The Latest

وحدت نیوز(تلہ گنگ) مجلس وحدت مسلمین شعبہ خواتین کی مرکزی سیکریٹری امور تربیت خانم نرگس سجاد جعفری نے تلہ گنگ سٹی کا دورہ کیا حدیث کساء کی محفل میں شرکت کی اور شعبہ خواتین کی کابینہ کے تاسیسی اجلاس میں شرکت کی اور نو منتخب اراکین کابینہ سے حلف لیا ،خانم تنویر زہراء سیکرٹری جنرل, خانم غلام زہراء ڈپٹی سیکرٹری جنرل اور خواہر ساقیہ بتول مسئول گرلز گائیڈ منتخب کیا گیا۔

وحدت نیوز(لاہور) وحدت یوتھ پاکستان کے مرکزی سیکریٹری مولانا محمد یونس حیدری نے اپنے ایک بیان میں کہا ہے کہ  70ویں جشن آزادی پاکستان کے موقع پر ملک بھر میں پروقار تقریبات کے انعقاد پر یوتھ کے دوستوں کا تہہ دل سے ممنون و مشکور ہوں. جشن آزادی پاکستان کے موقع پر ملک بھر میں دوستوں کی حب الوطنی اور ریلیوں کی شکل میں اس کا اظہار نہایت دیدنی تھا. مادر وطن کے باوفا فرزند اسی طرح آئندہ بھی ہر ایشو اور ایونٹ میں استقامت کے ساتھ میدان میں حاضر رہ کر دینی قومی اور ملی غیرت کا ثبوت دیں گے. جن دوستوں ملک بھر میں ریلیوں کے انعقاد اور انہیں پرشکوہ بنانے کے لئے جس طرح کی بھی کوشش کی ہے ان سب کا شکریہ ادا کرتا ہوں. خاص طور پر وحدت یوتھ لاھور اسی وحدت یوتھ سندھ اور کوئیٹہ کا بے حد ممنون و مشکور ہوں جنہوں نے مختصر سے وقت میں معیاری جشن آزادی کے پروگرامات منعقد کر کے شاندار کارکردگی کا مظاہرہ کیا. میری دعا ہے کہ اللہ پاک ہمارے جوانوں کو اسی طرح ملک و ملت کی خدمت کرنے اور اس کی تعمیر و ترقی میں حصہ ڈالنے اور ہر میدان میں ثابت قدم رہتے ہوئے ناصر ملت کی آواز بننے اور ان کے پیغام کو ملک کےہر فرد تک پہنچانے کی توفیق عنایت فرمائے. ہمیشہ خوش رہیں اور شاد و آباد.  انشاء اللہ مولا امام زمان عج ہم سب کا حامی و ناصر ہو۔

وحدت نیوز(لاہور) مجلس وحدت مسلمین لاہور یوتھ ونگ کے زیر اہتمام جشن آزادی کے موقع پر آزادی مارچ کا اہتمام کیا گیا ،صوبائی سیکرٹریٹ شادمان لاہور سے مرکزی سیکرٹری یوتھ ڈاکٹر یونس حیدری کی قیادت میں آزادی ٹرک روانہ ہوا جو شادمان،فیروزپور روڈ،برکت مارکیٹ،کلمہ چوک،لبرٹی،حسین چوک،کیولری گراونڈ،والٹن روڈ ڈی ایچ اے سے ہوتا ہوا واپس شادمان صوبائی سیکرٹریٹ پر اختتام پذیر ہوا،راستے میں زندہ دلان لاہور نے بھر پور استقبال کیا،عوام کی بڑی تعداد ٹرک کے ساتھ چلتے  ملی نغموں ترانوں اور پاکستان بنایا تھا پاکستان بچائیں گے کے نعروں سے لطف اندوز ہوتے رہے،لبرٹی چوک پر عوام سے خطاب کرتے ہوئے مجلس وحدت مسلمین پاکستان کے سیکرٹری یوتھ ڈاکٹر یونس حیدری نے کہا کہ آج یوم آزادی کے دن کو بھر پور جوش اور جذبے سے منا کر پاکستان کے غیور عوام نے دشمن کو یہ پیغام دیا ہے کہ ہم دشمن کے ناپاک ارادوں کو خاک میں ملا کر دم لیں گے،یہ قوم فولاد سے بھی زیادہ مضبوط قوم ہیں،دہشتگردی کے ناسور کو انشااللہ ہم اسی جوش اور جذبے کے تحت اس ملک سے ختم کر کے دم لیں گے،اور ہم اپنے ازلی دشمن بھارت کو یہ بتانا چاہتے ہیں اب تمھارے ظلم بربریت کے دن گنے جاچکے کشمیر کے عوام انشااللہ آزاد فضا میں جلد سانس لے گی،انہوں نے کہا کہ کوئٹہ سمیت وطن عزیز کے ہزاروں شہداء پر ہمارا سلام کہ انہوں نے اپنی جانوں کا نذرانہ دے کر اس ارض پاک کی آبیاری کی،ہم ان شہداء کے قاتلوں ،ان کے سہولت کاروں اور سیاسی سرپرستوں کا پیچھا جاری رکھیں گے ،انشااللہ ملک دشمن قوتیں ناکام ہونگے ،ہمیں اقبال اور قائد کے پاکستان کے لئے جس طرح کی قربانی دینی پرے ہم تیار ہیں۔

وحدت نیوز(راولپنڈی) مجلس وحدت مسلمین ضلع راولپنڈی شعبہ خواتین کی سیکرٹری جنرل سیدہ قندیل زہرہ نے کہا ہے کہ 7 اگست کو تحفظ پاکستان کانفرنس اسلام آباد میں راولپنڈی سے خواتین کی بڑی تعداد شرکت کرے گی۔ انہوں نے کہا کہ ایم ڈبلیو ایم کے سربراہ علامہ ناصر عباس کی جدوجہد ملت تشیع کے حقوق اور وطن عزیز کے استحکام کے لئے ہے۔ انہوں نے پاکستان کے پانچ کروڑ سے زائد اہل تشیع کے لئے آواز بلند کر رکھی ہے۔ پوری قوم ان کے شانہ بشانہ کھڑی ہے۔ خواتین ان کی جدوجہد میں ہراول دستے کا کردار ادا کریں گی۔ انہوں نے کہا کہ ہم زینبی کردار کی پیروکار ہیں۔ حق کے لئے اٹھنے والے ہمارے یہ قدم کبھی نہیں رکیں گے۔ ایم ڈبلیو ایم کے آئینی مطالبات کی منظوری میں پس و پیش حکمرانوں کے تعصب اور بدنیتی کو آشکار کر رہا ہے۔ حکومتی ہٹ دھرمی اور بےحسی کے باوجود ہم نے اپنے عمل اور کردار یہ ثابت کیا ہے کہ ملت تشیع پرامن جدوجہد پر یقین رکھتی ہے اور اپنے حقوق کے حصول کے لئے آئین و قانون کو ہی مقدم سمجھتی ہے۔ انہوں نے کہا کہ شہید قائد عارف حسینی کی برسی کے سلسلے میں ہونے والی کانفرنس میں بھرپور شرکت کے لئے ہماری رابطہ مہم اور تیاریاں آخری مراحل میں ہیں۔

وحدت نیوز(راولپنڈی) خواہر سیدہ زہراء نقوی مرکزی سیکرٹری جنرل مجلس وحدت مسلمین پاکستان شعبہ خواتین کی زیر صدارت راولپنڈی میں شعبہ خواہران کا ڈویژنل اجلاس منعقد ہوا جس میں راولپنڈی ڈویژن کی فعال خواہران کی کثیر تعداد نے شرکت کی اس اجلاس میں راولپنڈی ڈویژن کی کابینہ کا انتخاب عمل میں آیا ۔

اجلاس میں نامزد ڈویژنل کابینہ کا اعلان بھی کیا گیا ۔ نئی کابینہ میں شامل جن خواہران کو منتخب کیا گیا ان کے اسماء گرامی اور ذمہ داریا ں یہ ہیں محترمہ سیدہ قندیل زہراء کاظمی کو ڈویژنل سیکرٹری جنرل راولپنڈی ،محترمہ سیدہ سمن زہراء نقوی صاحبہ کو نشرواشاعت اور محترمہ سیدہ راضیہ رضوی صاحبہ کو ڈویژنل ڈپٹی سیکرٹری جنرل راولپنڈی ڈویژن منتخب کیا گیا ۔

