The Latest
وحدت نیوز (ملتان) گزشتہ روز راولپنڈی کے علاقے واہ کینٹ میں دہشتگروں کی فائرنگ سے شہید ہونے والے سید محمد رضا جعفری کی نماز جنازہ امام بارگاہ حیدریہ گلگشت ملتان میں ادا کردی گئی، نمازہ جنازہ آغا عمران عباس کی اقتداء میں ادا کی گئی، نماز جنازہ میں سینکڑوں افراد نے شرکت کی اور شہید کو خراج تحسین پیش کیا۔ نماز جنازہ میں مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی، ڈپٹی سیکرٹری جنرل محمد عباس صدیقی، علامہ قاضی نادر حسین علوی، علامہ ناصر عباس مہدوی،سابق ممبر قومی اسمبلی شیخ طارق رشید، اصغر عباس نقوی، بشارت عباس قریشی، یافث نوید ہاشمی(ایڈووکیٹ)سید محمد علی رضوی، ثقلین نقوی، سید اظہر حسین کاظمی، پروفیسر سعید جعفری، اعظم جعفری اور دیگر نے شرکت کی۔ قبل ازیں شہید کی جسد خاکی بذریعہ سڑک واہ کینٹ سے ملتان لائی گئی جہاں تجہیز تکفین کی گئی، شہید کو بہشت زہراء قبرستان میں دفن کیا گیا۔ علاوہ ازیں مجلس وحدت مسلمین جنوبی پنجاب کے سیکرٹری جنرل علامہ سید اقتدار حسین نقوی نے واقعہ کی شدید مذمت کرتے ہوئے کہا کہ پنجاب حکومت دہشتگردوں کے ساتھ گٹھ جوڑ کررہی ہے جس کے نتیجے میں آئے روز ہماری لاشیں گرائی جارہی ہیں، کالعدم جماعتوں کے رہنمائوں کے خلاف ایکشن کی بجائے اُنہیں پروٹوکول دیا جارہا ہے۔
وحدت نیوز (ملتان) مجلس وحدت مسلمین پاکستانی جنوبی پنجاب کے سیکرٹری جنرل علامہ سید اقتدار حسین نقوی نے کہا ہے کہ عزاداری سید الشہداپر کسی قسم کی کوئی پابندی قبول نہیں کی جائے گی، مقدمات اور قید و بند کی صعوبتیں ہمارا راستہ نہیں روک سکتیں، حکومتوں نے ہمارے خلاف مقدمات بنائے، بے گناہ لوگوں کو گرفتار کیا، تشدد کیا لیکن دیکھ لیایہ عزاداری کم ہونے کی بجائے اور زیادہ ہوئی ہے۔ ان خیالات کا اظہار اُنہوں نے ملتان میں ڈسٹرکٹ جیل سے رہاہونیوالے افراد سے ملاقات کے دوران کیا۔ اس موقع پر مجلس وحدت مسلمین کے کارکنوں اور رہنمائوں نے اسیروں کا شانداراستقبال کیا اس موقع سینکڑوں افراد موجود تھے جنہوں نے لبیک یا حسین کے نعرے لگائے۔گزشتہ روز خانیوال کے علاقے بڑجھ سرگانہ میں جلوس نکالنے پر قید 19افراد کی ضمانت منظور کی گئی تھی جن کی رہائی کا عمل آج مکمل ہوا۔ رہا ہونے والوں میں محمد حیات، عدیل حیات،محمد عارف،محمدرضا، علی رضا، حسنین، سبطین، زمرد لنگاہ، اختر عباس، غضنفر عباس، حاجی مختار،ثمر عباس، سجاد حسین، مہتاب،اعجاز ،ناصر اور دیگر شامل تھے۔
اس موقع پر مجلس وحدت مسلمین جنوبی پنجاب کے ڈپٹی سیکرٹری جنرل محمد عباس صدیقی، علامہ ناصر عباس مہدوی،ضلعی سیکرٹری جنرل سید ندیم عباس کاظمی، سید وسیم عباس کاظمی اور صوبائی ترجمان ثقلین نقوی بھی موجود تھے۔ علامہ اقتدار نقوی نے مزید کہا کہ پنجاب پولیس اور حکومت عزاداروں سے تعاون کی بجائے مشکلات پیدا کررہی ہے، اگر عزاداروں کے مسائل حل نہ ہوئے تو صفر میں جلوسوں کو دھرنوں میں تبدیل کردیں گے۔ اُنہوں نے کہا کہ پنجاب حکومت میں دہشتگردوں کی سرپرستی کرنے والے افراد موجود ہیں، پنجاب کے بعض وزراء اور افسران کالعدم جماعتوں کو سپورٹ اور اُن کی پشت پناہی کرتے ہیں۔ جب تک نیشنل ایکشن پلان ایسے عناصر کے خلاف نہیں کیا جائے گا پنجاب میں دہشتگردی کا خاتمہ ممکن نہیں ہوسکتا، حکومتی اداروں میں دہشتگردانہ سوچ کے حامل افراد کا ہونا ریاست کے لیے لمحہ فکریہ ہے، بعض قوتیں غلط پروپیگنڈے کرکے قوم میں انتشار پیدا کرنا چاہتے ہیں۔
