وحدت نیوز(سکردو) معروف ادیب و شاعر بابائے بلتی اخوند محمد حسین حکیم اور صوبائی وزیر زراعت و پارلیمانی لیڈر مجلس وحدت مسلمین گلگت بلتستان جناب میثم کاظم کی اساتذہ جامعۃ النجف سکردو کے ساتھ ایک ادبی نشست۔ جامعۃ النجف سکردو میں ایک مختصر اور پرمغز ادبی نشست برگزار ہوئی۔

اس ادبی نشست میں وزیر زراعت میثم کاظم نے کہا کہ عربی زبان کی طرح بلتی ادب بھی گہرائی، گیرائی اور فصاحت و بلاغت کے لحاظ سے ایک جامع زبان ہے۔ ہمیں اس زبان کی حفاظت کے لیے ہر ممکن کوشش کرنی چاہئے۔ آج کل جو بلتی عام طور پر بولی جاتی ہے اس میں دوسری زبانوں کے اختلاط کی وجہ سے اصل بلتی کی مٹھاس اور حلاوت میں کمی آ رہی ہے۔ بلتی زبان میں ایسے بہترین الفاظ موجود ہیں جن کا کماحقہ ترجمہ نہ انگلش میں ممکن ہے اور نہ فارسی اور عربی میں بلکہ ایسے الفاظ بلتی زبان کا خاصہ ہیں۔ بوا عباس جیسے شعرا نے اپنی شاعری کے ذریعے بلتی ادب کو چار چاند لگا دیے ہیں۔ بچے مادری زبان میں علمی نکات کو جس قدر درک کرسکتے ہیں اس قدر کسی اور زبان میں ہرگز درک نہیں کر سکتے۔

بابائے بلتی اخوند محمد حسین حکیم نے کہا کہ بلتی ادب کے رسم الخط میں ادباء کا اختلاف بلتی ادب کے فروغ میں ایک بہت بڑی رکاوٹ ہے۔ کسی  خاص رسم الخط پر تمام بلتی ادیبوں کو اتفاق کرکے متروک ہوتے ادبی الفاظ کو محفوظ کرنا چاہئے۔ ہماری قوم میں ادبی ذوق کا فقدان ہے۔ میں نے ہزاروں کی تعداد میں متروک ہوتے بلتی الفاظ اور اہم بلتی کلمات ذخیرہ الفاظ کی صورت میں صفحہ قرطاس کے سپرد کر رکھا ہے لیکن آج تک کسی نے اس حوالے سے پوچھا تک نہیں۔

مدرسہ ھذا کے استاد آغا سید محمد علی شاہ الحسینی نے کہا کہ بلتی رسم الخط بہت مشکل ہے۔ لہذا اردو رسم الخط ہی میں ہمیں بلتی ادب کو فروغ دینا چاہیے۔ جس طرح دوسرے صوبوں میں ان کی مقامی زبان بھی پڑھائی جاتی ہے اسی طرح ہمارے سکولوں میں بھی بلتی زبان و ادب کو باقاعدہ نصاب تعلیم میں شامل کیا جانا چاہئے۔ زندہ قومیں اپنی زبان کی حفاظت کیا کرتی ہیں۔ بلتی زبان میں جو مٹھاس اور جامعیت پائی جاتی ہے اس کی ثانی کسی دوسری زبان میں ملنا مشکل ہے۔ ہماری محافل و مجالس کا بلتی ادب کے فروغ میں کلیدی کردار رہا ہے۔ مختلف ادبی حلقے بھی بلتی زبان و ادب کی حفاظت اور فروغ میں بنیادی کردار ادا کر رہے ہیں۔ علی نوری اور وزیر سلمان سمیت دیگر شرکائے محفل نے بھی بلتی زبان کی اہمیت اور اس کے فروغ کے لیے مفید نکات پیش کیے۔

وحدت نیوز(لاڑکانہ) وحدت یوتھ ونگ لاڑکانہ ڈویژن کے صدر منصب علی کربلائی نے اپنے ایک مذمتی بیان میں کہا کہ احسن باکسر نامی شخص نے حجت خدا نواسہ رسول ﷺ فرزند زہرا س حضرت امام مہدی عج کی شان اقدس میں گستاخی کی ہے، جو ناقابل برداشت ہے۔حجت خدا ج نواسہ رسول ﷺ حضرت امام مہدی عج کے شان میں گستاخی کرنے والے ملعون احسن باکسر کو سرعام پھانسی دی جائے۔امام وقت کے شان میں استعمال کی گئی گھٹیا زبان پر ملت جعفریہ پاکستان کی دل آزاری ہوئی ہے ادارے کارروائی کریں، ملعون احسن باکسر کو گرفتار کرکے سزائے موت دیں۔

