The Latest
وحدت نیوز(ملتان) مجلس وحدت مسلمین ملتان کے سیکرٹری جنرل اور معروف عالم دین علامہ سید اقتدار حسین نقوی پر ملتان، خانیوال اور بھکر کے ڈی سی اوز کی جانب سے محرم الحرام سمیت تین ماہ کے لئے پابندی لگا دی گئی ہے۔ \'\'اسلام ٹائمز\'\'سے گفتگو کرتے ہوئے علامہ اقتدار نقوی کا کہنا تھا کہ پنجاب میں دہشتگردوں کو کھلی چھٹی دے رکھی ہے جبکہ ہمیں ذکر سیدالشہداء (ع) سے روکا جا رہا ہے، جس سے پنجاب حکومت کی یزیدی سوچ سامنے آئی ہے۔ اُنہوں نے مزید کہا کہ جنوبی پنجاب سمیت صوبے بھر میں عزاداری سیدالشہداء علیہ السلام پر قدغن لگانے کی سازشیں کی جا رہی ہیں، محرم الحرام میں تکفیری ٹولے پر کڑی نظر رکھی جائے اور پُرامن علمائے کرام کے خلاف لگائی جانیوالی پابندیوں کو فی الفور ختم کیا جائے۔
وحدت نیوز(کوئٹہ) مجلس وحدت مسلمین کوئٹہ ڈویژن سے جا ری کردہ بیان کے مطا بق مجلس وحدت مسلمین کے صوبائی سیکرٹری ی سیاسیات اور ممبربلوچستان سمبلی سید محمد رضا نے ہے کہاکہ عوامی نے جس طر ح پا رٹی پر اعتماد کااظہا ر کرتے ہوئے اپنی نما ئند گی کیلئے میرا انتخاب کیا ہے اس کیلئے میں قوم کاشکر گزا ر ہوں اور اُن کے حقوق کی آواز ہر سطح پر بلند کرتا رہونگا۔ ان خیا لات کا اظہا ر وہ ایک مقامی اسکول کے تقسیم انعا مات کی تقریب سے خطاب کر تے ہوئے کر رہے تھے انہوں نے کہا کہ دور جدیدکے تقا ضو ں پر پورااُترنے کیلئے معیاری تعلیم کا حصول نہا یت ضر وری ہے جسکے لئے معا شرے کے ہر فرد کو اپنا کر دار ادا کر نا ہوگا اس حوالے سے اسا تذہ اور والدین کا کردار انتہا ئی اہمیت کا حامل ہے اور ہم سب نے مل کر اپنے بچو ں کو تعلیم کے زیور سے آراستہ کرنے کیلئے کوشش کرنا ہوگا جس کیلئے بطور عوامی نما ئندے کے میر ی سا ر ی خد مات ہر وقت حا ضر ہے اور میں تعلیمی پر وگر امات میں شریک ہوکرانتہا ئی خو شی محسو س کر تا ہوں۔انہوں نے مزید کہا کہ جس طرح ہما رے بچے بچیوں کو دہشت گر دی کے ذریعے تعلیم سے دور رکھنے کی کو شش کی گئی ہے اور یو نیورسٹی کے بسوں کو نشا نہ بنایا گیا ہما رے طلبا ء و طالبا ت کو تعلیم کے میدان میں اپنی کارکر دگی سے یہ ثابت کر نا ہوگا کہ ہم کسی طر ح بھی تعلیم اور علم کے زیور کو ہا تھ سے نہیں جانے دینگے چا ہے دشمن جتنی بھی کوششیں کیوں نا کرے ۔
