The Latest
وحدت نیوز(ٹنڈو باگو) مجلس وحدت مسلمین شعبہ خواتین ٹنڈو باگویونٹ کی جانب سے امام بارگاہ انجمن عزادار حسین میں ایام شہادت امیر المومنین ؑ منعقد کی گئی جس سے مجلس وحدت مسلمین ٹنڈو باگو کی سیکرٹری خواہر زہرہ نے خطاب کرتے ہوئے کہا کہ ہمیں عدل علیؑ کو سامنے رکھتے ہوئے اپنے معاشرے اور ملک میں عدل کی صورت حال کا جائزہ لینا ہے۔ ہمیں سوچنا اور دیکھنا چاہیے کہ کیا ہم اپنی ذات سے لے کر اپنے اجتماعی معاملات تک عدل و انصاف سے کام لیتے ہیں یا نہیں؟ موجودہ دور میں اگر ہم دنیا بھر میں عدل و انصاف کی صورت حال کا جائزہ لیں تو ہمیں اس بات کی شدت سے کمی محسوس ہوتی ہے کہ کہیں بھی عدل و انصاف کے تقاضوں کو ملحوظ خاطر نہیں رکھا جارہا ۔ مولا علی ؑ کے عادل ہونے کی اس سے بڑی اور کیا دلیل ہوگی کہ ایک عیسائی مورخ جارج نے امیرالمومنین ؑ کی شخصیت پر لکھی گئی اپنی کتاب کے سرنامے میں لکھا کہ ''اس کتاب کا انتساب اس علی ؑکے نام جو شدت عدل کی وجہ سے قتل کردیا گیا''۔ علی ؑکی زندگی، علی ؑکا قیام، علیؑ کی جنگیں، علی ؑ کی خاموشی اور علی ؑکا کلام عین عدل ہے۔ ہمارے معاشروں میں عدل و انصاف کی ناگفتہ صورت حال کا تذکرہ طویل ہے لیکن ان طویل مصائب و آلام اور مشکلات و مسائل کا حل ہمیں صرف اور صرف امیر المومنین حضرت علی ؑکے ''عادلانہ نظام عدل'' کے نفاذ میں نظر آتا ہے جہاں حکمران سے لے کر ایک عام شہری تک سب کے ساتھ برابر اور مساویانہ سلوک ہو اور کوئی شخص قانون و آئین سے بالاتر نہ ہو بلکہ ہر وقت احتساب کے لئے آمادہ و تیار نظر آئے۔ یہی عدل و انصاف اصل اسلام اور حقیقی جمہوریت کی روح ہے۔مگر افسوس آج ہم مسلمان بھی عدل و انصاف دھجیاں بکھرتے دیکھائی دے رہے ہیں آپس میں اپنے ہی مسلم برادر ممالک میں ظلم و بربریت کو فروغ دیں رہیں ہیں افسوس اگر آج امت مسلمہ ایک ہوتی تو سرزمین فلسطین کے ساتھ غداری کرنے والے دین فروش ضمیر فروش عرب حکمرانوں سے سوال کرتی فلسطینیوں کو عدل و انصاف فراہم کرتی مگر سلام ہو علی ؑ کے اس عاشق پر حقیقی پیرو حضرت امام خمینی ؒ پر جنھوں نے عالم اسلام کو خواب غفلت سے جھنجوڑا اور مسئلہ فلسطین کی طرف توجہ مبزول کروائی ۔سیرت معصومین ؑ ہے ظلم کے خلاف آواز اٹھانا مظلوم کو عدل و انصاف فراہم کرنا مظلوم کی حمایت کرنا ۔ لہذا یوم القدس یوم اللہ ہے اس روز ہر ایک پر لازم ہے کے ِاس وقت کے عالمی شیطان امریکہ اسرائیل اور اسکے حواریوں کے خلاف آواز بلند کریں ۔
وحدت نیوز(حیدرآباد) مجلس وحدت مسلمین شعبہ خواتین ڈسٹرکٹ حیدرآباد یونٹ ۹ کی جانب سے تر بیتی ورکشاب منعقد کی گی جس میں اعمال شب قدر،مجلس شہادت مولا علیؑ اور لیکچر رکھا کیا گیا۔شب 19 کومجالس شہادت امیر المومنین امام علیؑ کا انعقاد کیا گیاجس میں خواہر ردا زہرا نے مصائب امام علی ؑ بیان کی بعد مجلس اعمال شب 19 کے خواہر ثمرین نے کروائے اور اعمال شب اکیس 21خواہر شگفتہ اور خواہر کنول نے کروائے ۔21 کو اعمال کے بعد فکر امام راحل ا ور فلسطین کے عنوان پر لیکچر دیتے ہوئے پہلے خواہر کنول بتول نے یوم القدس کی تاریخی اہمیت کو بیان کیا یہ مقام کن کن حوالوں سے معتبر رہا ہے۔
جس کے بعد خواہر کنول بتول کا کہنا تھا کہ حضرت امام خمینی ؒ کی فکر کا نتیجہ ہے کے ہر سال یہ دن منایا جائے ظلم کے خلاف آواز اٹھائی جائے قرآن اور حدیث معصومینؑ کی روشنی میں بھی یہ بتانے کی کوشش کی کے ظالم کے خلاف آواز بلند کرنا اور مظلوم کی حمایت کرنا ہمارے لیے کس قدر ضروری ہے۔ خواہر کنول بتول کا مزید کہنا تھا کہ بیت المقدس نے حق و باطل کی صفوں کو علیحدہ علیحدہ کر دیا ہے۔ منافقوں کے چہروں کو بے نقاب کردیا۔ اسلام دشمن طاقتوں کے حقیقی مکروہ چہرے کو بر ملا کر دیا۔ آج بیت المقدس نے اسلام اور انسانی حقوق کے دبیز پردوں کے پیچھے چھپے بظاہر خوشنما چہروں کو دنیا بھر میں آشکار کر دیا ہے۔کیا آج واضح نہیں ہو گیا ہے کہ کون بیت المقدس کی آزادی کے بجائے غاصب صیہونی حکومت سے تعلقات کی پینگیں بڑھا رے ہیں۔ کیا اسرائیل سے تعلقات استوار کرنے والوں کو کوئی اب بھی کوئی نہیں پہچانتا؟ نہیں حقیقت اب سب کے سامنے روز روشن کی طرح واضح ہے یہ امام راہل ہی ہیں جنھوں نے عالم اسلام کی توجہ بیت المقدس کی آزادی کی طرف مبزول کروائی اور یہودیوں کے ساتھ مل کر زمین انبیاءکے ساتھ غداری کرنے والے عرب حکمرانوں کو ہمیشہ کے لیے رسوا کر دیا۔لہذا ہم سب پر واجب ہے یوم القدس کو بھرپور جوش و خروش کے ساتھ منعقد کریں زیادہ سے زیادہ تعداد میں شرکت کریں تاکہ یہودیوں تک امت مسلمہ کا یہ پیغام پہنچ جائے کہ القدس کی آزادی تک ہماری اس سے جنگ جاری رہے گی۔
وحدت نیوز(کوئٹہ) مجلس و حدت مسلمین شعبہ خواتین کوئٹہ کی جانب سے علمدار روڈ پر واقع امامبارگاہ میں ایام شہادت مولاکائنات کی مناسبت سے ۹۱ رمضان تا۱۲رمضان مجلس اعزاءمنعقد کی گئی جس سے مشہور ذاکرات اہل بیت ع نے خطاب کیا۔ان مجالس میں سیرت مولا متقیان کے مختلف پہلوبیان کیے گئے خاص کر ان مجالس میں آئمہ معصومین ع کو درپیش مسائل بیان کیے گئے اگر امت موجود ہو مگر اپنے امام وقت کی عطاعت نہیں کریں تو پھر مولا علی ؑ جیسے امام برحق اپنی سب سے بڑی مصیبت ہی ےہ بیان کرتے ہیں افسوس امت اگر ساتھ دیتی تو یقینا نظام عدل رائج ہو جاتا زمین آسمان سے رحمتیں نازل ہوتیں مگر افسوس لوگوں نے حب دنیا کی وجہ سے دین کے ستون جو ہم اہل بیت ؑ ہیں انکو تنہا چھوڑ دیا اور انکی نصیحتوں پر عمل نہیں کیا جس کے سبب خود کو ہی نقصان اور مصیبت میں مبتلاکیا ۔جب بھی لوگ اپنے امام وقت کو تنہا چھوڑئے گے تو لازماََ پھر ان پر ظالم حکمران تسلط حاصل کرلیں گے جن سے انکی عزت جان مال کچھ بھی محفوظ نہیں رہے گا۔اگر لوگ حق ولایت کا دفاع کرتے تو نا واقع کر بلا جیسا واقعہ رونما ہوتا نا مدینہ تاراج ہوتا ۔ذاکراہ خواہر زینب زیدی نے مجلس سے مزید خطاب کرتے ہوئے کہا کہ ہمیں خود پر نظر ڈالنی ہوگی کے آیا ہم اہل بیت ؑ کی اطاعت کرتے ہیں؟کیاکھیں مولا علیؑ کاوہ شکوہ ہم سے بھی تو نہیں کھیں یہ ہی شکوہ مولا امام زمانہ عج کا ہم سے تو نہیں؟ بس ضرورت اس بات کی ہے کہ ہم عطاعت کرنا سیکھیں سیرت معصومین ؑ پر عمل کریں تاکہ جلد امام عج کا ظہور ہو سکے اور جب امام وقت ؑ تشریف لائیں تو ہمارا شمار انکےا عوان و انصار میں ہولہذا اسکے لیے تیاری ابھی سے کرنا ہوگی علماءحق کی اطا عت کرنا ہو گی سیرت معصومینؑ پر عمل کرنا ہوگا خود سازی اور معاشرہ سازی کرنا ہوگی ۔
وحدت نیوز(ہالا) مجلس وحدت مسلمین شعبہ خواتین ھالا نیو ضلع مٹیاری صوبہ سندہ کی جانب سے شب قدر کی مناسبت سے گاوں سعید خان لغاری میں اعما ل خواہر مرضیہ سعیدی نے کرائے اور شب قدر کی فضیلت بھی بیان کی خواہر نے شب قدر کی مناسبت سے قرآن کی سورہ قدر کی تلاوت کی اور ہر آیت کو تفصیل سے بیان کیا ۔ خواہر مرضیہ سعیدی نےشب قد رکی فضیلت بیان کرتے ہوئے کہاکہ شب قدر ہزار مہینوں سے بہتر ہے یہ 80 سال عبادتوں کے برابر ہے شب قدر کی با برکت رات میں فرشتے اور جبرئیل بہ حکم خدا ہر کام کے بارے میں احکام لیکر آتے ہیں اس رات تمام ملائکہ زمین پہ نازل ہوتے ہیں اور یہ سب امام زمانہ (عج) کی خدمت میں حاضر ہوتے ہیں امام انسان کی صلاحیت, نیت, تقوی عبادت کو مد نظر رکھ کے عطا کرتے ہیں۔یہ رات سلامتی کی رات ہے سلامتی سے مراد جو بندہ خدا عبادت میں مشغول ہوتا ہے تو اللہ کے فرشتے درود بھیجتے ہیں۔
خواہر مرضیہ سعیدی نے شب قدر کی مزیدفضیلت بیان کرتے ہوئے کہا یہ رات شب قدر کی پہلی دو راتوں سے افضل ہے اور بہت سی روایات سے معلوم ہوتا ہے کہ شب قدر یہی ہے اور یہ بات اصلیت کے قریب تر ہے اس رات حکمت الاہی کے مطابق کائنات کے تمام امور مقدر ہوتے ہیں لہذا ہمیں کوشش کرنی چاہیے کہ اس رات امت مسلمہ اور ظہور امام زمانہ کے لیے خصوصا دعائیں کریں انشااللہ جلد ہم وہ منظر دیکھئے جب جنت البقیع کی تعمیر ہو ا سرزمین انبیاءیہودیوں کے تسلط سے آزاد ہو اور امت مسلمہ پرچم اسلام تلے ایک ہو۔
