The Latest
وحدت نیوز (گلگت) کشروٹ کو لاہور کی طرح تمام ترقی اور ملازمت کے مواقع فراہم کیئے گئے تو سخت در عمل آئے گا، یہ طرز عمل آمرانہ اور غیر جمہوری ہے، روزنامہ بادبادشمال کے نمائندے سے بات چیت کرتے ہوئے مجلس وحدت مسلمین کے رکن گلگت بلتستان اسمبلی ڈاکٹر حاجی رضوان علی نے کہاکہ وزیر اعلیٰ حفیظ الرحمٰن شہباز شریف کی نقل کرتے ہوئے کشروٹ کو لاہور بنانے کی کوشش کررہے ہیں ، تمام وسائل ،ملازمتوں اور ٹھیکوں کو کشروٹ تک محدود کردیا گیا ہے ،یہ طرز عمل دیگر علاقو کے عوام کے ساتھ سراسر زیادتی ،نا انصافی اور ان کے حقوق پر ڈاکہ ہے، ہمارا مشورہ ہے کہ وزیر اعلیٰ اس سوچ سے باہر نکلیں او ر صوبہ کے تمام علاقوں اور عوام کے ساھ یکسساں سلوک اختیارکریں ، اپوزیشن اور حکومت کے درمیان تفریق کی پالیسی ترک کردیں ، یہ طرزحکومت عوام سےزیادتی کے مترادف ہو گا۔
وحدت نیوز (سکردو) انجمن تاجران بلتستان کے زیر اہتمام ایک ماہ سے سکردو اور گردو نواح میں جاری بدترین لوڈشیڈنگ کے خلاف منعقدہ احتجاجی جلسے سے خطاب کرتے ہوئے مجلس وحدت مسلمین ضلع سکردو کے سیکرٹری جنرل مولانا فد ا ذیشان نے کہا ہے کہ بلتستان ایک عرصے سے اندھیرے میں ڈوبا ہوا ہے اور حکمرانوں کو ٹس سے مس نہیں۔ صوبائی حکومت کی کارکردگی اخبارات میں بیانات دینے کی حدتک ہے ۔گلگت بلتستان کی تقدیر بدلنے کی دعویدار حکومت عوام کو لوڈشیڈنگ سے نجات نہیں دلا سکی۔یہ حقیقت ہے کہ بلتستان کی روشن تقدیر کو تاریکی میں بدل دی ہے۔ وزیر برقیات کا اپنا شہر اور حلقہ تاریخی تاریکی میں ڈوبا ہوا ہے لیکن انہیں کوئی فکر نہیں ہے۔ وزیربرقیات کو دھمکیاں دینے کے علاوہ کچھ نہیں آتا۔ سکردو جیسے اہم شہر میں ہفتوں تک بجلی نہ آنا وزیر برقیات کی نااہلی اور انکے پاس اختیارات نہ ہونے کی وجہ سے ہے۔ وزیر برقیات واپڈا ، پی ڈبیلیو ڈی حکام اور حفیظ الرحمان کے سامنے بے بس ہے۔ ان کی سننے کو کوئی تیار نہیں ہے۔
فداعلی ذیشان نے مزید کہا کہ مسلم لیگ (ن) کی حکومت مزید گڈ گورننس کی بات نہ کرے۔ انہیں اقتدار میں آئے دو سال ہونے کو ہے لیکن عوام کو محرومیوں میں دھکیلنے کے علاوہ کچھ نہیں کیا۔ انہوں نے عوام سے زمینیں چھینے کا جو سلسلہ شروع کیا ہے وہ انتہائی قابل مذمت اور شرمناک عمل ہے۔ خالصہ سرکار کے نام پر عوامی ملکیتی اراضی پر کسی کو قبضہ کرنے نہیں دیں گے۔ لیگی حکومت ہوش کے ناخن لے اور زمینیں ہتھیانے سے باز رہے۔ مسلم لیگ نون کی مدح سرائی کرنے والے گھر سے باہر نکلیں اور عوام کا غم و غصہ دیکھیں۔ عوام موجودہ حکومت کی ناقص ترین کارکردگی سے بیزار ہے ۔سکردو میں بجلی کے مسئلے کو حل نہیں کیا گیا تو پورے بلتستان میں احتجاج کا نہ تھمنے والا سلسلہ شروع ہوگا اور نااہل حکمرانوں کو چھپنے کی جگہ نہیں ملے گی۔
وحدت نیوز (گلگت) مسلم لیگ نواز کی گلگت بلتستان حکومت کی جانب سے اپوزیشن سے تعلق رکھنے والے مجلس وحدت مسلمین کے اراکین صوبائی اسمبلی کے ساتھ متعصبانہ رویہ شدت اختیار کرتاجا رہاہے ،تفصیلا ت کے مطابق وزیر اعلیٰ گلگت بلتستان حفیظ الرحمٰن کی طرف سے دوکروڑ کی کٹوتی کے بعد کمشنر نے بھی اپوزیشن رہنما اور مجلس وحدت مسلمین کے رکن گلگت بلتستان اسمبلی ڈاکٹر حاجی رضوان علی کے ترقیاتی بجٹ میں سے ایک کروڑ روپے کی کٹوتی کردی مگر حلقہ پانچ کے رکن اسمبلی حاجی رضوان کی جانب سے ترقیاتی اسکیموں کو جمع کرادیا تھاجس پر کمشنر نے وزیر اعلیٰ کی طرف سے کٹوتی کے بعد مقررہ پانچ کروڑ میں سے بھی ایک کروڑ کی کٹوتی کردی اور صرف چار کروڑ روپے کی ترقیاتی اسکیمیں منظور کرلیں ، کمشنر نے مجلس وحدت مسلمین کےاپوزیشن رکن اسمبلی ڈاکٹر حاجی رضوان علی کے اے ڈی پی کی فائل پر اپنے نوٹ میں پانچ کے بجائے چار کروٹ کی اسکیمیں دینے ی سفارش کردی ہے ۔
وحدت نیوز (لودھراں) مجلس وحدت مسلمین جنوبی پنجاب کے سیکرٹری جنرل علامہ سید اقتدار حسین نے وفد کے ہمراہ ضلع لودھراں کا دورہ کیا۔ وفد میں صوبائی ڈپٹی سیکرٹری جنرل محمد عباس صدیقی، صوبائی ترجمان ثقلین نقوی اور ضلعی سیکرٹری جنرل ملتان سید ندیم عباس کاظمی شامل تھے۔ علامہ اقتدار حسین نقوی نے لودھراں میں مختلف علاقوں کا دورہ کیا۔ اس موقع پر ضلعی آرگنائزر منظور حسین مگسی، سید نیئر عباس، سید باقر حسین اور دیگر رہنما موجود تھے۔ علامہ اقتدار حسین نقوی نے وفد کے ہمراہ ڈسٹرکٹ پولیس آفیسر لودھراں اسد سرفراز خان سے ملاقات کی اور ضلع میں درپیش مسائل کے حوالے سے گفتگو کی۔ ڈی پی او لودھراں نے ایم ڈبلیو ایم کے وفد کو یقین دہانی کرائی کہ محرم الحرام کے دوران درج مقدمے کو دونوں فریقوں کی رضامندی کے بعد خارج کر دیا جائے گا۔ علاوہ ازیں ڈسٹرکٹ پولیس آفیسر نے ضلع بندی اور زبان بندی کے احکامات کے حوالے سے تعاون کی یقین دہانی کرائی۔ علامہ اقتدار حسین نقوی نے ضلع لودھراں کے مختلف علاقوں کا دورہ کیا اور کارکنان سے ملاقاتیں بھی کیں، نواحی علاقے گوگڑاں میں ایم ڈبلیو ایم کے رہنما سید نیئر عباس کے والد کی عیادت کی اور ظہرانے میں شرکت کی۔
وحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کہا ہے کہ پانامہ کیس میں حکمران خاندان کے بدلتے ہوئے بیانات نے اصل حقیقت کو آشکار کر دیا ہے۔ قوم کے سامنے جھوٹ بولنا وزیراعظم کے منصب کے شایان شان نہیں۔ قومی سرمایہ لوٹنے والوں نے پوری دنیا کے سامنے پاکستان کے وقار کو مجروح کیا ہے۔ پانامہ کیس کے متعلق روزانہ کی بنیاد پر سپریم کورٹ میں جاری سماعت پر انہوں نے اطمینان کا اظہار کرتے ہوئے کہا ہے کہ اس کیس میں اعلٰی عدلیہ کی طرف منصفانہ فیصلہ پاکستان کی تاریخ کا ایک روشن باب ثابت ہوگا۔ لوٹ مار اور کرپشن کرنے والوں کو جب تک سخت محاسبے کا سامنا نہیں کرنے پڑے گا، تب تک ایسے عناصر کے حوصلے بلند ہوتے رہیں گے۔
انہوں نے کہا کرپشن کے خاتمے کے لئے متعلقہ اداروں کی طرف سے سخت اقدامات اور کڑی سزائیں وقت کی اہم ترین ضرورت ہیں۔ جو لوگ قومی خزانے کو ذاتی جاگیر سمجھ کر خرچنے میں مگن رہے ہیں، ان کا احتساب عوام کرے گی۔ ملک کے نفع بخش اداروں کو نااہل لوگوں کے حوالے کرکے دانستہ طور پر خسارے کا شکار بنایا جا رہا ہے، تاکہ قومی اثاثوں کو کوڑیوں کے عوض اپنے ہی لوگوں میں فروخت کیا جا سکے۔ انہوں نے کہا کہ آف شور کمپنیوں کے حوالے سے حکومتی وزراء اور شخصیات کے متضاد بیان حکومتی بوکھلاہٹ کا منہ بولتا ثبوت ہیں۔ اقتدار کو بچانے کے لئے ہاتھ پاؤں مارنے والے اگر وطن عزیز کے استحکام کے لئے مخلصانہ کردار ادا کرتے تو آج ملک کے حالات قدرے مختلف ہوتے۔ انہوں نے کہا ملکی سرمایہ لوٹنے والوں کی پاکستانی سیاست میں قطعاََ گنجائش نہیں ہونی چاہئیے۔ اگر وزیراعظم نواز شریف پر یہ جرم ثابت ہو جاتا ہے تو پھر انہیں اور دیگر تمام معاونین کو پارلیمنٹ کے لئے تاحیات نااہل قرار دیا جانا چاہیے۔
وحدت نیوز (کراچی) مجلس وحدت مسلمین پاکستان کے مرکزی ڈپٹی سیکرٹری جنرل علامہ احمد اقبال رضوی نے وحدت میڈیا سیل کہ ذمہ داران گفتگوکرتے ہوئے کہا کہ دہشتگردی کیخلاف جنگ سے توجہ ہٹانے کے لئے مشرق وسطیٰ کی پروکسی وار کو پاکستان درآمد کرنے کی سازش ہورہی ہے،اس موقع پر صوبائی سیکرٹری اطلاعات آصف صفوی ،مختار دایو اور ناصر حسینی بھی موجود تھے۔
انہوں نے کہا کہ افغان جہاد کے قیمت پاکستان چکانے میں مصروف ہے ایسے میں مشرقی وسطیٰ میں جاری پراکسی وار کے نام پر ملک میں ہیجانی کیفیت پیدا کرنے والے کس ایجنڈے پر عمل پیرا ہے؟یمن،بحرین،اور فلسطین میں عالمی استعمارکے مظالم پر لب کشائی نہ کرنے والے آج اسرائیل اور امریکہ کی شکست کو اسلام سے جوڑ کر اُمت کو گمراہ کر رہے ہیں،پاکستان کی افتصادی ترقی کو روکنے کے لئے دشمن ہمیں باہم دست و گریبان کرنے کی کوشش میں ہے۔
ان کا مزید کہناتھاکہ شدت پسندی کو ایک منظم منصوبہ بندی کے تحت فروغ دیا جا رہا ہے،تمام مکاتب فکر کے علماء و دنشوروں کی یہ ذمہ داری ہے کہ وہ ایسے عناصر کی مذمت کرے جو معاشرے میں ت شدت پسندی کے ذریعے معصوم عوام کو گمراہ کرتے ہیں،اسلام امن و رواداری کا دین ہے،نفرت اور شدت پسندی کے ذریعے اسلامی اقدار کو مسخ کرنے والے استعمار کے آلہ کار ہےاور ملک میں بدامنی کے ذمہ دار بھی ہیں۔
وحدت نیوز (کراچی) مجلس وحدت مسلمین کراچی ڈویژن کے سیکریٹری جنرل سید میثم رضا عابدی نےسوشل میڈیا پر جاری اپنے ایک بیان میں کہاہے کہ معروف شیعہ عالم دین مولانا اظہرحسین نقوی نے باقائدہ مجلس وحدت مسلمین میں شمولیت کا اعلان کردیاہے، میثم رضاعابدی کے مطابق مولانا اظہر حسین نقوی کو ایم ڈبلیوایم کراچی ڈویژن میں سیکریٹری امور روابط کی ذمہ داری تفویض کی گئی ہے ، انہوں نے اس امید کا اظہارکیا کہ مولانا موصوف کی ایم ڈبلیوایم میں شمولیت باعث برکت ہو گی اور وہ اپنی فعالیت سے وحدت کے پیغام کے پرچار کیلئے تمام تر صلاحیتوں کو بروئے کار لائیں گے، واضح رہے کہ مولانا اظہر حسین نقوی اس کے قبل مختلف دینی وسیاسی پلیٹ فارمز پر مکتب تشیع کی نمائندگی کے فرائض انجام دے چکے ہیں ۔
وحدت نیوز (لاہور) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری آئندہ ہفتے سینٹرل پنجاب کے پانچ روزہ دورے کا آغا زکریں گے، تفصیلات کے مطابق ایم ڈبلیوایم کے مرکزی سیکریٹری جنرل علامہ راجہ ناصرعباس جعفری 23جنوری کو منڈی بہاوالدین سے اپنے تنظیمی دورے کا آغا زکریں گے ، منڈی بہاوالدین میں پیغمبر امن کانفرنس اور محسن ملت جعفریہ ، آئی ایس او کے سابق رہنما ، معروف استاد مرحوم محمد اقبال ساہی کے چہلم کے اجتماع سے خطاب اور دوروز قیام کے بعد25جنوری کو فیصل آباد، 26جنوری کو جھنگ، 27کو ساہیوال اور 28کولاہور پہنچیں گے،اپنے پانچ روزہ دورے کے دوران پنجاب کے صوبائی رہنماوں کے ہمراہ علامہ راجہ ناصرعباس جعفری مختلف نوعیت کے عوامی اجتماعات سے خطاب کریں گے،شیعہ سنی علمائے کرام اور ماتمی انجمنوں کے سالاروں سے ملاقاتیں بھی متوقع ہیں جبکہ وہ شہداءاور مرحومین کے اہل خانہ سے تعزیتیں بھی کریں گے۔اطلاعات کے مطابق مختلف اضلاع میں ایم ڈبلیوایم کے کارکنان کی جانب سے علامہ راجہ ناصرعباس جعفری کے شاندار استقبال کی تیاریاں بھی زور وشور سے جاری ہیں ۔
۔
وحدت نیوز (گلگت) مجلس وحدت مسلمین پاکستان کے رکن جی بی اسمبلی حاجی رضوان علی نے کہا ہے کہ کرپشن کے خاتمے کے لئے لازمی ہے کہ عوام کو کرپشن کے نقائص و نقصانات کے حوالے سے آگہی دی جائے۔ جب عوام کسی کو پیسہ نہیں دینگے تو کوئی کیسے کرپشن کریگا۔ موجودہ حالات میں جہاں حکومت کرپشن اور بھرتیوں میں ہیرا پھیری کی ذمہ دار ہے، وہیں پر عوام بھی برابر کے حصہ دار ہیں۔ عوام چاہے تو معاشرتی برائیاں، کرپشن ہو یا پھر بھرتیوں میں خرد برد یہ سب ٹھیک ہو سکتا ہے۔ ضرورت اس بات کی ہے کہ عوام خود شفافیت و صاف معاشرے کے خواہاں ہوں۔ ان خیالات کا اظہار انہوں نے مقامی اخبار کے نمائندوں سے گفتگو کرتے ہوئے کیا۔ انہوں نے کہا کہ موجودہ صوبائی حکومت عوامی و علاقائی مسائل کو حل کرنے میں یکسر ناکام ہو گئی ہے۔ اپنی ناکامی کو چھپانے کے لئے اخباری بیانات اور جھوٹے اعلانات کا سہارا لیا جا رہا ہے، جو کہ افسوس ناک عمل ہے۔ حکومت الیکشن سے قبل کئے ہوئے وعدوں کو پورا کرے۔ وعدے کر کے ووٹ لیا گیا ہے، ایک سال کا عرصہ گزرنے کو ہے، ایک بھی وعدے پر عمل نہیں کیا ہے۔
انہوں نے کہا کہ صوبائی حکومت عوام کو حقوق سے محروم نہیں کر سکتی ہے۔ حکومت کا کام ہے کہ وہ عوام کو سہولیات فراہم کرے اور عوامی مسائل کو حل کرے۔، نہ کہ عوام کو مزید مشکلات سے دوچار کرے۔ بدقسمتی سے موجودہ صوبائی حکومت عوام کو سہولیات فراہم کرنے کی بجائے عوام کو میسر سہولیات پر بھی ڈاکہ ڈالنے کی کوشش کر رہی ہے۔ انہوں نے کہا کہ عوامی حقوق پر کسی کو ڈاکہ ڈالنے نہیں دینگے۔ ہم عوام کے ساتھ کھڑے ہیں، عوام مسائل اور حقوق کے لئے جس سطح تک جانا پڑے جائیں گے۔ انہوں نے کہا کہ صوبائی حکومت کو اخباری دنیا سے نکل کر عوامی مسائل کے حل کے لئے اقدامات اٹھانا ہوں گے، وگرنہ عوام کی مدد سے حکومت کے خلاف سخت قدم اٹھانے پر مجبور ہوجائیں گے۔
وحدت نیوز (بیٹوجتوئی) مجلس وحدت مسلمین پاکستان کے صوبائی سیکریٹری جنرل علامہ مقصودعلی ڈومکی سابق وزیراعلیٰ سندہ، عوامی اتحاد پارٹی کے قائد لیاقت علی جتوئی کی دعوت پر بیٹوجتوئی پہنچے ۔بیٹوجتوئی میں ہونے والی ملاقات میں اے آئی پی کے مرکزی چئیرمین سینیٹر صداقت علی جتوئی ، ولایت علی خان جتوئی، مرکزی ترجمان غلام عباس مہیسر و دیگر رہنماء موجود تھے۔
اس موقع پرگفتگو کرتے ہوئے علامہ مقصود علی ڈومکی نے کہا کہ سیاسی جماعتوں کو دھشت گردی اور کرپشن کے خلاف متحد ہوکر جدوجہد کرنی چاہئے، ہم سندہ سطح پر دھشت گردی اور کرپشن کے خلاف مشترکہ جدوجہد کے لئے ہم فکر جماعتوں سے رابطے کر رہے ہیں۔ جبکہ حیدر آباد میں منعقدہ آل پارٹیز کانفرنس اسی سلسلے کی کڑی تھی۔ اسلام دشمن سامراجی قوتیں ، مسلمانوں کو آپس میں دست و گریبان دیکھنا چاہتی ہیں، جبکہ تکفیری دھشت گرد ، سامراجی قوتوں کے آلہ کار بن کر بے گناہ مسلمانوں کا ناحق خون بہا رہے ہیں۔ داعشی دھشت گردوں کی تشکیل اور سرپرستی شیطان بزرگ امریکہ کے ہاتھوں ہوئی ہے۔
انہوں نے کہا کہ گذشتہ کئی دہائیوں سے وطن عزیز پاکستان دھشت گردی کی آگ میں جل رہا ہے ، دھشت گردوں کے ہاتھوں اب تک اسی ہزار پاکستانی شہری شہید ہوچکے، مجلس وحدت مسلمین نے دھشت گردی کے خلاف جدوجہد میں قائدانہ کردار ادا کیا ہے۔ ملک گیر دھرنوں سے لے کر وارثان شہدائے شکارپور کے ہمراہ تاریخی لانگ مارچ ملک دشمن دھشت گردوں کے خلاف پرامن جدوجہد کی اعلیٰ مثالیں ہیں۔ہم ملک کی تمام امن پسند قوتوں کو دعوت دیتے ہیں کہ آئیے دھشت گردی کے خاتمہ کے لئے ہمارا ساتھ دیجئے۔
اس موقع پر عوامی اتحاد پارٹی کے چیئرمین صداقت علی جتوئی نے کہا کہ مجلس وحدت مسلمین کی دھشت گردی کے خلاف جدوجہد کو قدر کی نگاہ سے دیکھتے ہیں۔ سندہ سطح پر اشتراک عمل پر بھی بات ہوسکتی ہے۔ حکمران جماعت کی کرپشن کے باعث سندہ کو کھنڈر بنا دیا گیا ہے۔ عوام پیپلز پارٹی سے خفا اور متبادل کی تلاش میں ہیں۔ متبادل وہی ہوسکتے ہیں جو کرپشن اور دھشت گردی کے سد باب کے لئے واضح ایجنڈا رکھتے ہوں۔
