وحدت نیوز(بلتستان) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے وفد کے ہمراہ ڈسٹرکٹ ہسپتال اسکردو کا دورہ کیا جہاں ڈاکٹروں کے کئی روز سے جاری ہڑتال اور احتجاج کے بارے میں گفتگو کی۔انہوں نے پاکستان میڈیکل ایسوسی ایشن بلتستان کے رہنماوں اور دیگر ملازمین سے تفصیلی بریفنگ لی اور مختلف سوالات کے بعد انکے احتجاج کو حق بجانب قرار دیا اور ڈاکٹروں کو یقین دہانی کرائی کہ ان کے جائز مطالبات کی منظوری کے لیے مجلس وحدت مسلمین بھرپور کردار ادا کرے گی اور صوبائی و مرکزی سطح پر وفاقی و صوبائی حکومت سے مطالبات کی منظوری کے لیے بھرپور جدو جہد کرے گی۔

مجلس وحدت مسلمین پاکستان بلتستا ن ڈویژن کے سیکرٹری جنرل علامہ آغا علی رضوی نے ڈاکٹرز سے گزارش کی کہ حالت کی نزاکت کو مدنظر رکھتے ہوئے سخت اقدامات سے گزیر کریں ۔ انہوں نے اپنے احتجاج میں نرمی لانے اور سلسلہ وار بتدریج آگے بڑھانے کو کہا اور کہا کہ اس سلسلے میں مجلس وحدت مسلمین ڈاکٹروں کے شانہ بشانہ کھڑی ہے اور ضرورت پڑی تو ملکر احتجاج کریں گے۔ انہوں نے شیڈیول کے مطابق احتجاجا ایمرجنسی بند کرنے کے فیصلے پر نظرثانی اور پوسپونڈ کرنے کی گذارش کی اور کہا کہ ایمرجنسی کی بھی بند کرنا غریب عوام کے لیے شدید مشکلات کا باعث بنے گی لہٰذا اس معاملے میں صبر و تحمل سے کام لیں اور چند روز مزید ایمرجنسی بند کرنے سے گریز کریں۔ ڈاکٹروں نے صوبہ بھر میں جاری اس احتجاج پر نظرثانی کرنے کی یقین دہانی کرائی ۔

وحدت نیوز (لندن) مجلس وحدت مسلمین پاکستان کےسربراہ علامہ راجہ ناصر عباس جعفری کی اپیل پر پاکستان بھر کی طرح لندن میں بھی ہفتہ وحدت ۱۲ تا ۱۷  ربیع الاول کی مناسبت سے جشن عید میلاد البنی ﷺ کے پر مسرت موقع پر عظیم الشان ریلی کا انعقاد کیا گیا، ریلی میں شیعہ سنی علمائے کرام ، اکابرین سمیت اہل سنت و اہل تشیع عوام نے بھی بھر پور مذہبی جوش و جذبے کے ساتھ شرکت کی ۔ شرکائے جلوس میلاد البنیﷺ نے شیعہ سنی بھائی بھائی ، لبیک یا رسول اللہ ﷺ ، لبیک یا حسین ؑ کے فلک شگاف نعرے بھی لگائے۔

وحدت نیوز(قصور) ہفتہ وحدت بمناسبت ولادت رسول خدا ﷺ کے موقع پر علامہ ناصر عباس جعفری کی اپیل پر ملک بھر کی طرح ۱۲ ربیع الاول کے جلوس میں مجلس وحدت مسلمین پاکستان قصور کے کارکنان نےسیکرٹری جنرل سید اقبال حسین نقوی کی قیادت میں بھر پور شرکت کی۔ دیگر شرکاء میں سید علی عمران نقوی ڈپٹی سیکرٹری قصور ، سیدعلی حسین شمسی سیکرٹری میڈیا سیل،سید سفیر عباس موسوی سیکرٹری سیاسیات چونیاں ،کے ہمرہ سینکڑوں شیعان حیدر کرار نے شرکت کر کے وحدت کا ثبوت دیا۔

وحدت نیوز(اسلام آباد) شدید خطرات کے باوجود ملت پاکستان نے تاریخ کا عظیم جلوس میلاد النبی ﷺ نکالا، سلام پیش کرتا ہوں ان بیدار سنی شیعہ مسلمانوں کو جنہوں نے عشق رسول اکرم ﷺ کو والہانہ اظہار کیا ، دشمنان دین ،  ملک و ملت کی تمام تر سازشیں اور سرمایہ کاری آ ج خاک میں مل گی، شیعہ سنی وحدت و انسجام کے جس صفر کا آغاز ۵ جنوری کو اسلام آباد سے ہوا آج اس کا عملی مظاہرہ پورے ملک میں دیکھا گیا، خدا نے چاہا تووطن عزیز میں شیعہ سنی بھائی چارگی اور وحدت کے ثمرات سے پاکستان کے داخلی و خارجی مسائل سے نجات حاصل ہو گی ، ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے وحدت ہائوس اسلام آبادسے جاری اپنے تہنتی پیغام میں کیا ۔

ان کاکہنا تھا کہ خدا کے فضل و کرم سے ملک بھر میں جشن عید میلاد النبی ﷺ کے جلوس بخیر وعافیت اختتام پذیر ہو ئے ، شدید خطرات کے باوجود ملک بھر میں سنی شیعہ عوام نے عشق رسول خداﷺ سے سرشار  ہوکر جلوس میلاد النبی میں شرکت کی ،ملت جعفریہ کی عید میلاد النبیﷺ کے اجتماعات میں شرکت غیر معمولی رہی ، اہل تشیع برادری گذشتہ سالوں کی نسبت زیادہ بڑی تعداد میں گھروں سے باہر نکلی اور عملی طور پر جلوس ہائے میلاد النبی ﷺ میں اپنے اہل سنت بھائیوں کے شانہ بشانہ نظر آئی ، حکومت اور سکیورٹی اداروں نے بھی اپنے فرائض بحسن و خوبی انجاب دیئے ، جس پر وہ تحسین کے مستحق ہیں ، مجلس وحدت مسلمین اور سنی اتحاد کونسل نے جس محبت ، اخوت اور وحدت کے صفر کا آغاز اسلام آباد سے کیا تھا آج ملک بھر میں اسکی عملی تصویر ملاحظہ کی گئی، انہوں نے کہا کہ وطن عزیز کو بچانے کے لئے اسے بنانے والی قوتیں یعنی اہل سنت و اہل تشیع کا کردار انتہائی اہمیت کا حامل ہے، ہمیں آپس کے اتحاد اور سیرت نبی کریم ﷺ پر عمل پیرا ہو کر دین مبین کی ترویج، دفاع ، سربلندی اور ملکی سلامتی کے لئے اپنا قومی کرار ادا کرنا ہو گا، پاکستان کو دہشت گردی اور لاقانونیت سے نجات دلانا تمام عاشقان و پیروان مصطفیٰ ﷺ کی دینی وشرعی فرض ہے۔

وحدت نیوز(لاہور) مجلس وحدت مسلمین پاکستان ضلع لاہور کے ایک وفد نے ڈپٹی سیکرٹری جنرل شیخ عمران علی کی قیادت میں اندرونِ موچی دروازہ ، اہلسنت رہنماء جناب اشفاق احمد قادری جو مرکزی جلوس عید میلاد النبی کے لائسنسدار ہیں سے ملاقات کی ،ملاقات کا اہتمام سالارِ ماتمیان سید وسیم گردیزی نے کیا تھا ،، ملاقات میں عید ِ میلاد النبی کو ہمیشہ کی طرح شایانِ شان طریقے سے منانے پر ذور دیا گیا ، مجلس وحدت مسلمین کے وفد نے بتایا کہ 12 ربیع الاول کو عیدِ میلاد النبی کے جلوسوں میں ملت تشیع کی بھرپور شرکت ہو گی جو پاکستان اور دین کے دشمنوں کی شکست کا باعث بنے گی ، اشفاق قادری صاحب نے بتایا کہ اس جلوس کے راستے میں ہمیشہ سے شیعہ برادران ہمارا استقبال کرتے ہیں ، سبیلیں لگاتے ہیں بھول بچھاور کرتے ہیں ، یہ خؤشی کائنات کی سب سے بڑی خوشی ہے ۔ مجلس وحدت مسلمین کے وفد نے بتایا کہ مرکزی جلوس کے راستے میں رنگ محل چوک پر مجلس وحدت کی جانب سے استقبالیہ کیمپ لگایا جائے گا ، جہاں جلوس کا استقبال کیا جائے گا اور سبیل بھی ہو گی ،اس کے علاوہ اسلام پورہ کے جلوس میں بھی ہمارا کیمپ لگایا جائے گا۔ ملت تشیع اہلسنت برادران سے مل کر پاکستان کے دشمنوں کو شکست دے گی ۔ مذہبی رواداری اور اتحآد سے ہم اپنے دشمنوں کو شکست دیں گے۔
تنظیمِ ماتمیان کے سربراہ سید وسیم گردیزی نے بتایا کہ ہمارے بزرگان کے زمانے سے آپس میں گہرے تعلقات ہیں ، علاقے میں شیعہ اور سنی ایک ہو کر رہتے ہیں ، اور انشاء اللہ ہم اسی اتحاد کی فضا ء کو قائم رکھیں گے

وحدت نیوز(گلگت) عالم مبارز، شب زندہ دار، جرّی اور جملہ کمالات کے مالک، گلگت بلتستان کے ہر دلعزیز شخصیت علامہ سید ضیاءالدین رضوی کی نویں برسی کے موقع پر بلتستان کے علماء کی نمائندگی کرتے ہوئے مجلس وحدت مسلمین پاکستان بلتستان ڈویژن کے سیکرٹری جنرل آغا سید علی رضوی نے کہا کہ ایک منظّم سازش کے تحت گلگت اور بلتستان کو الگ کیا جا رہا ہے اور اس سلسلے میں لسانی تعصبات کو ہوا دی جا رہی ہے۔ گلگت و بلتستان یک جان دو قالب کی مانند ہیں۔ اب گلگت و بلتستان کے عوام مل کر سیاسی جدوجہد اور حقوق کیلئے مل کر جنگ کرنے کا باقاعدہ اعلان کریں گے۔ آج سے گلگت بلتستان کو ملک کا پانچواں صوبہ بنانے کے لئے مل کر جدوجہد کا آغاز کیا جائے گا۔ انہوں نے کہا کہ تمام اداروں میں کرپشن اور اقرباپروری کو فروغ دینے کے لئے بدامنی پیدا کی جا رہی ہے۔ گلگت بلتستان کو امن کا گہوارہ بنانے کے لیے اور دہشت گردوں کے خاتمے کے لئے بلا رنگ و نسل اور مذہب ایک ہو کر جدوجہد کرنے کی ضرورت ہے۔ شیعہ اور سنی کے درمیان تفرقہ ڈالنے اور گلگت بلتستان کی امن کو سبوتاژ کرنے والی قوتوں کو ختم کرنے کا عزم کرنا ہوگا۔

آغا علی رضوی نے کہا کہ یوں تو گلگت بلتستان کے تمام سرکاری محکموں میں کرپشن اور اقرباپروری عروج ہے، لیکن کیا کہنا محکمہ تعلیم کا جہاں قوم کی نئی نسل کو زیور تعلیم سے آراستہ کیا جاتا ہے، محکمہ تعلیم ہی کسی قوم کی کامیابی اور ناکامی کی ضمانت ہے۔ مگر نااہل، عاقبت نااندیش حکمرانوں نے محکمہ تعلیم گلگت بلتستان کو تباہ کیا ہوا ہے۔ ہم محکمہ تعلیم میں جاری بدعنوانیوں کے خلاف انکوائری کی کوششوں کو سراہتے ہیں۔ انہوں نے کہا کہ جہاں محکمہ تعلیم میں تعلیم کا جنازہ جس طرح نکالا جا رہا ہے وہ دنیا ہے سامنے ہے اور تربیت بھی تعلیم کے ساتھ ساتھ لازمی ہے۔ میں واضح کر دینا چاہتا ہوں نام نہاد تعلیمی ماہرین تعلیم کو کہ ہمارے تعلیمی اداروں میں جو غیر اخلاقی اور فحش و بے غیرتی کی تقریبات رکھی جاتی ہیں، وہ بھی قوم و ملت کے لیے ناسور ہے۔ عجیب ہے ہمارے تعلیمی اداروں میں رقص و فحش کی محفلوں کے لیے وسائل بھی ہیں اور اجازت بھی، مگر یوم حسین (ع) پر پابندی عائد کر کے نہیں معلوم ہماری انتظامیہ اور تعلیمی ادارے کے سربراہ کس کو خوش کرنا چاہتے ہیں۔

انہوں نے اپنی تقریر میں کہا کہ قیام امن کے لئے تکفیری گروہ اور آغا سید ضیاءالدین کے قاتلوں کو کیفر کردار تک پہنچانا بہت ضروری ہے۔ شیعہ سنی کے درمیان تفرقہ اور امن کو سبوتاژ کرنے والی قوتوں کو ختم کرنے کا عزم کرنا ہوگا۔ زمانہ اب تبدیل ہوچکا ہے، نوجوانوں کے اندر تعلیم کے ساتھ انقلابی فکر اور جدوجہد بھی ضروری ہے۔