The Latest
وحدت نیوز (بلتستان) مجلس وحدت مسلمین پاکستان بلتستان ڈویژن کے سیکرٹریٹ میں اتحاد بین المسلمین کے حوالے سی ایک عظیم الشان نشست کا انعقاد ہوا، جس میں اہل سنت والجماعت اور اہل حدیث کے علمائے کرام نے شرکت کی۔ مکتب اہل حدیث کی نمائندگی کرتے ہوئے مرکز اہل حدیث کے امام جمعہ و خطیب علامہ عبدالقادر رحمانی نے شرکت کی جبکہ اہل سنت مکتب فکر کی طرف سے خطیب مرکز اہل سنت مولانا ابراہیم جلیل نے شر۔مجلس وحدت مسلمین پاکستا ن بلتستان ڈویژن کے سیکرٹری جنرل علامہ آغا علی رضوی اور مجلس وحدت مسلمین صوبہ گلگت بلتستان کے سیکرٹری جنرل بزرگ عالم دین علامہ آغا مظاہر حسین موسوی نے اہل سنت اور اہل حدیث کے علمائے کرام کا مجلس وحدت کی ڈویژنل سیکرٹریٹ میں آمد میں دل کی گہرائیوں سے خوش آمدید کہا اور خیر مقدم کیا۔ مجلس وحدت کے علمائے کرام نے ان کی تشریف آوری کا شکریہ بھی ادا کیا اور امید ظاہر کیا کہ محبتوں اور رفاقتوں کا یہ سلسلہ جاری رہیگا۔
وحدت مسلمین کے حوالے سے منعقدہ محفل میں گفتگو کرتے ہوئے مکتب اہل حدیث کے خطیب اور امام جمعہ علامہ عبدالقادر رحمانی نے گفتگو کرتے ہوئے کہا کہ نہایت خوشی کا مقام ہے کہ مجلس وحدت نے عملی وحدت کا اظہار کرتے ہوئے ہمیں یہاں بلایا۔ انہوں نے کہا کہ ہم ادیان نہیں بلکہ ایک ہی دین سے تعلق رکھنے والے ہیں ہمارا دین، کعبہ، قرآن یعنی سارے ماخذ ایک ہیں اور مشترکات کے مقابلے میں متفرقات نہ ہونے کے برابر ہے ضرورت اس امر کی ہے کہ ہم متفرقات کو اچھالنے اور متنازعات کو چھیڑنے کے بجائے مشترکات پر کام کریں، مشترکات کی تشہیر کریں۔ انہوں نے کہا کہ عالم اسلام کے درمیان تفرقہ ڈالنے والے ان ہاتھوں کو تلاش کرنے اور قطع کرنے کی ضرورت ہے جو امریکہ کے اشارے پر مسلمانوں میں اختلافات ڈال رہا ہے۔ اس وقت دنیا میں مسلمانوں کو درپیش تمام تر مسائل اور مشکلات کا ذمہ دار ہی امریکہ نہیں بلکہ امریکہ کا پیدا کردہ ہے خواہ اس کا تعلق افغانستان سے ہو، عراق سے ہو یا پاکستان سے۔
جماعت اہل سنت کے عالم دین مولانا ابراہیم جلیل نے اپنی گفتگو میں کہا کہ ہمیں بحثی اور کلامی و علمی سے بڑھ کر عملی وحدت کی ضرورت ہے اور عملی وحدت دیرپا بھی ہوتی ہے جس کی بنیاد خلوص پر قائم ہو۔ انہوں نے کہا کہ میں گلگت بلتستان میں شیعہ عالم دین علامہ راحت حسینی کا معتقد تھا آج میں کچھ زیادہ ہی معتقد ہوا ہوں۔ انہوں نے گلگت کے ان سخت ترین حالات میں وحدت قائم کرنے کی کوشش کی اور وہ خود تبلیغی اجتماع میں شرکت کر کے عملی وحدت کا ثبوت دیا اور گلگت بلتستان میں وحدت و اخوت کی عظیم مثال قائم کی۔ انہوں نے یہ بھی کہا کہ ہم علمائے کرام کو زیادہ فراخدلی اور حوصلے کے ساتھ آگے بڑھنے کی ضرورت ہے اگر ہم علماء فروعی اختلافات کو محاذ جنگ بنا کر رہیں گے، تو یقیناً نتیجے میں اسلام کمزور ہو گا۔ فروعات میں اختلافات تو دشمنی نہیں، بلکہ فروعی اختلافات تو اہل سنت کے درمیان بھی ہیں۔
