وحدت نیوز(پشاور) مجلس وحدت مسلمین خیبرپختواہ کے صدر علامہ جہانزیب علی جعفری نے دیگر رہنماؤں کے ہمراہ پشاور پریس کلب میں میڈیا کے نمائندگان سے گفتگو کرتے ہوئے کہا کہ ضلع کرم کے صدر مقام پارہ چنار سے 20 کلومیٹر کے فاصلے پر 4 مئی 2023ء کو ایک ناخوشگوار سانحہ پیش آیا۔ پہلے شریف نامی خروٹی قبیلے سے تعلق رکھنے والےڈرائیور پر فائرنگ ہوئی جس میں وہ شدید زخمی ہوئے اور جانبر نہ ہو سکے،اور شہید ہوگئے  اس کے چند منٹ بعد کچھ شرپسند عناصر نے یہ پروپیگنڈا شروع کیا کہ اہل تشیع کے علاقے میں ہمارے استاد کو مارا کیا گیا۔ تقریبا 30 منٹ کے اندر لوگ تری مینگل سکول میں جمع ہوئے اور شیعہ اساتذہ کو ڈھونڈنا شروع کیا۔ اساتذہ نے اسی اثناء میں اپنے قریبی رشتہ داروں، کچھ ہی میٹر پر واقع قریبی چیک پوسٹ اور اپنے ڈیپارٹمنٹ سمیت سب سے رابطے کئے کہ ہمارا محاصرہ کر لیا گیا ہے اور ہماری جانوں کو شدید خطرات لاحق ہوگئے خدارا ہماری جان بچائیں، چند میٹر کے فاصلہ پر چیک پوسٹ پر بڑے رینک کے افسران موجود تھے اس ساری صورتحال کا افسران کے علم میں آنے کے باوجود بھی اس پر انہوں نے کوئی نوٹس نہیں لیا اور نہ ہی کسی قسم کے کوئی حفاظتی اقدامات اٹھائے، حالانکہ سرکاری اہلکار پولیس اور فوجی جوان ان اساتذہ اور مزدوروں کو بچا سکتے تھے۔ مگر انکی عدم توجہی اور بے حسی پر افسوس کہ انہوں نے کسی بھی قسم کی کاروائی کرنے کی کوشش نہیں کی۔

 انہوں نے کہا کہ پہلے ان اساتذہ کو ایک ایک کر کے جسمانی تشدد کا نشانہ بنایا گیا اور پھر انہیں پکڑ کر اسٹاف روم میں اکٹھا کر کے سب کو ایک دوسرے کے سامنے گولیاں مار کر بے دردی سے شہید کر دیا گیا اور میتوں کی کی بے حرمتی پر مبنی توہین آمیز ویڈیوز بجاتے رہے۔تقریباً 2 بجکر 30 منٹ پر جب شہادت کی خبر پارہ چنار شہر میں پہنچی تو قومی سطح پر انتظامیہ نے فوج سے رابطے شروع کیئے کہ جنازے لائے جائیں مگر افسوس سے کہنا پڑتا ہے کہ پولیس اور فوج کے جوان جب جنازے لینے گئے تو ان پر بھی فائرنگ کی گئی اور اس دوران ان لاشوں کی بنائی گئیں ویڈیوز سوشل میڈیا پر شیرکرتے رہے۔ جس سے متاثرہ خاندانوں اور علاقے میں غم وغصہ کی لہر دوڑ گئی۔

