The Latest
وحدت نیوز (کوئٹہ) دی ہوپ اسکول کے ڈائریکٹرسلیم رضا نے مجلس وحدت مسلمین کوئٹہ ڈویژن سیکریٹریٹ میں ایک لاکھ روپے کی امداری رقم کا چیک ایم ڈبلیوایم کوئٹہ ڈویژن کے سیکریٹری جنرل سید عباس علی موسوی سے وصول کرلیا، سلیم رضا صاحب نے امدادی رقم کے حصول کے بعد ایم ڈبلیوایم کی قیادت خصوصاًرکن بلوچستان اسمبلی سید محمد رضا کا خصوصی شکریہ اداکیا، واضح رہے کہ مجلس وحدت مسلمین کے رکن شوری عالی و ممبر بلوچستان اسمبلی آغا رضا نے '' دی ہوپ اسکول " کے چند ماہ قبل سالانہ تقریب تقسیم انعامات میں سکول ہذا کے لیے مبلغ ایک لاکھ روپے کا اعلان کیا تھا۔
وحدت نیوز(کوئٹہ) مجلس وحدت مسلمین کوئٹہ ڈویژن کے میڈیا سیل سے جاری شدہ بیان میں ڈویژنل سیکریٹری امورسیاسیات کامران حسین ہزارہ نے کہا ہے کہ جمہوریت عوامی حکومت کا نام ہے ۔ عوام اس طرز حکومت میں عوام کے مفادات کو ہمیشہ ترجیح دی جاتی ہے اور عوام کے فائدے کیلئے کام کیا جہاں تھا۔ افسوس کی بات ہے کہ جس حکومت میں پارلیمانی لیڈرز عوام کے منتخب کردہ نمائندے ہوتے ہیں وہی وہ نمائندے اسمبلی کے پلیٹ فارم پر پہنچ کر عوام کو ہی بھول جاتے ہیں ۔ بیان میں مزید کہا گیا کہ ملک کے بعض حکمران اپنے بچوں کی تعلیم ملک کے اعلیٰ تعلیمی اداروں یا پھر ملک سے باہر کراتے ہیں اور اس مقصد کیلئے لاکھوں روپے خرچ کرتے ہیں۔ اسی طرح بعض حکمران اپنا علاج باہر ممالک میں کرواتے ہیں مگر اس ملک کی اسپتالوں کی بہتری کیلئے اقدامات نہیں اٹھاتے۔ ایسے حضرات کو اپنے ذات کی تو فکر ہوتی ہے مگر ان لوگوں کی فکر نہیں ہوتی جنہیں نے ان پر اعتماد کرکے انہیں اسمبلی تک پہنچایا، عوامی نمائندے بلندی پر پہنچ کر عوام کو ہی فراموش کر دیتے ہیں۔ بیان میں مزید کہا گیا کہ عوام کا پیسہ عوام پر خرچ ہونا چاہئے، عوام اس لئے ٹیکس نہیں دیتے کہ پارلیمانی حکمرانوں کا علاج ملک سے باہر ہو بلکہ ملک کے تمام اداروں کی بہتری کیلئے دیتے ہیں۔ اصل سرمایہ کاری ملک کے عوام پر ہونی چاہئے۔ حکومت کو چاہئے کہ سب سے زیادہ پیسہ اسپتالوں اور تعلیمی اداروں کی بہتری کیلئے لگائے۔ اچھی تعلیم کے ذریعے ہی مستقبل کے معماروں کے شعور میں اضافہ ہوگا اورہماری مستقبل روشن ہوگی۔ بیان کے آخر میں کہا گیا کہ حکمرانوں کی بڑی تعداد دوسرے ممالک کے اسپتالوں اور تعلیمی اداروں پر پیسہ خرچ کرتی ہے اگر وہی پیسہ اپنے ملک میں خرچ کرواکر ہمارے اسپتالوں اور سکولوں کا نظام بہتر کیا جائے تو جہاں ان حکمرانوں کت بچے انہیں اسکولوں سے پڑھیں گے وہی ملک کے دیگر طلباء بھی فائدہ اٹھائیں گے اور جہاں ان حکمرانوں کا بہتر علاج ہوگا وہی دیگر شہریوں کی بھی زندگیاں بچ جائیں گی۔
وحدت نیوز (کوئٹہ) مجلس وحدت مسلمین کوئٹہ کے میڈیا سیل سے جاری شدہ بیان میں توانائی بحران کا تذکرہ کرتے ہوئے کونسلر کربلائی رجب علی نے ہے کہاہے کہ بجلی کی لوڈشیڈنگ کے خاتمے کیلئے حکومت کی جانب سے عملی اقدامات نظر نہیں آرہے ہیں۔ ملک توانائی بحران کا شکار ہے اور عوام کو لوڈشیڈنگ کی عادت سی پڑ گئی ہے ، مظلوم عوام کب تک اس ملک میں لوڈشیڈنگ کا سامنا کرے،ن لیگ کی جانب سے لوڈشیڈنگ خاتمے کے الیکشن سے قبل کیئے گئے تمام دعوے ہوا ہوگئے، حکومت کو چاہئے کہ وہ توانائی بحران پر قابو پانے کیلئے صنعتوں کا استعمال کرے۔ بیان میں مزید کہا گیا کہ پچھلے ایک دہائی سے ملک میں بجلی کا بحران ہے اور اس مسئلے کے حل کیلئے کوئی خاص اقدام نہیں اٹھایا گیا ہے، روزانہ کی بنیاد پر عوام کو کئی بار لوڈ شیڈنگ کا سامنا ہوتا ہے، حکومت کو بجلی کی فراہمی یقینی بنانا چاہئے۔ توانائی بحران کی وجہ سے روزانہ نہ صرف معیشت کو نقصان پہنچتا ہے بلکہ عوام کو دیگر سینکڑوں مشکلات کا بھی سامنا ہوتا ہے۔ بیان میں مزید کہا گیا کہ توانائی کے بحران سے نجات کیلئے حکومت ملک کے صنعتوں کو بروئے کار لا سکتی ہے ، صوبے کے بعض علاقوں سے کوئلہ ایک بڑی تعداد میں برآمد ہوتا ہے۔بعض دانشوروں کے مطابق اگر تھر کول پروجیکٹ کی ابتداء کی جائے تو ملک میں بجلی کے بحران سے چھٹکارا مل سکتا ہے اگر کوئلہ کے استعمال سے بجلی تیار کی جائے تو نہ صرف بلوچستان بلکہ ملک بھر کے بجلی کی ضرورت پوری کی جاسکتی ہے اور ایک سیکنڈ بھی ہمیں لوڈشیڈنگ کا سامنا نہیں کرنا پڑے گا۔ توانائی بحران کی وجہ سے ملک کو ہر روز کروڑوں کا نقصان ہوتا ہے اور عوام کی پریشانی و مشکلات دوسری طرف۔ بیان کے آخر میں کہا گیا کہ حکومت کو چاہئے کہ عوام کی فلاح و بہبود کو مد نظر رکھتے ہوئے انکی بہتری کیلئے منصوبہ بندیاں کرے، عوام کے مسائل کو زیر بحث لائے اور اقدامات کے ذریعے عوامی مسائل کو ھل کرے۔ اس طرز حکمرانی کے ذریعے ہی پارلیمانی رہنما ملک و قوم کی ترقی کا سبب بن سکتے ہیں۔
وحدت نیوز (گلگت) وزیر جنگلات جنا ب حاجی محمد وکیل کی ناگہانی موت پر غمزہ خاندان کے غم میں شریک ہیں،خدا پسماندگان کو صبر جمیل عطا فرمائے اور مرحوم کو اپنی رحمت کے سائے میں جگہ عنایت فرمائے۔
مجلس وحدت مسلمین گلگت بلتستان شعبہ خواتین کی رہنما و رکن اسمبلی بی بی سلیمہ نے حاجی محمد وکیل کی اچانک فوتگی پر غمزہ خاندان کو تعزیت پیش کرتے ہوئے کہا ہے کہ دکھ کی اس گھڑی میں غمزدہ خاندان کے ساتھ شریک ہیں،خدا پسماندگان کو مصیبت کے اس عالم میں صبر جمیل عطا کرے اور مرحوم کی مغفرت فرمائے۔موت ایک حقیقت ہے جس سے انکار ناممکن ہے ہر ذی حیات کو موت کا ذائقہ چکھنا ہے اور انسان کی ترقی کا سفر اصل میں موت کے بعد ہی شروع ہوتا ہے لیکن افسوس کہ اس راز سے ہمیں واقفیت نہیں اور موت سے خوف اور ڈر محسوس ہوتا ہے۔حاجی محمد وکیل کے اچانک رخصت ہونے سے ایک خلا ضرور پیدا ہوااور اس کی جگہ کوئی دوسرا نہیں لے سکتا۔ہماری دعا ہے کہ خدا وند تعالی مرحوم کی جملہ کوتاہیوں کی مغفرت فرمائے اور پسماندگان کو صبر جمیل عطا کرے۔