ڈویژنل کابینہ کے صدارتی اجلاس سے خطاب کرتے ہوئے محترمہ خواہر سیدہ زہراء نقوی صاحبہ نے کہا کہ جن خواہران کا آج کے اجلاس میں انتخاب عمل میں آیا ہے ۔ان سے یہی امید ہے وہ پہلے کی طرح اب بھی بھر پور انداز میں اپنی توانائیوں کو مجلس وحدت مسلمین پاکستان کے لئے وقف کریں گیں ۔ آج مجلس پہلے سے کہیں زیادہ اپنی حیثیت کو منو ا چکی ہے ۔ آج مجلس ایک ملت کی آواز بن چکی ہے لہذا اب ہمیں پہلے سے کہیں زیادہ فعال ہو نا ہو گا ۔امید ہے کہ خواہران اپنا زینبی (س) کردار ادا کرتے ہوئے 7 اگست قائد شہید ؒ کی برسی کے پروگرام اورتحفظ پاکستان کانفرنس میں خود بھی اور دیگر خواہران کی شرکت کو بھی یقینی بنائیں گیں ۔

وحدت نیوز(اسلام آباد) مرکزی بھوک ہڑتالی کیمپ ۔ایف ۔6، اسلام آباد میںمجلس وحدت مسلمین پاکستان شعبہ خواتین اسلام آباد کی جنرل سیکرٹری محترمہ خانم زہراء حیدر کی زیر صدارت ایک عظیم الشان خواتین ذاکرات کانفرنس منعقد ہوئی جس میں 17 جولائی کو ہونے والے احتجاج کا جائزہ لیا گیا اور انتظامات کو آخری شکل دی گئی ۔راولپنڈی ،اسلام آباد کی معروف ذاکرات نے اس پروگرام میں بھرپور شرکت کی اس کانفرنس سے قائد وحدت علامہ ناصر عباس جعفری ،علامہ حسن ظفر نقوی ،سید زاہد حسین جعفری ،سید تطہیر رضوی کے علاوہ معروف ذاکرات نے بھی خطاب کیا اور 17 جولائی کو ہونے والے احتجاج کو کامیاب بنانے کے لئے بھرپور جدوجہد اور عزم کا اظہار کیا گیا۔

وحدت نیوز(بھکر) مجلس وحدت مسلمین 13 مئی سے جاری اسلام آباد میں علامہ ناصر عباس جعفری کی بھوک ہڑتال اور ان کے مطالبا ت کی بھرپور حمایت کے لئے سینکڑوں خواتین کی قصرزینب سے دربار قصر علی اصغر گڈولہ روڈ تک شاندار احتجاجی ریلی کے دوران مختلف خواتین نے اظہار خیال کرتے ہوئے کہا کہ آج ہم اپنے گھروں سے اس لئے باہر آئی ہیں کہ ملک بھر میں ہمارے وکلاء ، علماء ، پروفیسرز ، ڈاکٹر ز، ٹیچرزکیوں قتل کیے جارہے ہیں ڈی آئی خان سمیت پارا چنار، گلگت، کراچی اور دیگر اضلاع میں ہمارے ساتھ امتیازی سلوک جاری ہے ۔ کیا ہم پاکستان کے شہری نہیں ہیں؟ ہمارے گھروں سے روز جنازے اٹھتے ہیں کہرام برپا ہوتا ہے اور الٹا حکومتی اہلکار ہمارے خلاف کاروائیاں کرتے ہیں ۔ ۔ حکومتی اہلکار اور سیاست دان ملکر ہمارا ستحصال کر رہے ہیں ۔ ہمارے عظیم قائدعلامہ عارف حسین الحسینی کو کس نے شہید کیا تھا؟ اس کا جواب حکومتی اہلکاروں کے پاس ہے ۔ اب تک ان دہشتگردوں اور ان کے سہولت کاروں کے خلاف کاروائی نہ ہونا لمحہ فکریہ ہے خواتین پر جوش انداز میں میں کہنا تھا لاشیں اٹھاتے ہیں اٹھاتے رہیں گے مجلس میں جاتے ہیں جاتے رہیں گے ۔

