وحدت نیوز(مانسہرہ) مجلس وحدت مسلمین خیبر پختونخواہ کے ایک وفد نے سانحہ مسجد امیر المومنین (ع) کنڈ سیداں شنکیاری ضلع مانسہرہ کا دورہ کیا۔ جس میں سیکرٹری جنرل ایبٹ آباد سید مدثرعلی کاظمی اور صوبائی سیکرٹری اطلاعات و نشریات سید محمد ابوالکرار نقوی شامل تھے۔ اس موقع پر اہلیان علاقہ نے ایم ڈبلیو ایم کے وفد کو واقع کی تفصیلات سے آگاہ کیا۔ ان کا کہنا تھا کہ وزیر اطلاعات و نشریات پرویز رشید کے صاحبزادے ڈی پی او مانسہرہ خرم رشید کا رویہ انتہائی نامناسب ہے۔ جس نے اہلیان کنڈ سیداں کے وفد کی باتوں پر کان نہ دھرا اور شیعہ مراکز کو تحفظ کی یقین دہانی کرانے سے قاصر رہا۔ ایم ڈبلیو ایم کے وفد نے وزیر اطلاعات و نشریات پرویز رشید کے صاحبزاداے کو خبردار کیا کہ وہ دہشت گردوں کا آلہ کار بننے کی بجائے مظلوم و مستصعف قوم کا ساتھ اور اپنی فرائض منصبی سے کسی صورت غفلت نہ برتنے کا رویہ ترک کرے۔ علامہ زاہد بخاری، پرنسپل دارالمودت سکول مانسہرہ نے اس موقع پر ایم ڈبلیو ایم کے ہمراہ جائے وقوعہ پر میڈیا سے بات کرتے ہوئے کہا کہ اس واقعہ میں دہشت گردوں کے ساتھ چند مقامی عناصر بھی شامل ہیں جن کی باقاعدہ تربیت اسی علاقہ میں جاری ہے۔ حکومت کو چاہیے کہ فی الفور ان ٹریننگ کیمپس کا خاتمہ کرے۔ اس سے قبل مرکز اہل بیت مانسہرہ میں مسجد کنڈ سیداں کے امام جمعہ مولانا صدا علوی سے بھی ایم ڈبلیو ایم کے صوبائی سیکرٹری جنرل علامہ وحید عباس کاظمی، میڈیا سیکرٹری ضلع ہری پور عشرت عباس اور نزاکت علی چیف وحدت سکاوٹ نے ملاقات کی۔

وحدت نیوز(اسلام آباد) جیو ٹی وی پر اہل بیت علیہم السلام کی شان میں گستاخی نے ملت اسلامیہ کے قلوب کو رنجیدہ کیا ہے، پیمرا اور وزارت اطلاعات ایسی قانون سازی کرے کے آئندہ کسی بھی چینل ، صحافی یا شوبز شخصیت کو اہل بیت علیہم السلام کی شان میں گستاخی کی جرائت نہ ہو، جیوٹی وی کی گستاخانہ حرکت پرکل بروز جمعہ  ملک بھر یوم حرمت ناموس اہل بیت علیہم السلام منایا جائے گا، ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے جیوٹی وی کے مارننگ شو میں مولائے کائنات علیہ السلام اور جناب سیدہ سلام اللہ علیہا کی شان اقدس میں ہونے والی گستاخی کے خلاف مرکزی سیکریٹریٹ سے جاری اپنے مذمتی بیان میں کیا۔

ان کا کہنا تھا کہ ملت جعفریہ آزادی صحافت پر مکمل یقین رکھتی ہے، لیکن اس آزادی کی آڑ میں کسی بھی چینل ، صحافی یا اداکار کو اس بات کی اجازت ہر گز نہیں دی جاسکتی کےوہ شان اقدس اہل بیت علیہم السلام اور اصحاب اجمعین رضوان اللہ تعالیٰ علیہ میں کسی قسم کی اہانت کا مرتکب ہو ، جیو ٹی وی اور جنگ گروپ با رہا اس قسم کی اہانت آمیز حرکات کا مرتکب ہو چکا ہے، صرف یہ ہی نہیں اس ادارے نے مقدسات اسلامی سمیت پاکستان کے قومی مقتدر اداروں کے خلاف بھی بارہا منفی رپورٹنگ کی اور بین الاقوامی سطح پر قومی اداروں خصوصاً پاک فوج کی بد نامی اور کردار کشی کی سازشوں میں مصروف رہا ہےاور کام کے عوض غیر ملکی خفیہ ایجنسیوں سے فنڈز حاصل کرنے کے بھی ٹھوس شوائد ملے ہیں، مجلس وحدت مسلمین کل بروز جمعہ ملک بھر میں جیو ٹی وی کی گستاخی اہل بیت علیہم السلام کے خلاف یوم حرمت ناموس اہل بیت علیہم السلام منائے گی، نماز جمعہ کے اجتماعات کے بعد احتجاجی مظاہرے اور ریلیاں نکالی جائیں گی۔

وحدت نیوز(ننکانہ صاحب ) واربرٹن میں مجلس وحدت مسلمین کے تحت عظیم الشان پر وگرام ہوا جس میں مجلس وحدت مسلمین کے صوبہ پنجاب کے سیکرٹری جنرل علامہ عبدالخالق اسدی صاحب نے خصوصی شرکت کی ان کے علاوہ سید ضیغم نواز سیکرٹری جنرل ضلع ننکانہ صاحب ، رکن مرکزی شوریٰ عالی رائے علی رضا بھٹی صاحب ،علامہ علی انور جعفری آف کراچی ،سید بابر شاہ صاحب شیخوپورہ ،سید محسن شاہ رضوی صاحب ،سید رضوان علی کاظمی سید شاہد حسین شیرازی ، سید ادنیان جعفر شیرازی،رائے ریاض صاحب ،مولانا قیصر سجاد نقوی، سید ندیم عباس، ملک مبارک علی آزاد صاحب ڈپٹی سیکرٹری ضلع ننکانہ صاحب مولانا ، غلام عباس شخوپورہ ،آغادلاور شخوپورہ ڈاکٹر قمر، اور بھی ضلع بھر کے مہمان گرامی بھی ماجود تھے، ۔ملک بھر کے نامور علما اکرام اور ذاکرین نے جشن مولود کعبہ اپنے اپنے انداز میں بیان کیا۔

اس موقع پر سید افتخارحسین رضوی شہید ویلفیر سوسائٹی کے صدر اور سیکرٹری سیایات ضلع ننکانہ سید سبط حسین رضوی کی طرف سے ضلع ننکانہ کی تیغلیات اور دینی کاموں میں میں اہم کردار اداکرنے والوں کو ایوارڈ بھی دیئے گئے اور یہ ایواڈ مہمان خصوصی صوبہ پنجاب کے سیکرٹری جنرل علامہ عبدالخالق اسدی صاحب نے اپنے دست مبارک سے دیے۔ اس کے بعد صوبہ پنجاب کے سیکرٹری جنرل علامہ عبدالخالق اسدی صاحب نے خطاب کیا اور کہا کہ ہم عہد کرتے ہے کہ ولایت کے پیغام کو پوری دنیا میں لے کر جائیں گے۔

وحدت نیوز(کوئٹہ) مجلس وحدت مسلمین کوئٹہ ڈویژن کی جانب سے جاری بیان میں ڈویژنل ڈپٹی سیکریٹری جنرل علامہ ولایت حسین جعفری نے کہا ہے کہ حکومت تا حال دہشت گردی کا خاتمہ کرنے میں نا کام رہی ہے۔ گزشتہ سانحہ مستونگ میں حکومت نے دہشت گردوں کے خلاف ٹارگیٹیڈ آپریشن کرنے کا وعدہ کیا تھا لیکن کل ابرہیم اسٹریٹ میں ہزارہ جوان مبارک علی شان پر دہشت گردوں کے بزدلانہ حملے نے حکومت اور سیکورٹی اداروں کے جھوٹے دعووں کی قلعی کھول دی۔ اطلاعات کے مطابق مبارک علی شان تقریباً بارہ سے ایک بجے کے دوران دفتر سے ڈیوٹی ختم کرکے گھر کی طرف جا رہے تھے کہ اطراہیم اسٹریٹ میں تقریباً پانچ دہشت گردوں نے مبارک علی شان پر اندھا دھند فائرنگ شروع کر دی تاہم پروردگار عالم کے خاص کرم اورجوان کی بروقت اپنے آپ کو زمین پر گرانے سے دہشت گردوں کی اپنی ہی گولیوں سے ان کی ایک ساتھی ہلاک ہو گیا اور پولیس کے جوانوں کی ہمت سے ان کی قیمتی جان بچ گئی۔جو قابل تحسین ہے ۔

انہوں نے مزید کہا کہ اسی مقام پر پہلے بھی علامہ مقصود علی ڈومکی پر قاتلانہ حملہ کیا گیاتھا لیکن ملزمان کو ابھی تک گرفتار نہیں کیا گیا جس کی وجہ سے کل کا واقعہ رونما ہوا اگر گزشتہ سانحات میں ملوث ذمہ داروں کو گرفتار کرکے قرار واقعی سزا دی جاتی تو آج یہ واقعہ روزانہ نہ ہوتا۔ بیان کے آخر میں حکومت اور انتظامیہ پر زور دیا گیا کہ کوئٹہ شہر کے اندر کالعدم تنظیموں کے ٹھکانوں پر آپریشن کر کے دہشت گردوں اور بالخصوص کل کے واقعے کے مفرور ٹارگٹ کلرز کو گرفتار کرکے انہیں قرار واقعی سزا دے کر کیفر کردار تک پہنچائے۔ نیز دہشت گردوں کو بے گناہ کہنے والے جماعتوں پر پابندی عائد کرکے ان کے خلاف کاروائی کی جائے۔