The Latest

وحدت نیوز(لاہور) مجلس وحدت مسلمین شعبہ خواتین ضلع لاھور کے بی بی پاکدامن یونٹ کی جانب سے امام بارگاہ فاطمہ زھرا ع میں اعمال نیمہ شعبان ادا کیے گئے ، جس میں خواتین کی بھرپور شرکت رہی ، اس موقع پر محترمہ بشری شیرازی کی اقتداء میں نیمہ شعبان کے مخصوص اعمال انجام دیے گئے اور ظہور امام مھدی ع ، ملکی سالمیت و استحکام اور ایم ڈبلیو ایم شعبہ خواتین کی مرکزی سیکرٹری جنرل محترمہ زھرا نقوی کی صحتیابی کے لیے خصوصی دعا کی گئ۔

وحدت نیوز(گلگت) مجلس وحدت مسلمین پاکستان شعبہ خواتین کی مرکزی سیکرٹری یوتھ اور گلگت ڈویژن کی سیکرٹری جنرل محترمہ سائرہ ابراھیم نے کوئٹہ ہزار گنجی میں ہونے والی حالیہ دہشتگردی پر اظہار تشویش کرتے ہوے کہا کہ دہشت گردوں کو اپنے آخری انجام تک پہنچانا اور عوام کی جان و مال کی حفاظت حکومت کی اولین ذمہ داریوں میں سے ایک ہے ۔دہشت گردوں نے ہر مکتبہ فکر اور فرقے کو نشانہ بنایا ہے اہل تشیع اس میں سب زیادہ نشانہ بنے۔

انہوں نے کہا ان کاروائیوں کے زریعے ملت تشیع کو کمزور بنانے کی ناکام کوشش کی گئ ہے کہیں دہشت گردی کی کاروائ ہوتی ہے جس میں ہماری قیمتی جانیں چلی جاتی ہیں اور کبھی ڈی آئ خان اور کراچی کے شہروں میں راہ چلتے ہوے شیعہ مکتب فکر سے تعلق رکھنے والوں کی ٹارگٹ کلنگ کی جاتی ہے اور کہیں غیر قانونی اور جبری طور پر شیعہ جوانوں کو اغوا کر لیا جاتا ہے۔

انھوں نے مزید کہا کہ گلگت بلتستان وہ سر زمیں ہے جہاں  اہل تشیع سب سے ذیادہ ہیں یہاں ہمیں صدر پاکستان منتخب کرنے کا اختیار نہیں تو ہمیں قوانین پاکستان کے تحت پھانسی اور عمر قید کی سزا کیوں؟  گلگت میں اسیر رحمت علی کی شہادت بھی ریاستی دہشت گردی ہے ہم ہر خطے اور ہر جگہ ہونے والی دہشتگردی کی مخالفت کرتے ہیں وطن عزیز میں شیعان حیدر کرارؑ کے خلاف ہر لحاظ سے میدان تنگ کرنے کی کوشش کی جا رہی ہے۔  جب ملت پر مشکل وقت آ جائے تو مردوں کے ساتھ خواتین کو بھی قیام کرنا ہے اور مظلومین کی آواز کو ایوانوں میں پہنچانا ہے۔ ہم بروز جمعہ قائد وحدت علامہ راجا ناصر عباس جعفری کی اپیل ہر ہونے والے احتجاج کی بھرپور حمایت کرتے ہیں۔

وحدت نیوز(لاہور) مجلس وحدت مسلمین شعبہ خواتین ضلع لاھور کی سیکرٹری جنرل محترمہ حنا تقوی نے گڑھی شاہولاھور کا دورہ کیا اور وہاں یونٹ قائم کرنے کیساتھ ساتھ درس و تدریس کا باقاعدہ آغاز کیا اس موقع پر مرکزی مسئول مدارس محترمہ بشری شیرازی بھی ان کیساتھ موجود تھیں۔ ‎محترمہ حنا تقوی نے خواتین سے خطاب کرتے ہوے کہا کہ جب بھی شیعہ قوم ہر کوئ مشکل پڑی ہے چاہے وہ ھزار گنجی جیسے واقعات ہوں یا ٹارگٹ کلنگ اور شیعہ جوانوں کی جبری گمشدگی مجلس وحدت مسلمین پاکستان ہمیشہ ان مظلوموں کی آواز بن کر میدان میں اترتی ہے ۔

انھوں نے سربراہ ایم ڈبلیو ایم علامہ راجا ناصر عباس جعفری کی اپیل پر ملک بھر میں ہونے والے احتجاج میں خواتین سے بھرپور شرکت کی اپیل کرتے ہوے کہا کوئٹہ میں عرصہ دراز سے ظلم و بربریت کا بازار گرم ہے اور حالیہ واقعے میں شھید ہونے والوں کے لواحقین سراپا احتجاج بنے ہوئے ہیں ہمیں ان مظلومین کیساتھ آواز اٹھانی ہے اور ان ماوں بہنوں کی فریادوں کو حکومتی ایوانوں تک پہنچانا ہے۔

وحدت نیوز (لاہور) مجلس وحدت مسلمین پاکستان شعبہ خواتین کی مرکزی سیکریٹری جنرل اور رکن پنجاب اسمبلی محترمہ سیدہ زہر انقوی نے سانحہ مکران کوسٹل ہائی وے کی مذمت کرتے ہوئے اپنے ٹوئٹر پیغام میں کہاکہ بلوچستان اورماڑہ کے مقام پر دہشتگردوں نے جس سفاکیت سے نہتے مسافروں کا قتل عام کیا ہے اس کی جتنی بھی مذمت کی جائے کم ہے ،ریاست کوئٹہ سمیت بلوچستان بھر میں ان درندوں اور ان کے سہولت کاروں کیخلاف فوری بے رحمانہ آپریشن شروع کرے،رب کریم شہدا کی درجات بلند فرمائے آمین

وحدت نیوز(گلگت) ہمارے حکمرانوں کو دہشت گردنظر نہیں آرہے ہیں صرف دہشت گردی نظر آتی ہے۔اگر غلطی سے کہیں دہشت گرد پولیس کے ہاتھ لگ جائے تو تھانے سے ہی رہائی مل جاتی ہے اور اگرتھانے والوں سے ان بن ہوجائے تو پھر عدالتیں منہ چڑھاکر دہشت گردوں کو پاک صاف قرار دیکر باعزت بری کردیتے ہیں۔

مجلس وحدت مسلمین شعبہ خواتین کی رہنما ورکن گلگت بلتستان اسمبلی بی سلیمہ کا کہنا ہے کہ ملک میں ہزاروں سپاہیوں کی لازوال قربانیوں کے باوجود دہشت گردی ختم ہونے کا نام نہیں لے رہی ہے۔اس سے ظاہر ہوتا ہے کہ یا تو دہشت گردوں کا قلع قمع کرنا ہمارا ہدف نہیں یا پھر دہشت گردی کے خاتمے کے اقدامات درست نہیں وگرنہ کئی سالوں کی محنت اور قربانیوں کے باوجود مظلوم پاکستان اپنے پیاروں کی لاشیں اٹھانے پر مجبور نہ ہوتے۔سانحہ ہزار گنجی کوئٹہ میں ہونے والا یہ دھماکہ کوئی نئی بات نہیں اس سے قبل ہزارہ قبیلے پر سینکڑوں حملے کرکے خواتین،بچوں اور بزرگوں کو خون میں نہلادیا گیا اور اس قبیلے کے ہزاروں خاندان اندرون ملک وبیرون ملک ہجرت کرنے پر مجبور ہوگئے۔حکومت دہشت گردی کے ہرواقعے کے بعد ایک مذمتی بیان دیکر اپنی ذمہ داریوں سے بری الذمہ ہوجاتی ہے اور دہشت گرد موقع پاکر دوسری وارادت کرجاتے ہیں۔

انہوں نے کہا کہ حکومت کے پاس تمام تر وسائل موجود ہیں اور مٹھی بھر دہشت گردوں کا قلع قمع کرنا کوئی مشکل کام نہیں۔انہوں نے مزید کہا کہ پاکستان میں دہشت گردی کے تانے بانے امریکہ،اسرائیل،سعودی عرب اور انڈیا سے ملتے ہیں جبکہ سہولت کار ی کیلئے پاکستان میں ایک خاص مکتبہ فکر کے افراد استعمال ہوتے ہیں اور یہ سہولت کار نامعلوم نہیں بلکہ ان میں سے کچھ تو حکومت کی بغلوں میں بیٹھے ہیں ۔ہزارہ قبیلے کیساتھ غم اور دکھ کی اس گھڑی میں برابر کے شریک ہیں۔سانحہ ہزار گنجی میں شہید ہونے والوں کو اللہ جنت الفردوس میں جگہ دے اور لواحقین کو صبر عنایت کرے ۔

وحدت نیوز(لاہور) مجلس وحدت مسلمین پاکستان شعبہ خواتین کی مرکزی سیکریٹری جنرل اور رکن پنجاب اسمبلی محترمہ سیدہ زہرانقوی نے میڈیا سیل سے جاری بیان میں کہاکہ کوئٹہ ہزار گنجی دھماکے کی شدید الفاظ میں مذمت کرتے ہیں،کوئٹہ عوام کے لئے نوگوایریا اور دہشت گردوں کے لئے فری زون بن گیا ہے،سریاب روڈ پر دہشت گردوں کی رٹ قائم ہے،دہشت گردوں کی آزادانہ کاروائیوں میں تیزی تشویش ناک ہے،ملک دشمن دہشتگرد کسی قسم کی رعایت کے مستحق نہیں ہیں،دہشتگردوں کے سہولت کاروں کو قومی دھارے میں لانے کی پالیسی پر تحفظات ہیں،شہید ہونے والوں کے لواحقین سے اظہار تعزیت کرتے ہیں،کوئٹہ میں دہشتگرد عناصر کے خلاف فوج آپریشن ناگزیر ہو چکا ہے ۔

وحدت نیوز(گلگت) زینبؑ کبری اکیڈمی میں جشن ولادت باسعادت ابالفضل عباسؑ کا انعقاد کیا گیا جس میں علاقے کی خواتین اور بچیوں کی کثیر تعداد نے شرکت کی۔ جشن سے خطاب کرتے ہوئے ایم ڈبلیو ایم شعبہ خواتین گلگت ڈویژن کی سیکرٹری جنرل اور مرکزی سیکرٹری یوتھ محترمہ سائرہ ابراھیم نے خواتین سے خطاب میں کہا کہ اولاد کی بہترین تربیت و پرورش کے لیے ماؤں کا باشعور اور زمانے کے تقاضوں کے مطابق بچوں کی تربیت کے اسلوب سیکھنا ضروری ہے۔

 انھوں نے علاقے کی خواتین سے درخواست کی کہ وہ روز جمعہ کی درسی نشست میں لازما شرکت کریں تاکہ “جدید دور کے تقاضے اور ماں” کے عنوان سے جاری پروگرام سے مستفید ہو سکیں ان کا کہنا تھا بچیوں کے لیے جو احکام و اخلاق اور عصر حاضر کی ذمہ داریوں کے عنوان سے سنڈے کلاسز کا جو سلسلہ شروع ہے اسے پورے گلگت میں پھیلایاجائے،پروگرام کے آخر میں دعائے عرفہ بطور ھدیہ بچیوں میں تقسیم کی گئیں۔

وحدت نیوز(لاہور) مجلس وحدت مسلمین پاکستان فقط مذہب تشیع کی بنیاد پر نہیں بلکہ تمام مسالک اور غیر مسلم اقلیتوں کے حقوق کے تحفظ کے لیے بھی برسر پیکار نظر آتی ہے ،ان خیالات کا اظہار مجلس وحدت مسلمین پاکستان شعبہ خواتین ضلع لاھور کی سیکرٹری جنرل محترمہ حنا تقوی صاحبہ نے اقبال ٹاون لاھور میں یونٹ قائم کرنے کے موقع پر ایم ڈبلیو ایم کے اغراض ومقاصد بیان کرتے ہوئے کیا۔

 انھوں نے کہا کہ کسی بھی بڑے ھدف کی تکمیل کے لیے خواتین کا کردار بہت اہم ہوتا ہے اب وقت ہے کہ ملت کی خواتین بیدار و متحرک ہوں اور اور اپنی قوم و ملت کے حقوق کے دفاع اور ملکی سالمیت و استحکام کی جدوجہد میں اپنا کردار پیش کریں اور مجلس وحدت مسلمین پاکستان ان امور کی انجام دہی کے لیے بہترین پلیٹ فارم ہے ،آخر میں ولادت حضرت غازی عباس ع کی مناسبت سے فضائل و مناقب مولا عباس ع بیان کیے گئے۔

وحدت نیوز(کراچی) مجلس وحدت مسلمین پاکستان کے مرکزی ڈپٹی سیکریٹری جنرل علامہ سید احمد اقبال رضوی کا ایم ڈبلیوایم ضلع ملیر کے وفد کے ہمراہ مدرسہ جامعتہ الاطہار جعفرطیار کا دورہ، مدرسہ آمد پر پرنسپل مولانا مہدی علی دانش اور طلاب دینیہ نے انہیں خوش آمدید کہا، علامہ احمد اقبال رضوی نے خیر العمل ویلفیئر اینڈ ڈیویلپمنٹ ٹرسٹ شعبہ فلاح وبہبود مجلس وحدت مسلمین ضلع ملیر کی جانب سے ایک مرحومہ کے ایصال ثواب کیلئے مدرسہ جامعتہ الاطہار میں مسجد کی تعمیر کیلئے ایک لاکھ روپے نقد بطور عطیہ پرنسپل مولانا مہدی علی دانش کے سپرد کیئے، پرسنل مدرسہ حذا نے ایم ڈبلیوایم کی جانب سے خطیر رقم عطیہ کرنے پر شکریہ ادا کیا اور اپنی نیک خواہشات کا اظہار کیا اس موقع پر ایم ڈبلیوایم کے رہنما مولانا غلام محمد فاضلی، مولانا گلزار شاہدی ، احسن عباس رضوی،عارف رضا زیدی،  شعیب رضوی، سیدحسن عباس ، ممتاز مہدی ودیگر بھی موجود تھے۔

وحدت نیوز(گلگت) ڈسٹرکٹ جیل گلگت میں مقید علی رحمت کی رحلت ریاستی دہشت گردی ہے ۔علی رحمت کو بلاجواز رینجرز قتل کیس میں ملوث کرکے فوجی عدالت سے سزا دلوائی گئی ۔ملک کی عدالتیں انصاف کی فراہمی میں ناکام دکھائی دے رہی ہیں اور مجرم آزاد اور بیگناہ سزائیں کاٹ رہے ہیں۔مجلس وحدت مسلمین پاکستان شعبہ خواتین کی رہنما محترمہ سائرہ ابراہیم نے کہا ہے کہ قیدی علی رحمت اسیر بغداد امام موسی کاظم علیہ السلام کے نقش قدم پر چلتے ہوئے جام شہادت نوش کرگئے ہیں۔خانوادے سے دلی ہمدری اور تعزیت پیش کرتے ہیں۔

انہوں نے کہا کہ ڈسٹرکٹ جیل قیدیوں کے ساتھ امتیازی سلوک روا رکھا جارہا ہے جو کہ انسانی حقوق کی سنگین خلاف ورزی ہے۔شہید علی رحمت دل کے عارضے میں مبتلا تھے جنہیں علاج کی سہولت نہ دینا انتہائی ظلم اور زیادتی ہے اور حکومت نے بیلنس پالیسی کے تحت ان بیگناہ افراد کورینجرز قتل کیس میں ملوث کرکے فوجی عدالت سے سزادلوائی ہے جو کہ انصاف کے تقاضوں کے صریحاً خلاف ورزی ہے۔انہوں نے کہا کہ اسی جیل میں کئی اور قیدی اپنی بیماریوں سے جنگ لڑرہے ہیں جنہیں علاج کی اجازت نہ ملنے کی وجہ سے حالت انتہائی ناگفتہ بہ ہے۔حکومت ظلم وبربریت کی نئی مثالیں رقم کررہی ہے جو حکومت کے اپنے حق میں بہتر نہیں،لہٰذاحکومت تعصب کی روش ترک کرے اور انصاف کے تقاضے پورے کرتے ہوئے تمام بیمار قیدیوں کو علاج کی بہترین سہولتیں فراہم کرے ۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree