The Latest

وحدت نیوز(کراچی) مجلس وحدت مسلمین سندھ کے صوبائی سیکرٹری سیاسیات علی حسین نقوی نے وحدت ہاؤس کراچی دفتر سے جاری اپنے بیان میں کہا ہے کہ شہر قائد کو با اختیار میئرکی ضرورت ہے۔ایم کیو ایم کے بائیکاٹ اور آخری وقت تک الیکشن ملتوی ہونے بے یقینی کی کیفیت کی وجہ سے ٹرن آؤٹ پر اثر پڑا۔مجموعی طور پر انتخابات پر امن رہے۔ بلدیاتی انتخابات نے مختلف جماعتوں کی خام خیالی کو دور کر دیا۔پاکستان پیپلز پارٹی اور جماعت اسلامی کا غیر یقینی صورتحال کے باوجود انتخابات میں واضح اکثریت دونوں جماعتوں کی کامیاب الیکشن حکمت عملی ہے۔بلدیاتی انتخابات میں بھی بڑی سیاسی شخصیات کا اپنے حلقوں سے ناکامی ان کے بلند بانگ دعویٰ کی نفی ہیں عوام نے انہیں مسترد کردیا۔

انہوں نے کہا کہ اگر کسی جماعت کے پاس پوسٹ پول رگنگ کے ثبوت ہیں تو الیکشن کمیشن اس کا فوری نوٹس لے۔کراچی اور حیدر آباد میں نتائج میں غیر معمولی تاخیر الیکشن کمیشن پرسیاسی جماعتوں کی جانب سے دھاندلی کا الزام بھی اپنی جگہ درست ہے الیکشن کمیشن کو اس کا تدارک کرنا چاہئے۔

 انہوں نے کہا کہ شہر کی تباہ حالی مذید انتظار کی متحمل نہیں ہوسکتی با اختیار بلدیاتی نظام اور کرپشن سے پاک نمائندگان ہی اس شہر کی تباہ حالی اور محرومیوں کو دور کر سکتے ہیں۔انہوں نے امیر جماعت اسلامی کراچی حافظ نعیم الرحمن کو بلدیاتی انتخابات واضح کامیابی پر مبارکباد پیش کی۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری تنظیم سازی اور کنوینئرنصاب تعلیم کمیٹی  علامہ مقصود علی ڈومکی نے اسلام آباد میں جی بی کے صوبائی وزیر تعلیم راجہ محمد اعظم سے ملاقات کی اس موقع پر جی بی کونسل کے رکن اور ایم ڈبلیو ایم کے صوبائی رہنما علامہ شیخ احمد نوری مجلس علمائے شیعہ کے شیخ محمد عیسیٰ امینی اور برادر شمس الدین ان کے ہمراہ تھے۔

اس موقع پر گفتگو کرتے ہوئے علامہ مقصود علی ڈومکی نے کہا کہ متنازعہ نصاب تعلیم سے متعلق پاکستان کے کروڑوں شہریوں کو شدید تحفظات ہیں۔ متنازعہ نصاب تعلیم میں اصلاحات ناگزیر ہیں۔ جی بی کے عوام کے نمائندے کے حیثیت سے آپ ان تحفظات کو دور کرنے میں اپنا کردار ادا کریں۔

انہوں نے کہا کہ پاکستان میں بسنے والے شیعہ سنی محبان اہلِ بیت کو نصاب تعلیم میں دشمنان اہل بیت کو بطور ہیرو شامل کرنے پر شدید تحفظات ہیں۔ نصاب تعلیم کی اصلاح کرکے اسے اتحاد بین المسلمین حب الوطنی اور امن و اخوت کا مظہر بنانا چاہیے۔ ہم سمجھتے ہیں کہ 1975 کا نصاب تعلیم آئیڈیل ہے جس پر تمام مکاتب فکر کا اتفاق ہے۔

اس موقع پر گفتگو کرتے ہوئے راجہ محمد اعظم نے کہا کہ وطن عزیز پاکستان میں بسنے والے تمام مکاتب فکر کے درمیان یکجہتی اور اخوت کا فروغ ضروری ہے اور نصاب تعلیم سے ہماری نوجوان نسل کا مستقبل وابستہ ہے نصاب تعلیم سے متعلق آپ کے خدشات دور ہونے چاہئیں۔ اس سلسلے میں متعلقہ حکام سے بات کروں گا۔

وحدت نیوز(کواردو) صوبائی وزیر زراعت و پارلیمانی لیڈر مجلس وحدت مسلمین گلگت بلتستان محمد کاظم میثم نے صوبائی صدر مجلس وحدت مسلمین مجاھد ملت آغا علی رضوی کے ہمراہ دورہ کواردو کے موقع پر کواردو کھر میں عمائدین و نوجوانان کھر سے ملاقات کی۔اس موقع پر کھر اور کواردو کے جملہِ مسائل اور مختلف ایشوز پر گفتگو ہوئی۔کواردو روڈ کے حوالے سے اب تک کی پیشرفت اور حلقے میں جاری دیگر ترقیاتی سکیموں کے حوالے سے عمائدین کو آگاہ کیا۔

انہوں نے کہا کہ کواردو روڈ ٹینڈر کے بعد ایک ٹھیکدار گروہ کورٹ میں جانے کی وجہ سے وقتی تعطل کا شکار ہوا ہے اس حوالے سے کسی بھی قسم کے غلط پروپیگنڈے کا شکار ہونے کی ضرورت نہیں ہے انشاء کواردو روڈ بنا کر دم لیں گے۔

انہوں نے مزید کہا کہ پی ڈی ایم کے حکومت کی وجہ سے کواردو پل جو کہ پی ایس ڈی پی کی سکیم میں شامل ہونا تھا اور پیجو روڈ وہ بھی پی ایس ڈی پی سے اپرو نہیں ہو سکا جس کا پورے علاقے کو نقصان اٹھانا پڑا۔انشاء اللہ آنے والے وقتوں میں نئی حکومت ہماری اتحادی پاکستان تحریک انصاف کی آئے گی تو کواردو آر سی سی پل اور پیجو روڈ سکیم کو بھی منظور کرنے کی کوشش کریں گے۔

وحدت نیوز(لاہور) شعبہ خواتین لاہور کی جانب سے قومی مرکز شادمان لاہور میں ولادت با سعادت خاتون جنت حضرت فاطمہ زہرا سلام اللہ علیھا کی مناسبت سے یوم مادر و عالمی یوم خواتین کا انعقاد مرکزی رہنما ایم ڈبلیو ایم شعبہ خواتین محترمہ فرحانہ فصاحت کی زیر نگرانی ہوا ۔

جشن کی اس روحانی محفل سے خصوصی خطاب آقائے مبارک علی موسوی صاحب نے کیا اور سیرت حضرت فاطمہ زہرا سلام اللہ علیھا پر روشنی ڈالی جبکہ محترمہ نسیم زہرا اور محترمہ ندا جعفری نے بھی اپنے مخصوص علمی و ادبی انداز میں فضائل و مناقب جناب سیدہ سلام اللہ علیہا بیان کیے ۔

جشن میں نظامت کے فرائض محترمہ عصمت بتول نے انجام دیے آغاز میں تلاوت قرآن کے بعد مختلف یونٹس کی بچیوں نے منقبت خوانی  جشن سعید میں شہر کی معروف شخصیات محترمہ ڈاکٹر رباب ، سی ای او سوزوکی مسسز مہدی اور ڈپٹی ڈائریکٹر واپڈا مسسز نقوی نے شرکت کی اور اس پر رونق محفل میلاد کو سراہا۔

وحدت نیوز(ڈھاڈر) مجلس علمائے شیعہ بلوچستان کے صوبائی نائب صدر مولانا  ذوالفقارعلی سعیدی نے بلوچستان کے علائقہ حاجی شہر اور گردو نواح کا تبلیغی دورہ کیا۔حاجی شہر میں مومنین اور مکتب ولایت دینیات سینٹر کے طالب علموں سے خطاب کرتے ہوئے انہوں نےکہا کہ اسلام میں تعلیم حاصل کرنے کی بہت زیادہ فضیلت بیان ہوئی ہے یہاں تک کہ رسول خدا نے مسلم مردو خواتین کےلئے حصول علم کو فریضہ قرار دیا ہے۔

انہوں نے کہا کہ علم مومن کی میراث ہے اور مومن کو شب و روز حصول علم کےلئے کوشاں رہنا چاہئے۔اس موقعہ پر انجمن عباس علمدار حاجی شہر کے صدر برادر سمیع اللہ کھوکھر نے کہا کہ حاجی شہر بلوچستان کا بہت پسماندہ علائقہ ہے اور حالیہ سیلاب سے مومنین بہت متاثر ہوئے ہیں ۔

وحدت نیوز(سکردو) صوبائی وزیر زراعت و پارلیمانی لیڈر مجلس وحدت مسلمین گلگت بلتستان محمد کاظم میثم نے پولیٹیکل سیکریٹری وزیر اعلیٰ گلگت بلتستان علی رضا اور برادر ابراہیم آزاد کے ہمراہ بے نظیر شھید ہسپتال گمبہ سکردو کا دورہ کیا۔اس موقع پر میڈیکل آفیسر ڈاکٹر کاشف،ڈاکٹر اشرف اور دیگر سٹاف سے ملاقات کی۔ملاقات میں بے نظیر شھید ہسپتال کو درپیش مسائل سمیت مجموعی کارکردگی کے حوالے سے گفت و شنید ہوئی۔

