وحدت نیوز (پاراچنار) مجلس وحدت مسلمین ضلع کرم کے ضلعی آفس میں ضلعی آرگنائزنگ کمیٹی کا اجلاس منعقد ہوا، شرکاء اجلاس نے تنظیم سازی کے حوالے تفصیلی گفتگو کرتے ہوئے کہا کہ جب کئی عناصر کا مجموعہ ایک ہو کر مربوط طریقے پر کام کرتا ہے اسے نظام کہتے ہیں، تنظیم سازی ایسا طریقہ کار ہے جس میں مشترکہ مقاصد کے حصول کے لیے ایک مربوط نظام کے تحت مل جل کر کام انجام دیا جاتا ہے، یعنی تنظیم سازی کے معنی انفرادیت کو اجتماعیت کی شکل دے کر ترقی کے رشتے سے منسلک کرنا ہے۔

رہنماوں کا کہنا تھا کہ تنظیم سازی میں منصوبہ بندی ایک بنیادی اساس ہے، منصوبہ بندی سے مراد ایسے امور کا خاکہ تیار کرنا ہوتا ہے جس کو انجام دینا ہو اور ان طریقوں کو معلوم کرنا ہے جس سے مطلوبہ مقاصد حاصل ہو سکیں۔ منصوبہ بندی میں بنیادی طور پر حصول مقاصد کے حوالے سے یہ طے کرنا ہوتا ہے کہ کیا کرنا ہے، کون کرے گا، کیسے کرے گا، کب اور کہاں کرنا ہے؟ اس میں ان امور کو طے کیا جاتا ہے۔

وحدت نیوز(قم) مجلس وحدت مسلمین پاکستان کے سربراہ علامہ راجہ ناصر عباس جعفری کی قم آمد کے موقع پرمدرسہ حجتیہ قم المقدس میں مجلس وحدت مسلمین شعبہ قم کی جانب سے ” نقش مجلس وحدت مسلمین در سیاست پاکستان و حالات حاضرہ” کے عنوان سے ایک عظیم الشان سیمینار کا انعقاد کیا گیا،سیمینار میں کثیر تعداد میں شرکت کرکے لوگوں نے علامہ راجہ ناصر عباس جعفری کی شخصیت سے اپنے بھرپور عشق اور عقیدت کا اظہار کیااس موقع پر شیعہ علماءکونسل کے وفد نے بھی خصوصی شرکت کی۔

سیمینار سے خطاب کرتے ہوئے چیئرمین ایم ڈبلیو ایم پاکستان، سینیٹر علامہ راجہ ناصر عباس جعفری نے کہا کہ رہبر معظم سید علی خامنہ ای کی بابصیرت قیادت ہمارے لئے ایک عظیم نعمت ہےجو بھی آپ سے وابستہ ہوا، اسے عزت ملی، اگر یمن، حماس اور حزب اللہ والے امریکہ کے ساتھ مل جاتے تو عزت کے بجائے یہ کمزور اور ضعیف ہو جاتے۔انہوں نے کہا کہ مظلوموں کی حمایت میں عزت ہے۔ ہم ہمیشہ مظلوموں کیلئے آواز اٹھاتے رہیں گے۔

سینیٹر علامہ راجہ ناصر عباس جعفری نے شرکاء سے اپنے خطاب میں کہا کہ ہم خوش قسمت ہیں کہ ایک عظیم رہبر، اور بابصیرت فقیہ کے دور میں زندگی بسر کر رہے ہیں۔ ایک ایسا رہبر جو تمام ظالموں و جابروں کے مقابلے میں ڈٹا ہوا ہے۔ جو بھی اس الٰہی رہبر اور الٰہی نظام کے ساتھ جڑ گیا وہ طاقت ور بن گیا۔

انہوں نے کہا کہ انصار اللہ کو دیکھ لیں، حزب اللہ کو دیکھ لیں، جس اسرائیل کو ناقابل شکست سمجھا جاتا تھا اس کے غرور کو انہوں نے خاک میں ملا دیا۔ دنیا ایک تاریخی موڑ سے گزر رہی ہے۔ پاور و طاقت اسوقت ویسٹ سے ایسٹ کی ظرف شفٹ ہو رہی ہے۔ ہمیں اس راستے سے رکاوٹیں دور کرنی چاہیے۔ اس خطے کا سیاسی جغرافیہ تبدیل ہو رہا ہے۔ داعش، شام، عراق، یمن کی لڑائی اس لیے تھی کہ امریکہ اپنا مطلوبہ سیاسی جغرافیہ بنانا چاہتا تھا۔ لیکن رہبر معظم کی سٹیریٹجی کی وجہ سے وہ شکست کھا چکا ہے۔ غزہ کے اندر اسرائیل شکست کھا چکا ہے۔ رہبر معظم کی ڈیفنس اسٹریٹیجی کی وجہ سے ایران طاقت ور ہو گیا ہے۔

سینیٹرعلامہ راجہ ناصر عباس جعفری نے کہا کہ امریکہ کا مقصد جہان اسلام میں نفرتیں، تکفیریت پھیلانا اور تفرقہ پھیلانا اور شیعوں کے خلاف سازشیں تھیں۔ امریکہ چاہتا تھا سب کو شیعوں اور ایران کے خلاف اکھٹا کیا جائے، لیکن رہبر کی اسٹریٹیجی کی وجہ سے شیعہ و سنی ایک ہو گئے، آج جو تشیع کو کامیابی مل رہی ہے وہ سیاسی اسلام کی وجہ ہے، نجف سے آیت اللہ سیستانی فرماتے ہیں اہل سنت ظاہراً بھی اور واقعا بھی مسلمان ہیں، حکیم امت امام خمینی نے فرمایا تھا جو شیعہ سنی میں تفرقہ پھیلاتا ہے نہ شیعہ ہے نہ سنی بلکہ استعمار کا ایجنٹ ہے۔
 

علامہ راجہ ناصر عباس جعفری نے ملک عزیز پاکستان کے حالات پر گفتگو کرتے ہوئے کہا کہ کسی کو حق نہیں کہ ہمارے ملک میں خلل ایجاد کرے اور مداخلت کرے۔ پاکستان میں جو بھی باہر سے حکومت کرے ہم اسکے مقابلے میں کھڑے ہیں۔ان کا مزید کہنا تھا کہ امریکہ و دیگر ممالک کو کوئی حق نہیں کہ ہمارے ملک میں حکومت کریں۔ ہماری اپنی آزاد خارجہ پالیسی، داخلی خودمختاری اور اپنے ملک کے فیصلے ہم خود کریں گے۔ آخر میں حوزہ علمیہ میں موجود علماء سے مخاطب ہوتے ہوئے انہوں نے کہا کہ حوزے میں موجود علماء سے گزارش ہے آپ سیاسی اسلام کے بارے، لاقانونیت کے بارے، ظلم کے بارے، اتحاد کے بارے میں بات کریں، خواتین پہ ظلم ہو رہا ہے، جیلوں میں خواتین پہ تشدد ہو رہا ہے، آواز اٹھائیں ہم کربلا والے ہیں، خون کے آخری قطرے تک ظالم کے خلاف ہیں۔

 سیمینار کے بعد بڑی دیر تک لوگ علامہ راجہ ناصر عباس جعفری سے مل کر انہیں سینیٹر بننے کی مبارکباد دیتے رہے اور مجلس وحدت کی کامیابیوں کو سراہتے رہے۔ اتنا اچھا اور منظم پروگرام منعقد کرنے پر مجلس وحدت مسلمین قم کا شعبہ یقینی طور پر مبارکباد کا مستحق ہے۔

وحدت نیوز(مظفر آباد) مرکزی رہنما مجلس وحدت مسلمین پاکستان خطیب ولایت علامہ اعجاز حسین بہشتی کا دو روزہ دورہ کشمیر کے موقع پر صوبائی شوری کے اجلاس میں شرکت، اجلاس کی کاروائی کا آغاز تلاوت کلام پاک سے کیا گیا ابتدائی کلمات صوبائی صدر علامہ سید یاسر سبزواری صاحب نے ادا کئے جس کے بعد اضلاع اور یونٹس کی کارکردگی پر تفصیلی تبادلہ خیال کیا گیا۔

 ظہرین کی نماز کے بعد نشست کا دو بارہ آغاز کیا گیا جس سے خطیب ولایت مرکزی سیکرٹری یوتھ ایم ڈبلیو ایم پاکستان علامہ اعجاز حسین بہشتی نے خطاب کیا، اس موقع پر صوبائی صدر ڈاکٹر علامہ یاسر سبزواری اور صوبائی و ضلعی کابینہ کے افراد موجود تھے۔

وحدت نیوز(جھنگ) حلقہ این اے 109 جھنگ سے پاکستان تحریک انصاف کے کامیاب ممبر قومی اسمبلی شیخ وقاص اکرم کی اپنے حلقے کے معززین اور پارٹی رہنماؤں کے ہمراہ جامعہ شمس العلوم الجعفریہ قائم بھروانہ آمد ، صدر مجلس وحدت مسلمین ضلع جھنگ اور پرنسپل جامعہ ہذٰا مولانا سید روح اللہ کاظمی سے ملاقات ۔

شیخ وقاص اکرم نے ایم ڈبلیوایم کے تمام اراکین جھنگ کی ٹیم اور ضلعی صدر مولانا سید روح اللہ کاظمی کا 8 فروری کے انتخابات میں ان کی مکمل حمایت اور کامیابی میں اہم کردار ادا کرنے پر شکریہ ادا کیا۔

آخر میں شیخ وقاص اکرم نے وفد کے اراکین کے ہمراہ بانی پرنسپل جامعہ شمس العلوم الجعفریہ وسابق صدر ایم ڈبلیوایم ضلع جھنگ  علامہ سید اظہر حسین کاظمی کے مرقد پر حاضری بھی دی اور فاتحہ خوانی کی ۔