The Latest
وحدت نیوز(گلگت)مجلس وحدت مسلمین شعبہ خواتین گلگت کی جانب سے سیلاب متاثرین کے لیے تیرہ سو جوڑے کپڑے روانہ کر دیے گئے۔ مجلس وحدت مسلمین شعبہ خواتین گلگت کی سینیئر اراکین کے ہمراہ سابقہ سیکرٹری یوتھ محترمہ سائرہ ابراہیم نے المجلس ڈیزاسٹر سیل کو سیلاب زدگان کے لیے تیرہ سو جوڑے کپڑے بطور امدادحوالے کیے۔
اس موقع پر محترمہ سائرہ ابراہیم نے کہا کہ گلگت میں شعبہ خواتین نے برادران کے ساتھ سیلاب زدگان کے لیے کی گئی امدادی کاوشوں میں بھرپور تعاون کیا مجلس وحدت مسلمین مشکل گھڑی میں ہمیشہ اپنے ہم وطنوں کے ساتھ کھڑی ہے ۔
وحدت نیوز(گلگت)مجلس وحدت مسلمین مصیبت زدہ خاندانوں کے ساتھ کھڑی ہے۔پورے ملک میں مجلس کے کارکنان اور رہنما سیلاب متاثرین کی خدمت میں نصروف عمل ہیں۔معاشرے کی ترقی اور تکامل کیلئے مثبت سرگرمیاں جاری رکھیں گے۔ان خیالات کا اظہار مجلس وحدت مسلمین پاکستان کی مرکزی رہنما محترمہ سائرہ ابراہیم نے اپنے نگر کے دورے میں کیا۔وہ گزشتہ دنوں نگر میں سیلاب سے متاثرہ خاندانوں کیلئے امدادی سامان کی تقسیم کے موقع پر ہمراہ تھیں۔
اس دورے میں مجلس وحدت مسلمین پاکستان کے سیکرٹری جنرل سید ناصر عباس شیرازٕی معاون خصوصی وزیر اعلیٰ گلگت بلتستان الیاس صدیقی اور المجلس ویلفیئر آرگنائزیشن کے کارکنان بھی موجود تھے۔شعبہ خواتین کی سرگرم رہنماؤں نے سیلاب سے متاثرہ خاندانوں کی حوصلہ افزائی کی اور ان کے بحالی کیلئے ہرممکن مدد کی یقین دہانی کروائی۔
اس موقع پر متاثرین نے ان رہنماؤں کو اپنی تکلیف اور مسائل سے آگاہ کیا۔انہوں نے کہا کہ قدرتی آفات ہم سب کیلئے ایک امتحان ہوتا ہے اور اللہ تعالیٰ ہم سب کو اس آزمائش میں کامیاب وسرخرو کرے۔جس طرح ہمارے مومن بھائیوں نے متاثرین کی مدد کی ہے وہ قابل تحسین ہے اور ہمیں امید ہے وہ آئندہ بھی اپنا تعاون جاری رکھیں گے۔
وحدت نیوز(لاہور)جماعت اسلامی شعبہ خواتین کی جانب سے منعقدہ ایک اہم پروگرام میں جماعت کی خصوصی دعوت پر مرکزی صدر مجلس وحدت مسلمین شعبہ خواتین محترمہ سیدہ معصومہ نقوی نے خصوصی شرکت کی اور خطاب کیا اپنے خیالات کا اظہار کرتے ہوے ان کا کہنا تھا کہ اربعین کے دن کی مناسبت سے اس نشست کا انعقاد ایک خاص معنی رکھتا ہے۔ چھلم امام حسین (علیہ السلام) کے دن کی یاد منانا یعنی آج بھی ہم تمام مسلمان یزید و یزیدیت سے اظہار برائت کرتے ہوئے یہ اعلان کرتے ہیں کہ خدا کا بیان کردہ حلال قیامت تک حلال ہے اور اس کا بیان کردہ حرام قیامت تک حرام ہے آپ تمام معزز خواتین کا شمار احرار میں ہوتا ہے جو اسلامی شریعت کی بقا کے لیے اربعین حسینی کی تاریخ میں مل بیٹھی ہیں اور پاکستان میں نافذ ہونے والے ایسے قانون کے خلاف احتجاج کر رہی ہیں جو اللہ کی شریعت میں سختی سے منع ہے۔
انہوں نے کہا اسلام کے خلاف بین الاقوامی سازشوں میں سے ایک انسانیت کو دور جاہلیت کی طرف واپس پلٹانا اور انسان اور جانور کے فرق کو مٹانا ہے اسی سازش کی ایک کڑی پچھلے دنوں ہم سے بعنوان علماء قرآن بورڈ شادی کے لیے نئے قوانین سے متعلق رائے مانگی گئی تو میں نے وہ ہی اصولی اور قرآنی موقف ان کے سامنے واضح کیا کہ جب شریعت میں شادی سے متعلق واضح اور روشن قوانین موجود ہیں تو ان کے مقابلے میں کوئی بھی قانون سازی بدعت ہے اور فحاشی و دیگر معاشرتی ،اجتماعی اور اخلاقی مسائل کا پیش خیمہ ثابت ہونگیں ٹرانس جینڈر سے متعلق قوانین سازی بھی در اصل خنثی مردوں اور عورتوں کے حقوق کی حفاظت میں غیر شرعی روابط اور اختلاط کو قانونی جواز فراہم کرنا ہے۔
ان کا کہنا تھا اسلام میں خنثی افراد سے متعلق واضح قوانین موجود ہیں کہ وہ مرد شمار ہونگے یا عورت لیکن صرف احساسات اور خواہشات کی بنا پر کسی کو بھی حق نہیں دیا جا سکتا ہے کہ وہ اپنی جنسیت کو ظاھری طور پر تبدیل کرکے جنس مخالف میں شامل ہو جائے۔ ان قوانین کے خلاف تو قانونی ماہرین کی مدد سے ہی کوئی حل نکالا جاسکتا ہے لیکن عوام اور خواص کو شعور دینا ہماری ذمہ داری ہے۔آخر میں اس فورم کے ذریعے میں یہ پیغام بھی دینا پسند کروں گی کہ اتحاد اور وحدت کے ذریعے ہم اسلام کے خلاف سازشوں کو ناکام بنا سکتے ہیں جس میں سے استعماری اور طاغوتی طاقتوں کا ایک طاقتور حربہ اور سازش فرقہ واریت کا فروغ ہے۔
وحدت نیوز(گلگت) مجلس وحدت مسلمین وومن ونگ کی سینئر اراکین کی جانب سے گلگت میں شب بیداری کا اہتمام کیا گیا جس میں محترمہ طاہرہ بتول نے اعمال اور مجلس عزا سے خطاب کیا اس موقع پر خواتین سے خطاب کرتے ہوئے سابقہ سیکرٹری یوتھ ایم ڈبلیو ایم شعبہ خواتین محترمہ سائرہ ابراہیم نے کہا کے دشمن چاہتا ہے ہماری عزادری کو یا تو مکمل ختم کرے یا محدود کر دے تو یہ اس کی بھول ہے جس تیزی سے وہ ہماری ماتم و عزادرای کے خلاف جائے گا ہم اتنا ہی اپنی عزاداری کو بڑھائیں گے۔
ان کا کہنا تھا کہ کردار زینبی رکھنے والی مائیں بہنیں دشمن کی کسی سازش کو کامیاب نہیں ہونے دیں گی پاکستان سمیت دنیا بھر میں اربعین حسینی کی اس ثقافت و تحریک الہی کو عقیدت واحترام سے منایا جاتا ہے اس سال شعبہ خواتین کے زیر انتظام گلگت میں بھی پہلی بار اربعین واک کا اہتمام کیا گیا بعد از نماز فجر اربعین واک کا آغاز ہوا جو کے مختلف راستوں سے ہوتا ہوا سجادیہ امام بارگاہ میں اختتام پزیر ہوا واک میں خواتین اور بچوں نے بھرپور شرکت کی۔
وحدت نیوز(لاہور)مجلس وحدت مسلمین شعبہ خواتین کی مرکزی صدر محترمہ معصومہ نقوی نے اربعین امام حسین علیہ سلام کے موقع پر اپنے پیغام میں کہا کہ کروڑوں عاشقان ابا عبداللہ الحسین علیہ سلام نجف سے مشی کرتے ہوے بیس صفر روز چہلم شہداے کربلا کو سرزمین عشق میں قدم رکھیں گے اور اپنے آقا و مولا ع کی زیارت کریں گے۔
انہوں نے کہا اربعین حسینی ایک نہضت ، ایک تحریک اور ایک حماسہ کا نام ہے جو مسلسل استکباری و استعماری قوتوں کو للکار رہا ہے یہ اربعین کی زیارت سنت شریکۃ الحسین جناب زینب عالیہ سلام اللہ علیھا ہے جنہوں نے یزید اور یزیدیت کو روند ڈالا اور پوری دنیا کی توجہ امام مظلوم کربلا کی طرف مبذول کروائ ، پیغام کربلا کو ہر گلی کوچے میں پھیلا دیا ۔
ان کا کہنا تھا کہ جس بہن کو اس کے پیارے بھائی کی لاش پر رونے کی اجازت نہ ملی تھی اس نے اپنی استقامت سے تاریخ کا دھارا کچھ اس انداز سے بدلا کہ کہ جب وہ شام کی قید نبھا کر اپنے مظلوم بھائی کا چہلم کرنے کربلا آئی تو ایسی رسم کی بنیاد رکھ چکی تھی جس کا نام عزاداری ہے دنیا کا ہر ظاہر اور چھپا ہوا ظالم اس سے خوفزدہ ہے۔
انہوں نے مزید کہا شہداے کربلا کی یاد میں پاکستان میں بھی چند سالوں سے مختلف شہروں میں مشی کی جارہی ہے ایسے میں حکومت کی جانب سے مذہبی منافرت پر مبنی پابندیاں کسی صورت قابل قبول نہیں امام حسین علیہ سلام کسی ایک مسلک کے رہنما نہیں بلکہ کل انسانیت کے رہبر و پیشوا ہیں اور یہ محبان اہلبیت کا بنیادی اور آئینی حق ہے کہ اپنی عبادات کو آزادی کے ساتھ انجام دیں۔
وحدت نیوز (لاہور) چہلم شہدائے کربلا کے موقع پر اپنے پیغام میں رکن پنجاب اسمبلی محترمہ سیدہ زہرا نقوی کا کہنا تھا کہ اربعین حسینی میں نجف سے کربلا تک کا پیدل مارچ ، مشترکہ عقائد و اقدار کا مظہر ہے جو اجتماعی قدم اٹھائے جانے اور انفرادیت سے دوری اختیار کرنے کا سبق دیتا ہے۔ اس لئے بلا وجہ نہیں ہے کہ عالمی یذیدی فکر و کردار کی حامل طاقتیں اربعین حسینی کے عظیم اجتماع میں اتحاد و وحدت کا عنصر دیکھ کر بوکھلائے ہوئے ہیں اور اس کی مخالفت کر رہے ہیں۔
انہوں نے کہا کہ دنیا کے سب سے بڑے اس اجتماع میں نہ صرف شیعہ سنی مسلمان بلکہ سکھ ، ہندو ،عیسائ اور دیگر مزاہب کے لوگ بھی عقیدت و احترام کے ساتھ شرکت کرتے ہیں کیونکہ امام حسین علیہ سلام کی شخصیت آفاقی ہے اور تمام مسالک و مذاہب اپنے اپنے انداز میں سید الاحرار ابا عبداللہ الحسین ع کو خراج تحسین پیش کرتے ہیں۔
ان کا مزید کہنا تھا کہ اربعین حسینی کی ثقافت اتنی خوبصورت اور موثر ہے کہ پاکستان سمیت دنیا کے مختلف ممالک میں نواسہ رسول امام حسین علیہ سلام کی محبت میں پیدل چل کر مرکزی اجتماعات میں شرکت کرتے ہیں لھذا حکومت کی جانب سے جلوس اور اربعین مارچ کے خلاف دیے جانے والے اعلامیے کو کسی صورت قبول نہیں کرتے ان شاء اللہ ہر سال کی طرح اس سال بھی لاکھوں عاشقان اہلبیت روز اربعین گھروں سے باہر نکلیں گے۔
وحدت نیوز(گلگت)دنیور گلگت میں منعقدہ یوم حسین علیہ سلام میں خواتین کے اجتماع سے خطاب کرتے ہوے ایم ڈبلیو ایم وومن ونگ گلگت کی نائب صدر محترمہ بی بی سلیمہ کا کہنا تھا کہ جب تک ہم حسینی کردار، گفتار اور اقدار کو نہ اپنائیں گے، تب تک ہم حسینی دعوے دار تو ہوسکتے ہیں لیکن حقیقی حسینی نہیں بن سکتے واقعہ کربلا دین کے تحفظ اور بقا کا ضامن ہے اور امام حسین علیہ سلام کے پیروکار ہونے کی حیثیت سے دین مبین کی خدمت کرنا ہم پر واجب ہے ۔
اس موقع پرمجلس وحدت مسلمین شعبہ خواتین کی سابقہ سیکرٹری یوتھ محترمہ ساٸرہ ابراہیم اور خانم طاہرہ وزیر نے بھی کانفرنس سے خطاب کیا انہوں نے کہا کہ اسلام نے جہاں خواتین کے حقوق کی بات کی ہے وہاں ان کے کاندھوں پر عظیم ذمہ داریاں بھی عاٸد کی ہیں۔جو خواتین خود کو ذمہ دار سمجھتی ہیں وہ کردار زینبی سے غافل نہیں ہوسکتی۔انسانی معاشرے کی تشکیل اور امن وسکون میں ایک خاتوں کا اتنا ہی حصہ ہے جتنا ایک مرد کا ہے۔ان کا کہنا تھا کہ اگر آج کی خواتین کربلا سے سبق لینا چاہتی ہیں تو کردار زینبی کا مطالعہ کریں کہ کس طرح حضرت زینب وام کلثوم نے عظیم مصاٸب و مشکلات کے باوجود شجاعانہ اور فاتحانہ انداز میں حسینی مشن کو آگے بڑھایا۔
کانفرنس کے اختتام پر سیکرٹری تربیت ایم ڈبلیو ایم شعبہ خواتین گلگت محترمہ صائمہ بتول نے شہادت جناب سکینہ سلام اللہ علیھا کے عنوان سے مجلس عزا سے خطاب کیا ۔ بعد ازاں کانفرنس کی منتظم محترمہ صائمہ علی اور علاقے کی خواتین کے ساتھ ایک نشست ہوئ جس میں مجلس وحدت مسلمین شعبہ خواتین کے اغراض و مقاصد بیان کرنے کے بعد دنیور میں یونٹ کا قائم کرنے کا ارادہ ظاہر کیا گیا۔
وحدت نیوز(گلگت) ہر دور میں کنیزان زہرؑ ا یزیدی فکر سے نبرد آزما رہی ہیں۔کردار زینبی کی حامل خواتین جب بھی میدان کا رخ کرتی ہیں تو انقلاب ان کے قدم چومتی ہے۔خواتین انسانی معاشروں کا جزو لاینفک ہیں۔معاشروں کے ترقی وزوال میں خواتین کا کردار اہمیت کا حامل ہے۔ان خیالات کا اظہار مجلس وحدت مسلمین شعبہ خواتین کے رہنماٶں محترمہ ساٸرہ ابراہیم اور محترمہ طاہرہ نے دنیور گلگت میں یوم حسین علیہ السلام کے اجتماع سے خطاب کرتے ہوٸے کیا۔
انہوں نے کہا کہ اسلام نے جہاں خواتین کے حقوق کی بات کی ہے وہاں ان کے کاندھوں پر عظیم ذمہ داریاں بھی عاٸد کی ہیں۔جو خواتین خود کو ذمہ دار سمجھتی ہیں وہ کردار زینبی سے غافل نہیں ہوسکتی۔انسانی معاشرے کی تشکیل اور امن وسکون میں ایک خاتوں کا اتنا ہی حصہ ہے جتنا ایک مرد کا ہے۔واقعہ کربلا اس کی ناقابل تردید حقیقت ہے۔جہاں مردوں نے راہ خدا میں اپنی جانوں کا نذرانہ پیش کیا وہاں خواتین نے اپنے حصے کا کردار اد کرتے ہوٸے ان شہدإ کے ذکر کو تا ابد قاٸم وداٸم رکھنے کا وسیلہ فراہم کیا۔اگر آج کی خواتین کربلا سے سبق لینا چاہتی ہیں تو کردار زینبی کا مطالعہ کریں کہ کس طرح حضرت زینب وام کلثوم نے عظیم مصاٸب و مشکلات کے باوجود شجاعانہ اور فاتحانہ انداز میں حسینی مشن کو آگے بڑھایا۔
انہوں نے مزید کہا کہ آج وہ وقت ہے کہ ہم اپنے زمانے کے امام کی ظہوری کیلٸے میدان عمل کود جاٸیں۔اب انتظار کو طول دینے کی بجاٸے انتظار کے لمحات کو کم کریں۔ہماری غفلت اور کوتاہیوں نے ہی امام کو غیبت میں رکھا ہے لہٰذا بیدار ہوجاٸیں اور امام زمانہ کے انقلاب اور حکومت الٰہیہ کے قیام کیلٸے مقدمہ بنیں تاکہ انتظار کی گھڑیاں ختم ہوں اور ہم اپنے امام کا دیدار کرسکیں۔
وحدت نیوز(اسلام آباد) مجلس وحدت مسلمین شعبہ خواتین اسلام آباد کی جانب سے علی پور کے مقام پر یوم سکینہ سلام اللہ علیھا کا انعقاد کیا گیا مجلس عزا سے جامعہ مدرسہ فاطمیہ کی معلمہ محترمہ رباب کاظمی نے خطاب کیا اور کہا کہ امام حسین علیہ سلام کی تین سالہ بیٹی نے معرکہ حق و باطل میں دین اسلام کے دوام کےلیے بے انتہا ظلم و ستم اوردردناک مصائب جھیلے کربلا میں جہاں مرد و خواتین بوڑھوں اور جوانوں نے بے نظیر و بے مثال کردار پیش کیا وہاں حضرت سکینہ سلام اللہ علیھا اور اطفال آل رسول (ص) نے بھی عظیم جہاد کیا۔
ان کا کہنا تھا کہ یوم سکینہ (س) و یوم علی اصغر (ص) منا کر ہم اپنے بچوں کو محمد و آل محمد علیھم السلام کے ان پاک و پاکیزہ بلند مرتبہ بچوں کے کردار سے متعارف کرواتے ہیں تاکہ ان کے ذکر کی بدولت ہماری نسلیں بھی دین اسلام کے راستے پر چلتے ہوے ہر قسم کی قربانی کا جزبہ اپنے اندر پیدا کریں اس موقع پر چھوٹی بچیوں کو مقنے ، چاندی کی بالیاں اور بی بی کے نام کی پٹیاں تقسیم کی گئیں مجلس عزا میں مرکزی آفس سیکرٹری ایم ڈبلیو ایم شعبہ خواتین محترمہ بینا شاہ نے بھی شرکت کی۔
وحدت نیوز(چنیوٹ)مجلس وحدت مسلمین شعبہ خواتین چنیوٹ کے زیر اہتمام یوم جناب سکینہ سلام اللہ علیھا نہایت عقیدت و احترام سے منایا گیا جس میں علاقہ کی خواتین کی کثیر تعداد نے شرکت کی مجلس عزا سے محترمہ سمیرا نقوی اور ایم ڈبلیو ایم شعبہ خواتین چینیوٹ کی صدرعابدہ نقوی نے خطاب کیا۔
محترمہ سمیرا نقوی نے کہا کہ سکینہ کے معنی ہیں قلبی و ذہنی سکون پر یہ بچی سکون سے نہ رہ سکی نازونعم سے پلی، باپ کے سینے پر سونے والی اپنی پھوپیوں کی چہیتی پیاری سکینہ چار سال ہی میں یتیمہ ہو گئی لیکن دین اسلام کی سربلندی اور بقا کے لیے امام حسین علیہ سلام کی کم سن دختر نے بے انتہا غم و مصائب جھیلے اور دشمنان دین کے سامنے جرات و استقامت کے ساتھ ڈٹی رہیں۔
انہوں نے کہا جناب سکینہ سلام اللہ علیھا تمام بچیوں کے لئےمشعل راہ ہیںبچیوں نے کالی عبا و برقعے میں شرکت کی ،سکینہ سلام اللہ علیھا سے تجدید عہد کیامجلس کے بعد سبیل جناب سکینہ کا اہتمام کیا گیا۔