اس موقع پر مجلس وحدت مسلمین کے رہنما آغا سید مظاہر حسین موسوی اور آغا علی رضوی نے گفتگو کے دوران کہا کہ ہم اس رہبر کے ماننے والے ہیں جو مسلمانوں میں تفرقہ کے حوالے کے حرمت کا فتوی دے چکا ہے جو اہل سنت کے مقدسات کی توہین کو غیر شرعی فعل سمجھتا ہے اور حرام قرار دیا ہے۔ رہبر معظم دنیا بھر میں حقیقی وحدت مسلمین کے علمبردار ہیں اور ہم ان کے پیرو ہیں۔ ہم بھی مسلمانوں کے درمیان اختلاف ڈالنے کو نہ صرف جائز نہیں سمجھتے بلکہ جو اختلاف ڈالیں انہیں یہود و نصریٰ کا ایجنٹ سمجھتے ہیں۔ انہوں نے کہا کہ مجلس وحدت مسلمین، اول اتحاد بین المسلمین کو عین عبادت سمجھ انجام دے رہی ہے اور دیتی رہے گی، دوم یہ کہ ہم تو مسلک سے بھی ہٹ کر انسانیت کے معیار کو نظرانداز نہیں کرنا چاہتے، ہم پاکستان میں مظلوموں اور محروموں کے حقوق کی حقوق کی جنگ لڑنے کے لیے میدان میں حاضر میں ہوئے ہیں۔ مسلمان تو ہمارے جسم کا حصہ ہے ہم مظلوموں اور محروموں کی ڈھال بن کر دکھائیں گے، اس سلسلے میں تمام مکاتب فکر کو قدم سے قدم ملا کر چلنے کی ضرورت ہے اور یہ ملاقات انشاءاللہ گلگت بلتستان میں امن کا پیش خیمہ ثابت ہوگی۔
وحدت نیوز (لاہور) سیکرٹری جنرل مجلس وحدت مسلمین شعبہ خواتین پاکستان خانم سکینہ مہدوی نے فیصل آباد میں لوڈشیڈنگ کیخلاف احتجاج کے دوران خواتین پر پولیس گردی کی بھرپور مذمت کرتے ہوئے کہا کہ حکومت کو ابھی ایک ہفتہ بھی اقتدار سنبھالے نہیں گذرا اور عوام خصوصاً خواتین پر تشدد کرکے اپنی کارکردگی میں ایک سیاہ باب رقم کر دیا۔ انہوں نے کہا چادر اور چار دیواری کے تقدس کو پامال کرکے جمہوریت کے راگ الاپنے والوں نے بدترین آمریت کی یاد تازہ کر دی، الیکشن میں کئے گئے بلند و بانگ وعدے دھرے کے دھرے رہ گئے۔
انہوں نے کہا کہ پاکستان کے معاشرے میں خواتین پر ظلم و تشدد روز کا معمول بنتا جا رہا ہے، حکمران طبقہ محض زبانی یا اخباروں میں مذمتی بیان دے کر واقعے کو سرد خانوں کی نذر کر دیتا ہے۔ انہوں نے کہاکہ فیصل آباد واقعے سے قوم کے سر شرم سے جھک گئے ہیں، عوام بالخصوص خواتین کو اپنا حق مانگنے کی اتنی بھاری قیمت ادا کرنی پڑی، ایسے واقعات تو غیر مسلم معاشروں میں بھی نہیں ہوتے۔ انہوں نے مطالبہ کیا کہ اِس گھناؤنے جرم میں ملوث سرکاری ملازمین کو قرار واقعی سزا دی جائے بصورت دیگر قوم کی مائیں، بہنیں، بیٹیاں، سڑکوں پر آنے کیلئے مجبور ہونگی۔
