وحدت نیوز(ملتان)مجلس وحدت مسلمین عزاداری ونگ کے وفد نے صوبائی صدر انجینئر سخاوت علی سیال کی قیادت میں امام بارگاہ شان حسین کے بانی، متولی اور مہتمم الحاج سید عارف اختر کاظمی سے ملاقات کی۔ ملاقات میں صوبائی جنرل سیکرٹری عون رضا انجم ایڈووکیٹ، ڈویژنل صدر مولانا ہادی حسین اور صوبائی ترجمان ثقلین نقوی موجود تھے۔

 ایم ڈبلیو ایم عزاداری ونگ ملتان کے ڈویژنل صدر مولانا ہادی حسین نے سید عارف اختر کاظمی کی قومی خدمات کو سراہتے ہوئے انہیں عزاداری ونگ ملتان ڈویژن کا سینیئر نائب صدر نامزد کردیا، سید عارف اختر کاظمی عزاداری کے حوالے سے مختلف پلیٹ فارمز پر اپنی خدمات انجام دے چکے ہیں۔ اس موقع پر سید عارف اختر کاظمی نے ایم ڈبلیو ایم کے چیئرمین علامہ راجہ ناصر عباس جعفری کی قومی خدمات کو خراج تحسین پیش کیا۔

وحدت نیوز(ملتان)مجلس وحدت مسلمین عزاداری ونگ جنوبی پنجاب کے وفد نے صوبائی صدر انجینئر مہر سخاوت علی سیال کی قیادت میں ضلع ملتان کے صدر عزاداری ونگ سید ظفر عباس زیدی سے ملاقات کی اور انہیں ایران عراق زیارات سے واپسی پر مبارکباد پیش کی۔

ایم ڈبلیو ایم کے وفد میں صوبائی صدر عزاداری ونگ انجینئر مہر سخاوت علی سیال، صوبائی جنرل سیکرٹری عون رضا انجم ایڈووکیٹ، صوبائی ترجمان ثقلین نقوی، صوبائی رابطہ سیکرٹری سید غدیر عباس شیرازی، صوبائی مسئول سوشل میڈیا محمد علی سبطین، ڈویژنل صدر ملتان مولانا ہادی حسین قمی شامل تھے۔

وحدت نیوز(گلگت)اپوزیشن لیڈر گلگت بلتستان اسمبلی و پارلیمانی لیڈر مجلس وحدت مسلمین گلگت بلتستان کاظم میثم نے وزیر صحت سید سہیل عباس سے ملاقات کی اور طبی سہولیات کے حوالے سے مسائل پر تبادلہ خیال ہوا۔ اس موقع پر انہوں نے آر ایچ کیو سکردو میں طبی سہولیات کو مزید بہتر کرنے کے لیے اقدامات کی یقین دہانی کرائی ہے۔ اس موقع پر صوبائی وزیرصحت نے اپوزیشن لیڈر کے کچورا اے کلاس ڈسپنسری کو دس بیڈ ہسپتال بنانے کے مطالبے کو تسلیم کرتے ہوئے کہا کہ کچورا جی بی کا چہرہ ہے اور سیاحوں اور مقامی لوگوں کے لیے معیاری صحت کی سہولت بھی وقت کی ضرورت ہے۔ کچورا میں بہترین طبی سہولت فراہم کی جائے گی۔

 اپوزیشن لیڈر نے مزید کہا کہ 250 بیڈ ہسپتال کو 500 بیڈ فیز ٹو میں بنوانا تھا لیکن تاحال اس پہ کوئی پروگریس نہیں ہوئی اس اہم پروجیکٹ کو مکمل کرنے اور فیز ٹو کو منظور کرانے کا مطالبہ کیا۔ انہوں نے مزید کہا کہ 500 بیڈ کے بعد میڈیکل کالج چلانے کا پروجیکٹ سابقہ گورنمنٹ کا تھا جو کہ فی الحال تعطل کا شکار ہوا ہے۔ انہوں نے کہا کہ 250 بیڈ ہسپتال کی تکمیل اور فیز ٹو کی اپرول کے لیے بھی وزیراعلٰی سے ملکر کوشش کی جائے گی۔

وحدت نیوز(اسلام آباد) خیبر پختونخواہ ہاؤس اسلام آباد میں تحریک تحفظ آئین پاکستان کے قائدین کی جانب سے پریس کانفرنس، جس میں اتحاد کے سربراہ محمود خان اچکزئی، اپوزیشن لیڈر اور مرکزی جنرل سیکرٹری پاکستان تحریک انصاف عمر ایوب، مجلس وحدت مسلمین پاکستان کے سربراہ سینیٹر علامہ راجہ ناصر عباس، سنی اتحاد کونسل کے سربراہ صاحبزادہ حامد رضا، جماعت اسلامی اور بلوچستان نیشنل پارٹی کے نمائندوں نے شرکت کی۔

پریس کانفرنس سے خطاب کرتے ہوئے چیئرمین مجلس وحدت مسلمین پاکستان سینیٹر علامہ راجہ ناصر عباس جعفری نے کہا کہ دنیا کا مستقبل ایشیا کا ہے لیکن اس اہم موڑ پر پاکستان کا کوئی کردار دکھائی نہیں دے رہا، پاکستان بے وقعت دکھائی دے رہا ہے، پاکستان کا آئین بے حیثیت ہو چکا ہے، قانون اپنا تقدس کھو چکا ہے، قانون اور آئین کو پست سمجھا جارہا ہے، پاکستان کی تمام مشکلات کی جڑ آئین سے بغاوت ہے، عوامی رائے کو پورے منظر نامے سے بے دخل کردیا گیا ہے، آوے کا آوا بگڑا ہوا ہے، عوامی رائے کو پس پشت ڈال کر کیسے آگے جایا جاسکتا ہے، اگر آئین و قانون پر عمل ہوتا تو بشری بی بی پر جعلی اور قرآن و سنت کے متصادم کیس بنا کر سزا نہ سنائی جاتی، طاقت کا نشہ ختم ہونا چاہیے، تمام برائیوں کی جڑ یہ نشہ ہے، تمام ادارے اپنی حدود میں کام کریں، ہم پاکستان کے تمام طبقات کسانوں، مزدوروں، وکلاء، تاجروں، اساتذہ، طلبہ سبھی کو ساتھ لے کر چلیں گے۔