وحدت نیوز(جہلم) ماہ رمضان کی با برکت ساعتوں اور فضیلتوں کو مد نظر رکھتے ہوئے مجلس وحدت مسلمین ضلع جھلم کی تمام خواھران کی کوششوں اور مقامی خواتین کے تعاون سے دینہ میں ماہ مبارک رمضان کے پورا مہینہ ایک ورکشاپ کا انعقاد کیا گیا ۔اس ورکشاپ میں ماہ مبارک کے عشروں کی مطابقت سے موضوعات کو تقسیم کیا گیاتھا! جس میں پچوں اور بڑوں دونوں کے لیے بہترین دروس کا احتمام کیا گیا. سیکرٹری تعلیم خواھر کرن نقوی، سیکرٹری روابط خواہر حاجرہ سید اور سیکرٹری یوتھ خواہر طوبٰی نقوی نے بہترین انداز میں خدمات انجام دیں۔
عشرہ اول کا موضوع بہار قرآن جس میں قرآن اور قرآن سے دوری کو وضاحت کرتے ہوئے سیکرٹری تربیت خواھر سمانہ سید نے بطور احسن مستند کتب و احادیث کے ذریعے وضاحت دی جب کہ دوسرے عشرے کو جمال منتظرکا نام دیا گیا تھا جس میں معرفت امام زمن عج، آئمہ شناسی اور دشمن شناسی و حالات حاضرہ جیسے اہم موضوعات پر مباحثہ و گفتگو کی گئی.دشمن شناسی و حالات حاضرہ کے موضوع سے آگاہی کی حوالے سے جنرل سیکرٹری خواہر عقیلہ رضوی نے آج کل کے حالات کو روایات کی روشنی میں واضح کیا۔دونوں عشروں کے اختتام پر باقائدہ امتحانات لیے گئے جن میں خواتین نے پھر پور شرکت کی ۔ولادت با سعادت مولا حسن ع کے موقع پر پھر پور منقبت و قصائد پڑھے گئے اور اختتام پر خواہر عقیلہ رضوی نے صلح امام حسن ع اور زندگی امام کے موضوع کو واضح کیا۔
جب کہ آخری عشرے کو عباد الرحمٰن کا نام دیا گیا ہے اس عشرے میں اخلاقیات و آداب اور حالات حاضرہ جیسے موضوعات پر سیکرٹری تبلیغات خواہر حدیثہ سید احسن پر لیکچرز دیں رہی ہیں آخری عشرے کے اختتام پر بھی امتحان لیا جائے گا .اور عید سے ایک روز قبل اختتامی تقریب کا انعقاد ہو گا کہ جس میں امتحانات کے نتائج اور پوزیشن ھولڈرز کو انعامات تقسیم کیے جائیں گے.مجلس وحدت مسلمین دینہ جھلم شعبہ خواتین کی جانب سے شب ہائےقدر میں اعمال منعقد کیے گئے جسمیں خواتین نے بھرپور شرکت کی.یوم القدس و جمعتہ الوداع بالکل قریب ہے تو اس مناسبت سے تیاریاں زور و شور سے جاری و ساری ہیں مجلس وحدت مسلمین دینہ جھلم شعبہ خواتین کی جانب سےیوم القدس یوم مستضعفین کے عنوان پر مختلف علاقوں میں سیمینارز منعقد کیے جارہے ہیں۔
وحدت نیوز(گلگت) خیر العمل ویلفیئر اینڈڈویلپمنٹ ٹرسٹ پاکستان رمضان المبارک کے آخری عشرے کو عشرہ ایتام کے عنوان سے منا رہا ہے۔اس حوالے سے صوبائی سیکرٹریٹ گلگت اور جامع مسجد غلمت نگر میں خیر العمل ویلفیئر ایند ڈویلپمنٹ ٹرسٹ کی جانب سے گلگت ڈویژن کے137 یتیم بچے بچیوں میں سات لاکھ روپے کے سکالرشپ تقسیم کئے گئے.
خیرالعمل و یلفئیر اینڈ ڈویلپمنٹ ٹرسٹ کے زیر اہتمام وحدت ہاؤس گلگت میں عشرہ ایتام کے عنوان سے ایک تقریب کا انعقاد کیا گیا جس میں یتیم خاندانوں کو وظائف بھی تقسیم کئے گئے.اس تقریب میں گلگت بلتستان قانون ساز اسمبلی کے رکن حاجی رضوان علی. مدرسہ جعفریہ کے پرنسپل شیخ عادل حسین.صوبائی سیکرٹری سیاسیات برادر غلام عباس. العصر پبلک اسکول کے پرنسپل بختاور خان. ضلع نگر کے سیکرٹری جنرل عابد حسین.شعبہ خواتین کی کوار ڈینیٹر خواہر سائرہ ابراہیم نے شرکت کی۔
صوبائی سیکرٹری خیرالعمل ویلفیئر اینڈڈویلپمنٹ ٹرسٹ علی حیدر نے کہا ہے کہ مجلس وحدت مسلمین پاکستان کا شعبہ فلاح و بہبود انسانیت کی خدمت پر یقین رکھتاہے اور اس مرتبہ رمضان المبارک کے آخری عشرے کو عشرے ایتام کے عنوان سے منایا جا رہا ہے۔خیرالعمل ویلفیئر اینڈ ڈویلپمنٹ ٹرسٹ کے زیر اہتمام سال 2012 سے یتیم بچوں اور بچیوں میں ہر تین ماہ بعد سکالرشپ کا اجراء کیا جاتا ہے اور اس وقت تک تقریباً ایک کروڑ پچاسی لاکھ روپے یتیم خاندانوں کی کفالت کی مد میں تقسیم کئے جاچکے ہیں۔
انہوں نے کہا کہ اس وقت استور، ہنزہ نگر اور گلگت کے تقریباً 141 یتیم گھرانوں کی رجسٹریشن مکمل کی گئی ہے اور انشاء اللہ خدا کی تائید و نصرت اور مخیر حضرات کے تعاون سے بہت جلد ان یتیم خاندانوں کی کفالت کے فریضے سے سبکدوش ہونے کا شرف نصیب ہوگا۔انہوں نے کہا کہ پورے پاکستان اور گلگت بلتستان میں خیرالعمل ویلفیئر اینڈ ڈویلپمنٹ ٹرسٹ تعلیم، صحت، صاف پانی کی فراہمی ،قدرتی آفات ضرورت مندوں کی مدد اور معاشرے سے غربت و افلاس کے خاتمے کیلئے کوشاں ہے
وحدت نیوز(گلگت) خیر العمل ویلفیئر اینڈڈویلپمنٹ ٹرسٹ نے رمضان المبارک کے آخری عشرے کو عشرہ ایتام کے عنوان سے منانے کا عہد کیا ہے۔صوبائی سیکرٹریٹ گلگت اور جامع مسجد غلمت نگر میں خیر العمل ویلفیئر ایند ڈویلپمنٹ ٹرسٹ کی جانب سے گلگت ڈویژن کے137 بچے بچیوں میں سکالرشپ تقسیم کئے جائیں گے۔
مجلس وحدت مسلمین کا شعبہ فلاح و بہبود خیر العمل ویلفیئر اینڈ ڈویلپمنٹ ٹرسٹ کی جانب سے جامع مسجد غلمت نگر اور وحدت ہائوس گلگت میں یتیم خاندانوں میں سات لاکھ روپے تقسیم کئے جائیں گے۔صوبائی سیکرٹری خیرالعمل ویلفیئر اینڈڈویلپمنٹ ٹرسٹ علی حیدر نے کہا ہے کہ مجلس وحدت مسلمین پاکستان کا شعبہ فلاح و بہبود انسانیت کی خدمت پر یقین رکھتاہے اور اس مرتبہ رمضان المبارک کے آخری عشرے کو عشرے ایتام کے عنوان سے منایا جائیگا۔خیرالعمل ویلفیئر اینڈ ڈویلپمنٹ ٹرسٹ کے زیر اہتمام سال 2012 سے یتیم بچوں اور بچیوں میں ہر تین ماہ بعد سکالرشپ کا اجراء کیا جاتا ہے اور اس وقت تک تقریباً ایک کروڑ پچاسی لاکھ روپے یتیم خاندانوں کی کفالت کی مد میں تقسیم کئے جاچکے ہیں۔
انہوں نے کہا کہ اس وقت استور، ہنزہ نگر اور گلگت کے تقریباً 141 یتیم گھرانوں کی رجسٹریشن مکمل کی گئی ہے اور انشاء اللہ خدا کی تائید و نصرت اور مخیر حضرات کے تعاون سے بہت جلد ان یتیم خاندانوں کی کفالت کے فریضے سے سبکدوش ہونے کا شرف نصیب ہوگا۔انہوں نے کہا کہ پورے پاکستان اور گلگت بلتستان میں خیرالعمل ویلفیئر اینڈ ڈویلپمنٹ ٹرسٹ تعلیم، صحت، صاف پانی کی فراہمی ،قدرتی آفات ضرورت مندوں کی مدد اور معاشرے سے غربت و افلاس کے خاتمے کیلئے کوشاں ہے۔
وحدت نیوز(اسلام آباد) خیرالعمل ویلفیئر اینڈ ڈویلپمنٹ ٹرسٹ پاکستان کے چیئر مین علامہ سید باقرعباس زیدی نے کہا ہے کہ خیرالعمل ویلفیئر اینڈ ڈویلپمنٹ ٹرسٹ ماہ مقدس رمضان کے آخری عشرے کو عشرہ ایتام کے طور پر منا رہی ہے جسکا مقصد ملک بھر میں موجود یتیم بچوں کی حوصلہ افزائی اور انکواپنے ساتھ عید کی خوشیوں میں شریک کرنا ہے اس سلسلے میں خیرالعمل ویلفیئر اینڈ ڈویلپمنٹ ٹرسٹ یتیم بچوں میں عید کے لیئے خصوصی گفٹس بھی تقسیم کرے گی۔ خیرالعمل ویلفیئر اینڈ ڈویلپمنٹ ملک بھر میں 800 سے زائدیتیم بچوں کی کفالت کر رہا ہے جنکو ماہانہ بنیادوں پر وظیفہ دیا جا رہا ہے ۔ مزیدہر ضلع میں مستحق یتیم بچوں کا ریکارڈ مرتب کیا جا رہا ہے تاکہ جس حد تک ہوسکے اُ ن کی معاونت کی جاسکے اور معاشرے میں یتیم پروری کا کلچر فروغ پاسکے ان خیالات کا اظہار انہوں نے عشرہ ایتام کے حوالے سے اپنے ایک بیان میں کیا ۔
علامہ سید باقر زیدی نے کہا کہ اسلام نے بھی یتیم پروری پر بہت زور دیا ہے کیونکہ ایسے بچے جو اپنے ماں باپ کے سائے سے محر وم ہو جاتے ہیںپھر انہیں اپنی زندگی کا بسر کرنے کے لیے معاشرے میںسہارے کی ضرورت ہوتی ہے اور یہ بھی حقیقت ہے کہ کسی یتیم کی مدد یا کفالت کر کے دل کو سکون اور راحت ملتا ہے اس لیے ہمیں یتیموں کی کفالت کے حوالے سے خود بھی حصہ ڈالنا چاہیے اور دیگر افراد کو بھی اس کار خیر میں شامل ہونے کی دعوت دینی چاہیے ۔
علامہ سید باقر زیدی نے کہا کہ خیرالعمل ویلفیئر اینڈ ڈویلپمنٹ ٹرسٹ کا تو باقاعدہ طور پر کفالت ایتام کا ایک شعبہ ملک بھر پہلے ہی کام کر رہا ہے خیرالعمل ویلفیئر اینڈ ڈویلپمنٹ ٹرسٹ رمضان کا آخری عشرہ ًعشرہ ایتام ًکے طور پر منائے گی اس موقع پر انہوں نے تمام درد دل رکھنے والے افراد سے اپیل کی کہ وہ آئیں اور معاشرے میں یتیم بچوں کی خواہشات اور بنیادی ضرورتوں کا احساس کرتے ہوئے انکوماہ مبارک رمضان اور عید کی خوشیوں میں اپنے ساتھ شریک کرنے کے لیے خیرالعمل ویلفیئر اینڈ ڈویلپمنٹ ٹرسٹ کا اس کار خیر میں ساتھ دیں ۔
وحدت نیوز(میانوالی) خیرالعمل ویلفیئر اینڈ ڈویلپمنٹ ٹرسٹ پاکستان شعبہ فلاح وبہبود مجلس وحدت مسلمین کے زیراہتمام ضلع میانوالی میں عشرہ ایتام کے سلسلے میں 248 یتیم بچوں میں 12 لاکھ 8 ہزار 4 سو روپےکے وظائف اور عید گفٹس تقسیم کیے گئے اس موقع پر مجلس وحدت مسلمین پنجاب کے سیکرٹری فلاح وبہبود برادر زعیم ،صوبائی سیکرٹری تنظیم سازی مولانا نیاز بخاری،منتظرطوری اور صوبائی کابینہ کے دیگر عہدیداران بھی موجود تھے۔اس موقع پر مولانا نیاز بخاری نے کہا کہ حضرت محمد صل اللہ علیہ وآلہ وسلم نے بھی یتیموں کے سر پر دست شفقت رکھااور یتیموں کی کفالت کو افضل ترین عمل قرار دیا ہےجس سے یتیم بچوں کا احساس محرومی کا خاتمہ ہوتا ہے. امیرالمومنین علی ابن ابی طالب علیہ السلام نے اپنی وصیت میں فرمایا کہ میرے بعد یتیموں کا خیال رکھنا۔
وحدت نیوز(اسلام آباد) خیرالعمل ویلفیئر اینڈ ڈویلپمنٹ ٹرسٹ کے چیئرمین علامہ سیدباقر زیدی نے کہا کہ ماہ رمضان اللہ تعالی کا قرب اور خوشنودی حاصل کرنے کا بہترین ذریعہ ہے اس مہینے میں جہاں عبادات الہی،اطاعت الہی،نماز روزہ کی اہمیت ہے وہاں پر خدمت انسان کی انجام دہی کا بھی ثواب ہے اگر انسان کو خدمت خلق کے ثواب اور اہمیت کا پتہ چل جائے تو وہ اسی راہ پر چل پڑے۔ گزشتہ سالوں کی طرح اس سال بھی خیرالعمل ویلفیئر اینڈ ڈویلپمنٹ ٹرسٹ شعبہ فلاح وبہبود مجلس وحدت مسلمین پاکستان کے زیر اہتمام ملک بھر میں دعوت افطار" کے نام سے روزانہ کی بنیاد پر افطا ردسترخوان کا انتظام کیا گیا ۔ خیرالعمل ویلفیئر اینڈ ڈویلپمنٹ ٹرسٹ کے زیر اہتمام ملک بھر کے 50 سے زائد علاقوں میں مساجد ، امام بارگاہوںاور بس اسٹاپوں پر "دعوت افطار" کے پروگرامات منعقد ہوئے جس میں ہزاروں کی تعداد میں افراد نے خیرالعمل ویلفیئر اینڈ ڈویلپمنٹ ٹرسٹ کے دستر خوان پر روزہ افطار کیا ۔
خیرالعمل ویلفیئر اینڈ ڈویلپمنٹ ٹرسٹ کے زیر اہتمام نوابشاہ،سکھر،بدین،جیکب آباد،تھر پارکر،شکار پور،سجاول،کراچی،اورکزئی ایجنسی،پاراچنار،ہریپور،کوہاٹ،ڈی آئی خان،گلگت،سکردو،لیہ،بھکر،ڈی جی خان،سرگودھا،جھنگ،چکوال،اسلام آباد ،منڈی، شیخوپورہ، ٹیکسلا، اٹھارہ ہزاری جھنگ،،قصور، ،فیصل آباد،لاہور،جہلم و دیگر اضلاع کے 50 سے زائد علاقوں جن میں صوبہ سندھ میں 60 مائل ٹا ئون مسجد صاحب الزمانؑ ،نصرت کالونی ،ٹنڈو غلام حیدر، جام صاحب، مراد چلگڑی، جیکب آباد، ڈپلو تھر۔ صوبہ خیبر پختونخواہ میں درگئی،زیدان، پٹائو کلے، سٹی، گلگت بلتستان میں نلتر ، نومل، صادق آباد گمبہ، مناور، طاسو،گیزر، گمبہ سی جی ایس، اشرف آباد، ہسپتال کالونی، سکندرآباد، ہنزہ۔ اپر پنجاب میں کوٹ بائی کان، نور پور سیٹھی، بھیرہ سیداں، شیر بنگال ٹائون، باد شاہ پور، کولوال ننگیانہ، احمد پور سیال، مہڑہ شاہ والی،جسہ،تیرور،نولہ آباد، پرانی منڈی،پتوکی، شمکی بھٹیاں، تاتاری سرگودھا،اطہار پنڈدادن خان،لاہورمیں دو ،فیصل آباد میں دو۔ جنوبی پنجاب میں بستی گوکال،پیر اصحاب، منڈا فقیر، ٹبی کربلا، سرائے مہاجر، فتح والا مورانی، بستی بلوچی والا، تونسہ، قصبہ بلوچاں، سرورآباد، چاہ غلام خانسر، بستی سہواگ و دیگر علاقوں میںخیرالعمل ویلفیئر اینڈ ڈویلپمنٹ ٹرسٹ کے زیر اہتمام دعوت افطار کے نام سے دسترخوان کا اہتمام کیا گیا جس میں ہزاروں افراد کو افطاری کرائی گئی ۔ خیرالعمل ویلفیئر اینڈ ڈویلپمنٹ ٹرسٹ کے چیئرمین علامہ سیدباقر زیدی نے کہا کہ مخیر حضرات اور دوسرے اداروں کو بھی چائیے کہ وہ اس ماہ مقدس میں غرباء مسافروں اور ضرورت مندوں کے لیے افطاری کا انتظام کریں اور نیکیاں سمیٹیں۔
خیرالعمل ویلفیئر اینڈ ڈویلپمنٹ ٹرسٹ کے چیئرمین سیدباقر زیدی نے کہا کہ اس ماہ مبارک میں ہمیں ایثار و قربانی کے جذبات کا عملی مظاہرہ کرنا چاہیے۔سحری و افطاری کے اوقات میں عزیز و اقربا کی ضروریات کو بھی پیش نظر رکھا جائے ۔ تمام منعقدہ دعوت افطار کے پروگراموں کے آخر میں وطن عزیز کی ترقی و استحکام کے لیے بھی خصوصی طور پر دعا ئیں کرائی جاتی رہیں۔
