The Latest
وحدت نیوز (کراچی) دعا کمیٹی صوبائی سکریٹریٹ مجلس وحدت مسلمین سندھ کے زیر اہتمام ہفتہ وار اجتماعی دعائے توسل و مناجات پاکستان کی سر زمین میں اہلبیتؑ کی محبت کے جرم میں بلاجواز لاپتہ افراد شیعہ مسنگ پرسنز کی بازیابی کیلئے خصوصی دعا محفل شاہ خراسان روڈ پر منعقد ہوئی، جس میں تلاوت دعا کی سعادت ڈاکٹر سید مولانا مظفر حسین رضوی نے حاصل کی اور استغاثہ سید ناصر آغا نے پش کیا، دعائیہ اجتماع میں مسنگ پرسنز کی فیملیز، مومنین و مومنات کی بڑی تعداد کے علاوہ مولانا ڈاکٹر عقیل موسیٰ ،علامہ مبشر حسن، مولانا بشیر، عزادار حسین کاظمی، ناصر حسینی، ضامن عباس نقوی اور علمدار حیدر نے شرکت کی۔
اس موقع پر مولانا مظفر حسین رضوی، علامہ مبشر حسن نے کہا کہ ہمارے بے گناہ افراد کئی سالوں سے لاپتہ ہیں اور پاکستان میں پاک فوج، رینجرز، پولیس، مساجد، امام باگارہوں پر حملوں میں ملوث ملک دشمن دہشت گرد آزاد اور بانیان پاکستان کی اولادیں کئی سالوں سے لاپتہ ہیں ہم حکومت و ریاستی اداروں سے مطالبہ کرتے ہیں کہ شیعہ مسنگ پرسنز کو فی الفور رہا کیا جائے اور ہمیں مجبور نہ کیا جائے کہ ہم کوئی اقدام اٹھائیں، دعائیہ اجتماع کے اختتام پر تبرک تقسیم کیا گیا۔
وحدت نیوز(ایبٹ آباد) مرکزی صدر مجلس علمائے شیعہ پاکستان علامہ سید حسنین عباس گردیزی کی زیر صدارت مدرسہ رسول اعظمؐ ایبٹ آباد میں اجلاس منعقد ہوا۔ اجلاس میں ایبٹ آباد،ہری پور اور مانسہرہ کےعلماء کرام نے شرکت کی۔
اجلاس سے خطاب کرتے ہوئے صدر مجلس علمائے شیعہ علامہ سید حسنین عباس گردیزی نے مجلس علمائے شیعہ کے اغراض و مقاصد سے آگاہ کیا اور علما کا معاشرے میں کردار کے حوالے سے خصوصی گفتگو کی اور فرمایا:معاشرے میں لوگوں کو بیدار کرنا اور حقیقی ناب اسلام کو متعارف کرانا علمائے کرام کی ذمہ داریوں میں سے ہیں علامہ صاحب نےعلمائے کرام سے خطاب کرتے ہوئے مجلس علمائے شیعہ پاکستان کی افادیت اور ضرورت پر بھی روشنی ڈالی۔
اجلاس میںاتفاق رائے کے ساتھ حجة الإسلام و المسلمين سید وقار حسین رضوی صاحب کو مجلس علمائے شیعہ ھزارہ جات کا صدرمنتخب کر لیا گیا ۔اجلاس میں علامہ عیسی امینی مرکزی نائب صدر مجلس علمائے شیعہ پاکستان ،علامہ سید وقار حسین شاہ،مولانا عابد حسین، مولانا محمد تقی جعفری،مولانامحمد حبیب امینی،مولانا سید امداد حسین شاہ، مولانا سید وحیدعباس کاظمی، مولانا وقار شبیر نقوی، مولانا نذرعلی روحانی ،مولانا جہانزیب علی جعفری اور مولانا مظہر علی شاہ موجود تھے۔
اس اجلاس میں علمائے کرام نے گستاخ بی بی سکینہ سلطان گل کے خلاف اپنے غم و غصہ کا اظہار کیا اور حکومت پاکستان سے اس گستاخ کو کرفتار کر کے سخت سے سخت سزا دینے کا مطالبہ کیا۔
وحدت نیوز(سکھر) گرمیوں کی تعطیلات سے استفادہ کرتے ہوئے مجلس وحدت مسلمین شعبہ خواتین سکھر کے زیر اہتمام بچوں کے لیے دس روزہ تربیتی ورکشاپ کا انعقاد کیا گیا جس میں ایم ڈبلیوایم شعبہ خواتین سکھر کی سیکرٹری تعلیم و تبلیغات محترمہ عمرین رضا رضوی نے احکام دین ، تجوید القرآن اور قصص القرآن کے موضوعات پر دروس دیے بچوں کی دلچسپی کو مد نظر رکھتے ہوئے اسلامک کارٹونز اور ویڈیوز دکھائی گئیں جبکہ دیگر اسلامی سرگرمیوں میں بھی بچوں نے شوق سے حصہ لیا۔
ان دس دنوں میں بین الاقوامی شہرت یافتہ سرود امام زمان عج سلام فرماندے بچوں نے جوش و جذبے سے پڑھا اور یاد کیا سمر کیمپ کے اختتام پر تمام بچوں کو انعامات پیش کیے گئے جبکہ نمایاں پوزیشن لینے والے بچوں کے انعامات کے ساتھ کیش پرایز بھی دیے گئے۔
اختتامی تقریب میں ایم ڈبلیو ایم شعبہ خواتین سکھر کی سیکرٹری روابط محترمہ فرزانہ اظہر ، آفس سیکرٹری محترمہ رخشندہ ، سیکرٹری شعبہ یوتھ محترمہ مدیحہ نے خصوصی شرکت کی والدین نے بچوں کی دینی تربیت کے حوالے سے کی گئیں، ایم ڈبلیو ایم شعبہ خواتین سکھر کی کاوشوں کو سراہا ان کا کہنا تھا کہ بچوں کو دینی تعلیمات سے آگاہی دینے کے لیے ایسی تربیتی ورکشاپس کا انعقاد کرتے رہنا چاہیئے۔
وحدت نیوز(گلگت)مجلس وحدت مسلمین شعبہ خواتین کی مرکزی سیکرٹری یوتھ سائرہ ابراہیم نے اپنے بیان میں کہا کہ تمام مکاتب فکر کے جید علمائے کرام ، مساجد جماعت خانوں اور اساتذہ کرام تعلیمی اداروں میں سماجی برائیوں کے خاتمے کے لیے خصوصی لیکچرز کا اہتمام کریں ،نوجوانوں کی قیمتی زندگیاں بچانے کے لے عملی قدم اٹھانے کی ضرورت ہے۔
انہوں نے کہا کے گلگت بلتستان حکومت اور دیگر اداروں کو ایسے اندوہناک واقعات کی روک تھام کے لیے ذہنی صحت کی ایمرجنسی نافذ کرنی ہوگی اور ان مسائل کے حل کے لئے کچھ ٹھوس اقدامات کرنے ہونگے تاکہ مزید قیمتی جانوں کا ضیاع نہ ہو۔
وحدت نیوز(اسلام آباد)مجلس وحدت مسلمین پاکستان کے مرکزی جنرل سیکرٹری سید ناصر عباس شیرازی نے کہا ہے کہ تحریک انصاف کے ساتھ سیاسی اشتراک ملک ترقی و استحکام میں سنگ میل ثابت ہو گا۔اس انتہائی اہم معاہدے میں پاکستان کے بہترین مستقبل کا تعین کیا گیا ہے۔اس وقت پاکستان جن خطرات سے دوچار ہے اس میں سب سے زیادہ اہم داخلی بحران ہے۔ملک دشمن قوتوں نے پاکستان میں جمہوریت پر وار کر کے اس کے داخلی استحکام کو تباہ کرنے کی کوشش کی یے۔کوئی بھی خودمختار ریاست جب تک آزادانہ انداز میں اپنے فیصلے نہیں کرتی تب تک بحرانوں کا شکار رہتی ہے۔
انہوں نے کہا کہ ہمارے حالیہ سیاسی، اقتصادی اور دفاعی بحرانوں سے چھٹکارے کا واحد حل ہماری ملی وحدت میں مضمر ہے۔اس سیاسی دستاویز میں جو اصول طے کیے گئے ہیں وہ ایک منظم مربوط اور مضبوط قوم کی تشکیل کی بنیادی ضروریات پوری کرتے ہیں۔یہ معاہدہ قائد اعظم کے خوابوں کی تعبیر اور شہداء کے خون سے وفا کی عملی شکل ہے۔ہم نے مل کر اس ملک کی داخلی و خارجی خودمختاری کو مضبوط بنانا ہے۔ہمارا یہ عمل ارض پاک کو بحرانوں سے نکالنے میں اہم کردار ادا کرے گا۔
انہوں نے کہا کہ اس بیانئے کی بھرپور تشہیر کے لیے گلی محلے میں رابطہ مہم شروع کی جائے گی اور سب کو باہم کریں گےتاکہ مل کر وطن کی نظریاتی سرحدوں کا دفاع کیا جائے۔انہوں نے کہا کہ دیگر سیاسی حوالوں سے ہماری کمیٹیاں بنی ہوئی ہیں لیکن جب تک اس قومی بیانیے پر اکھٹے نہیں ہوں گے تب تک کوئی ہیش رفت فائدہ مند ثابت نہیں ہو گی۔
وحدت نیوز(کوئٹہ)مجلس وحدت مسلمین پاکستان کے مرکزی سیکرٹری تنظیم مقصود علی ڈومکی نے کہا ہے کہ وطن عزیز پاکستان میں مجلس وحدت مسلمین نے اقتدار کی بجائے اقدار کی سیاست کو فروغ دیا ہے مجلس وحدت مسلمین اور پی ٹی آئی کے درمیان جو معاہدہ تشکیل پایا ہے وہ وطن عزیز پاکستان میں اقدار اور اصولوں کی سیاست کی عکاسی کرتا ہے۔ امریکی غلامی سے نجات اور وطن عزیز پاکستان کا استقلال و آزادی ہر محب وطن شہری کے دل کی آواز ہے۔
قائد شہید علامہ عارف حسین الحسینی رحمۃ اللہ علیہ نے پاکستان میں جن اقدار کے تحفظ کی جدوجہد کی تھی قائد شہید کے باوفا بیٹے ان مقدس اھداف کو پایہ تکمیل تک پہنچائیں گے اور پاکستان میں سامراجی مداخلت کے آگے بند باندھیں گے۔
انہوں نے کہا کہ مجلس وحدت مسلمین پاکستان غاصب اسرائیل کو تسلیم کرنے کی سازش کا ڈٹ کر مقابلہ کرے گی اور کسی کو ملک و قوم اور امت مسلمہ کے ساتھ خیانت کی اجازت نہیں دیں گے۔انہوں نے کہا کہ پاکستان میں امریکہ کے خلاف عوامی غیض و غضب کو صحیح سمت دے کر وطن عزیز کے استقلال اور آزادی کی بنیاد رکھنی ہے۔ امریکی غلاموں کے بے نقاب ہونے پر ان کی ذلت و رسوائی میں مزید اضافہ ہوگا۔
وحدت نیوز(اسلام آباد) چیئرمین مجلس وحدت مسلمین پاکستان علامہ راجہ ناصرعباس جعفری نے اپنے ٹوئٹر پیغام میں کہا ہے کہ کرم ایجنسی کےشیعہ نوجوان کے قتل میں وہ استعماری ایجنٹ ملوث ہیں جو شیعہ سنی فسادات برپا کرنا چاہتے ہیں۔پاراچنار ایک حساس علاقہ ہے۔امریکہ، اسرائیل اور بھارت مل کر پاکستان کے ساتھ بھیانک کھیل کھیل رہے ہیں۔ان حالات میں شیعہ سنی کو دانش و بصیرت کا ثبوت دینا ہو گا۔
انہوں نے مزید کہا کہ ریاست ان ملک دشمن امریکی ایجنٹ تکفیری عناصر کی بیخ کنی کرے جنہوں نے ارض پاک کو تباہی کے دھانے پر پہنچا دیا ہے۔۔ہم سب کا بہترین مستقبل محفوظ پاکستان سے مشروط ہے۔شیعہ سنی بھائیوں نے مل کر اس ملک کی حفاظت کرنی ہے اور شرپسند عناصر کی سازشوں کو ناکام بنانا ہے۔
وحدت نیوز(اسلام آباد) مجلس وحدت مسلمین پاکستان شعبہ خواتین کا تین سالہ مرکزی کنیزان امام عصر عج کنونشن 25 اور 26 جون بروز ہفتہ اور اتوار مرکزی امام بارگاہ شکریال میں منعقد ہوگا۔ کنونشن کے آخری روز مرکزی صدر ایم ڈبلیوایم پاکستان شعبہ خواتین کا انتخاب عمل میں لایا جائےگا۔
تفصیلات کے مطابق ایم ڈبلیوایم شعبہ خواتین کے مرکزی کنونشن کے سلسلےمیں رابطہ مہم مکمل کرلی گئی ہے، مرکزی کنونشن میں ملک بھرمیں خواتین عہدیداران شریک ہوں گی اور آئندہ تین سال کیلئے مرکزی صدر شعبہ خواتین کا انتخاب کریں گی۔
ایم ڈبلیوایم شعبہ خواتین کی جانب سے جاری اعلامیئے کے مطابق کنونشن کا آغاز تلاوت کلام پاک سے ہوگا، کنونشن کے مختلف سیشنز سے ایم ڈبلیوایم کےچیئرمین علامہ راجہ ناصرعباس جعفری، مرکزی رہنما علامہ سید احمد اقبال رضوی، اسدعباس نقوی، ناصر شیرازی، نثار علی فیضی ، سید ہ زہرا نقوی، سیدہ معصومہ نقوی، سیدہ نرگس سجاد ودیگر خطاب کریں گے ۔
ایم ڈبلیوایم کی ملک بھر سے آنے والی خواتین عہدیداران کنونشن کے آخری روز خفیہ رائے شماری کے ذریعے آئندہ تین سال کیلئے مرکزی صدر ایم ڈبلیوایم شعبہ خواتین کا انتخاب کریں گی، چیئرمین ایم ڈبلیوایم علامہ راجہ ناصرعباس جعفری ان کے نام کا اعلان کریں گے اور ان سے حلف لیں گے۔
وحدت نیوز(پاراچنار)مجلس وحدت مسلمین خیبر پختونخوا کے صوبائی رہنما اور تحصیل چیئرمین علامہ مزمل حسین فصیح نے صدہ بائی پاس کے قریب شیعہ نوجوانوں کی گاڑی پر دہشت گردانہ حملے کی شدید الفاظ میں مذمت کی ہے۔انہوں نے کہا کہ دن دیہاڑے ایم بی بی ایس کے طالب علم کو شہید کیا جانا سیکورٹی اداروں کی غفلت ہے۔ پاراچنار انتظامیہ کو کرم کے امن کے حوالے سے ہم نے بارہا آگاہ کیا ہے مگر انتظامیہ اپنی پیشہ وارانہ ذمہ داریوں سے مجرمانہ غفلت برت رہی ہے۔
انہوں نے کہا کہ ضلع کرم کے شیعہ سنی امن چاہتے ہیں مگر کچھ ملک دشمن عناصر شرانگیزی میں مصروف ہیں وہ شعیہ سنی کو متحد نہیں دیکھ سکتے۔ پاراچنار میں گزشتہ مہینے سے طے شدہ منصوبے کے تحت دانستہ طور پر حالات خراب کئے جارہے ہیں۔ کبھی شیعہ نوجوان شاہ حسین کو قتل کیاجاتا ہے تو کھبی اہلسنت کے نوجوان کا قتل کیا جاتا ہے۔ کھبی اہلبیت اطہار ع کی شان میں بدترین گستاخی کا ڈھٹائی کے ساتھ ارتکاب کیا جاتا ہے۔ اب ان سارے واقعات کے باوجود حکومتی اداروں کی طرف سے مسافروں کے لئےسیکورٹی نہ دینا سمجھ سے بالاتر ہیں۔ صدہ بائی پاس پر فائرنگ انتہائی افسوس ناک واقع ہے اگر حکومت نے زمہ داران کے خلاف کاروائی نہ کی تو حالات خراب ہونے کی تمام تر زمہ داری پاراچنار انتظامیہ پر ہوگی۔انہوں نے کہا کہ ہم ذیشان حیدر کی شہادت پر سراپا احتجاج ہیں۔
وحدت نیوز(اسلام آباد) مرکزی رہنما مجلس وحدت مسلمین پاکستان علامہ ڈاکٹر یونس حیدری کے چچایوسف علی ابن وزیر غلام محمد دار بقاء کی طرف کوچ کر گئے۔
ایم ڈبلیوایم کے چیئرمین علامہ راجہ ناصرعباس جعفری سمیت دیگر مرکزی و صوبائی رہنماؤں نے مرحوم کے انتقال پر دلی افسوس و رنج کا اظہار کیا ہے ۔
رہنماؤں نے تعزیتی پیغام میں کہا کہ خدا مرحوم کے درجات بلند فرمائے اور جوار آئمہ میں جگہ عنایت فرمائے ۔ تمام احباب سے سورہ فاتحہ کی تلاوت اور دعائے مغفرت کی التماس کی جاتی ہے۔
