وحدت نیوز(شیخوپورہ)جناب حجت الاسلام و المسلمین علامہ سید علی اکبر کاظمی صاحب صوبائی صدر مجلس وحدت مسلمین صوبہ پنجاب کا جناب سید حسن رضا کاظمی صوبائی جنرل سیکرٹری کے ہمراہ ضلع شیخوپورہ کا دورہ صوبائی صدر مجلس وحدت مسلمین پنجاب نے سید حسن رضا کاظمی صوبائی جنرل سیکرٹری مجلس وحدت مسلمین پنجاب کے ہمراہ جناب حجت الاسلام و المسلمین علامہ گلزار حسین فیاضی سے ملاقات کی اور گزار حسین فیاضی صوبائی صدر مجلس علمائے مکتب اہلبیت صوبہ پنجاب کے بہنوئی کے انتقال پر ان سے تعزیت پیش کی اور اظہار افسوس کیا ۔

مرحوم کی بلندی درجات کے لئے اجتماعی فاتحہ خوانی اور دعائے مغفرت بھی کی گئی ۔ اس سفر میں جناب سید حسن رضا کاظمی صوبائی جنرل سیکرٹری مجلس وحدت مسلمین پاکستان صوبہ پنجاب صوبائی صدر کے ہمراہ موجود تھے ۔ دونوں رہنماؤں نے جناب علامہ گزار حسین فیاضی صوبائی صدر مجلس علماء مکتب اہلبیت صوبہ پنجاب سے کئی اہم امور پر گفتگو کی ۔ شیخوپورہ تازہ تنظیمی سیاسی اور مذہبی صورتحال پر تبادلہ خیال کیا ۔ اس موقعہ پر تحصل فاروق آباد ضلع شیخوپورہ  کے مومنین بھی موجود تھے ۔

وحدت نیوز(کوئٹہ)مجلس وحدت مسلمین بلوچستان کی صوبائی شوریٰ کا اہم اجلاس صوبائی صدر علامہ سید ظفر عباس شمسی کی زیر صدارت صوبائی دفتر کوئٹہ میں منعقد ہوا۔ جس میں مرکزی سیکرٹری تنظیم سازی علامہ مقصود علی ڈومکی اور مرکزی صدر مجلس علمائے مکتب اہل بیت کے صدر علامہ سید حسنین عباس گردیزی نے خصوصی طور پر شرکت اور خطاب کیا۔ اجلاس میں اراکین صوبائی کابینہ اور بلوچستان کے مختلف اضلاع کے ضلعی صدور اور ضلعی نمائندے شریک ہوئے۔ اس موقع پر صوبائی جنرل سیکرٹری علامہ سہیل اکبر شیرازی نے صوبہ بلوچستان کی گذشتہ چار ماہ کی کارکردگی رپورٹ پیش کی اور آئندہ چار ماہ کا پروگرام پیش کیا۔

اجلاس سے خطاب کرتے ہوئے علامہ سید حسنین عباس گردیزی نے کہا کہ آئمہ اہل بیت علیہم السلام کے نورانی کلمات ہماری ہدایت کا سبب ہیں۔ اجلاس سے خطاب کرتے ہوئے مرکزی سیکرٹری تنظیم سازی علامہ مقصود علی ڈومکی نے کہا کہ مجلس وحدت مسلمین اس وقت ملت کی امیدوں کا مرکز ہے۔ لہٰذا تنظیمی سیٹ اپ کو دستور اور کتاب رہنمائے مسئولین کی روشنی میں اپنی فعالیت میں اضافہ کرنا ہوگا۔ ماہ جون میں ملک بھر میں ایک روزہ تنظیمی تربیتی ورکشاپس منعقد کی جائیں۔ تعلیم و تربیت اہم ہے، ہمیں معاشرہ سازی کا آغاز خود سازی سے کرنا ہوگا۔ اس موقع پر خطاب کرتے ہوئے صوبائی صدر علامہ سید ظفر عباس شمسی نے کہا کہ عید غدیر ہمیں نظام ولایت و امامت سے متمسک رہنے کا درس دیتی ہے، لہٰذا عید غدیر عوامی سطح پر منایا جائے۔ ماہ محرم الحرام کے حوالے سے شعبہ عزاداری کے ساتھ مل کر مومنین اور عزاداری کے مسائل حل کئے جائیں۔

وحدت نیوز(کوئٹہ)مجلس وحدت مسلمین بلوچستان کے رہنماء و امام جعمہ کوئٹہ علامہ علی حسنین حسینی نے کہا ہے کہ ملک میں مہنگائی کی صورتحال کو دیکھتے ہوئے عوام کو آئندہ مالی سال کے بجٹ میں ریلیف فراہم کی جائے۔ غریب عوام پہلے ہی مہنگائی کی چکی میں پس رہے ہیں اور مزید بوجھ اٹھانے کی استطاعت نہیں رکھتے ہیں۔ حکومت بجٹ کی تیاری کے دوران غریب عوام، چھوٹے کاروبار سے وابسطہ افراد اور سرکاری ملازمین کو مدنظر رکھے۔ ان خیالات کا اظہار علامہ علی حسنین حسینی نے اپنے جاری کردہ بیان میں کیا۔ انہوں نے کہا کہ ہر سال بجٹ کے نزدیک آنے پر عوام پریشانی میں مبتلا ہو جاتے ہیں کہ مزید مہنگائی ہوگی۔ گزشتہ چند سالوں سے پاکستان بدترین معاشی حالات سے گزر رہا ہے۔ مہنگائی کی شرح میں ہوشربا اضافہ ہوا۔ جس سے سب سے زیادہ متاثر غریب طبقہ ہوا ہے۔ گزشتہ حکومتوں کی ناقص حکمت عملی کی سزا غریب پاکستانی عوام کو بھگتنا پڑ رہا ہے۔ ایسے میں بجٹ سے مزید مہنگائی ہوگی تو غریب عوام کا جینا حرام ہو جائے گا۔

انہوں نے کہا کہ حکومت کی ذمہ داری ہے کہ غریب عوام کو ہر ممکن ریلیف فراہم کرے۔ بجٹ میں غریب عوام پر بوجھ ڈالنا سراسر زیادتی ہوگی۔ انہوں نے مزید کہا کہ حکومت ایسا بجٹ پیش کرے کہ جس سے چھوٹے کاروبار سے وابستہ افراد بھی زیادہ متاثر نہ ہو۔ جو لوگ چند سال قبل میڈل کلاس فیملی ہوا کرتے تھے، آج انکا شمار لوور میڈل کلاس لوگوں مین ہوتا ہے۔ حکومت کی یہی کارکردگی رہی اور یہی سلسلہ جاری رہا تو پاکستان کے اکثر عوام بہت جلد سطح غربت سے نیچے چلے جائیں گے۔ انہوں نے کہا کہ اسی طرح سرکاری ملازمین بھی مہنگائی سے متاثر ہوئے ہیں۔ جو حکومت سرکاری ملازمین کو کم تنخواہ دیتی ہے وہ ساتھ ساتھ ایسا فارمولہ بھی دے دیا کرے کہ اس تنخواہ پر گزارا کیسے ہو۔ کم تنخواہ پر جہاں سرکاری ملازمین کا گزارا نہیں ہوتا وہیں ستم بالائے ستم ایسے بھی ملازمین ہیں جو کئی مہینوں سے تنخواہوں سے ہی محروم ہیں۔ بجٹ میں غریب عوام، چھوٹے طبقے کے کاروباری حضرات اور سرکاری ملازمین کو مدنظر رکھا جائے۔

وحدت نیوز(سکردو)مجلس وحدت مسلمین پاکستان گلگت بلتستان کے زیر اہتمام عظیم الشان عظمت شہداء و حمایت فلسطین کانفرنس سے خطاب کرتے ہوئے چیئرمین مجلس وحدت مسلمین پاکستان سینیٹر علامہ راجہ ناصر عباس جعفری نے کہا کہ گلگت بلتستان کے عوام غیور اور باہمت ہیں اپنا اور اپنے حقوق کا دفاع کرنا جانتے ہیں، گلگت بلتستان کی زمینوں پر قبضہ ہو رہا ہے، ہم مرجائیں گے لیکن اپنی زمینوں پر قبضہ ہونے نہیں دیں گے، ہمارے حقوق پامال ہو رہے ہیں، ہمارے حقوق غصب ہوتے رہیں گے تو ہم اٹھیں گے اور اپنے حقوق کا دفاع کریں گے، ظالم کے آگے سر نہ جھکانا اصلی دستور زندگی ہے، ہم کبھی ظالموں کے سامنے نہیں جھکیں گے، ظالم کے سامنے سر تسلیم خم کرنایزیدیت ہے، حسینیت میں غلامی کی گنجائش نہیں. اس وقت جی بی کے اندر زمینوں پر ناجائز قبضہ کرنا ظلم ہے، پہاڑ ،دریا زمین جی بی کی عوام کے ہیں، طاہر القادری پر جب ظلم ہوا تب بھی ہم نے ڈٹ کر ان کا ساتھ دیا، عمران خان کے ساتھ ایک اصول کے تحت کھڑا ہوں اور کھڑا رہونگا، میں نے عمران خان کا ساتھ دیا تو کوئی ڈر نہیں ہے، میں اپنے سینے میں گولی کھاؤں گا، جو بھی ظالم ہے، پہاڑ ،دریا زمین گلگت جی بی کی عوام کا حق ہے، عوام کا حق ہے کہ وہ پسند کا حکمران چنیں، 8 فروری کو پاکستان کے عوام کی حقوق پامال کیا، تم جیلر نہیں کہ وفاداروں کو جیل میں ڈالیں، ہماری بیٹیوں کی شوہر لاپتہ ہے کیا ظلم نہیں، ہمارے جوان اور سیاسی کارکنان بے قصور جیلوں میں ہیں، عدت کا جھوٹا کیس بنا کر عمران خان کو جیل میں ڈال دیا ہے جو کہ شرعی اصولوں کے خلاف ہے۔

انہوں نے کہا کہ گلگت بلتستان کے عوام 76 سال سے پاکستان میں شامل ہونا چاہتے ہیں نہیں بنا رہے، یہاں کے زمینوں کے ، معدنیات، پانی کے مالک گلگت بلتستان کے عوام ہے، بلوچستان میں علیحدگی پسند تحریکیں چل رہی ہے, جو پاکستان کو توڑنا چاہتے ہیں ہم انہیں توڑ دیں گے, عوام کا ہر طرف سے تنگ کیا جارہا ہے، معدنیات پر کام کرنے والوں کو کام کرنے نہیں دیا جارہا، گلگت بلتستان کے تمام فرقے ایک جان کے مانند ہے، دیامر بھاشا ڈیم متاثرین کے ساتھ کھڑے ہیں ان کے ساتھ کوئی بھی زیادتی برداشت نہیں کریں گے، مدنیات جی بی کے عوام کی ملکیت ہے،گلگت بلتستان کے عوام غیور اور باہمت ہیں اپنا اور اپنے حقوق کا دفاع کرنا جانتے ہیں، جو پاکستان کو توڑے گا ہم اس کے ہاتھ توڑ دیں گے، ہم آپ کے حقوق کی جنگ لڑیں گے ہم آپ کے ترجمان ہیں، یہ نہیں ہو سکتا کہ فلسطین کی طرح باہر کے لوگ آ کر مالک بن جائیں اور مقامی لوگ انکے ملازم ہوں، بلاسٹنگ مواد پر پابندی عوام پر ظلم ہے، یونیورسٹی کے نام پر پانچ سو کنال کو پانچ ہزار کنال بنا کر قبضہ کیا جارہا ہے، ایک سازش کے تحت مالک کو نوکر اور نوکر کو مالک بنا یا جارہا ہے، میں اپنے سینے میں گولی کھاؤں گا مظلوم کو بچانے کی کوشش کروں گا۔

انہوںنے مزید کہا کہ فلسطین کے عوام ہمارے سر کا تاج ہے، فلسطینیوں کی صبر و استقامت ہمارے لئے نمونہ عمل ہے، غزہ کے مظلوم صبر کا پیکر ہے لاشیں زمین پر پڑی ہوئی ہیں لیکن اف تک ان کے زبان پر نہیں ہے، ساری دہشت گرد تنظیمیں امریکہ کی بنائی ہوئی ہیں، فلسطینی کاز کی امام خمینی نے ترجمانی کی کہ وہ مظلوم ہیں اور یہی سید الشہداء حضرت امام حسین ع کا درس ہے کہ مظلوم کے حامی وناصر رہنا ہے، اس وقت سارے مظلومین متحد اور یکجا ہیں، ہمیں فخر ہے کہ ہم ظالموں کے ساتھ نہیں ہیں ہمیں فخر ہے کہ ہم ظالموں کو جا کر نہیں ملتے، ہمارے لیئے باعث عزت و وقار ہے کہ ہمارا لیڈر بہادر، بابصیرت، مدبر و عوام کا محبوب ترین رہنما ہمیں سید علی خامنہ ائ کی لیڈرشپ پر فخر ہے۔