ان کا کہنا تھا کہ قومی مشران و عمائدین بشمول مجلس وحدت مسلمین کے میئر آغا مزمل حسین فصیح نے جوانوں کے جذبات کو کنٹرول کرنے کی حتی الامکان کوشش کی تاکہ کوئی اور سانحہ  رونما نہ ہو حالانکہ پارہ چنار کے ہر علاقے میں کنسٹریکشن، ہوٹلینگ اور دیگر کام عروج پر ہیں جس میں زیادہ تر کام کرنے والے افراد کا تعلق دوسرے مکتب فکر سے ہے، مگر ان کا مسئلہ صرف پارہ چنار کے ایک قبیلہ مینگل سے تھا لہذا ان کو کسی نے نقصان نہیں پہنچایا،آگ کو مزید بھڑکانے کے لئے ان دہشت گردوں نے لاشیں دینے سے بھی انکار کیا۔ پولیس اور فوجی جوانون پر بھی فائرنگ کی ۔جب 3 گھنٹے سے زائد کا وقت گزرنے کے بعد جنازے اٹھانے 1122 کے اہلکار گئے تو تب تک جنازوں پر کلہاڑیوں اور چاقوؤں سے وار کر کے گلے اور دیگر اعضاء کو کاٹے گئے تھے۔سید مہدی حسن جو ایم فل استاد تھے انکی آنکھوں کو نکال دیا گیا تھا، ایک استاد کی لاش کو آگ کو آگ لگائی گئی تھی۔ لاشوں کو ناقابل بیاں حد تک بے حرمتی کی گئی تھی۔

ان کامزید کہنا تھا کہ اس سارے واقعے کا مختصر سا پس منظر آپ کے سامنے رکھا ہے جس سے آپ حکومت اور تری منگل قبیلے کی بے حسی کا اندازہ لگا سکتے ہیں، طوری قوم میں 7 بے گناہ پامال شدہ جنازے آئے تو تو ایک لاکھ سے زایدکی تعداد میں لوگوں نے اجتماعی جنازے اور پرامن آجتجاج ریلی میں شریک ہوئے ضلع بھر استایزہ اور دیگر سرکاری ملازمین نے بھی احتجاجی جلسے اور ریلی نکالی۔کسی قسم کے پبلک پراٹی کو کوئی نقصان نہیں پہنچایا مگر وہاں کے عوام کی جانب سے امن کو قائم رکھنے کے لئے کچھ مطالبات رکھیں ہیں جو کسی بھی حکومت سے ایسے پرامن مطالبات کرنا حق بھی اور حکومت کی آئنی زمہ داری بھی ہے کہ وہ ان کے جائز مطالبات پر عمل کرے۔

1۔ وہ کونسے عناصر تھے جہنوں نے خروٹی قبیلے کے فرد کو منگل قبیلے کا استاد ظاہر کرکے دہشت گردوں کو جمع کیااور اپنے مہمان اساتذہ کو قتل کروایا۔
لہذا اس سارے واقعے کے متعلق جوڈیشل کمیشن بنا کر شفاف اور بغیر کسی دباؤ کے تحقیقات کروا کر حقائق کو سامنے لایا جائے۔
2۔ ان اساتذہ کو اس دن سختی سے پرنسپل سید محمد نے فون کرکے بلایا اور چھٹی بھی لیٹ کی گئی، پرنسپل سید محمد کو شامل تفتیش کرکے مطلوبہ حقائق قوم کے سامنے رکھے جائیں۔
3۔ جب اساتید کو محاصرے میں لے لیا گیا تب ہر جانب رابطے ہوئے سکول ڈیوٹی پر موجود پولیس اہلکار و دیگر چوکیداروں نے اپنی زمہ داری بروقت کیوں نہیں نبھائی لہذا ان سب کو بھی گرفتار کرکے شامل تفتیش کیا جائے۔
4۔ چند میٹر کے فاصلے پر چیک پوسٹ موجود ہے، فوج کو جہاں بھی حالات کی نزاکت کو بھانپتے ہوئے ڈی سی کے اختیارات استعمال کرنے کی اجازت ہے۔ آخر انہوں نے ٹیچرز کو ریسکیو کیوں نہیں کیا، پولیس تھانے کا کردار بھی مشکوک رہا، لہذا سب افسران کو معطل کرکے وسیع انکوائری کرائی جائے اور حقائق کو سامنے لایا جائے۔
5۔ قاتلوں کو ابھی تک گرفتار نہیں کیا جا سکا اور ایف ائی آر بھی نامعلوم کے خلاف درج کی گئی ہے، ڈیوٹی پر موجود پرنسپل، اساتذہ، کلاس فور کے ملازمین، پولیس اہلکار سمیت اسٹوڈنٹس کو بھی شامل تفتیش کرکے معلوم دہشتگردوں کے خلاف ایف آئی آر وارثین کی مدعیت میں درج کی جائے۔
6 ۔ پارہ چنار کے اساتذہ کو جو دوسرے علاقوں میں ڈیوٹیاں انجام دے رہے ہیں انکی سیکورٹی کے لئے بھی اقدامات کئے جائیں۔
7۔ محکمہ تعلیم کے ڈی او نے ابھی تک جس غفلت اور بے اعتنائی کا مظاہرہ کیا ہے اس کے خلاف بھی تحقیقات کرکے ضلع بدر کرتے ہوئے فوری طور پر معطل کیا جائے۔
8۔4 مئی کو سانحہ تری منگل کے بعد آج تک ٹل پاراچنار روڈ ہر قسم کے امد رفت کے لئےبند ہے۔ پاراچنار میں غذائی قلت غزا جیسے ماحول بن چکاہے۔ پاراچنار سے روزانہ ہزاروں لوگ جس میں مریض۔مخلتف جگہوں پر ڈیوٹی دینے والے جاب ہولڈرز یا دیگر طبقات سے تعلق رکھنے والے افراد جو ہمشہ سفر کرتے تھے۔پھنس کررہے گئے۔یہاں سے پاراچنار اور پاراچنار سے پشاور سفر تقریبا بند ہوچکا ہے۔ ہم حکومت سے یہ بھی مطالبہ کرتے ہیں کہ ٹل پاراچنار روڈکو ہر قسم کے آمد رفت کے لئے کھول دیا جائے۔ پہلے کے طرح ہر کلومیٹر پرچیک پوسٹ بناکر روڈ کو محفوظ بنایا جائے۔

