجلسِ وحدت مسلمین شعبہ خواتین کراچی ڈویژن کی جانب سے کیاگیا تھا.جسے بےحد سراہا گیا، جسمیں بچوں نے انتہائی جوش و خروش کے ساتھ فیس پینٹنگ میں  کے رنگوں کے ساتھ اور کے جھنڈے کے نشان بنوائے۔

دورانِ پروگرام ''انوارِ شعبان'' کی مناسبت سے اسپیکرز پر بلند آواز کے ساتھ مختلف بے شمار منقبت اور ترانوں کا اہتمام تھا، جبکہ بعدِ مغرب ، خصوصی طور پہ ،پروگرام میں موجود بچوں کو اسٹیج پر باقائدہ دعوت دی گئ جسمیں بچوں نے بہترین انداز میں انتہائی جوش و ولوالہ  کے ساتھ منقبت خوانی کی اور ترانے پیش کیے.ہر پڑھنے والےبچے کی حوصلہ افزائی کے لئے الگ سے اسٹارز لگائے گئے.جسکے بعد خصوصی طور پہ خطاب کے لیے ''خواہر سیما منظور'' کو دعوت دی گئ.آپ نے اپنے خطاب میں ماہِ شعبان کی مناسنت سے مختلف امور پہ روشنی ڈالی اور ''غیبتِ امام عصر[ع] میں ہماری زمہ داریوں'' کے حوالےسے گفتگو فرمائی.اسکےعلاوہ چند شریک مومنات نے بھی منقبت خوانی کے زریعے بارگاہِ امام عالی[ع] میں نذرانہ عقیدت پیش کیا.پروگرام کے باقائدہ اختتام پرمجلسِ وحدت مسلمین شعبہ خواتین کراچی ڈویژن کی جنرل سیکرٹری خواہر ہما جعفرینے اختتامی کلامات میں ''مجلسِ وحدت مسلمین شعبہ خواتین کراچی ڈویژن'' کی جانب سے  تمام موجود خواتین کا  ''الحجت [ع] بازار'' میں شرکت کرنے اور مختلف اسٹالز لگانے پر انکا شکریہ ادا کیا. جبکہ خصوصی طور پہ شرکت فرمانے  پر، مجلسِ وحدت مسلمین شعبہ خواتین'' کی ''مرکزی رکن کمیٹی'' '' جناب خواہر زہرہ نجفی ، مجلسِ وحدت المسلمین شعبہ خواتین کراچی ڈویژن کے کوآرڈینیٹر  مولانا علی انور جعفری ، امامیہ  اسٹوڈنٹس آرگنایزیشن [ISO] شعبہ طالبات کی مرکزی سیکرٹری خواہر گلِ زہرہ بمعہ ISO شعبہ طالبات کراچی ڈویژن ''  کا خصوصی طور پہ شکریہ ادا کیا. مجلسِ وحدت مسلمین کراچی ڈویژن ضلع وسطی کے برادر زین رضا اور انکی ضلعی کابینہ کا بھی مختلف انتظامی امور میں شکریہ ادا کیا۔

اسکے علاوہ مجلسِ وحدت مسلمین شعبہ خواتین کراچی ڈویژن کی تمام ڈویژنل اور یونٹ ممبران کو مبارکباد پیش کی، جنکی انتھک محنت کی بدولت'' الحجت[ع] بازار'' کا پروگرام کامیابی و کامرانی سے ہمکنار ہوا. اجتماعی ''دعائے سلامتی و تعجیلِ ظہورِ امام[ع]'' کے ساتھ پروگرام کا اختتام ہوا.جسکے بعد تمام  شرکاء میں میٹھائی تقسیم کی گئ.
شریک خواتین و بچوں اور اسٹٓالز لگانے والی خواتین نے اس کاوش ''الحجت[ع] بازار'' کی بےحد پزیرائی کی اور مستقبل میں بھی اس سلسلے اور ایسے پروجیکٹ کو جاری رکھنے کی خصوصی درخواست کی ہے۔

وحدت نیوز (جعفرآباد) مجلس وحدت مسلمین بلوچستان کے زیر اہتمام ضلع جعفر آباد میں دو روزہ اسکاؤٹس کیمپ منعقد ہوئی۔ اس موقعہ پراسکاؤٹس کیمپ سے صوبائی سیکریٹری جنرل علامہ مقصود علی ڈومکی ،صوبائی ڈپٹی سیکریٹری جنرل مولانا سید ظفر عباس شمسی اور مولانا سیف علی حیدری نے خطاب کیا۔اس موقعہ پرخطاب کرتے ہوئے علامہ مقصود علی ڈومکی نے کہا کہ اہل ایمان کی محبت اور نفرت کا معیار خدا کا دین ہوتا ہے۔ لہذا نوجوان، دوست اور دشمن کے لئے قرآنی معیار کو مدنظر رکھیں ۔ اہل ایمان کے لئے خدا کے دشمن سے دوستی رکھنا ممکن نہیں۔ امریکہ اور اسرائیل مردہ باد کا نعرہ اسی اصول کی بنیاد پر ہے۔

وحدت نیوز (اسلام آباد) مجلس وحدت مسلمین پاکستان کے مرکزی سیکرٹری فلاح وبہبود اور خیرالعمل فاؤنڈیشن کے چیئرمین نثارعلی فیضی نے کہا کہ 8 جون کو گلگت بلتستان کے عوام اپنی قسمت بدلنے کے لیے خیمے پر مہر لگا ئیں گے وہ ہوشیار اور بیدار ہو چکے ہیں ووٹ کی قدروقیمت کو سمجھتے ہیں اب وہ کسی کے جھانسے میں نہیں آنے والے باریوں کی سیاست کرنے والوں کو مسترد کر دینگے اور ان لوگوں کو اسمبلی میں پہنچائیں گے جو انکی حقیقی معنوں میں خدمت کا جذبہ رکھتے ہیں مجلس وحدت مسلمین پاکستان کے تاریخی جلسے اس بات کا ثبوت ہیں کہ گلگت بلتستان کے عوام نے باریوں کی سیاست کرنے ،کرپٹ اور اپنے حقوق پر ڈاکہ ڈالنے والوں کو مسترد کرکے اپنا فیصلہ ایم ڈبلیو ایم کے حق میں دے دیا ہے گلگت بلتستان میں مجلس وحدت مسلمین کی رفاہی خدمات نے عوام کو یہ احساس دلایا ہے کہ علاقے کی خوشحالی اور ترقی کے لیئے اسی جماعت کو آگے آنا ہو گا ، ان خیالات کا اظہار انہوں نے گلگت بلتستان کے تفصیلی دورہ کے بعد واپسی پر صحافیوں سے گفتگو کرتے ہوئے کیا ۔

چیئر مین خیرالعمل فاؤنڈیشن نثار علی فیضی نے اپنے گلگت بلتستان کے دورہ کے دوران خیرالعمل فاؤنڈیشن کی طرف سے مختلف علاقوں میں جاری منصوبوں کا معائنہ کیا اور تعمیراتی کاموں کا جائزہ لیا اور اطمینان کا اظہار کرتے ہوئے ڈویژنل مسؤلین کو کام کو مزید تیز کرنے کی ہدایات جاری کی نثار علی فیضی نے اپنے دورہ کے دوران طورمک واٹر پروجیکٹ ، ہلدی خپلو میں امام بارگاہ کے پروجیکٹ، شروٹ اور نروٹ گلگت میں مکانات کی تعمیراتی کام کا جائزہ لیا، صادق آباد گمبہ سکردو میں امام بارگاہ کے پروجیکٹ کا معائنہ کیا اور نلتر گلگت میں مسجد کا افتتاح بھی کیا اس موقع پر انہوں نے علاقو ں کے معززین سے ملاقاتیں کیں جنہوں نے خیرالعمل فاؤنڈیشن کے فلاحی کاموں کو سراہتے ہوئے انہیں اپنے اپنے علاقوں کی عوام کے لیے فائدہ مند قرار دیا ، اس موقع پر مجلس وحدت مسلمین کے مرکزی سیکر ٹری فلاح وبہبود نثار علی فیضی نے معززین سے بات کرتے ہوئے کہا کہ گلگت بلتستان کے غیور عوام کے حقوق کی جنگ لڑ رہی ہے اور عوامی خدمت اسکا شعار ہے ہم پچھلے کئی سالوں سے گلگت بلتستان میں عوامی خدمت میں مشغول ہیں جو اس بات کا ثبوت ہے کہ ایم ڈبلیو ایم کی قیادت جی بی کی عوام کو خوشحال اور مضبوط دیکھنا چاہتی ہے ۔

وحدت نیوز (گلگت) گلگت بلتستان 2015 کہ الیکشن کہ حوالے سے  مجلس وحدت مسلمین کی الیکشن کیمپنگ نہایت جوش و خروش کے ساتھ جاری ہے گلگت بلتستان میں مجلس وحدت مسلمین پاکستان کے وفد کا جگہ جگہ بھرپور استقبال کیا جارہا ہے۔مختلف علاقوں میں الیکشن کے حوالے سے سیاسی صورت حال سے آگاہی کے حوالے سے لیکچرز کا انتظام کیا جارہا ہے۔مجلس وحدت مسلمین شعبہ خواتین پاکستان گلگت بلتستان نے بھی باقاعدہ الیکشن کیمپنگ کا آغاز کردیا ہے۔گلگت بلتستان میں سیاسی شعور اور الیکشن میں خواتین کہ کاکرداگی کی اہمیت کو اجاگر کرنے کے حوالے سے مجلس وحدت مسلمین شعبہ خؤاتین پاکستان کا وفد گلگت بلتستان پہنچ گیا ہے۔پہلے بھیجے گئے وٖفد میں کراچی سے مرکزی کمیٹی شعبہ خواتین کی رکن خواہر زہرا نجفی اورصوبہ سندھ کی سیکرٹری جنرل خواہر ہمانقوی شامل تھیں جنھوں نے گلگت بلتستان کے مختلف علاقوں میں جن میں مجینی محلہ،غلمت،جعفرآباد ،پسن،ھئچر،بگروٹ،بارگو شروٹ چھیپروٹ الیکشن کیمپنگ کے حوالے سے بریفنگ دی۔

گلگت چھلت نگر میں الیکشن کے حوالےسے ہونے  والے ایک پروگرام میں صؤبہ سندھ شعبہ خواتین کی سیکرٹری جنرل خواہر ہما مہدی نے خواتین کردار کی سیاسی میدان میں اہمیت بیان کرتے ہوئے کہا کہ اب الحمداللہ وہ وقت آگیا ہے کہ جب گلگت بلتستان کی عوام کو ان کےحقوق دیئےجائیں اب وقت آگیا ہے کہ ہم اپنے حق کے لیے آواز بلند کریں اب ہم کیسی کے آگے  ہاتھ نہیں پھلائیں گے بلکہ اپنے آئینی اور دستوری حق کے لیے یہ جنگ خود لڑیں گے کیسی کو اب اجازت نہیں دیں گے کہ وہ ہمارے وؤٹ کو لے کر ہمارے ہی حقوق کونظر انداز کرئے۔

مجلس وحدت مسلمین صوبہ سندھ کی سیکٹری جنرل خوہر ہما مہدی جعفری نے مجلس وحدت مسلمین کی  مجموعی چار ساله کارکردگی اور گلگت بلتستان مین جاری منصوبوں کا خصوصی طور په ذکر کرتے ھوۓ کھا که ان منصوبوں کے ذریعے یہان کے عوام کو بھتر سھولیات حاصل ھونگی .مجلس وحدت مسلمیں گلگت بلتستان کی عوام کے دلوں کی آواز ہے لہذا اب وقت ہے کہ ہم خواتین بھی اپنا کردار ادا کرئے اور ظالم حکمرانوں کے ظلم و ستم سرزمین گلگت بلتستان  کو آزاد کرائیں ۔

وحدت نیوز(لاہور)مرکزی کوآرڈینیٹر مجلس وحدت مسلمین شعبہ خواتین خانم زہرا نقوی نےگلگت بلتستان الیکشن کےحوالے سے گفتگو کرتے ہوئے کہا کہ گلگت بلتستان ملک کا انتہائی اسٹریٹجک اور اہم علاقہ ہے جو اپنے بنیادی ترین آئینی حقوق سے محروم ہے ۔گلگت بلتستان ہی وہ علاقہ ہے جو پاکستان کے لئے چین سے تجارت کی واحد راہداری اور ملک کو دریائے سندھ اور دریائے جہلم کی فراہمی کا واحد ذریعہ ہے ۔

گلگت بلتستان کی عوام کے بارے میں ان کا کہنا تھا کہ پاک سرزمین سے والہانہ محبت کرنے والے ،پرامن گلگتی اور بلتی عوام اپنے حقوق اور آئینی حق کے لئے الیکشن میں بھرپور حصہ لیں۔بالخصوص مومنہ خواتین ،مائیں ،بہنیں اور بیٹیاں قومی اور شرعی فریضہ سمجھ کر ووٹ کی طاقت کے ذریعہ سے اپنے حقوق کا دفاع کریں ۔
انہوں نے کہا کہ گلگت بلتستان میں مجلس وحدت مسلمین شعبہ خواتین کی تمام ذمہ دارخواتین ،الیکشن کیمپین اور ووٹ ڈالنے میں خواتین کی بھرپور معاونت کریں ۔

وحدت نیوز (گلگت) مجلس وحدت مسلمین پاکستان کے ذیلی ادارہ خیرالعمل کے تحت نلتر، گلگت میں مسجد کا افتتاح، ڈپٹی سیکرٹری جنرل ایم ڈبلیو ایم علامہ امین شہیدی، خیرالعمل کے چیئرمین نثار فیضی، رہنما ایم ڈبلیو ایم سندھ علامہ مختار امامی، رہنما ایم ڈبلیو ایم خیبر پی کے علامہ وحید عباس کاظمی، مجلس وحدت مسلمین پاکستان کے شعبہ وحدت یوتھ پاکستان کے مرکزی چیئرمین برادرسید فضل عباس نقوی ایڈووکیٹ، میڈیا سیکرٹری ایم ڈبلیو ایم خیبر پی کے نوید حسین نقوی اور دیگر کی شرکت۔ اہلیان علاقہ اور خیرالعمل کے تعاون سے قلیل عرصہ میں صحت افزاء مقام نلتر میں خوبصورت مسجد بنائی گئی، اہلیان علاقہ نے اس تعاون پر خیرالعمل فاونڈیشن کا شکریہ ادا کیا۔

وحدت نیوز (لاہور) گلگت بلتستان میں انتخابی مہم  چلانے کے لئے مجلس وحدت مسلمین شعبہ خواتین کی طرف سے مبلغات اور معلمات پر مشتمل مختلف وفو د بھیجے جا رہے ہیں ۔کراچی سےپہلا  دورکنی وفد  مرکزی کمیٹی شعبہ خواتین کی رکن خواہر زہرا نجفی اورصوبہ سندھ کی سیکرٹری جنرل خواہر ھمانقوی پر مشتمل گلگت بلتستان پہنچا جنہوں نے اپنے بھائیوں کے شانہ بشانہ گلگت بلتستان کے عوام کے حقوق کے دفا ع کے لئے انتخابی مہم  میں بھرپور حصہ لیا ۔دوسراوفد چار رکنی معلمات و ذاکرات پر مشتمل تھا جو جامعہ بعثت (رجوعہ سادات)کی طرف سے بھیجا گیا جنہوں نے وہاں اپنی بھرپور فعالیت کا آغاز کر دیا ہے۔معلمات کا تیسرا وفد بہت جلدگلگت،بلتستان روانہ ہو گا۔اور یہ سلسلہ الیکشن تک جاری رہے گا۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree