The Latest
وحدت نیوز (اسلام آباد ) مجلس وحدت مسلمین پاکستان نے حکومت کی جانب سے بلائی جانیوالی آل پارٹیز کانفرنس میں ہونیوالا دہشت گردوں سے مذاکرات کرنے کا فیصلہ مسترد کرتے ہوئے اس فیصلے کے خلاف 13ستمبر کو ملک بھر میں احتجاج کا اعلان کر دیا ، یہ اعلان ایم ڈبلیو ایم کے مرکزی ڈپٹی سیکرٹری جنرل نے مرکزی سیکرٹریٹ میں ایک پرہجوم پریس کانفرنس میں کیا ، علامہ امین شہیدی کا کہنا تھا ک کہ دہشت گردوں نے ملک کی خود مختاری اور وقار سمیت اداروں آرمی ، نیوی ، فضائی اور پولیس کو نشانہ بنایا، ملکی آئیں کی دھجیاں اڑائیں اور پاکستان کے پچاس ہزار سے زائد بے گناہ شہریوں کو موت کی وادی میں دھکیل دیا وہ غدار وطن اور سفاک قاتل ہیں پاکستان کا کوئی بھی با ضمیر شہری بالخصوص شہدا کے لواحقین اس فیصلے کر تسلیم نہیں کر سکتے ،یہ فیصلہ گولی کی زبان میں بات کرنیوالوں کی بالا دستی تسلیم کرنے کے مترادف ہے ، اس ناروا فیصلے سے ملکی عزت اور وقار کو داؤ پر لگا دیا گیا ۔ انہوں نے کہا کہ جب قطر میں امریکہ اور طالبان کے مابین مذاکرات کی بات ہوتی ہے تو ایک شور مچ جاتا ہے کہ ان میں پاکستان کو شامل نہیں کیا گیا ۔ آج خود حکمرانوں نے دہشت گردی سے متاثرہ خاندانوں کو نظر انداز کیا اور مذاکرات کے حوالے سے انہیں اعتماد میں نہ لے کر ان کے زخموں پر نمک پاشی کی ہے ، اس سارے عمل میں قوم کو مطمئن کرنے کے لئے کوئی اقدام نہیں اٹھایا گیا ۔
علامہ امین شہیدی نے دو ٹوک الفاظ میں کہا کہ قوم کی توقعات کے برعکس ہونیوالے اس فیصلے کے نتیجے میں مذاکرت کامیاب ہی نہیں ہو سکتے ، مذاکرات محض ڈھونگ اور ڈرامہ ہیں ، حقیقت یہ ہے کہ حکمران خود نہیں چاہتے کہ وطن عزیزسے دہشت گردی ختم ہو ، انہوں نے دہشت گردی کو آمدنی کا ذریعہ بنا رکھا ہے اور اس کے بدلے میں ڈالر اور ریال حاصل کرتے ہیں ،پاکستانی قوم دہشت گردوں کے خلاٖف آپریشن کا مطالبہ کر رہی تھی ، چاہیے تو یہ تھا کہ حکمران قاتلوں کو گرفتار کر کے عدالت کے کٹہرے میں کھڑا کرتے اور ملک و قوم کے ساتھ مخلص ہونے کا ثبوت دیتے لیکن ایسا نہیں ہوا، یہ فیصلہ عوام کی امنگوں اور امیدوں کے برعکس ہے لہٰذا سے کسی بھی صورت میں تسلیم نہیں کیا جا سکتا۔ لہذا یم ڈبلیو ایم تیرہ ستمبر کو مصر اور شام کے ایشوز کے ساتھ ساتھ اس فیصلے کے خلاف بھی ملک گیر احتجاجی مظاہرے کرے گی ، ایک سوال کے جواب میں انہیں نے کہا کہ اگر کسی بھی مذہبی یا سیاسی جماعت نے اس فیصلے کے خلاف تحریک شروع کی تو ایم ڈبلیو ایم اس تحریک کا بھی حصہ بنے گی۔
مسئلہ کشمیر کا واحد حل سہ فریقی مذاکرات ہیں، جن میں کشمیریوں کو شامل کرنا ضروری ہے، علامہ تصور جوادی
اسلام آباد (وحدت نیوز) مجلس وحدت مسلمین پاکستان ریاست آزاد و جموں کشمیر کے سیکرٹری جنرل علامہ تصور جوادی نے کہا ہے کہ برصغیر پاک و ہند کے اہم ترین تنازعہ مسلہ کشمیر کا حل سہ فریقی مذاکرات کے بغیر ممکن نہیں، تنازعہ کشمیر کے اصل فریق کشمیر کی قیادت کو مذاکرات میں شامل کئے بغیر علاقے میں پائیدار امن کے قیام کا خواب شرمندہ تعبیر نہیں ہوسکتا۔ وہ شہید قائد علامہ عارف حسین حسینی کی برسی کی مناسبت سے منعقدہ دفاع وطن کنونشن سے خطاب کر رہے تھے۔ انہوں نے کہا کہ بھارت کشمیر کی مقبوضہ وادی میں لاشیں گرا رہا ہے اورحکمران اس سے آلو پیاز کی تجارت کر رہے ہیں اور اسے موسٹ فیورٹ ملک قرار دیا جا رہا ہے۔ علامہ تصورجوادی کا کہنا تھا کہ کشمیریوں نے بھی گلگت بلتستان کی طرح خو اپنی صوابدید کے تحت پاکستان کے ساتھ الحاق کیا، حکونت پاکستان کی ذمہ داری ہے کہ بائی چوائس پاکستانیوں کو ان کے حقوق دے۔
علامہ تصور جوادی نے کہا کہ کشمیریوں کے خون سے ہاتھ رنگین کرنیوالوں کے سارھ تجارتی تعلقات ختم کئے جائیں۔ انہوں نے کہا کہ بھارت جدوجہد آزادی کشمیر کو سبوتاژ کرنے کی سازشیں کر رہا ہے، وہاں شیعہ سنی بھائی بھائی ہیں اور انہیں آپس میں لڑانے کیلئے فرقہ واریت کو ہوا دی جا رہی ہے۔ انہوں نے مزید بتایا کہ پچیس برس قبل سرزمین پاکستان پر گونجنے والی شہید قائد حسینی کی آواز کی بازگشت آج بھی وادی کشمیر میں سنائی دے رہی ہے، انشاء اللہ وادی کشمیر کے مکین اپنی صفوں میں اتحاد برقرار رکھتے ہوئے منافرت پھیلانے والی ہنود کی ہر سازش ناکام بنا دیں گے۔
اسلام آباد ( وحدت نیوز) مجلس وحدت مسلمین پاکستان کے رکن بلوچستان اسمبلی آغا سید محمد رضا رضوی نے کہا ہے کہ شرفا کو باغی کہنے کی روایت چودہ سو سال پرانی ہے، ملت تشیع نے ہر دور میں حسینی ؑ کردار ادا کرتے ہوئے آمریت کے خلاف آواز بلند کی جس کے نتیجے میں اسے ہر دور میں تشدد کا نشانہ بنایا گیا، کوئٹہ کی سڑکوں پر گرنے والا شہداء کا مقدس خون گواہ ہے کہ ہم نے کسی ڈکٹیٹر کو قبول نہیں کیا، جنرل ضیاء کے دور اقتدار میں ہم پر بنائے جانیوالے مقدمات ابھی تک چل رہے ہیں، وہ شہید قائد علامہ عارف حسین الحسینی کی پچیسویں برسی کی مناسبت سے اسلام آباد میں منعقدہ دفاع وطن کنونشن سے خطاب کر رہے تھے۔ انہوں نے کہا کہ بلوچستان میں مسلم لیگ (ن) کی حمایت کرنے کا مقصد صرف اور صرف علاقہ میں امن کی بحالی اور ملت تشیع کے حقوق کا حصول ہے، مسائل کے حل کیلئے مل بیٹھنے کا مطلب ہرگز عقائد سے روگردانی نہیں۔
آغا رضا رضوی نے کہا کہ ہم پاکستان کے اس خطے سے تعلق رکھتے ہیں جہاں آئے روز انسانی خون کی ہولی کھیلی جا رہی ہے، کوئی دن ایسا نہیں گزرتا جس میں کسی بے گناہ کی لاش نہ گری ہو، گلیاں، بازار، چوک اور چوراہے انسانی خون سے رنگین ہیں۔ ان حالت میں ایک منتخب عوامی نمائندے کی حیثیت سے امن و امان کا قیام جدوجہد میری ذمہ داری ہے۔ انہوں نے اس بات پر افسوس کا اظہار کیا کہ بعض ٹی وی چینلز پر شیعیان علی ؑ پر گستاخان صحابہ کا لیبل لگایا جا رہا ہے یہ منفی اور بے بنیاد پروپیگنڈہ ختم ہونا چاہیے۔ انہوں نے سانحہ علمدار رواد اور دیگر سانحات کے متاثرین کے ساتھ یکجہتی کا اظہار کرنے پر ملت تشیع پاکستان کا شکریہ ادا کیا۔
اسلام آباد ( وحدت نیوز) ایم ڈبلیو ایم بلوچستان کے سیکرٹری جنرل علامہ مقصود علی ڈومکی نے کہا ہے کہ شہید قائد علامہ عارف حسین حسینی کی برسی کی مناسبت سے منعقد ہونیوالے دفاع وطن کنونشن میں بزرگوں، بچوں، جوانوں اور خواتین کا جم غفیر گواہ ہے کہ کربلائے پاکستان میں ملت تشیع کے مردو خواتین حسینیؑ اور زینبی ؑ کردار ادا کرنے کیلئے تیار ہیں۔ کنونشن سے خطاب کے دوران ان کا کہنا تھا کہ ہمارے لیے ہر روز یوم عاشور اور ہر زمین کربلاہے ، آج پورا پاکستان بے گناہ انسانوں کے خون سے رنگین ہے ، کراچی ، کوئٹہ ، پاہور پشاور، ڈی آئی خان، گلگت بلتستان سمیت کوئی بھی علاقہ قتل و غارت گری اور خونریزی سے محفوظ نہیں انسانوں کے خون سے رنگین ہے، قانون کے محافظ اور عدل و انصاف کے ٹھیکیدار خاموش تماشائی کا کردار ادا کر رہے ہیں، اس صورتحال میں دفاع کنونشن کا انعقاد ملت تشیع کی وطن دوست کا ثبوت ہے۔
علامہ مقصود علی ڈومکی نے کہا خمینی بت شکن نے امریکہ کو شیطان بزرگ اور قائد وحدت علامہ ناصر عباس جعفری نے امریکہ سفارتخانوں کو دہشت گردی کے اڈتے قرار دیا تھا ، ہم آج بھی انہی فرامین پر کاربند ہیں اور امریکہ کو اپنا ازلی دشمن تصور کرتے ہیں، انشاء اللہ ہر اندرونی و بیرونی جارحیت کا ڈٹ کر مقابلہ کریں گے۔ علامہ مقصود ڈومکی نے کہا کہ گزشتہ عام انتخابات ایم ڈبلیو ایم کے سیاسی سفر کی پہلی منزل تھی، آج الحمد للہ بلوچستان اسمبلی میں ہماری نمائندگی موجود ہے اور وہ وقت دور نہیں جب ملت تشیع کی آواز ہر ایوان میں گونجے گی۔
اسلام آباد ( وحدت نیوز) مجلس وحدت مسلمین پاکستان کے مرکزی ڈپٹی سیکرٹری جنرل علامہ امین شہیدی اور دیگر راہنماؤں نے دفاع وطن کنونشن میں سیکورٹی کی بہترین خدمات سر انجام دینے اور دور دراز کے علاقوں سے آنیوالے مرد و خواتین کی رہنمائی کرنے پر وحدت سکاؤٹس کو شاندار الفاط میں خراج تحسین پیش کیا ہے۔ انہوں نے کہا کہ وحدت سکاؤٹس نے نہ صرف پنڈال بلکہ جلسہ گاہ کے داخلی و خارجی راستوں کی مؤثر سیکورٹی کی جس کی وجہ سے کسی شدت پسند کو تخریبی کاروائی کا موقع نہیں مل سکا، بلا شبہ اسکاؤٹنگ کا یہ شعبہ مجلس وحدت مسلمین پاکستان کے لئے سرمایہ افتخار ہے، واضح رہے کہ کنونشن سے ایک یوم قبل وحدت سکاؤٹس نے مرکزی امام بارگاہ اثنا عشری جی سکس ٹو میں ایک پریزنٹیشن پیش کی تھی جس میں انہوں نے ایم ڈبلیو ایم کے قائدین کو سلامی پیس کرنے کے بعد اپنی بہترین پیشہ ورانہ صلاحیوں کا عملی مظاہرہ کرتے ہوئے شرکا سے داد وصول کی تھی۔
اس موقع پر ایم ڈبلیو ایم کے مرکزی ڈپٹی سیکرٹری جنرل علامہ امین شہیدی، سیکرٹری بین الصوبائی روابط علامہ اقبال بہشتی، ایم ڈبلیو ایم پنجاب کے ترجمان علامہ محمد اصغر عسکری، راولپنڈی کے ضلعی سیکرٹری جنرل سید سعید الحسن رضوی سمیت دیگر اکابرین بھی موجود تھے اور انہوں نے وحدت سکاؤٹس کی کارکردگی کو سراہتے ہوئے بھرپور اعتمادکا اظہار کیا تھا۔ اس موقع پر وحدت اسکاؤٹس کے مرکزی مسؤل سید فضل عبا س نقوی ایڈووکیٹ کا کہنا تھا کہ ہمارے شعبے کا ہر جوان خدمت کے جذبے سے سرشار ہے اوراہلیان پاکستان کی بلا امتیاز خدمت کا جذبہ رکھتا ہے۔
اسلام آباد ( وحدت نیوز) مجلس وحدت مسلمین پاکستان گلگت بلتستان کے سیکرٹری جنرل علامہ شیخ نیئر عباس مصطفوی نے کہا ہے کہ گلگت بلتستان کے مکینوں کو یہ اعزاز حاصل ہے کہ وہ بائی چانس نہیں بلکہ بائی چوائس پاکستانی ہیں، انہوں نے اپنی قوت بازرو سے آزادی حاصل کی اور پاکستان کے ساتھ غیر مشروط الحاق کیا، انہیں حب الوطنی کی سزا مل رہی ہے، ان کا خون ارزاں نہیں ہونے دیں گے۔ وہ شہید قائد علامہ عارف حسین حسینی کی برسی کی مناسبت سے ایم ڈبلیو ایم کے زیر اہتمام منعقدہ دفاع وطن کنونشن سے خطاب کر رہے تھے۔ علامہ نیئر عباس کا کہنا تھا کہ اگر پاکستان کے تما م صوبوں کے مکین گلگت بلتستان کے مکینوں جیسی سوچ اپنا لیں تو ملک و قوم کی تقدیر بدل سکتی ہے۔ انہوں نے کہا کہ خالق کائنات نے اپنی مقدس کتاب قرآن مجید میں وعدہ کیا ہے کہ کوئی منافق کسی مومن پر غلبہ نہیں پا سکتا، خواہ وہ کتنی مادی طاقت رکھتا ہو، یہ ملک شیعہ سنی مسمانوں نے مل کر بنایا تھا اور دونوں مل کر ہی اس کا تحفظ کریں گے۔
انہوں نے کہا کہ ہمارا دشمن ہماری وحدت سے خوفزدہ ہے، شہید حسینیؒ اتحاد بین المسلمین کے علمبردار تھے، انہیں وحدت کا پرچم بلند کرنے کی پاداش میں شہید کر دیا گیا، لیکن شہید کا یہ مشن رکا نہیں اور انشاء اللہ عوامی بیداری کا یہ سفر جاری رہے گا۔ انہوں نے کہا کہ ہم کربلائی ہیں، کربلا کے شش ماہا علی اصغر نے خود کو جھولے سے گرا کر ہمیں ظلم کے خلاف قیام کرنے کا درس دیا تھا۔ انہوں نے کہا کہ آج شام میں پھر شام غریباں برپا ہے، اس لیے ہمیں بیدرای کا ثبوت دیتے ہوئے متحد ہوکر باطل قوتوں کے خلاف قیام کرنے کی ضرورت ہے۔
اسلام آباد ( وحدت نیوز) مجلس وحدت مسلمین پاکستان پنجاب کے سیکرٹری جنرل علامہ عبدالخالق اسدی نے کہا ہے کہ وطن عزیز پاکستان کی بنیادیں کھوکھلی کرنیوالے دہشت گردوں کے ساتھ مذاکرات کی حکومتی پالیسی، انہیں قانونی تحفظ فراہم کرنے کی سنگین ساز ش ہے، جسے ناکام بنانے کے لئے ملت کو وحدت کی لڑی میں پرونے کی ضرورت ہے، سرزمین اسلام آباد پر منعقدہ دفاع وطن کنونشن سے خطاب کرتے ہوئے ایم ڈبلیو ایم کے صوبائی سیکرٹری جنرل کا کہنا تھا کہ اس وقت پورا ملک دہشت گردوں، قاتلوں ،اور لٹیروں کی مذموم کاروائیوں کی زد میں ان کا مقابلہ اتحاد کی قوت کے ساتھ ہی کیا جا سکتا ہے، ایم ڈبلیو ایم اتحاد بین ا لمسلمین کی علمبردار ہے اور قوم کو متحد کرنے کے لئے اپنی تمام توانائیاں بروئے کار لارہی ہے۔
انہوں نے کہا کہ گزشتہ سال مینار پاکستان پر منعقد ہونیوالے قرآن و سنت کے تاریخ ساز اجتماع نے وطن عزیز پاکستان میں تبدیلی کی بنیاد رکھی اور آج کا اجتماع بھی اسی کا تسلسل ہے ، انشاء اللہ وحدت کے پرچم کے سائے میں صرف ملت تشیع کو ہی نہیں، ہر مکتب فکر کے فرد کو بلا تفریق تحفظ ملے گا۔ ہم شہدا کے وارث ہیں اور گزشتہ پچیس برسوں سے قربایاں دے رہے ہیں، کوئی قانون، کوئی اداری ہمیں انصاف فراہم نہیں کرتا۔ انہوں نے بھکر، ڈی آئی خان، کوئٹہ، گلگت، کراچی کوئٹہ اور پارا چنار سمیت ملک کے مختلف علاقوں میں دہشت گردی کا نشانہ بننے والے شہداء کو شاندار الفاظ میں خراف عقیدت پیش کیا ۔ ان کا کہنا تھا کہ بھکر میں ملت تشیع نے ناموس امامت کے تحفظ کیلئے خون کانذرانہ پیش کیا۔ انہوں نے توقع ظاہر کی کہ ملت تشیع ، مصائب و ابتلا کی اس مشکل گھڑی میں انتہائی صبروتحممل کے ساتھ اپنا قومی سفر جاری رکھے گی۔
وحدت نیوز (اسلام آباد) برسی شہید قائد علامہ سید عارف حسین الحسینی کے موقع پر مجلس وحدت مسلمین پاکستان کے زیر انتظام دفاع وطن کنونشن میں متفقہ طور پر قراردارتیں منظور کی گئیں جن کی حاضرین نے نعرہ تکبیر بلند کرتے ہوئے تائید کی۔ منظور کی گئی گئیں قراردادوں کے مطابق، شیعیان پاکستان کا اسلام آباد میں منعقدہ عظیم الشان وفاع وطن کنونشن کے شرکاء عہد کرتے ہیں کہ تمام تر قربانیوں اور دہشت گردی کے باجود ملک عزیز پاکستان کی نظریاتی اور جغرافیائی سرحدوں کی اپنی جان و مال سے حفاظت کریں گے، اس لیے کہ پاکستان بنایا تھا اور پاکستان کو بچائیں گے۔
دفاع وطن کنونشن کے شرکا عہد کرتے ہیں کہ مجلس وحدت مسلمین کے سیکریٹری جنرل علامہ راجہ ناصر عباس جعفری کی قیادت میں ملک میں اتحاد وحدت کا پرچم سربلند رکھیں گے اور ہر اس قوت کے خلاف قیام کریں گے جو مسلمانان عالم کے مابین استعماری قوتوں کے ایما پر تفرقہ اور نفرت پھیلانے کی ناکام کوشش کرتے ہیں۔
مجلس وحدت مسلمین پوری پاکستانی قوم کو دعوت دیتی ہے کہ ملک میں عدل کے نفاذ اور مظلوم کی حمایت اور ظالم کے خلاف مجلس کا ساتھ دیں اور ملک سے ظلم و استبداد کے نظام کے خاتمے کے لیے مجلس وحدت مسلمین کے دست وبازو بنیں۔
مجلس وحدت مسلمین تمام محب وطن مذہبی و سیاسی قوتوں کو اپنے شانہ بشانہ چلنے اور ملک سے فرسودہ نظام کے خاتمے اور ملک کی ترقی اور استحکام کے لیے ہم آواز ہونے کی دعوت دیتی ہے۔ ہمارے دروازے ہر وطن دوست قوت سے مذاکرات کے لیے کھلے ہیں۔
حکمران دہشت گردوں، فوج اور قوم کے قاتلوں سے مذاکرات کے بجائے ان کے خلاف بھرپور کارروائی کرے۔
ملک دشمن اسلام دشمن قوتوں کے چہروں سے اب نقاب اتر چکی ہے، اسلام کا لبادہ اوڑھ کر اسلام کی اصل اساس اور سنہری اصولوں کو پامال کرنے والے چند مٹھی بھر دہشت گردوں کے چہرے بے نقاب ہو چکے ہیں اور اب پوری قوم ان مٹھی بھر دہشت گردوں کے عزائم سے آگاہ ہو چکی ہے، وقت ہے کہ ان دہشت گردوں کا قلع قمع کرنے لیے ملکر جدوجہد کریں۔
ملک سے دہشت گردی کے ناسور کے خاتمے کے لیے قوم اب سیاسی جماعتوں سے مایوس ہوچکی ہے، آل پارٹیز کانفرنس بھی فقط نشستن، خوردن اور برخاستن ثابت ہوگی، اگر حکمران جماعت دہشت گردی کے خاتمے کے لیے مخلص ہے تو مصلحت پسندی کو بالائے طاق رکھ کر دہشت گرد مٹھی بھر گروہ کے خلاف جرات مندانہ عملی اقدامات کرنے ہوں گے۔
مجلس وحدت مسلمین پاکستان دہشت گردی کے خاتمے کے لیے قومی حکمت عملی کے لیے عملی کردار ادا کرنے کے لیے تیار ہے۔
مجلس وحدت مسلمین اپنے بھرپور سیاسی تشخص کے ساتھ تمام سیاسی قوتوں کو وطن میں جمہوریت اور جمہوری اداروں کے اقدار کی بحالی اور ان کے استحکام کے لیے بھی اپنا بھرپور کردار ادا کرنے کے لیے تیار ہے۔
مجلس وحدت مسلمین حکمران جماعت مسلم لیگ نواز کے سربراہ وزیر اعظم نوازشریف سے مطالبہ کرتی ہے کہ وہ شام پر ممکنہ امریکی جارحیت اور وہاں جاری دہشت گردی کی بھرپور مذمت کرے اور اپنا بھرپور کردار ادا کرے ایسے کسی بھی فیصلے سے گریز کیا جائے جو اسلام اور مسلمین کے خلاف ہو۔
مجلس وحدت مسلمین غاصب اور جارح امریکا اور اس کے حواریوں کو متنبہ کرتی ہے کہ وہ مسلمان ممالک پر جارحیت سے گریز کریں اور اپنے ناپاک عزائم کی تکمیل کے لیے جھوٹ کا سہارا لیکر شام پر حملے سے اجتناب کریں ورنہ شام پوری امت مسلمہ کا نکتہ اتحاد بن کر ابھرے گا اور ان ظالم صیہونی قوتوں کا غرور خاک میں ملادے گا۔
مجلس وحدت مسلمین مسلمانان عالم کو شام کے مسئلے پر آگاہ رہنے، شعور اور فکر کے ساتھ ظالم اور مظلوم کی شناخت رکھنے، اتحاد اور وحدت کو برقرار رکھنے کے لیے امریکا، اسرائیل اور ان کے حواریوں کی جانب سے ہر قسم کی سازش سے ہوشیار رہنے کی تاکید کرتی ہے اور پاکستان کی تمام سیاسی و مذہبی جماعتوں کو وحدت کے لیے حقیقی کردار ادا کرنے کے لیے دعوت دیتی ہے۔
وحدت نیوز (اسلام آباد) برسی شہید قائد علامہ سید عارف حسین الحسینی کی مناسبت سے منعقدہ دفاع وطن کنونشن میں شرکاء سے خطاب کرتے ہوئے مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے کہا ہے کہ دہشت گرد امریکا اور اسرائیل کے ایجنٹ ہیں جو اسلام کو بدنام کرنا چاہتے ہیں، شام کا جرم اسرائیل کو تسلیم نہ کرنا، امریکا کے آگے سر نہ جھکانا اور فلسطین کی مزاحمتی تحریک کی حمایت کرنا ہے، شام میں امریکا اور اسرائیل کے ہاتھوں عرب ممالک استعمال ہورہے ہیں، پاکستان سے اگر دہشت گردی کے ناسور اور امریکی نفوذ کو ختم کرنا ہے تو آل سعود کا راستہ روکنا ہوگا، پاکستانی حکمران وطن سے دہشت گردی کا خاتمہ چاہتے ہیں تو وہ تمام مصلحتوں کو بالائے طاق رکھ کر مٹھی بھر دہشت گرد گروہ کے خلاف جرات مندانہ اقدام کرنا ہوگا، دہشت گردوں سے مذاکرات نہیں ان سے آھنی ہاتھ نمٹا جائے، آل پارٹیز کانفرنس میں حکمرانوں نے اگر دہشت گردوں کا سر کچلنے کا فیصلہ نہیں کیا گیا تواس کا واضح مطلب یہ ہے کہ وہ دہشت گردوں کے سرپرست اورامریکا کے ایجنٹ ہیں۔
انہوں نے کہا کہ مجلس وحدت مسلمین ملک سے دہشت گردی کے خاتمے کے لیے تمام محب وطن قوتوں کے ساتھ چلنے کے لیے تیار ہیں ، اگرحکمران اجاز ت دیں تو وطن کی نظریاتی اور جغرافیائی سرحدوں کی حفاظت کے لیے مجلس وحدت مسلمین کے 313 جوان پاک فورسز کے شانہ بشانہ دہشت گردی کے خاتمے کے لئے حاضر ہیں، پاکستان میں دہشت گردی کا سب سے زیادہ شکار ملت جعفریہ ہے لیکن آل پارٹیز کانفرنس میں ہمیں نظر انداز کرکے دہشت گردی کے خلاف کوئی واضح حکمت عملی تشکیل نہیں دی جاسکتی۔ علامہ راجہ ناصر عباس نے کہا کہ سنی و شیعہ ملک کے دو بازو اور آنکھیں ہیں یہ دو بازو مل کر اتحاد و وحدت سے ملک کا دفاع کرسکتے ہیں۔ انہوں نے اہلسنت کے تمام مکاتب فکر کو مخاطب کرتے ہوئے کہا کہ برادارن اہلسنت کی بصیرت کو سلام پیش کرتے ہیں اور ان کے مشکور ہیں کہ چند مٹھی بھر دہشت گرد وں نے اسلام اور اہلسنت برادران کا لبادہ اوڑھ کر اسلام کو بدنام کرنے کی مذموم کوشش کی لیکن اہلسنت برادران نے ان کو اپنی صفوں میں داخل نہیں ہونے دیا، یہ دہشت گرد نہ تو دیوبندی ہیں نہ اہلحدیث اور نہ ہی ان کا تعلق بریلوی مکتب فکر سے ہے ان کاقبلہ امریکا اور اسرائیل ہے، اگر یہ دیوبندی ہوتے تو جماعت اسلامی کے سابق امیر مرحوم قاضی حسین احمد پر حملہ نہ کرتے اور مولانا حسن جان کو شہید نہ کرتے، اگر یہ بریلوی ہوتے تو مولانا سرفراز نعیمی کو شہید نہ کرتے، اولیا اللہ کے مزارات اور مقدس مقامات کی بے حرمتی نہ کرتے، اگر یہ مسلمان ہوتے تو مساجد اور امام بارگاہوں میں نمازیوں کو خون میں نہ نہلاتے، اب ان دہشت گردوں کے چہروں سے نقاب اتر گئی ہے۔
ایم ڈبلیو ایم کے سربراہ نے کہا کہ اب وقت آگیا ہے کہ تمام مکاتب فکر کے مسلمان متحدہوکر آل سعود کے خلاف منظم آواز بلند کریں ۔انہوں نے شام اور مصر کی صورت حا ل پر جمعہ 13ستمبر کو ملک بھر میں احتجاجی مظاہروں کا اعلان کیا۔ انہوں نے کہا کہ جمہوریت کا راگ الاپنے والے بتائیں کے سعودیہ عرب ، قطر ، اردن اور عرب امارات میں کون سے جمہوریت ہے ، آل سعود اگر جمہو ریت کے اتنے ہی حامی ہیں تو مصر میں منتخب حکومت کی مخالفت کیوں کی ، افسوس کے اسلام کے خلاف امریکہ اور اسرائیل پلاننگ کر تے ہیں سعودی عرب وسائل فراہم کر تا ہے ، اور یہ دہشت گرد ان کے ایجنٹ کا کردارادا کر تے ہیں ۔علامہ راجہ ناصر عبا س نے کہا کے وطن کے دفاع کے لیئے پاک فوج، پولیس، صحافی، علماء، شعراء، انجینئرز، ڈاکٹرز اور قوم کے ہر اس فرد کو سلام پیش کرتے ہیں کہ جنہوں نے اپنی جانوں کا نذرانہ پیش کیا، ہمارا خصوصی سلام ہو شہید ملت شہید علامہ عارف حسین الحسینی کو کہ جنہوں نے اپنے پاک خون سے اس شجر کی آبیاری کی دفاع وطن کنونشن کے شرکاء شہید عارف حسینی سمیت تمام شہداء سے تجدید عہد کر تے ہیں کہ اس وطن کے دفاع کے لئے اپنی جانوں کا نذرانہ پیش کرنے سے بھی گریز نہیں کر یں گے۔
وحدت نیوز (اسلام آباد) مجلس وحدت مسلمین پاکستان کے زیر اہتمام اسلام آباد میں منعقدہ دفاع وطن کنونشن سے خطاب کر تے ہو ئے مرکزی ڈپٹی سیکریٹری جنرل علامہ امین شہیدی نے کہا کہ طالبان سے مزاکرات مسائل کا حل نہیں ہے ، مسائل کا حل قاتلوں سے قصاص لینے میں ہے ، ڈی آئی خان جیل واقعے کے اصل مجرم وہ سول اور وردی والی انتظامیہ ہے جس نے اس خیانت پر خاموشی اختیار کی ،دفاع وطن کا مطلب یہ ہے کہ وطن کے باوفا بیٹے مادر وطن کے دفاع کے لئے میدان میں حاضر ہوں ہمیں ہر حال میں دہشت گردوں کا راستہ روکنا ہے اور یہ ہماری ذمہ داری ہے ۔ ان کا کہنا تھا کہ شام میں امریکی ، سعودی و اسرائیل ایماء پر دہشت گرد بے گناہوں کے قتل عام میں مصروف ہیں ،افسوس ناک پہلو یہ ہے کہ پاکستان عالمی سطح پر دہشت گرد برآمد کرنے والی فیکٹری بن چکا ہے ، جب تک دہشت گردوں کے خلاف ٹھوس اور منظم حکمت عملی مرتب نہیں کی جائے گی پاکستان مسائل گرداب سے نہیں نکل سکے گا۔
انہوں نے کہا کہ دہشت گردوں کو فقط گرفتار کر نے سے ملک کے حالات درست نہیں ہو ں گے، انہیں تختہ دار پر لٹکا کر دوسروں کے لئے مثال قائم کی جائے تاکہ جرائم پر قابو پایا جاسکے۔ انہوں نے پاکستان کے طول و عرض سے اسلام آباد میں جمع ہو نے والے عاشقان عارف حسینی (رہ) کو خراج تحسین پیش کر تے ہو ئے کہا کے ملک کے دہشت زدہ ماحول میں بھی آپ ماؤں، بہنوں، جوانو ں، بزرگوں اور بچوں نے اکھٹے ہوکر ثابت کر دیا کہ اس وطن کی نظریاتی اور جغرافیائی سرحدوں کی حفاظت کے لئے جب کبھی ہمارے لہو کی ضرورت پڑے گی ہم میدان میں حاضر نظر آئیں گے۔
