The Latest
وحدت نیوز(لاہور)وائس چیئرمین مجلس وحدت مسلمین پاکستان جناب علامہ سید احمد اقبال رضوی اور مولانا ظہیر کربلائی کا 26 نومبر آزادی فلسطین مارچ کی دعوتی مہم کے سلسلے میں امامیہ آرگنائزیشن پاکستان کے مرکزی آفس کا وزٹ ۔ جہاں پر امامیہ آرگنائزیشن پاکستان اور امامیہ اسٹوڈنٹس آرگنائزیشن پاکستان لاہور ڈویژن کے برادران کو باقاعدہ آزادی فلسطین مارچ میں شرکت کی دعوت دی ۔
اس نشست میں جناب برادر حسنین جعفر زیدی، جناب افسر رضا خان ، لاہور ریجن کے ناظم جناب سید حسن نقوی اور دیگر امامیہ آرگنائزیشن پاکستان کے اراکین موجود تھے ۔
علامہ سید احمد اقبال رضوی نے بڑے اچھے انداز میں فلسطین میں ہونے والے مظالم پر روشنی ڈالی ۔ حسن رضا نقوی نے کہا کہ ہم لاہور ریجن کے تمام علاقوں میں جہان سے مجلس وحدت مسلمین پاکستان کے برادران اور خواہران شرکاء مارچ کے حوالے سے ورکنگ کررہے ہیں ان کے ساتھ تعاون کریں گے ۔ان شاءاللہ
تعاون کی یقین دہانی پرعلامہ سید احمد اقبال رضوی وائس چیئرمین مجلس وحدت مسلمین پاکستان نے امامیہ آرگنائزیشن پاکستان اور امامیہ اسٹوڈنٹس آرگنائزیشن پاکستان لاہور ڈویژن کے برادران کا شکریہ ادا کیا ۔
وحدت نیوز(کوئٹہ)علامہ سیدعباس موسوی اور مجلس وحدت مسلمین ہزارہ ٹاون کے مرکزی کابینہ کو محترم جناب شاہ عبداللہ نے اپنے گھر میں دعوت دی۔ علامہ سید عباس موسوی اور ایم ڈبلیوایم ہزارہ ٹاون کی تمام کابینہ ممبران نے محترم جناب شاہ عبداللہ کی دعوت پر ان کے گھر میں شرکت کی ۔
اس سلسلے میں علامہ سید عباس موسوی اور ایم ڈبلیوایم ہزارہ ٹاون کی کابینہ نےجناب شاہ عبداللہ کے دوستوں کے ساتھ گفت و شنید کی ۔شاہ عبداللہ اور ان کے دوستوں مجلس وحدت مسلمین کے منشور کو سراہا، آئندہ انتخابات میں ایم ڈبلیوایم کے لیے نیک خواہشات کا بھی اظہار کیا۔
محترم جناب شاہ عبداللہ کی سربراہی میں ان کے تمام دوستوں نے ایم ڈبلیوایم پر اعتماد کرتے ہوئے ہر ممکن تعاون کرنے کی یقین دہانی کرائی اور آئندہ آنتخابات میں ایم ڈبلیوایم کو ووٹ دینے کا وعدہ بھی کیا۔
وحدت نیوز(لاہور)آزادی فلسطین ریلی کی دعوتی مہم کے سلسلے میں وائس چیئرمین علامہ سید احمد اقبال رضوی کی سربراہی میں مجلس وحدت مسلمین پاکستان کے وفدنے اسلامی نظریاتی کونسل کے ممبر اور سربراہ ادارہ منہاج الحسین جوہر ٹاون لاہور علامہ محمد حسین اکبر سے ملاقات کی۔
اس موقع پرمرکزی سیکرٹری سیاسیات جناب سید اسد عباس نقوی، صوبائی آفس سیکرٹری مولانا ظہیر کربلائی،ضلعی جنرل سیکرٹری جناب نقی مھدی ملاقات میں موجود تھےملاقات بڑے اچھے ماحول میں ہوئی اور شرکاء ریلی کی شرکت جعفر بھائی اور سبطین بھائی کے ذمہ لگائی گئی ہے ۔
وحدت نیوز(لاہور) آزادی فلسطین ریلی کی دعوتی مہم کے سلسلے میں وائس چیئرمین علامہ سید احمد اقبال رضوی کی سربراہی میں مجلس وحدت مسلمین کےوفد نے علاقہ نواب مریم آباد میں امام جماعت مسجد مریم آباد جناب مولاناسید آل حسن رضوی سے ملاقات کی ۔
مرکزی سیکرٹری سیاسیات جناب سید اسد عباس نقوی، صوبائی آفس سیکرٹری مولانا ظہیر کربلائی،ضلعی جنرل سیکرٹری جناب نقی مھدی بھی ملاقات میں موجود تھے۔26 نومبر حمایت مظلومین فلسطین ریلی میں شرکت کے حوالے گفتگو کی گئی ۔ ایک اچھی خاصی تعداد اس علاقے سے ریلی میں شریک ہوگی ان شاءاللہ ۔
وحدت نیوز(کراچی)مجلس وحدت مسلمین ضلع ملیر کے زیر اہتمام سالانہ مرکزی سہہ روزہ مجالس عزا بسلسلہ شہادت شہزادی کونین ،دختر پیغمبر اکرم ؐ حضرت فاطمتہ الزہراسلام اللہ علیہا کی دوسری مجلس عزا مرکزی امام بارگاہ جعفرطیارسوسائٹی ملیر میں منعقد ہوئی جس میں نظامت کےفرائض معروف ناظم محفل عابدالحسینی نے انجام دیئے، تلاوت حدیث کساء کی سعادت قاری عباس رضانقوی نے حاصل کی، سوزخوانی اراکین ادارہ ترویج سوزخوانی نے پیش کی،معروف نوحہ ومنقبت خواں بین الاقوامی شہرت یافتہ شاعر اہل بیتؑ سید ذیشان عابدی، ماسٹر زین زیدی، سرفراز نقوی نے بارگاہ جناب سیدہ ؑ میں نذرانہ عقیدت پیش کیا، مجلس عزا سے خطاب حجتہ الاسلام والمسلمین مولانا سید نصرت عباس بخاری صاحب قبلہ نے فرمایا۔
علامہ سید نصرت عباس بخاری نے دفاع کیلئے جناب شہزادی کونینؑ کی عظیم قربانیوں پر روشنی ڈالی اور کہا کہ اسلام تاقیامت دختر رسول کی زحمتوں اور قربانیوں کا مقروض رہے گا، آپ راہ ولایت کی پہلی محافظہ اور شہید ہیں جنہوں نے باطل کے سامنے کلمہ حق بلند کیا جبکہ ان کی پاکیزہ اولاد نے اپنی جدہ کے نقش قدم پر چل کر ہردور میں دین اسلام کا تحفظ کیا اپنے پاکیزہ لہو سے دین کی آبیاری کی۔
بعد ختم مجلس انجمن تنظیم جعفرطیار نے نوحہ خوانی وسینہ زنی کی ۔ مجلس عزا میںچیئرمین سفینہ امامیہ ٹرسٹ ومعروف سیاسی وسماجی شخصیت سید عمران حیدر عابدی، اراکین غازی عباس ٹرسٹ، ایم ڈبلیوایم کراچی ڈویژن کے جنرل سیکریٹری سید زیشان نقوی، سید محمد عباس رضوی سرپرست سفیر عزا و صدر امام بارگاہ کاروان حیدری ٹرسٹ، سید زین رضوی صدر عزاداری ونگ مجلس وحدت مسلمین صوبہ سندھ و ڈائریکٹر المجلس ویلفیئر آرگنائزیشن کراچی ڈویژن، مظہر عباس جعفری جنرل سیکرٹری مجلس وحدت مسلمین ضلع وسطی کراچی، سید سجاد رضوی صدر مجلس وحدت مسلمین نیوکراچی یونٹ حسین رہبر ڈپٹی ڈائریکٹرالمجلس ویلفیئر آرگنائزیشن کراچی ڈویژن ودیگر مومنین ومومنات کی کثیر تعداد نے شرکت کی ۔
