The Latest
وحدت نیوز(لاہور) صدر مجلس وحدت مسلمین شعبہ خواتین لاہور محترمہ حنا تقوی کی زیر سرپرستی شالیمار ٹاون یونٹ رشید پورہ میں سمر کیمپ کا آج باقاعدہ آغاز کیا گیا ، سمر کیمپ میں حفظ سورہ بروج ، قرآن شناسی ، فقہی مسائل و احکام اور معرفت امام زمانہ عج جیسے موضوعات پر دروس دیے جائیں گے سمر کیمپ میں بچوں کی عمر کے حساب سے تین گروپس بنام فاطمہ ، زینبیون اور سکینہ تشکیل دیے گئے۔
ابتدا میں محترمہ نجبہ علوی نے بچوں کو سورہ بروج کی فضیلت و اہمیت سے آگاہ کیا اور بمع تجوید و ترجمہ سورہ حفظ کروائی ، جبکہ سکینہ گروپ کے بچوں کو خواہر ابیہا اور خواہر انعم نے اصول دین اور بنیادی احکام پر درس دیا
وحدت نیوز(حیدرآباد) مجلسِ وحدت مسلمین شعبہ خواتین پاکستان کی مرکزی نائب صدر محترمہ ام البنین نے محترمہ معصومہ صدرکراچی اور محترمہ نایاب نائب صدر کراچی ڈویژن کیساتھ حیدرآباد ڈویژن کا خصوصی دورہ کیا جہاں ضلع حیدر آباد کی نئی ڈویژنل صدر کا انتخاب عمل میں لایا گیا۔
پروگرام کا باقاعدہ آغاز دعائے توسل سے ہوا، جسکے بعد محترمہ ام البنین نے تمام شرکاء سے مختصر خطاب کیا اور الٰہی تنظیمی کے اہداف کی اہمیت و افادیت پر گفتگو کرتے ہوئے کہا کہ اگر اہداف کی جانب خلوصِ نیت کیساتھ سفر کا آغاز کیا جائے تو الٰہی مقاصد کے حصول میں کامیابی کے صورت میں خداوند متعال بہترین انجام عطا فرماتا ہے۔
اجلاس کے دوران انتخاب کا عمل گزشتہ کابینہ سے ووٹنگ کے ذریعے مکمل کیا گیا، جس میں محترمہ پروین نقوی بطور صدر ایم ڈبلیو ایم شعبہ خواتین حیدرآباد منتخب ہوئیں۔ محترمہ اُم البنین نے ان سے حلف لیا اور مبارکباد پیش کی۔دعائے سلامتی امام زمانہ ع کے ساتھ ملک و ملتِ تشیع کی کامیابی و کامرانی کی دعا کیساتھ انتخاب کا عمل اختتام پذیر ہوا۔
وحدت نیوز(لاہور) رکن پنجاب اسمبلی اور مجلس وحدت مسلمین پاکستان کے مرکزی رہنما سید زہرا نقوی نے بڑھتی ہوئی مہنگائی کیخلاف پنجاب اسمبلی میں قرار داد جمع کروا دی۔ قرارداد میں سیدہ زہرا نقوی کا کہنا ہے کہ یہ ایوان پیٹرولیم مصنوعات کی قیمتوں میں اضافے کے بعد گھی کی قیمتوں میں ہوشربا اضافے کی شدید الفاظ میں مذمت کرتا ہے، یہ ایوان قرار دیتا ہے کہ موجودہ حکومت ملک میں مہنگائی کی نئی لہر کو روکنے کیلئے کوئی اقدام نہیں کررہی، جس سے عام آدمی کی مشکلات میں مزید اضافہ ہو رہا ہے۔
انہوں نے کہا کہ اس مقدس ایوان کی رائے ہے کہ اگر حکومت عام آدمی کو ریلیف فراہم نہیں کر سکتی تو فی الفور اسمبلیوں کو ختم کرکے ملک میں عام انتخابات کا اعلان کرے۔ زہرا نقوی نے قراردا میں مزید کہا کہ یہ ایوان سمجھتا ہے کہ ملکی مسائل کا حل صرف اور صرف شفاف انتخابات کا انعقاد ہی ہے۔ انہوں نے کہا کہ نئی اور منتخب حکومت ہی ملک و قوم کیلئے مفید پالیسیاں تشکیل دے سکتی ہے، بیساکھیوں پر کھڑی اتحادی حکومت عوام کے مسائل حل کرنے کا مینڈیٹ نہیں رکھتی، جس کی وجہ سے عوام مشکلات کا شکار ہو رہے ہیں۔