وحدت نیوز(کراچی) مجلس وحدت مسلمین سندھ اور کراچی کے تین سالہ پارٹی سیشن مکمل ہونے پر انٹرا پارٹی الیکشن 7،8مئی بنام’’پیام وحدت کنونشن ‘‘مسجد و امام بارگاہ سامرہ نیو رضویہ سو سائٹی میں منعقد ہو گا،کنونشن کی صدارت سیکرٹری جنرل پاکستان علامہ ناصر عباس جعفری سمیت ایم ڈبلیو ایم پاکستان کی نو منتخب کابینہ کے اراکین شرکت کر یں گے ۔ان خیالات کا اظہار ایم ڈبلیو ایم سندھ کے صوبائی سیکرٹری اطلاعات آصف صفوی نے صوبائی آفس وحدت ہاؤس کراچی سے جاری بیان میں کیاانہوں نے کہاکہ انٹرا پارٹی الیکشن میں صوبائی سیکرٹری جنرل علامہ مختار امامی اپنی کابینہ سمیت عہدے سے سبکدوش ہونگے اورنئے صوبائی سیکرٹری جنرل کیلئے صوبائی شوریٰ کا اجلاس 2بجے دن اور پولنگ کا آغاز3 بجے ہوگا،4 بجے نئے صوبائی سیکرٹری جنرل کا باقائدہ اعلان کیا جائے گا جبکہ ایم ڈبلیو ایم کراچی کی مجلس شوریٰ کا اجلاس نئے صوبائی سیکرٹری جنرل کے نام کے اعلان کے فوراََ بعد شروع ہوگا اور 6بجے شام ایم ڈبلیو ایم کراچی کے نئے سیکرٹری جنرل کے نام کا اعلان کیا جائے گا۔واضح رہے سربراہ ایم ڈبلیو ایم پاکستان علامہ راجہ ناصر عباس جعفری نو منتخب سیکرٹریزسے انکے عہدے کا حلف لیں گے،بعد ازآں علامہ راجہ ناصر عباس جعفری نو منتخب صوبائی و کراچی کے سیکرٹری جنرل اور دیگر رہنماوں کے ہمراہ اہم پریس کانفرنس کریں گے۔
وحدت نیوز(کراچی) مجلس وحدت مسلمین کراچی ڈویژن کے اعلیٰ سطحی وفدنے پاکستان عوامی تحریک کے صوبائی سیکریٹریٹ میں علی اوسط ، ظفر اقبال اور خان محمد بلوچ سے ملاقات کی،ایم ڈبلیوایم کے وفدمیں ڈویژنل سیکریٹری امور سیاسیات علی حسین نقوی اور علامہ صادق جعفری شامل تھے، ایم ڈبلیوایم رہنمائوں نے پی ایس۱۱۷اور پی ایس۱۲۷کے ضمنی انتخاب میں ایم ڈبلیوایم کی حمایت اور پانامہ لیکس پر اپوزیشن جماعتوں حکمت عملی پر گفتگو کی، پاکستان عوامی تحریک کے رہنمائوں نے کراچی میں ہونے والے ضمنی انتخابات میں مجلس وحدت مسلمین کے امیدواروں کی مکمل حمایت اور تعاون کی یقین دہانی کروائی ہے ۔
وحدت نیوز (کراچی) مجلس وحدت مسلمین کراچی، ضلع ملیرکا سال 16-2013کے تنظیمی دورکا آخری ضلعی شوری کا اجلاس زیرصدارت سیکریٹری جنرل سید احسن عباس رضوی وحدت ہائوس جعفرطیارمیں منعقد ہوا، اجلاس میں اراکین ضلعی کابینہ سمیت تمام یونٹس کے سیکریٹری اور ڈپٹی سیکریٹری جنرل صاحبان نے شرکت کی،اجلاس میں صوبائی اور ڈویژنل کنونشن سمیت ضلعی کنونشن میں کے انعقاد پر تفصیلی گفتگو ہوئی اور باہمی اتفاق رائے سے 15مئی کو ضلعی کنونشن کے انعقاد کا اعلان کردیا گیا، کنونشن ضلعی ہیڈ کوارٹرجعفرطیار سوسائٹی میں منعقد ہوگاجس میں مرکزی ، صوبائی اور ڈویژنل قائدین شرکت کریں گے، جبکہ اراکین شوریٰ خفیہ رائے شماری کے ذریعے آئندہ تین سال کیلئے مجلس وحدت مسلمین ضلع ملیرکے نئےسیکریٹری جنرل کا انتخاب عمل میں لائیں گے۔
وحدت نیوز (ملتان) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے وفد کے ہمراہ اہلسنت بزرگ عالم دین علامہ مظہر سعید کاظمی اور سابق وفاقی وزیر صاحبزادہ حامد سعید کاظمی سے ملاقات کی۔ ملاقات میں معروف عالم دین علامہ سید سجاد سعید کاظمی کی وفات پر اُن کے بھائیوں سے تعزیت کا اظہار کیا۔ اس موقع پر مجلس وحدت مسلمین ملتان کے سیکرٹری جنرل علامہ قاضی نادر حسین علوی اور جنوبی پنجاب کے ترجمان ثقلین نقوی ہمراہ تھے۔ علامہ ناصر عباس جعفری نے مرحوم سید سجادسعید کاظمی کی دینی خدمات کو خراج تحسین پیش کرتے ہوئے کہا کہ مرحوم نے ملک میں اتحاد بین المسلمین اور خاص طور پر حقیقی اہلسنت جماعتوں کے درمیان اتحاد کے حوالے سے قابل قدر خدمات انجام دیں ہیں۔ سابق وفاقی وزیر مذہبی اُمور علامہ حامد سعید کاظمی نے اس موقع پر ایم ڈبلیو ایم کے سربراہ کا شکریہ ادا کرتے ہوئے کہا کہ آپ نے اور آپ کی جماعت نے پاکستان میں حقیقی معنوں میں اتحاد بین المسلمین کردار ادا کیا ہے جسے ہم آپ کی اور آپ کی جماعت کی کوششوں اور کاوشوں کو سراہتے ہیں ۔
وحدت نیوز (کراچی) صوبائی سیکریٹریٹ ایم ڈبلیو ایم سندھ کے تحت ولادت باسعادت امیرالمومنین حضرت علی ؑ کی مناسبت سے عظیم الشان جشن مرتضوی کا انعقاد کیاگیا، جس میں مختلف سیاسی و مذہبی تنظیموں کے رہنما ء مطلوب عوا ن( چیئرمین آل پاکستان سنی تحریک) ،مولاناقاری حافظ عبداللہ میمن،مولانا شکیل قادری ،مولانا راشد عظیم جواہ ( چیئرمین انجمن درِبتول) خالد ملک، آغا عباس جعفری، علامہ نقی نقوی ،مولانا غلام عباس جعفری،مولانا عمران حیدر، ایم ڈبلیو ایم سندھ کے رہنماء حیدر زیدی ، کراچی ڈویژن کے رہنما برادر ذکی ہاشمی، علامہ مبشر حسن ، علامہ صادق جعفری ، مولانا احسان دانش مولانا شیر علی، شبیر حسینی ،رضوان پنجوانی سمیت ہزاروں عاشقان ولایت نے جشن میں شرکت کی جبکہ ملک کے مشہور و معروف منقبت و اہلسنت نعت خواں حضرات نعمان قادری ، عمران سلطانی ، ساجد اشرفی، مرتضے ٰبریسٹر ،برادر مسلم مہدوی ، برادر محمد زبیر ، برادر سلیم مسطان ، وسیم و دیگر نے اہلبیت کی شان میں نظرانہ عقیدت پیش کیا جشن سے ایم ڈبلیو ایم کے مرکزی رہنماء علامہ امین شہید ی و جناب سید مقدس حسین کاظمی (بین الاقوامی شہرت یافتہ منقبت خواں و گدی نشین درباربری امام سرکار) بزرگ عالم دین علامہ غلام عباس رئیسی نے خصوصی خطاب کیا ۔
رہنما وں نے خطاب کرتے ہوئے کہا کہ دور عصر میں یہود و نصاری اور خوارج کی سازشوں کا مقابلہ کرنے کے لیے حکمت مولائے کائنات حضرت علی ابن ابی طالب ؑ پر عمل پیرا ہونے کی ضرورت ہے۔مقررین نے کہا اس وقت اسلام دشمن قوتیں امت مسلمہ کی وحدت و اخوت پر کاری ضرب لگانے کے لیے اپنی تمام تر قوت کے ساتھ مگن ہیں۔ان کی یہ کوشش ہے کہ دین اسلام کے پیروکار کو آپس میں الجھا کر کمزور کیا جا سکے تاکہ دین اسلام کے پیروکاروں پر انہیں غلبہ حاصل ہو لیکن یہ ان کی خام خیالی ہے۔ہمیں حالات کی اس سنگینی کا درک ہے۔ہم فاتح خیبر کے ماننے والے ہیں۔ہم سے الجھنا آسان کام نہیں۔ ہم نے اسلام دشمن طاقتوں کا مقابلہ کرنے کے لیے باب العلم حضرت علی ؑ کے کردار کو مشعل راہ بنانا ہو گا۔ اجر رسالت کا ادا کرتے ہوئے رسول کریم ﷺ کے اقربا سے مودت کا اقرار محض زبان سے نہیں بلکہ اپنے عمل سے کرنا ہو گا۔ آج تجدید عہد کا دن ہے آج ہم نے اپنے مولا و آقا سے عہد کرنا ہے کہ دین حق کی سربلندی کے لیے ان کی تعلیمات کے مطابق زندگی گزاریں گے۔ہم نے اپنے اعلیٰ کردارو عمل سے یہ ثابت کرنا ہے کہ اہلبیت ؑ کے گھرانے کے ماننے والے ہیں اور ان کی تعلیمات ہی ہماری زندگی کا اولین مقصد ہے۔
جمیعت علمائے پاکستان(نیازی)کے وفدکی پیرمعصوم نقوی کی سربراہی میں علامہ راجہ ناصرعباس جعفری سے ملاقات
وحدت نیوز (لاہور) جمیعت علمائے پاکستان نیازی گروپ کےمرکزی صدر پیرمعصوم شاہ نقوی کی سربراہی میں ایک اعلیٰ سطحی وفدنے وحدت ہائوس لاہورمیں مجلس وحدت مسلمین پاکستان کے سربراہ علامہ راجہ ناصرعباس جعفری سے خصوصی ملاقات کی، جے یو پی کے قائدین نے علامہ راجہ ناصرعباس جعفری کو تیسری مرتبہ ایم ڈبلیوایم کا مرکزی سیکریٹری جنرل منتخب ہونے پر مبارک باد پیش کی، ساتھ ہی خصوصی پوشاک اور پھولوں کے تحائف پیش کیئے ، اس موقع پر ایم ڈبلیوایم کےنو منتخب مرکزی سیکریٹری امور سیاسیات سید اسد عباس نقوی کو بھی پھولوں اور خصوصی پوشاک کاتحفہ پیش کیاگیا، ملاقات میں دونوں جماعتوں کے اعلیٰ قائدین شریک تھےجن میں ایم ڈبلیوایم کے نومنتخب مرکزی سیکریٹری امور تنظیم سازی سید مہدی عابدی ، علامہ سید حسن رضا ہمدانی ،جمیعت علمائے پاکستان کے ڈاکٹر امجد حسین چشتی، پیرسیدطیب حسین نقوی،مخدوم سید نفیس الحسن بخاری، مفتی سید عاشق حسین، بابااعجازچشتی،عمرحیات،حسن منصور، سیف الرحمن،چوہدری غلام نبی،صاحبزادہ بلال چشتی،مفتی محمدسہیل رضا قادری،رائے صابر علی کھرل،شفاعت رسول اورذوالفقار علی شمسی شامل تھے، دونوں جماعتوں کے قائدین کے درمیان قومی وعالمی سیاسی صورت حال سمیت پانامہ لیکس کے بعد پیداہونے والے حالات اور دہشت گردی اورحکمرانوں کی کرپشن کے حوالے سے تفصیلی بات چیت ہوئی، علامہ راجہ ناصرعباس جعفری نے جمیعت علمائے پاکستان نیازی کے قائدین کی آمد پر ان کا شکریہ ادا کیا۔
