The Latest
وحدت نیوز(کراچی) مجلس وحدت مسلمین شعبہ خواتین کراچی ڈویژن کے زیر اہتمام قصورمیں معصوم بچی زینب کے بہیمانہ قتل کے خلاف کراچی پریس کلب پر احتجاجی مظاہرہ کیا گیا، احتجاجی مظاہرے سے ایم ڈبلیوایم شعبہ خواتین کی مرکزی سیکریٹری جنرل محترمہ سیدہ زہرانقوی اور ایم ڈبلیوایم کراچی ڈویژن کے سیکریٹری جنرل علامہ محمد صادق جعفری نے خطاب کرتے ہوئے کہا کہ ننھی زینب کا سفاکانہ قتل بربریت اور انسانی وحشی پن کی بد ترین مثال ہے، اس سنگین ظلم پر مذمت، افسوس جیسے الفاظ بہت بے وقعت ہیں،اس المناک واقعہ نے جہاں پاکستان کے ہر فرد کو اضطراب اور دکھ میں مبتلا کیا ہے وہاں عالمی سطح پر وطن عزیز کے وقار کو بھی نقصان پہنچایا ہے، اسی قصور شہر میں کمسن بچیوں کے ساتھ زیادتی کے13واقعات رونما ہوئے لیکن ایک بھی مجرم گرفتار نہیں، ایک ہفتہ ہونے کو ہے اب تک زینب کے قاتل کا قانون کی گرفت میں نا آنا پنجاب حکومت کی رٹ پر سوالیہ نشان ہے، وزیر اعلیٰ پنجاب شہباز شریف اپنی نااہلی تسلیم کرتے ہوئے فوری مستعفیٰ ہوجائیں، ریاست معصوم بچوں کے ساتھ عظمت دری اور قتل جیسے سنگین جرم میں ملوث مجرموں کے خلاف سخت قانون سازی کرے۔
رہنماوں نے کہا کہ ہمارامعاشرہ کس قدر پستی کا شکار ہوچکاہے کہ معصوم پھول جیسی بچیوں کو مسل کر پھینک دینے میں کوئی عار محسوس نہیں کرتا،زینب کو جس درندگی اور وہشت گری کا نشانہ بنایا گیا اس نے بین الاقوامی سطح پر پاکستان کی ساکھ کو نقصان پہنچایا ہے،قومی سلامتی کے اداروں کو چاہیئے کہ ایسی قانون سازی یقینی بنائیں جس سے ایسے سفاک درندوں کو طوری فور پر نشان عبرت بنایا جاسکیتاکہ ایسے سنگین واقعات میں کمی واقع ہو، یقیناً ملک بھر میں ایسے درجنوں واقعات روز انہ کی بنیاد پر پیش آتے ہیں لیکن مجرموں کوسزانا ملنے سے ان کے حوصلے مزید بلند ہوتے چلے جاتے ہیں،زینب سے قتل کے واقعے میں جہاں ایک شخص مجرم وہیں ریاست بھی برابر کی شریک ہے،ماضی میں قصور اور دیگر شہروں میں عصمت دری اور قتل کا نشانہ بننے والے معصوم بچوں کے قاتلوں کو سزا ملتی تو زینب کے قاتل کو حوصلہ نا ملتا، انہوں نے کہا کہ ہم مطالبہ کرتے ہیں کے زینب کے سفاک قاتل کو قذافی اسٹیڈیم میں سرعام پھانسی دی جائے اور پوری دنیا کو لائیو کوریج دکھائی جائے تاکہ مجرم نشان عبرت قرار پائے، زینب پر ہونے والے ظلم کے خلاف پوری قوم متحد ہے،مجلس وحدت مسلمین شعبہ خواتین معصوم زینب کے اہل خانہ کے دکھ درد میں برار کی شریک ہے اس حوالے سےآج جمعہ 12تا 18جنوری ملک بھر میں ’’ہفتہ ناموس زینب‘‘منایاجارہا ہے۔
وحدت نیوز (اسلام آباد) مجلس وحدت مسلمین پاکستان شعبہ خواتین کی مرکزی رہنمامحترمہ نرگس سجاد جعفری نے قصور میں سات سالہ بچی کے اغوا اور مبینہ زیادتی اور قتل کی شدید مذمت کی ان کا کہنا تھا اس واقعہ نے پنجاب حکومت کی گڈ گورننس کی قلعی کھول دی. واقعہ کے بعد پنجاب کے وزیر لا قانونیت رانا ثناء اللہ کی نجی ٹی وی سے گفتگو اس سے زیادہ قابل مذمت تھی. سوشل میڈیا پر جاری بیان میں خانم نرگس جعفری نے کہا مظاہرین پر فائرنگ سے ہونے والی شھادتوں کی ذمہ داری مجرم اعلی' شھباز شریف پر عائد ہوتی ہے. سانحہ ماڈل ٹاؤن دہرایا گیا ہے. ان کا کہنا تھا کہ ایم ڈبلیو ایم متاثرہ خاندانوں کے ساتھ کھڑی ہے. قاتل پنجاب حکومت کا یوم حساب دور نہیں. انھوں نے کہا کہ مجلس وحدت مسلمین مطالبہ کرتی ہے سات سالہ زینب کے درندہ صفت قاتل اور نہتے مظاہرین پر فائرنگ کرنے والوں کو جلد از جلد قانون کے کٹہرے میں لایا جائے۔
وحدت نیوز (اسلام آباد) قصور میں ننھی زینب کے ساتھ پیش آنے والے اندھوناک واقعے نے ساری پاکستانی قوم کے ضمیرکو جھنجھوڑ کررکھ دیا ہے ،ہمارامعاشرہ کس قدر پستی کا شکار ہوچکاہےکہ معصوم پھول جیسی بچیوں کو مسل کر پھینک دینے میں کوئی عار محسوس نہیں کرتا،ہم مطالبہ کرتے ہیں کے زینب کے سفاک قاتل کو قذافی اسٹیڈیم میں سرعام پھانسی دی جائے اور پوری دنیا کو لائیو کوریج دکھائی جائے تاکہ مجرم نشان عبرت قرار پائے، زینب کی عصمت دری اور بہیمانہ قاتل کے خلاف مجلس وحدت مسلمین شعبہ خواتین کے تحت ’’ہفتہ ناموس زینب ‘‘منایا جائے گا، ان خیالات کا اظہار مجلس وحدت مسلمین پاکستان شعبہ خواتین کی مرکزی سیکریٹری جنرل محترمہ سیدہ زہرا نقوی نے مرکزی سیکریٹریٹ سے میڈیا کو جاری اپنے بیان میں کیا۔
انہوں نے کہاکہ زینب کو جس درندگی اور وہشت گری کا نشانہ بنایا گیا اس نے بین الاقوامی سطح پر پاکستان کی ساکھ کو نقصان پہنچایا ہے،قومی سلامتی کے اداروں کو چاہیئے کہ ایسی قانون سازی یقینی بنائیں جس سے ایسے سفاک درندوں کو طوری فور پر نشان عبرت بنایا جاسکےتاکہ ایسے سنگین واقعات میں کمی واقع ہو، یقیناً ملک بھر میں ایسے درجنوں واقعات روز انہ کی بنیاد پر پیش آتے ہیں لیکن مجرموں کوسزانا ملنے سے ان کے حوصلے مزید بلند ہوتے چلے جاتے ہیں، انہوں نے کہا کہ زینب پر ہونے والے ظلم کے خلاف پوری قوم متحد ہے ،مجلس وحدت مسلمین شعبہ خواتین معصوم زینب کے اہل خانہ کے دکھ درد میں برار کی شریک ہے، انشاء اللہ جمعہ 12تا 18جنوری ملک بھر میں ’’ہفتہ ناموس زینب ‘‘منایاجائے گا،جس کے تحت احتجاجی اجتماعات ، چراغاں اور تعزیتی تقاریب منعقد ہوں گی ، ایم ڈبلیوایم شعبہ خواتین کی کارکنان اور عہدیدان اپنے اپنے اضلاع میں پروگرامات کا انعقاد یقینی بنائیں۔
وحدت نیوز (لاہور) مجلس وحدت مسلمین کے مرکزی رہنما علامہ اعجاز حسین بہشتی کا دورہ لاہورجاری ہے ،اس دوران انہوں نے علامہ اقبال ٹاوُن میں محمد کمیل رکن وحدت یوتھ کے رہائش گاہ پر وحدت یوتھ لاہور کے کارکنان کے ساتھ فکر نشست سے خطاب کیا،اس موقع پر خطیب جامعہ مسجد شاہ خراسان علامہ اقبال ٹاوُن علامہ بشیر رضوی نے بھی شرکت کی،علامہ اعجاز بہشتی نے تنظیم سازی،معاشرہ سازی میں نوجوانوں کی کردار پر سیر حاصل گفتگو کی ، انہوں نے کہا کہ الہیٰ معاشرے کی تشکیل کیلئے نوجوانوں کے کاندھوں پر بھاری ذمہ داری عائد ہوتی ہے، حکم قرآنی بھی یہی ہے کہ امر بالمعروف اور نہی ازمنکرکو کسی صور ت ترک نا کیا جائے ۔
وحدت نیوز(کوئٹہ) مجلسِ وحدت مسلمین شعبہ خواتین کوئٹہ ڈویژن کی ایک اہم نشست ایم ڈبلیوایم کے ممبر صوبائی اسمبلی آغا رضا کے ساتھ ہوئی۔جسمیں خصوصیت کیساتھ آغا رضا نے صوبہ بلوچستان اور ملک کے سیاسی حالات و واقعات پر تفصیلی روشنی ڈالی اور آئیندہ آنے والے الیکشن کے حوالے سے لائحہ عمل اور پری الیکشن تیاری کے آغاز کے حوالے سے گفتگو کی۔
وحدت نیوز(کراچی) مجلسِ وحدت مسلمین شعبہ خواتین کراچی ضلع ملیر کی جانب سے اہلِ علاقہ کے لئے ولادتِ امام حسن عسکری ع کی مناسبت سے میلاد کا اہتمام کیا گیا، جس سے مجلسِ وحدت مسلمین شعبہ خواتین پاکستان کی مرکزی جنرل سیکرٹری محترمہ زہرہ نقوی نے خطاب کیا اور زندگانی و سیرتِ امام حسن عسکری ع پہ تفصیلی روشنی ڈالی ۔انہوں نے کہاکہ معاشرتی انحطاط کا مقابلہ سیرت آئمہ معصومین ؑ کی پیروی سے ہی ممکن ہے، خواتین اچھے گھر کی تربیت کریں تاکہ ایک اچھے معاشرے کا قیام عمل میں آئے ۔
وحدت نیوز(لاہور) مجلس وحدت مسلمین پاکستان کے مرکزی رہنما علامہ اعجاز بہشتی نے لاہور میں وحدت یوتھ کے زیراہتمام منعقدہ تربیتی ورکشاپ سے خطاب کرتے ہوئےکہا کہ فرسودہ نظام کے خاتمے اور معاشرے سے تکفیری سوچ کو شکست دینے میں نوجوان اپنا کردار ادا کریں،ملک دشمن طاقتیں ہمارے نوجوانوں کو گمراہ کرکے ملکی سلامتی و ترقی کیخلاف صف بندی میں مصروف ہیں،علامہ اعجاز بہشتی کا کہنا تھا کہ کرپٹ اور نااہل حکمرانوں کے سبب پاکستان میں تعلیم یافتہ لاکھوں نوجوان بے روزگاری کے سبب پریشان کن زندگی گذارنے پر مجبور ہیں۔
انہوں نے کہاکہ نوجوان کسی بھی معاشرے کی تعمیر و ترقی میں بنیادی کردار ادا کرتے ہیں،جبکہ حکمرانوں کی نااہلی کی جانب توجہ دلاتے ہوئے انہوں نے کہاکہ جوانوں کی تعلیم تربیت اور باعزت روزگار کی ذمہ داری ریاست اور حکمرانوں کی ہے،لیکن بدقسمتی سے ہمارے اوپر مسلط حکمران قائد اعظم اور علامہ اقبال کے افکارو نظریات کے برعکس ذاتی مفادات کے لئے ملکی وسائل کو ہڑپ کرنے میں مصروف ہیں،علامہ اعجاز بہشتی نے مزید کہا کہ نوجوان اس فرسودہ نظام اور خاندانی سیاست کیخلاف میدان میں اتریں اور ان لٹیروں ظالموں کا راستہ روک کر وطن عزیز کو ان کے وجود سے پاک کریں۔
وحدت نیوز(جیکب آباد/شہدادکوٹ/ شکارپور/خیرپور/ لاڑکانہ) مرکزی سیکریٹری وحدت یوتھ پاکستان ڈاکٹر یونس حیدری نے سندھ کے مختلف کا پانچ روزہ دورہ کیا، اس دوران انہوں نے جیکب آباد، شہدادکوٹ، شکارپور،خیرپور، لاڑکانہ میں مختلف تنظیمی نشستوں سے خطاب کیا جبکہ مختلف شخصیات سے ملاقاتیں بھی کیں ، ڈاکٹر محمد یونس حیدری نے دورہ شھدادکوٹ میں سینئر صحافی سید صادق شاھ جو دو دن قبل لینڈ مافیا کے حملی میں زخمی ہوئے انکے گھر جا کر عیادت کی اور یقین دلایا کہ مجلس وحدت مسلمین حق اور سچ کے ساتھ ہے اور مظلوموں کی ساتھ صف اول میں کھڑی ہے اس موقعی پر موجود مجلس کے ذمیداران کو تاکید کی کہ وہ شہداد کوٹ کہ ہر مظلوم کی حمایت کریں اور ان کی ہر ممکن مدد کریں اس موقع پر سینیئر صحافی سید صادق شاہ نے کہا کہ مجلس وحدت کے کارکنان بلخصوص صوبائی رہنما سید علی اکبر شاھ پہلے دن سے اسپتال سے لیکر احتجاج اور ایف آئی آر کٹواتے وقت بھی ساتھ رہے آج مجلس کے مرکزی رہنما کی آمد نے مجھے مذید حوصلا دیا ہے اور استقامت دی ہے میں مجلس کی تمام قیادت کا مشکور ہوں، بعد ازاں انہوں نے تکفیری دہشت گردوں کی فائرنگ سے زخمی ہونےوالے مختار سومرو کی عیادت کی اورانکی جلد صحتیابی کی دعا بھی کی،ڈاکٹر محمد یونس حیدری نےمقامی امام بارگاہ میں وحدت یوتھ ضلع شہدادکوٹ کے کارکنان کو دور حاضر میں جوان کا کردارکے عنوان پر درس دیا ۔
مرکزی سیکریٹری وحدت یوتھ پاکستان ڈاکٹر محمد یونس حیدری نے جیکب آباد کے دورے کے دوران یوتھ کانفرنس سے خطاب کیا، اس موقع پر صوبائی سیکریٹری جنرل علامہ مقصودڈومکی اور ضلعی سیکریٹری جنرل مولانا سیف علی ڈومکی سمیت کارکنان کی بڑی تعداد موجود تھی،دورہ شکارپورکے دوران ڈاکٹر محمد یونس حیدری نے وزڈم پبلک اسکوم میں وحدت یوتھ ضلع شکارپورکے زیر اہتمام فلسفے کا تعارف کے عنوان سے سیمینار سے خصوصی خطاب کیا،انہوں نے جوانوں کو تاکید کی کہ دورحاضر کے چیلنجز کو درک کرتے ہوئے اپنی تربیت اور تعلیم پر خصوصی توجہ دیں اور دشمنان دین کی چالوں کو سمجھیں ، مرکزی سیکرٹری وحدت یوتھ پاکستان ڈاکٹر یونس حیدری نے دورہ خیرپور سٹی کے موقع پر "انسان کو دین کی ضرورت" کے عنوان سے منعقدہ فکری نشست سے جوانوں سے خطاب بھی کیا بعد ازاں انہوں نے ٹھری میرواہ کے یونٹ مینگھوفقیر شر کا تنظیمی دورہ کیا اور جوانوں سے خطاب بھی کیا ،اس موقع پہ ان کے ساتھ صوبائی سیکرٹری وحدت یوتھ سندھ برادر فدا اور ضلعی سیکرٹری جنرل علامہ احمد علی طاہری بھی موجود تھے،ضلع لاڑکانہ کے دورے کے دوران انہوں نے تعلقہ رتوڈیرومیں وحدت یوتھ کے کارکنان کے ساتھ ایک نشست سے خطاب کیا ،اس موقعے پر ضلعی سیکریٹری جنرل مولانا محمد علی شر اور صوبائی سیکریٹری یوتھ کے معاون برادر جاوید علی میرانی بھی موجود تھے۔
وحدت نیوز(کراچی) وحدت یوتھ کراچی ڈویژن کے زیراہتمام جشن معصومین ؑکا مسجد وامام بارگاہ مدینتہ العلم گلشن اقبال میں شاندارانعقادکیا گیا، پروگرام کاآغاز قاری علی احسن سیکریٹری امور تربیت وحدت یوتھ کراچی ڈویژن نے تلاوت کلام پاک سے کیا جبکہ نظامت کے فرائض شہید استاد سبط جعفرکے رفیق اور دیرینہ ساتھی الحاج ناصرعبا س اور ایم ڈبلیوایم کراچی ڈویژن کے ڈپٹی سیکریٹری جنرل علامہ مبشرحسن نے انجام دیئے،شہرکراچی کے معروف شعراءاہل بیتؑ جناب قمرحسنین، میرحیدر حسین تکلمؔ، ثمرحسنین سمیت معروف منقبت وثناءخوانِ اہل بیت ؑجناب شجاع رضوی، مختار فتحپوری،دستہ امامیہ کے صاحب بیاض وسیم الحسن عابدی، امانت علی خان و غلام عباس خان (سونو مونو)، صبیب عابدی ، میثم زیدی، زاہد رضاو دیگر نے بھی بارگاہ معصومین ؑ میں اپنی منفردانداز میں نذرانہ عقیدت پیش کیا۔مجلس وحدت مسلمین کے مرکزی رہنما علامہ محمد امین شہیدی، صوبائی رہنماعلی حسین نقوی،ڈویژنل سیکریٹری جنرل مولانامحمد صادق جعفری، مولانا نشان حیدرساجدی، مولانا سید حمید حسین الحسینی ، علامہ مبشر حسن ،مولانا غلام عباس کمیلی،رضی حیدررضوی ،مختلف سماجی شخصیات اور مومنین کی بڑی تعدادمیں شرکت کی،مجلس وحدت مسلمین کے مرکزی رہنما علامہ محمد امین شہیدی نے جشن کی محفل سے خصوصی خطاب کیا، جشن کے اختتام پر ایام عزاءمیں شہرکراچی کی مختلف مجالس وجلوس ہائے عزاءمیں سکیورٹی کے بہترین انتظامات اور عزاداروں کی خدمت میں پیش پیش رہنے والے وحدت یوتھ کراچی کےرضا کاروں میں مجلس وحدت مسلمین کے رہنمامولانا صادق جعفری، مولانا نشان حیدر، مولاناغلام عباس کمیلی،مولانا حمید حسین الحسینی، میر تقی ظفر، احسن عباس رضوی اور رضی حیدرکے ہاتھوں اعزازی اسنادبھی تقسیم کی گئیں، جشن کےاختتام پر حاضرین کے لئے طعام کا اہتمام کیاگیاتھا۔
وحدت نیوز (کوئٹہ) کرسمس کے پرمسرت موقع پر حلقہ پی بی 2 میں رہائش پزیر مسیحی برادری کیلئے خیر العمل ویلفیئر ٹرسٹ شعبہ فلاح وبہبود مجلس وحدت مسلمین پاکستان کی جانب سے راشن پیکج کی تقسیم کی گئی، ساد ہ مگر پروقار تقریب سے ایم ڈبلیوایم کے مرکزی رہنما علامہ ہاشم موسوی اور ایم ڈبلیوایم کے رکن بلوچستان اسمبلی آغا محمد رضا نے خطا ب کیا، اس موقع پر بڑی تعداد میں مسیحی برادری اور ایم ڈبلیوایم کے ذمہ داران بھی شرکت تھے، علامہ ہاشم موسوی اور آغا رضا نے اپنے خطاب میں مسیحی برادری کو ولادت حضرت عیسیٰ ؑ کے موقع پرمبارک باد پیش کی اور کہا کہ حضرت عیسیٰ ؑ مسیحی اور مسلم دونوں کے نذدیک قابل احترام ہستی ہیں، آپ پیغمبر خدا ہیں جنہوں نے بشریت کی تبلیغ اور پیغام الہیٰ کی ترویج کی ذمہ داری انجام دی ، انسانیت کی خدمت اسلام اور دیگر مذاہب میں یکساں اہمیت کی حامل ہے، ایم ڈبلیوایم سیرت انبیاء پر عمل کرتے ہوئے انسانیت کی بلاتفریق خدمت پر یقین رکھتی ہے ، آج کی یہ تقریب بھی ایسی جذبے کی عکاس ہے،راشن بیگز کی تقسیم پر مسیحی برادری کی جانب سےایم ڈبلیوایم کا تہہ دل سے شکریہ ادا کیاگیا۔
