وحدت نیوز(اسلام آباد)چیئرمین مجلس وحدت مسلمین پاکستان سینیٹر علامہ راجہ ناصر عباس جعفری نے رہبرِ کبیر حضرت روح آللہ الموسوی الخمینی رضوان اللہ کی 35ویں برسی کے موقع پر کہا ہے کہ امام خمینی جیسی تاریخ ساز اور نابغہ روزگار شخصیت کو خراج عقیدت و سلام پیش کرتا ہوں، آپ دین خدا کے عظیم محافظ، اسلامی اصولوں اور اقدار کے حقیقی نگہبان تھے، آسمان اجتہاد پر پرواز کرنے والے عظیم فقیہ و مرجع عالم، فلسفے کے استاد توانا، عرفان کے محقق ژرف اور اخلاق اسلامی کے معلم بے نظیر تھے، آپ عملی سیرو سلوک کے اسرار و رموز سے آشنا، دور اندیش، دنیا سے بیزار اور مقدس مآب عبادت گزاروں سے بیزار تھے، اس مرد قلندر نے سیاست علوی کو عملاً رائج کیا اور معاشرے کی اصلاح و احیاء دین کا فریضہ انجام دیتے ہوئے تاریخ انسانی کا دھارا بدل دیا، آپ کی عظیم الشان تحریک اسلامی پر گامزن ہو کر کئی جانثاروں نے حق کے لیے جانیں دی ہیں اسرائیل کے ناجائز وجود کے خلاف آپ کا عملی کردار قابلِ تقلید اور مشعل راہ ہے۔

انہوں نے کہا ہے کہ رہبر انقلاب اسلامی حضرت امام خمینی ایسی بابصیرت اور حکیمانہ شخصیت کے مالک تھے جنہوں نے دوستی کے لبادے میں چھپے ہوئے اسلام دشمنوں کے چہروں کو سب کے سامنے بے نقاب کیا، آپ ایک اعلیٰ پائے کے مدبر، فقیہ اور تعمیری سیاست کے بانی، عالمی استعماری سازشوں کو بے نقاب کرنے والے، مسلمانوں کو اپنے نظریات اور عمل کے ذریعے وحدت کی لڑی میں پرونے والی عظیم شخصیت تھے، آپ نے ہمیشہ عالم اسلام کو حقیقی مسائل کی جانب متوجہ کیا، امت مسلمہ کو اس کے داخلی اور خارجی دشمنوں کے چہرے شناخت کرانے والے اور دنیا کو اسلام کے دائرے میں رہتے ہوئے ہر میدان میں ارتقاء کے مراحل طے کرنے کی بے مثال رہنمائی کرنے والے عظیم انسان تھے۔

وحدت نیوز(اسلام آباد) سربراہ مجلس وحدت مسلمین پاکستان سینیٹر علامہ راجہ ناصرعباس جعفری نے اپنے ایکس x اکاؤنٹ سےجاری بیان میں کہا ہے کہ آفیشل سیکرٹ ایکٹ کے تحت بانی پی ٹی آئی عمران خان اور شاہ محمود قریشی کے خلاف سائفر کیس میں دی گئی سزا کو اسلام آباد ہائی کورٹ کی جانب سے کالعدم قرار دیا جانا حق و صداقت اور ملک و قوم کی جیت ہے۔ان شا اللہ وطن عزیز سے اندھیرے چھٹ کر رہیں گے۔ریاست کو آزاد ،باوقار  اور داخلی خودمختار بنانے کے لیے بانی پاکستان تحریک انصاف سابق وزیر اعظم عمران خان کی قربانیاں رائیگاں نہیں جائیں گی۔ عدلیہ کے فیصلے تاریخ کا حصہ بن جاتے ہیں۔ یہ ذمہ دارن پر منحصر ہے کہ وہ خود کو تاریخ میں سنہرے الفاظ سے زندہ رکھنا چاہتے ہیں یا  کسی سیاہ باب میں اضافے کا باعث بننا چاہتے ہیں۔

وحدت نیوز(اسلام آباد)پاکستان کے ممتاز تحقیقاتی صحافی شہید ارشد شریف کیلئے ہر فورم پر آواز اٹھانا، ہم پر شہید کا قرض ہے، میرے علم میں آیا کہ کینیا کی ہائیکورٹ میں ارشد شریف شہید کی بیوہ صحافی  جویریہ صدیق صاحبہ کی درخواست پر سماعت مکمل ہوگئی ہے اور فیصلہ 8 جولائی کو آئے گا ، اسی بارے میں تفصیل جاننے اور پاکستان و کینیا میں تحقیقاتی اداروں کی شہید ارشد شریف کیس میں پیش رفت سے آگاہ ہونے کیلئے میں ارشد شریف شہید کے گھر ان کی بیوہ جویریہ صدیق سے ملا۔

 اس موقع پر ان کی زبانی  داستان سنی ، جس میں ریاست کی خاموشی، پی ڈی ایم حکومت کی  جانب سے ڈھائے گئے مظالم، ارشد شریف کے ملک سے جانے کے محرکات، کینیا میں قتل تک اور جسد خاکی کی پاکستان واپسی اور تدفین سے کر اب اس خاندان پر کیا گزری۔ میں اورمیرے رفقاء ارشد شریف شہید کو انصاف کی فراہمی تک ہر ممکن تعاون کی یقین دہانی کراتے ہیں، میں ایوان بالا میں مسلسل حکمرانوں کا ضمیر جگانے کی کوشش کرتا رہوں گا۔ خدائے متعال ارشد شریف شہید کو کروٹ کروٹ جنت نصیب فرمائے، سید الشہداء امام حسین علیہ السلام کی شفاعت نصیب کرے اور ان کے خاندان کو امام زین العابدین علیہ السلام ،سیدہ زینب سلام اللہ علیہا اور مظلومین کربلا کے عظیم صبر کی خیرات عطا فرمائے۔الہی آمین

وحدت نیوز(اسلام آباد) معروف مزاحمتی صحافی اور اینکر پرسن عمران ریاض خان کو عدالتی حکم کے باوجود حج بیت اللہ کی سعادت سے روکنے پر مجلس وحدت مسلمین پاکستان کے سربراہ سینیٹرعلامہ راجہ ناصرعباس جعفری شدید غم وغصے کا اظہار کیا ہے۔سماجی رابطے کی ویب سائٹ ایکس xپر جاری اپنے مذمتی بیان میں انہوں نے (سورۃ الانفال، آیت 34)نقل کی ہے ۔

اور اللہ انہیں عذاب کیوں نہ دے حالانکہ وہ مسجد حرام سے روکتے ہیں اور وہ اس کے اہل نہیں ہیں، اس کے اہل تو پرہیزگار ہی ہیں لیکن ان میں سے اکثر نہیں سمجھتے۔،،

انہوں نے مزید کہا کہ اسلام آباد ہائیکورٹ کے واضح حکم کے باوجود صحافی عمران ریاض خان کو فریضہ حج کی ادائیگی کے لئے جانے سے روکنا وزارت داخلہ کی جانب سے بدترین توہین عدالت ہے اور حج بیت اللہ جیسے مقدس مذہبی فریضے سے روکنے کی وجہ سے ایف آئی اے حکام و وزیر داخلہ گناہ کبیرہ کے بھی مرتکب ہوئے ہیں۔ فارم 47 کے ناجائز مسلط حکمرانوں کے چہرے سے روز ایک نقاب اٹھتا ہے اور ان کا مکروہ کردار اور چہرہ سامنے آتا ہے۔ ہم عمران ریاض خان اور ان کی فیملی سے یہ کہتے ہیں کہ ہمت نہیں ہارنی اور دل نہیں چھوڑنا۔