وحدت نیوز (کوئٹہ) عام شہریوں کے پاس تمام دستاویزات موجود ہوتے ہیں مگر اسکے باوجود انہیں پاسپورٹ کے حصول میں دشواریوں کا سامنا ہوتا ہے۔ حکومت کو پاسپورٹ کے حوالے سے مسلسل شکایات موصول ہو رہی ہیں مگر اسکے باوجود حکومت کوئی خاص اقدام اٹھاتی نظر نہیں آرہی ہے۔ مجلس وحدت مسلمین کوئٹہ ڈویژن کے سیکریٹری جنرل عباس علی نے اپنے بیان میں شہریوں کو بے وجہ تنگ کرنے پر پاسپورٹ آفس کی انتظامیہ کی مذمت کرتے ہوئے کہا ہے کہ پاسپورٹ آفس کے اعلیٰ افسران کا رویّہ ناقابل برداشت ہوتا جا رہا ہے، تمام ثبوت و کوائف مکمل ہونے اور کئی مرتبہ ویریفکیشن کے باوجود بھی عوام بالخصوص ہزارہ قوم کو بلاوجہ تنگ کیا جاتا ہے۔ انہوں نے کہا کہ محرم اور چہلم کے ایام میں لوگ بڑی تعداد میں نواسہ رسول صلی اللہ علیہ و آل وسلم کی زیارت کے لئے کربلا جاتے ہیں۔ ان ایام میں حکومت اور پاسپورٹ آفس خصوصی طور پر آسانی پیدا کرنے کے بجائے تعصب سے کام لیتے ہوئے حصول پاسپورٹ میں مزید سختیاں پیدا کر دیتے ہیں۔ دوسری طرف پاسپورٹ آفس کے عملے کا متعصبانہ رویہ پاکستانی قوم اور اداروں کے درمیان نفرتیں پیدا کرنے کا سبب بن رہا ہے۔ عباس علی کا کہنا تھا کہ پاسپورٹ کے اعلیٰ حکام نے افسر شاہی کا نظام قائم کر رکھا ہے اور عوام کوذلیل کرنا اور انکی عزت نفس کو مجروح کرنا اپنا حق سمجھنے لگے ہیں انہوں نے مزید کہا کہ ان حرکات پر حکومت کی خاموشی سے لگتا یہی ہے کہ شاید یہ اسٹیٹ کی پالیسی کا حصہ ہے کہ عوام کوذلیل و خوار رکھا جائے تا کہ عوام ملکی معاملات میں اپنا کردار نہ کر سکے۔ ورنہ پاسپورٹ آفس کے اعلیٰ افسر کے آمرانہ سلوک اور افسر شاہی نظام قائم کرنے کا نوٹس ضرور لیا جاتا۔ بیان میں انہوں نے کہا کہ اب تو یوں لگنے لگا ہے کہ اس ملک میں عوام کی فریاد سننے والا کوئی بھی ادارہ موجود نہیں ہے جو ان کے مشکلات کو حل کر سکے۔ تا ہم حکومت وقت، عدلیہ اور انتظامیہ کی یہ ذمہ داری بنتی ہے کہ سنجیدگی کے ساتھ ان معاملات کا نوٹس لیتے ہوئے پاسپورٹ آفس کے افسران کے خلاف کارروائی کریں۔ بیان کے آخر میں کراچی کے علاقے ناظم آباد میں مجلس پر حملے کی مذمت کی گئی اور وفاقی حکومت سے دہشتگردوں کے خلاف کاروائی شروع کرنے کا مطالبہ کیا گیا۔
وحدت نیوز (جیکب آباد) مجلس وحدت مسلمین پاکستان سندھ کے سیکریٹری جنرل علامہ مقصود علی ڈومکی نے کہا ہے کہ سندھ کے مختلف شہروں میں دہشتگردوں کے ٹریننگ کیمپس اور اڈے موجود ہیں، چپے چپے پر دہشتگردوں کی نرسریاں قائم کی گئی ہیں، کالعدم دہشتگرد تنظیموں کی سرگرمیاں جاری ہیں، پیپلز پارٹی کی اعلیٰ قیادت اور سندھ حکومت ان معاملات کو سنجیدہ لے اور دہشتگردوں کیخلاف فی الفور ایک بھرپور آپریشن کیا جائے گا، کیونکہ کالعدم تنظیمیں ملکی سلامتی کیلئے سب سے بڑا خطرہ ہیں۔جیکب آباد پریس میں پریس کانفرنس سے خطاب کرتے ہوئے علامہ مقصود ڈومکی نے کہا کہ سندھ بھر میں کالعدم تنظیموں اور دہشتگرد عناصر کیخلاف فوجی آپریشن ہونا چاہئے، اگر فوجی آپریشن میں کوئی رکاوٹ یا مشکل ہے تو پولیس اور رینجرز کے ذریعے آپریشن کیا جائے، کیونکہ جو دہشتگردی وانا اور وزیرستان میں ہو رہی تھی، اس کا رخ اب کراچی سمیت سندھ کی طرف موڑا جا رہا ہے، مستونگ سمیت بلوچستان سے دہشتگرد یہاں آتے ہیں، سندھ میں ان کے سہولت کارموجود ہیں،دہشتگردوں کا سندھ میں آنا جانا ایک بہت بڑے خطرے کی گھنٹی ہے۔ انہوں نے کہا کہ کراچی سمیت سندھ بھر میں کالعدم تنظیمیں ناصرف آزادانہ فعالیت جاری رکھے ہوئے ہیں بلکہ آئے روز محب وطن اہل تشیع مسلمانوں کو دہشتگردی و بربریت کا نشانہ بنائے ہوئے ہے، سندھ سمیت ملک بھر میں افراتفری و بدامنی پھیلانے کی سازشوں میں مصروف کالعدم دہشتگرد تنظیمیں ہی ملکی سالمیت کیلئے سب سے بڑا خطرہ ہیں، سیکورٹی ادارے ان کالعدم تنظیموں کیخلاف موثر حکمت عملی کے تحت کارروائی عمل میں لائیں۔
وحدت نیوز (ملتان) مجلس وحدت مسلمین پاکستان جنوبی پنجاب کے سیکرٹری جنرل علامہ سید اقتدار حسین نقوی نے کہا ہے کہ کراچی سمیت سندھ بھر میں کالعدم دہشتگرد تنظیموں کی فعالیت اور اہل تشیع مسلمانوں پر دن دہاڑے حملے اس بات کا کھلا ثبوت ہے کہ سندھ حکومت اور اداروں کے اندر دہشتگردوں کے سہولت کار موجود ہیں، پیپلز پارٹی کی اعلی قیادت، وزیراعلی ، ڈی جی رینجرز اور آئی جی سندھ صوبے بھر میں کالعدم دہشتگردتنظیموں کی کھلے عام فعالیت کا نوٹس لیتے ہوئے ان کے خلاف فی الفور کاررائی عمل میں لائیں، بصورت دیگر دہشتگردی کا شکار محب وطن ملت تشیع صوبے بھر میں احتجاجی تحریک کا آغاز کرنے پر مجبور ہوگی۔ ان خیالات کااظہار اُنہوں نے ملتان میں جنوبی پنجاب کے سیکرٹری جنرل کے اجلاس سے خطاب کرتے ہوئے کیا۔ اس موقع پر ڈپٹی سیکرٹری جنرل محمد عباس صدیقی، علامہ قاضی نادر حسین علوی، علامہ ناصر عباس مہدوی ، علامہ غلام جعفر انصاری، علامہ علی حسنین نقوی اور دیگر موجود تھے۔
علامہ اقتدار نقوی نے مزید کہا کہ کراچی میں عزاداری پر مسلسل دہشتگردانہ حملے ثابت کرتے ہیں کہ پیپلز پارٹی کی سندھ حکومت ملت جعفریہ کے تحفظ میں مکمل ناکام ہوچکی ہے، حکومتی و ریاستی اداروں میں موجود دہشتگردوں کی سہولت کار کالی بھیڑیں شیعہ نسل کشی میں ملوث ہیں، ایک منظم انداز سے ملت جعفریہ کی نسل کشی کی مجرمانہ سازش کی جا رہی ہے، ملکی اداروں میں موجود تکفیری سوچ رکھنے والے امریکی و صہیونی ایجنٹ آج محب وطن شیعہ مسلمانوں کو اپنی دہشتگردی و بربریت کا نشانہ بنا رہے ہیں۔ رہنماو ں نے کہا کہ حکمرانوں اور قانون نافذ کی تمام تر توجہ مجالس و عزاداری کے اعداد و شمار جمع کرنے پر لگی ہوئی ہے، جبکہ کالعدم تنظیموں اور دہشتگرد عناصر کے بارے میں تمام معلومات ہونے کے باوجود ان کے خلاف کارروائی کرنے میں مجرمانہ غفلت برتی جا رہی ہے، پولیس کی غفلت کا یہ حال ہے کہ تھانے کے برابر والی گلی میں ہونے والی مجلس عزا سے وہ تو بے خبر رہتی ہے لیکن مجلس عزا سے باخبر دہشتگرد اس پر حملہ کرکے باآسانی فرار ہونے میں کامیاب ہو جاتے ہیں، جس کے بعد اہل تشیع کے تحفظ میں ناکام پولیس اپنی نااہلی کا سارا نزلہ مظلوم عزاداروں پر ہی نکال رہی ہے، جو انتہائی شرمناک و قابل مذمت ہے۔ رہنماو ں نے سندھ حکومت سے مطالبہ کیا کہ شہر میں دہشتگرد کالعدم تنظیموں کو قانونی تحفظ دینے سے گریز کرتے ہوئے ان کے خلاف فی الفور کارروائی کا آغاز کیا جائے، محب وطن اہل تشیع مسلمانوں کے قاتلوں کو گرفتار کر کے تختہ دار پر لٹکایا جائے، ماہ محرم کے آغاز سے امام بارگاہوں، مجالس اور عزاداروں پر ہونے والی دہشتگردی میں ملوث تکفیری دہشتگرد عناصر اور انکے سہولت کاروں کو قانون کی گرفت میں لایا جائے۔
وحدت نیوز(اسلام آباد) مجلس وحدت مسلمین پاکستان کے مرکزی ڈپٹی سیکرٹری سید ناصر شیرازی نے بھارتی ہائی کمیشن کے سفارت کاروں کے پاکستان کے اندر تخریبی کاروائیوں میں ملوث ہونے پر شدید ردعمل کااظہار کرتے ہوئے کہا ہے کہ ہندوستان بارہا سفارتی آداب کی سنگین خلاف ورزیوں کا مرتکب ہو چکا ہے۔وطن عزیز میں ہونے والی دہشت گردی کے مختلف واقعات میں بھارتی سفیروں کا براہ راست ملوث ہونا ایک ناقابل معافی جرم ہے۔بھارت وطن عزیز کی سلامتی و استحکام کا سب سے بڑا دشمن ہے جس نے ہمیشہ ہمیں نقصان پہنچایا اور عالمی سطح پر پاکستان کا امیج خراب کرنے کے لیے بے جا پروپیگنڈہ کیا۔ملک دشمن سرگرمیوں میں ملوث را کے ان ایجنٹوں کو ناپسندیدہ قرار دے کرمحض ملک بدر کر دینا ملک و قوم کے ساتھ زیادتی ہو گی۔ان عناصر کوبلا تاخیر تحقیقاتی ایجنسیوں کے حوالے کیا جانا چاہیے تاکہ ان کے باقی نیٹ ورک کا بھی مکمل طور پر پتا لگایا جا سکے۔
انہوں نے کہا کہ اس سے قبل بھارتی جاسوس کلبھوشن یا دیوکے معاملے پر بھی حکمرانوں نے ملک و قوم کے مفاد کو مقدم رکھنے کی بجائے انڈیا سے دوستی کا حق ادا کیا۔بھارت کے معاملے میں ہمارے حکمرانوں کا عاجزانہ رویہ پوری قوم کی توہین ہے ۔ پاکستان کے ساتھ بھارت کی ازلی دشمنی کسی سے پوشیدہ نہیں۔اب لیت ولعل کے بجائے دو ٹوک موقف اختیار کرنے کا وقت ہے۔اگر حکومت ملک میں حقیقی امن کی خواہاں ہے تو پھر ان تمام نیٹ ورکس اور مراکزکا خاتمہ کرنا ہو گا جو دہشت گردی کے محرک بنتے ہیں۔
انہوں نے کہا کہ پاکستان میں جاری دہشت گردی میں ملوث کالعدم مذہبی جماعتوں اور را کے درمیان تعلقات کے شواہد ماضی میں بھی منظر عام پر آچکے ہیں۔لیکن بدقسمتی سے ان جماعتوں کے خلاف کاروائی کرنے کی بجائے ان کے رہنماؤں سے حکومتی وزرا تعلقات استوار کرنے میں مگن رہے جو کہ دہشت گردی کے خاتمے میں سب سے بڑی رکاوٹ ہے۔دہشت گردی کے عفریت سے چھٹکارا حاصل کرنے کے لیے ملک کی تمام محب وطن سیاسی و مذہبی جماعتوں کو مشترکہ کوشش کرنا ہوں گی اور اس سلسلے میں کسی تعلق، دباؤ یا مصلحت کو رکاوٹ نہ بننے دینے کا عزم انتہائی ضروری ہے۔
دریں اثنا سید ناصر شیرازی نے بلوچستان کے علاقے گڈانی میں ناکارہ جہاز کے اندر آگ لگانے سے قیمتی انسانی جانوں کے ضیاع پر رنج و غم کا اظہارکرتے ہوئے کہا ہے کہ آگ پر تاحال قابو نہ پایا جانا متعلقہ حکام کی کارکردگی پر سوالیہ نشان ہے۔انہوں نے بلوچستا ن اور وفاقی حکومت سے مطالبہ کیا کہ آگ پر فوری قابو پانے کے لیے جدید مشینری اور ہیلی کاپٹرز اور دیگر ضروری آلات کی فراہمی میں کوئی تاخیر نہ برتی جائے تا کہ مزید جانی نقصان کے خدشات کو کم کیا جا سکے۔
وحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے اعلی عدالتی فیصلہ آنے پر اپوزیشن جماعتوں کی طرف سے دھرنے کے پروگرام کوموخر کرنے کے فیصلہ کو سراہتے ہوئے کہا ہے کہ سیاسی رہنماوں کا یہ فیصلہ انتہائی مدبرانہ اور حالات کے عین متقاضی ہے۔جس نے قوم کو ایک بہت بڑی آزمائش سے بچا لیا ہے۔ عدالتی فیصلوں اورقومی اداروں کا احترام سب پر عائد ہوتا ہے ۔ہمیں تصادم کی سیاست سے گریز کرتے ہوئے افہام تفہیم کی پالیسی پر عمل پیرا ہونا ہو گا۔
انہوں نے کہ اعلی عدلیہ سمیت دیگر ادارے ملک وقوم کے منافی حکومتی اقدامات کے خلاف اگر خود حرکت میں آئیں تو پھر عوام کے سڑکوں پر نکلنے کی نوبت نہ آئے۔عوام کی نظریں اب سپریم کورٹ پر لگ گئی ہیں۔دہشت گردی،کرپشن اور لاقانونیت سے چھٹکارا حاصل کرنے کے لیے کالعدم جماعتوں اور کرپٹ عناصر کے خلاف بھی کاروائی ازحد ضروری ہے۔دہشت گرد جماعتوں کے سربراہاں اور حکومتی وزرا کے مابین تعلقات دہشت گردی کے واقعات پر قابو نہ پائے جانے کی ایک بڑی وجہ ہے۔وطن عزیز میں ایسے شفاف جمہوری نظام حکومت کی ضرورت ہے جس میں مادر وطن کے ہر فرد کو جان و مال کا مکمل تحفظ حاصل ہو۔جہاں اختیارات کی بجائے قانون و انصاف کی حکمرانی ہو۔
انہوں نے امیدظاہر کرتے ہوئے کہا ہے کہ یقیناعدالتی فیصلہ کی راہ میں کوئی رکاوٹ برداشت نہیں کی جائے گی۔ پانامہ لیکس سمیت کرپشن میں ملوث بااثرکرداروں کے تمام الزامات کی مکمل چھان بین اور سخت کاروائی جب تک نہیں ہوتی تب تک مقتدر اداروں کی بالادستی سوالیہ نشان بنی رہے گی۔انہوں نے کہا کہ وطن عزیز کی ترقی و استحکام کے لیے تمام سیاسی قوتوں کو مخلصانہ تگ و دو کرنا ہو گی۔وطن عزیز لاتعداد بحرانوں کا شکار ہے اور کسی رسہ کشی کی سیاست کا متحمل نہیں۔حکومت بے لگام اختیارات کو ترک کر کے آئینی حدود قیود کی پاسداری سے ملک کو انتشار کی سیاست سے بچا سکتی ہے۔
پانامہ لیکس پرسپریم کورٹ کے بروقت فیصلےاور سیاسی قیادت کے مدبرانہ اقدام نے خانہ جنگی کے خطرے کو ٹال دیا ،علامہ راجہ ناصرعباس
وحدت نیوز(اسلام آباد)مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے اعلی عدالتی فیصلہ آنے پر اپوزیشن جماعتوں کی طرف سے دھرنے کے پروگرام کوموخر کرنے کے فیصلہ کو سراہتے ہوئے کہا ہے کہ سیاسی رہنماوں کا یہ فیصلہ انتہائی مدبرانہ اور حالات کے عین متقاضی ہے۔جس نے قوم کو ایک بہت بڑی آزمائش سے بچا لیا ہے۔ عدالتی فیصلوں اورقومی اداروں کا احترام سب پر عائد ہوتا ہے ۔ہمیں تصادم کی سیاست سے گریز کرتے ہوئے افہام تفہیم کی پالیسی پر عمل پیرا ہونا ہو گا۔
انہوں نے کہ اعلی عدلیہ سمیت دیگر ادارے ملک وقوم کے منافی حکومتی اقدامات کے خلاف اگر خود حرکت میں آئیں تو پھر عوام کے سڑکوں پر نکلنے کی نوبت نہ آئے۔عوام کی نظریں اب سپریم کورٹ پر لگ گئی ہیں۔دہشت گردی،کرپشن اور لاقانونیت سے چھٹکارا حاصل کرنے کے لیے کالعدم جماعتوں اور کرپٹ عناصر کے خلاف بھی کاروائی ازحد ضروری ہے۔دہشت گرد جماعتوں کے سربراہاں اور حکومتی وزرا کے مابین تعلقات دہشت گردی کے واقعات پر قابو نہ پائے جانے کی ایک بڑی وجہ ہے۔وطن عزیز میں ایسے شفاف جمہوری نظام حکومت کی ضرورت ہے جس میں مادر وطن کے ہر فرد کو جان و مال کا مکمل تحفظ حاصل ہو۔جہاں اختیارات کی بجائے قانون و انصاف کی حکمرانی ہو۔
انہوں نے امیدظاہر کرتے ہوئے کہا ہے کہ یقیناعدالتی فیصلہ کی راہ میں کوئی رکاوٹ برداشت نہیں کی جائے گی۔ پانامہ لیکس سمیت کرپشن میں ملوث بااثرکرداروں کے تمام الزامات کی مکمل چھان بین اور سخت کاروائی جب تک نہیں ہوتی تب تک مقتدر اداروں کی بالادستی سوالیہ نشان بنی رہے گی۔انہوں نے کہا کہ وطن عزیز کی ترقی و استحکام کے لیے تمام سیاسی قوتوں کو مخلصانہ تگ و دو کرنا ہو گی۔وطن عزیز لاتعداد بحرانوں کا شکار ہے اور کسی رسہ کشی کی سیاست کا متحمل نہیں۔حکومت بے لگام اختیارات کو ترک کر کے آئینی حدود قیود کی پاسداری سے ملک کو انتشار کی سیاست سے بچا سکتی ہے۔
وحدت نیوز (کراچی) مجلس وحدت مسلمین پاکستان کراچی ڈویژن کے رہنماؤں نے کہا ہے کہ کراچی سمیت سندھ بھر میں کالعدم دہشتگرد تنظیموں کی فعالیت اور اہل تشیع مسلمانوں پر دن دہاڑے حملے اس بات کا کھلا ثبوت ہے کہ سندھ حکومت اور اداروں کے اندر دہشت گردوں کے سہولت کار موجود ہیں، پیپلز پارٹی کی اعلٰی قیادت، وزیراعلٰی، ڈی جی رینجرز اور آئی جی سندھ صوبے بھر میں کالعدم دہشت گرد تنظیموں کی کھلے عام فعالیت کا نوٹس لیتے ہوئے ان کے خلاف فی الفور کارروائی عمل میں لائیں، بصورت دیگر دہشتگردی کا شکار محب وطن ملت تشیع صوبے بھر میں احتجاجی تحریک کا آغاز کرنے پر مجبور ہوگی۔ تفصیلات کے مطابق وحدت ہاؤس کراچی میں ڈویژنل کابینہ کے ہنگامی اجلاس کے موقع پر سید میثم عابدی، سید رضا نقوی، میر تقی ظفر، علامہ علی انور جعفری اور علامہ مبشر حسن کہا کہ کراچی میں عزاداری پر مسلسل دہشتگردانہ حملے ثابت کرتے ہیں کہ پیپلز پارٹی کی سندھ حکومت ملت جعفریہ کے تحفظ میں مکمل ناکام ہوچکی ہے، حکومتی و ریاستی اداروں میں موجود دہشتگردوں کی سہولت کار کالی بھیڑیں شیعہ نسل کشی میں ملوث ہیں، ایک منظم انداز سے ملت جعفریہ کی نسل کشی کی مجرمانہ سازش کی جا رہی ہے، ملکی اداروں میں موجود تکفیری سوچ رکھنے والے امریکی و صہیونی ایجنٹ آج محب وطن شیعہ مسلمانوں کو اپنی دہشتگردی و بربریت کا نشانہ بنا رہے ہیں۔
رہنماؤں نے کہا کہ حکمرانوں اور قانون نافذ کی تمام تر توجہ مجالس و عزاداری کے اعداد و شمار جمع کرنے پر لگی ہوئی ہے، جبکہ کالعدم تنظیموں اور دہشتگرد عناصر کے بارے میں تمام معلومات ہونے کے باوجود ان کے خلاف کارروائی کرنے میں مجرمانہ غفلت برتی جا رہی ہے، پولیس کی غفلت کا یہ حال ہے کہ تھانے کے برابر والی گلی میں ہونے والی مجلس عزا سے وہ تو بے خبر رہتی ہے لیکن مجلس عزا سے باخبر دہشتگرد اس پر حملہ کرکے باآسانی فرار ہونے میں کامیاب ہو جاتے ہیں، جس کے بعد اہل تشیع کے تحفظ میں ناکام پولیس اپنی نااہلی کا سارا نزلہ مظلوم عزاداروں پر ہی نکال رہی ہے، جو انتہائی شرمناک و قابل مذمت ہے۔ رہنماؤں نے سندھ حکومت سے مطالبہ کیا کہ شہر میں دہشتگرد کالعدم تنظیموں کو قانونی تحفظ دینے سے گریز کرتے ہوئے ان کے خلاف فی الفور کارروائی کا آغاز کیا جائے، محب وطن اہل تشیع مسلمانوں کے قاتلوں کو گرفتار کرکے تختہ دار پر لٹکایا جائے، امام بارگاہوں، مجالس اور عزاداروں پر ہونے والی دہشت گردی میں ملوث تکفیری دہشتگرد عناصر اور انکے سہولت کاروں کو قانون کی گرفت میں لایا جائے۔
وحدت نیوز(گلگت) کراچی میں بیگناہ عزاداروں پر پے درپے حملے صوبائی حکومت کی ناکامی کا بین ثبوت ہے پیپلز پارٹی کی قیادت دیگر صوبوں میں دہشت گردی کے شکار ہونے والوں سے زیادہ ہمدردی کررہی ہے جبکہ ان کے اپنے صوبے میں دہشت گردی کے شکار ہونے والوں کا کوئی پرسان حال نہیں۔
مجلس وحدت مسلمین گلگت بلتستان کے رہنما محمد الیاس صدیقی نے گزشتہ روز کراچی میں عزاداروں پر دوران مجلس فائرنگ پانچ عزاداروں کے شہید ہونے غم و غصے کا اظہار کرتے ہوئے اسے حکومت کی بے حسی اور سیکورٹی اداروں کی نااہلی قرار دیا ہے۔انہوں نے کہا کہ سندھ میں عزاداری کے دوران اس نوعیت کا یہ پہلا واقعہ نہیں بلکہ اس سے قبل عزاداروں پر کئی حملے ہوچکے ہیں ۔حیرت اس بات پر ہے کہ حکومت سندھ کی جانب سے صرف نوٹس لئے جانے کی خبریں چھپتی ہیںلیکن عملی طور پر دہشت گردوں کے خلاف کوئی کاروائی انجام نہیں دی جاتی ہے اور عزاداری کو محدود کرنے کیلئے کراچی میں مسلسل حملے ہورہے ہیں اور کئی بیگناہ شہید ہوچکے ہیں۔تکفیری عناصر کھلے عام ان حملوں کی ذمہ داریاں بھی قبول کرلیتی ہیں لیکن حکومت ان دہشت گردوں کے خلاف کاروائی کرنے سے کترارہی ہے جو حکومت کی بزدلی کی نشاندہی کرتی ہے۔انہوں نے کہا کہ ملک میں قانون اور انصاف کی دھجیاں اڑائی جارہی ہیں اور آئے روز ملت تشیع کے خلاف نت نیء سازشوں کا جھال بچھایا جارہا ہے اور مظلوم و بیگناہ جوانوں اور باوفا شخصیات کے خلاف مقدمات درج کئے جاتے ہیں ایسے میں ہمارے صبر کا پیمانہ لبریز ہوتا جارہا ہے ۔ملکی سلامتی و استحکام کی خاطر ملت تشیع پرامن احتجاج کا راستہ اپنائے ہوئے ہے۔ملک کے تمام شہریوں کے جان و مال کی حفاظت ریاست کی ذمہ داری ہے اگر ریاست اپنی ذمہ داری سے عہدہ برآں ہونے کیلئے تیار نہ ہو تو پھر ملکی امن خطے میں پڑسکتا ہے۔
وحدت نیوز (کراچی) سانحہ ناظم آباد حکومت و سیکورٹی اداروں کی نا اہلی ہے ماہ محرم کے آغاز سے عزاداروں پر ہونے والی دہشتگردی میں ملوث کسی دہشتگردکی گرفتاری عمل میں نہیں لائی گئی وزیر اعلیٰ کے ایکشن اور آئی جی سندھ کی نااہلی واضح ہے ۔سندھ حکومت کالعدم جماعتوں کی حمایت ترک کرے شہر میں دہشتگرد کالعدم جماعتوں کی پولیس پروٹیکشن ریلیاں دہشتگردوں کے حوصلوں کو مزید بلند کر رہی ہے ،محض واقع کا نوٹس لینے سے کام نہیں چلایاجائے قاتلوں کو گرفتار کر کے تختہ دار پر لٹکایا جائے۔ان خیالات کا اظہار مجلس وحدت مسلمین کے ڈپٹی سیکرٹری جنرل علامہ احمد اقبال نے جلوس جنازہ کے بعد شرکاء سے خطاب میں کیا ۔
انہوں نے حکومت کی طرف سے محض نوٹس لیے جانے کے بیانات جاری کر کے ذمہ داری ادا کر دی جاتی ہے جو ملت تشیع کے زخموں پر نمک پاشی کے مترادف ہے۔ دہشت گردی کے خاتمے میں حکومت کی سنجیدگی شکوک و شبہات کا شکار ہو چکی ہے۔کالعدم جماعتوں کے خلاف کاروائی میں تساہل اس امر کا ثبوت ہے کہ حکمران ملک میں امن و امان کے قیام میں مخلص نہیں۔دہشت گردی کے حالیہ چار واقعات کے ذمہ داران کو فوری طور پر گرفتارکرنے کے لیے تمام سیکورٹی ادارے مربوط لائحہ عمل طے کریں تاکہ مجرمان کو انصاف کے کٹہرے میں لایا جا سکے۔ دریں اثناء فائرنگ کا نشانہ بنے چچا محمد زکی خان سمیت ان کے تین بھتیجے باقر عباس زیدی، نیئر مہدی، ناصر عباس زیدی کی نماز جنازہ انچولی امام بارگاہ میں ادا کی گئی جس میں علامہ عباس کمیلی،علامہ باقر زیدی،فاروق ستار،علامہ ناظر عباس تقوی،علامہ علی انور،علامہ مبشر حسن دیگر مکاتب فکر کے علما و اکابرین سمیت عوام کی بڑی تعداد نے شرکت کی اور چاروں شہدا کی تدفین وادی حسین قبرستان میں سینکڑوں سوگواروں کی موجودگی کر دی گئی اس موقع پرکافی رقت آمیز مناظر دیکھنے میں آئے۔
واضح رہے سانحہ ناظم آباد دوران مجلس عزاء ایک ہی خاندان کے ساتھ عزادار سفاک دہشتگروں کی فائرنگ کا نشانہ بنے جن میں چچا محمد زکی خان سمیت ان کے تین بھتیجے باقر عباس زیدی، نیئر مہدی، ناصر عباس زیدی موقع پر ہی شہید ہوگئے. جبکہ دہشتگردی کے واقع میں زخمی دیگر بھائی نادر عباس زیدی، طاہر عباس زیدی اور شہید باقر عباس زیدی کا پندرہ سالا بیٹا مرتضٰ علی زیدی سمیت شہید طاہر عباس زیدی کا آفس اسسٹنٹ چھبیس سالہ اسد ابھی مقامی اسپتال میں زیر علاج ہیں واضح رہے ناظم آباد 4 نمبر میں شہید ہونے والے اور زخمی ہونے والے کوئی عام لوگ نہیں تھے.ان بھائیوں میں سے ایک بھائی ورلڈ بینک میں اور ایک UN میں اعلیٰ عہدوں پر فائز رہے ہیں۔کئی سالوں بعد یہ بھائی محرم کیلئے پاکستان میں ایک ساتھ جمع ہوئے تھے محمد زکی خان (زکّن بھائی) شہید محفل حیدری والے محمد وصی خان اور کے ایم ندیم ایڈووکیٹ سپریم کورٹ کے چھوٹے بھائی تھے.مزید تفصیلات کے مطابق ناظم آباد واقع میں شہید اہلسنت ڈرائیور ندیم لودھی کی نماز جنازہ نارتھ ناظم آباد کوثر نیازی کالونی کی مسجد میں گزشتہ روز ادا کر دی گئی اور واقع میں شہید خاتون کی نماز جنازہ ناظم آباد کے ادا کر دی گئی تھی۔