خواتین نے اپنے ہاتھوں میں پر چم اور پلے کارڈ اٹھا کر ظالم حکومت کے خلاف، دہشتگروں اور ان کے سہولت کاروں کے خلاف بھر پور نفرت کا اظہار کیا۔ ریلی اختتام پر مرکزی سیکرٹری جنرل مجلس وحدت مسلمین پاکستان علامہ ناصر عبا س جعفری کے مطالبات جن میں نیشنل ایکشن پلان پر مکمل عملدرآمد ، شیعہ کلنگ میں ملوث دہشتگردوں کے خلاف کاروائی، عزاداری امام حسین پر لگائی جانے والی پابندی کا خاتمہ، پنجاب میں ذاکرین اور علماء پر لگائی جانیوالی پابندی کا خاتمہ کے علاوہ دیگر تمام مطالبات کی حمایت بھر پور اعلان کیا ہے اور اظہار خیال کرتے ہوئے کہا کہ ہم اپنے قائد وحدت کی ایک آواز پر جان قربان کرنے کو تیار ہیں ریلی میں شریک خواتین اور بچوں نے دعائیہ کلمات کے ساتھ اختتام پذیر ہوگیا۔ بھر پور میڈیا Coverge پر پرنٹ میڈیا اور الیکٹرک میڈیا کا خواتین نے شکریہ ادا کیا ۔

وحدت نیوز(گلگت) دہشت گرد عناصر کا جب تک مکمل صفایا نہیں کیا جاتا چین سے نہیں بیٹھیں گے۔ہم کب تک اپنے پیاروں کی لاشوں پر ماتم کرتے رہیں گے حکومت ہمارے زخموں پر مرہم لگانے کی بجائے نمک پاشی کررہی ہے۔ایک منظم سازش کے تحت ملک بھر اہل تشیع کی ٹارگٹ کلنگ کی جارہی ہے ،دہشتگردوں کو لگام دینا ریاست کی ذمہ داری ہے۔ہمارے چودہ بے گناہ اسیروں کو فوری رہا کیا جائے۔
مجلس وحدت مسلمین گلگت بلتستان کے شعبہ خواتین کے رہنما محترمہ سائرہ ابراہیم، محترمہ بی بی سلیمہ رکن اسمبلی کی قیادت میں علامہ راجہ ناصرعباس جعفری کی بھوک ہڑتال کی حمایت اور ملک بھر میں شیعہ ٹارگٹ کلنگ کے خلاف احتجاجی ریلی نکالی گئی۔اس احتجاجی ریلی میں سینکڑوں خواتین نے ہاتھوں میں پلے کارڈ اٹھارکھے تھے جن پر دہشت گردوں اورحکومت کی دہشت گردی کو روکنے کی ناکام پالیسی کے خلاف نعرے درج تھے۔ وحدت ہاؤس سے نکالی جانیوالی یہ ریلی شہید ملت روڈ سے ہوتے ہوئے شہید کیپٹن ضمیر عباس چوک پر پہنچ گئی جہاں خواتین رہنماؤں نے مظاہرین سے خطاب کیا۔

اس موقع پر مجلس وحدت مسلمین شعبہ خواتین کی کوارڈینیٹر محترمہ سائرہ ابراہیم نے خطاب کرتے ہوئے کہاکہ ایک خاص منصوبہ بندی کے تحت پورے ملک میں وکلاء ،ڈاکٹرز، پروفیسرز اور دیگر پروفیشنلز کو ٹارگٹ کیا جارہا ہے اور حکومت کی مجرمانہ خاموشی سے لگتا ہے کہ انہوں نے دہشت گردوں کو چھوٹ دے رکھاہے۔ انہوں نے سانحہ 1988 سے لیکر شاہراہ قراقرم کے واقعات جن میں سینکڑوں کی تعداد میں اہل شیع کو شناخت کرکے قتل کیا گیا لیکن تاحال نہ تو کوئی قاتل گرفتار ہوا ہے اور نہ ہی کسی کے خلاف کوئی کاروائی ہورہی ہے جو کہ شیعہ نسل کشی میں حکومت کا برابر کا حصہ ہے۔

رکن اسمبلی محترمہ بی بی سلیمہ نے احتجاجی مظاہرین سے خطاب کرتے ہوئے کہا کہ حکومت ملک میں انارکی پھیلانے کی درپے ہے،ہماری امن پسندی کو کمزوری نہ سمجھیں ۔وفاقی حکومت کی سیاہ کاریاں سب کے سامنے آچکی ہیں اور حکومت دہشت گردوں کی دہشت کا شکار ہوچکی ہے جس کے سبب کوئی ٹھوس کاروائی کرنے سے گریزاں ہے۔انہوں نے کہا کہ صوبائی حکومت گلگت بلتستان میں ایک خاص منصوبہ بندی کے تحت شیعہ آبادی کو محدود کرنے کیلئے ہماری بنجر زمینوں کو سرکاری تحویل میں لے رہی اور مقامی لوگوں کو آباد کاری سے روکا جارہا ہے جبکہ دوسری جانب ایک مخصوص فکر رکھنے والوں کو سعودی حکومت کے تعاون سے مکانات تعمیرکرکے گلگت میں بسایا جارہا ہے۔صوبائی حکومت کی یہ روش کسی صورت بھی علاقے کے مفاد میں نہیں۔

محترمہ خواہر کنیززہراء نے اپنے خطاب میں کہا کہ آج کا یہ اجتماع گلگت بلتستان کی تاریخ کا اپنی نوعیت کا پہلا مظاہرہ ہے جس میں خواتین نے ظلم و زیادتی کے خلاف سڑکوں پر آنے کا فیصلہ کیا۔حکومت ہمارے اس اقدام کو روایتی انداز میں نہ لے بلکہ سنجیدگی سے ہمارے مطالبات کو حل کرے اور گلگت بلتستان کے عوام میں پائی جاینوالی بے چینی کا ازالہ کرے ورنہ اس احتجاج کو مزیدپھیلایا جائیگا اور صوبائی حکومت کو چھپنے کی جگہ نہیں ملے گی۔ انہوں نے کہا کہ اگر ہمارے بے گناہ اسیر رہا نہیں ہوئے تو وزیر اعلیٰ ہاؤس کا گھیراؤ کیا جائیگا اور وہ دن صوبائی حکومت کاآخری دن ہوگا۔

وحدت نیوز(جنوبی پنجاب) مجلس وحدت مسلمین شعبہ خواتین کے زیراہتمام آج ملک بھر میں احتجاجی مظاہرے کیے گئے۔اسلام آباد، کراچی،لاہور، پشاور،کوئٹہ ،ملتان،ڈیر اسماعیل خان اور فیصل آباد سمیت مختلف شہروں میں منعقدہ مظاہروں میں سینکڑوں کی تعداد میں خواتین اور بچوں نے شرکت کی۔تفصیلات کے مطابق جنوبی پنجاب کے آٹھ شہروں میں علامہ راجہ ناصر عباس جعفری کے اظہاریکجہتی کے طور پر ریلیاں نکالی گئیں۔ ملتان میں امام بارگاہ دولت سے چوک گھنٹہ گھر تک احتجاجی ریلی نکالی گئی، بہاولپور میں شیعہ جامع مسجد سے فرید گیٹ تک احتجاجی ریلی نکالی گئی، ڈیرہ غازیخان میں پاکستان چوک پر احتجاجی مظاہرہ کیا گیا، لیہ میں میلاد گراؤنڈ سے پریس کلب تک احتجاجی ریلی نکالی گئی، بھکر میں امام بارگاہ قصرزینب سے امام بارگاہ قصرعلی اصغر تک احتجاجی ریلی نکالی گئی، رحیم یارخان میں پریس کلب کے سامنے احتجاجی مظاہرہ کیا گیا، ملتان میں مظاہرین نے بینرز اورپوسٹرز اٹھا رکھے تھے جن پر شیعہ ٹارگٹ کلنگز اور ملک میں جاری دہشت گردی کے خلاف نعرے درج تھے۔جبکہ احتجاجی ریلی سے علامہ اقتدار حسین نقوی، علامہ قاضی نادر حسین علوی، مولانا ہادی حسین ہادی، محمد عباس صدیقی اور دیگر نے بھی خطاب کیا۔