وحدت نیوز(اسلام آباد)وائس چیئرمین مجلس وحدت مسلمین پاکستان علامہ سید احمد اقبال رضوی نے میڈیا سیل سے جاری اپنے بیان میں کہا ہے کہ اس وقت وفاقی دارالحکومت کے عین قلب میں دفعہ 144 کی دھجیاں اڑائی جا رہی ہیں، اس دوہرے معیار کی شدید مذمت کرتا ہوں انکو شرم آنی چاہیے، حکومت کی جانب سے کھلم کھلا قانون کی خلاف ورزی کی گئی ہے، امپورٹڈ حکومت نے انصاف کے اداروں کی بے حرمتی کو اپنا طرہ امتیاز بنا لیا ہے، آئین کی پاسداری کی بجائے بے توقیری ہو رہی ہے، ملکی وقار اور اعلیٰ عدلیہ کے تقدس کو پامال کرنے والے ہی پارلیمنٹ میں آئینی تحفظ کا راگ کس منہ سے الاپ رہے ہیں۔ اعلیٰ عدلیہ کی توہین کرنا ان نااہلوں کا وطیرہ بن چکا ہے۔ اب اسلام آباد کی پولیس کہاں ہے، یا تو پارہ چنار کے مظلوم اساتذہ کے بہیمانہ قتل کے خلاف پرامن احتجاج کرنے والوں پر ایف آئی آر درج کی جاتی ہے۔

انہوں نے کہا کہ پورے ملک سے ڈنڈا اور لٹھ بردار بلوائیوں کو جمع بلوا کر سپریم کورٹ کے سامنے جمع کر دیا گیا ہے، ججز کی توہین پر مبنی بیانات جاری کر کے ان پر دباؤ ڈالنے کی مذموم کوشش ہو رہی ہے، ان ساری بھونڈی حرکتوں سے ملک وقوم کی کون سی خدمت ہو رہی ہے، پی ڈی ایم جماعتوں کا ٹولہ صرف اور صرف اپنے اپنے ذاتی مفادات کے تحفظ کے لیے سرگرداں ہے، عوامی مفاد سے انکا کوئی لینا دینا نہیں ہے، عوام بھی انکے تمام حربوں اور منفی ہتھکنڈوں سے واقف ہے، یہ حکومتی اتحاد اور انکے سہولت کاروں کی بے بسی ہے کہ حکومت اپوزیشن کے خلاف دھرنا دینے پر مجبور نظر آتی ہے۔

انہوں نے کہا کہ ہمارے ملک کی صورتحال ہر گزرتے دن کے ساتھ بحران زدہ ہوتی جا رہی ہے، حکومت ریاستی طاقت کے بل بوتے پر بنیادی انسانی حقوق کو سلب کرنے میں کوئی کسر نہیں چھوڑی گئی، اظہار رائے کو دبا کر آئینی حق تلفی کر کے یہ کیا ثابت کرنا چاہتے ہیں، خواتین اور بچوں کو گھسیٹتے ہوئے ان پر لاتوں،مکوں اور تھپڑوں کی بوچھاڑ کرنا کس تہذیب و معاشرت میں روا ہے، یہ حکمران خوفزدہ ہو کر بوکھلاہٹ کا شکار ہیں اور اس حالت میں ملک اور قوم کے لیے نت نئی مشکلات کھڑی کر رہے ہیں، جبکہ یہ اچھی طرح جانتے ہیں کہ ملک میں جب تک بروقت الیکشنز نہیں کروانے جائیں گے حالات سدھرنے والے نہیں اور عوام کا غم وغصہ بڑھتا جائے گا۔

وحدت نیوز(اسلام آباد)چیئرمین مجلس وحدت مسلمین پاکستان علامہ راجہ ناصر عباس جعفری نے 16 مئی یوم مردہ باد امریکہ و اسرائیل کی مناسبت سے اپنے بیان میں کہا ہے کہ امریکہ نے جس ناجائز صہیونی ریاست کی بنیاد رکھی وہ اپنے زوال کی طرف تیزی سے بڑھ رہی ہے، غاصب اسرائیل کی ظالمانہ اور جابرانہ کاروائیوں کی اندھیری رات چھٹنے والی ہے، غزہ کے مظلوموں پر گزشتہ ایک ہفتے تک جاری رہنے والی حالیہ بمباری امریکہ اور اس کے گماشتوں کی ایماء پر ہوئی ہے، جس میں بچوں، بوڑھوں، خواتین اور جوانوں کی شہادت پر دلی افسوس ہوا ہے جس کی شدید مذمت کرتا ہوں اور ان حملوں نے فلسطینی مظلومین کی تحریک مقاومت کو تقویت ملی ہے، اس سے بڑی ہزیمت اور ندامت کیا ہو گی کہ اسرائیل نے خود ہی غزہ پر جنگ مسلط کی اور خود ہی جنگ بندی پر مجبور ہو گیا۔ افسوس ناک پہلو یہ ہے اقتدار کے نشے میں مست پاکستان کے حکمران اس ساری صورتحال سے غافل رہے اور کسی نے ان حالیہ مظالم کی مذمت تک نہیں کی، ان بے حس حکمرانوں نے اپنی عوام کے لئے ملک کو فلسطین بنا دیا ہے۔

انہوں نے کہا کہ اسرائیل جیسی غاصب و ناجائز ریاست اور سرپرست امریکہ کو مشرق وسطی کے امن سے سخت تکلیف ہے، چین کی سربراہی میں ہونے والے سعودی عرب، ایران امن معاہدہ امریکہ و اسرائیل کو انتہائی ناگوار گزرا ہے، اس معاہدے نے امریکہ اور اس کے حواریوں کو عالمی سیاست میں غیر مؤثر کر دیا ہے، اسرائیل کے حالیہ پرتشدد، حملوں اور غیر انسانی سلوک پر دنیا کے نام نہاد انسانی حقوق کے اداروں کی مجرمانہ خاموشی شرمناک ہے، عالمی برادری کی طرف سے اسرائیل کے بہیمانہ اور وحشیانہ ظلم وبربریت اور خلاف ورزیوں کو نظر انداز کرنا قابل مذمت ہے اور ان اداروں کا دوہرا معیار ناقابل قبول ہے، ظلم جب بڑھتا ہے تو مٹ جاتا ہے ان مظالم نے فلسطینی مظلومین کو متحد اور مضبوط کر دیا ہے، اسرائیل کے تسلسل سے جاری مظالم سے چشم پوشی بین الاقوامی چارٹرز کی کھلم کھلا خلاف ورزی ہے۔