وحدت نیوز(لاہور) امام خمینی نے اسلامی انقلاب کے ذریعہ نہ صرف ایرانیوں بلکہ پوری دنیا کے لوگوں کو اپنا عاشق بنا دیا اسلامی انقلاب کے وقوع پذیر ہونے کے ساتھ ایک بار پھر مستضعفین کو روئے زمین کی حکومت عطا ہوئی اسلام کا چمکتا ہوا سورج ایک بار پھر نئی روح و حیات لے کر سر زمین ایران کی افق سے نمودار ہوا اور دھیرے دھیرے پوری دنیا میں نور افشانی کرتا چلا جا رہا ہے۔ دنیا کے کونے کونے سے اٹھنے والی اسلامی تحریکیں اسی آفتاب کی روشنی میں اپنا راستہ ڈھونڈتی ہوئی نظر آرہی ہیں۔ ان خیالات کا اظہار مرکزی سیکرٹری جنرل ایم ڈبلیو ایم شعبہ خواتین و رکن پنجاب اسمبلی محترمہ سیدہ زہرا نقوی نے امام خمینی رحمتہ اللہ علیہ کی 33ویں برسی کے موقع پر اظہار خیال کرتے ہوے کیا۔
انہوں نے کہا حضرت امام خمینی(رہ) کے اصولوں میں خالص اسلام محمدی کا اثبات امریکی اسلام کی نفی، اللہ تعالی کے وعدے پر اعتقاد ، عوامی طاقت و عزم پر اعتماد دنیا کے مظلومین کی حمایت ،بین الاقوامی منہ زور طاقتوں کی آشکارا مخالفت شامل ہے انہوں نے کہا امام خمینی وہ نڈر رہنما و رہبر کبیر انقلاب ہےجنہوں نے خواتین کو حضرت سیدہ زینب (س) کی خوبصورت زندگی کی تجزیانہ شرح پیش کر کے عورتوں کو ان کی عظمت رفتہ اور حقیقت کی پہچان کرا دی آج عالم اسلام کے حالات انتہائی خراب ہیں ، سامراجی ذرائع ابلاغ، سچ کو جھوٹ ، جھوٹ کو سچ قرار دے رہے ہیں اور آج ان کی سازشوں کے مقابلے میں حضرت امام خمینی رحمت اللہ علیہ کے زریں اصولوں کی افادیت پہلے سے کہیں زیادہ واضح ہو رہی ہے ۔ ہم اس عظیم شخصیت کی عظمت کو سلام کرتے ہیں۔
وحدت نیوز(گلگت) امام خمینی رح کی قیادت میں حقیقی معنوں میں عالم اسلام میں انقلاب برپا ہوا ہے اقوام عالم میں امریکہ مردہ باد کی صدائیں بلند ہوئی ہیں اور انشااللہ بہت جلد امریکہ کی بربادی قریب ہے، ان خیالات کا اظہار مرکزی رہنما مجلس وحدت مسلمین شعبہ خواتین محترمہ سائرہ ابراہیم نے امام خمینی رح کی 33ویں برسی کے موقع پر جاری بیان میں کہا کے رہبر کبیر امام خمینی نے اپنی تعلیمات میں ہمیشہ خواتین کو تربیت اولاد پر زور دیا ۔
انہوں نے کہا رہبر انقلاب حضرت امام خمینی رح فرماتے ہیں کے عورتوں کو ہر میدان میں مردوں کے شانہ بشانہ ہونا چاہیے، انہوں نے کہا رہبر انقلاب فرماتے ہیں کے دشمن ہمارے شہدا کے خون سے ذیادہ ہماری خواتین کے حجاب سے خوف ذمہ ہے آج عصر حاضر میں رہبر انقلاب امام خمینی کی کہی ہر بات سچ ثابت ہو رہی ہے اور انشااللہ جلد ہی اسرائیل اور امریکہ نیست و نابود ہو جائیں گے۔ انہوں نے کہا کے ملک کی بقا و سلامتی کے لئے اٹھائے گے مشکل فیصلے اور تکلیفیں آنے والی نسل کے لئے آسانی فراہم کرتی ہیں ۔
وحدت نیوز(لاہور)یکم ذی القعدہ آغاز عشرہ کرامت و روز ولادت با سعادت کریمہ اھلبیت حضرت فاطمہ معصومہ کے پر مسرت موقع کی مناسبت سے تمام عاشقان و محبان اہلبیت علیھم السلام کو مبارکباد پیش کرتے ہوے مرکزی سیکرٹری جنرل ایم ڈبلیو ایم شعبہ خواتین و رکن پنجاب اسمبلی محترمہ سیدہ زہرا نقوی نے اپنے پیغام میں کہا کہ حضرت فاطمہ معصومہ سلام اللہ علیہا فضائل و کمالات کی بلندی پر فائز ہیں اہل بیت علیہم السلام کی زبانی آپ کے فضائل کا بیان ہونا، آپ کے بلند مقام اور عظیم کمالات کی نشاندہی کرتا ہے عبادت و زہد، پارسائی اور تقوی، صداقت اور حلم، مشکلات و مصائب میں صبر و استقامت، جود و سخا، رحمت و کرم، پاکدامنی اور ذکر و یاد الہی سے اس پاک ہستی کی سیرت مبارکہ مزین ہے۔
ان کا کہنا تھا کہ آپ سلام اللہ علیھا کو معصومہ کا لقب آپؑ کے بھائی آٹھویں امام حضرت امام علی رضا علیہ السلام نے عطا فرمایا امام سے روایت ہے "جو شخص معصومہ کی قم میں زیارت کرے، اس شخص کی طرح ہے جس نے میری زیارت کی" حضرت بی بی معصومہ کا امام رضا (ع) سے رابطہ اور تعلق صرف بھائی اور بہن کی محبت اور خونی رشتہ کا نہیں تھا بلکہ ایک پاکیزہ کردار اور طیب و طاہر انسان ، الہی نمائندہ اور امام کے عنوان سے تھا اور آپ کا اپنے بھائی امام رضا (ع) سے عشق اور لگاؤ فضائل اور کرامات سے لگاؤ تھا ان مذید کہنا تھا کہ جناب فاطمہ معصومہ سلام اللہ علیھا کی سیرت طیبہ تمام خواتین کے لیے نمونہ عمل ہے اپنے وقت کے امام کی معرفت رکھنا انکی اطاعت کرنا ، ان کی نصرت کے لیے آلام و مصائب تحمل کرنا اور ہر قسم کی قربانی دینے کے لیے آمادہ رہنا حضرت معصومہ قم کی عظیم سیرت و کردار کی روشن مثالیں ہیں۔
وحدت نیوز(گلگت) حکومتوں کا کام عوام کے لئے سہولیات فراہم ہے ناکے عوام اور اداروں کو آمنے سامنے کر کے جنگ کا منظر دنیا کے سامنے پیش کرے امپورٹڈ حکومت نے جو کچھ کیااس کی شدید مذمت کرتے ہیں ۔ ملک کی سالمیت اور وقار کے لئے گلگت بلتستاُن کی عوام ہر قسم کی قربانی دینے کو تیار ہے، انڈیا کی کشمیر میں کی جانے والی جارحانہ کاروائیوں کی بھرپور مذمت کرتے ہیں اور یاسین ملک کی گرفتاری اور پھانسی کے خلاف آواز بلند کرتے رہیں گی ۔ان خیالات کا اظہار مرکزی سیکریٹری یوتھ ایم ڈبلیوایم شعبہ خواتین محترمہ سائرہ ابراہیم نے پانچ رکنی یوتھ کمیٹی کے ہمراہ وزیر اعلیٰ گلگت بلتستان کے معاون خصوصی برائے معدنیات اور ایم ڈبلیوایم کے صوبائی ترجمان محترم الیاس صدیقی سےملاقات کے موقع پر کیا۔
محترم الیاس صدیقی نے کہا کے ہمیں نوجوان نسل کی تربیت پر خصوصی توجہ دینے کی ضرورت ہے تاکے وہ بہترین انداز میں خطے اور ملک کی خدمت کرسکیں، محترمہ سائرہ ابراہیم نے کہا کے ہمیں نوجوانوں کے لئے سیاسی و معاشرتی تبدیلیوں کے حوالے سے شعور بیدار کرنے کی ضرورت ہے۔
ان کا کہناتھا کے نوجوان نسل کے لئے آگاہی پروگرام کی ضرورت ہے، آل یہود اور سرغنہ امریکہ جس پالیسی کے تحت کام کر کے اسلامک ممالک کے اندر نوجوان نسل کو گمراہی کی طرف لے کے جا رہی ہے ،انہوں نے کہا کے ہم الہی طاقت کو ماننے والی قوم ہیں ہمارا ملک ایک ایٹمی طاقت رکھنے والا ملک ہے اس وقت آل یہود جس طریقے سے ہماری نوجوان نسل کو بربادی کی طرف لے جارہی ہے اس کا واضح ثبوت ملک میں رجیم تبدیل ہونا ہے اس وقت ملک پاکستان کے اندر ذاتی مفاد سے بالاتر ہو کر آنے والی نسلوں کو اس طریقے سے آگاہی دینی ہو گی کے یہ شیطانی قوتیں یہ حرکتیں اسلامی ممالک میں آکر نہ کریں، اس موقع پر سیدہ رباب، خواہر ثوبیہ بھی موجود تھیں۔
وحدت نیوز(علی پور)مجلس وحدت مسلمین شعبہ خواتین کے وفد نے مرکزی سیکرٹری سیاسیات محترمہ نرگس سجاد کی سربراہی میں اسلام آباد کے علاقے علی پور کا دورہ کیا وفد میں مرکزی سیکرٹری آفس محترمہ بینا شاہ ، سیکرٹری جنرل اسلام آباد محترمہ صدیقہ کائنات اور محترمہ عجلہ زہرا شریک تھیں۔
اس موقع پر محترمہ نرگس سجاد نے خواتین سے خطاب کرتے ہوئے کہا کہ کسی بھی قوم کے با شعور ، تعلیم یافتہ اور مہذب جوان ان کا سرمایہ ہوتے ہیں جوان اور بالخصوص نوجوان بچیاں معاشرے کی اصلاح اور ترقی میں بہترین کردار ادا کرسکتی ہیں انہوں نے کہا یہ دور امام زمان عج کا دور ہے اور ہمیں نہ صرف خود کو بلکہ معاشرے کو امام زمان عج کے ظہور اور عالمی نظام امامت کے قیام کے لیے آمادہ کرنا ھے۔
محترمہ نرگس سجاد نے علی پور میں تنظیمی امور کے آغاز اور خواتین کی بھرپور آمادگی کو مدنظر رکھتے ہوئے چھ رکنی آرگنائزنگ کمیٹی اور اسکے ساتھ ساتھ تیرہ رکنی گرلز گائیڈز کا دستہ بھی تشکیل دیا گیا علاوہ ازیں ایک بچی کو اسکی شادی کے موقع پر مجلس وحدت مسلمین شعبہ خواتین اسلام آباد کی سیکرٹری جنرل محترمہ صدیقہ کائنات نے خطیر رقم بطور ھدیہ پیش کی۔
وحدت نیوز(لاہور) یوم تکبیر کے موقع پر اپنے ایک پیغام میں مجلس وحدت مسلمین شعبہ خواتین کی مرکزی صدر و رکن پنجاب اسمبلی محترمہ سیدہ زہرا نقوی نے کہا کہ اس وقت پاکستان کا دفاع اللہ کے فضل سے ناقابل تسخیر ہے۔ 28 مئی کا دن برصغیر اور دنیا بھر کے مسلمانوں کے لئے انتہائی مبارک دن ہے اور وہ پہاڑ جہاں یہ دھماکے ہوئے وہ پاکستان کی شان و شوکت اور عظمت کے گواہ ہیں اور اللہ کی ثنا اور تکبیر کا نعرہ بلند کر رہے ہیں۔
انہوں نے کہا ایک اسلامی ایٹمی قوت بھارت امریکا اور زیادہ تر مغربی ممالک کے لیے ہمیشہ سے گلے کی ہڈی کی طرح ہے جسے وہ اندرونی اور بیرونی منظم سازشوں کے ذریعے کمزور کرنا چاہتے ہیں’یومِ تکبیر‘ جہاں پاکستانی قوم کے بے مثال جرات اور بہادری کی علامت ہے وہاں پاکستان کے دشمنوں اور بد خواہوں کے لیے بھی یہ پیغام ہے کہ پاکستان کے خلاف جارحیت کا مظاہرہ کرنے والوں کاانجام عبرت ناک ہوگا ۔
ان کا مزید کہنا تھا کہ ایک عظیم جوہری طاقت بننے اور بے مثال کارنامہ انجام دینے پر ڈاکٹر عبدالقدیر خان مرحوم اور افواج پاکستان کو خراج تحسین پیش کرتے ہیں پروردگار وطن عزیز کو ایک عظیم اسلامی ، فلاحی اور خودمختار ریاست بنانے میں ہمارا مددگار ہو۔آمین
وحدت نیوز(کراچی) مجلس وحدت مسلمین شعبہ خواتین کراچی کی جانب سے بلدیہ ٹاون یونٹ تشکیل دیا گیا علاقے کی خواتین کی جانب سے منعقدہ دعائیہ پروگرام میں ایم ڈبلیو ایم شعبہ خواتین کراچی کی صدر محترمہ معصومہ ممتاز ، سیکرٹری روابط محترمہ سلمی اور مرکزی ڈپٹی سیکرٹری جنرل محترمہ ام البنین نے شرکت کی۔
پروگرام کے آغاز میں محترمہ ام البنین نے دعائے توسل کی تلاوت کی اس موقع پر خواہران نے تنظیم کے مقاصد اور اہداف سے متعلق خطاب کیا تمام متفقہ آرا ءسے محترمہ قراۃ العین بلدیہ ٹاون یونٹ کی صدر جبکہ محترمہ یاسمین نائب صدر منتخب ہوئیں نو منتخب اراکین نے اس الہی پلیٹ فارم سے دینی و ملی خدمات انجام دینے کے عزم کا اعادہ کیا۔