انہوں نے کہا کہ اسکول کی انتظا میہ کی جا نب سے مجھے بتا یا گیا کہ اسکول کہی سا لوں سے کرائے کی بلڈنگ میں چل رہا ہے جس سے انتظا میہ کو کافی مشکلات کا سا منا کر نا پڑتا ہے لیکن اب اس کیلئے اپنی زمین خرید لی گئی ہے ۔ ایم پی اے سیدمحمد رضا نے اسکو ل کے نئی بلڈنگ کی تعمیر کیلئے اپنے اگلے سا ل کی تر قیاتی فنڈز سے ایک کر وڑ روپے کا اعلان کیااور اسکول انتظا میہ سے گزا رش کی کہ جو پیسہ کرائے کی مد میں بچت ہو گا اُس سے اسا تذہ کی تنخوائیں بڑھا دی جا ئے کیونکہ اساتذہ کی تنخوائیں بہت کم ہے جس سے اس مہنگا ئی کے دور میں گزارہ کرنا کافی مشکل ہے اور یہ اُن کا حق بھی ہے کہ اُن کو ایک اچھا معا وضہ دیا جائے تاکہ وہ دل لگا کر بچوں کی تعلیم و تر بیت پر توجہ دے سکے اور اسکول کی انتظا میہ نے اس پر آما دگی کا اظہا ر کیا ہے جو خوش آئند ہے انہوں نے اسا تذہ سے گزارش کی کہ اساتذہ بچوں کیلئے رول ماڈل ہوتے ہے جس کیلئے اُن کو اپنے گفتا ر اور کر دار میں مزید شا ئستگی لانے کی ضرورت ہے اور بچوں کی تربییت میں کسی قسم کی کو تائی نا کرنے کی ہدا یت کی۔سکول کے اسا تذہ اور انتظا میہ نے ایم پی اے سید محمد رضا کا تہہ دل سے شکر یہ ادا کیا۔
وحدت نیوز (کوئٹہ) ماہ محرم الحرام کے سلسلے میں کوئٹہ پریس کلب میں آل پارٹیز امن کانفرنس منعقد ہوئی ۔ کانفرنس کا عنوان تھا، محرم الحرام کے تناظر میں امن و اتحاد کے تقاضے اور ہماری ذمہ داریاں ۔ کانفرنس کی صدارت ملی یکجہتی کونسل بلوچستان کے صدر مولانا عبدالمتین آخونزادہ نے کی،جبکہ کانفرنس سے مجلس وحدت مسلمین اور ملی یکجہتی کونسل بلوچستان کے صوبائی سیکریٹری جنرل علامہ مقصود علی ڈومکی ، عوامی نیشنل پارٹی کے مرکزی رہنماء کمانڈر خدائے داد ، جامعہ امام صادق ؑ کے پرنسپل علامہ محمد جمعہ اسدی، بلوچستان نیشنل پارٹی کے صوبائی رہنماء غلام نبی مری، جمعیت اہل حدیث کے مولانا زکریا ذاکر، اتحاد العلماء کے مولانا عبدالحق ہاشمی اور دیگر سیاسی و سماجی رہنماؤں نے خطاب کیا۔ اس موقع پر خطاب کرتے ہوئے مقررین نے اتحاد بین المسلمین پر تاکید کرتے ہوئے امن دشمنوں کے عزائم ناکام بنانے کا عزم کیا۔
مجلس وحدت مسلمین اور ملی یکجہتی کونسل بلوچستان کے صوبائی سیکریٹری جنرل علامہ مقصود علی ڈومکی نے ذات اقدس سیدالشہداء تمام مکاتب فکر و ادیان کے لئے باعث تکریم و ادب ہے، ماہ محرم الحرام تمام عالم بشریت بالخصوص عالم اسلام کیلئے نقطہ وحدت ہے، جو کہ ہمیں باہمی رواداری، ایثار ، فدا کاری اور بھائی چارگی کا درس دیتا ہے۔
وحدت نیوز(ہنگو) محرم الحرام قریب آتے ہی اس اہم مہینہ کی مناسبت سے ملک بھر میں تقاریب، جلسوں اور کانفرنسز کے انعقاد کا سلسلہ جاری ہے، تاکہ عزاداری سید الشہداء (ع) کی اہمیت، اس کے تحفظ اور عصری تقاضوں کو اجاگر کیا جا سکے، محرم الحرام کے حوالے سے ہمیشہ سے حساس سمجھے جانے والے صوبہ خیبر پختونخوا کے ضلع ہنگو میں مجلس وحدت مسلمین کے زیراہتمام ’’عزاداری سید شہداء (ع) کا تحفظ اور اس کے عصری تقاضے‘‘ کے عنوان سے کانفرنس منعقد کی گئی۔ واضح رہے کہ محرم الحرام کے دوران گذشتہ کئی سالوں سے دہشتگردوں کی جانب سے عزاداران امام عالی مقام (ع) کو نشانہ بنایا جاتا رہا ہے، اور گذشتہ عاشورہ کے موقع پر بھی ماتمی جلوس پر میزائل داغے گئے، تاہم پرجوش و پرعزم حسینیوں نے اپنی استقامت کی روایت کو برقرار رکھتے ہوئے میدان نہیں چھوڑا، اور میزائلوں کی بارش میں ’’یاحسین ع، یا حسین ع‘‘ کی صداوں کیساتھ جلوس کو اپنی منزل تک پہنچایا۔
مجلس وحدت مسلمین کے زیراہتمام قومی امام بارگاہ پاس کلے ہنگو میں منعقد ہونے والے اس اجتماع میں علماء کے ساتھ ساتھ عوام نے بھی شرکت کی، اس اجتماع سے نامور علمائے کرام نے خطاب کیا۔ اس اجتماع کا مقصد محرم الحرام کے حوالے سے عزاداری سید الشہداء (ع) کی اہمیت کو اجاگر کرنا اور علاقہ سمیت ملکی صورتحال کے تناظر میں عوام میں بیداری و تحرک پیدا کرنا تھا، اجتماع سے ایم ڈبلیو ایم کے صوبائی سیکرٹری جنرل علامہ سید سبطین الحسینی، علامہ خورشید انور جوادی، علامہ قیصر عباس اور دیگر مخاطب ہوئے، جبکہ علامہ ارشاد علی، علامہ سبیل حسن مظاہری، علامہ مصطفیٰ بہشتی، علامہ شیریں شیرازی، علامہ صابر حسین، علامہ نور نقی اور دیگر معزز علمائے کرام نے بھی اس کانفرنس میں شرکت کی۔
علامہ سید محمد سبطین الحسینی نے کانفرنس سے خطاب کرتے ہوئے کہا کہ عزاداری سید الشہداء (ع) پر کسی قسم کی آنچ تک نہیں آنے دینگے، چاہے اس مشن کی تکمیل کے لئے جتنی بڑی بھی قربانی کیوں نہ دینا پڑے، آج عصر کے یزید اور شیظان بزرگ امریکہ نے ایک نیا شوشہ چھوڑا ہے، جن دہشت گردون کو اُردن اور دیگر ممالک میں فوجی ٹریننگ دی آج وہی اتحادی ممالک داعش کے خلاف کارروائی کے لئے نکلے ہیں، یہ صرف دکھاوا ہے، داعش کو آج بھی امریکہ اور اسرائیل سب سے زیادہ سپورٹ کرنے والے ممالک ہیں، انہوں کا کہنا تھا کہ اگر ہم نے عزاداری کی روح کو نہ سمجھا تو دشمن ہمارے گرد گھیرا مزید تنگ کردے گا، عزاداری ملت تشع کے دفاع کا اہم ہتھیار ہے، جس کو ہر حال میں بامقصد بنانے کی ضرورت ہے۔
اس موقع پر علاقہ کی معروف مذہبی شخصیت علامہ سید قیصر عباس نے بھی خطاب کیا، ان کا کہنا تھا کہ عزاداری کا تحفط ہم نہیں کرتے بلکہ عزادری اصل میں ہماری محافظ ہے، ہمیں جس دشمن کا سامنا ہے وہ ہمیں کسی صورت چین سے نہیں بیٹھنے دیتا، مگر جب وہ ہمارے جلوسوں اور مجالس کو دیکھتا ہے تو یہ سوچنے پر مجبور ہوجاتا ہے کہ ملت تشع کے منظم ہونے کی وجہ سے ہم کس طرح وار کرنے میں کامیاب ہوں۔؟ اسی وجہ سے ہمیشہ دشمن بزدلانہ کارروائی کرتا ہے اور پیچھے سے وار کرکے ہمیں نقصان پہنچانا چاہتا ہے۔ انہوں نے کہا کہ سعودی حکومت آیت اللہ شیخ باقر النمر کو پھانسی کی سزاء دینا چاہتی ہے، مگر شیخ نمر وہ شخصیت ہیں جنہوں نے آل سعود جیسی ظالم حکومت کے خلاف آواز حق بلند کرکے اس ظالم بادشاہت کو للکارا، ہم سعودی حکومت کی ان ظالمانہ کارروائیوں کی شدید مذمت کرتے ہیں۔
کانفرنس سے خصوصی خطاب معروف عالم دین اور اتحاد بین الشیعہ کے حقیقی علمبردار علامہ خورشید انور جوادی نے کیا، انہوں نے شرکائے کانفرنس سے مخاطب ہوتے ہوئے کہا کہ اس اجتماع سے خصوصی خطاب مجلس وحدت مسلمین کے سربراہ علامہ راجہ ناصر عباس جعفری یا علامہ امین شہیدی نے کرنا تھا، تاہم ان کی مصروفیت کی وجہ سے مجھ پر یہ ذمہ داری ڈالی گئی، انہوں نے کہا کہ شہادت کیلئے تیار ہوکر جانے اور اچانک شہید ہو جانے کے درجات میں فرق ہے، ہمارا مکتب ہمیں اس امر کا درس دیتا ہے کہ ہم عزاداری امام حسین (ع) میں شہادت کیلئے آمادہ ہوکر جائیں، ہمیں اس عبادت میں غسل شہادت کرکے جانا چاہیئے، اور جہاں دہشت گردی کا سب سے زیادہ خطرہ ہو وہاں عزاداری کے لئے زیادہ عزاداروں کو جانا چاہیئے، ہنگو کے حالات کا ذکر کرتے ہوئے انہوں نے کہا کہ ہمیشہ کی طرح اس بار بھی جلوس عزاء برآمد ہوگا، اور بھرپور انداز میں عزاداری کرینگے، چاہے راکٹوں کی بارش ہو یا خودکش دھماکے، دہشتگردی ہمارے عزم میں رتی بھر بھی کمی نہیں لا سکتی۔
وحدت نیوز (اسلام آباد) مجلس وحدت مسلمین پاکستان کے سیکرٹری جنرل علامہ ناصرعباس جعفری نے کوئٹہ میں مسافر بس پر ہونے والی فائرنگ کے نتیجے میں ملت جعفریہ سے تعلق رکھنے والے آٹھ افراد کی شہادت پر سخت احتجاج کرتے ہوئے شدید غم و غصے کا اظہار کیا ہے۔ ایم ڈبلیو ایم کے سربراہ نے اس سانحہ کو عالمی استعماری قوتوں امریکہ، اسرائیل سمیت بھارتی بدنام زمانہ را کے ایجنٹوں کی کارروائی قرار دیتے ہوئے شہداء کے لواحقین کے ساتھ اظہار ہمدردی اور یکجہتی کا اظہار کیا ہے۔ ان خیالات کا اظہار انہوں نے اپنے ایک مذمتی بیان میں کیا ہے۔ ان کا کہنا تھا کہ سانحہ کوئٹہ میں ملک دشمن قوتیں ملوث ہیں، کوئٹہ بس پر فائرنگ کے شہداء کے لواحقین کے ساتھ ہیں، شہداء کی قربانیاں رائیگاں نہیں جائیں گی۔ انھوں نے افواج پاکستان سے مطالبہ کیا کہ وزیرستان میں جاری ضرب عضب آپریشن کی طرح ملک کے دیگر شہروں بالخصوص کراچی، پشاور اور کوئٹہ میں موجود خطرناک ملک اور اسلام دشمن دہشت گرد گروہوں کے خلاف بھی فوجی آپریشن کو وسیع کیا جائے اور پاکستان میں بسنے والوں کی جان و مال اور عزت و آبرو کے تحفظ کو یقینی بنایا جائے۔
انھوں نے کہا کہ ملک دشمن دہشت گرد عناصر محرم الحرام کی آمد سے قبل کراچی، کوئٹہ اور پشاور سمیت ملک کے اہم شہروں میں دہشت گردانہ کارروائیاں انجام دے کر ملک میں فرقہ واریت اور انارکی پھیلانا چاہتے ہیں، پاکستان کو غیر مستحکم کرنا اور پاکستان میں عالمی سامراج امریکہ، اسرائیل اور بھارت کے ناپاک عزائم کی تکمیل چاہتے ہیں۔ انہوں نے حکومت کو متنبہ کرتے ہوئے کہا کہ اگر کراچی، پشاور اور کوئٹہ سمیت ملک کے دیگر علاقوں میں ملت جعفریہ کے عمائدین کا قتل عام نہ رکا اور دہشت گردوں کے خلاف سخت کارروائی عمل میں نہ لائی گئی تو سنگین نتائج برآمد ہوں گے۔
وحدت نیوز(ایبٹ آباد) پاکستان عوامی تحریک کے زیر اہتمام ایبٹ آبادمیں منعقدہ جلسہ عام سے خطاب کرتے ہوئے مجلس وحدت مسلمین پاکستان کے سربراہ علامہ ناصرعباس جعفری نے کہا ہے کہ ماڈل ٹاون کے شہداء کے خون کے صدقہ میں چلنے والی تحریک آج ملک کے کونے کونے تک پہنچ چکی ہے، شہداء کے خون سے کھینچی گئی لکیر کو نواز، شہباز اور رانا ثناء نہیں مٹا سکتے۔ بیداری کی یہ تحریک فرعونوں کے تعاقب کا نام ہے، ریاستی جبر و تشدد کا بازار گرم کرنے والوں نے ہر ادارہ تباہ کر دیا ہے، پولیس، ریلوے، پی آئی اے، ہر ادارہ نواز حکومت کے ہاتھوں تباہ ہوچکا ہے۔محرم کے احترام میں دھرنوں کا التواڈاکٹر طاہر القادری کی امام حسین()سے عشق و محبت کی عظیم مثال ہے، مجلس وحدت مسلمین اس عظیم جذبہ ایثار کو کبھی فراموش نہیں کرے گی نواز شریف کا ہندوستان کے ساتھ کاروباری رشتہ ہے۔ یہ حکمران پاکستان کے لئے سکیورٹی رسک ہیں۔ وحدت، امن، محبت، عدل اور آئین کی بحالی کی یہ تحریک جاری و ساری رہے گی، اور ہم خون کے آخری قطرے تک اس تحریک کے ساتھ رہیں گے۔ جہاں ہمارے اہل سنت بھائیوں کا پسینہ گرے، وہاں ہمارا خون گرے گا۔
وحدت نیوز (تہران) مجلس خبرگان رہبری کے سربراہ آیت اللہ محمد رضا مہدوی کنی انتقال کرگئے۔ عالم ربانی آیت اللہ محمد رضا مہدوی کنی چار جون کو اسلامی جمہوریہ ایران کے بانی حضرت امام خمینی (رہ) کی پّچیسویں برسی میں شرکت اور واپس گھر پہنچنے کے بعد عارضۂ قلب میں مبتلاء ہوئے، جس کے بعد انھیں اسپتال میں داخل کرا دیا گیا، جہاں ان کا علاج و معالجہ جاری رہا، مگر آج یہ عالم ربانی، چوراسی برس کی عمر میں چل بسے۔ آیت اللہ مہدوی کنی، اسلامی انقلاب کے آغاز سے ہی مختلف عہدوں پر فائز رہے۔ وہ انّیس سو اناسی سے انّیس سو اکیاسی تک ایران کے وزیر داخلہ اور صدارتی انتخابات کے انعقاد تک نگراں وزیراعظم بھی رہے۔ آیت اللہ مہدوی کنی مارچ سنہ دو ہزار دس میں مجلس خبرگان رہبری یعنی فقہا کی کونسل کے سربراہ منتخب ہوئے۔ وہ سیاسی سرگرمیوں کے علاوہ علمی سرگرمیوں میں بھی حصہ لیتے رہے اور یونیوورسٹی اور حوزہ علمیہ میں تدریس کے علاوہ تالیفات میں بھی مشغول رہے۔
وحدت نیوز (اسلام آباد) چیئر مین خیرالعمل فاﺅنڈیشن نثارعلی فیضی کی ہدایت پر مرکزی دفتر کے نمائندہ اسد رضا نقوی نے گلگت کا خصوصی دورہ کیا اور خیرالعمل فاﺅنڈیشن کی ویلفیئر کمیٹی کے اراکین کے ہمراہ گلگت کے مختلف علاقوں ھراموش، اشرف آباد،ہسپتال کالونی،طاﺅس ودیگر میں جاری تعمیراتی کاموں کا معائنہ کیا اور علاقے کے لوگوں سے معیار اور رفتار کے حوالے سے معلومات لیں جس پر عوام نے مجلس وحدت مسلمین کی لیڈر شپ کا ان منصوبوں کی منظوری اور ان پر عملدرآمد پر شکریہ ادا کیا اسکے علاوہ اسد نقوی نے گلگت بلتستان کے صوبائی سیکرٹری جنرل علامہ شیخ نیئرعباس مصطفوی سے ڈویژنل آفس میں دیگرعہدیدران کے ہمراہ ملاقات بھی کی اور علاقے میں خیرالعمل فاﺅنڈیشن پاکستان کی فعالیت اور رفاہی کاموں پر تبادلہ خیال کیا علامہ نیئر عباس مصطفوی نے خیرالعمل فاﺅنڈیشن کی کاوشوں کو سراہا اور گلگت بلتستان میں ان منصوبوں کے دوررس نتائج پر اطمینان کا اظہار کیا بلخصوص تعمیر مساجد ،کفالت ایتام اور مستحق افراد کے لیے رہائشی منصوبوں کے حوالے سے گفتگو کرتے ہوئے ان میں مزید اضافہ کی درخواست کی اسد نقوی نے ڈویژن کی تمام تجاویز نوٹ کیں اور اس دورے کے موقع پر مرکزی دفتر کے نمائندہ اسد رضا نے گلگت میں خیرالعمل فاﺅنڈیشن کی طرف سے جاری ایتام پراجیکٹ کے تحت 200 کے قریب یتما میں سہ ماہی امداد کی رقم کی قسط بھی ذمہ داران کے حوالے کی۔
وحدت نیوز (مظفرآباد) محرم الحرام ماہِ امن و محبت ہے، رواداری ، بھائی چارے، قربانی و ایثار کا درس دیتا ہے، سیدالشہداء حضرت امام حسین علیہ السلام اور ان کے عظیم رفقاء شہداء کی یاد دلوں کو منور کرنے اور ایمان کی تازگی کا باعث ہے، سیدالشہداء کی ذات اقدس مبارکہ کی یاد سے رسول گرامی قدرؐ کے فرمان کے عین مطابق ہے کہ جہاں رسول ؐ نے فرمایا کرتے تھے کہ حسین ؑ مجھ سے ہیں اور میں حسین ؑ سے ہوں اور اللہ اس محبت کرتا ہے کہ جو حسین سے محبت کرتا ہے، یوں امام کی یادمنانا اللہ سے محبت کی عین دلیل ہے، ان خیالات کا اظہار سیکرٹری جنرل مجلس وحدت مسلمین آزاد جموں و کشمیرعلامہ سید تصور حسین نقوی الجوادی نے ریاستی دفتر سے جاری آمد محرم الحرام کے حوالے سے اپنے پیغام میں کیا ۔
انہوں نے کہا ہے کہ ملت اسلامیہ بلا تفریق مکتب و مسلک کے امام حسینؑ وعظیم شہداء کرام کی یاد منا کر بارگاہ رسالتمآب ؐ سرخرو ہوں گے،امام حسین ؑ کسی بھی ایک مسلک کے نہیں بلکہ آدمیت و انسانیت کی میراث ہیں، ہر وہ کہ جو ظالم کے مقابلے میں میدان میں ہے وہ حسینیؑ ہے، اور ہر وہ جو استعمار کی مظبوطی کے راستے پر گامزن ہے اس کا تعلق یزید سے ہے، کلمہ لا الہ الا اللہ پڑھنے والے امتی غم حسین ؑ کو کبھی بھی اپنے دل سے جدا نہیں کر سکتے ، بقول اقبال کلمہ لا الہ کی بنیاد حسین ؑ ابن علیؑ ہیں ، انہوں نے کہا کہ انؑ کی عظیم قربانی اسلام کی آفاقیت کا باعث ہے، اسلام کو کربلا نے بچا کر دیا ، اسلام کے حسینؑ و اصحاب حسین ؑ نے جان ، مال و گھرانے تک کی قربانی سے بھی دریغ نہ کیا ، سیدالشہداء نے اپنی جان مال ، اعزاء ، اصحاب و رفقاء کی قربانی دین اسلام کی بقا اور اقدار اسلامی کے تحفظ کی خاطر دی، آج ضرورت اس امر کی کہ حسینی بن کر ظلم ، جبر و استبداد کے خلاف سیسہ پلائی دیوار بن جائیں ، ایک و نیک ہو کر ظالم کے مقابلے میں ڈٹ جائیں ، ہم اپنی قلت کو نہ دیکھیں بلکہ مقصد زندگی پانے کے لیئے طرز حسینی اپنا لیں یہی ہماری کامیابی کا راز ہے۔
وحدت نیوز (راولپنڈی) مجلس وحدت مسلمین کے سربراہ علامہ ناصرعباس جعفری نے کہا ہے کہ کربلا ہمیں اتحاد و حدت کا درست دیتی ہے،کربلا دین کیلئے سب کچھ لٹا دینے کا نام ہے، کربلا انسانی قدروں کو بچانے کا نام ہے۔ ان خیالات کا اظہارانہوں نے راولپنڈی میں امام بارگاہ قدیمی میں استقبال محرم اور تحفظ فرش عزاکے حوالے سے منعقد کی گئی مجلس عزا سے خطاب کے دور ان کیا۔ انہوں نے کہا کہ محرم الحرام ہمیں نواسہ رسول ۖ کی یاد منانے اور دین مبین کی سربلندی کیلئے قربانی کا درس دیتی ہے۔ آج جن چیلنجز کا ہمیں سامنا ہے ان کا مقابلہ دین اسلام پر پیرا ہونے سے کیا جاسکتا ہے۔ انہوں نے کہا کہ راولپنڈی کو جان بوجھ کر نشانہ بنایا جارہا ہے، دینی مقدسات کی توہین اور امام بارگاہوں کے جلاو گھیراو جیسے معاملا ت انتظامیہ کی کارکردگی پر سوالیہ نشان ہیں۔ انہوں نے کہا کہ ہم ہر طرح کی دہشتگردی کی مذمت کرتے ہیں۔ علامہ ناصر عباس کا کہنا تھا کہ ایک طرف جہاں پاک فوج دہشتگردوں کیخلاف فوجی آپریشن ضرب عضب میں مصروف ہے وہی اب ایک داعش کا نیا چیلنج سامنے آرہا ہے، کراچی سمیت مختلف شہروں میں داعش کی وال چاکنگ قانون نافذ کرنے والے اداروں اور حکومت کیلئے لمحہ فکریہ ہیں۔ اس چیلنز سے فوری طور نمٹا جائے۔ دہشتگرد اس ملک کو عراق و شام بنانا چاہتے ہیں، ان کے پیچھے غیرملکی قوتیں ہیں جو ایک ایٹمی قوت کو توڑنا چاہیتی ہیں۔ ہم اپنی وحدت اور اتحاد کے ذریعے اس سازش کو ناکام بنا دیں گے۔اس موقع پر علامہ امین شہیدی کا کہنا تھا کہ دینی مقدسات کی توہین کرنے والوں کا اسلام سے کوئی تعلق نہیں ہوسکتا، یہ لوگ غیر ملکی ایجنڈے پر عمل پیرا ہیں۔ جن دہشتگردوں کے ہاتھوں عبادگاہیں محفوظ نہ ہوں وہ ویسے کیسے اسلام کے ساتھ مخلص ہوسکتے ہیں۔