وحدت نیوز (اسلام آباد) سید شہداءحضرت امام حسین(ع) وہ ہستی ہیں جو وجہ تخلیق کائنات ہیں ، امام حسین (ع) خداوند متعال کی آرزو¿ ں کی تکمیل کا نام ہے ، امام حسین (ع) خدا کی عبادتوں کی بقاءکا نام ہے ، اورابولفضل العباس(ع)امام حسین(ع) کے سچے اور با وفا پیرو کا،مطیع و فرمانبردار کا نام ہے،آج دین مبین اسلام تقاضہ کر تا ہے کہ کوئی اٹھے اوراس دین کی بقاءاورسلامتی کے لیئے اپنا حسینی کردارادا کرے ۔ ان خیالات کا اظہارمجلس و حدت مسلمین پاکستان کے سربراہ علامہ راجہ ناصر عباس جعفری نے ماہ انوار شعبان اور یوم ولادت امام حسین(ع) اورمولا ابولفضل العباس(ع) کی مناسبت سے وحد ت ہاﺅس اسلام آباد سے جاری اپنے تہنیتی پیغام میں کیا ۔ علامہ راجہ ناصر عباس جعفری کا کہنا تھا کہ ماہ شعبان خدا کی جانب بلانے والا مہینہ ہے ،مخصوص عبادات و مناجات اس ماہ کا خاصہ ہیں ، اس ماہ میں پرودگار عالم نے عالم بشریت کے لئے انمول نعمتیں آئمہ معصومین (ع)کی صورت میں عطا کیں ، اہل بیت (ع) کی مقدس ہستیوں کی ولادت نے اس ماہ کے ہر دن کو باعث برکت بنا دیا ۔ غرض اس ماہ کا آغاز ہو یا انجام سراپا رحمتوں اور برکتوں کا نزول ہے ۔
انہوں نے مزید کہا کہ امام حسین (ع )اورفقیہ زمان شہنشاہ وفا مولا عباس (ع) کی ولادت کے خوبصورت ایام بھی پر وردگا رعالم نے ہمیں اسی ماہ مبارک میں عطا کیئے ہیں ، ہمیں چاہیئے کہ ان ایام میں امام حسین (ع ) اور حضرت عباس علمدار(ع )کی سیرت کی روشنی میں اپنی زندگیوں کو استور کر نے کی کوشش کریں ، اور اس عزم کا اعادہ کریں کہ جب بھی کبھی اسلام دشمن قوتوں کے ہاتھوں دین مبین خطرے میں پڑے اور کوئی مثل حسین ابن علی ع ہمیں آواز استغاثہ دے تو ہم شہنشاہ وفا حضرت ابوالفضل العباس ع کی طرح میدان استقامت میں ڈٹ جائیں یہاں تک کے ہمارے جسم کے ٹکڑے ٹکڑے کر دیئے جا ئیں اور ہمارے جسم کی راکھ بنا کر ہوا میں ہی کیوں نہ اڑا دی جائے ، لیکن اپنے امام کو تنہا نہ چھوڑیں۔
ان کا کہنا تھا کہ آ ج بھی عالم کفرو نفاق عالم اسلام کے قلب میں خنجر اتارنے کے درپہ ہے ، سیرت امام حسین ومولا عباس ہم سے تقاضہ کرتی ہے کہ ایمانی قوت اور تقویٰ الہیٰ کو اختیار کر تے ہو ئے ہم میدان شجاعت وشہادت میں قدم رکھیں ، اخلاص نیت اوراخلاص عمل ہمارے پیش نگاہ ہو پھر یہ ممکن ہی نہیں کہ خدا اور اس کے مقرب ملائکہ ہماری مدد اور نصرت کے لئے حاضر نا ہوں ۔
وحدت نیوز (بلتستان) مجلس وحدت مسلمین پاکستان بلتستان ڈویڑن ضلع شگر میں ضلعی کابینہ مکمل ہو گئی ہے ، شگر کے تمام آئمہ جمعہ بشمول شگر کے مایہ ناز عالم دین آغا طہٰ چھورکاہ نے مجلس وحدت میں شمولیت اختیار کرتے ہوئے باقاعدہ تنظیمی ڈپٹی سیکرٹری جنرل کا حلف اٹھایا۔
مجلس وحدت مسلمین پاکستان بلتستان ڈویڑن ضلع شگر میں تنظیم سازی کے سلسلے میں سیکرٹری جنرل بلتستان ڈویڑن آغا سید علی رضوی کے ساتھ ایک وفد نے شگر کا دورہ کیا۔ اس وفدمیں علامہ شیخ علی محمدکریمی ، آغائے شبیر رجائی اور سید ہادی الحسینی شامل تھے۔ ضلعی سٹریکچر میں شیخ ضامن علی مقدسی کو سیکرٹری جنرل ضلع شگر کے طور پر انتخاب سیکرٹری جنرل مجلس وحدت مسلمین پاکستان علامہ راجہ ناصر عباس جعفری کے دورہ شگر کے موقع پر ہوا تھا جبکہ کابینہ میں ڈپٹی سیکرٹری جنرل کے طور پر آغا طہٰ موسوی چھورکا ہ کو منتخب کیا۔ ان کے علاوہ دیگر کابینہ اراکین میں علامہ شیخ شیر محمد نجفی،شیخ محمد اسماعیل ،شیخ رستم علی ،شیخ فدا حسین عابدی،شیخ زکاوت حسین توکلی ،شیخ سخاوت حسین جوادی ،شیخ محمد قاسم ،شیخ محمد ابراہیم بہشتی ،شیخ محمد کاظم ذاکری اور شیخ شیر محمد شامل تھے۔ سیکرٹری جنر ل مجلس وحدت مسلمین علامہ آغا علی رضوی نے کابینہ کے اراکین سے حلف لیا اور بزرگ عالم دین علامہ سید محمد طہٰ شمس الدین کومجلس وحدت میں دیگر علمائے کرا م کے ہمراہ باقاعدہ شمولیت پر شکریہ بھی ادا کیا۔
وحدت نیوز (بلتستان) مجلس وحدت مسلمین بلتستان کے سیکرٹری جنرل علامہ سید آغا علی رضوی کی سربراہی میں ضلع شگر کے نو منتخب اراکین کا بینہ کے ایک وفد نے پیر امامیہ نوربخش پروفیسر سیدحسن شاہ سے ملاقات کی۔وفد سے گفتگو کرتے ہوئے پروفیسر سید حسن شاہ نے کہا شگر کی تاریخ میں یہاں کے علمائے کرام نے متفقہ طور پر مجلس وحدت مسلمین میں شمولیت کر کے وحدت کی بہتریں مثال پیش کی۔علمائے شگر کا یہ احسن اقدام اہلیان شگر اور یہاں کے دیگر مکاتب فکر کیلئے خوش آئند ہے۔اور یہ تاریخی عملی وحدت کا مظاہرہ بھی ہے اس کا کریڈٹ مرکزی سربراہ مجلس وحدت مسلمین پاکستان علامہ راجہ ناصر عباس جعفری اور آغا سید علی رضوی صاحب کو جاتا ہے جنہوں نے ہر مشکل وقت میں بلتستان کے مظلوم اعوام کا بھر پور دفاع کیا اور میدان میں عملی طور پر حاضر رہے۔انہون نے کہا کہ بلتستان کے غیور عوام اپنے محسنوں کو کبھی فراموش نہیں کرتے ہمیں یاد ہے سانحہ چلاس وکوہستان ہو یا سانحہ بابوسر ٹاپ مجلس وحدت مسلمین نے ایک ہفتہ تک تاریخ میں پہلی دفعہ اسلام آباد میں پارلیمنٹ ہاوس کے سامنے دھرنا دیا بلکہ پوری دنیا میں اس ملت مظلوم ومحکوم کے لئے آواز بلند کر کے حقیقی وارثین شھدا کا ثبوت دیا یہی وجہ ہے یہاں ملت اسلامیہ کا ہر فرد مجلس وحدت مسلمین کو اپنے لئے ڈھال اور نجات دہندہ سمجھتے ہیں۔
آخر میں مجلس وحدت مسلمین بلتستان کے سیکرٹری جنرل علامہ آغا سید علی رضوی نے پروفیسر سید حسن شاہ کا شکریہ ادا کرتے ہوے کہا کہ مجلس وحدت مسلمین فرقہ واریت ،لسانیت،ذاتیات سے بالا تر ہو کر امت مسلمہ کو ایک پلیٹ فارم پر جمع کر کے اسلام دشمن استعماری قوتوں کے خلاف میدان عمل میں خواہ حلات جو بھی ہوں ڈٹ جانے کا نام ہیں ہم ہر اس مظلوم کے حامی ہیں خواہ وہ کافر ہوں اور ہر اس ظالم کے مخالف ہیں خواہ وہ مسلمان ہی کیوں نہ ہوں۔
وحدت نیوز (کراچی) مجلس وحدت مسلمین ڈسٹرکٹ ملیر کے سیکریٹری اطلاعات برادرسید محمد جعفررضوی نے ایک بیان میں کہا ہے کہ ایم ڈبلیو ایم ضلع ملیر کا دوسرا تنظیمی افکار امام خمینی کنونشن 16جون بروز اتوار مرکزی امام بارگاہ جعفر طیار سوسائٹی ملیر میں منعقدکیا جائے ۔جسمیں آئندہ تین سالوں کے لیئے نئے ضلعی سیکریٹری جنرل کا انتخاب عمل میں لا یا جائے گا ۔
ان کا کہنا تھا کہ اجلاس کا باقائدہ آغاز تلاوت کلام پاک سے ٹھیک 3بجے سہ پہر ہو گا ، جس میں علماءکے خطبات کے علاوہ ضلع اور یونٹس اپنی تین سالہ کارکردگی رپورٹ پیش کریں گے ، اور اجلاس کے اختتام پر تمام اراکین ضلعی شوریٰ استصوابے رائے سے نئے ضلعی سیکریٹری جنرل برائے سال 2013تا 2016کا انتخاب عمل میں لائیں گے ۔جبکے نو منتخب ضلعی سیکریٹری جنرل سے ڈویژنل سیکریٹری جنرل برادر حسن ہاشمی ان کے عہدے کا حلف لیں گے ۔
وحدت نیوز (ملتان) مجلس وحدت مسلمین ملتان کے سیکرٹری جنرل علامہ سید اقتدار حسین نقوی نے کہا ہے کہ ڈرون حملے ملکی سلامتی و خود مختاری پر حملے ہیں اب صرف یہ کہنے سے کام نہیں چلے گا ڈرون حملوں کا باب بند ہونا چاہئے اس کو روکنے کیلئے فوری طور پر اقدام کرنے کی ضرورت ہے۔ ڈرون حملوں میں عام آدمی بھی مررہے ہیں۔ بجلی کی طویل اور غیر اعلانیہ لوڈشیڈنگ عوام کی زندگیوں کو اجیرن بنا دیا ہے۔ ان خیالا ت کا اظہار اُنہوں نے ملتان میں میڈیا سے خصوصی گفتگو کرتے ہوئے کیا۔ اُنہوں نے کہا کہ بدانتظامی، بد نیتی، کرپشن نے عوام پر لوڈشیڈنگ کا عذاب مسلط کردیا ہے جبکہ ملک میں ضرورت کے مطابق بجلی پیداکرنے کے تمام ذرائع موجود ہیں۔ صنعت، زراعت گھریلو صارفین کو بلا تعطل بجلی فراہم کی جائے۔ جو حکومت بجلی دے گی دہی چلے گی۔
انہوں نے مزید کہا کہ امریکہ اور اُس کے اتحادیوں کی نام نہاد دہشت گردی کیخلاف جنگ حقیقت میں اسلام اور مسلمانوں کے خلاف ہے ان کے ایجنڈے میں صرف مسلمانوں کو مارنا ہی نہیں بلکہ ان کو لادین بنانا بھی شامل ہے۔ دینی مدارس کا خاتمہ اور تعلیمی نصاب میں بنیادی تبدیلی اس سلسلے کی کڑی ہے۔ انہوں نے کہا کہ اردو کی جگہ انگریزی کو ذریعہ تعلیم بنایا جارہا ہے جبکہ دنیا بھر کے ماہرین تعلیم کی رائے یہ ہے کہ اپنی قومی اور مادری زبان سے ہی ترقی کی جا سکتی ہے۔ انگریزی کی بجائے اردو کو ذریعہ تعلیم بنایا جائے عصری علوم کیلئے جو انگریزی پڑھنا چاہتا ہے وہ ضرور پڑھے اور قرآن کو سمجھنے کیلئے عربی پڑھائی جائے۔
وحدت نیوز (اسلام آباد) مجلس وحدت مسلمین پاکستان کی تنظیم سازی کا مرحلہ جاری ہے، مرکز اور صوبائی سطح پر تنظیم سازی کا مرحلہ مکمل کرلیا گیا ہے۔ اس سلسلے میں مرکزی کابینہ میں شعبہ جوان کی مسئولیت کے لئے برادر فضل عباس نقوی ایڈووکیٹ کو نامزد کر لیا گیا ہے ،مرکزی سیکریٹری جنرل علامہ راجہ ناصرعباس جعفری نے برادر فضل عباس نقوی ایڈووکیٹ کو شعبہ جوان کا سیکریٹری مقرر کرنے کے فیصلے کی توثیق کردی ہے ۔
تفصیلات کے مطابق شعبہ جوان کےصوبائی، ڈویژنل، ضلعی اور یونٹس کی سطح پر اسٹرکچرز بنائے جائیں گے، ملک گیر سطح پر شعبہ جوان کو ازسر نو منظم کر کےایک قومی ادارہ مرتب کیا جائے گا ،تاکہ جوانوں کی تبلیغی ، سماجی ، سیاسی اور اجتماعی رہنمائی کی جائے اور مستقبل میں وہ مجلس وحدت مسلمین پاکستان کے دست و بازو بن سکیں ۔
وحدت نیوز (بلتستان) مجلس وحدت مسلمین پاکستان شعبہ فلاح و بہبود خیر العمل فائونڈیشن کے زیر اہتمام بلتستان بھر کے سینکڑوں مستحق یتیموں میں امدادی رقوم تقسیم کی گئی۔
اطلاعات کے مطابق تین سو پچاس سے زائد حقدار یتیموں میں اٹھارہ لاکھ سے زائد امدادی رقوم تقسیم کی گئی۔ اس سلسلے میں بتایا جارہا ہے کہ سولہ سال تک کے حقدار یتیم بچوں کی مالی امداد کا ایک وسیع پروگرام پورے ملک میں شروع کیا گیا ہے اور یہ اس سلسلے کی ایک کڑی ہے۔ جس کا مقصد ان بچوں کی تعلیمی و دیگر ضروریات کو پورا کیا جا سکے۔
مجلس وحدت مسلمین پاکستان کے شعبہ فلاح و بہبود خیر العمل فائونڈیشن کے ذرائع کا کہنا ہے کہ مظلوم اور محروم طبقہ کی حمایت اور ان کی مالی و اخلاقی امداد کے لیے وسیع پیمانے پر پروجیکٹس شروع کئے جارہے ہیں۔
وحدت نیوز (کوئٹہ) مجلس وحدت مسلمین بلوچستان کے زیرانتظام کوئٹہ میں نوجوانوں کے لئے فرسٹ ایڈ تربیتی پروگرام بینظیر بھٹو اسپتال میں منعقد ہوا۔ ڈاکٹر افتخار حسین نے ابتدائی طبی امداد کے موضوع پر نوجوانوں کو لیکچر دیا۔ اس موقع پر خطاب کرتے ہوئے مجلس وحدت مسلمین بلوچستان کے سیکرٹری جنرل علامہ مقصود علی ڈومکی نے کہا کہ مختلف حادثات اور سانحات کی صورت میں فوری طبی امداد بے حد ضروری ہے۔ ہمارے نوجوانوں کے لئے فرسٹ ایڈ یا ابتدائی طبی امداد کی تربیت مفید ہیں تاکہ حادثات کی شکار دکھی انسانیت کی بہتر مدد کی جاسکے۔ ان کا کہنا تھا کہ حدیث پاک میں ہے کہ تم میں بہترین انسان وہ ہے جو لوگوں کو زیادہ سے زیادہ فائدہ پہنچائے۔ ہمیں بلا تفریق رنگ، نسل و مذہب انسانیت کی خدمت کرنی چاہیے۔ انہوں نے کہا کہ یہی انبیاء کرام اور اوصیاء کی سیرت ہے۔ اس موقع پر نوجوانوں کو حادثہ کے شکار زخمیوں کو فوری طبی امداد کے طریقے سمجھائے گئے اور عملی پر یکٹس کرائی گئی۔
