وحدت نیوز(اسلام آباد)چیئرمین مجلس وحدت مسلمین پاکستان علامہ راجہ ناصر عباس جعفری نے 13جمادی الاول سن 11ہجری دختر رسول اکرم ص حضرت جناب سیدہ فاطمتہ زہرا سلام اللہ علیہا کی شہادت کے دلسوز موقع پر حجت دوراں حضرت امام زمانہ عجل اللہ تعالیٰ فرجہ الشریف، مقام معظم رہبری سید علی خامنہ ائ، خاندان عصمت و طہارت کے عاشقوں اور تمام مسلمین جہان کی خدمت میں تعزیت و تسلیت پیش کرتے ہوئے کہا ہے کہ آپ کی حیات طیبہ کے تمام پہلو خواتین عالم کے لیے مشعلِ راہ ہیں، آپ نے حضرت امام حسن علیہ السلام اور حضرت امام حسین علیہ السلام جیسے صالح فرزندوں کی تربیت کی کہ جو رسول اکرم صلی اللہ علیہ وآلہ وسلم کے قول کے مطابق جوانان جنت کے سردار ٹھہرے ہیں، دختر رسول اکرم صلی اللہ علیہ وآلہ وسلم کی پاکیزہ سیرت و کردار نہ صرف خواتین عالم بلکہ تمام انسانیت کے لیے نمونہ عمل ہے، جس پر عمل پیرا ہو کر خواتین اس مدر پدر آزاد معاشرے میں اپنی ذاتی زمہ داریوں سے بہترین انداز سے انجام دے سکتی ہیں، اس وقت معاشرے میں عورت کو جس قدر و منزلت اور عزت و احترام سے آراستہ کیا گیا وہ حضرت سیدہ فاطمتہ الزہرا سلام اللہ علیہا کے وجود کی برکت ہے، آپ تمام عالمین کی عورتوں کی سردار ہیں آپ سلام اللہ علیہا کہ عظمت و منزلت اور خدا کے نزدیک آپ کے عالی ترین مقام و مرتبہ کا اندازہ لگانا بشر کے لیے ممکن نہیں۔

وحدت نیوز(اسلام آباد)29 نومبر 1977ء کو اقوام متحدہ کے تحت فلسطینیوں سے اظہار یکجہتی کے عالمی دن کی مناسبت سے چیئرمین مجلس وحدت مسلمین پاکستان علامہ راجہ ناصر عباس جعفری نے کہا ہے کہ اقوام متحدہ اور او آئی سی فلسطینی عوام پر اسرائیلی جارحیت رکوانے میں مکمل ناکام رہے ہیں، اقوام متحدہ کا ادارہ بھی لیگ آف نیشنز کی طرح اپنی ساکھ کھو چکا ہے، اقوام متحدہ اپنی قراردادوں پر عمل کروانے میں مسلسل ناکام رہا ہے، او آئی سی اور عرب لیگ بھی فلسطینی عوام پر اسرائیلی ظلم وبربریت میں برابر کے شریک ہیں، اسرائیل کی جانب سے فلسطینی سرزمین پر ناجائز قبضہ اقوام متحدہ کے چارٹر کی سنگین خلاف ورزی ہے، حالیہ جنگ میں غاصب صہیونی ریاست جنگی جرائم کی کھلم کھلا مرتکب ہوئی، جس میں چودہ ہزار سے زائد معصوم افراد کو بے دردی سے قتل کیا گیا ہے، سات ہزار بچے اور خواتین شامل ہیں لیکن اس بڑے پیمانے پر کیئے گئے قتل عام پر اقوام متحدہ نے کوئی مؤثر کردار ادا نہیں کیا۔

انہوں نے کہا کہ اس وقت اسرائیل میدان جنگ میں بری طرح نڈھال ہو چکا، حماس کے خلاف اس کے خالی ہاتھ پھول چکے ہیں، اس خفت کو مٹانے کے لیے وہ سویلینز پر روزانہ ٹنوں کے حساب سے بارود برساتا رہا لیکن شکست اس کا مقدر ٹھہری، فلسطینی مظلومین اپنی چار نسلوں سے اس پاگل بھیڑیے کے نرغے میں تھے لیکن اب انہوں نے اس منہ پر ایسا زور دار مکا رسید کیا ہے جس سے اس کے خونخوار دانت اور جبڑے ٹوٹ چکے ہیں، اسرائیل کو امریکہ کی اشیر باد اور مکمل عسکری تعاون حاصل نہ ہوتا تو اس کا وجود ختم ہو جاتا، اب بھی اسرائیل فلسطینیوں کی استقامت اور عزم و حوصلے کے سامنے زیادہ دیر ٹھہر نہیں سکے گا۔

وحدت نیوز(سکردو) اپوزیشن لیڈر گلگت بلتستان اسمبلی کاظم میثم نے کہا ہے کہ سکردو حلقہ نمبر 2 میں کئی تفریحی مقامات ایسے ہیں جن کو دیکھ کر زمین پر جنت کا گماں ہوتا ہے، ہم نے اپنی بساط کے مطابق حلقے کی تعمیر و ترقی کیلئے کام کیا ہے جو کمی بیشی رہ گئی ہے اس کو آئندہ کی اے ڈی پیز میں پورا کریں گے۔ سڑک پکی ہونے کے بعد شگری بالا میں سیاحوں کا تانتا بندھ جائے گا، یہاں کے تاریخی اور تفریحی مقامات دیکھنے کیلئے ملک بھر سمیت پوری دنیا سے سیاح آئیں گے، سڑک پکی نہ ہونے کی وجہ سے شگری بالا تک رسائی بہت مشکل تھی، سڑک میٹل ہونے کے بعد یہاں کے مقامی لوگوں کے ساتھ ساتھ سیاحوں کو بھی بڑی آسانیاں پیدا ہونگی۔ ان خیالات کا اظہار انہوں شگری بالا روڈ کے افتتاح کے موقع پر گفتگو کرتے ہوئے کیا۔ انہوں نے کہا کہ سکردو حلقہ نمبر 2 کو ماضی میں بہت نظر انداز کیا گیا، اس حلقے کی تعمیر و ترقی پر کسی قسم کی کوئی توجہ نہیں دی گئی۔

ان کا کہنا تھا کہ ذاتی نوعیت کے کام بہت ہوئے تاہم اجتماعی مفادات کیلئے کوئی کام نہ ہوا۔ ہماری کوشش یہ رہی ہے کہ ہم زیادہ سے زیادہ اجتماعی مفادات کو مدنظر رکھیں اور اجتماعی امور پر توجہ دیں۔ انہوں نے کہا کہ یولتر ہائی وے کو اردو قمراہ روڈ کی میٹلنگ گرلز ڈگری کالج کا قیام سکولوں کا قیام، رابطہ سڑکوں کی تعمیر و میٹلنگ کے منصوبے قابل ذکر ہیں۔ ہم یہ دعوی نہیں کرتے ہیں کہ عوام کے سارے مسائل حل کر لئے گئے ہیں تاہم مسائل حل کرنے کی حد المقدور کوشش کی ہے۔ عوام خود کو تنہا نہ سمجھیں۔ ان کے ساتھ ہم ہر وقت کھڑے رہیں گے۔ حلقے کے وسائل کا تحفظ ہماری اولین ترجیح ہے۔ عوامی مفادات کو کبھی کسی قسم کا نقصان نہیں ہونے دیں گے۔ عوام کے حقوق کی پہلے بھی حفاظت کی ہے، آئندہ بھی کریں گے، وہ کام کبھی نہیں کریں گے جس سے عوام کو نقصان ہو، عوامی مفاد اور فلاح کی نوعیت کے منصوبوں پر کام کر رہے ہیں۔
 

وحدت نیوز(ڈیرہ اسماعیل خان)آئندہ جنرل الیکشن کے متعلق مجلس وحدت مسلمین کے زیر اہتمام مختلف شیعہ تنظیموں اوراکابرین کا مشاورتی اجلاس کوٹلی امام حسین میں منعقد ہوا جس میں ایم ڈبلیو ایم کے ضلعی صدر غضنفر نقوی ، صوبائی سیکرٹری سیاسیات تنویر مہدی ،ضلعی جنرل سیکرٹری تہور عباس، شیعہ ینگ مین کے عہدیداران میں شامل سید فیاض حسین شاہ بخاری، بشیر جڑیہ، انجمن متولیان کے ہیبت اللہ صدیقی ،خادم حسین ڈی ، اشفاق مغل ، مظہر شاہ ،علمدار شاہ ،سید نثار کاظمی،سمیت دیگر عمائدین اہل تشیع نے شرکت کی ۔

اس موقع پرصوبائی اسمبلی کے حلقہ سٹی ون پر شیعہ نمائندہ سامنے لائے جانے کے لیے  شرکائے اجلاس نے رائے پیش کی ، مقررین کا کہنا تھا کہ ہمیں ایسے امیدوار کی حمایت کرنی چاہیئے جو ہمارے حقوق کا تحفظ کرے شرکائےاجلاس کا کہنا تھا کہ اس سے قبل فیصل کریم کنڈی سے تحریری معاہدہ کیا تھا لیکن کامیابی کے بعد انہوں نے تحریری معاہدہ پر عمل درآمد نہیں کیا تھا جس کی وجہ وہ اب قابل اعتبار نہیں ۔

اجلاس میں بتایا گیا کہ آمدہ الیکشن کے حوالے سے جمیعت علماء اسلام اور اے این پی نے بھی رابطہ کیا  ہے جس کے لیے قومی مشاورت کی ضرورت ہے ۔ اجلاس میں شریک مقررین کی اکثریت نے اس بات سے اتفاق کیا کہ آئندہ الیکشن میں شیعہ برادری سے اپنا نمائندہ ہونا ضروری ہے۔