مقررین نے مجلس وحدت مسلمین کے سربراہ علامہ راجہ ناصر عباس کی بھوک ہڑتال کو دو ماہ سے زائد عرصہ گزرنے کے باوجود حکومت کی طرف سے عدم توجہی پر کڑی تنقید کی۔انہوں نے کارکنوں سے خطاب کرتے ہوئے کہا کہ نیشنل ایکشن پلان کی آڑ میں ہمارے بے گناہ لوگوں کو انتقام کا نشانہ بنایا جا رہا ہے۔ہمارے باصلاحیت ،پڑھے لکھے اور ہنرمند افراد کو چن چن کر شہید کیا جا رہا ہے۔کالعدم مذہبی جماعتوں کو حکومت کی مکمل آشیر باد حاصل ہے جس کے باعث وہ ملک میں دندناتی پھر رہی ہیں۔عدلیہ سمیت ملک کے دیگرمقتدر اداروں کی طرف سے ان واقعات پرمسلسل خاموشی ہمارے لیے تشویش کا باعث ہے۔ انہوں نے کہا جب ریاست بے گناہوں کو پابند سلاسل کرنے لگے اور جرائم پیشہ افراد کو رعایت دینے لگے تو پھر ملک میں عدل و انصاف کی بجائے اختیارات کی حاکمیت سمجھی جاتی ہے۔اس وقت وطن عزیز کو ایسی ہی صورتحال کا سامنا ہے۔اس غیر منصفانہ طرز عمل کے خلاف علامہ ناصر عباس نے اپنی آواز بلند کی ہے۔۔ ملک و ملت کے لیے علامہ ناصر عباس کی مخلصانہ جدوجہد لائق تحسین ہے۔

انہوں نے پاکستان میں ملت تشیع پر ہونے والے مظالم سے نہ صرف اقوام عالم کو آگاہ بلکہ ایک طویل اور پرامن احتجاج کے ذریعے یہ ثابت کیا کہ پاکستان کے شیعہ پرتشدد سیاست کے خلاف ہیں اور اپنے حقوق کے حصول کے لیے آ ئینی و قانونی راہ کو ہی بہترین ذریعہ سمجھتے ہیں۔علامہ ناصر عباس کو پوری قوم کی تائید حاصل ہے اس کے باوجود حکومت دانستہ طور پر غفلت کا مظاہرہ کر رہی ہے جو حکومتی ذمہ داریوں اور اخلاقی قدروں کے منافی ہے۔جن حکمرانوں کے پاس پاکستان کے پانچ کروڑ تشیع کی نمائندہ جماعت کے سربراہ کی بات سننے کا وقت نہیں ان کے پاس اقتدار میں رہنے کا کوئی اخلاقی جواز نہیں بچتا۔ہمارے صبر کا پیمانہ لبریز ہو چکے ہیں۔ ہم آج سے اپنے احتجاج کی تحریک کو ملک کی اہم شاہراوں کی طرف منتقل کر رہے ہیں۔مجلس وحدت مسلمین کے سربراہ کے مطالبات کی منظوری تک ہمارا احتجاج میں کمی واقعہ نہیں ہو گی۔

وحدت نیوز (کراچی) مجلس وحدت مسلمین شعبہ خواتین کے زیراہتمام آج ملک بھر میں احتجاجی مظاہرے کیے گئے۔ کراچی،حیدر آباد،اسلام آباد،لاہور، پشاور،کوئٹہ،ملتان،ڈیر اسماعیل خان ، فیصل آباد،سکھر،جیکب آباد ،ٹنڈو محمدخان اور شکار پور سمیت مختلف شہروں میں منعقدہ مظاہروں میں سینکڑوں کی تعداد میں خواتین اور بچوں نے شرکت کی۔مظاہرین نے بینرز اورپوسٹرز اٹھا رکھے تھے جن پر شیعہ ٹارگٹ کلنگ اور ملک میں جاری دہشت گردی اورنواز حکومت کے خلاف نعرے درج تھے۔کراچی مرکزی ریلی مسجد شاہ خراسان سے امام بارگاہ علی رضا ایم اے جناح روڈ تک نکالی گئی جس میں مرکزی سیکرٹری خانم زہرا نقوی،گل زہرا،علامہ احمد اقبال ،علی حسین نقوی،علامہ مرزا یوسف حسین،علامہ باقر زیدی ،علامہ اظہر نقوی،سمیت دیگر رہنماؤں نے احتجاجی ریلی سے خطاب کرتے ہوئےمجلس وحدت مسلمین کے سربراہ علامہ راجہ ناصر عباس کی بھوک ہڑتال کو دو ماہ سے زائد عرصہ گزرنے کے باوجود حکومت کی طرف سے عدم توجہی پر کڑی تنقید کی۔

مرکزی سیکرٹری خانم زہرا نقوی نے خطاب کرتے ہوئے کہا کہ نیشنل ایکشن پلان کی آڑ میں ہمارے بے گناہ لوگوں کو انتقام کا نشانہ بنایا جا رہا ہے۔ہمارے باصلاحیت،پڑھے لکھے اور ہنرمند افراد کو چن چن کر شہید کیا جا رہا ہے۔کالعدم مذہبی جماعتوں کو حکومت کی مکمل آشیر باد حاصل ہے جس کے باعث وہ ملک میں دندناتی پھر رہی ہیں۔عدلیہ سمیت ملک کے دیگرمقتدر اداروں کی طرف سے ان واقعات پرمسلسل خاموشی ہمارے لیے تشویش کا باعث ہے۔ انہوں نے کہا جب ریاست بے گناہوں کو پابند سلاسل کرنے لگے اور جرائم پیشہ افراد کو رعایت دینے لگے تو پھر ملک میں عدل و انصاف کی بجائے اختیارات کی حاکمیت سمجھی جاتی ہے۔اس وقت وطن عزیز کو ایسی ہی صورتحال کا سامنا ہے۔اس غیر منصفانہ طرز عمل کے خلاف علامہ ناصر عباس نے اپنی آواز بلند کی ہے۔۔ ملک و ملت کے لیے علامہ ناصر عباس کی مخلصانہ جدوجہد لائق تحسین ہے۔

انہوں نے پاکستان میں ملت تشیع پر ہونے والے مظالم سے نہ صرف اقوام عالم کو آگاہ بلکہ ایک طویل اور پُرامن احتجاج کے ذریعے یہ ثابت کیا کہ پاکستان کے شیعہ پرتشدد سیاست کے خلاف ہیں اور اپنے حقوق کے حصول کے لیے آئینی و قانونی راہ کو ہی بہترین ذریعہ سمجھتے ہیں۔انہوں نے کہا کہ گزشتہ دو ماہ میں ملک کی تمام بڑی سیاسی و مذہبی جماعتوں کے رہنما اپنے اعلی سطح وفود کے ہمراہ احتجاجی کیمپ کا دورہ کر کے علامہ ناصر عباس کے مطالبات کو آئینی و اصولی قرار دے چکے ہیں۔علامہ ناصر عباس کو پوری قوم کی تائید حاصل ہے اس کے باوجود حکومت دانستہ طور پر غفلت کا مظاہرہ کر رہی ہے جو حکومتی ذمہ داریوں اور اخلاقی قدروں کے منافی ہے۔جن حکمرانوں کے پاس پاکستان کے پانچ کروڑ تشیع کی نمائندہ جماعت کے سربراہ کی بات سننے کا وقت نہیں ان کے پاس اقتدار میں رہنے کا کوئی اخلاقی جواز نہیں بچتا۔ہمارے صبر کا پیمانہ لبریز ہو چکے ہیں۔ ہم آج سے اپنے احتجاج کی تحریک کو ملک کی اہم شاہراوں کی طرف منتقل کر رہے ہیں۔مجلس وحدت مسلمین کے سربراہ کے مطالبات کی منظوری تک ہمارا احتجاج میں کمی واقعہ نہیں ہو گی۔مظاہرے سے خطاب میں علامہ احمد اقبال کا کہنا تھا مطالبات کی عدم منظوری پر 22جولائی کو پر امن ملک گیر احتجاجی دھرنے دیئے جائیں گے اور ملکی اہم شاہراہوں کو بند کردیا جائے گا ۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree