وحدت نیوز(اسلام آباد) مجلس وحدت مسلمین پاکستان کے زیر اہتمام اسلام آباد میں صدر اسلامی جمہوری ایران شہید سید ابراہیم رئیسی و رفقاء کی یاد میںمنعقدہ مجلس ترحیم سے خطاب کرتے ہوئےسربراہ ایم ڈبلیوایم سینیٹر علامہ راجہ ناصر عباس جعفری نے کہا کہ اپنے زمانے کے دشمن اور دوست کو پہچاننا اشد ضروری ہے، اگر کوئی اپنے زمانے کے دوست اور دشمن کو نہیں پہچانتا وہ زمانہ شناس نہیں ہے، وہ اپنے وقت کے رہبر سے شناسائی نہیں رکھتا اس صورتحال میں وقت کا حسین شہید ہو جاتا ہے اور یہ بے بصیرت شخص گھر میں بیٹھا رہے گا، یہود و نصارٰی ہمارے دشمن ہیں کس طرح سب ملکر غزہ کے مظلومین کا قتل عام کر رہے ہیں یہ سارے ظالم مسخ شدہ ہیں چاہے وہ فرعون ہے نمرود، یزید، امریکہ اور اسرائیل ہے، امریکہ کو انسانی حقوق کا سب سے بڑا علمبردار کہا گیا، لیکن اس کا اصل مکروہ چہرہ امام خمینی نے دنیا کو دکھایا کہ یہ دنیا کا سب سے بڑا شیطان ہے، اور اس فکر ونظر کو رہبر سید علی خامنہ ای نے آگے بڑھایا ہے۔

انہوں نے کہا کہ امریکہ کو دنیا بھر میں Civilized ملک بنا کر پیش کیا گیا، امریکہ کے گھناونے چہرے پر انسانی حقوق کے نام نہاد پردے ڈالے گئے، رہبر انقلاب اسلامی امام خمینی قدس سرہ نے امریکہ کے چہرے سے نقاب اتارا اور بتایا کہ امریکہ بڑا شیطان ہے، 1979 کے بعد دنیا میں ٹکراؤ نئے مرحلے میں داخل ہوا، عالمی جنگ انقلاب کے خلاف آئی لیکن قیادت نے انقلاب پر پہرہ دیا۔ امام خمینی نے فرمایا کہ خون کے آخری قطرے تک عالمی استعمار کا مقابلہ کروں گا اور انہوں نے کر دکھایا، اس مقاومت، مزاحمت اور زمانہ شناس مکتب میں عظیم سپوتوں نے پرورش پائی، انہی میں سے ایک آیت اللہ سید ابراہیم رئیسی بھی شامل ہیں، جن کی زندگی اسی مقصد پر قربان ہوگئی۔

ان کا کہنا تھا کہ سید ابراہیم رئیسی کا دور ایران کا سنہری دور تھا وہ ایک دن بھی آرام نہیں کرتے تھے اور اپنی عوام کی خدمت کے لیے شب و روز مصروف عمل رہنے والی متحرک ترین شخصیت اس مقاومت اور مزاحمت کے عاشورائی مکتب نے کئی عظیم ہستیوں کی تربیت و پرورش کی، یہ حق وباطل کا ٹکراؤ جاری ہے، آج اس حق کے پرچم کو سید علی خامنہ ای نے اٹھایا ہے اور یہ تاقیامت سر بلند رہے گا، سویت یونین اور امریکہ کے عروج میں ہمارے رہبر کبیر اور رہبر معظم سید علی خامنہ ائ نے اسلام کی پہچان اور شناخت کروائی، اپنے رہبر کا معتمد اور مطیع ترین رہنما تھا،

انہوں نے کہاکہ آیت اللہ سید ابراہیم رئیسی (شہید) رہبر معظم کے حقیقی نمائندہ تھے، ان کے عمل، کردار اور روپ میں امام کی جھلک دکھائی دیتی تھی، سید رئیسی نے اپنے سنہری دور میں کئی تاریخی اقدامات سرانجام دیئے۔ غزہ میں جاری اسرائیلی جارحیت کیخلاف سید ابراہیم رئیسی نے ہر محاذ کو بخوبی سنبھالا اور اپنے ملک کی خارجہ پالیسی کو اہل فلسطین کی امیدوں کے مطابق بنائی، خارجہ محاذ کو ان کی قیادت میں شہید حسین امیر عبداللہیان نے احسن و انقلابی انداز میں سنبھالا اور شرق سے غرب تک ہنگامی دورے کیے اور دنیا بھر میں فلسطین کی سفارت کاری سرانجام دی۔

 ان کا مزید کہنا تھا کہ وزیر خارجہ امیر الہیان لائق ترین انسان لیکن تمام تر عالمی دباؤ کے باوجود اور شیطانی چالوں کے باوجود رہبر کی منشاء کے مطابق خارجہ پالیسی کو لے کر چلنے والا انقلابی وزیر خارجہ، ان تمام عظیم الشان ہستیوں نے مظلومین جہان کی حمایت میں توانا آواز بن گئے اور مظلومین کی ڈھارس بندھی، امریکہ کی مڈل ایسٹ میں اربوں ڈالرز کی سرمایہ کاری ڈوب گئی یہ سب بابصیرت رہبر معظم اور ان شخصیات کی بدولت ہوا ہے۔

وحدت نیوز(اسلام آباد)مجلس وحدت مسلمین پاکستان کے زیر اہتمام اسلام آباد میں صدر اسلامی جمہوری ایران شہید سید ابراہیم رئیسی و رفقاء کی یاد میں مجلس ترحیم کا انعقاد کیا گیا، جس میں اسلامی جمہوریہ ایران کے سفیر ڈاکٹر رضا امیری مقدم، سفیر جمہوریہ عراق حامد عباس لفتہ، سربراہ مجلس وحدت مسلمین پاکستان سینیٹر علامہ راجہ ناصر عباس جعفری، قونصل جنرل آقای مجید مشکی، علامہ سید حسنین گردیزی، ملک اقرار علوی اور اسداللہ چیمہ و دیگر نے خطاب کیا اور شہداء کی شان میں گلہائے عقیدت نچھاور کیے۔

مجلس ترحیم سے خطاب کرتے سینیٹر علامہ راجہ ناصر عباس جعفری نے کہا کہ اپنے زمانے کے دشمن اور دوست کو پہچاننا اشد ضروری ہے، اگر کوئی اپنے زمانے کے دوست اور دشمن کو نہیں پہچانتا وہ زمانہ شناس نہیں ہے، وہ اپنے وقت کے رہبر سے شناسائی نہیں رکھتا اس صورتحال میں وقت کا حسین شہید ہو جاتا ہے اور یہ بے بصیرت شخص گھر میں بیٹھا رہے گا، یہود و نصارٰی ہمارے دشمن ہیں کس طرح سب ملکر غزہ کے مظلومین کا قتل عام کر رہے ہیں یہ سارے ظالم مسخ شدہ ہیں چاہے وہ فرعون ہے نمرود، یزید، امریکہ اور اسرائیل ہے، امریکہ کو انسانی حقوق کا سب سے بڑا علمبردار کہا گیا، لیکن اس کا اصل مکروہ چہرہ امام خمینی نے دنیا کو دکھایا کہ یہ دنیا کا سب سے بڑا شیطان ہے، اور اس فکر ونظر کو رہبر سید علی خامنہ ای نے آگے بڑھایا ہے،سید ابراہیم رئیسی کا دور ایران کا سنہری دور تھا وہ ایک دن بھی آرام نہیں کرتے تھے اور اپنی عوام کی خدمت کے لیے شب و روز مصروف عمل رہنے والی متحرک ترین شخصیت اس مقاومت اور مزاحمت کے عاشورائی مکتب نے کئی عظیم ہستیوں کی تربیت و پرورش کی، یہ حق وباطل کا ٹکراؤ جاری ہے، آج اس حق کے پرچم کو سید علی خامنہ ای نے اٹھایا ہے اور یہ تاقیامت سر بلند رہے گا، سویت یونین اور امریکہ کے عروج میں ہمارے رہبر کبیر اور رہبر معظم سید علی خامنہ ائ نے اسلام کی پہچان اور شناخت کروائی، اپنے رہبر کا معتمد اور مطیع ترین رہنما تھا، وزیر خارجہ امیر الہیان لائق ترین انسان لیکن تمام تر عالمی دباؤ کے باوجود اور شیطانی چالوں کے باوجود رہبر کی منشاء کے مطابق خارجہ پالیسی کو لے کر چلنے والا انقلابی وزیر خارجہ، ان تمام عظیم الشان ہستیوں نے مظلومین جہان کی حمایت میں توانا آواز بن گئے اور مظلومین کی ڈھارس بندھی، امریکہ کی مڈل ایسٹ میں اربوں ڈالرز کی سرمایہ کاری ڈوب گئی یہ سب بابصیرت رہبر معظم اور ان شخصیات کی بدولت ہوا ہے۔

 شرکاء مجلس تحریم سے خطاب کرتے ہوئے ایرانی سفیر ڈاکٹر رضا امیری مقدم نے کہا کہ میں یہاں پر تمام مجلس کا اہتمام کرنے والے تمام علمائے کرام و کارکنان، جوانان اور مومنین بالخصوص سربراہ مجلس وحدت مسلمین علامہ راجہ ناصر عباس جعفری کا شکریہ ادا کرتا ہوں، میں شکر ادا کرتا ہوں خدا وند متعال کا کہ اس نے ہمیں رسول اکرم ص کی امت بنایا، ہم فخر کرتے ہیں کہ ہم امام خمینی کی طرف سے دیئے گئے حق کے راستے پر ہیں اور اسی پر عمل پیرا رہیں گے، یہ ان عظیم شخصیات کی تحریم کا پروگرام ہے جنہوں نے نہ صرف ایرانی قوم کو تحرک دیا بلکہ دنیا کے کونے کونے میں لوگوں کو ہلا کر رکھ دیا، اسرائیل اور فلسطین کے ایشو پر سید ابراہیم رئیسی اور امیرعبد الہیان نے فلسطین عوام کی عملاً حمایت کی کہ آج تمام مستضعفین جہان کی آنکھیں انکی کی شہادت پر اشک بار ہیں، ان شخصیات نے اسلامی عقائد کو عمیق انداز سے مطالعہ کیا کہ انقلاب اسلامی ایران کے یہ مجاہدین اپنے پورے وجود کے ساتھ اسے آگے بڑھا رہے ہیں کہ اس میں دیگر انقلابات کی طرح کسی قسم کا انحرافات پیدا نہ ہو، اگر آپ نے امریکہ واسرائیل نواز اسلام کو دیکھنا چاہتے ہیں تو یہ دیکھیں کہ چالیس ہزار معصوم فلسطینیوں کو شہید کرنے والے اسرائیل کے ساتھ وہ مسلم ممالک تعلق قائم رکھے ہوئے ہیں، اگر کوئی اس دور میں فلسطینی عوام کے سب سے بڑے حامی وناصر تھے اور غزہ کے مظلومین کا عملی دفاع کیا وہ سید ابراہیم رئیسی تھے، امریکہ کے دورے میں بھی اس سید بزرگوار نے قرآن مجید کو ہاتھوں میں لہرا کر اس کلام خدا کا دفاع کیا، انہوں نے چالیس سال میں اسلام کی ایسی خدمت کی کہ آپ سب کی محبوب شخصیت بن گئے تھے۔

مجلس تحریم سے خطاب کرتے ہوئے علامہ سید علی محمد نقوی نے کہا کہ شہید ہونے والی عظیم شخصیات انقلاب اسلامی کی حیات نو کا موجب ہیں، راہ حق پر چلنے والے ذرا برابر بھی خوفزدہ نہیں ہوتے اور ملت ایران بھی وہ قوم ہے جس نے تمام تر مشکلات برداشت کی ہوئی ہیں لیکن یہ قیمتی ترین افراد کے جانے سے یہ قوم دشمن کے سامنے اور زیادہ شدت کے ساتھ کھڑے ہوتے ہیں، ساری دنیا اسلام و قرآن کے خلاف کھڑی ہو جائے یہ قوم اپنے رہبر کی رہبری میں جھکیں گے نہیں۔

علامہ سید علی حسین مدنی نے کہا کہ جس طرح پہلے امام سے لے کر گیارہویں امام تک تمام تر سختیوں اور آزمائشوں کے باوجود اسلام کی تبلیغ و ترویج کا سلسلہ جاری و ساری رہا اسی طرح شہید سید ابراہیم رئیسی اور رفقاء کی شہادت کے بعد بھی یہ سفر اپنی پوری آب وتاب کے ساتھ آگے بڑھتا رہے گا اور امام خمینی کی قیادت میں آنے والے عظیم الشان انقلاب اسلامی ایران کی شکل میں یہ تشیع ایک تحریک اور نہضت کی شکل میں آگے بڑھتی جائے گی، آیت اللہ سید ابراہیم رئیسی کی شہادت سے یہ سلسلہ نہیں رکے گا۔

وحدت نیوز(مشھدمقدس)شہید خدمت، خادم الرضا آیت اللہ رئیسی اور ان کے ہمراہ ہیلی کاپٹر حادثہ میں شہید ہونے والے "شہدائے خدمت" کو خراج تحسین پیش کرنے کے لئے مجلس وحدت مسلمین مشہد مقدس، موسسہ شھید عارف الحسینی کی طرف سے اظہار عقیدت اور بلندی درجات کے لیے ایک مجلس ترحیم کا انعقاد کیا گیا، جس میں کثیر تعداد میں علمائے کرام اور طلاب نے شرکت کی۔ پاکستان سے تشریف لائے ہوئے معروف بزرگ عالم دین حجت لاسلام والمسلمین علامہ سید حسن ظفر نقوی نے خصوصی شرکت کی۔ پروگرام کے مہمان خطیب حجة الاسلام والمسلمین آقای سید حسینی مزینانی جامع المصطفیٰ العالمیہ شعبہ ثقافت کے انچارج تھے۔ حجة الاسلام آقای سید حسینی مزینانی نے کہا کہ اس پروگرام اور اتنی بڑی تعداد میں علماء کی شرکت اللہ تعالیٰ کی محبت کا مظہر ہے۔

انہوں نے مزید کہا کہ آیت اللہ رئیسی مدیر، مدبر، بااخلاق، مخلص اور عوام کا دکھ درد رکھنے والی شخصیت تھی۔ وہ ہمیشہ سے شہادت کے آرزو مند رہتے تھے۔ یہ اسلامی نظام کی خصوصیت ہے کہ صدر مملکت کی حادثے میں شہادت کے باوجود ملک میں امن و امان برقرار رہا اور حکومتی معاملات بغیر تعطل کے جاری رہتے ہیں۔ اس پروگرام کے پہلے خطیب مولانا محمد عمران نجمی نے اپنے خطاب میں کہا کہ جیسا کہ حضرت پیغمبر اکرم صلی اللہ علیہ وآلہ وسلم کے دونوں بیٹوں قاسم اور ابراہیم کے عوض اللہ تعالیٰ نے آپ (ص) کو خیر کثیر سے نوازا، اسی طرح قاسم سلیمانی اور آیت اللہ ابراہیم رئیسی کی شہادت کے عوض انقلاب اسلامی کو بھی بہترین شخصیات سے نوازے گا۔