وحدت نیوز(حیدرآباد)مجلس وحدت وحدت مسلمین ضلع حیدرآباد کی جانب سے فلسطین کی حمایت میں احتجاجی ریلی نکالی گئی، جس سے خطاب صوبائی صدر مجلس وحدت مسلمین حجت الاسلام و المسلمین قبلہ علامہ سید باقر عباس زیدی، مولانا عمران علی دستی صاحب، ضلعی رہنما مولانا گل حسن مرتضو،ی ضلعی رہنما مولانا ملازم حسین کربلائی، ضلعی رہنما مولانا رفیق ہمدانی، ضلعی سیکریٹری جنرل رحمان رضا ایڈووکیٹ، ضلعی صدر سید وقار حیدر زیدی، ضلعی میڈیا سیکریٹری محمد جمن سولنگی، رابطہ سیکریٹری غلام نبی مغل، جبکہ دیگر تنظیموں کے نمائندوں، مختلف شخصیات اور مومنین و مومنات نے بھرپور شرکت کی۔
مقررین نے نہتے فلسطینی مسلمانوں پر غاصب اسرائیلی افواج کے بہیمانہ حملوں اور قتل عام کی شدید الفاظ میں مذمت کی اور اس ظلم وبربریت پر عالمی براداری خصوصاً مسلم حکمرانوں کے شرمناک کردار کی بھی کھلے لفظوں میں مذمت کی، انہوں نے کہا کہ امت مسلمہ کے دل اپنے فلسطینی بھائی بہنوں جبکہ ہمارے حکمرانوں کے دل امریکہ اور اسرائیل کے ساتھ دھڑکتے ہیں۔
وحدت نیوز(کراچی)ایم ڈبلیوایم رہنما علی حسین نقوی کا متحدہ قومی موومنٹ پاکستان کے کونیئر ڈاکٹر خالد مقبول صدیقی کی والدہ محترمہ کے انتقا ل پر اظہار افسوس و تعزیت ۔
میڈیا سیل سے جاری اپنے تعزیتی پیغام میں مجلس وحدت مسلمین صوبہ سندھ کے پولیٹیکل سیکریٹری سید علی حسین نقوی نے کہاکہ متحدہ قومی موومنٹ پاکستان کے کونیئر ڈاکٹر خالد مقبول صدیقی کی والدہ محترمہ کے انتقال کا سن کر دلی افسوس ہوا ۔
انہوں نے مزید کہا کہ ماں کا فراق اولاد کیلئے کسی قیامت سے کم نہیں ، انسان دعاؤں کی ایک مضبوط چھاؤں سے محروم ہوجاتا ہے،اس عظیم سانحے پر ہم ڈاکٹر خالد مقبول صدیقی اور غم ذدہ خاندان کے دکھ درد میں برابر کے شریک ہیں ۔خدا وند متعال مرحومہ کی مغفرت فرمائے اور انہیں جنت الفردوس میں جگہ عطا فرمائے ۔
وحدت نیوز(لاہور) ایم ڈبلیوایم کے وفد کا جامعہ المنتظرلاہورکادورہ، طلباء علماء کو آزادی فلسطین مارچ میں شرکت دعوت۔ 26 نومبر آزادی مظلومین فلسطین مارچ کی دعوتی مہم کے سلسلے میںعلامہ محمد افضل حیدری سنیئر مدرس جامعہ المنتظر کو باقاعدہ دعوت دی گئی ہے ۔
علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب اپنے وفد کے ہمراہ جامعہ المنتظر پہنچے جہاں علامہ محمد افضل حیدری سے ملاقات کی اور انہیں 26 نومبر آزادی فلسطین مارچ کی دعوت دی ۔
آقا محمد افضل حیدری صاحب نے کہا کہ آپ کا پیغام قبلہ حافظ ریاض نجفی صاحب تک پہنچا دیں گے اس موقع پر مرکزی صدر وحدت یوتھ پاکستان علامہ تصور علی مہدی اور صوبائی آفس سیکریٹری ظہیر کربلائی بھی ہمراہ تھے ۔
وحدت نیوز(لاہور)وائس چیئرمین مجلس وحدت مسلمین پاکستان جناب علامہ سید احمد اقبال رضوی اپنے وفد کے ہمراہ جامعہ المصطفی العالمیہ پاک عرب سوسائٹی لاہور پہنچے ۔ جہاں انہوں علامہ سید حسین نجفی پرنسپل جامعہ المصطفی اور جامعہ کے اساتذہ سے ملاقات کی اور انہیں 26 نومبر کی ریلی میں شرکت کی دعوت دی۔
علامہ سید حسین نجفی نے کہا کہ میں جمعہ کے خطبہ میں باقاعدہ بیان کروں گا ۔ اور لوگوں کو اس بارے متوجہ کروں گا ۔ ان شاءاللہ امید ایک اچھی خاصی تعداد یہاں سے 26 نومبر کی ریلی میں ضرور شریک ہوگی ۔ اس وزٹ میں مرکزی سیکرٹری سیاسیات جناب سید اسد عباس نقوی، مرکزی صدر وحدت یوتھ ، صوبائی صدر مجلس وحدت مسلمین صوبہ پنجاب، صوبائی آفس سیکرٹری مولانا ظہیر کربلائی بھی ان کے ہمراہ تھے ۔
وحدت نیوز(لاہور)وائس چیئرمین مجلس وحدت مسلمین پاکستان جناب حجت الاسلام والمسلمین علامہ سید احمد اقبال رضوی کی زیر صدارت صوبائی سیکرٹریٹ میں اہم اجلاس منعقد ہوا جس میں 26 نومبر آزادی فلسطین مارچ کی کور کمیٹی کے معزز ممبران نے شرکت کی جب سے ریلی کی موومنٹ شروع ہوئی اب تک کی کارکردگی کا جائزہ لیا گیا ۔
وائس چیئرمین نے اب تک کارکردگی کو حوصلہ افزاء قرار دیا ۔ اجلاس میں مرکزی سیکرٹری سیاسیات جناب سید اسد عباس نقوی، صوبائی سیکرٹری سیاسیات جناب سید آغا حسین شاہ زیدی ، جناب حسنین جعفر زیدی ، جناب افسر رضا خان، صوبائی صدر مجلس وحدت مسلمین پاکستان صوبہ پنجاب جناب علامہ سید علی اکبر کاظمی، صوبائی جنرل سیکرٹری جناب سید حسن رضا کاظمی، مرکزی صدر وحدت جناب تصور علی مھدی ، یوتھصوبائی سیکرٹری مالیات جناب فصاحت علی بخاری، صوبائی آفس سیکرٹری ، ضلعی صدر جناب نجم عباس خان ، سنیئر ضلعی نائب صدر جناب آفتاب علی ہاشمی ، ضلعی جنرل سیکرٹری جناب نقی مھدی ، ضلعی رابطہ سیکرٹری جناب علمدار زیدی ، ضلعی آفس سیکرٹری کے علاوہ ٹاون کے صدور ودیگران موجود تھے ۔
کورکمیٹی نے اپنی مکمل کارکردگی رپورٹ وائس چیئرمین کو پیش کی جبکہ ضلعی صدر نے ٹاونز کی فعالیت پر بریفنگ دی ۔