تفصیلات کے مطابق وحدت یوتھ ونگ ڈویژن لاڑکانہ کے صدر منصب علی کربلائی نے اپنے ایک جاری کردہ بیان میں کہا کہ لاہور سے ملعون احسن باکسر نامی شخص نے حجت خدا ج نواسہ رسول ﷺ فرزند زہرا س حضرت امام مہدی عج گستاخی کرکے ملت جعفریہ پاکستان کی دل آزاری کی ملعون احسن باکسر کی جانب سے فرزند زہرا س کے شان اقدس میں استعمال کی گئی گھٹیا زبان پر ملت جعفریہ پاکستان نے دکھ و غم کا اظہار کیا ہے۔

انہوں نے کہا کہ ملعون احسن باکسر نامی شخص کو گرفتار نہیں کیا گیا تو ملک بھر میں عزادار روڈوں رستوں پر نکلیں گے ہم جان تو دے سکتے ہیں لیکن حجت خدا ج نواسہ رسول ﷺ فرزند زہرا س کے شان اقدس میں ایک لفظ برداشت نہیں کرسکتے ہیں، انہوں نے مزید کہا کہ میں مجلس وحدت مسلمین پاکستان لاہور کے وکلاء و علماء کو بھی سلام پیش کرتا ہوں جنہوں نے فوراً ملعون کے خلاف ایف آئی آر درج کروائی اور گرفتار کروانے کے لئے کوشاں ہیں۔

وحدت نیوز(کوئٹہ)مجلس وحدت مسلمین بلوچستان کی صوبائی شوری کا اھم اجلاس صوبائی صدر علامہ سید ظفر عباس شمسی کی زیر صدارت صوبائی دفتر علمدار روڈ کوئٹہ میں منعقد ہوا اجلاس کے مہمان خصوصی مرکزی سیکرٹری تنظیم علامہ مقصود علی ڈومکی تھے۔ اجلاس میں بلوچستان بھر کے تنظیمی اضلاع اور اراکین صوبائی کابینہ شریک ہوئے۔ اجلاس میں ایم ڈبلیو ایم کے مرکزی رہنما علامہ سید محمد ہاشم موسوی نے الہی تنظیم کے اھداف کے موضوع پر درس دیا۔

علامہ سید ہاشم موسوی نے کہا کہ تنظیمی افراد کی اخلاقی و دینی تربیت ضروری ہے ایم ڈبلیو ایم ایک الہی جماعت ہے۔اس موقع پر اجلاس سے خطاب کرتے ہوئے علامہ مقصود علی ڈومکی نے کہا کہ ملک میں سیاسی کارکنوں کے خلاف وسیع پیمانے پر پکڑ دھکڑ کے ذریعے خوف کی فضاء قائم کی گئی ہے جس سے ضیائی مارشل لاء بھی شرما گئی ہے دس ہزار سیاسی کارکنوں کے خلاف مقدمات قید اور تشدد کا مقصد آزادی اظہار کا گلا دبانا ہے۔ موجودہ نام نہاد جمہوری حکومت نے بے مثال جبر و تشدد کے ذریعے اپنے سیاہ کارناموں میں اضافہ کیا۔

اس موقع پر صوبائی صدر علامہ سید ظفر عباس شمسی نے اجلاس سے خطاب کرتے ہوئے کہا کہ تمام اضلاع اور یونٹس کو صوبہ  اور مرکز کی جانب سے دیئے گئے پروگرام پر عمل درآمد کرنا لازمی ہے قائد وحدت کے حکم پر عنقریب اضلاع میں دورہ جات کے ذریعہ عوامی رابطہ مہم شروع کی جائے گی۔ قائد شہید علامہ عارف حسین الحسینی کی برسی تمام اضلاع میں بھرپور طریقے سے منائی جائے گی ایم ڈبلیو ایم میں کارکنوں کی تعلیم اور دینی تربیت کو خصوصی اہمیت حاصل ہے۔

اس موقع پر صوبائی جنرل سیکریٹری علامہ سہیل اکبر شیرازی نے ایم ڈبلیو ایم بلوچستان کی گزشتہ چار ماہ کی کارکردگی رپورٹ پیش کی۔اجلاس میں صوبائی سطح کے چار ماہی پروگرام کی منظوری دی گئی۔ اجلاس میں یونٹس کی فعالیت کے سلسلے میں نو نکاتی پروگرام پر عمل درآمد کو لازمی قرار دیا گیا۔