وحدت نیوز(کراچی) جمعتہ الوداع کو تاریخی یوم القدس منائیں گے،پاکستان کے غیور عوام ملک بھر میں نکالی جانے والی القدس ریلیوں میں بھرپور شرکت کرکے غزہ پر اسرائیلی جارحیت کے خلاف بھرپور اپنی آواز بلند کریں گے اور فلسطینیوں سے اظہار یکجہتی کریں گے، حکومت غزہ پر جاری صیہونی بربریت پر بیان پر اکتفا نہ کرے بلکہ عملی اقدامات کرتے ہوئے جمعتہ الوداع یوم القدس کو سرکاری سطح پر منانے کا اعلان کرے،ملک بھر میں 2345 مقامات پر آزادی القدس ریلیاں نکالی جائیں گی۔ ان خیالات کا اظہار مجلس وحدت مسلمین پاکستان کے مرکزی ڈپٹی سیکریٹری جنرل علامہ امین شہیدی نے امام بارگاہ علی رضا (ع) میں یوم القدس کی مناسبت سے منعقدہ پریس کانفرنس کرتے ہوئے کیا، اس موقع پر علامہ باقر زیدی، علامہ مبشر حسن،علامہ علی انور جعفری، انجینئر رضا نقوی، علی حسین نقوی سمیت دیگر رہنما بھی موجود تھے۔

علامہ امین شہیدی کا کہنا تھا کہ غاصب اسرائیل غزہ میں فلسطینیوں کی نسل کشی کر رہا ہے اور کوئی مسلمان ملک بولنے کیلئے تیار نہیں، خاموشی اختیار کیے ہوئے ممالک میں اسرائیل نے اپنے ایجنٹوں کو بٹھایا ہوا ہے، جہان اسلام کے حکمران ڈرے ہوئے ہیں، ان کے منہ سے آواز تک نہیں نکلتی، فلسطین مسلمانوں کا دل ہے، مسلم حکمرانوں کی غفلت ہے کہ مٹھی بھر صہیونیوں نے فلسطین پر قبضہ کیا ہوا ہے، ورنہ ان کی کیا مجال تھی۔ان کاکہنا تھا کہ ہم غزہ پر اسرائیلی حملوں کی بھرپور مذمت اور فلسطینیوں کی حمایت کرتے ہیں۔ جمعتہ الوداع کو پورے پاکستان میں یوم القدس کے طور پر منائیں گے، تمام مکاتب فکر کی ذمہ داری بنتی ہے کہ ہے کہ وہ اس دن گھروں سے باہر نکلیں اور اپنے مظلوم فلسطینی بھائیوں کے ساتھ اظہار یکجہتی کرکے ثابت کریں کہ فلسطینی تنہا نہیں ہیں۔ انہوں نے کہا کہ فلسطین کے مظلوم عوام کو سلام پیش کرتے ہیں جنہوں نے نہتے ہونے کے باوجود اسرائیل کے ا?گے سر نہیں جھکایا بلکہ ہمت اور مقاومت کا مظاہرہ کرتے ہوئے ڈٹ کر مقابلہ کیا۔ ہم ان قوتوں کو بھی سلام کرتے ہیں جو غزہ کے مسلمانوں کی اخلاقی، مالی سمیت ہر لحاظ سے مدد کر رہے ہیں۔

علامہ امین شہیدی کاکہنا تھا کہ ملک بھر میں2345مقامات پر آزادی القدس ریلیاں نکالی جائیں گی،جمعتہ الوداع کو یوم القدس کی مناسبت سے نکالے جانے والے جلوسوں میں مجلس وحدت مسلمین کے کارکنوں کی بڑی تعداد شریک ہو گی جبکہ عوام سے اپیل کرتے ہیں کہ وہ فلسطینیوں سے اظہار یکجہتی کرتے ہوئے یوم القدس کے جلوسوں میں شریک ہوں۔اس موقع پر مقررین نے کہا کہ یوم القدس کی مرکزی ریلی کراچی میں نکالی جائے گی جس میں مجلس وحدت مسلمین کی مرکزی قیادت سمیت سندھ بھرسے کارکنوں کی بڑی تعداد شریک ہو گی۔
 
مجلس وحدت مسلمین پاکستان کے رہنماؤں نے کہا کہ ایک طر ف غاصب اسرائیل ہے جو غزہ کے مظلوم عوام پر گذشتہ سولہ روز سے دہشت گردی اور بربریت کا سلسلہ جاری رکھے ہوئے تو دوسری طرف اقوام متحدہ نے یہ ثابت کر دیا ہے کہ وہ عالمی سامراجی دہشتگرد قوتوں اور شیطان بزرگ امریکہ کی لونڈی بنی ہوئی ہے، انہوں نے گذشتہ دنوں اقوام متحدہ کے سیکرٹری جنرل بان کی مون کی جانب سے آنے والے اس بیان کی شدید مذمت کی کہ جس میں بان کی مون نے کہا تھا کہ غزہ میں ہونے والے قتل عام کی ذمہ داری اسلامی مزاحمتی تحریک حماس پر عائد ہوتی ہے جبکہ شاید بان کی مون یہ بات بھول گئے تھے کہ غزہ پر حملہ غاصب صیہونی اسرائیلی ریاست اور اس کی درندہ صفت افواج نے کیا ہے نہ حماس نے، اسلامی مزاحمتی تحریک حماس تو غزہ کا دفاع کرنے کے لئے اپنے بنیادی دفاعی حق کا استعمال کر رہی ہے۔پوری امت مسلمہ حماس و حزب اللہ کی مقاومت پر اعتماد رکھتی ہے۔

رہنماؤں کا کہنا تھا کہ غاصب اسرائیل کی سرپرستی امریکہ کر رہاہے جو امریکی عوام کے لئے بھی شرمناک ہے، انہوں نے امریکہ سمیت یورپی ممالک کو تنبیہ کی کہ وہ مسئلہ فلسطین کے حل میں رکاوٹ نہ بنیں اور فلسطینیوں سے متعلق اپنا دوہرا معیار ترک کر دیں، اس موقع پر رہنماؤں نے اعلان کیا کہ غزہ کے مظلوم عوام کی نجات اور غاصب اسرائیل کے شکنجے سے فلسطین کی مکمل ا?زادی تک صدائے احتجاج بلند کرتے رہیں گے۔رہنماؤں نے تین سال قبل سر زمین بلوچستان پر کوئٹہ شہر میں یوم القدس کی ریلی میں شہید ہونے شہدائے یوم القدس کو خراج عقیدت پیش کرتے ہوئے حکومت پر کڑی تنقید کی اور مطالبہ کیا کہ شہدائے یوم القدس کے قتل میں ملوث اسرائیلی ایجنٹ دہشت گردوں کو بے نقاب کیا جائے اور قرار واقعی سزا دی جائے، انکاکہنا تھا کہ شیطان بزرگ امریکہ اور اس کی ناجائز اولاد اسرائیل جان لیں کہ شہادتوں سے ہمیں فلسطینیوں کی حمایت اور قابلہ اول بیت المقدس کی ا?زادی کی جد وجہد سے نہیں روکا جا سکتا ہے۔انہوں نے ایک مرتبہ پھر حکومت پاکستان سے اپیل کی کہ جمع? الوداع یوم القدس کو سرکاری سطح پر منانے کا اعلان کیا جائے اور سرکاری اداروں میں القدس کی مناسبت سے خصوصی تقریبات کا انعقاد کیا جائے۔

علامہ امین شہیدی نے کہا کہ کراچی میں شیعہ و سنی عوام کےقتل عام بالخصوص مکتب کی بنیاد پر شیعہ افراد کو نشانہ بنانے کی مذمت کرتے ہیں، دہشت گرد اپنی بربریت پر اتر آئے ہیں ، خواتین کو بھی اب ٹارگٹ کیا جانے لگا ہے، کراچی میں آپریشن کو مزید تیز کیا جائے اور اسرائیلی ایجنٹوں دہشت گردوں  کے خلاف آ پریشن ضرب عضب کا آغاز کیا جائے۔ انہو ں نے مزید کہا کہ یوم القدس کی ریلیو ں کو سیکورٹی فراہم کی جائے، ملک بھر میں آزادی القدس کی ریلیوں میں شریک ہونے والے قافلوں سمیت ریلیوں کو فول پروف سیکورٹی فراہم کی جائے تاکہ ملک دشمن اسرائیلی ایجنٹوں کے دہشت گردی سے ملک کی عوام کو محفوظ رکھا جائے۔

وحدت نیوز(کراچی) زرائع ابلاغ جس قدرآزاد ہیں اس سے کہیں زیادہ قیدبھی ہیں ،پرنٹ، ایکٹرونک اورسوشل میڈیاکا نوے فیصد سے زائد حصہ صہیونی قوتوں کے زیر اثر ہے، غزہ میں انسانیت سوز مظالم شام و عراق کی سنگین صورتحال سے اقوام عالم کی توجہ ہٹانے کی عالمی استعماری سازش ہے، مشرق وسطیٰ کی بیداری کی تحریکیں پر مغرب سوار ہو کر آگیاہے، غزہ کی روز بگڑتی صورتحال پر اقوام متحدہ کو چپ کا روزہ توڑ دینا چاہئے، اسرائیل ہو یا داعش دونوں کی ماں امریکہ ہے، یوم القدس مظلومین غزہ کی حمایت میں امت مسلمہ کے اجماع کا دن ہے، ان خیالات کا اظہار مجلس وحدت مسلمین پاکستان کے مرکزی ڈپٹی سیکریٹری جنرل علامہ امین شہیدی نے فلسطین فاؤنڈیشن پاکستان کے ذیر اہتمام مقامی ہوٹل میں زخمی زخمی قدس پکارا ۔۔۔اب تو مسلم جاگ خدارا کانفرنس سے خطاب کرتے ہوئے کیا، اس موقع پر مسلم لیگ ن کے مرکزی رہنماسلیم ضیاء ، پاکستان پیپلز پارٹی کے سینیٹر تاج حیدر، ایم کیوایم کے رکن قومی اسمبلی علی رضا عابدی ، مسلم لیگ ق کے صوبائی رہنما حلیم عادل شیخ ،سنی تحریک کے مرکزی رہنما شاہد غوری، جمیعت علمائے اسلام (ف)کے صوبائی رہنما قاری عثمان ، عوامی مسلم لیگ کے صوبائی رہنما محفوظ یار خان ، جمعیت علمائے پاکستان کے صوبائی رہنما علامہ قاضی احمد نورانی ،جعفریہ الائنس کے سربراہ علامہ عباس کمیلی ،جماعت اسلامی کے صوبائی رہنما مظفر احمد ہاشمی اور دیگر سیاسی و مذہبی جماعتوں کے رہنما بھی موجود تھے۔

اس موقع پر گفتگو کر تے ہوئے علامہ امین شہیدی نے کہا کہ مشرق وسطیٰ خصوصاً غزہ اور عراق کی سنگین صورتحال کے مرکزی محرک امریکہ ، اسرائیل ، سعودیہ ، ترکی اور قطرہیں ، ان پانچوں ممالک کے عالمی مفادات اس خطے سے وابسطہ ہیں ، جرمن نازیوں کے ہاتھوں یہودیوں کی مبینہ نسل کشی کو بنیاد بناکر پچھلی سات دہائیوں سے نہتے فلسطینیوں پر اسرائیلی وحشیانہ رویہ اختیار کیئے ہوئے ہے،عرب حکمرانوں کی خیانتوں اور عیاشیوں نے مظلوم فلسطینیوں کو آج اس حال پر پہنچا دیا ہے، پوری امت مسلمہ کو چاہئے کہ اس یوم القدس پر منظم انداز میں بلاتفریق رنگ و نسل، زبان ومکان غزہ کے مظلوم بچوں ، خواتین اور بزرگوں کے حق میں آواز اٹھا ئیں ۔

وحدت نیوز(سکھر) مجلس وحدت مسلمین پاکستان کے زیراہتمام مدرسہ ولی العصرسکھر میں رمضان المبارک کے حوالے سے ایک نشست کا اہتمام کیا گیا جس میں سکھر کے معروف تعلیمی ماہرین، دانشور، محقیقین اور معززین سمیت طالب علموں نے شرکت کی۔ تقریب کے مہمان خصوصی مجلس وحدت مسلمین کے مرکزی ڈپٹی سیکریٹری جنرل علامہ امین شہیدی تھے جبکہ دیگر علمائے کرام میں علامہ علی بخش سجادی، علامہ ولی محمد چانڈیو، چوہدری اظہرحسن سمیت دیگر رہنماؤں نے شرکت کی۔ تقریب سے خطاب کرتے ہوئے علامہ امین شہیدی کا کہنا تھا کہ عالم ہونا جسم کا حصہ ہے اور کامل ہونا انسانی روح سے تعلق رکھتا ہے، دینی تعلیمات کیساتھ دنیاوی تعلیم حاصل کرنا ہر انسان پر فرض ہے، اگر تعلیم نہ ہو تو پھر تحقیق کسی صورت نہیں ہو سکتی، ہمیں چاہیئے کہ لوگوں میں تعلیمی شعور بیدار کرنے کیلئے آگاہی پروگرامات کا انعقاد کریں۔

وحدت نیوز(لاہور) مجلس وحدت مسلمین پاکستان کے سربراہ علامہ راجہ ناصر عباس جعفری , مرکزی ڈپٹی سیکرٹری جنرل علامہ امین شہیدی اور سیکرٹری جنرل پنجاب علامہ عبدالخالق اسدی نے جناح ہسپتال لاہور میں معروف شیعہ رہنما الحاج حیدرعلی مرزا کی عیادت کی اور ان کی صحت یابی کے لئے دعا کی الحاج حیدر علی مرزا  گذشتہ کئی دنوں سے جناح ہسپتال میں زیرعلاج ہیں علامہ راجہ ناصر عباس جعفری نے اُن کے قومی خدمات کو سراہتے ہوئے کہا کہ الحاج حیدر علی مرزا صاحب اتحاد بین المسلمین کے داعی اور ملت جعفریہ کا سرمایا ہیں  خدا ان کا سایہ ملت اسلامیہ پر تا دیر قائم رکھے اور انہیں جلد مکمل صحت یابی عنایت کرے۔

وحدت نیوز(لاہور) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری، علامہ امین شہیدی ، علامہ شفقت شیرازی ، علامہ حسن ظفر نقوی، پنجاب کے صوبائی سیکرٹری جنرل علامہ عبدالخالق اسدی اور ایم ڈبلیوایم نجف اشرف کے سیکریٹری جنرل علامہ مہدی نجفی نے مرجع شیعان جہان آیت اللہ حافظ بشیر حسین نجفی کے بھائی حجۃ الاسلام مولانا منظور حسین عابدی کی نا گہانی وفات پرآیت اللہ بشیر حسین نجفی اور تمام شیعان پاکستان کی خدمت میں تعزیت و تسلیت پیش کی ہے ۔اور اپنے تعزیتی پیغام میں کہا ہے کہ قبلہ کے انتقال پر ملال سے ملت شیعہ پاکستان ایک عالم باعمل سے محروم ہوگئی ۔مرحوم کی وفات سے پیدا ہونے والا خلہ صدیوں تک پر نہ ہوسکے گامرحوم کی علمی اور ملی خدمات کو قوم ہمیشہ یاد رکھے گی خدا وند تعالیٰ مرحوم کو جوارمحمد ؐو آل محمد ؐ اور پسمان گان کو صبر جمیل عطا فرمائے ۔

وحدت نیوز(لاہور) سانحہ ماڈل ٹاؤن لاہور: مظلوم عوام پر گولیاں چلانے والوں کے خلاف فوری کاروائی کی جائے ۔واقع میں پنجاب حکومت کی نا اہلی ہے شہباز شریف کے ہوتے ہوئے واقعہ کی آزادانہ تحقیقات نہیں ہو سکتی ،وزیر اعلیٰ پنجاب شہبار شریف کی فوری بر طرفی کا مطالبہ کرتے ہیں ،اجلاس میں خیر سگالی کیلئے شرکت کی مجلس وحدت مسلمین کسی الانئس کا حصہ نہیں ہیں ۔29جون منہاج القرآن سیکریٹریٹ میں منعقدہ آل پارٹیز کانفرنس میں شرکت کریں گے ۔ ان خیالات کا اظہار مجلس و حدت مسلمین پاکستان کے مر کزی ڈپٹی سیکرٹری جنرل علامہ امین شہیدی اور ایم ڈبلیوایم پاکستان کے سیکر ٹری سیاسیات برادر ناصرعباس شیرازی نے علامہ طاہرالقادری کی جانب سے بلائے جانے والے سیاسی و مذہبی جماعتوں کے اجلاس سے خطاب میں کیا اجلاس کی سر براہی علامہ طاہر القادری نے کی جبکہ اجلاس میں پاکستان مسلم لیگ (ق) کے سربراہ چوہدری شجاعت حسین ،چوہدری پر ویز الٰہی ،سنی اتحاد کونسل کے سربراہ صاحبزادا حامد ر ضا، سابق وزیر قانون راجہ بشارت نے شرکت کی علامہ امین شہیدی کا کہنا تھا کے نواز حکومت اپنے اُوچھے ہتھکنڈوں پر اتر آئی ہے طاقت کے نشے میں ڈوبے ہوئے حکمرانوں نے عوام پر ظلم کی انتہا کی پوری دنیا میں ملک خداد پاکستان کا میج ڈاؤن ہوا ملک میں بسنے والے ہر ظالم کے خلاف اور مظلولوں کے حامی ہیں ایک طرف دہشتگرد ملک کو عدم استحکام کی طرف لے جا رہے ہیں تو دوسری جانب نواز حکومت بھی انہی دہشتگردوں کے ایجنڈے کی تکمیل میں مصروف عمل نظر آتی ہے ملکی محب و طن جماعتوں کے ساتھ ہیں عدم استحکام کی تمام سازشوں کو ناکام بنا دیں گے مجلس وحدت مسلمین کسی الائنس کا حصہ نہیں اجلاس میں خیر سگالی کیلئے شرکت کی29جون علامہ طاہر القادری کی جانب سے منہاج القرآن سیکریٹریٹ میں منعقدہ آل پارٹیز کانفرنس میں شرکت کریں گے بے گناہ افراد کی شہادت پر گہرے دکھ کا اظہار کرتے ہیں ،شہیدو زخمی ہونے والے کے افراد کے لواحقین کے غم میں برابر کے شریک ہیں ۔ہم مطالبہ کرتے ہیں کے اس ریاستی دہشتگری میں شہید ہونے والے افراد کے قتل میں ملوث ملزمان کے خلاف جلد از جلد کاروائی کی جائے اور ملزمان کو کیفر کردار تک پہنچایا جائے ۔