اس موقع پر صوبائی وزیر نے ہسپتال سٹاف کے مجموعی کارکردگی کو سراہا اور اسے مزید بہتر بنانے نیز ہسپتال کو درپیش چیلنجز کے حوالے سے بھی فوری اقدامات اٹھانے کی یقین دہانی کرائی۔انہوں نے کہا کہ فوری طور پر دس بیڈ ہسپتال کو اپ گریڈ کر کے تیس بیڈ بنانے کے لیے اقدامات اٹھائے جائیں گے اور تمام بنیادی طبی سہولیات ہسپتال میں ہوں گے ساتھ ہی ڈاکٹرز کی کمی اور دیگر ایشوز کو بھی حل کرنے کے لیے اقدامات اٹھائے جائیں گے ۔

وحدت نیوز(قم المقدس)مجلس وحدت مسلمین شعبہ خواتین کا کاروان ولایت عشق مشہد میں زیارت اور علمی کورس کے اختتام  کے بعد شہر قم میں جناب معصومہ قم سلام اللہ علیھا کے جوار میں موجود ہے ،20 جمادی الثانی  ولادت با سعادت حضرت فاطمہ الزہرا سلام اللہ علیھا کے پر مسرت دن کا آغاز زیارت ضریح مقدس بی بی معصومہ قم سلام اللہ علیھا سے کیا اور بی بی کے قدموں میں پھول نچھاور کیے گئے علاوہ ازیں حرم میں زیارات پر آئی بعض مومنات  میں اس خوشی کے موقع پر مٹھائی بطور نذر ونیاز تقسیم کی گئی۔

وحدت نیوز(ڈیرہ مراد جمالی)مجلس وحدت مسلمین بلوچستان کی صوبائی شوری کا اجلاس ڈیرہ مراد جمالی میں علامہ سید ظفر عباس شمسی کی زیر صدارت منعقد ہوا،ا صوبائی شوری کے اجلاس میں علامہ مقصود علی ڈومکی نے خصوصی شرکت کی۔ اجلاس میں اراکین صوبائی کابینہ ،ضلعی صدور اور اراکین صوبائی شوری شریک ہوئے۔جبکہ تکریم شھدا ءکانفرنس کا بھی انعقاد کیا گیا ۔

علامہ سید ظفر عباس شمسی نے صوبائی شوری کے اجلاس سےگفتگو کرتےہوئے کہا کہ تمام اضلاع اور یونٹس اسٹڈی سرکل اور یونٹس کے پروگرام پر عمل درآمد کریں ۔ایم ڈبلیو ایم میں کارکنوں کی تعلیم اور دینی تربیت کو خصوصی اہمیت حاصل ہے، اجلاس میں صوبائی کابینہ کی چار ماہی پروگرام کی منظوری دی گئی۔ اجلاس میں یونٹس کی فعالیت کے سلسلے میں نو نکاتی پروگرام پر مشاورت کی گئی ۔ اور ماہ رجب کو توسیع تنظیم کے مہینے کے طور پر منانے کا اعلان کیا گیا  ۔

وحدت نیوز(اسلام آباد)شہید علامہ ضیاء الدین رضوی کی قوم کے لیے گراں قدر خدمات کو ہمیشہ یاد رکھا جائے گا آپ کی جانب سے نصاب تعلیم کے لئے چلائی گئی تحریک دراصل اپنی نئی نسل کے مستقبل کو محفوظ کرنے کی کوشش تھی۔ ان خیالات کا اظہار مجلس وحدت مسلمین پاکستان کے مرکزی سیکرٹری تعلیم عارف حسین علیجانی نے میڈیا سیل کو جاری اپنے بیان میں کیا۔

 انہوں نے کہا کہ ہم شہید آغا ضیاء الدین رضوی کو خراج پیش کرتے ہیں اور انکی فکر ونظر کا احیاء و پرچار کرنا اپنا فرض سمجھتے ہیں۔انہوں نے کہا کہ شہید آغا جس راہ پر گامزن تھے وہ آفاقی راستہ تھا اور یہی وجہ تھی کہ وہ انفرادی معاملات پس پشت ڈال کر اجتماعی امور کو ترجیح دیتے تھے آپ کی ملت کے لیے دردمندی قابلِ رشک تھی میدان عمل میں سب سے پہلے موجودگی آپ کا وطیرہ تھا جس کی بدولت عوام میں بے حد مقبول تھے اور لوگ آپ پر جانیں نچھاور کرنے کے لیے آمادہ رہتے تھے اپنی قوم کو متحرک و منظم کرنے میں آپ کی کاوشیں ناقابل فراموش ہیں۔

انہوں نے کہا کہ ملک میں یکساں نصاب تعلیم کے تناظر میں اٹھائے گئے اقدامات متنازع روش پر منتج ہوئے ہیں جس میں ایک مخصوص فکر کو پروان چڑھانے کی کوشش کی گئی ہے آغا شہید ضیاء الدین رضوی ان مسائل کو بھانپ کر اپنے بچوں کے لیے نصاب تعلیم کا مطالبہ کر رہے تھے آپ حکومت کی دھمکیوں سے مرعوب نہیں ہوئے بلکہ دن بہ دن نصاب کی تحریک شدت نے اختیار کی جس پر آغا کو خاموش کرنے اور راستے سے ہٹانے کے لئے آخری حربہ کے طور شہید کر دیا گیا۔

وحدت نیوز(سکردو)سندوس سکردو کے مقام پر حفاظتی بند کی تعمیر پر کام کے افتتاح کی خصوصی تقریب میں وزیراعلی گلگت بلتستان خالد خورشید کی شرکت و اہم گفتگو! وزیر اعلیٰ گلگت بلتستان خالد خورشید نے سندوس سکردو کے مقام پر حفاظتی بند کی تعمیر کے حوالے سے دیئے جانے والے بریفنگ دے موقع پر گفتگو کرتے ہوئے نے کہا ہے کہ میں سب سے پہلے صوبائی وزیر کاظم میثم اور صوبائی وزیر وزیر سلیم کو داد دوں گا جنہوں نے اتنا اچھا پروجیکٹ رکھا ہے، کاظم میثم اور وزیر سلیم صرف اس پروجیکٹ کیلئے پچھلے 7مہینوں سے کام کررہے تھے، اس منصوبے کو بلاک الیوکیشن سے رکھا گیا ہے اور اب الحمد اللہ اس پروجیکٹ کا ٹینڈر بھی ہوگیا ہے، لیکن پی ڈی ایم کی حکومت اس پروجیکٹ کا کریڈٹ لینے کی کوشش کررہی ہے، ہمیں پروجیکٹس کو دیکھ کر خوشی ہوتی ہے کیوں کہ پروجیکٹس کے ذریعے ہم عوام کی خدمت کررہے ہوتے ہیں، لیکن اس پروجیکٹ کو دیکھ کر مجھے بہت خوشی محسوس ہوئی، کیوں کہ اس پروجیکٹ سے عوامی زمینیں بچ جائیں گی اور جو عوام کی زمینیں ضائع ہوئی ہیں ان زمینوں کو بھی قابل کاشت بنایا جاسکتا ہے اور مستقبل میں کمیونٹیز کے مشاورت سے دریا کو چینلائز کریں تو یہاں ہزاروں کنال زمین آباد کرسکتے ہیں اور یہ علاقہ سیاحت کا مرکزبن سکتا ہے اور اس علاقے سے سکردو کے عوام مستفید ہوں گے۔

وزیر اعلیٰ گلگت  بلتستان خالد خورشید نے کہاکہ پی ڈی ایم کی حکومت نے ہمارے بجٹ پر کٹ لگایا اور گلگت  بلتستان کے اپوزیشن والے بھی پی ڈی ایم کے ساتھ مل کر گلگت  بلتستان کو نقصان پہنچانے کی کوشش کررہے ہیں، اگر پی ٹی آئی کی حکومت ہوتی تو صوبائی حکومت کا ترقیاتی بجٹ 22 ارب ہونا تھا لیکن پی ڈی ایم کی حکومت نے بجٹ میں کٹوتی کرکے 22 ارب سے کم کرکے 18 ارب روپے کردی جس میں سے بھی ابھی تک گلگت بلتستان حکومت کو صرف2ارب 80 کروڑ روپے فراہم کئے ہیں۔ وزیر اعلیٰ گلگت بلتستان خالد خورشید نے کہاکہ میرا ایک خواب تھاکہ سکردو میں ایک نیا شہر بسائیں، ہم چاہتے ہیں کہ کوئی سیاح اگر یہاں آئے تو اس کی پہلی منزل سکردو ہو جس کیلئے ہم نے سکردو ایئرپورٹ کو انٹرنیشنل ایئرپورٹ بنایا ہے، ہم نے مارچ سے انٹرنیشنل فلائٹس کی سکردو کیلئے شروع کرنا تھا لیکن بدقسمتی سے نالائق حکمران اس ملک پر آکر مسلط ہوئے جس کے باعث سکردو ایئرپورٹ پر انٹرنیشنل فلائٹس شروع نہیں ہوسکے، پورے ملک میں گندم کا بحران پیدا ہوا ہے۔

Page 14 of 1313

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree